இனிய வணக்கங்கள், யாழ் இணையத்தில் இருக்கின்ற சிறந்த கவிஞர்களில் காவலூர் கண்மணி (கண்மணி அக்கா) அவர்களும் ஒருவர். அவர் எழுதுகின்ற கவிதைகள் எல்லாமே உடனடியாகவே பாடல் போல பாடக்கூடிய அளவுக்கு ஈர்ப்பு உள்ளதாக சொல்நடை, சந்தங்கள் இருக்கும். 2007ம் கிறிஸ்துமஸ் நேரத்தில் கண்மணி அக்கா அவர்கள் எழுதிய இந்தக்கவிதையை இதே இசையில் பாடி இணைத்து இருந்தேன், சிலருக்கு நினைவு இருக்கலாம். அதே பாடலை மீண்டும் சிறிதளவு மாற்றம் செய்யப்பட்ட பிரபலமான ஜிங்கில் பெல் இசையுடன் (சிறிதளவு மாற்றம் செய்தபின்) பாடி இணைத்து இருக்கிறன். கேட்டுப்பாருங்கோ.

இந்தப்பாடலை முதல்தடவையாக கவிதையாக வாசித்தபோதே முதல்தரம் வாசித்துவிட்டு உடனடியாகவே இரண்டாம் தடவையாக பாடலாகவே பாடிப்பார்த்தேன். இயல்பாகவே இந்த இசையில் வாயில் முணுமுணுப்பாய் கவிதை பாடலாக பொருத்தமாக வந்ததோடு கவிதையின் ஒரு சொல்லில்கூட மாற்றம் செய்யவேண்டிய தேவை இருக்கவில்லை. அப்படி மிக அருமையாக இந்தக்கவிதை படைக்கப்பட்டு இருந்திச்சிது. இங்கு குழந்தை இயேசுவின் பிறப்பை கண்மணி அக்கா.. தற்கால யதார்த்த வாழ்வுடன் ஒப்பிட்டு கவிதையில் அழகாக படம் பிடித்து காட்டி இருக்கின்றா.

http://karumpu.com/wp-content/uploads/2009/10/Jesus Christ.mp3

எமக்காகப் பிறந்தவர் எம்மில் பிறப்பாரா?

வானத்து எல்லையெங்கும் வண்ணப் பூச்சொரியும்

கார் காலத்து ஓர் இரவு களிப்பான மார்கழியில்

ஞாலத்து இருளகற்ற நம் பாவம்தனை மீட்க

காலத்தின் தேவைக்காய் கன்னி மகன் அவதரித்தார்

ஒளியாக வந்த இந்த உத்தமனாம் இறை மைந்தன்

வழியாக எம் வாழ்வில் வந்து பிறப்பாரா?

துளிகூட அமைதியின்றி துன்புறும் சோதரரின்

துயரைத் துடைக்க மனத் துணிவைத் தருவாரா?

கண்டதே காட்சி என்ற கசப்பான நிலை மாற்றி

கொண்டதே உயர்வு என்ற குடும்ப நிலை அமைப்பாரா?

வன்முறைகள் சூழ்ந்த இந்த வக்கிர பூமியிலே

துன்பநிலை மாற்றி அன்புப் பூப்பூக்க வைப்பாரா?

ஆயுதமே வேதமென்றும் அடக்குமுறை கொள்கையென்றும்

அன்பை வெறுப்பவர்க்கு நற் பண்பைத் தருவாரா?

ஆணவத்தின் பிடியினிலே அல்லலுறும் இப்பூமி

காண்பதற்கு புது உலகக் கதவு திறப்பாரா?

மனிதத்தைத் தொலைத்து விட்ட மகத்தான பூமியிலே

தனிமனித நேயத்தை தரணியெங்கும் விதைப்பாரா?

உதயத்து விடிவெள்ளி உலகுக்கு ஒளியூட்ட

எம் இதயத்தைப் புதுப்பிக்க எம்மில் பிறப்பாரா?

பழைய திரி: http://www.yarl.com/forum3/index.php?showtopic=32008

பாடலை தரவிறக்கம் செய்ய=> http://www.zshare.net/audio/70220535b9f0aa99/

என்ன திடீரெண்டு ஒரே பாட்டுக்கச்சேரியாய் இருக்கிது எண்டு யோசிக்ககூடாது. இப்போது கொஞ்சம் நேரம் இருக்கிறதால மினக்கடக்கூடியதாக இருக்கிது.

Edited December 23, 200915 yr by மச்சான்

வரவர தரத்தில் முன்னேற்றம் தெரியுது.வெகு விரைவில் யாழ் இசைக்குளு

ஆரம்பிக்கலாம் போல.

வாழ்த்துக்கள் மச்சான் போற போக்கில் சீக்கிரமாக பாடகர் ஆகி விடுவிர்கள் போல இருக்கே... ம்ம்ம் தொடருங்கள் ... விரைவில் பெரிய பாடகன் ஆக என் வாழ்த்துக்கள் நல்லா பாடியிருக்கிறிர்கள்

மிக்க நன்றி சஜீவன், சுஜி. விரைவில் டங்க்சும் இணைந்தபின்னர் இன்னமும் வித்தியாசமான பாடல்களை தரலாம் என்று நினைக்கிறன். நேரம் கிடைக்கும்போது செய்யலாம். உங்கள் யாருக்காவது அல்லது வாசகர்களுக்கு பாடல்களை பாட, இசைக்கருவியை இசைக்க விருப்பம் இருந்தால் என்னை மின்னஞ்சலில் தொடர்புகொள்ளுங்கோ. மின்னஞ்சல் ஊடாகவே பாடல் ஒலிப்பதிவுகளை பரிமாறி வலைத்தளம் ஊடாகவே பாடல்களை நேரம் கிடைக்கும்போது செய்யலாம். நன்றி!

முரளி நீண்ட நாட்களின் பின் சந்திக்கிறோம். முதலில் சந்தோசமான நத்தார் வாழ்த்துக்கள். என் கவிதைக்கு அங்கீகாரம் கொடுத்தது இசைவடிவம் கொடுத்த உங்களுக்கு நன்றிகளும் பாராட்டுக்களும். உங்களுக்கு நிறையத் திறமை இருக்கிறது. எதிர்காலத்தில் எம் மத்தியில் ஒரு சிறந்த இசைக்கலைஞன் உருவாகிக்கொண்டிருப்பதை உணருகிம்றோம். வாழ்த்துக்கள்.நன்றியுடன் காவலூர் கண்மணி அக்கா.

வாழ்த்துக்கள் கலைஞன் மீண்டும் மீண்டும் கேட்கத் தூண்டுகிறது. காவலூர் கண்மணியக்கா நீண்ட நாட்களுக்குப்பின் இன்று உங்கள் பிரசன்னம் எப்படி இருக்கிறீர்கள்?

மிக்க நன்றி கண்மணி அக்கா, சகாரா அக்கா.

+++

கண்மணி அக்கா, உங்களை யாழில காண்பது மிகவும் சந்தோசம். நேரம் கிடைக்கும்போது தொடர்ந்து எழுதுங்கள். உளங்கனிந்த இனிய நத்தார், புதுவருட வாழ்த்துகள்!

மச்சான் உங்கள் குரலும்,பாடல்வரிகளும் நன்றாக உள்ளது.

நன்றி ஜீவா.

உளங்கனிந்த இனிய நத்தார், புதுவருட வாழ்த்துகள்!

உங்களுக்கும் இனிய நத்தார், புதுவருட வாழ்த்துகள்! 2009ம் ஆண்டு தமிழினத்திற்கு அழிவுகள் மிகுந்த ஆண்டாக அமைஞ்சு இருந்திசிது. தமிழிலையும் விரோதி வருசம் எண்டு சொன்னாங்கள். 2010ம் ஆண்டிலாவது ஏதாவது நல்லது நடக்கும் என்று எதிர்ப்பார்ப்போம்.

மச்சான் சும்மா சொல்லக் கூடாது சூப்பர்! பொனி-எம் இசைக்குழுவை எம் முன்னே மீண்டும் கொண்டுவந்து நிறுத்தி விட்டீர்கள்! பாடல் ஆசிரியருக்கும் வாழ்த்துக்கள்!

நன்றி நண்பரே.

கவிதை வரிகளை பாடலாக பாடிய விதம் நன்றாக உள்ளது. வாழ்த்துக்கள் மச்சான்.

நன்றி ஈழமகள்.