குளோபல் தமிழ்ச் செய்தி இணையத்துள் சீனாவில் இருந்து 43000 தடவைகள் உட்புகுந்து தகவலை பெற முயற்சி

19 ஏப்ரல் 2013

 

சைபர்த்தாக்குதலில் இருந்து இணையத்தை பாதுகாத்துள்ளோம்-

குளோபல் தமிழ்ச் செய்திகள் இணையத்தளத்தின் இணையத்தளப் பராமரிப்பாளர் இன்று மதியம் எனக்கு ஒரு மின் அஞ்சல் அனுப்பி இருந்தார் அதில் சீனாவில் இருந்து (IP address 123.125.99.101. இல் இருந்து) ஒரு தரப்பினர் அண்மைய நாட்களில் 43000 தடவைகள்  எமது இணயத்தளத்திற்குள் பிரவேசித்து அதனுள் இருந்து தகவல்களைப் பெற்றுக்கொள்ள முற்பட்டு இருக்கிறார்கள் எனக்குறிப்பிட்டிருந்தார்.

கடந்த சில நாட்களாக இணையத்தளத்தின் வேகம் குறைந்து சென்றமையை யாவரும் அறிவர் இதற்கான  காரணத்தை  எமது இணையப்பராமரிப்பாளர் ஆராய முற்பட்ட போதே இது அறியப்பட்டது. இதனைத் தொடர்ந்து  இன்று பிற்பகல் ஒரு மணியில் இருந்து பின் மாலை வரை தொடர்ந்த எமது இணையத்தளப் பராமரிப்பு வேலைகளால் சில மணி நேரங்கள் எமது இணையத்தளம் இயங்காமல் அல்லது, வேகம் குறைந்து இயங்கி வாசகர்களுக்கு அசௌகரியத்தைத் தந்திருக்கும். இதற்காக எங்கள் வருத்தத்தைத்   தெரியப்படுத்த விரும்புகிறோம்.

சைபர்த் தாக்குதல்கள் இன்றைய இணைய உலகில் மிகச் சாதாரணமானவையாகவும் பல்வேறு நோக்கங்களைக் கொண்டவையாகவும் உள்ளன.  எமது இணையத்தளம் இன்றைக்கு தமிழ் இணைய உலகில் பாரபட்சமற்ற செய்திகளை வழங்குவதாகவும் இலங்கையிற் சிறுபான்மை இனங்களுக்கு எதிராக நிகழ்த்தப்படும் ஒடுக்குமுறைகளை வெளிக்கொண்டு வருவதாகவும் அறியப்பட்டிருக்கிறது.

மேற்குறித்த சைபர்த்தாக்குதல் எமது அரசியல் நிலைப்பாடு காரணமாகவும் நிகழ்தப்பட்டிருக்கக்கூடும். ஏனெனில் இவ்வகையான தாக்குதல்கள்  கடந்த காலங்களிலும் நிகழ்ந்துள்ளன.  நாங்கள் எமது இணையத்தளத்தின் பாதுகாப்பை மேம்படுத்தும் நடவடிக்கைகளை மேற்கொண்டு வருகிறோம்.

உங்களுக்கு நம்பகமான செய்திகளை வழங்குவதற்காக நாங்கள் கடுமையாக உழைப்போம்; எங்களுடன் இணைந்திருங்கள்.

http://www.globaltamilnews.net/GTMNEditorial/tabid/71/articleType/ArticleView/articleId/90949/language/ta-IN/article.aspx

Edited April 19, 201312 yr by மல்லையூரான்

யாழ்களம் மீதும் தாக்குதல் நடாத்தலாம்.முற்பாதுகாப்பு அவசியம்.

 

றிசாட் பதியுதீன் உள்ளிட்டவர்களின் செய்திகளுக்கு முதன்மையளிப்பதால் பொது பல சேனாவின் முயற்சியாகவும் இருக்கலாம்

 

இங்கே இன்னொரு விடயத்தையும் சொல்ல வேண்டும். (இது இந்தச் செய்தியுடன் நேரடியாகத்  தொடர்பு பட்டது அல்ல)

 

சைபர் தாக்குதல் நடத்துகிறது என்று கூறி தமது ஊடகத்தின் நம்பகத்தனமையைப் பறைசாற்றும் ஊடகங்களும் இல்லாமலில்லை.

 

 

ஆனாலும் சிங்கள அரசு உள்ளிட்ட பலரையும் உறுத்திக் கொண்டிருக்கும்யாழ் தகுந்த பாதுகாப்பு ஏற்பாடுகளை செய்வது அவசியம் என்பதில் மாற்றுக் கருத்தில்லை.

அப்படி செய்வதன் மூலம் என்ன நன்மைகள் சீனாவுக்கு கிடைக்க போகுது? செய்திதளத்தில் என்ன பெரிய ரகசியம் கிடைக்கப்போகுது?அல் ஜசீரா இணைய்த்தளத்தை சைபர் தாக்குதல் செய்யினம் என்றால் நம்பலாம்....தமிழ் செய்திதளத்தை.....நம்பமுடியல்ல....

பழகிபார்க்கலாம் ஸ்டைலில் விளையாடிபார்க்க குளோபல் தமிழ்ச் செய்தி களம் உள்ளதை நினைத்து பெருமை கொள்ள வேண்டியதுதான்.

 

யாழ் இணையமும் இவ்விடையத்தில் கவனமாக இருக்க வேண்டும்.

 

Edited April 20, 201312 yr by துளசி

யாழ் இணையமும் இவ்விடையத்தில் கவனமாக இருக்க வேண்டும்.

 

கடந்த 6 மாதத்துக்கு முதலே இப்படி எங்களுக்கு நடந்து, கண்டு பிடித்து, உரிய முறையில் அதை தடுத்து, பல பாதுகாப்பு ஏற்பாடுகளை செய்தோம்.

கடந்த 6 மாதத்துக்கு முதலே இப்படி எங்களுக்கு நடந்து, கண்டு பிடித்து, உரிய முறையில் அதை தடுத்து, பல பாதுகாப்பு ஏற்பாடுகளை செய்தோம்.

 

ஒ யாழுக்கும் நடந்ததா...

 

மேலதிக பாதுகாப்பு ஏற்பாடுகளுக்கு நன்றி.

 

ஒரு இணையத் தளத்தை பாதுகாப்பாக நடத்துவது என்பதே சவால் மிகுந்த.. செலவு மிகுந்த ஒரு காரியம். அதுவும் யாழ் போன்ற எதிரிகளின் தெரிவு இலக்கு எல்லைக்குள் உள்ள தளங்களைப் பாதுகாப்பது என்பது இணையத்தளத்தைக் கொண்டு நடந்துவதற்கு மேலதிகமான சுமையும் கூட.

 

யாழ் நிர்வாக உறவுகள்.. இது விடயத்தில் விழிப்புடன் இருந்து.. பொருட்செலவையும் செய்து நேரச் செலவையும் செய்து யாழைப் பாதுகாத்த வண்ணமிருப்பது உண்மையில்.. தனித்து பாராட்ட வேண்டிய விடயம். அவர்களுக்கு மேலதிக வேலைப்பளுவை கொடுக்காமல்.. கள உறவுகள் ஒத்துழைப்புச் செய்து கருத்தாடல் செய்வது கூட ஒரு சின்ன உதவியாக இருக்கும் யாழின் பாதுகாப்பை மென்மேலும் உறுதி செய்து கொள்வதில்..!

சிங்களவன்  சீனர்களுடன்  சேர்ந்து தமிழ் இணையங்களைக் குறி வைத்திருப்பது ஆச்சரியப்படுவதற்கில்லை.

தகுந்த பாதுகாப்புடன் வலம்  வரும் யாழ் இணையத்திற்கு நன்றிகளும் பாராட்டுக்களும்