அப்பா, அண்ணா, அச்சச்சோ ஆகியன இனி ஆங்கில வார்த்தைகள்: அகராதியில் சேர்த்தது ஆக்ஸ்போர்ட்

 

---

 

அப்பா, அண்ணா, அச்சச்சோ ஆகிய வார்த்தைகள் ஆங்கில வார்தையாக ஆக்ஸ்போர்ட் அகராதியில் இடம்பெறுகிறது.

உலகின் முக்கிய மொழிகளில் அதிகமாகப் பயன்படுத்தப்படும் வார்த்தைகளை தமது அகராதியில் உட்புகுத்துவதை ஆக்ஸ்போர்ட் பல்கலைக்கழகம் வழக்கமாக செய்து வருகிறது.

மார்ச், ஜூன், செப்டம்பர், டிசம்பர் மாதங்களில் இவ்வாறான வார்த்தைகளை சேர்க்கும் நடவடிக்கை இடம்பெறுவது வழக்கம்.

இந்த ஆண்டு இதுவரை உலகின் பல மொழிகளில் உள்ள சுமார் ஆயிரம் வார்த்தைகள், ஆங்கில வார்த்தைகளாக ஆக்ஸ்போர்ட் அகராதியில் இடம்பிடித்துள்ளன.

இந்த நிலையில், ஆக்ஸ்போர்ட் ஆங்கில அகராதியின் புதிய பதிப்பு கடந்த மாதம் வெளியிடப்பட்டது.

அதில் இந்திய மொழிகளில் இருந்து 70 வார்த்தைகள் சேர்க்கப்பட்டிருப்பது தெரியவந்துள்ளது.

தமிழ் மற்றும் தெலுங்கில் ‘அண்ணா’ என்று மூத்தவர்களை அழைப்பது வழக்கத்தில் உள்ளது.

அதை அப்படியே ஆங்கில வார்த்தையாக இடம்பெறச் செய்துள்ளனர்.

‘அண்ணா’ என்பது ஏற்கனவே ஆக்ஸ்போர்ட் அகராதியில் நாணயமான ‘‘அணா’’வை குறிக்கும் பெயர்ச்சொல்லாக உள்ளது. தற்போது அண்ணா 2 (அண்ணன்) என்று குறிப்பிட்டு சேர்த்துள்ளனர்.

அப்பா என்ற உருது வார்த்தையும் ‘‘தந்தை’’யை குறிக்கும் என்று அந்த அகராதியில் சேர்க்கப்பட்டுள்ளது.

ஆச்சரியமான தகவல் அல்லது சந்தேகப்படும் படியான தகவலைக் கேள்விப்படும் போது ‘‘அச்சச்சோ’’ என்பார்கள்.

அந்த வார்த்தையும் ஆங்கிலமாக மாறிவிட்டது.

சூரிய நமஸ்காரமும் ஆங்கிலமாகியுள்ளது.

இந்திய மொழிகளில் உள்ள வார்த்தைகளில் தமிழ் மொழியில் உள்ள வார்த்தைகள்தான் அதிக அளவில் ஆங்கிலமாக மாறி ஆக்ஸ்போர்ட் அகராதியில் இடம்பிடித்துள்ளமை சுட்டிக்காட்டத்தக்கது.

http://newsfirst.lk/tamil/2017/10/அப்பா-அண்ணா-அச்சச்சோ-ஆகி/

அச்சச்சோ ....மிகவும் நன்று . பாவி மொழி எங்கும் முன்னிலை வகிக்கிறது. வாழும் இனம்தான் விதை நிலமின்றி தவிக்கிறது.....!  

7 minutes ago, நவீனன் said:

அப்பா, அண்ணா, அச்சச்சோ ஆகியன இனி ஆங்கில வார்த்தைகள்: அகராதியில் சேர்த்தது ஆக்ஸ்போர்ட்

http://newsfirst.lk/tamil/2017/10/அப்பா-அண்ணா-அச்சச்சோ-ஆகி/

 

'அச்சச்சோ'வை சேர்த்தவர்கள் ' மாச்சோ 'வை தவிக்கவிட்டுவிட்டீர்களே..?

பி.ஜே.பி சதியா?

அப்பா: உருது வார்த்தையாமே..

ஐயா தான் தமிழ் வார்த்தை.

 

 

ஏனப்பா தமிழை கொஞ்சம் கொஞ்சமா வார்த்தை வார்த்தையா ஆங்கிலத்திலை சேர்க்கிறீங்க? முழுக்க எடுத்துக்கிங்க நமக்கு ஆட்சேபனையே கிடையாது. நாமதான் ஆங்கிலேயர் காலத்திலேயிருந்தே  அவங்க மொழியை  தமிழிலை  தாராளமா சேர்த்து வைச்சிருக்கோமே. அதுக்கு அவனும் பீத்திக்குவானா இல்லையா?அதை நான் எங்கை போய் சொல்ல. இந்த இரண்டிலை எதுவுமே எனக்கு ஆரோக்கியமா படலை. மொழிமட்டும்தான் போச்சா மொழிய பேசற மனிசங்களும் ஆங்கிலத்தையே பேசி வெள்ளைகாரனா மாற கங்கணம் கட்டி நிக்கிறானேயப்பா. 

அப்பு ஆச்சியை எப்ப சேர்ப்பினமாம்? 

13 hours ago, Nathamuni said:

அப்பா: உருது வார்த்தையாமே..

ஐயா தான் தமிழ் வார்த்தை.

நாங்கள் தந்தையை ஐயா என்றுதான் கூப்பிடுவோம். அப்பாப்பாவை முன்பு அப்பா என்று சொல்வதுண்டு. பிற்காலத்தில் லண்டன் பென்சனியர்மார் வந்து வாழ்ந்தகாலங்களில்தான் அவர்களின் பிள்ளைகள் தந்தையை அப்பா என்றும் தாயை மம்மி என்றும் அழைத்து வந்தார்கள்........!