சென்னை: பிரபல குணச்சித்திர நடிகர், நாடக இயக்குநர் பூர்ணம் விஸ்வநாதன் இன்று மாலை மரணமடைந்தார். அவருக்கு வயது 78.

தமிழ் திரையுலகில் மறக்கமுடியாத சில நடிகர்களுள் முக்கியமானவர் பூர்ணம் விஸ்வநாதன். 1945ல் ஆல் இந்தியா ரேடியோவில் செய்தி வாசிப்பாளராக தன் பணியைத் தொடங்கிய விஸ்வநாதன், தன் குரல் வளத்தால் அனைவரின் கவனத்தையும் ஈர்த்தார்.

1947ம் ஆண்டு இந்தியா சுதந்திரம் அடைந்த செய்தியை ஆல் இந்தியா ரேடியோவின் தமிழ்ச் செய்தியில் முதன் முதலில் கிழக்காசிய நாடுகளுக்கு அறிவித்த பெருமை இவருக்கு உண்டு.

தமிழ் சினிமாவில் ரசிகர்களின் கண்களைக் குளமாக்கும் இரக்க சுபாவமுள்ள பல பாத்திரங்களில் நடித்த பெருமையும் இவரை சாரும்.

ரஜினியுடன் இவர் வித்தியாசமாக நடித்த தில்லு முல்லு, நினைத்தாலே இனிக்கும் படங்கள் இன்றும் மறக்க முடியாதவை.

கமல்ஹாசனுடன் மகாநதி, மூன்றாம் பிறை படங்களில் மிக அற்புதமாக நடித்து ரசிகர்களின் பாராட்டுக்களைப் பெற்றார்.

விதி, வறுமையின் நிறம் சிவப்பு, மூன்றாம் பிறை, புதுப்புது அர்த்தங்கள், கேளடி கண்மணி, ஆண் பாவம் என இவர் பங்கேற்ற மிகச் சிறந்த படங்களின் எண்ணிக்கை ஏராளம்.

சினிமாவைத் தவிர, நாடகத்திலும் மிகுந்த ஈடுபாடு காட்டியவர் விஸ்வநாதன். தனது பூர்ணம் தியேட்டர்ஸ் மூலம் பல நெகிழ்ச்சியூட்டும், அர்த்தமுள்ள நாடகங்களைத் தந்தவர்.

மறைந்த எழுத்துலக மேதை சுஜாதா, பூர்ணம் விஸ்வநாதனுக்காகவே எழுதிய நாடகங்கள் அன்புள்ள அப்பா, ஊஞ்சல், அப்பாவின் ஆஸ்டின் கார்... இன்னும் பல.

சமீப காலமாக இவர் உடல் நலக் குறைவால் அவதிப்பட்டு வந்தார். காய்ச்சல் அதிகமானதன் காரணமாக சில தினங்களுக்கு முன் அப்பல்லோ மருத்துவமனையில் சேர்க்கப்பட்டார். இன்று காலை அவருக்கு நினைவு தப்பியது. மாலை 4 மணிக்கு அவர் மரணமடைந்தார்.

தமிழ் கலைத்துறைக்கு பெரும் இழப்பு பூர்ணம் விஸ்வநாதனின் மரணம்.

நன்றி தற்ஸ் தமிழ்

அன்னாரின் ஆத்மா சாந்தியடைய பிரார்த்திக்கின்றேன் .

அமைதியான

ஆர்ப்பாட்டமற்ற

அருமையான நடிகர் இவர்

அன்னாரின் ஆத்மா சாந்தியடைய பிரார்த்திக்கின்றேன் .

அன்னாரின் ஆத்மா சாந்தியடைய பிரார்த்திக்கின்றேன்

தனது 15-ஆவது வயதிலேயே(?) ஆல் இந்திய வானொலியில் சேர்ந்து செய்தி வாசித்த திறமைமிக்க கலைஞர்.

அன்னாரின் இழப்புக்கு எனது அனுதாபங்கள்.

எமக்கு விடிவு வரும் வரை எம்மை களிப்பூட்டும் போதையில் ஈழபோராட்டத்தை சிதறடிக்கும் இந்திய சினிமா மற்றும் தொலைகாட்சிகளை நாம் ஒதுக்க வேண்டும்.

நானும் இந்த வழியில் பிழைசெய்தவன் என்ற முறையில் சொல்கிறேன்.

தினசரி போர்களத்தில் உயிரை அர்ப்பணிக்கும் போராளிகளுக்கே நாம் ஒழுங்காக பிரார்த்திக்கவில்லை. இதில்.....??????

மன்னிக்கவும் பூர்ணம் விஸ்வநாதன் அவர்களே :lol: நானும் உங்கள் ரசிகன்

தனது நடிப்பாற்றலால் பார்வையாளரைத் தன்வயப்படுத்தும் திறமைசாலி பூர்ணம் விஸ்வநாதன் அவர்கள். அவரது குடும்பத்தினருக்கு ஆழ்ந்த அனுதாபங்கள்!

அருமையான குணசித்திர நடிகர். இவரின் இழப்பு உண்மையில் தமிழ் சினிமா உலகிற்கு பேரிழப்புத் தான். அன்னாரின் ஆத்மா சாந்தியடையவும், அன்னாரின் குடும்பத்தினர் மன அமைதி பெறவும் எல்லாருக்கும் பொதுவான எல்லாம் வல்ல இறைவனைப் பிரார்த்திக்கின்றேன்.

கு.சா நீங்களுமா?? உங்களுக்கு அனுதாபம் தெரிவிக்க விருப்பமில்லாவிடின் அதைத் தவிர்த்திருக்கலாம். ஆனால் நீங்களும் ................

சிறந்த கலைஞரின் இழப்பு ஒரு தாங்கமுடியாத இழப்பு.

இவரை இழந்து தவிக்கும் அனைத்து உள்ளங்களுக்கும் எனது அனுதாபங்களும், அன்னாரின் ஆத்மா சாந்தியடைய எனது பிரார்த்தனையும்....

அருமையான கலைஞர் பூர்ணம் விஸ்வநாதன். அவரின் இழப்பு ஈடுசெய்ய முடியாது. அவரின் குடும்பத்தாருக்கு ஆழ்ந்த அனுதாபங்கள். ஆத்மா சாந்தியடைய வேண்டுகிறேன்.

மிகவும் உன்னதமான கலைஞர். அவரின் ஆத்மா சாந்தியடைய பிரார்த்திக்கிறேன்...

மிகவும் உன்னதமான கலைஞர். அவரின் ஆத்மா சாந்தியடைய பிரார்த்திக்கிறேன்...