இலங்கைக்கான தென்னாபிரிக்க தூதுவர் சாண்டில் எட்வின் ஷால்க், துணைத் தூதுவர் றெனி எவர்சன் வர்ணி மற்றும் நாடாளுமன்ற உறுப்பினர் சிவஞானம் சிறிதரன் ஆகியோருக்கிடையிலான சந்திப்பு கொழும்பிலுள்ள தென்னாபிரிக்க தூதரகத்தில் நடைபெற்றுள்ளது.

நேற்று புதன்கிழமை நடைபெற்ற இந்தக் கலந்துரையாடலின் போது, ஜனாதிபதித் தேர்தல் தொடர்பில் தமிழ் மக்களின் நிலைப்பாடு மற்றும் தமிழ் பொது வேட்பாளர் குறித்த சாதகத் தன்மைகள் குறித்தும், ஈழத்தமிழர்கள் சார்ந்த அரசியல் முன்னெடுப்புகள் குறித்தும் கலந்துரையாடப்பட்டுள்ளது.

இதன்போது, காசாவில் நடைபெறும் மனித உரிமை மீறல்களுக்கு எதிராக சர்வதேச குற்றவியல் நீதிமன்றில் வழக்குத் தாக்கல் செய்துள்ள தென்னாபிரிக்கா, ஈழத்தமிழர்கள் மீது புரியப்பட்ட இனப் படுகொலைக்கும் சர்வதேச நீதியைப் பெற்றுத்தர முயற்சிக்க வேண்டும் என்றும், எதிர்வரும் செப்டெம்பர் மாதம் நடைபெறவுள்ள ஜெனிவா மனித உரிமைகள் பேரவையின் கூட்டத் தொடரிலும் இதுவிடயம் சார்ந்து தங்களின் கரிசனையை வெளிப்படுத்த வேண்டும் என்றும் நாடாளுமன்ற உறுப்பினர் சிறிதரன், தென்னாபிரிக்கத் தூதுவரிடம் கோரிக்கை விடுத்துள்ளார்.

https://thinakkural.lk/article/308248

சுமந்திரன் ஒரு எதிர்ப்பு அறிக்கை விடுவார் என எதிர்பார்க்கலாம். 

🤣

9 hours ago, ஏராளன் said:

இலங்கைக்கான தென்னாபிரிக்க தூதுவர் சாண்டில் எட்வின் ஷால்க், துணைத் தூதுவர் றெனி எவர்சன் வர்ணி மற்றும் நாடாளுமன்ற உறுப்பினர் சிவஞானம் சிறிதரன் ஆகியோருக்கிடையிலான சந்திப்பு கொழும்பிலுள்ள தென்னாபிரிக்க தூதரகத்தில் நடைபெற்றுள்ளது.

படப்பிடிப்பாளர்களைக் கூட்டிட்டிப் போகலையோ?

4 hours ago, ஈழப்பிரியன் said:

படப்பிடிப்பாளர்களைக் கூட்டிட்டிப் போகலையோ?

தென்னாபிரிக்கத் தூதுவரை சந்தித்தார் சிறீதரன் எம்பி!

இலங்கைக்கான (Sri Lanka) தென்னாபிரிக்கத் (South Africa) தூதுவர் சாண்டில் எட்வின் ஷால்க் (Sandhill Edwin Schalk), துணைத் தூதுவர் றெனி எவர்சன் வர்ணி (Renee Everson Varney) மற்றும் நாடாளுமன்ற உறுப்பினர் சிவஞானம் சிறீதரன் (Sridharan) ஆகியோருக்கிடையிலான சந்திப்பொன்று இடம்பெற்றுள்ளது.

குறித்த சந்திப்பானது நேற்றையதினம் (21) கொழும்பிலுள்ள (Colombo) தென்னாபிரிக்கத் தூதரகத்தில் இடம்பெற்றுள்ளது.

இந்தக் கலந்துரையாடலின் போது, ஜனாதிபதித் தேர்தல் தொடர்பில் தமிழ்மக்களின் நிலைப்பாடு மற்றும் தமிழ்ப் பொது வேட்பாளர் குறித்த சாதகத் தன்மைகள் குறித்தும், ஈழத்தமிழர்கள் சார்ந்த அரசியல் முன்னெடுப்புகள் குறித்தும் கலந்துரையாடப்பட்டுள்ளது.

மனித உரிமை

இதன்போது, காசாவில் நடைபெறும் மனித உரிமை மீறல்களுக்கு எதிராக சர்வதேச குற்றவியல் நீதிமன்றில் (ICC) வழக்குத் தாக்கல் செய்துள்ள தென்னாபிரிக்கா, ஈழத்தமிழர்கள் மீது புரியப்பட்ட இனப்படுகொலைக்கும் சர்வதேச நீதியைப் பெற்றுத்தர முயற்சிக்க வேண்டும் என சிறீதரன் தெரிவித்துள்ளார்.

 

மேலும், எதிர்வரும் செப்டெம்பர் மாதம் நடைபெறவுள்ள ஜெனிவா மனித உரிமைகள் பேரவையின் கூட்டத் தொடரிலும் இந்த விடயம் சார்ந்து தங்களின் கரிசனையை வெளிப்படுத்த வேண்டும் என்றும் சிறீதரன், தென்னாபிரிக்கத் தூதுவரிடம் கோரிக்கை விடுத்துள்ளமை குறிப்பிடத்தக்கது.

https://ibctamil.com/article/sridharan-mp-met-the-south-african-ambassador-1724318218

 

7 hours ago, ஏராளன் said:

தென்னாபிரிக்கத் தூதுவரை சந்தித்தார் சிறீதரன் எம்பி!

படங்கள் இணைப்புக்கு நன்றி ஏராளன்.

தென்னாபிரிக்கத் தூதருக்கு தமிழ் தெரியுமா?

15 minutes ago, வாலி said:

தென்னாபிரிக்கத் தூதருக்கு தமிழ் தெரியுமா?

ஆங்கில மோகம்  கொண்ட மேட்டுக்குடிகளின் கருத்து.
இதே போல் தான் தலைவர் பிரபாகரனையும்  ஆங்கிலம் தெரியாது என கழுவி ஊத்தினார்கள்.

36 minutes ago, குமாரசாமி said:

ஆங்கில மோகம்  கொண்ட மேட்டுக்குடிகளின் கருத்து.
இதே போல் தான் தலைவர் பிரபாகரனையும்  ஆங்கிலம் தெரியாது என கழுவி ஊத்தினார்கள்.

இங்லிஷ் பற்றியோ அல்லது தலைவர் அவர்கள் பற்றியோ இங்கு எழுதியிருக்கிறேனா? இல்லயே. பொதுவாக ஒரு நாட்டுக்கு தூதுவராக இருப்பவர்கள் அந்த நாட்டின் அரசியல், பண்பாடு மற்றும் இன்னோரன்ன விடயங்களை அறிந்திருப்பார்கள். இந்த தூதர் குர்தா போன்ற ஓர் ஆடையை அணிந்திருக்கின்றார். அதைவிட சிறிதரன் கனக்க விடயங்களைச் சொல்லியிருக்கிறார் அதுதான் இவருக்கு தமிழ் தெரியுமா என்று கேட்டேன்.

Edited August 23, 20241 yr by வாலி

15 hours ago, Kapithan said:

சுமந்திரன் ஒரு எதிர்ப்பு அறிக்கை விடுவார் என எதிர்பார்க்கலாம். 

🤣

இன்னமும் நித்திரையாலை அவர் எழும்பலையோ...

On 23/8/2024 at 17:10, வாலி said:

இங்லிஷ் பற்றியோ அல்லது தலைவர் அவர்கள் பற்றியோ இங்கு எழுதியிருக்கிறேனா? இல்லயே. பொதுவாக ஒரு நாட்டுக்கு தூதுவராக இருப்பவர்கள் அந்த நாட்டின் அரசியல், பண்பாடு மற்றும் இன்னோரன்ன விடயங்களை அறிந்திருப்பார்கள். இந்த தூதர் குர்தா போன்ற ஓர் ஆடையை அணிந்திருக்கின்றார். அதைவிட சிறிதரன் கனக்க விடயங்களைச் சொல்லியிருக்கிறார் அதுதான் இவருக்கு தமிழ் தெரியுமா என்று கேட்டேன்.

உடைகள் என்று பார்த்தால் கோட்டு சூட்டு  பற்றியும் அலசலாம்.

On 23/8/2024 at 07:18, வாலி said:

தென்னாபிரிக்கத் தூதருக்கு தமிழ் தெரியுமா?

தென்னாபிரிகாவிலே நிறைய தமிழர்கள் இருக்கிறார்கள்.

சிலவேளைகளில் இவருக்கும் கொஞ்சம் கொஞ்சம் தெரிந்திருக்கலாம்.

இவ்வாறான சந்திப்புக்களில் மொழிபெயர்ப்பாளர்களும் அழைத்துச் செல்லப்படுவது வழமையான நடைமுறை. ஆகவே மொழி ஒரு பிரச்சினையாக இருந்திருக்காது என்று நினைக்கிறேன். அதுமட்டுமல்லாமல் தான் பேசப்போகும் விடயம் குறித்து சிறிதரன் நிச்சயம் சிலதடவைகளாவது ஆங்கிலத்தில் பேசிப் பார்த்திருக்கலாம். கிளிநொச்சி இந்துக்கல்லூரியின் அதிபராக இருந்திருக்கிறார், ஆங்கிலம் ஓரளவிற்குத் தெரிந்திருக்கும். 

ஏன் சுத்துமாத்து போனால் தான் ஆங்கிலம் கதைப்பாரோ  ...சிறிதரன் ஒரு அளவான ஆங்கிலம் தெரிந்து இருக்கலாம் , அல்லது நன்றாகவும்  கதைக்கலாம் 

https://youtube.com/shorts/gshSfrKynSE?si=qQWUyca37jcuVwso

 

4 hours ago, தமிழன்பன் said:

ஏன் சுத்துமாத்து போனால் தான் ஆங்கிலம் கதைப்பாரோ  ...சிறிதரன் ஒரு அளவான ஆங்கிலம் தெரிந்து இருக்கலாம் , அல்லது நன்றாகவும்  கதைக்கலாம் 

தமிழோ ஆங்கிலமோ அல்லது Zulu மொழியில் கதைத்தாலும் என்ன கதைத்திருப்பார் என்பது முக்கியமல்லவா? 
 

👇