சாம் சூசைட் பண்ணப் போறான் - யாழ்ப்பாணத்தில் இருந்து ஒரு பொழுதுபோக்கு குறும்படம்.

[நிழலி]

இந்த குறும்படத்தை என் மச்சான் தான் இயக்கியுள்ளார். 20 நிமிட பொழுது போக்கு குறும்படம். 

இதில் எனக்கு பிடித்த விடயம் என்னவென்றால், பாசையூர் மற்றும் குருநகரை மிக அழகாக காட்டி இருக்கும் விதம் தான். இந்த இடங்கள் என் மனசுக்கு மிகவும் பிடித்த இடங்கள். எப்ப ஊர் போனாலும், பாசையூர் கடலை பார்க்காமல் விட்டதில்லை. அதே போன்று தான் பாசையூர் அந்தோணியார் கோவிலும்.

இசையும் நல்லாக உள்ளது.

பார்த்து முடிய கண்டிப்பாக மெலிதாகவேனும் சிரிப்பீர்கள்.

பார்த்து விட்டு உங்கள் கருத்தை எழுதுங்கள். 

 

[suvy]

முடிவு நல்லா இருக்கு ......மற்றவர்களும் பார்த்து தெரிந்து கொள்ளட்டும்.......!

பாஷையூர் மட்டுமல்ல கரையூர், கொழும்புத்துறை,  துண்டி எல்லாம் என் வாழ்வோடு பின்னிப் பிணைந்த ஊர்கள்.......இங்கு வந்தும் பாசையூர் ஆட்கள் எனது அயலவர்களாகவும் நண்பர்களாகவும் இப்போதும்  இருக்கிறார்கள்......கதைக்களத்தில் இருக்கும் "தந்தையுமானவன்" கதையின் பிற்பகுதி பாசையூர்தான்.....ஏராளமான பழைய நினைவுகளை நினைக்கிறேன்........!  😇

நன்றி நிழலி .......! 

[Justin]

பாசையூர் கடற்கரையோரக் காட்சிகளைப் பார்க்க விரைவில் ஊருக்கு ஒரு விசிட் அடிக்கும் ஆசை வருகிறது.

அருமையான திறமையாளர்கள் அந்த நடிகர்களும், இசை, ஒளிப்பதிவு செய்தோரும். கமெரா கோணங்களும், பிசிறில்லாத வேக நகர்வுகளும் உச்ச சிறப்புகள்! பகிர்விற்கு நன்றி நிழலி!

 

[colomban]

நல்ல ஒளிப்பதிவு. ஏதோ கிட்டத்தட்ட நீர்கொழும்பு மீன்பிடி பகுதி போல் தெரிகின்றது. பாசையூர் பகுதியில் நிறைய கத்தோலிக்க வாழ்கின்றார்களா? சோபாசக்தியின் கதைகளில் இந்த ஊரைபற்றி அடிக்கடி விபரிப்பார்.

[P.S.பிரபா]

முதல் காட்சியில் வரும் கடலின் அழகை விவரிக்க வார்த்தைகள் இல்லை. அருமையாக காட்சிகளை எடுத்துள்ளார்கள். 

எல்லாவற்றையும் விட பாசையூர் மக்களின் நாயகன் MGRரை நினைவூட்ட பிண்ணனியில் அவரது பாடல்👌.. அதே போல ஆரவாரமில்லாத இசை 👏

படம் பார்த்துக் கொண்டிருக்கையில் ஒரு சிரிப்பும் எனக்கு வந்தது, ஏனெனில் படம் பழைய நினைவுகளை மீண்டும் ஒருதரம் கண்முன்னே கொண்டு வந்து கொண்டிருந்தமையால். எத்தனை காலமானாலும் இளவயது நினைவுகள் மறக்கமுடியாதவை..

 

@நிழலிஅண்ணா!, உங்களது மைத்துனருக்கு பாரட்டுக்கள்👏👏👏

Edited February 24, 2023 by பிரபா சிதம்பரநாதன்
எழுத்துப் பிழை

[தமிழ் சிறி]

எங்கள் பேச்சு வழக்கில் வந்த அருமையான குறும் படம். ரசித்து பார்த்தேன். 
அந்த கடைசி காட்சி  அருமை. அந்த ஒற்றை வரியில்... 
20 நிமிட படத்தை, சோர்வில்லாமல் கொண்டு போயுள்ளார்கள்.
படப்பிடிப்பு, இசை, எல்லாமே சிறப்பு. 
இணைப்பிற்கு நன்றி நிழலி. 

[Justin]

3 hours ago, colomban said:

நல்ல ஒளிப்பதிவு. ஏதோ கிட்டத்தட்ட நீர்கொழும்பு மீன்பிடி பகுதி போல் தெரிகின்றது. பாசையூர் பகுதியில் நிறைய கத்தோலிக்க வாழ்கின்றார்களா? சோபாசக்தியின் கதைகளில் இந்த ஊரைபற்றி அடிக்கடி விபரிப்பார்.

பாசையூரும், குருநகரும் அதிக கத்தோலிக்கர்கள் வாழும் பகுதிகள். அது மட்டுமல்லாமல் பலவழிகளில் பிரபலமான ஊர்கள் : உப்புக் காற்று வீசும் கடற்கரை, உதை பந்தாட்டம், ஊர்ச்சண்டை (அப்பவே குழுக்கள் இருந்தன) இப்படிப் பல காரணங்களால் தனித்துவமான ஊர்கள். உலர வைத்த திருக்கை (stingray) வால் இந்த இரு ஊர்களிலும் பிரபலமான ஆயுதம், உலோக வாளை விட ஆபத்தானது என்பார்கள்!

[ஈழப்பிரியன்]

அருமையான குறும்படம்.

இணைப்புக்கு நன்றி நிழலி.

[ரதி]

இணைப்பிற்கு நன்றி நிழலி...இதில் நகைச்சுவை பாத்திரமேற்று நடிப்பவர் உங்கள் மச்சானோ?
 

[ரதி]

போன வருடம் ஊருக்கு போன போது நானும் ,தம்பியும் இந்த இடத்திற்கு மீன் வாங்க போயிருந்தோம் ...வீடியோவில் பார்க்க சுப்பராய் இருக்கு 

[நிழலி]

5 hours ago, ரதி said:

இணைப்பிற்கு நன்றி நிழலி...இதில் நகைச்சுவை பாத்திரமேற்று நடிப்பவர் உங்கள் மச்சானோ?
 

இல்லை ரதி. படத்தை இயக்கியவர். அருளானந்தம் ஜீவதர்சன். படத்தின் இறுதியில் Attempt by என்று போட்டு பெயர் வருகின்றது.

இவர் தான், ருடோ தமிழர் ஒருவரை விமானமோட்டியாக போட்டு சிரியா போய் அகதிகளை மீட்டவர் என்ற கதையை முகனூலில் எழுதி, அதை சீமான் உட்பட பலரை உண்மை என்று நம்ப் வைத்து பெரும் செய்தியாக்கிய குறும்பர்.