கடைசி கட்டத்தில் ஒரு நடிகனின் வாழ்க்கை... உதவுங்கள் நல்லுள்ளங்களே! - நடிகர் சங்கம் வேண்டுகோள் அல்வா வாசு எனும் நல்ல நடிகனின் வாழ்க்கை மருத்துவமும் கைவிட்ட நிலையில் கடைசி கட்டத்தில் நிற்கிறது. அவரது குடும்பத்துக்கு உதவுங்கள் நல்ல உள்ளங்களே என்று நடிகர் சங்கம் கேட்டுக் கொண்டுள்ளது. இயக்குநர் மணிவண்ணனால் அறிமுகமான நடிகர் அல்வா வாசு. 500-க்கும் மேற்பட்ட படங்களில் நடித்துள்ளார். கடந்த ஆறு மாதங்களாக வாய்ப்பில்லாமல், உடல் நிலையும் சரி இல்லாமல் இருந்தவர், இன்று கவலைக்கிடமாக உள்ளார்.  

இதுகுறித்து நடிகர் சங்க துணைத் தலைவர் பொன்வண்ணன் விடுத்துள்ள அறிக்கை: 500 படங்களுக்கு மேல் நடித்தவர் நடிகர் அல்வா வாசு. இயக்குநர் மணிவண்ணன் அவர்களிடம் உதவி இயக்குனராக இருந்து இயக்குனாரான அந்த பொறுப்பு கிடைக்காமல் நடிகராகவே பயணித்து பல படங்களில் அவர் நடித்துள்ளார். பெரிய அளவில் அவர் சம்பாதிக்கவே இல்லை. ரொம்ப எளிமையான இயல்பான ஒரு மனிதர். முகம் சுளிக்குமாறு எதுவும் பேசமாட்டார். வாய்ப்புக்காக எதுவும் பேசமாட்டார். தனக்கு கிடைத்த வாய்ப்பில் தனக்காக ஒரு சின்ன குடும்பத்தில் ஒரு சூழ்நிலையில் உடல்நிலை சரியில்லாமல் கடந்த ஆறு மாதமாக அலைந்து கொண்டிருந்தார். மிக சிரமமான காலகட்டத்தில் சென்னையில் வந்து இருக்கவே முடியாத ஒரு சூழ்நிலையில் அவர் சொந்த ஊரான மதுரைக்கே சென்றுவிட்டார். அவருடைய துணைவியார்தான் மிகவும் கஷ்டப்பட்டு அவரை கவனித்து வந்தார். கடந்த மூன்று மாதமாக அவரது உடல்நிலையில் நிறைய மாற்றங்கள் ஏற்பட்டுக்கொண்டே வந்தது. ஒரு நல்ல சூழ்நிலைக்கு வந்துவிடுவார் என்று எதிர்பார்த்துக் கொண்டிருக்கும் போதே மருத்துவத்தை அவர் உடல் ஏற்றுக்கொள்ளவில்லை. மனிதர்களுடைய வாழ்கையில் கடைசி நம்பிக்கை என்று சொல்லக்கூடிய விஷயங்கள் இரண்டு உள்ளன. ஒன்று மருத்துவம், மற்றொன்று கடவுள் நம்பிக்கை. அதில் முதலாவது கைவிட்டுவிட்டது. மற்றொன்றான கடவுள் நம்பிக்கை நிச்சயம் காப்பாற்றும் என நாம் நம்பலாம். இப்போது நாம் செய்ய வேண்டிய விஷயம் என்னவென்றால் ஒரு கலைஞன் சினிமாவை நம்பி வந்தான். நல்ல மனிதனாக வாழ்ந்தான். அவருடைய கடைசி காலத்தில் அவர் கண்முன்னாடியே அவர் குடும்பத்துக்கு பொருளாதார உதவி கிடைத்துவிட்டால் அவருடைய கடைசி காலம் மிக நிம்மதியாக இருக்கும். ஒரு வேளை அந்த நம்பிக்கையே கூட அவரை காப்பாற்றி விடும். அதனால் தயவு செய்து தங்களால் எவ்வளவு முடியுமோ அதை எங்கள் எங்களுடைய பிஆர்ஓ ஜான்சனிடம் கேட்டால் அவருடைய வங்கி கணக்கு முதலிய தகவல்களை தருவார். தங்களால் முடிந்ததை எவ்வளவு சீக்கிரம் தரமுடியுமோ அவ்வளவு சீக்கிரம் கொடுத்து உதவுங்கள். நன்றி ! -பொன்வண்ணன் தென்னிந்திய நடிகர் சங்க துணை தலைவர்

Read more at: https://tamil.filmibeat.com/news/nadigar-sangam-requests-public-help-alwa-vasu-family-047867.html?utm_source=spikeD&utm_medium=LT&utm_campaign=adgebra

• நகைச்சுவை நடிகர் அல்வா வாசு காலமானார்   
•  

http://tamil.oneindia.com/

நகைச்சுவை நடிகர் அல்வா வாசு உடல்நலக் குறைவால் காலமானார்

 

தமிழ் திரைப்படங்களில் நகைச்சுவை கதாபாத்திரங்களில் நடித்த அல்வா வாசு கல்லீரல் பாதிப்பு காரணமாக மதுரையில் உள்ள தனது இல்லத்தில் இன்று காலமானார்.

 

 

மதுரை:

தமிழ் திரைப்படங்களில் நகைச்சுவை கதாபாத்திரங்களில் நடித்த அல்வா வாசு கல்லீரல் பாதிப்பு காரணமாக மதுரையில் உள்ள தனது இல்லத்தில் இன்று காலமானார்.

தமிழில் 900 படங்களுக்கு மேல் நகைச்சுவை கதாபாத்திரங்கள், குணச்சித்திர வேடங்களில் நடித்து பிரபலமானவர் நடிகர் அல்வா வாசு. இவர் இயக்குநர் மணிவண்ணனிடம் உதவி இயக்குநராக பணியாற்றினார். பின்னர் நகைச்சுவை, குணச்சித்திர நடிகரானார். `அமைதிப்படை', ரஜினிகாந்தின் `அருணாச்சலம்', `சிவாஜி', நடிகர் சத்யராஜ் உள்பட பல நடிகர்களின் படங்களில் இவர் நடித்த காட்சிகள் பிரபலம்.

குறிப்பாக வடிவேலு உடன் இவர் நடித்துள்ள நகைச்சுவை காட்சிகள் ரசிகர்களை எப்போதும் சிரிக்க வைக்கக் கூடியது. சில மாதங்களுக்கு முன்பு அல்வா வாசு கல்லீரல் பாதிப்பால் மதுரை மீனாட்சி மி‌ஷன் மருத்துவமனையில் சேர்க்கப்பட்டார். 6 மாதங்களுக்கும் மேலாக தீவிர சிகிச்சை பெற்று வந்தார். மருத்துவர்கள் அவருக்கு அளித்த சிகிச்சையால் பலன் கிடைக்கவில்லை.

அவர் உயிரை காப்பாற்றுவது கடினம். எனவே அவரை வீட்டிற்கு அழைத்து செல்லுங்கள் என்று டாக்டர்கள் கூறியதையடுத்து, அல்வா வாசு வீட்டிற்கு கொண்டு வரப்பட்டார். இந்நிலையில், உடல்நலம் கடும் மோசமானதால் இன்று அவர் காலமானார். 

நடிகர் அல்வா வாசுவுக்கு அமுதா என்ற மனைவியும், கிருஷ்ண ஜெயந்திகா என்ற மகளும் உள்ளனர்.

http://www.maalaimalar.com/News/TopNews/2017/08/17233627/1102922/comedy-actor-halwa-vasu-passed-away.vpf

அஞ்சலி. 

ஆழ்ந்த இரங்கல்களும், அஞ்சலிகளும்..!

ஆழ்ந்த அஞ்சலிகள்!

மற்றவன் முகம் கோணாமல் சிரிக்க வைத்த வாசுவிற்கு அஞ்சலிகள்.

சிறிய பாத்திரங்களில்... அல்வா வாசு நடித்து இருந்தாலும்,
அந்த இடைவெளியில்.... இவர் உதிர்க்கும் நகை ச்சுவையும், இவரின் குரலும்... மறக்க முடியாதவை.
ஆழ்ந்த அனுதாபங்கள்.

கட்டணம் வாங்காத டாக்டர்... கண்டுகொள்ளாத கலையுலகம்... அல்வா வாசுவுக்கு ஃபேஸ்புக்கில் ஆதரவுக்குரல்!

 

 

காமெடி நடிகர்களின் வாழ்க்கை, கடைசியில் கண்ணீரில்தான் முடிகிறது என்பதற்கு சமீபத்திய உதாரணம் அல்வா வாசு. `அமைதிப்படை' படத்தில் சத்யராஜுக்கு அல்வா வாங்கிக் கொடுப்பதுபோல நடித்ததால், பெயருக்கு முன்னால் `அல்வா' என்கிற அடைமொழி ஒட்டிக்கொண்டது. பல படங்களிலும் நடித்திருந்தாலும் உதவி இயக்குநராகப் பணிபுரிந்திருந்தாலும்  வடிவேலுவுடன் இணைந்து நடிக்கத் தொடங்கிய பிறகுதான் இவர் பிரபலமானார். 

வடிவேலுவுடன் `அல்வா' வாசு நடித்த ஒருசில காமெடிக் காட்சிகள் எவராலும் மறக்க முடியாதவை. நடிகர் வடிவேலு வக்கீல் வண்டுமுருகனாக நீதிமன்றத்தில் வாதாடும் காமெடிக் காட்சியில் நீதிபதி, குற்றவாளிகளுடன் சேர்த்து வடிவேலுவையும் சிறையில் அடைத்துவிடுவார். வடிவேலுவுக்கு ஜூனியராக வரும் `அல்வா' வாசு, ஜாமீன் வாங்கி வரச் சென்றிருப்பார். கடைசியில் `கடல்லயே ஜாமீன் இல்லையாம்' என்று கண்ணை சுளித்துக்கொண்டு கூறும் காட்சி, நம்மை விழுந்து விழுந்து சிரிக்கவைத்தது. `ஒரு வாரம் ஆனாலும் எதிரிகளை நேருக்குநேர் சந்திக்கக்கூடிய போர்க்குணம்கொண்ட போர்வாள்', `பாஸ், நீங்க வில்லேஜ் விஞ்ஞானி' போன்ற காமெடி வசனங்களும் காலத்துக்கும் மறக்க முடியாதவையே. 

வடிவேலுவின் உடல்மொழிபோலவே, `அல்வா' வாசுவும் தனக்கென்ற தனி உடல் மொழியுடன் நடிக்கும் திறன் படைத்தவர். வடிவேலுவுடன் இணைந்து தொடர்ச்சியாக நடித்த இவர், தமிழக மக்களை மட்டுமல்லாமல், தென்னிந்திய ரசிகர்களையே சிரிப்புக் கடலில் ஆழ்த்தினார். இவர் உடல்நிலை சரியில்லாமல் ஆறு மாத காலமாகக் கஷ்டப்பட்டாலும், இறப்பதற்கு ஒரு வாரத்துக்கு முன்னர்தான், அவர் கவலைக்கிடமாக இருக்கும் தகவலே வெளியே வந்தது.

சுமார் 700-க்கும் மேற்பட்ட படங்களில் `அல்வா' வாசு நடித்திருந்தாலும், இவரைப் போன்ற காமெடி நடிகர்களுக்கு பெரிய அளவில் சம்பளம் கிடைத்திருக்கவோ, சொத்து, சுகம் என வாழ்ந்திருக்கவோ வாய்ப்பில்லை. `அல்வா' வாசுவுடன் நடித்த துணை நடிகர்களும் அப்படித்தான். அந்த டீமில் நடிகர் வடிவேலு ஒருவர்தான் `அல்வா' வாசுவுக்கு உதவக்கூடிய நிலையில் இருப்பவர். ஆனால், அவர்கூட கடைசிக் கட்டத்தில் வாசுவுக்கு எந்த உதவியும் செய்யவில்லை எனக் கூறப்படுகிறது. `அல்வா' வாசு இறந்த பிறகு இறுதி அஞ்சலி செலுத்தக்கூட நடிகர் வடிவேலு செல்லவில்லை என்ற குற்றச்சாட்டும் எழுத்துள்ளது. 

இதுகுறித்து படத் தயாரிப்பாளர் சுரேஷ் காமாட்சி, தன் ஃபேஸ்புக் பக்கத்தில் கடும் கண்டனம் தெரிவித்துள்ளார். ஃபேஸ்புக் பக்கத்தில் அவர் எழுதியிருப்பதாவது, `சுமார் 36 ஆண்டு காலம் கலை உலகில் பன்முகத் தோற்றங்களில் நடித்துள்ள `அல்வா' வாசுவின் இறுதி நாள்கள், எண்ணற்றத் துயரங்களைக்கொண்டவையாகவே அமைந்துள்ளன. இவருக்கு கல்லீரல் பாதிக்கப்பட்டு, மருத்துவம் பார்க்கப் போதிய நிதி இல்லாமல் நெருக்கடியில் இருந்தபோது, கோடிகளில் புரளும் எந்தக் கோமாளிகளும் முன்வரவில்லை. ஏன்... இறுதிச் சடங்குக்குக்கூட யாரும் போகவில்லை. காரணம், இவர்களின் அளவுக்கு இறந்தவரிடம் வசதி இல்லை என்பதுதான்.

இவரின் இறுதிநாளில் உடன் இருந்து தன்னால் இயன்ற உதவிகளைச் செய்த நடிகரும் இயக்குநருமான சரவணசக்தி, மேனேஜர் கண்ணன், மயில்சாமி, அண்ணன் சத்யராஜ் போன்ற சில நல்ல உள்ளங்களே உதவி செய்துள்ளனர். சகநடிகனின் கண்ணீரைத் துடைக்கவே எவருக்கும் துணிவில்லை. இதில் சில பேர் `சிஸ்டம் சரி இல்லை' என்கிறார்கள். பலர் `அரசியலுக்கு வருகிறேன்' என்கிறார்கள். காலக்கொடுமை! `அல்வா' வாசு, வடிவேலுவுடன் சேர்ந்து எண்ணற்ற படங்களில் நடித்துள்ளார். அவர்கூட இவருக்கு உதவ முன்வரவில்லை. யார்... எவர் என்றே தெரியாமல் இவருக்கு சிகிச்சை அளித்த டாக்டர் தணிகாச்சலம், `கட்டணமே வேண்டாம்' என்று சென்றுள்ளார்.

 ஆரோக்கியமாக இருக்கும்போது சந்தா வாங்குவதோ, ஓட்டுக்காக வீடு வரை வந்து தாஜா பண்ணுவதோ முக்கியமல்ல; இறப்பின் பிடியிலிருக்கும்போது உதவுவதும், எங்கள் கலைக்குடும்பம் உங்களோடு உள்ளது என உடன் நிற்பதும்தான் சந்தா கட்டியதற்கான மரியாதை என்று நான் நினைக்கிறேன். சங்கங்கள், சரியான பாதைக்குத் திரும்ப வேண்டும்' எனக் கூறியிருக்கிறார்.

 

மக்களைச்  சிரிக்கவைப்பவர்களின் வாழ்க்கை, கண்ணீர்த் துளிகளில் முடிவதற்குக் கடைசி உதாரணமாக `அல்வா' வாசு இருக்க வேண்டும் என்பதே நமது ஆசையும்!

http://www.vikatan.com/news/tamilnadu/100011-support-from-facebook-for-halwa-vasu.html