எள்ளுப்பா செய் முறை

1)இரண்டு கப் வெள்ளை எள்ளு

2)ஒரு கப் கோது அகற்றிய உழுந்து

3)ஒரு கப் சீனி

எள்ளு கொஞ்சம் முறுகலாகும் வரை வறுத்து கோப்பி அரைக்கும் மெசினில் மாவாக அரைக்கவும்

உழுந்தையும் அதே மாதிரி வறுத்து மாவாக அரைக்கவும்

பூட்பிரசரில் இரண்டையும் கொட்டி சீனியையும் போட்டு(சீனி உங்கள் அளவுக்கு கூட்டி குறைக்கவும்) ஒரு நிமிடம் அரைத்த பின் ஓரளவு கொதித்த நீர் எடுத்து கொஞ்சம் கொஞ்சமாக சேர்க்கவும்(கூட நீர் விட்டால் கழியாகி விடும்)

அப்படியே கொஞ்ச நேரம் அரைக்க பதம் வந்ததும் நிற்பாட்டி எடுத்து உருண்டையாக உருட்டி வைத்தால் விரும்பிய நேரம் சாப்பிடலாம்.

வேறும் வழி முறைகள் தெரிந்தால் இணைக்கவும்.

Edited February 16, 201114 yr by eelapirean

ஊரில அம்மம்மா வீட்டில் சாப்பிட்டது...

பனையோலைப் பெட்டிக்குள் பாதுகாத்து வைத்திருப்பார், பாடசாலை விடுமுறைக்குப் போனால் பின்னேரங்களில் தேநீரோடு 2 தருவார்.

பார்க்க நன்றாக உள்ளது இணைப்பிற்கு நன்றி ஈழப்பிரியன்.

ஒரு சந்தேகம்... எள்ளுப்பா என்பதா அல்லது எள்ளுப்பாகு என்பதா சரியான சொல்?

[quote

ஒரு சந்தேகம்... எள்ளுப்பா என்பதா அல்லது எள்ளுப்பாகு என்பதா சரியான சொல்?

எள்ளுப்பா எனக்கும் மிகவும் பிடிக்கும்!

ஆகா

எனக்கு மிகவும் பிடித்த சிற்றுண்டி. இதை எள்ளுப்பாகு என அழைப்பார்கள். காலை வேளையில் பசுப்பாலுடன் ஒரு உருண்டை சாப்பிட வேண்டும். இரும்பையும் வளைக்கலாம். இதன் செய்முறை எங்கள் ஊரில் சிறிது வேறுபாடானது.

முதலில் எள்ளை கழுவி, சுத்தம் செய்து 3 அல்லது 4 வெய்யிலில் நன்கு காய வைப்பார்கள். எள்ளுப்பாகு இடிக்க தனியான உரல் உலக்கை எல்லாம் வேண்டும். மிளகாய் சம்பல் இடித்த உரல் எண்டால் காரம் தெரியும். உரல் எல்லாம் கழுவி சுத்தமாக வைத்திருக்க வேண்டும். பாகு இடிக்கும் நாளன்று நல்ல வெய்யில் இருக்க வேண்டும். அத்தோடு 2 இளம் பையன்களை கூப்பிட்டு வைத்திருக்க வேண்டும். :lol: (நாங்களே இடிச்சா அதில இருந்து தேறி வருவதற்கு தனியா எள்ளுப்பாகு சாப்பிட வேணும் :D )

எள்ளு வெய்யிலில் காயும் நேரம் சூட்டுடன் உரலில் அளவாக போட்டு வெளியில் கொட்டாத வண்ணம் இடிக்க தொடங்கவும். ஒரு 40 நிமிடம் வரை இடிக்கும் போது நல்லெண்ணெய் பிறந்து எள்ளு பசையாக வரும். அப்போது பதம் சரியாக வந்தால் எள்ளுப்பசையுடன் உரலும் சேர்ந்து வரும். கவனம்.

இப்படி இடித்து சேர்த்த எள்ளு பசையை தனியாக எடுத்து வைக்கவும். பின்பு சிறிது சிறிதாக இடித்து வைத்த எள்ளு பசையையும் உளுத்தம் மாவையும் சீனியையும் ஒன்றாக சேர்த்து திரும்பவும் உரலில் இட்டு இடித்து மெழுகு பதத்துக்கு செய்து கொள்ளவும்.

இயலுமானவரை தண்ணீர் சேர்ப்பது தவிர்க்கவும். தண்ணீர் சேர்த்தால் நீண்ட நாள் வைத்திருக்க முடியாது. எள்ளு பாகு இடிக்கும் போது தெருக்கோடியில் வருபவருக்கு வாசனை மூக்கை பதம்பார்க்கும்.

நகைச்சுவையாக எழுதிவிட்டேன்.

மிக அருமையான காலை உணவு. இன்றைய சிறுவர்களுக்கு மிகுந்த போசாக்கு தருவது.

இறுதியில், இடித்து நொந்து நூலாகி நிற்கும் உறவினர் பையன்களுக்கு வீட்டுக்கு கொண்டுபோக பாகு தரப்படும். :)

எள்ளுப்பா/கு செய்முறைகள் நன்றாகத்தான் இருக்கு. ஊரில் இப்பவும் ஈழத்திருமகன் விளக்கியமுறையில் செய்கின்றார்களா?

எள்ளுப் பாகு செய்யும் போது பனங்கட்டி சேர்த்தால் இன்னும் சுவையாக இருக்கும்.

ஈழபிரியன் அண்ணா செய்முறைக்கு நன்றி. இன்று தான் எள்ளு பாகு செய்து பார்த்தேன்.

முழு உளுந்துக்கு பதிலாக, வறுத்த உளுத்தம் மா பாவித்தேன்.

வெள்ளை எள்ளை நீங்கள் சொன்னது போல வறுத்து அரைத்து, வறுத்த உளுத்தம் மா, சீனி சேர்த்து செய்தேன். நல்ல இருந்திச்சு.

அடுத்த முறை செய்யும் பொது படம் எடுத்து இணைக்கிறேன்.

முழு உளுந்து பவிக்கததால் உருண்டையின் நிறம் தான் மஞ்சள் நிறத்தை அண்மித்து இருந்தது.

என்ன குளம்ஸ்!! இதைவிட வடிவா படம் எடுக்க தெரியாத ஆள் போல!!!

நன்றி eelapiran பதிவிற்கு, எங்கட ஊரில் எள்ளு விதைப்பது அதிகம், நெல் வெட்டியவுடன் அந்த ஈரம் காய முதல் விதைப்பார்கள். எள்ளை எண்ணை வடிக்க கொண்டு நான் போவது அதிகம். அப்போது எள்ளை செக்கில் போட்டு வடிச்சுக்கொண்டு இருக்கும் போது எண்ணை வாற தொடங்கிற நேரம் செக்கில் இருந்து எள்ளை எடுத்து பனங்கட்டி சேர்த்து சாப்பிட்டு இருக்கிறீர்களா யாராவது, அந்த மாதிரி ஓரு ருசி, சந்தர்ப்பம் கிடைத்தால் சாப்பிட்டு பாருங்கள்

Edited August 12, 201114 yr by Udaiyar