வழக்கு எண் 18/9 - உண்மையிலேயே உலகத்தரத்திலான படம்தானா?

அண்மையில் வழக்கு எண் 18/9 ஐப் பார்க்கும் வாய்ப்புக் கிடைத்தது(கள்ளமாகத்தான் !!). பலரும் அதை ஆகா ஓகோ என்று புகழ்ந்து தள்ளியிருந்ததால், அப்படி என்னதான் இயக்குனர் சொல்லியிருக்கிறார் பார்க்கலாம் என்றெண்ணிப் பார்க்கத் தொடங்கினேன்.

படம் முழுவதும் வழமைபோல வறுமை கொடிகட்டிப் பறந்தது. பெற்றோரின் வறுமை, வேலைக்குச் சிறுவயதில் போகும் பிள்ளை, வேலையிடத்தில் முதலாளியின் தொல்லை, திரையில் காட்டாத பெற்றொரின் மரணம், வேலையை விட்டு ஓடும் கதாநாயகனுக்கு உதவி செய்யும் விலை மாது.

இப்படியே கதை நகர்கிறது. இடையிலே வரும் கதாநாயகனின் இன்னொரு ஏழை மீதான காதல். இவர்களின் கதையை ஒட்டியே வளரும் இன்னொரு நடுத்தர வர்க்க மாணவியினதும், அவளை நிர்வாணமாகப் படமெடுக்கவென்றே அலையும் இன்னொரு மேட்டிக்குடி மாணவனிதும் கதை.

மேட்டுக்குடி மாணவனின் உண்மை முகத்தைக் கண்டுகொண்ட நடுத்தர வர்க்க மாணவி அவனை விட்டு விலகியோட, அவளது முகத்தில் திராவகம் ஊற்றவென வந்து அவளது வீட்டில் வேலை பார்க்கும் ஏழை மீது ஊத்தப்படுகிறது ஆஸிட். ஊற்றியவனை போலீஸ் தேட ஏழைக் கதாநாயகன் மாட்டுப்படுகிறான். ஆரம்பத்தில் நல்லவனாகத் தெரிந்த பொலீஸ் அதிகாரிகூட மேட்டுக்குடி காசுக்காக ஏழையக் காட்டிகொடுத்துவிட்டு ஊற்றியவனை விடுதலை செய்கிறான்.

உண்மையை அறிந்த ஏழைப் பெண்ணோ அந்த பொலீஸ் அதிகாரி மீதே ஆஸிட் ஊத்திவிட்டு ஜெயிலிக்குப் போகிறாள்.

இதிலெங்கே உலகத்தரம் வந்தது. ஆளாளுக்கு செம பில்ட் அப் கொடுத்தார்களே, இறுதிவரை அந்த உலகத்தரப் படத்தை காட்டாதபடியால் அந்த இயக்குனர் மேல் கொலைவெறியில் இருக்கிறேன் !@!!

இப்ப வருகின்ற குப்பைப் பட‌ங்களோட‌ ஒப்பிடுகையில் இந்தப் பட‌ம் குறைந்த செலவில் எடுக்கப்பட்ட நல்ல பட‌ம்

படத்தின் கதை ரதி சொன்னதை போல இப்போது வரும் படங்களை விட பெட்டெர் என்றாலும் படத்தின் ஸ்க்ரீன் ப்ளே மற்றும் அந்த மென்மையான / உண்மையான காதல், கிளைமாக்ஸ் இல் வரும் பாடல் போன்றன படத்தை மனதில் ஒட்ட வைக்கின்றன. தொழிநுட்ப ரீதியில், இசையில் படத்தில் கொஞ்சம் முன்னேற்றம் தேவை என்று நினைகிறேன். பாலாஜி சக்திவேல் ஒரு திறமையான இயக்குனர் என்ற படியால் தான் நானும் படத்தை பார்த்தேன். எனக்கு படம் பிடித்திருந்தது.

இதிலெங்கே உலகத்தரம் வந்தது.

அது பார்ப்பவர்களின் கண்களில் தான் உள்ளது.

உலகத்தரம்?.ஒரு தமிழ்படம் உதாரணம்.

மிகவும் மகிழ்சியாக உள்ள்ளது சினிமாவிற்கான கருத்திலாவது ஒற்றுமையாக உள்ளார் சகோதரன் அர்ஜுன் .

உலகத்தரம்?.ஒரு தமிழ்படம் உதாரணம்.

எந்திரன்

இந்தப் படத்தைப் பார்க்கவில்லை. இதனைப் பற்றிக் கருத்துக் கூற முடியாது.

அந்தக் காலத்தில் இருந்து அடிக்கடி 'உலகத் தரம்' உலகத் தரம் என்று வியாபாரத்திற்காக எடுத்து விடுவார்கள். படங்கள் திரையிடும் நேரத்தில் கலகலப்பாக இருந்து கல்லாவை நிரப்பும். மற்றும்படி எந்தப் படமும் உலக மக்களின் கவனத்தை ஈர்ந்ததாகத் தெரியவில்லை.

உலகம் பார்த்து ரசித்த சிறந்த படங்களின் தொழில் நுட்பங்களையே பிரதியெடுத்து சீர்படுத்தினால் உலகத் தரம் வாய்ந்ததது என்று நினைக்கிறார்களோ தெரியவில்லை.

பலரின் விமர்சனங்களை படித்த பின்னர் இந்த படத்தை பார்த்தேன் எனக்கென்னமோ அங்காடித்தெரு படம் மனதில் ஒட்டிய அளவிற்கு இந்தப்படம் ஒட்டவில்லை. மற்றபடி உலகத் தரம் என்பதற்கு வெகு தூரம்.. உலக தரத்தில் படமெடுப்பதானால் முதலில் ஈரானிய ..பிரெஞ்சு .. யெர்மன் கலைப்படங்களை பார்த்து கற்றுக்கொள்ள வேண்டும். அடுத்தாக வியாபார ரீதியாக அமெரிக்க இங்கிலாந்து படங்களை பார்க்வேண்டும். இல்லாட்டி இரண்டும்கெட்டான்தான்.

களவாகப்பார்க்காமல் காசுகொடுத்து பார்த்திருப்பின், உலகத்தரத்தை கண்ணுற்றிர சாத்தியம் உள்ளது?