யாழில் நாய் இறைச்சி கொத்து.

யாழ்ப்பாணத்தில், உணவகம் ஒன்றில் இருந்து பழுதடைந்த இறைச்சி மற்றும் கறிகள் மீட்கப்பட்டதை அடுத்து , உணவகத்திற்கு நீதிமன்ற உத்தரவில் சீல் வைக்கப்பட்டுள்ளது.

மாவிட்டபுரம் பகுதியில் உள்ள உணவகம் ஒன்றில் நேற்று முன்தினம் வியாழக்கிழமை மாட்டிறைச்சி கொத்து வாங்கிய நபர் ஒருவருக்கு கொத்து ரொட்டியில் பழுதடைந்த இறைச்சி துண்டு காணப்பட்டுள்ளது. அத்துடன் குறித்த இறைச்சி துண்டு , மாட்டிறைச்சி போல் அல்லாது வேறு இறைச்சி போன்று காணப்பட்டதால் , அது குறித்து உணவகத்தில் இருந்தவாறே அப்பகுதி பொது சுகாதார பரிசோதகருக்கு குறித்த நபர் தொலைபேசி ஊடாக முறைப்பாடு செய்துள்ளார்.

இருந்த போதிலும் , பொது சுகாதார பரிசோதகர் சம்பவ இடத்திற்கு வராத காரணத்தால் , பழுதடைந்த இறைச்சி கொத்தினை புகைப்படம் எடுத்தும் , , கொத்து ரொட்டிக்கான விற்பனை சீட்டையும் பெற்றுக்கொண்டவர் , அது தொடர்பில் தெல்லிப்பழை சுகாதார வைத்திய அதிகாரியிடம் எழுத்து மூலம் முறைப்பாடு செய்துள்ளார்.

முறைப்பட்டின் பிரகாரம் சுகாதார பரிசோதகர் குழு குறித்த உணவகத்திற்கு சென்று சோதனையிட்ட போது , பழுதடைந்த இறைச்சிகள் மீட்கப்பட்டதுடன் , சுகாதார சீர்கேட்டுடன் உணவகம் காணப்பட்டதுடன் , இறைச்சியை கொள்வனவு செய்தமைக்கான பற்று சீட்டுக்கள் இல்லாதமை கண்டறியப்பட்டது.

அதனை அடுத்து குறித்த உணவக உரிமையாளருக்கு எதிராக மல்லாகம் நீதவான் நீதிமன்றில் வழக்கு தாக்கல் செய்யப்பட்டதை அடுத்து , நீதிமன்ற விசாரணைகளில் உரிமையாளர் தன் மீதான குற்றத்தை ஏற்றுக்கொண்டதை அடுத்து , உரிமையாளரை கடுமையாக எச்சரித்த மன்று , 65 ஆயிரம் ரூபாய் தண்டம் விதித்துள்ளது.

அதேவேளை உணவகத்தில் காணப்படும் குறைப்பாடுகள் தொடர்பிலும் , பொது சுகாதார பரிசோதகர்கள் அறிவுறுத்தலுக்கு அமைய உணவகத்தில் திருத்த வேலைகள் செய்த பின்னர் அது தொடர்பில் பொது சுகாதார பரிசோதகர்கள் அறிக்கை கிடைக்கப்பெற்று மன்று திருப்தி படும் வரையில் உணவகத்திற்கு சீல் வைக்குமாறு மன்று உத்தரவிட்டுள்ளது.

https://athavannews.com/2024/1382900

ஆகா தொடங்கிட்டாங்க ............................

1 hour ago, தமிழ் சிறி said:

யாழில் நாய் இறைச்சி கொத்து.

வந்துட்டான்  எண்டு சொல்லு

இனி கொத்துரொட்டி சாப்பிடுவ.....? 😂

செய்தியில் நாயைக் காணவில்லை......  எங்கே போயிருக்கும்......!  😴

எந்த கடை கடைக்கு பெயர் இல்லியா ? 

48 minutes ago, பெருமாள் said:

எந்த கடை கடைக்கு பெயர் இல்லியா ? 

பெயரை சொன்னால்... வாள்வெட்டு கோஸ்ட்டி வந்து வாசலில் நிற்குமே.... 😂

2 hours ago, பெருமாள் said:

எந்த கடை கடைக்கு பெயர் இல்லியா ? 

நான் பார்த்த ஒரு இணைப்பில் பில்லுடன் சேர்த்து இணைத்திருந்தார்கள்.

2 hours ago, பெருமாள் said:

எந்த கடை கடைக்கு பெயர் இல்லியா ? 

செய்தியில் எந்த ஒரு இடத்திலும் நாய் இறைச்சி என்று குறிப்பிடப்படவில்லை, ஆனால் ஆதவன் தலைப்பில் வேண்டும் என்றே நாயிறைச்சி என்று போட்டுள்ளது.

49 minutes ago, ஈழப்பிரியன் said:

நான் பார்த்த ஒரு இணைப்பில் பில்லுடன் சேர்த்து இணைத்திருந்தார்கள்.

இணைப்பைத் தாருங்கள். நம்பகமான தளமா என சரிபார்க்கவும்.

ஏனெனில் அண்மையில் இங்கு கரப்பத்தான் கிடந்ததாக படம் எடுத்தது ஒரு உணவு விடுதியில், ஆனால் வேண்டும் என்றே இன்னொரு கடையின் பெயரை போட்டு முகனூலில் வதந்தி பரப்பி இருந்தார்கள்.

15 minutes ago, நிழலி said:

செய்தியில் எந்த ஒரு இடத்திலும் நாய் இறைச்சி என்று குறிப்பிடப்படவில்லை, ஆனால் ஆதவன் தலைப்பில் வேண்டும் என்றே நாயிறைச்சி என்று போட்டுள்ளது.

இணைப்பைத் தாருங்கள். நம்பகமான தளமா என சரிபார்க்கவும்.

ஏனெனில் அண்மையில் இங்கு கரப்பத்தான் கிடந்ததாக படம் எடுத்தது ஒரு உணவு விடுதியில், ஆனால் வேண்டும் என்றே இன்னொரு கடையின் பெயரை போட்டு முகனூலில் வதந்தி பரப்பி இருந்தார்கள்.

நிழலி நேற்று செய்தியுடன் படங்களும் எதிலோ பார்த்தேன்.

இப்போது கண்டுபிடிக்க முடியவில்லை.படங்கள் மட்டுமே வருகின்றன.

இதனால் ஏதாவது தறறென்றால் படங்களை நீக்கிவிடவும்.

21 minutes ago, நிழலி said:

அண்மையில் இங்கு கரப்பத்தான் கிடந்ததாக படம் எடுத்தது ஒரு உணவு விடுதியில், ஆனால் வேண்டும் என்றே இன்னொரு கடையின் பெயரை போட்டு முகனூலில் வதந்தி பரப்பி இருந்தார்கள்.

நிழலி... கரப்பத்தான் இல்லை. கரப்பொத்தான் என்றுதான்... சொல்வார்கள். 😂

எனக்கு இன்னும் கொடுப்பினை இல்லை

கனடாவில் கொத்தை பயமில்லாமல் சாப்பிடலாம்...ஆடு ..மாடு ..கோழியைவிட ...நாய் விலைகூடின மிருகம் பாருங்கோ...இதிலை நாம லக்கி ...

மாட்டு இறைச்சி கடைகளை மூட வேண்டும் என்று ஒரு குழு போராட்டம் நடத்துகின்றனர்.

பசு வதை செய்பவர்களை தலை கீழாக கட்டித் தொங்க விடுவோம் என்று அமித்ஷா அந்தப் பக்கம் முந்தாநாள் ஒரு கூட்டத்தில் பேசியிருக்கின்றார்.

வேள்வி அன்று கோயிலுக்கு போய் பார்த்தேன். சின்ன சின்ன கிடாய் ஆடுகளே ஒரு இலட்சம் ரூபாய் அல்லது அதற்கு மேலே.

இந்த நிலையில், கொத்துக் கடைக்காரர்களிடம் 'என்ன, கொத்தில இறைச்சியையே காணல்ல...' என்று முறைத்தால், அவர்களும் தான் என்ன செய்யிறது? அதிகமாக கண்ணில் படுவதை பிடித்து அடிக்கின்றார்கள் போல. ஒவ்வொரு ஒழுங்கையிலும் எவ்வளவு என்கிறீர்கள்.......கூட்டம் கூட்டமாக நிற்கின்றன........எங்களைப் பார்த்து முறைத்த படியே.