Jump to content
  • advertisement_alt
  • advertisement_alt
  • advertisement_alt

அரசியல் கைதிகள் விடுதலை என்ற கோஷத்தில் தமிழ் கைதிகளுக்கு முதலிடம் இருக்க வேண்டும்


Recommended Posts

 

போராட்ட (அரகல) குழுவினர் நடத்திய கலந்துரையாடலில் கலந்து உரையாற்றிய போது...
அரசியல் கைதிகள் விடுதலை என்ற கோஷத்தில் தமிழ் கைதிகளுக்கு முதலிடம் இருக்க வேண்டும்
– காலிமுக போராட்டக்காரர்கள் கூட்டத்தில் மனோ கணேசன்
காலிமுக போராட்டக்காரர்கள் என்ற முறையில் சில கோரிக்கைகளை முன் வைத்துள்ளீர்கள். ஆட்கடத்தல், முறைதவறிய கைது, அவசரகால சட்டம், பயங்கரவாத தடை சட்டம், அரசியல் கைதிகள் விடுதலை, மனித உரிமை பேணல், மக்களுக்கு நிவாரணம் ஆகியவற்றை நாம் ஏற்கிறோம்.
இவை எங்களதும் நீண்டகால கோரிக்கைகள்தான். பயங்கரவாத தடை சட்டத்தை நீக்கி அரசியல் கைதிகளை விடுவிப்பதில் 10, 15, 20 வருடங்களாக சிறையில் இருந்து, தம் வாழ்வையே இழந்து நிற்கும் தமிழ் அரசியல் கைதிகள் முதலிடம் பெறவேண்டும் என்பதை உறுதி செய்யுங்கள்.
இல்லாவிட்டால் எமது கட்சி உங்களுடன் ஒத்துழைக்க முடியாது என தமிழ் முற்போக்கு கூட்டணி தலைவர் மனோ கணேசன் எம்பி, காலிமுக போராட்டக்கார இயக்கத்தினர் கொழும்பு பொது நூலக கேட்போர் கூடத்தில் இன்று சனிக்கிழமை முற்பகல் நடத்திய கலந்துரையாடலில் அழைப்பின் பேரில் கலந்துக்கொண்ட போது, கூறினார்.
 
296690970_10216947417276826_581293680765
 
 
296188488_10216947418676861_840326010552
 
 
295791741_10216947418756863_435286384227
 
 
 
Link to comment
Share on other sites

  • கருத்துக்கள உறவுகள்

போராட்டக்காரர்களிடம் மனோ முன்வைத்த கோரிக்கை!

செய்திகள்

Share This : 

காலிமுக போராட்டக்காரர்கள் என்ற முறையில் சில கோரிக்கைகளை முன் வைத்துள்ளீர்கள். ஆட்கடத்தல், முறைதவறிய கைது, அவசரகால சட்டம், பயங்கரவாத தடை சட்டம், அரசியல் கைதிகள் விடுதலை, மனித உரிமை பேணல், மக்களுக்கு நிவாரணம் ஆகியவற்றை நாம் ஏற்கிறோம். இவை எங்களதும் நீண்டகால கோரிக்கைகள்தான். பயங்கரவாத தடை சட்டத்தை நீக்கி அரசியல் கைதிகளை விடுவிப்பதில் 10, 15, 20 வருடங்களாக சிறையில் இருந்து, தம் வாழ்வையே இழந்து நிற்கும் தமிழ் அரசியல் கைதிகள் முதலிடம் பெறவேண்டும் என்பதை உறுதி செய்யுங்கள். இல்லாவிட்டால் எமது கட்சி உங்களுடன் ஒத்துழைக்க முடியாது என தமிழ் முற்போக்கு கூட்டணி தலைவர் மனோ கணேசன் எம்பி தெரிவித்துள்ளார்.

காலிமுக போராட்டக்கார இயக்கத்தினர் கொழும்பு பொது நூலக கேட்போர் கூடத்தில் இன்று சனிக்கிழமை முற்பகல் நடத்திய கலந்துரையாடலில் அழைப்பின் பேரில் கலந்துக்கொண்ட மனோ எம்பி மேலும் கூறியதாவது,

ரணில் இன்று ஜனாதிபதி. அவருடன் அரசியல் காரணங்களுக்காக எதிரணி என்ற முறையில் நாம் முரண்படலாம். முரண்பாடுகள் உள்ளன. ஆனால், அவர் சட்டப்படித்தான் ஜனாதிபதி ஆகியுள்ளார். இடைக்கால ஜனாதிபதி ஒருவர் பாராளுமன்றத்தில்தான் தெரிவு செய்யப்பட முடியும் என சட்டம் கூறுகிறது. அதன்படி அவர் 134 வாக்குகளை பெற்று அவர் ஜனாதிபதி ஆகியுள்ளார். தமிழ் முற்போக்கு கூட்டணி எம்பீக்கள் மாற்று வேட்பாளருக்கு வாக்களித்தோம். அது எம் அரசியல் கொள்கை நிலைப்பாடு. ஆனால், ரணில் இன்று ஜனாதிபதி.

இன்றைய பாராளுமன்றம் மக்களின் மனவுணர்வுகளை பிரதிபலிக்கவில்லை. வெளியே மக்கள் மத்தியில் தேர்தல் நடந்திருந்தால், முடிவுகள் வேறு மாதிரி இருந்திருக்கும். ஆகவே இயன்றவரை சீக்கிரம் புதிய ஒரு பாராளுமன்ற தேர்தல் நடத்தப்பட்டு, புதிய மக்கள் ஆணை பெறப்பட்டு, புதிய பாராளுமன்றம் அமைய வேண்டும். ஆகவே சீக்கிரம் “புதிய ஒரு பாராளுமன்ற தேர்தல் தேவை”, என்பதையும் மேலதிக ஒரு கோஷமாக சேர்த்துக்கொள்ளுங்கள்.

இங்கே என்னருகில் அமர்ந்து இருக்கும் முன்னிலை சோஷலிச கட்சி நண்பர் புபுது ஜாகொடவின் கட்சி பொது செயலாளர், குமார் குணரத்தினம் பாராளுமன்றத்துக்கு வெளியே “மக்கள் சபை” அமைய வேண்டும் என கூறுகிறார். எம்மை பொறுத்த அளவில், பாராளுமன்றம்தான் இன்று இந்நாட்டில் உள்ள மிகப்பெரும் “மக்கள் சபை”. அந்த பாராளுமன்றத்தை எரிக்க முடியாது. ஆகவே அதை தேர்தல் மூலம் கைப்பற்றுங்கள்.

நேற்று மாலை, ஜனாதிபதி ரணில், எமது கட்சிக்கும் கடிதம் எழுதியுள்ளார். அக்கடித்தில் தேசிய அரசு, அமைச்சர் பதவிகள் பற்றி எதுவும் இல்லை. நாடு இன்று எதிர்கொள்ளும் அரசியல், பொருளாதார, சமூக சவால்களை சந்திக்க தேசிய கலந்துரையாடலில் கலந்துக்கொள்ள எம்மை அவர் அழைத்துள்ளார்.

இதுபற்றி நமது கட்சி அரசியல் குழு முடிவு செய்யும். ஆனால், நாம் இந்த தேசிய கலந்துரையாடலுக்கான அழைப்பை சாதகமாக பரிசீலிப்போம். போராட்டக்காரர்கள் மீதான, ஆட்கடத்தல், முறைதவறிய கைது, அவசரகால சட்ட பயன்பாடு, பயங்கரவாத தடை சட்ட பயன்பாடு ஆகியவற்றை நிறுத்துங்கள் என நாம் அவரை சந்தித்து கோருவோம். இதுதான் ஜனநாயக கதவுகளை திறக்கும், தடைகளை நீக்கும் தேசிய கலந்துரையாடல். அதை அவருக்கு எம்மால் சொல்ல முடியும்.

பயங்கரவாத தடை சட்டத்தை நீக்கி அரசியல் கைதிகளை விடுவிக்க வேண்டும் என்பது எங்கள் கோரிக்கைதான். அதையும் நாம் ஜனாதிபதி ரணிலிடம் சொல்வோம். உங்கள் கோரிக்கை பட்டியலில் 10, 15, 20 வருடங்களாக சிறையில் இருந்து, தம் வாழ்வையே இழந்து நிற்கும் தமிழ் அரசியல் கைதிகள் முதலிடம் பெறவேண்டும் என்பதை உறுதி செய்யுங்கள். இல்லாவிட்டால் உங்களுடன் எமது கட்சி உங்களுடன் ஒத்துழைக்க முடியாது.

 

http://www.samakalam.com/போராட்டக்காரர்களிடம்-மன/

 

 

 

  • Like 1
Link to comment
Share on other sites

  • கருத்துக்கள உறவுகள்

எப்படியோ தமிழ் அரசியல் கைதிகள் விடுதலையானால் நல்லதே.......!  

Link to comment
Share on other sites

  • advertisement_alt
  • advertisement_alt
  • advertisement_alt


  • Tell a friend

    Love கருத்துக்களம்? Tell a friend!
  • Topics

  • Posts

    • யுத்தத்தில் உயிரிழந்தவர்களை தமிழர்கள் வீடுகளுக்குள் இருந்தவாறு நினைவு கூரலாம் - சரத் வீரசேகர By VISHNU 29 NOV, 2022 | 04:36 PM (இராஜதுரை ஹஷான், எம்.ஆர்.எம்.வசீம்) நாட்டில் சிங்கள இனம் பாதுகாக்கப்பட்டால் மாத்திரமே புத்த சாசனம் பாதுகாக்கப்படும். புத்தசாசனம் பாதுகாக்கப்பட்டால் மாத்திரமே தேரவாத பௌத்த நாடான இலங்கை பாதுகாக்கப்படும். யுத்தத்தில் உயிரிழந்தவர்களை தமிழர்கள் தமது வீடுகளுக்குள் இருந்தவாறு நினைவு கூர்ந்துக் கொள்ளலாம் என பாராளுமன்ற உறுப்பினர் சரத் வீரசேகர தெரிவித்தார்.  பாராளுமன்றத்தில் இன்று (29) செவ்வாய்க்கிழமை இடம்பெற்ற 2023 ஆம் ஆண்டுக்கான வரவு செலவுத் திட்டத்தில் சுகாதாரத்துறை மற்றும் புத்தசாசனம் மற்றும் மத விவகாரங்கள், கலாசார அலுவல்கள் அமைச்சு ஆகியவற்றுக்கான நிதி ஒதுக்கீட்டு குழு நிலை விவாதத்தில் உரையாற்றுகையில் மேற்கண்டவாறு குறிப்பிட்டார். அவர் மேலும் குறிப்பிட்டதாவது, நாட்டில் பௌத்த மத உரிமைகள் மற்றும் பௌத்த மரபுரிமைகள் அச்சுறுத்தலுக்குள்ளான நிலையில் உள்ளன. இலங்கையில் 72 சதவீதம் பௌத்தர்களும், 12 சதவீதம் இந்துக்களும், 9.7 சதவீதம் இஸ்லாமியர்களும், 6.3 சதவீதம் கத்தோலிக்கர்களும் வாழ்கிறார்கள். இலங்கை தேரவாத பௌத்த நாடு அரசியலமைப்பின் 9ஆவது உறுப்புரையின் பிரகாரம் பௌத்த மதம் பாதுகாக்கப்பட்டு, போசிக்கப்படவேண்டும் என தெளிவாக குறிப்பிடப்பட்டுள்ளது. இலங்கையை பாதுகாக்கும் வகையில் பௌத்த சாசனம் அமுல்படுத்தப்பட்டது, ஆகவே பௌத்த சாசனம் பாதுகாக்கப்பட் டால் தான் நாடு பாதுகாப்பாக இருக்கும் பௌத்த விகாரைகள், தேரர்கள் மற்றும் பௌத்த மரபுரிமைகள் தான் பௌத்த சாசனம். சிங்கள இனத்தவர்கள் தான் பௌத்த சாசனத்தை தோற்றுவித்தார்கள், ஆகவே புத்தசாசனத்தை பாதுகாக்க வேண்டும் என்றால் சிங்கள இனம் பாதுகாக்கப்பட வேண்டும். ஆரம்ப காலத்தில் சிங்களே என அழைக்கப்பட்ட இலங்கை காலப்போக்கில் ஸ்ரீ லங்கா என எவ்வாறு அழைக்கப்பட்டது என்பதை அறியவில்லை. இலங்கையை வெளிநாட்டு ஆக்கிரமிப்புக்களில் இருந்துபாதுகாக்க சிங்களவர்கள் தான் முன்னின்று போராடினார்கள். புத்தசாசனம் பாதுகாக்கப்பட வேண்டுமானால் நாட்டின் ஒருமைப்பாடு உறுதியாக பேணப்பட வேண்டும். சமஷ்டியாட்சி முறைமையின் கீழ் நாட்டை பிளவுப்படுத்தினால் வடக்கு மற்றும் கிழக்கு மாகாணத்தின் புத்தசாசனம் பற்றி குறிப்பிட வேண்டிய தேவையில்லை. தற்போதும் வடக்கு மற்றும் கிழக்கு மாகாணங்களில் புத்தசாசனத்திற்கு அச்சுறுத்தல் விடுக்கப்படுகிறது. வடக்கு மாகாணத்தில் இருந்து சிங்களவர்களும்,முஸ்லிம்களையும் பிரபாகரன் மாத்திரம் வெளியேற்றவில்லை. பிரிவினைவாத தமிழ் அரசியல்வாதிகளும் அவ்வாறே செயற்பட்டார்கள்.பாராளுமன்ற உறுப்பினர் சி.வி.விக்கினேஷ்வரன் கொழும்பில் சிங்களவர்களுடன் ஒன்றாக வாழ்ந்து விட்டு வடக்கு மாகாணத்திற்கு சென்று குறிப்பிடுகிறார். வடக்கில் சிங்களவர்களுக்கு இடமில்லை என்று,இதுவெறுக்கத்தக்கதாகும்.வடக்கில் புத்த சிலையை நிர்மாணிக்கும் போது அதற்கு எதிராக இவர்கள் போராட்டத்தில் ஈடுப்பட்டார்கள்,இவ்வாறானவர்களிடம் நல்லிணக்கத்தை எவ்வாறு எதிர்பார்ப்பது. வடக்கில் யுத்தம் தீவிரமடைந்த சந்தர்ப்பத்தில்  கொழும்பில் உள்ள கோயில்களில் தேர் வீதி வலம் வந்தது. சிங்களவர்களும் அதில் கலந்துக் கொண்டார்கள். அதுவே சிங்கள இனத்தின் பொறுமையாகும். ஆனால் வடக்கு மாகாணத்தில் புத்தசாசனத்திற்கு எதிராக தமிழ் அரசியல்வாதிகள் செயற்படுகிறார்கள். குருந்தூர் மலையில் பௌத்த விகாரைக்கு தமிழ் தேசிய கூட்டமைப்பினர் தொடர்ந்து தடையேற்படுத்தவதையிட்டு ஒட்டுமொத்ததமிழர்களும் வெட்கப்பட வேண்டும். வடக்கு மற்றும் கிழக்கு மாகாணத்தில் யுத்தத்தில் உயிரிழந்தவர்களை நினைவு கூறும் நிகழ்வு இடம்பெற்றது. போராட்டத்தில் ஈடுப்பட்டவர்களை அவர்களின் உறவுகள் வீடுகளுக்குள் வைத்து நினைவு கூர்ந்துக் கொள்ளலாம். விடுதலை புலிகள் 3 இலட்சம் தமிழர்களை பகடை காயாக வைத்து போர் செய்தார்கள். இராணுவத்திதை நோக்கி தமிழர்கள் வரும் போது அவர்களை சுட்டு வீழ்த்தினார்கள். இராணுவத்தை நோக்கி 12 வயது சிறுவனன் வரும் போது அந்த சிறுவனை பிடித்து கால்களை வெட்டினார்கள். விடுதலை புலிகள் அமைப்பினர் மனித உரிமைகளுக்கு எதிராகவே செயற்பட்டார்கள். இவ்வாறானவர்களையா தாம் நினைவு கூறுகிறோம் என்பதை தமிழர்கள் நினைத்துப் பார்க்க வேண்டும். விடுதலை புலிகள் அமைப்பினர் நெருக்கடி செய்தார்களா அல்லது இராணுவத்தினர் நெருக்கடி செய்தார்களா என்பதை தமிழ் இளைஞர்கள் தமது பெற்றோரிடம் உண்மைகளை கேட்டறிந்துக் கொள்ள வேண்டும் என்றார். https://www.virakesari.lk/article/141654
    • இணையம் ஊடாக பணம் மோசடி : 8 பேர் கைது ! By DIGITAL DESK 5 29 NOV, 2022 | 04:19 PM இணையம் ஊடாக பணம் மோசடி செய்தமை தொடர்பில் 8  பேர் நிதி மற்றும் வர்த்தக குற்றப் புலனாய்வுப் பிரிவினரால் கைது செய்யப்பட்டுள்ளனர்.  13,765,000 ரூபாவை  மோசடி செய்தமை தொடர்பில் குற்றப் புலனாய்வுத் திணைக்களத்தின் நிதி மற்றும் வர்த்தக குற்றப் புலனாய்வுப் பிரிவுக்கு கிடைத்த முறைப்பாட்டின் அடிப்படையில் விசாரணைகள் மேற்கொள்ளப்பட்டன. இதன்படி கடந்த  26ஆம் திகதி நிதி மற்றும் வர்த்தக குற்றப் புலனாய்வுப் பிரிவினர் வாதுவ, பிலியந்தலை, பண்டாரவளை மற்றும் காலி ஆகிய இடங்களில் இடம்பெற்ற பண மோசடி  சம்பவங்களுடன்  தொடர்புடைய சந்தேக நபர்களை கைது செய்தனர். கைது செய்யப்பட்ட சந்தேக நபர்கள் காலி, வெலிகம, ரத்கம, வாதுவ மற்றும் பட்டியகெதர ஆகிய பிரதேசங்களை வசிப்பிடமாகக் கொண்ட 22 மற்றும் 36 வயதுக்கு இடைப்பட்டவர்கள். சந்தேகநபர்கள் கோட்டை நீதிவான் நீதிமன்றில் ஆஜர் செய்யப்பட்டபோது நாளை (30) வரை விளக்கமறியலில் வைக்கப்பட்டுள்ளனர். https://www.virakesari.lk/article/141644
    • தி காஷ்மீர் ஃபைல்ஸ் 'அருவருக்கத்தக்க' படம் என்ற இஸ்ரேலிய இயக்குநர் – மன்னிப்பு கேட்ட இஸ்ரேல்  தூதர்   பட மூலாதாரம்,PIB   படக்குறிப்பு, நடாவ் லபிட் இயக்கிய படங்கள் பல சர்வதேச திரைப்பட விழாக்களில் திரையிடப்பட்டு, விருதுகளும் பெற்றுள்ளன. 29 நவம்பர் 2022, 05:16 GMT புதுப்பிக்கப்பட்டது 4 மணி நேரங்களுக்கு முன்னர் தி காஷ்மீர் ஃபைல்ஸ் இந்தி திரைப்படம் இந்திய சர்வதேச திரைப்பட விழாவின் 'பனோரமா' பிரிவில் திரையிடப்பட்டது குறித்து அதன் விருது தேர்வுக்குழுத் தலைவர் நடாவ் லபிட் கடுமையான விமர்சனங்களை வெளியிட்டது சர்ச்சைக்கு உள்ளாகியுள்ளது. கோவாவில் நடந்த இந்திய சர்வதேச திரைப்பட விழாவின் நிறைவு நிகழ்ச்சியில் நடாவ் லபிட் கூறிய கருத்துகளுக்கு கண்டனம் தெரிவித்துள்ள இந்தியாவுக்கான இஸ்ரேல் தூதர், இவ்வாறு பேசியதற்காக அவர் வெட்கப்படவேண்டும் என்றும் கடுமையாகச் சாடியுள்ளர். இந்து வலதுசாரி ஆதரவாளர்களும் நடாவ் லபிட் பேசியதற்கு எதிர்ப்பு தெரிவித்து சமூக ஊடகங்களில் கடுமையாகப் பதிவிட்டுள்ளனர். பிரதமர் நரேந்திர மோதியாலும் பாஜகவினராலும் வலுவாக அங்கீகரிக்கப்பட்ட திரைப்படம். இது, திங்கள் கிழமையன்று இந்திய சர்வதேச திரைப்பட விழாவில் திரையிடப்பட்டது. “இந்திய சர்வதேச திரைப்பட விழாவைப் போன்ற மதிப்புமிக்க திரைப்பட விழாவின் கலைப் போட்டிப் பிரிவுக்குப் பொருத்தமற்ற, அருவருக்கத்தக்க, பிரசார பாணியிலான படம் திரையிடப்பட்டுள்ளது,” என்று விவரித்தார். அவருடைய கருத்து தற்போது பல்வேறு எதிர்வினைகளைப் பெற்று வருகின்றது. குஜராத் உள்ளிட்ட பாஜக ஆளும் மாநிலங்கள் ‘நன்றி மோதிஜி’ விளம்பரங்களில் செய்த செலவு 18 கோடி ரூபாய்29 நவம்பர் 2022 காஷ்மீர் ஃபைல்ஸ்: இவ்வளவு சர்ச்சை ஏன்? படத்தை பாஜக ஆதரிப்பதன் காரணம் என்ன?16 மார்ச் 2022 கத்தாரில் பெண்களின் நிலை என்ன? ஆண் பாதுகாவலர் அமைப்பு என்றால் என்ன?28 நவம்பர் 2022 என்ன பேசினார் நடாவ் லபிட்? விவேக் அக்னிஹோத்ரியின் திரைப்படம் தங்க மயில் விருதுக்காக போட்டியிட்ட மூன்று இந்திய படங்களில் ஒன்று. இஸ்ரேலிய எழுத்தாளரும் திரைப்பட இயக்குனருமான நடவ் லாபிட் கோவாவில் நடந்த சர்வதேச திரைப்பட விழாவின் நிறைவு விழாவில் அமைச்சர் அனுராக் தாக்கூர் முன்னிலையில் இந்த வலுவான விமர்சனத்தை திரைப்படத்தின் மீது முன்வைத்தார். தேர்வுக் குழுவின் தலைவரான லபிட், “நாங்கள் (தேர்வுக் குழு உறுப்பினர்கள்) அனைவரும், காஷ்மீர் ஃபைல்ஸ் திரைப்படத்தால் கலக்கமடைந்தோம், அதிர்ச்சியடைந்தோம். இது ஒரு மதிப்புமிக்க திரைப்பட விழாவின் கலைப் போட்டி பிரிவுக்குப் பொருத்தமற்ற, அருவருக்கத்தக்க, பிரசார திரைப்படமாக எங்களுக்குத் தோன்றியது. இந்த விழாவில் இந்தக் கருத்தை வெளிப்படையாகச் சொல்வதை நான் மிகவும் வசதியாக உணர்கிறேன்.  கலைக்கும் வாழ்க்கைக்கும் ஓர் இன்றியமையாத விமர்சன விவாதத்தை இந்த மேடை ஏற்றுக்கொள்ளும் என்பதால் உங்களுடன் வெளிப்படையாக இதைப் பகிர்ந்து கொள்கிறேன்,” எனத் தெரிவித்துள்ளார். தேர்வுக் குழுவின் மற்ற உறுப்பினர்கள், அமெரிக்க திரைப்பட தயாரிப்பாளர் ஜிங்கோ கோடோ, ஸ்பானிய ஆவணப்பட தயாரிப்பாளர் ஜேவியர் அங்குலோ பார்டுரன், பிரெஞ்சு திரைப்பட ஆசிரியர் பாஸ்கேல் சாவான்ஸ், இந்திய திரைப்பட இயக்குனர் சுதிப்தோ சென் ஆவர். நமது காலத்தின் சிறந்த ஆறு படங்கள் / தனிநபர்களுக்கு ஒரு மனதாக விருது வழங்கியது குறித்து பெருமை கொள்கிறோம் என்று தேர்வுக் குழுவின் உறுப்பினர்களில் ஒருவரான சுதிப்தோ சென் ட்விட்டரில் பதிவிட்டுள்ளார். உலகெங்கும் உள்ள வேறுபட்ட கருப்பொருள்களையும் சிக்கலான பார்வைகளையும் பிரதிநிதித்துவப்படுத்தும் படங்களை நியாயமான வகையில் தேர்வு செய்த முடிவில், அவற்றின் உள்ளடக்கத்தை அங்கீகரிப்பதைப் போலவே, ஐ.ஐ.எஃப்.எஃப். உறுதியாக உள்ளது என்று அப்பதிவில் அவர் தெரிவித்துள்ளார். Twitter பதிவை கடந்து செல்ல, 1 காணொளிக் குறிப்புஎச்சரிக்கை: வெளியார் தளங்களில் உள்ள பதிவுகளுக்கு பிபிசி பொறுப்பேற்காது Twitter பதிவின் முடிவு, 1 தி காஷ்மீர் ஃபைல்ஸ் வெளியானபோது இந்தியப் பிரதமர் நரேந்திர மோதி இந்தப் படத்தை ஆதரித்துப் பேசியதும் அதை இழிவுபடுத்தும் சதி நடப்பதாகக் கூறியதையும் தொடர்ந்து, பாஜக ஆளும் மாநிலங்களில் தி காஷ்மீர் ஃபைல்ஸ் திரைப்படத்திற்கு வரிவிலக்கு அளித்தது மட்டுமின்றி, பாஜக முதலமைச்சர்கள் சிறப்புக் காட்சிகளுக்கும் ஏற்பாடு செய்திருந்தனர். 'நீங்கள் வெட்கப்படவேண்டும்' - இந்தியாவுக்கான இஸ்ரேலிய தூதர் இந்தியாவுக்கான இஸ்ரேலிய தூதர், நவோர் கிலோன் இதுகுறித்து தனது ட்விட்டர் பக்கத்தில் நடாவ் லபிட்டை விமர்சித்துப் பதிவிட்டுள்ளார். அதில், “நடாவ் லபிட்டுக்கு ஒரு திறந்த மடல். இதை என் இந்திய சகோதர சகோதரிகளும் புரிந்துகொள்ள வேண்டும் என்பதால், நான் ஹீப்ரூவில் எழுதவில்லை. இந்தக் கடிதம் சற்று நீளம் என்பதால் அதன் சாராம்சத்தை முதலில் கூறிவிடுகிறேன். நீங்கள் வெட்கப்படவேண்டும். அது ஏன் என்பதற்கான காரணங்கள் இதோ.   பட மூலாதாரம்,THE KASHMIR FILES இந்திய கலாசாரம், விருந்தாளி என்பவர் கடவுளைப் போன்றவர் எனக் கூறுகிறது. சர்வதேச திரைப்பட விழாவில் விருது தேர்வுக் குழுவில் பங்கேற்குமாறு இந்தியா உங்களுக்கு விடுத்த அழைப்பையும் உங்கள் மீது வைக்கப்பட்ட நம்பிக்கை, மரியாதை, விருந்தோம்பல் ஆகியவற்றைத் தவறாகப் பயன்படுத்திவிட்டீர்கள். இஸ்ரேல் மீதான இந்தியாவின் அன்பைக் கொண்டாடவே ஒரு இஸ்ரேலியராக உங்களையும் தூதராக அழைத்தார்கள் என்று நினைக்கிறேன். உங்கள் நடத்தையை நியாயப்படுத்த வேண்டுமென்ற உங்கள் தேவையை நான் புரிந்துகொள்கிறேன். ஆனால், அதற்குப் பிறகு நானும் அமைச்சரும் மேடையில், 'நாங்கள் ஒரே மாதிரியான எதிரியோடு சண்டையிட்டு மோசமான சுற்றுப்புறத்தில் வசிப்பதால், நம் நாடுகளுக்கு இடையே ஒற்றுமை இருக்கிறது எனப் பேசிக்கொண்டோம்’ என்று ஏன் ஒய்நெட் நியூஸிடம் கூறினீர்கள் என்பதைத்தான் புரிந்துகொள்ள முடியவில்லை. இரு நாடுகளுக்கிடையே உள்ள ஒற்றுமை, நெருக்கம் குறித்து நாங்கள் பேசினோம். இஸ்ரேல் உயர் தொழில்நுட்ப தேசம் என்பதைப் பற்றியும் அமைச்சர் இஸ்ரேலுக்கு வருகை தருவது குறித்தும் இதைத் திரைப்படத் துறையுடன் இணைப்பதற்கான சாத்தியக்கூறுகள் குறித்தும் பேசினார். நாங்கள் இந்தியத் திரைப்படங்களைப் பார்த்து வளர்ந்தவர்கள் என்பதைப் பற்றிப் பேசினேன். Twitter பதிவை கடந்து செல்ல, 2 காணொளிக் குறிப்புஎச்சரிக்கை: வெளியார் தளங்களில் உள்ள பதிவுகளுக்கு பிபிசி பொறுப்பேற்காது Twitter பதிவின் முடிவு, 2 மேலும், மிகப்பெரிய திரைப்பட கலாசாரம் கொண்ட இந்தியா இஸ்ரேலிய திரைப்படங்களையும் பார்க்கும்போது நாம் மிகவும் பணிவோடு இருக்க வேண்டும் என்றும் கூறினேன். நான் ஒன்றும் திரைப்பட வல்லுநர் இல்லை. ஆனால், வரலாற்று நிகழ்வுகளை ஆழமாகப் படிப்பதற்கு முன்பு அவற்றைப் பற்றிப் பேசுவது உணர்ச்சியற்ற, ஆணவமான நடத்தை என்பதை நான் அறிவேன். மேலும் அவை இந்தியாவில் வெளிப்படையான வடுவாக உள்ளன. அதில் சம்பந்தப்பட்ட பலர் இன்னும் இருக்கிறார்கள், அதற்கான விலையைக் கொடுத்துக் கொண்டிருக்கிறார்கள். நீங்கள் பேசியதற்கு இந்தியாவிலிருந்து வரும் எதிர்வினைகள், ஷிண்டர்ஸ் லிஸ்ட், ஹோலோகாஸ்ட் (யூத இனப்படுகொலை குறித்த திரைப்படங்கள்) போன்றவற்றின் மீது சந்தேகம் எழுப்பப்படுவதற்கு, யூத இனப்படுகொலையில் இருந்து தப்பியவரின் மகனாக, நான் மனதளவில் மிகவும் காயமடைந்துள்ளேன். இதுபோன்ற கருத்துகளை நான் சந்தேகத்திற்கு இடமின்றிக் கண்டிக்கிறேன். இதை எவ்விதத்திலும் நியாயப்படுத்த முடியாது. இது நிச்சயமாக காஷ்மீர் பிரச்னையின் மீதான உணர்வைக் காட்டுகிறது. ஒய்நெட்டுக்கு நீங்கள் கொடுத்த நேர்காணலில் இருந்து, தி காஷ்மீர் ஃபைல்ஸ் பற்றிய உங்கள் விமர்சனத்திற்கும் இஸ்ரேலிய அரசியலில் நடப்பதை நீங்கள் விரும்பாததற்கும் இடையே உள்ள தொடர்பு தெளிவாகத் தெரிகிறது. Twitter பதிவை கடந்து செல்ல, 3 காணொளிக் குறிப்புஎச்சரிக்கை: வெளியார் தளங்களில் உள்ள பதிவுகளுக்கு பிபிசி பொறுப்பேற்காது Twitter பதிவின் முடிவு, 3 கடந்த காலத்தில் நீங்கள் குரல் கொடுத்ததைப் போலவே, இஸ்ரேலில் நீங்கள் விரும்பாதவற்றின் மீதான உங்கள் விமர்சனத்தை வெளிப்படுத்துவதில் சுதந்திரத்தைப் பயன்படுத்தத் தயங்காதீர்கள். ஆனால், உங்கள் விரக்தியை மற்ற நாடுகளிலும் பிரதிபலிக்க வேண்டிய அவசியமில்லை என்பதே உங்களுக்கு எனது யோசனை. அத்தகைய ஒப்பீடுகளைச் செய்வதற்கு உங்களிடம் போதுமான ஆதாரம் உள்ளதா என்று எனக்குத் தெரியவில்லை. ஒரு கருத்தைத் தெரிவித்துள்ளீர்கள் என்றும் தைரியமானவர் என்றும் நினைத்துக்கொண்டு நீங்கள் இஸ்ரேலுக்குத் திரும்புவீர்கள். இஸ்ரேலிய பிரதிநிதிகளாகிய நாங்கள் இங்கேயே தங்குவோம். உங்களுடைய ‘துணிச்சலைத் தொடர்ந்து’ எங்களுடைய குறுஞ்செய்திப் பெட்டிகளில், எனது பொறுப்பின் கீழ் இருக்கும் அணியினர் மீது என்ன தாக்கங்களை ஏற்படுத்தக்கூடும் என்பதை நீங்கள் பார்க்க வேண்டும். இந்தியா மற்றும் இஸ்ரேல் நாட்டு மக்களுக்கும் அரசுகளுக்கும் இடையிலான நட்பு மிகவும் வலுவானது. நீங்கள் ஏற்படுத்திய சேதத்தில் இருந்து அது தப்பிக்கும். ஒரு மனிதனாக நான் வெட்கப்படுகிறேன். அவர்களுடைய தாராள மனப்பான்மைக்கும் நட்புக்கும் நாம் திருப்பிச் செலுத்திய மோசமான நடத்தைக்காக அவர்களிடம் மன்னிப்பு கேட்க விரும்புகிறேன்,” என்று தனது ட்வீட்களில் தெரிவித்துள்ளார். இஸ்ரேல் தூதரின் இந்த ட்வீட்டை தகவல் மற்றும் ஒளிபரப்புத் துறை அமைச்சர் அனுராக் தாக்கூர் ரீட்வீட் செய்துள்ளார். தி காஷ்மீர் ஃபைல்ஸ் திரைப்படத்தின் இயக்குநர் விவேக் அக்னிஹோத்ரி இதுகுறித்து இன்னும் கருத்து தெரிவிக்கவில்லை. தனது ட்விட்டர் பக்கத்தில், “உண்மை மிகவும் ஆபத்தானது. அதனால் மனிதர்களைப் பொய் சொல்ல வைக்க முடியும்,” என்று மட்டும் ட்வீட் செய்துள்ளார்.   பட மூலாதாரம்,VIVEK RANJAN AGNIHOTRI/TWITTER யார் இந்த நடாவ் லபிட்? இஸ்ரேலிய திரைப்பட இயக்குர் நடாவ் லபிட், இந்திய சர்வதேச திரைப்பட விழாவின் விருது தேர்வுக்குழு தலைவராக நியமிக்கப்பட்டார். இஸ்ரேலின் டெல் அவிவ் நகரில் 1975ஆம் ஆண்டில் பிறந்த நடாவ் லபிட், டெல் அவிவ் பல்கலைக்கழகத்தில் தத்துவம் பயின்றார். கட்டாய ராணுவ சேவை முடிந்த பிறகு, லபிட் சிறிது காலம் பாரிஸ் சென்றார். பிறகு இஸ்ரேலுக்குத் திரும்பியவர், ஜெருசலேமில் உள்ள திரைப்படம் மற்றும் தொலைக்காட்சிப் பள்ளியில் பட்டம் பெற்றார். கோல்டன் பியர், கான் ஜூரி பரிசுகளை லபிட்டின் குறிப்பிடத்தக்க படங்களான போலீஸ்மேன், தி கிண்டர்கார்டன் டீச்சர் ஆகியவை பெற்றன. தன்னுடைய கருத்துகளுக்காக அடிக்கடி சர்ச்சையில் சிக்கும் விவேக் அக்னிஹோத்ரி இயக்கி, அனுபம் கேர் நடித்துள்ள ‘தி காஷ்மீர் ஃபைல்ஸ்’ திரைப்படத்தை இயக்கியுள்ளார். இந்தப் படத்தில் மிதுன் சக்ரவர்த்தி, பல்லவி ஜோஷி ஆகியோரும் முக்கிய வேடங்களில் நடித்துள்ளனர். ‘தி காஷ்மீர் ஃபைல்ஸ்’ வெளியானதில் இருந்து சர்ச்சைகளால் சூழப்பட்டுள்ளது. பல திரைப்பட விமர்சகர்கள் இதை ஒரு பிரசார படம் என்று குறிப்பிட்டுள்ளனர். இந்தப் படம் 1990களில் காஷ்மீரி பண்டிட்களின் வெளியேற்றம் மற்றும் கொலைகளை அடிப்படையாகக் கொண்டதாகக் கூறப்படுகிறது. இந்தப் படம் மார்ச் 11ஆம் தேதியன்று வெளியானது. படம் பல தியேட்டர்களில் ஹவுஸ்ஃபுல் ஆனது. நாட்டின் நான்கு மாநிலங்கள் படத்திற்கு வரி விலக்கு அறிவித்தன. இந்த நான்கு மாநிலங்களும் (ஹரியானா, மத்திய பிரதேசம், கர்நாடகா, குஜராத்) பாஜக ஆட்சியின் கீழ் உள்ளன. இந்த ஆண்டு வெளியான அதிக வசூலை ஈட்டிய படங்களில் ஒன்றாகவும் இது கூறப்படுகிறது. வெளியான ஒரு நாளில் பிரதமர் நரேந்திர மோதியுடன் விவேக் அக்னிஹோத்ரி இருக்கும் ஒளிப்படம் வைரலானதால் சர்ச்சை எழுந்தது. படத்தின் தயாரிப்பாளர் அபிஷேக் அகர்வால் நரேந்திர மோதியுடன் ஒரு படத்தைப் பகிர்ந்துள்ளார். அதை விவேக் அக்னிஹோத்ரி ரீட்வீட் செய்தார். https://www.bbc.com/tamil/articles/c881g6266v3o
×
×
  • Create New...

Important Information

By using this site, you agree to our Terms of Use.