மாணவி உயிரைப் பறித்த கடற்படை பேருந்து : வேலணையில் சம்பவம்

 

வேலணை புளியங்கூடல் சரவனை சந்தி பகுதியில்  கடற்படையினரின்  பேருந்து ஒன்று மோதியதில் பாடசாலை மாணவி ஒருவர் உயிரிழந்துள்ளார்.

 

குறித்த சம்பவத்தில் வேலணை மேற்கு நடராஜா வித்தியாலயத்தில் கல்வி பயிலும் மாணவியும், ஊர்காவற்றுறை நாராந்தனைப் பகுதியைச் சேர்ந்த உசாந்தினி உதயகுமார் வயது (15) என்ற மாணவியே உயிரிழந்துள்ளார்.

 

குறித்த சம்பவம் தொடர்பில் தெரிய வருவது,

குறித்த மாணவி பாடசாலை செல்லும் வழியில் கடற்படைக்குச் சொந்தமான பேருந்து ஒன்று மாணவியை மோதியது. இதில் குறித்த மாணவி ஸ்தலத்திலேயே உயிரிழந்துள்ளார்.

 

குறித்த மாணவியின் சடலம் யாழ்.போதனா வைத்தியசாலையில் சேர்க்கப்பட்டுள்ளது.

 

மேலும் குறித்த சம்பவம் தொடர்பில் ஊர்காவற்றுறை பொலிஸார் மேலதிக விசாரணைகளை முன்னெடுத்து வருகின்றனர்.

http://onlineuthayan.com/news/4243

சம்பவத்தில் இறந்தவர் ஒரு மாணவி என்பதிலும் பார்க்க அவர் ஒரு சிறுமி என்பதையே ஊடகங்கள் இங்கு முக்கியப்படுத்தி செய்தி வெளியிட்டிருக்க வேண்டும். தெரிந்தோ தெரியாமலோ தமிழ் ஊடகங்களின் மொழி பயன்பாடு கடந்த 20-25 வருடங்களில் மிகவும் மோசமான நிலைக்கு தள்ளப்பட்டிருப்பதைக் காணக்ககூடியதாக இருக்கிறது. இச் சம்பவத்தால் பாதிக்கப்பட்ட சிறுமியின் பெற்றோர் மற்றும் உறவினர்களுக்கு எனது ஆழ்ந்த இரங்கல்கள்.
 

 

எத்தனை கனவுகளைக் கொண்டிருந்தாளோ...? சிறுமியின் ஆன்மா சாந்தியடையட்டும். குற்றவாளி தண்டிக்கப்பட வேண்டும்.

தாங்கள் சொறீலங்கா சிங்கள அரச படையினர் என்ற எகத்தாளச் சிந்தனை தான் இந்த விபத்துக்களுக்கு முக்கிய காரணம். தங்களை அரச இயந்திரம் பாதுகாக்கும் என்ற நம்பிக்கையில் தான் இவர்களை.. எல்லா அடிப்படை மனித இருப்புக்கான காரணிகளையும் தூசாக எண்ணிச் செயற்பட வைக்கிறது. 

ஒரு தடவை இராணுவ பஸ்.. கொழும்பு நுகேகொடப் பகுதியில் ஒரு பள்ளி மாணவியை அடித்துக் கொன்ற போது சிங்களவர்கள் அந்த இராணுவ பஸ்ஸை எரித்ததுடன் அதில் வந்தவர்களை கடுமையாகக் தாக்கி இருந்ததோடு.. பெரும் ஆர்ப்பாட்டத்திலும் ஈடுப்பட்டனர். குறைந்தது அங்கு மக்கள் தங்கள் எதிர்ப்பை பதிவு செய்ய முடிந்தது. இங்கு.....................??! 

மாணவியை இழந்து தவிக்கும் அவள் குடும்பத்தாருக்கு ஆழ்ந்த அனுதாபங்களும்.. மாணவிக்கு கண்ணீரஞ்சலியும். 

Edited December 4, 201510 yr by nedukkalapoovan