தாத்தா ஒருவர் மும்முரமாக அன்றைய செய்தித்தாள் வாசித்துக்கொண்டிருந்தார். அவரின் சிறுவயது பேத்தி அவரிடம் அவ்வப்பொழுது தொந்திரவு செய்து செய்திதாளில் கவனம் செலுத்த இயலாமல் நச்சரித்துக் கொண்டிருந்தாள்.

 

அவளின் தொந்திரவிலிருந்து விடுபட, தாத்தா ஒரு காரியம் செய்தார். செய்தித்தாளின் ஒரு பகுதியில் வெளியாகியிருந்த உலக வரைபடத்தை சிறுதுண்டுகளாகக் கிழித்து அவளிடம் கொடுத்து, " நீ உன் அறைக்குச் சென்று இதை மறுமடியும் ஒன்றுசேர்த்து சரியான வரைபடமாகக் கொண்டு வாம்மா.." என அனுப்பி வைத்தார்.

அனுப்பி வைத்தவர், 'ம்..யப்பாடி, இனி நிம்மதியாக தொந்திரவு இல்லாமல் செய்த்திதாளில் கவனம் செலுத்தலாம்...முழு உலக வரைபடத்தையும் ஒன்று சேர்ப்பதற்கு எப்படியும் ஒருநாள் முழுவதும் அவளுக்கு தேவைப்படும்' என எண்ணியவாறு நிம்மதியாக வாசிக்கத் தொடங்கினார்.

ஆனால் என்ன ஆச்சரியம்?

 

பேத்தி இரண்டே நிமிடத்தில் முழு உலக வரைபடத்தையும் கன கச்சிதமாக இணைத்து ஆர்வமுடன் ஓடிவந்து தாத்தாவிடம் காண்பித்தாள்.

வியப்பும், குழப்பமுமடைந்த தாத்தா,"எப்படியம்மா, இவ்வளவு சீக்கிரம் சரியாக செய்து முடித்தாய்?" என வாஞ்சையுடன் வினவினார்.

துறுதுறுப்புடன் சிரித்த குழந்தை, "ஐயோ...தாத்தா.. நீங்க கிழித்துகுடுத்த தாளின் பின்புறம் ரஜினி அங்கிளின் முகப் படம் இருந்திச்சி..அதை சரியாக ஒன்று சேர்த்தேன், உலக படம் வந்திடிச்சி!" என துடிப்புடன் கூவி தாத்தாவை ஆச்சரியத்தில் ஆழ்த்திவிட்டு விளையாடச் சென்றாள் பேத்தி.

 

நம் வாழ்க்கையும் அப்படித்தான்... நம் ஒவ்வொரு அனுபவங்களுக்கும் மறுபக்கம் உண்டு..

எப்படிபட்ட துன்பத்திலும், சிக்கலிலும் மன தளராமல் அவற்றை சீர்தூக்கி ஆராய்ந்தால், அதன் மறுபக்கத்தில் அவற்றை சரியாகக் கையாள வழியும் நிச்சயம் இருக்கும்.

 

 

-நண்பர் சொன்னது.

இணைப்புக்கு நன்றி

உண்மைதான்.. ஆனால் சிக்கல்கள் வரும்போது முதலில் தொலைப்பது ஆற அமர்ந்து சிந்திக்கும் தன்மையை. இதை சரியாக்கிவிட்டால் பல சிக்கல்களை இலகுவாக தீர்கக முடியும்.

உண்மைதான்.. ஆனால் சிக்கல்கள் வரும்போது முதலில் தொலைப்பது ஆற அமர்ந்து சிந்திக்கும் தன்மையை. இதை சரியாக்கிவிட்டால் பல சிக்கல்களை இலகுவாக தீர்கக முடியும்.

 

அதற்குத் தான் இடுக்கன் வரும்போது சற்றே பதற்றப்படாமல் சிந்திக்க வேண்டுமென குறளோன் சொல்லியுள்ளார்.

 

ஒவ்வொரு மனிதனுக்கும் வாழ்க்கையில்  பல முறை உபயோகபடகூடிய விடயத்தை மிவவும் அற்புதமாக  சிறிய கதை துணுக்கு மூலம் இணைத்துள்ளீர்கள்.  நன்றி

இன்றைய  பிள்ளைகளின்  புத்திசாதுர்யம் என்பது வியக்கவைப்பது..

வரலாறுகளை

அதிலும்  தாயக வரலாறுகளைக்கூறும் போது மிகவும் நிதானமாகவும்

நேரமெடுத்தும் எதுவித மெருகேற்றலுமற்றுத்தான் மக்களுடன் பகிர்ந்து கொள்வேன்

காரணம் அதுவே அவர்களை  தள்ளி  வைத்துவிடக்கூடும்

இன்றைய  பிள்ளைகளின்  புத்திசாதுர்யம் என்பது வியக்கவைப்பது..

வரலாறுகளை

அதிலும்  தாயக வரலாறுகளைக்கூறும் போது மிகவும் நிதானமாகவும்

நேரமெடுத்தும் எதுவித மெருகேற்றலுமற்றுத்தான் மக்களுடன் பகிர்ந்து கொள்வேன்

காரணம் அதுவே அவர்களை  தள்ளி  வைத்துவிடக்கூடும்

 

 

தாயகம் சம்பந்தமாக அவர்கள் செய்தவற்றையும் இங்கு எழுதினால், மற்றவர்களுக்கும் பயனுள்ளதாக இருக்கும்.