வடக்கில் உள்ள 3 தீவுகளை சீனாவுக்கு வழங்கும் திட்டத்தில் மாற்றமில்லை – அரசாங்கம்

 

http://i2.wp.com/athavannews.com/wp-content/uploads/2021/02/iland.jpg

வடக்கு பகுதியில் உள்ள 3 தீவுகளை சீனாவுக்கு வழங்கும் திட்டத்தில் எவ்வித மாற்றமும் மேற்கொள்ளப்படவில்லை என அமைச்சரவை இணைப் பேச்சாளர், அமைச்சர் உதய கம்மன்பில தெரிவித்துள்ளார்.

அமைச்சரவை முடிவுகளை அறிவிக்கும் ஊடக சந்திப்பின்போதே, அவர் இவ்வாறு தெரிவித்துள்ளார்.

விலைமனு கோரலின் அடிப்படையில் சீன நிறுவனத்திற்கு அதனை வழங்குவதற்கு அமைச்சரவை அனுமதி வழங்கியுள்ளதாக அமைச்சர் கூறியுள்ளார்.

அந்த அமைச்சரவை தீர்மானத்தை தாமதப்படுத்துவதாகவோ அல்லது இரத்துச் செய்வதாகவோ மின்சக்தி அமைச்சர் அமைச்சரவைக்கு அறிவிக்காதமையால் அந்த தீர்மானம் தொடர்ந்தும் வலுவில் உள்ளது என்பதாகவே நினைப்பதாக அவர் குறிப்பிட்டுள்ளார்.

 

வடக்கில் உள்ள 3 தீவுகளை சீனாவுக்கு வழங்கும் திட்டத்தில் மாற்றமில்லை – அரசாங்கம் | Athavan News

கிந்தியனிடம் பேரம் படியவில்லை ..

எங்களுக்கு தேவை மின்சாரம்.கெரியா ஒரு முடிவுக்கு வாங்கோ.நாங்கள் மன்டரின் ரியுசனுக்கு போக வேணும்.

2 hours ago, சுவைப்பிரியன் said:

எங்களுக்கு தேவை மின்சாரம்.கெரியா ஒரு முடிவுக்கு வாங்கோ.நாங்கள் மன்டரின் ரியுசனுக்கு போக வேணும்.

மோடி சார் தென்னிந்தியாவுக்கு வந்து ஜப்னா பற்றி சொன்னது கேள்விப்படேல்லையோ? ஜப்னாவிலை கட்சியே ஆரம்பிக்கப்போயினமாம். 

ஆளாளுக்கு உளறுனானுகள். போகிற போக்கில் தலையைப் பிச்சுக்கொண்டு ஓடப்போறானுகள். உள்ளுக்கை ஒண்டும் இல்ல, கடவுள் கொடுத்த வளத்தை வைச்சுக்கொண்டு எல்லோருக்கும் தண்ணி காட்டுறது ராஜதந்திரம் என்று நினைக்கினம். கடைசியில எல்லாப்பக்கத்தாலும் நசிபடப்போகினம். அப்பவும் ஆளாளுக்கு குற்றம் சாட்டுவானுகள்.  

3 தீவுகளை சீனாவுக்கு வழங்கும் முடிவில் மாற்றமில்லை – அமைச்சரவை பேச்சாளர்

 

 15 Views

வடக்கில் உள்ள மூன்று தீவுகளை சீன நிறுவனத்துக்கு வழங்கும் தீர்மானத்தில் மாற்றங்கள் கிடையாது என்று அமைச்சரவை இணைப் பேச்சாளரான அமைச்சர் உதய கம்மன்பில தெரிவித்தார்.

அரச தகவல் திணைக்களத்தில் நேற்று நடைபெற்ற அமைச்சரவைத் தீர்மானங்களை அறிவிக்கும் ஊடகவியலாளர் சந்திப்பிலேயே அவர் மேற்கண்டவாறு கூறினார்.

சூரிய சக்தி மின் உற்பத்திகளுக்காக வடக்கிலுள்ள தீவுகளை சீன நிறுவனத்துக்கு வழங்குவது தொடர்பாக அமைச்சரவையில் கலந்துரையாடப்பட்டதா எனவும், அரசின் இந்தத் தீர்மானத்தில் மாற்றங்கள் செய்யப்பட்டுள்ளதா எனவும் அந்த ஊடக சந்திப்பில், ஊடகவியலாளர் ஒருவர் கேள்விகளை எழுப்பினார்.

அதற்குப் பதிலளித்த அமைச்சர் உதயகம்மன்பில, விலைமனுக் கோரலின் அடிப்படையில் சீன நிறுவனத்துக்கு அந்தத் தீவுகளை வழங்குவதற்கு அமைச்சரவை அனுமதி வழங்கியுள்ளது என்றார்.

எவ்வாறாயினும் அந்த அமைச்சரவை தீர்மானத்தை தாமதப்படுத்துவதாகவோ அல்லது இரத்துச் செய்வதாகவோ விடயத்துக்குப் பொறுப்பான அமைச்சர் டலஸ் அழகப்பெரும அமைச்சரவைக்கு அறிவிக்காதமையால் அந்தத் தீர்மானம் தொடர்ந்தும் வலுவில் இருப்பதாகவேநான் கருதுகின்றேன் என்றும் அவர் குறிப்பிட்டார்.

 

https://www.ilakku.org/?p=42420