சித்தப்பா சித்தப்பா

என் விடுமுறைப் பயணம் முடிந்து என் வேலைப் பளுக்களும் சற்று ஓய்ந்து மீண்டும் உங்களுடன்.........

சென்ற ஆனி மாத இறுதியில் ஒரு வெளிநாட்டுப் பயணம் போய் இருந்தேன். நான் சந்தித்தத் சிறு சம்பவம்.

எல்லோரும் எதிர்பார்த்ததுபோலவே அந்த நாளும் வந்தது . நான் கணவர் இரு மகன் களுடன் சென்று இருந்தேன்

சற்று ஆர்வமாக அடுத்து என்ன என்ற ஆவலோடு விமானத்தினுள் அதற்கான் கடமைகளை முடித்து கொண்டு எங்கள் ஆசன பதிவு தேடி அமாந்தோம். சில நிமிடங்க ளில் விமானம் நிறைந்து புறப்பட ஆரம்பம் . எல்லோரும் மெளனமாய் கடவுளை நினத்துக் கொண்டு இருந்ததனர் .அருகில் உள்ள சாளரத்தினூடே எட்டிப்பார்த்தேன் கிண் என்ற காது இரைச்சலுடன் மீது மெதுவாக விமானம் கிளம்பியது. சிலர் வாசிப்பதும் சில காதுக்குள் நுழைத்து பாடுக்கேட்ட்பதும் சிலர் தூங்க ஆரம்பிப்பதுமாய் இருந்தனர் . ,

,

நமக்கு ஒரே இடத்தில இருக்க சங்கடமாய் இருந்தது. இருக்கையும்மட்டு மட்டாய் அங்குமிங்கும் சரிவதும திரும்புவதுமாய் இருந்தேன். ஒரு சில சமயம் தூக்கமும் என் கண்களை தழுவின. இடையிடையே பணியாளர்களின் உபசரிப்பும் கலந்து எனது எட்டுமணி நேரபயணம் ஒருவாறு முடிவு நிலைக்கு வந்தது . அடுத்தது என்ன என்ற எதிர்பார்ப்புமாய் இருந்தது. எங்களை ஏற்றி செல்ல என்னவரின் தம்பி முறையானவர் வருவதாக ஏற்பாடு செய்ய பட்டு இருந்தது. விமானம் தரித்ததும். காலை வேளை எழுமணி இருக்கும் நான் இருந்து செல்லும் நாட்டில் . முறைப்படி சுங்கபரிசோதனை, ( ஒரு நீண்ட கியூ வரிசை) சுழலும் சக்கரத்தில் எமது பொதிகளை தேடுதல் போன்ற விடயங்களை முடித்துக்கொண்டு நுழைவாயிலுக்கு வந்தோம்.

எங்களுடன் என் தாயகத்தை சேர்ந்த பெண்ணொருவர் இரு மகள் களுடன் நாம் வந்த விமானத்தில் வந்திருந்தார். அவர்களில் மூத்தவள் பதினாறு வயது இருக்கும் எங்களுக்கு முன்னே ஓடிச்சென்று என்னவரின்

தம்பியை " சித்தப்பா " எனக் கட்டியணைத்தாள் . சித்தப்பா திணறினார். அட என் அண்ணாக்கு இருவரும் ஆண் மக்கள் அல்லவா ......... எதோ விபரீதம் என உணர்ந்து ..முதுகில் தட்டிக் கொடுத்தார். அவளைப் பின் தொடர்ந்து அவள் தாயாரும் இளைய மகளும் வந்தார்கள் .அவர்களது சித்தப்பா தன் மனைவி, சிறிய மகனுடன் ..கார் தரிப்பிடத்தில் இருந்து வந்தார். தாயும் இளைய மகளும் அவர்களிடம் செல்லவே பதினாறுவயது இளம்பெண்ணுக்கு என்னவோ போல் ஆகிவிட்டது ............

இவர்களுக்கு பின்னால் நாங்களும் வந்து என்னவர் தம்பியிடம் ... சற்றுத் தாமதமாகி விட்டது என்று மன்னிப்புக்கேட்டு சுக நலம்விசாரித்து என் மைத்துனன் வீடு நோக்கி புறப்படத் தயாரானோம். தூரத்தே என் தாயகத்தை சேர்ந்த முன்னையவர் களை ஏற்ற வந்தவர் மைத்துனருக்கும் அறிமுகமானவர் ..என் மனிவியின் அக்கா மகளுக்கு என்னை தெரியாது. ஆறுவயதில் கனடா சென்றவள் , என மனிவி தான் குழந்தையாகக் இருக்கையில் இவளைத் தூக்கி வளர்த்தவர். பத்து வருடங்களுக்குப்பின் வருகிறார்கள் சித்தியைபார்க்க என விளங்க படுத்தினார். உங்களை சித்தப்பா என உரிமை கொண்டாடி விட்டாள் என நிலைமையை சமாளித்தார்..........என் மைத்துனர் வீடு செல்லுமட்டும் வந்த பயணக் களை மறந்து விழுந்து விழுந்து சிரித்தோம். " .

" தேடாமல் கெட்டது உறவு " என்பார்கள் .அந்த பெண்ணுக்கு சித்தப்பாவின் படம் காட்டி விளங்கபடுத்தி இருக்கணும் அல்லது அந்த பெண சற்று பொறு மையாக் இருந்திருக்கலாம. என் மைத்துனருக்கும் அவர்களது சித்தப்பாவுக்கும் ஒரு ஒற்றுமை ( கடும் வெப்பம் கருதி ) நேர்ந்து விட்டது போலதலையை மொட்டை போட்டு இருந்தார்கள். தோற்றத்திலும் ஒத்த்வர்களாயும் இருந்தனர். ஹா ஹா அனுபவம் பல விதம்............................

Edited July 26, 201114 yr by நிலாமதி

பெண் பிள்ளை என்பதால் பொத்தி பொத்தி வளர்த்திருப்பார்கள் போலும் ஆதலால் தான் உறவுக்காரர்களைப் பற்றி கூட தெரிந்திருக்க வாய்ப்பில்லாமல் போனது போலும். :D

அருமை நிலாமதியக்கா. தொடர்பாடலின் பிறள்வும், கூட்டுப்புழு வாழ்வின் எதிரொலியே மாறிய சித்தப்பா. இவர்களுக்கு முகநூலில் கும்மியடிக்கவும், சீரியல் பிரச்சனைக்குமே நேரம் சரி ,உறவுகளுக்கு முக்கியத்துவம் தர உண்மையில் இவர்களுக்கு நேரம் இல்லை.

Edited July 26, 201114 yr by komagan

மீண்டும் ஓர் உண்மைக்கதையோடு சந்திப்பதில் மகிழ்ச்சி.

உறவு முறைகளை சொல்லி வளர்க்காததால் இப்படிபட்ட நிகழ்வுகள் ஏற்படுவதுண்டு.

கிளியவன், கறுப்பி, கோமகன் தங்கள் வரவுக்கும் கருத்துபகிர்வுக்கும் மிக்க நன்றி .

எது எப்படியோ அந்தப் பெண்ணுக்கு சித்தப்பா பாசம் இருந்திருகே.அதுவே கோடி பெறும்.நன்றி உங்கள் பதிவுக்கு.

புலத்தில் வாழ்பவர்களின் மாறிவரும் மனோபாவங்களின் விளைவுகளில், இதுவும் ஒன்று!

சொந்தங்களுடன் நெருங்குவதில், நாங்கள் காட்டும் அசமந்தத்தால், சின்னதுகளின் மனதுகளில் இருக்கும் ஏக்கங்களை நாங்கள் பொருட்படுத்துவதில்லை!

நல்ல ஒரு பாடம், புலத்தில் வாழ்பவர்களுக்கு!

இதை கதையாக வடித்ததிற்கு நன்றிகள், நிலாமதி அக்கா!

நன்றி பதிவிற்கு, நிஐம் மனதை நெருடுகிறது, என் சகோதரங்களும் வேறு நாடுகளில் அவர்களின் பிள்ளைகளுடன் வசிக்கின்றார்கள், நான் நினைக்கவில்லை எங்கள் பிள்ளைகளுக்கிடையில் உணர்வு ரீதியான பாசம் இருக்கும் என்று,

இப்படியும் நடக்குமோ தொடருங்கள் நிலாமதி அக்கா......

புங்கையூரான்....... ரைகர்....... உடையார ............உங்களுக்கு என நன்றிகள். ..

நீண்ட நாட்களுக்கு பின் நிலாமதியக்கவின் கதை. கதையும் அருமை.

ஆனால் பாவம் அந்த சின்னப்பெண், இருவரும் கிட்டத்தட்ட ஒரே உருவமாக இருந்ததால் அவரசரப்பட்டு விட்டாள் போலும். சின்ன வயதில் தூக்கி வளர்த்த சித்தப்பா என்பதால் பாசமிகுதியினாலும் அவசரத்தினாலும் வந்த வினை. குடும்பத்தார் அவளை சீண்டி சிரித்திருப்பார்கள்.

நான் இன்று வேலை முடிந்து வரும்போது ஒரு விடயத்தை யோசித்தவாறு வந்தேன். அதாவது எமது உறவுகளின் படங்களை ஒரு தொடராகத் தொகுத்து வைக்க வேண்டுமென்று...... நிலாமதியவர்களின் கதையைப் படித்தபோது அதன் அவசியம் இரட்டடிப்பாகியுள்ளது. படைப்புக்குப் பாராட்டுகள். தொலைபேசியுறவுகளாகித் தொலைந்துவிட்ட துயர்நிறை வாழ்வில் உறவுகளின் முகமறியா அவலங்கள்...... எப்படி, குடும்பங்கள் பெருத்து முற்றங்கள் சிறுத்தாலும் ஒரு வளவுக்கால் ஓடி, ஒரு வளவிலே கொய்யாவோ, மாங்காயோ பறித்து உறவாடி வாழ்ந்த காலங்கள் எம் பிள்ளைகளுக்கு வெறும் கதைகளாக மட்டுமே.