விடுதலைப் புலிகளை ஆதரித்து முகநூல் பதிவிடுபவர்கள் கைது செய்யப்படுவர் – அஜித் ரோஹண

 

 83 Views

தமிழீழ விடுதலைப் புலிகள் உள்ளிட்ட பயங்கரவாத நடவடிக்கைகளில் ஈடுபடுவோரைப் புகழ்ந்தும், நினைவுகூர்ந்தும் பகிரங்கமாக கருத்துத் தெரிவிப்பவர்கள் தகுதி தராதரம் பாராது கைது செய்யப்படுவார்கள் என்று பொலிஸ் ஊடகப் பேச்சாளர் அஜித் ரோஹண தெரிவித்துள்ளார்.

அத்துடன் ஊடகங்களிலும், முகநூல் போன்ற சமூக ஊடகங்களிலும் பயங்கரவாத நடவடிக்கைகளில் ஈடுபட்டவர்களைப் போற்றியும், அவர்களை நினைவுகூர்ந்தும் கருத்துக்களை பதிவிடுபவர்களும் கைது செய்யப்படுவார்கள் என்றும் அவர் மேலும் குறிப்பிட்டார்.

அவர் மேலும் கருத்துத் தெரிவிக்கையில், நாட்டில் மீண்டும் பயங்கரவாதம் தலைதூக்க இடமளியோம். அதைத் தடை செய்யும் நடவடிக்கையை காவல்துறையினரும், படையினரும் இணைந்து மேற்கொண்டுள்ளனர்.

கருத்துச் சுதந்திரம் என்ற பெயரில் பயங்கரவாத நடவடிக்கைகளில் ஈடுபட்டவர்களைப் புகழ்ந்தும், நினைவுகூர்ந்தும் சிலர் கருத்துக்களைத் தெரிவித்து வருகின்றனர்.

நாட்டில் பயங்கரவாத தடைச்சட்டம் நடைமுறையில் இருக்கின்ற போது இதுபோன்ற நடவடிக்கைகளில் ஈடுபடுவோர் இனிமேல் கைது செய்யப்படுவார்கள் என்றும் தெரிவித்தார்.

 

https://www.ilakku.org/?p=46794

மூன்றாம் வகுப்பில் வரைதல்  பாடம் கசந்த மாதிரி  எதுவும் இல்லை . வரைதல்  வாத்தியார் சிம்ம சொப்பனம். 
வருவார்  “ கொப்பியை மூடு ;  இன்றைக்கு மண்சட்டி எப்படி வரைவது என்று பார்ப்போம். எல்லோரும் கண்ணை மூடி யோசியுங்கள்”  என்பார்.
உடனடியாக கொப்பிகள் மூடப்பப்டும் ;மாணவர்கள் கண் மூடி யோசிப்பார்கள் .
வகுப்பு மொனிடருக்கு ஒரு பையனில் பழைய  கறள் ஒன்று இருந்தது.
 அவன் எழுந்து நின்று “ சேர்  இவன் கண்ணை மூடி சட்டியைப் பற்றி யோசிக்கவில்லை”  என்று சொல்ல சன்னதம் கொண்ட வாத்தியார் அந்த பையனை இழுத்தெடுத்து ருத்ர தாண்டவம் ஆடியதை இப்போது நினைத்தாலும் மயிர்கூச்செறியும். 

என்னிலிருந்து இன்னுமொரு  பிக்காஸோவின் தோற்றத்தை தடுத்த அந்த நிகழ்வு ஞாபகத்திற்கு வரும் அதே வேளை….
 உந்த பாதுகாப்பு ஆசாமி (அஜித் ரோஹண) என்னுடைய பழைய வரைதல் வாத்தியார் பாத்திரம் எடுக்கவும்இ  ஊரெல்லாம் மானிட்டர் மார் ஆங்காங்கே முளைத்தெழும்பவும் கனாக்  கண்டேன் தோழி ……..
 

9 hours ago, உடையார் said:

அவர் மேலும் கருத்துத் தெரிவிக்கையில், நாட்டில் மீண்டும் பயங்கரவாதம் தலைதூக்க இடமளியோம். அதைத் தடை செய்யும் நடவடிக்கையை காவல்துறையினரும், படையினரும் இணைந்து மேற்கொண்டுள்ளனர்.

நாடு அதல பாதாளத்திற்கு செல்வதை மக்கள் உணராமல்  தடுக்கும் யுக்தி. எத்தனை நாளைக்கு இந்த திகில் படம் ஓடும்?

பேசாமல்.. நந்தசேன பேஸ்புக்கை சொந்தமாக வாங்கலாமே. புலிகள் பதிவுகளை இல்லாமல் செய்ய.

மொக்கன் கூட்டம். சீனாவின் சீரழிஞ்ச பாதையில் போக நினைக்கினம்.. நெடுநாளைக்கு தாங்காது. 

14 hours ago, nedukkalapoovan said:

.

மொக்கன் கூட்டம். சீனாவின் சீரழிஞ்ச பாதையில் போக நினைக்கினம்.. நெடுநாளைக்கு தாங்காது. 

சீனாவின் புரட்சிகர பாதை ,மாவோயிஸ்களின் தெளிவான பாதை,மக்கள் படை,செம்படை😀

போகிற போக்கைப் பார்த்தால், நாளடைவில் இவங்களே விடுதலைப்புலிகளை ஆதரிக்க தொடங்கிவிடுவானுகள் போலிருக்கே!

On 8/4/2021 at 23:19, nedukkalapoovan said:

சீனாவின் சீரழிஞ்ச பாதையில் போக நினைக்கினம்.. நெடுநாளைக்கு தாங்காது. 

சீனாவின் பாதை சீனாவை உலகின் முதலாவது செல்வந்த நாடாகவும் உலகின் அதிசக்திவாய்ந்த வல்லரசாகவும் மாற்றி வருகிறது. சீன தொழில்நுட்பம் பற்றியும் சீன வளர்ச்சி பற்றியும் சீனாவில் தடை செய்யப்பட்டுள்ள அமெரிக்காவின் யூ ரியுபில் பாருங்கள் - வியந்து போவீர்கள். நான் சீனாவில் இவர்களின் வளர்ச்சியை நேரடியாகவே பார்த்து வருகிறேன்.

20 hours ago, putthan said:

சீனாவின் புரட்சிகர பாதை ,மாவோயிஸ்களின் தெளிவான பாதை,மக்கள் படை,செம்படை😀

சீனா மோவோவின் காலத்தை இருண்ட காலம் என்று மாணவர்களுக்கு கற்று கொடுக்க ஆரம்பித்து அரை நூற்றாண்டு கடந்துவிட்டது. மாவோவை வரலாற்று நினைவாகவே வைத்திருக்கிறார்கள்.

ஏன் பல சீன குடிமக்கள் மேற்கு நோக்கி குடியேறுகிறார்கள்?
அமெரிக்காவில் ஒவ்வொரு நகரத்திலும் கிராமங்களிலும் சீன உணவகங்கள் உள்ளன.
சீன உணவகங்கள் அமெரிக்காவின் மிகப்பெரிய உணவக சங்கிலி.
அனைத்து அமெரிக்க பல்கலைக்கழகங்களும் சீன மாணவர்களால் நிரம்பியுள்ளன, 
கிட்டத்தட்ட அனைவருமே பச்சை அட்டைக்கு விண்ணப்பிக்கிறார்கள்.

23 hours ago, satan said:

போகிற போக்கைப் பார்த்தால், நாளடைவில் இவங்களே விடுதலைப்புலிகளை ஆதரிக்க தொடங்கிவிடுவானுகள் போலிருக்கே!

சிலருக்கு வாய் நிறைய சோறு வேணுமெண்டால் பூனையையும் புலியாக்கி  பிழைத்துக்கொள்வார்கள்.

4 hours ago, கற்பகதரு said:

 

சீனா மோவோவின் காலத்தை இருண்ட காலம் என்று மாணவர்களுக்கு கற்று கொடுக்க ஆரம்பித்து அரை நூற்றாண்டு கடந்துவிட்டது. மாவோவை வரலாற்று நினைவாகவே வைத்திருக்கிறார்கள்.

சீனாவில் மாவோவின் சிந்தனையை   மறைக்கலாம் ஆனால் சிறிலங்காவில் அவரின்ட சிந்தனையை பின்பற்றும் பல புரட்சிவாதிகள் உண்டு....மாவோ வின் கார்பன் கொப்பி தான் தற்பொழுது உள்ள சீனா அதிபர்....அபிவிருத்தி என்ற போர்வையில் ஆக்கிரமிப்பு செய்பவர்கள்...சொந்த இனத்தை,நாட்டுமக்களை இரும்பு கரம் கொண்டு அடக்குபவர்கள்....தொடர்ந்து ஆட்சி அதிகாரத்தில் இருக்க வேண்டும் என்ற சர்வாதிகார கொள்கை கொண்டவர்...

13 hours ago, Sean said:

ஏன் பல சீன குடிமக்கள் மேற்கு நோக்கி குடியேறுகிறார்கள்?
அமெரிக்காவில் ஒவ்வொரு நகரத்திலும் கிராமங்களிலும் சீன உணவகங்கள் உள்ளன.
சீன உணவகங்கள் அமெரிக்காவின் மிகப்பெரிய உணவக சங்கிலி.
அனைத்து அமெரிக்க பல்கலைக்கழகங்களும் சீன மாணவர்களால் நிரம்பியுள்ளன, 
கிட்டத்தட்ட அனைவருமே பச்சை அட்டைக்கு விண்ணப்பிக்கிறார்கள்.

ஆசிய ஆபிரிக்க நாட்டின் மத்திய தர வர்க்கத்தினருக்கு மேற்கு நாடுகளில் பொருளாதார ரீதியில் ஒப்பீட்டளவில் மேன்மையான சந்தர்ப்பங்கள் இருக்கின்றன ...