ஆனையிறவில் நிர்மாணிக்கப்பட்ட 27 அடி உயர நடராஜர் சிலை பிரதிஷ்டை

[கிருபன்]

ஆனையிறவில் நிர்மாணிக்கப்பட்ட 27 அடி உயர நடராஜர் சிலை பிரதிஷ்டை

கிளிநொச்சி கரைச்சி பிரதேச சபை தீர்மானத்துக்கு அமைவாக நடராஜர் பணிக் குழுவினால் ஆனையிறவுப் பகுதியில் நிர்மாணிக்கப்பட்ட 27 அடி உயரமான நடராஜர் சிலை நேற்று முற்பகல் பிரதிஷ்டை செய்து வைக்கப்பட்டது.

ஆனையிறவுப் பகுதியில் பிரதான வர்த்தக மையம், பாரம்பரிய உணவகம், எரிபொருள் நிரப்பு நிலையம், நவீன குளியலறை, விளையாட்டு முற்றம், கடற்கரை, உல்லாச விடுதி மற்றும் உணவகம், வங்கி வசதிகள் என்பவற்றுடன் கூடிய ஆனையிறவு வணிக சுற்றுலா மையத்தை நிறுவும் திட்டமிடல் வரைபடத்தின் அடிப்படையில் முதலாம் கட்டப் பணிகள் நிறைவுபெற்று அங்கு நிறுவப்பட்ட சுமார் 27 அடி உயரமான நடராஜர் சிலை நேற்று ஞாயிற்றுக் கிழமை காலை 9:30 மணிக்கு பிரதிஷ்டை செய்து வைக்கப்பட்டது.

இந்த நிகழ்வில் இந்து மத சிவாச்சாரியார்கள்,பாராளுமன்ற உறுப்பினர் சிவஞானம் சிறிதரன், முன்னாள் பாராளுமன்ற உறுப்பினர் மா.வை. சேனாதிராசா,செஞ்சொற் செல்வர் ஆறு திருமுருகன் உட்படப் பலர் கலந்து கொண்டனர்.

 

https://thinakkural.lk/article/244488

 

[Hana]

9 hours ago, கிருபன் said:

ஆனையிறவுப் பகுதியில் நிர்மாணிக்கப்பட்ட 27 அடி உயரமான நடராஜர் சிலை நேற்று முற்பகல் பிரதிஷ்டை செய்து வைக்கப்பட்டது.

சிலையில் காகம் இருக்கவிட்டால் சரி. சமயப் பற்று வேணும்தான் ஆனால் நாங்களும் இந்தியா மாதிரி சமயத்தால் அடிபடாவிட்ட்தால் சரி.

 

[goshan_che]

இதுவரை வடக்கு கிழக்கில் நிறுவப்பட்ட சிலைகளில் அழகானது இதுவாகவே தெரிகிறது. 

[island]

ஆனையிறவில் வர்ததக மையம் என்றால் அந்த வர்தக மையத்தில் வணக்கத்திற்குரிய சிலை அமைக்க வேண்டுமா? வர்த்தக  மையம் என்றால் வர்த்தகத்தை பலப்படுத்துவதற்காக பலவேறு நிறுவனங்கள், கடைகள் வியாபாரத்தை விருத்தி செய்து மக்களுக்கு வேலை வாய்பபுகளை  ஏற்படுத்த வேண்டிய தேவை இருக்கும். அதற்கு தடையாக இந்த வணக்கத்துக்குரிய நடராஜர் சிலை இருக்காதா?  சிலை அமையும் போது அதற்கான சமய விடயங்கள் வர்தக மைய விருத்திக்கு எதிர் காலத்தில் தடையாக அமையுமே? 

முறி கண்டி போல கச்சான் கடையும் தோசை கடையை தாண்டி வர்தக மையம் வளர்சசி அடையுமா? 

தமிழ்பகுதியின்  பொருளாதார முன்னேற்றங்களை அவர்களின் பலவீனத்தை கொண்டே மட்டுப்படுத்தும் திட்டமாக இருக்குமோ? இதற்கு பின்னால்  அயல் நாட்டு மேலதிக்க கரங்கள் இருக்குமோ? 

ஒரு சந்தேகம் தான். 

[nedukkalapoovan]

வடக்குக் கிழக்கில் சைவ அடையாளங்கள் பெருகுவதில் எந்த தவறும் இல்லை. சைவர்கள் பெரும்பான்மையாக வாழும் தேசம் அது. புத்தர் பெருகுவதுதான் ஆபத்து. 

[பெருமாள்]

வளமான பிரதேசங்களில் புத்தர் அடவாடித்தனம் பண்ணி குடியேறுகிறார் உதாரணம் கிண்ணிய வென்னீர் ஊற்று நிலாவரை கிணறு போன்ற இடங்கள் .

ஒன்றை மறைக்க ஒரு புனையல்

 

[குமாரசாமி]

தென்னாடுடைய சிவனே போற்றி எந்நாட்டவர்க்கும் இறைவா போற்றி.

4 hours ago, Hana said:

சிலையில் காகம் இருக்கவிட்டால் சரி. சமயப் பற்று வேணும்தான் ஆனால் நாங்களும் இந்தியா மாதிரி சமயத்தால் அடிபடாவிட்ட்தால் சரி.

அரச மரத்தை கண்டவுடன் புத்தர் சிலை தோன்றுவதை எப்படி பார்க்கின்றீர்கள்?

சிவனும்,வைரவரும்,காளியம்மனும்,ஊர்க்காவலன் இடும்பனும் மூலைக்கு மூலை தோன்ற வேண்டும்.

[Hana]

9 hours ago, குமாரசாமி said:

தென்னாடுடைய சிவனே போற்றி எந்நாட்டவர்க்கும் இறைவா போற்றி.

அரச மரத்தை கண்டவுடன் புத்தர் சிலை தோன்றுவதை எப்படி பார்க்கின்றீர்கள்?

சிவனும்,வைரவரும்,காளியம்மனும்,ஊர்க்காவலன் இடும்பனும் மூலைக்கு மூலை தோன்ற வேண்டும்.

 நீங்கள் சொல்வது போல் வைக்கட்டும் ஆனால் முன்னர் வழிப்பிள்ளையார்கள் இருப்பது போல். பராமரிப்பு இதுக்கு எப்படி இருக்கும் என்று போகத்தான் தெரியும்.  எனக்கும் எங்கள் நிலத்தில் புத்தர் சிலை வைப்பது கோபத்தை உண்டாக்குகிறது. ஆனால் கொழும்பில் பார்க்கும் போது வரவில்லை.

[விசுகு]

13 hours ago, nedukkalapoovan said:

வடக்குக் கிழக்கில் சைவ அடையாளங்கள் பெருகுவதில் எந்த தவறும் இல்லை. சைவர்கள் பெரும்பான்மையாக வாழும் தேசம் அது. புத்தர் பெருகுவதுதான் ஆபத்து. 

 

11 hours ago, குமாரசாமி said:

தென்னாடுடைய சிவனே போற்றி எந்நாட்டவர்க்கும் இறைவா போற்றி.

அரச மரத்தை கண்டவுடன் புத்தர் சிலை தோன்றுவதை எப்படி பார்க்கின்றீர்கள்?

சிவனும்,வைரவரும்,காளியம்மனும்,ஊர்க்காவலன் இடும்பனும் மூலைக்கு மூலை தோன்ற வேண்டும்.

 

அதே...

[nedukkalapoovan]

Shiva's 'Nataraj' statue infront of the world's largest particle physics lab CERN (The European Organization for Nuclear Research) in Switzerland.

 

https://cds.cern.ch/record/745737?ln=en

Edited March 16, 2023 by nedukkalapoovan

[satan]

On 13/3/2023 at 18:01, கிருபன் said:

நடராஜர் பணிக் குழுவினால் ஆனையிறவுப் பகுதியில் நிர்மாணிக்கப்பட்ட 27 அடி உயரமான நடராஜர் சிலை நேற்று முற்பகல் பிரதிஷ்டை செய்து வைக்கப்பட்டது.

 

On 14/3/2023 at 05:06, island said:

தமிழ்பகுதியின்  பொருளாதார முன்னேற்றங்களை அவர்களின் பலவீனத்தை கொண்டே மட்டுப்படுத்தும் திட்டமாக இருக்குமோ? இதற்கு பின்னால்  அயல் நாட்டு மேலதிக்க கரங்கள் இருக்குமோ? 

ஒரு சந்தேகம் தான். 

நடராஜர் சிலை என்ற செய்தியைப் பாத்ததும் எனக்கும் இந்தச் சந்தேகம் வந்தது. எமது இயலாத்தன்மையை பாவித்து சிங்களம் ஒருபுறம் நுழைந்து எமது கலாச்சாரம், பண்பாடு, நிலம் எல்லாவற்றையும் இல்லாதொழித்து ஓரங்கட்டுது நம்மை.  நாட்டின் வங்குரோத்து தன்மையை பயன்படுத்தி அயல் நாடும் மற்றைய நாடுகளும் மிஞ்சியவற்றை தாமதாக்குது. கேட்பதற்கும் தடுப்பதற்கும் யார் இருக்கிறார்கள் நமக்கு? நடப்பதை கைதட்டி வேடிக்கை பாக்க மட்டுமே முடியும் நமக்கு இப்போதைக்கு. நடராஜர் பணிக்குழு என்று ஒன்றை இப்போதான் கேள்விப்படுகிறேன். அது செய்ய நிறைய எத்தனையோ அவசரப்பணிகள் இருக்கின்றன, கோவிக்க வேண்டாம் நடராஜ தொண்டர்களே! மூலைக்கு மூலை, தெருவுக்கு தெரு சிலை நிறுவினோம், இன்று அதே முறையில் நம் நிலத்தில் புத்தர் தோன்றுகிறார், தடுக்க முடிந்ததா நம்மால்? புத்தரை தட்டு வைத்து அழைப்பதுபோல் தோன்றுகிறது இந்தச் சிலை பிரதிஷ்டை. முதலில் அதை தடுக்கும் வழிமுறையை தொடரலாம்.