ஜனாதிபதிக்கு அவசர கடிதம் அனுப்பிய மகாநாயக்க தேரர்கள்!

அனைத்துக் கட்சித் தலைவர்களையும் மீண்டும் அழைத்து சர்வகட்சி அரசாங்கத்தை அமைக்க நடவடிக்கை எடுக்குமாறு கோரி மகாநாயக்க தேரர்களினால் ஜனாதிபதிக்கு கடிதம் அனுப்பப்பட்டுள்ளது.

அதனடிப்படையில் சர்வகட்சி அரசாங்கத்தை அமைக்கும் போது ஜனாதிபதி மற்றும் அனைத்துக் கட்சித் தலைவர்களும் இணக்கம் காண வேண்டிய பிரேரணை ஒன்றும் சமர்ப்பிக்கப்பட்டுள்ளது.

அஸ்கிரிய, மல்வத்து, அமரபுர மற்றும் ராமஞ்ஞ மகாநாயக்க தேரர்களினால் ஜனாதிபதி கோட்டாபய ராஜபக்ஷவுக்கு இந்த கடிதம் அனுப்பி வைக்கப்பட்டுள்ளது.

அரசியல் மற்றும் பொருளாதார ஸ்திரத்தன்மை மூலம் மக்களின் வாழ்க்கையைப் பாதுகாக்க உடனடி நடவடிக்கை எடுக்கப்பட வேண்டும் என்றும் வலியுறுத்தப்பட்டுள்ளது.

 

http://www.samakalam.com/ஜனாதிபதிக்கு-அவசர-கடிதம்/

 

 

 

மொட்டைகளுக்கு சாப்பாடு சரியா விழும் வரை கோத்தாவை பதவி இறங்கக் கேட்க மாட்டினம் போல. 

அனைத்துக் கட்சி அரசாங்கத்தை அமையுங்கள்.. இல்லை என்றால், மக்களுக்கு வாய்ப்பை வழங்குங்கள் – மகாநாயக்க தேரர்கள் வலியறுத்து.

அனைத்துக் கட்சி அரசாங்கத்தை அமைக்க வேண்டும் இல்லை என்றால் புதிய அரசை மக்கள் தெரிவு செய்ய அனுமதிக்க வேண்டும் என மகாநாயக்க தேரர்கள் ஜனாதிபதிக்கு கடிதத்தின் மூலம் வலியறுத்தியுள்ளனர்.

பொது மக்களின் நலனுக்காக அனைத்துக் கட்சித் தலைவர்களும் ஒரு குறிப்பிட்ட காலத்திற்கு ஒன்றிணை வேண்டும் என்றும் அதற்கு ஜனாதிபதி மற்றும் அனைத்து கட்சித் தலைவர்களும் உடன்பட வேண்டும் என்றும் கேட்டுக்கொண்டுள்ளனர்.

10 அம்சங்கள் அடங்கிய கடிதத்தில், அனைத்துக் கட்சி அரசாங்கத்தின் தலைவராக ஒரு தலைவர் நியமிக்கப்பட வேண்டும் என்றும் இல்லாவிட்டால் கட்சி சார்பற்ற இலங்கையர் ஒருவர் தேசிய பட்டியலிலிருந்து நாடாளுமன்றத்திற்கு நியமிக்கப்பட வேண்டும் என்றும் குறிப்பிட்டுள்ளனர்.

அனைத்துக் கட்சி அரசாங்கத்தின் அமைச்சரவை 15 உறுப்பினர்களுக்கு மட்டுப்படுத்தப்பட வேண்டும் என்றும் அதில் நீதிமன்றத்தால் தண்டிக்கப்பட்ட எவரையும் சேர்க்கக் கூடாது என்றும் வலியுறுத்தியுள்ளனர்.

பொருத்தமான மற்றும் அனுபவம் வாய்ந்தவர்கள் அந்தந்த அமைச்சுக்களுக்கு நியமிக்கப்பட வேண்டும் என்றும் அனைத்துக் கட்சி அரசாங்கத்திற்கு வழிகாட்டவும் ஆலோசனை வழங்கவும் தேசிய சபை நியமிக்கப்பட வேண்டும் என்றும் கேட்டுக்கொண்டுள்ளனர்.

தவறான நிர்வாகத்தின் மூலம் நாட்டை அராஜகத்திற்கு இட்டுச் செல்வதற்குப் பதிலாக, நட்பு நாடுகளிடமிருந்து உதவிகளைப் பெறுவதற்கு முறையான பொறிமுறையைத் தயாரிக்க வேண்டும் என்றும் மகாநாயக்க தேரர்கள் வலியறுத்தியுள்ளனர்.

https://athavannews.com/2022/1289320

இன்னும் சரியான இடத்துக்கு ஒருத்தரும் வரவிலலை.

1 hour ago, சுவைப்பிரியன் said:

இன்னும் சரியான இடத்துக்கு ஒருத்தரும் வரவிலலை.

பாமர மக்கள் பிச்சை எடுக்கும் நிலைக்கு வரும்வரை இந்தப் பிரச்சனை இன்னும் வளர்ந்ததுகொண்டே இருக்கும்.

இறுதியில் அம்மக்கள் பிச்சை வேண்டாம் நாயைப் பிடி எனும் நிலைப்பாட்டை எடுக்கும்வரை நாம் பொறுமையுடன் இருப்போம். 

எங்களை ஆயத்தம் செய்வோம. 

இந்த நான்கு… மகாநாயக்க தேரர்களும், அரசியல் வாதிகளும் சேர்ந்துதான்…
ஶ்ரீலங்காவை… சிங்கப்பூர் ஆக்கிறதெண்டு,
பிச்சை எடுக்கும் நிலைக்கு கொண்டு வந்து விட்டவர்கள். 

Edited July 2, 20223 yr by தமிழ் சிறி

சிறிலங்காவின் இன்றைய நிலைமைக்கு முக்கிய காரணம் இந்தப் பிக்குகளின் இனவாதப் போக்குதான்.

20 hours ago, தமிழ் சிறி said:

நட்பு நாடுகளிடமிருந்து உதவிகளைப் பெறுவதற்கு முறையான பொறிமுறையைத் தயாரிக்க வேண்டும் என்றும் மகாநாயக்க தேரர்கள் வலியறுத்தியுள்ளனர்

பொறிமுறை.. பொறிமுறை.. அறிவுரை, ஆலோசனை சொல்கின்ற நேரம் எலி பொறி தயார் செய்திருந்தாலோ .. அட சோள பொறி வறுத்து ஏற்றுமதி செய்திருந்தால் கூட பாதி கஷ்டம் தீர்ந்து இருக்கும்.. 👍