யாழ்கள நிர்வாகிகள், உறுப்பினர்கள், மற்றும் விருந்தினருக்கு எனது அன்பு கலந்த வணக்கம்!

முதலில் என்னை அறிமுகம் செய்யாது யாழ் களத்தினுள் திறந்த வீட்டினுள் மாடு புகுந்த மாதிரி நுழைந்து கருத்துக்களை எழுதத்தொடங்கி விட்டேன். இப்போது நேரம் கிடைத்துள்ளதால் என்னை அறிமுகம் செய்கின்றேன்.

முதலில் மாப்பிளை என்ற எனது பெயரை யாராவது தவறுதலாக விளங்கிக் கொள்ள வேண்டாம். இது எம்மிடையே ஒரு உற்சாகத்தை ஏற்படுத்தும் சொல்லாக இருப்பதால் இச்சொல்லை எனது யாழ் கள அடையாமாகத் தேர்ந்தெடுத்தேன். தவிர, மற்றும்படி மாப்பிளைக்கும் எனக்கும் சம்மந்தம் இல்லை. நான் யாழ் களத்தை சுமார் மூன்று ஆண்டுகளாக பார்வையிட்டு வருகின்றேன். நேரம் கிடைக்காதனாலும், மற்றும் தமிழில் எழுதுவது சிரமாக இருந்ததாலும் யாழ் களத்தில் என்னால் உறுப்பினராக இணைந்து கொள்ள முடியவில்லை. எனினும் சிறிது காலத்திற்கு முன் 'அருள்01' எனும் அடையாளத்தில் யாழ் களத்தில் நுழைந்தேன். தவிர்க்க முடியாத சில காரணங்களினால் அப்பெயரில் என்னால் தொடர்ந்து எழுத முடியவில்லை.

எனக்கு ஊர் என்று சொல்லிக் கொள்வதற்கு தமிழீழத்தில் பல இடங்கள் உண்டு. நான் பிறந்த காலம் தொட்டு அகதியாக அலைவதால் தனிப்பட்ட ஒரு ஊரின் பெயரை எனது சொந்த ஊரென்று என்னால் இங்கு குறிப்பிட முடியவில்லை.

படிப்பு மற்றும் தொழில் ரீதியாக நான் கம்பியூட்டர், தொடர்பாடல், தகவல் தொழில் நுட்பம் மற்றும் வியாபாரத்தில் தேர்ச்சி பெற்றுள்ளேன். எனது துறையில் நான் நல்ல வளர்ச்சி பெற்று எனக்குப் புகலிடம் தந்த தந்தை நாட்டிற்கும், தமிழீழ தாய் நாட்டிற்கும் உதவிகள் செய்ய வேண்டும் என்பது எனது பேரவா!

நான் மியூசிக், பியானோ, ஆங்கிலப் பாடல்களை எனது இரண்டாவது துறையாகத் தேர்ந்தெடுத்து பயில்கின்றேன். சில பாடல்களையும் உருவாக்கியுள்ளேன். ஆனால் தொழில் ரீதியாக இவற்றைச் செய்யும் எண்ணம் எனக்கு இப்போதைக்கு இல்லை.

யாழ் களத்தில் எனக்கு பிடித்தமான விடயம் உலகின் ஒவ்வொரு மூலையிலிருந்தும் தமிழீழ உறவுகள் தம்மிடையே கருத்துக்களை பகிர்ந்து ஒவ்வொரு தினத்தையும் உற்சாகமாக வரவேற்பது தான்! உங்கள் கருத்துப் பகிர்வுப் போராட்டத்தில் நானும் இணைந்ததில் மகிழ்ச்சி அடைகின்றேன்!

ஏறக்குறைய பத்து வருடங்களின் பின் தமிழில் நான் எழுதுவதால் ஏறாளமான எழுத்து மற்றும் இலக்கணப் பிழைகள் எனது ஆக்கங்களில் இருக்கக் கூடும். காலப்போக்கில் அவை மெல்ல, மெல்ல மறையும் என இப்போதைக்கு கூறிக் கொள்ள விரும்புகின்றேன். ஏதாவது மோசமான பிழைகளை எனது ஆக்கங்களில் கண்டால் தனிப்பட்ட மடலில் 'மாப்பிளைக்கு' தயவு செய்து தெரிவிக்கவும். உங்களுக்கு கோடி புண்ணியம் கிடைக்கும்.

நன்றி! வணக்கம்!

குறிப்பு: நான் எனது மாப்பிளை என்ற லொள்ளுப் பெயரை கலைஞன் என்று மாற்றிவிட்டேன், மாப்பு/மாப்பி/மாப்ஸ் என அன்புடன் நம்மை அழைக்கவிரும்புவர்கள் தொடர்ந்தும் என்னை அவ்வாறே அழைக்கவும். கலைஞன் என்று அழைக்க விரும்புபவர்கள் கலைஞன் என்று அழைக்கவும். பலருக்கு முக்கியமாக புதியவர்கள், உறுப்பினர்கள் அல்லாத விருந்தினர்களிற்கு சில வேளைகளில் மாப்பிளை எனும் பெயர் குழப்பத்தை ஏற்படுத்தக்கூடும் என்பதால் எனது பெயரை கலைஞன் என மாற்றிவிட்டேன், நன்றி!

Edited April 9, 200718 yr by கலைஞன்

வணக்கம் வாங்கோ யாழ்களத்தின் மாப்பிள்ளையாய் வந்திருக்கிறிங்க.ம்...................

நான் மியூசிக், பியானோ, ஆங்கிலப் பாடல்களை எனது இரண்டாவது துறையாகத் தேர்ந்தெடுத்து பயில்கின்றேன். சில பாடல்களையும் உருவாக்கியுள்ளேன். ஆனால் தொழில் ரீதியாக இவற்றைச் செய்யும் எண்ணம் எனக்கு இப்போதைக்கு இல்லை.

உங்க பாட்டுக்களை எங்களுக்கும் கேட்க வழி செய்யலாமே

சகோதரி கறுப்பி,

எனது பாடல்களை எடுத்து விடுவதில் எனக்கு பிரச்சினை இல்லை. ஆனால் எனது குடும்பத்தினர், நண்பர்கள், உறவினர்கள், மற்றும் என்னை அறிந்தவர்கள் பலர் யாழ் களத்தை பார்வையிடுவதை நான் அறிவேன். இவர்களில் சிலர் யாழ் களத்தில் ஏற்கனவே அங்கத்துவர்களாக இருக்கின்றார்களோ தெரியாது. எனது சரக்கை அவிழ்த்து விட்டுப்பின் அவர்களிடம் தர்ம அடி வாங்க வேண்டாம் என்று தான் பார்க்கின்றேன். காலம் கனிந்தால் நிச்சயமாக எனது பாடல்கள் யாழ் களத்தில் ஒலிப்பதற்கு முயற்சி செய்வேன். சுத்திச் சுத்தி சுப்பற்ற கொள்ளையுக்க என்று தமிழில் கூறுவார்கள். நீங்களும் எனக்கு ஏதாவது தூரத்து உறவோ தெரியாது. எதற்கும் நான் மிகுந்த அவதானமாகத்தான் இருக்க வேண்டும். எனது உடம்பு தர்ம அடிக்கெல்லாம் தாங்காதப்பா!

வணக்கம் மாப்ளே! வாடாப்பா!!

தர்ம அடித் தத்துவம் இங்கு எல்லாருக்கும் உண்டு அப்பனே!

அய்யா ஆதிவாசி,

உங்கள் வரவேற்புக்கு மிக்க நன்றி! நீங்கள் உங்கள் காலில் விழுந்து ஒருவரும் ஆசீர்வாதம் வாங்கவில்லை என்று ஆதங்கத்துடன் "ஐயோ அம்மா அருள் புரியுங்க தாயே" தலைப்பில் எழுதியுள்ளீர்கள். இதோ உங்கள் முன் இந்த மாப்பிளை காலில் பணிந்து விழுந்து ஆசீர்வாதம் கேட்கின்றேன். என்னை எங்கே ஒருக்கால் வாழ்த்தி விடுங்கள் பார்க்கலாம்?

வாருமையா மாப்பிளை வாரும்.வந்தவுடனேயே உம்மடை சரித்திரம் எல்லாம் சொல்லிப்போட்டீர்.நல்ல விசயம் கண்டியோ.அது சரி தண்ணி கிண்ணி அடிக்கிறபழக்கம் இருக்கோ?ஏனெண்டால் குமர்ப்பிள்ளையளும் நடமாடுகிற இடம் இது.அதுதான் கொஞ்சம் அவதானமாய் என்ன ராசா................. B)

அண்ணா குமாரசாமி,

உங்கள் வரவேற்புக்கு நன்றி. உங்களுடன் கள்ளுக் கொட்டிலுக்கு வந்து வாழ்க்கையின் தத்துவங்களை அறிய முடியாமைக்கு எனது மன வருத்தங்களை தெரிவித்துக் கொள்கின்றேன். ஏனென்றால், குடிக்காண்மையை(கள்ளுண்ணாமை) நான் ஒரு கொள்கையாக பின்பற்றி வருகின்றேன். (அதற்காக குடிப்பவர்களை நான் குறைத்து மதிப்பதாக விளங்கிக் கொள்ள வேண்டாம்!)

வாருமையா மாப்பிளை வாரும்.வந்தவுடனேயே உம்மடை சரித்திரம் எல்லாம் சொல்லிப்போட்டீர்.நல்ல விசயம் கண்டியோ.அது சரி தண்ணி கிண்ணி அடிக்கிறபழக்கம் இருக்கோ?ஏனெண்டால் குமர்ப்பிள்ளையளும் நடமாடுகிற இடம் இது.அதுதான் கொஞ்சம் அவதானமாய் என்ன ராசா................. B)

ஏனுங்கோ குமாரசாமி சார் அதுதான் நீங்க களப்பக்கம் வராமல் காணமல் போறிங்களா

வணாக்கம் மாப்பிளை மாமா, வாங்கோ, வாங்கோ.

அன்புள்ள சுட்டி,

என்னை மாமா என்று கூப்பிட்டு வரவேற்றதற்கு மிகவும் நன்றி! ஆமாம், நீங்கள் மருமகனா அல்லது மருமகளா? எனக்கு நிறைய மருமக்கள் இருக்கின்றார்கள்.

லணக்கம் மாப்பிளை.

ஈழப்பிரியன்,

உங்கள் வரவேற்புக்கு நன்றி!

வணக்கம் , மாப்பிள்ளை. மிக நிண்ட அறிமுகம். யாரும் இவ்வறு நீண்ட அறிமுகத்தை இதுவரை தந்ததில்லை.

உங்கள் இலட்சியங்கள் நிறைவேற வாழ்த்துக்கள்

குலகாடான்(அல்லது குளகாடான்?),

உங்கள் வரவேற்புக்கும், வாழ்த்துக்களிற்கும் மிகவும் நன்றி!

வணக்கம் மாப்பிளே

நீண்ட அறிமுகத்துடன் வந்திருக்கிறியள் வாருங்கோ வரவேற்கிறம்.

இரசிகை,

உங்கள் அன்பான வரவேற்புக்கு நன்றிகள்!

வாங்கோ மாப்பிள்ளை...வருக வருக என வரவேற்கிறோம்!

மூகி/முகி,

உங்கள் அன்பான வரவேற்புக்கு மிக்க நன்றி!

வணக்கம் மாப்பிள்ளை, அருமையான அறிமுகம்..வாருங்கள் வாருங்கள்

அய்யா ஆதிவாசி,

உங்கள் வரவேற்புக்கு மிக்க நன்றி! நீங்கள் உங்கள் காலில் விழுந்து ஒருவரும் ஆசீர்வாதம் வாங்கவில்லை என்று ஆதங்கத்துடன் "ஐயோ அம்மா அருள் புரியுங்க தாயே" தலைப்பில் எழுதியுள்ளீர்கள். இதோ உங்கள் முன் இந்த மாப்பிளை காலில் பணிந்து விழுந்து ஆசீர்வாதம் கேட்கின்றேன். என்னை எங்கே ஒருக்கால் வாழ்த்தி விடுங்கள் பார்க்கலாம்?

அடேய் மாப்ளே!

நாம ஒருக்காலால் வாழ்த்த முடியாதப்பா...

இரண்டு கைகள் இருக்கின்றன வாழ்த்துகிறேன். அப்பிடியே தொலைவில் நின்று பெற்றுக் கொள்ளுப்பா!(அண்மிக்கவிட்டா நமக்கெல்லே ஆபத்து) B)

தூயா,

உங்கள் அன்பான வரவேற்புக்கு நன்றிகள்!

அய்யா ஆதிவாசி,

உங்கள் வரவேற்புக்கும், வாழ்த்துக்களிற்கும் மிகவும் நன்றி! (உங்களுக்கு பல கோடி புண்ணியம்! )

வாங்கோ மாப்பிள்ளை.என்ன வீட்டோட மாப்பிளையா :P எதுக்கம் ஒரு வணக்கம் சொல்லி வைப்போம். :P

மாப்பிளை நீர் கொஞ்சம் விவரமான ஆள் போல இருக்கு!