இராணுவத்தினரால்... படுகொலை செய்யப்பட்ட, மாணவி கிருசாந்தியின்... 26ஆவது ஆண்டு நினைவு தினம்..!

யாழ்.செம்மணியில் இராணுவத்தினரால் படுகொலை செய்யப்பட்ட மாணவி கிருஷாந்தி குமாரசுவாமியின் 26 ஆவது நினைவுதினம் இன்று புதன்கிழமை அனுஷ்டிக்கப்படுகின்றது.

1996 ஆம் ஆண்டு யாழ். சுண்டிக்குளி கல்லூரி மாணவி கிருஷாந்தி (வயது 18) வீதியால் சென்று கொண்டிருந்த வேளை செம்மணி பகுதியில் வைத்து படுகொலை செய்யப்பட்டார்.

செம்மணி பகுதியில் அப்போதிருந்த இராணுவ முகாமில் வழிமறித்த இராணுவத்தினர் பாலியல் வன்முறைக்குட்படுத்தி கழுத்தை நெறித்துபடுகொலை செய்திருந்ததாக கூறப்படுகின்றது.

அவரைத் தேடிச் சென்ற, தாயார், சகோதரன் மற்றும் உறவினர் ஒருவரும் இராணுவத்தினரால் படுகொலை செய்யப்பட்டிருந்தார்கள்

இவ்வாறு படுகொலை செய்யப்பட்ட நால்வரின் உடல்களையும் செம்மணி பகுதியில் உள்ள வயல்வெளியில் புதைக்கப்பட்டிருந்தமை குறிப்பிடத்தக்கது.

https://athavannews.com/2022/1298058

நினைவஞ்சலிகள்.

16 minutes ago, தமிழ் சிறி said:

1996 ஆம் ஆண்டு யாழ். சுண்டிக்குளி கல்லூரி மாணவி கிருஷாந்தி (வயது 18) வீதியால் சென்று கொண்டிருந்த வேளை செம்மணி பகுதியில் வைத்து படுகொலை செய்யப்பட்டா

ஆழ்ந்த இரங்கல்கள். 

சமாதானதேதை வேடந்தாங்கித் தமிழின அழிப்புத்தாண்டவமாடிய சந்திரிகா பண்டாரநாயக்க குமாரணதுங்க தலைமையில் நடந்த படுகொலை.  

ஆழ்ந்த இரங்கல்கள்

54 minutes ago, nochchi said:

சமாதானதேதை வேடந்தாங்கித் தமிழின அழிப்புத்தாண்டவமாடிய சந்திரிகா பண்டாரநாயக்க குமாரணதுங்க தலைமையில் நடந்த படுகொலை.  

சமாதானதேதையின் தற்போதைய நிலைமை கேவலம்🙄, இதுதான் இயற்கையின் நியதி 

கிருசாந்திக்கு 26ம் ஆண்டு நினைவஞ்சலிகள்.

மாணவி கிருசாந்திக்கு நினைவஞ்சலிகள்.

புதைகுழிகளை ஆரம்பித்து வைத்த சந்திரிகா பாடசாலை சீருடையிலேயே பள்ளி மாணவி கிருசாந்தியை வன்புணர்ந்து படுகொலை செய்த பாதகி.

செம்மணியில் இப்படி எத்தனை எத்தனையோ புதைகுழிகள்.

படுகொலை செய்யப்பட்ட மாணவி கிருஷாந்திக்கு தமிழ் தேசிய மக்கள்  முன்னணி சபையில் அஞ்சலி  

By T YUWARAJ

07 SEP, 2022 | 06:04 PM

         
(இராஜதுரை ஹஷான்,எம்.ஆர்.எம்.வசீம்)

இராணுவத்தினரால் யாழ் செம்மணியில் வைத்து பாலியல் வல்லுறவுக்குட்படுத்தப்பட்டு படுகொலை செய்யப்பட்ட மாணவியான கிருஷாந்திக்கு தமிழ் தேசிய மக்கள்  முன்னணி சபையில் அஞ்சலி செலுத்தியது.

பாராளுமன்றத்தில் இன்று புதன்கிழமை இடம்பெற்ற பிள்ளைகள் தாய்மாரின் மந்தபோசணை தொடர்பாக யுனிசெப் நிறுவனம் விடுத்திருக்கும் அறிக்கை மீதான சபை ஒத்திவைப்பு வேளை இரண்டாவது நாள் விவாதத்தில்  உரையாற்றிய  தமிழ் தேசிய மக்கள்  முன்னணியின் உறுப்பினர் செல்வராஜா கஜேந்திரன் தனது அஞ்சலியை செலுத்தினார்.

 யாழ்.செம்மணியில் இராணுவத்தினரால் படுகொலை செய்யப்பட்ட மாணவி கிருஷாந்தி குமாரசுவாமியின் 26 ஆவது நினைவுதினம் நேற்று  புதன்கிழமை வடக்கு மற்றும் கிழக்கு மாகாணங்களில் அனுஷ்டிக்கப்பட்டது.

1996 ஆம் ஆண்டு யாழ். சுண்டிக்குளி கல்லூரி மாணவி கிருஷாந்தி   செம்மணி பகுதியில் வைத்து இராணுவத்தினரால்  பாலியல் வல்லுறவுக்குட்படுத்தப்பட்டு  படுகொலை செய்யப்பட்டார்.இந்நிலையிலேயே அவரையும் அவரை தேடிச்சென்ற நிலையில் படுகொலை செய்யப்பட்ட மாணவியின் உறவினர்களையும் நினைவு கூர்ந்து சபையில் தனது அஞ்சலியை  கஜேந்திரன் எம்.பி. செலுத்தினார். https://www.virakesari.lk/article/135250

5 hours ago, உடையார் said:

ஆழ்ந்த இரங்கல்கள்

சமாதானதேதையின் தற்போதைய நிலைமை கேவலம்🙄, இதுதான் இயற்கையின் நியதி 

ஆனால், எல்லா இனப்படுகொலையாளிகளும் படிபடியாகத் தமது அரசியல் இருப்பை இழந்தாலும் தண்டிக்கப்படாது இருக்கிறார்கள் என்பதுதான் பெரும் ஏமாற்றம்.