தந்தையாகப் போகிறீர்களா? ஒரு குட்டி அட்வைஸ்

 

 

தாயாக போகும் பெண்களை விட, தந்தையாக போகும் ஆண்களுக்கு தான் பயம் கலந்த சந்தோஷம் இருக்கும்.

 

ஏனெனில் பெண் என்பவள் ஒரு கருவை தனது வயிற்றில் சுமக்கிறாள். ஆனால், ஆண் மனைவியோடு சேர்த்து தனது குழந்தையையும் மனதில் சுமக்கிறார்.

 

இந்த இரண்டு உயிர்களையும் எப்படியாவது காப்பாற்றிவிட வேண்டும் என்ற அச்சம் அவர்களுக்குள் இருந்து கொண்டே இருக்கும்.

 

ஆனால் பயங்களை எல்லாம் போக்கி, ஒரு நல்ல தந்தையாக விளங்குவதற்கு தயார்படுத்திக்கொள்வது அவர்களின் கடமையாகும்.

 

1. தந்தையாக போகும் ஆண்கள், தங்கள் குழந்தைக்காக பாதுகாப்பான முறையில் வீட்டினை மாற்றி அமைத்துக்கொள்வது நல்லது.

 

2. அலுவலக வேலை மற்றும் சொந்த வாழ்க்கையை சமமாக சமாளிப்பது என்பது ஒவ்வாரு தந்தையும் சந்திக்கும் முக்கிய சவாலாகும்.

 

3. அதுவும், புதிதாக தந்தையாகப்போகிறவர்கள் இதனை சமாளிக்கும் மனப்பக்குவத்தை வளர்த்துக் கொள்ள வேண்டும்.

 

4. குழந்தை வந்தாலே தந்தையின் வாழ்க்கையில் பல மாற்றங்கள் ஏற்படும். குழந்தை பிறந்த நேரத்தில், அதற்கென அதிக நேரம் மற்றும் கவனம் செலுத்த வேண்டியிருக்கும். அதனால் உங்கள் மனைவி உங்களிடம் அன்யோநியமாக இல்லாமல் போகலாம்.

 

ஏனெனில் குழந்தையை பார்ப்பதற்காக அவர்கள் நேரத்தை செலவிடுவதால், களைப்பும், உளைச்சலும் ஏற்படும். ஆனால் இது நிரந்தரம் அல்ல. குழந்தை வளர வளர இது மெதுவாக மாறும். அதற்கு உங்களிடம் பொறுமை இருக்க வேண்டும்.

 

5. பெற்றோராக மாறிய பின் பொறுப்புகள் கூடுவதால், அதற்கென செலவிடும் நேரமும் அதிகமாகும். அதனால் தங்களின் பொது வாழ்க்கை பாதிக்கப்படும் என்ற பயத்தில் இருக்கும் ஆண்கள் அதனை தூக்கி எறிந்துவிட்டு சமாளிக்கும் மனப்பக்குவத்தை வளர்த்துக்கொள்ள வேண்டும்.

 

6. பிறக்கும் குழந்தைக்கு நாம் ஒரு நல்ல தந்தையாக விளங்குவோமா என்கிற பயம் இருக்கும். ஆதலால் நல்ல தந்தையாக விளங்குவதற்கான தனித்திறமைகளை முன்கூட்டியே வளர்த்துக்கொள்வது நல்லது.

 

தந்தையாகப்போகும் ஆண்களுக்கு பல்வேறான கவலைகள் எழுந்தாலும், கவலைகளை களைந்துவிட்டு தங்களை ஒரு நல்ல தந்தையாக வளர்த்துக்கொள்வதற்கான வழிமுறைகளை கடைபிடிப்பது நல்லது.

 

 

 

 

http://tech.lankasri.com/view.php?222Q093c203PnBZc4e2SKOlJacbeegAAbddec4MMM0bcddlOS0e4d5BnB32034r90o43

எவ்வளவுக்குத் தந்தையார் தன்னைத் தயார் படுத்தினாலும்.. முடிவில் 'தாயார்'  அடிக்கொரு தரம் தான் பெத்த பிள்ளை என்று கதையை முடித்து விடுவார்!

 

அறிவுரைக்கு நன்றி..!

 

நெடுக்கர்/ சுபேஸ்/ நந்தன்.. போன்ற இளசுகளுக்கு உதவியாய் இருக்கும்!

எவ்வளவுக்குத் தந்தையார் தன்னைத் தயார் படுத்தினாலும்.. முடிவில் 'தாயார்'  அடிக்கொரு தரம் தான் பெத்த பிள்ளை என்று கதையை முடித்து விடுவார்!

 

அறிவுரைக்கு நன்றி..!

 

நெடுக்கர்/ சுபேஸ்/ நந்தன்.. போன்ற இளசுகளுக்கு உதவியாய் இருக்கும்!

 

அதுகும்... பிள்ளை, 9 மாதத்தில் பிறந்து இருந்தாலும்....

தான்.... பத்து மாதம் சுமந்து பெத்த பிள்ளை என்று சொல்லி.... எமது வாயை, அடைத்து விடுவார்கள். 

எவ்வளவுக்குத் தந்தையார் தன்னைத் தயார் படுத்தினாலும்.. முடிவில் 'தாயார்' அடிக்கொரு தரம் தான் பெத்த பிள்ளை என்று கதையை முடித்து விடுவார்!

அறிவுரைக்கு நன்றி..!

நெடுக்கர்/ சுபேஸ்/ நந்தன்.. போன்ற இளசுகளுக்கு உதவியாய் இருக்கும்!

தெய்வமே..........என்னையும் இளசென்று சொல்லி உச்சந்தலையில நாலு முடியை முளைக்கப்பண்ணியதுக்கு.,கோடாணுகோடி நன்றி தெய்வமே

மிக மிக முக்கியமானது, தந்தையாகப் போகிறவர், எத்தனை பெரிய சொந்த வேலை இருந்தாலும் அவற்றை ஒதுக்கிவிட்டு மனைவிக்கு பிரசவ வலி தொடங்கியவுடனே எப்பொழுதும் மனைவியின் அருகிலேயே இருக்கவேண்டும்..

 

பிரசவத்தின் போது கணவனின் அருகாமையே மிகப்பெரிய மன பலத்தையும், மகிழ்ச்சியையும், மனைவிக்கு கொடுக்கும்..

 

எனது குழந்தைகள் பிறக்கும்பொழுது மருத்துவமனையில் பிரசவ அறைக்கு வெளியே நல்லபடியாக முடியவேண்டுமேயென்ற தவிப்புடன் அலைந்ததும், 'குவா...' என்று எனது குழந்தை வீரிட்டு அழுதவாறே பிறந்தபோது, எம் உடலில் ஏற்படும் புல்லரிக்கும் பரவசத்தையும், நர்ஸ் குழந்தையை வெளியே கொண்டுவந்து உங்கள் குழந்தை எனக் காட்டியபோதும், எனது குழந்தையை முதன்முதலில் தொட்டபோதும் ஏற்பட்ட பரவசத்தை வார்த்தைகளால் எழுத இயலாது, அந்த உணர்வை அனுபவித்தாலே புரியும்..

 

வாழ்க்கையின் என்றுமே மறக்காத, மிக முக்கிய.. இனிமையான தருணம் அது..

தெய்வமே..........என்னையும் இளசென்று சொல்லி உச்சந்தலையில நாலு முடியை முளைக்கப்பண்ணியதுக்கு.,கோடாணுகோடி நன்றி தெய்வமே

 

 

இதைத்தான் நானும் எழுதவந்தேன்..

 

ஆனாலும் என்னை இதிலிருந்து ஒதுக்கியதை மன்னிக்கமுடியாது...  

முதன்முதல் பிள்ளையை கையில் ஏந்தும் அந்தக்கணம்தான் வாழ்க்கையில் சாஸ்வதம்...!