மீண்டும் மீண்டும் உருவேற்றி
மீளவும் நினைவில் பெருந்தீ மூட்டி
சொல்லவும் மெல்லவும் முடியாமல் 
உள்ளத்தில் அனல்கின்ற சிறுபொறியை
அணையாமல் காப்பது நம் கடனே

 

அடையாளம் அத்தனையும் தொலைத்து
அடுத்தவனின் கருச் சுமந்து கிடக்கிறாள்
எங்கள் அன்னைத் தமிழீழ பூமி
உள்ளத்தில் சுழன்றாடும் சிறு நெருப்பை
உருவேற்றி கடத்துவோம் நாளை உலகுக்கு

 

இனம் ஒன்று அழிந்ததன் அடையாளம்
இல்லாமல் செய்தனர் அதைக் கூட
தினம் அங்கு தடம் அழித்து அழித்து
திருவிழா பூமியாய் மிளிருது இன்று
பட்ட துயர் பகிருவோம் நாளை தலைமுறைக்கு

 

கொத்துக் கொத்தாய் குதறி எடுத்த
கொத்துக் குண்டின் தடம் கூட இல்லாமல் போனது
செத்துக் கிடந்தவர் பிணம் கூட
சிதை மூட்ட ஆளின்றி சீன அமிலம் தின்று தீர்த்தது
முத்தான எம் முகவரி முடிந்து போனதை பதிந்து வைப்போம்

 

மலை மலையாய் குவிந்த எம்மவர் மண்டை ஓடுகள் மேல்
மலையாய் எழுந்து நிற்குது ஆக்கிரமிப்பின் சின்னம் அங்கு
மாண்டவர் வரலாற்றை எம்மினமே மறுதலித்துக் கிடக்குது இன்று
ஆண்ட தமிழினத்தின் அரச முடி நிலம் சரிந்து
மீள முடியா அடிமையான கதை சொல்லி உனை உருவேற்று

 

இன அழிப்பின் ஆதாரமாய் எஞ்சிக் கிடப்பது மே 18 மட்டுமே
உன்னுள் தீ மூட்டி உனை உருவேற்றி உலகுக்கு அதை காட்டு
பேதங்கள் ஆயிரம் எம்மை பிரித்துக் கிடந்தாலும்
சாவுக்கு அழுவதற்கேனும் சமத்துவம் காணுவோம்
இன அழிப்பின் அடையாளம் மே 18 அதை இறுகப் பற்றுவோம்.

‪#‎ஈழத்துப்பித்தன்‬
11.05.2016

(படங்கள் பறந்த வாகனத்துள் இருந்து மனம் கனத்துச் சுட்டவை.)

 

http://inuvaijurmayuran.blogspot.ch/2016/05/blog-post_11.html

Edited May 11, 20169 yr by Mayuran

3 hours ago, Mayuran said:

 

 

 

 

மலை மலையாய் குவிந்த எம்மவர் மண்டை ஓடுகள் மேல்
மலையாய் எழுந்து நிற்குது ஆக்கிரமிப்பின் சின்னம் அங்கு
மாண்டவர் வரலாற்றை எம்மினமே மறுதலித்துக் கிடக்குது இன்று
ஆண்ட தமிழினத்தின் அரச முடி நிலம் சரிந்து
மீள முடியா அடிமையான கதை சொல்லி உனை உருவேற்று

 

 

 

ஏடுகளின் எழுத்துக்களில்...,மட்டும்,

தர்மம் காக்கின்ற தேசங்களின்..,

மனச்சாட்சிகள்,

சனாதன தர்மத்தின் வரிகளால்,

சமாதானப் படுத்தப் பட்டு விட்டன!

 

வேரறுந்து போனதும்....,

மறைந்திருந்த கறையான்கள்,

மரத்தை அசை போடுகின்றன!

 

மனித அவலங்களும்,

மரணங்களும் கூட,,,,

தர்மப் போர் என்னும் ..,

போர்வையினால் போர்க்கப்பட்டு,,

போர்க்குற்றவாளிகள் எல்லோரும்,

புனிதர்களாக்கப் படுகின்றார்கள்!

 

குருசேத்திரத்தில்...,

கீதை சொன்ன கிருஷ்ணர்களாக,

பார்க்குமிடமெல்லாம்..,

புத்தனின் சீடர்கள்..,

'பிரித்' ஓதுகின்றார்கள்!

 

துகிலிருந்து கிடக்கும் என் தேசமே!

கூறையா...காஞ்சி புரமா?

என்றே எப்போதும் சிந்திக்கிறாய்!

கொஞ்சம் கீழே குனிந்து பார்!

உனது நிர்வாணம்,

உன்னிடமிருந்து மறைக்கப்படுவது,

உனக்குப் புரியும்!

 

 

 

நன்றி....மயூரன்!

 

 

11 hours ago, Mayuran said:

 

 

கொத்துக் கொத்தாய் குதறி எடுத்த
கொத்துக் குண்டின் தடம் கூட இல்லாமல் போனது
செத்துக் கிடந்தவர் பிணம் கூட
சிதை மூட்ட ஆளின்றி சீன அமிலம் தின்று தீர்த்தது
முத்தான எம் முகவரி முடிந்து போனதை பதிந்து வைப்போம்

‪#‎ஈழத்துப்பித்தன்‬
11.05.2016

###############

கவிதைக்கு நன்றி மயூரன்.

 

Edited May 12, 20169 yr by தமிழ் சிறி

மனசைப் பிசைந்து நிக்கும் காலத்திற்கேற்ற கவிதை....!

நன்றி மயூரன்....!

18 hours ago, Maruthankerny said:

 

வரவுக்கும் பதிலுலுக்கும் நன்றி

On 12. Mai 2016 at 6:08 AM, தமிழ் சிறி said:

 

வரவுக்கும் கருத்திடலுக்கும் நன்றி தமிழ்சிறி அண்ணா.

On 11. Mai 2016 at 1:05 AM, புங்கையூரன் said:

ஏடுகளின் எழுத்துக்களில்...,மட்டும்,

தர்மம் காக்கின்ற தேசங்களின்..,

மனச்சாட்சிகள்,

சனாதன தர்மத்தின் வரிகளால்,

சமாதானப் படுத்தப் பட்டு விட்டன!

 

வேரறுந்து போனதும்....,

மறைந்திருந்த கறையான்கள்,

மரத்தை அசை போடுகின்றன!

 

மனித அவலங்களும்,

மரணங்களும் கூட,,,,

தர்மப் போர் என்னும் ..,

போர்வையினால் போர்க்கப்பட்டு,,

போர்க்குற்றவாளிகள் எல்லோரும்,

புனிதர்களாக்கப் படுகின்றார்கள்!

 

குருசேத்திரத்தில்...,

கீதை சொன்ன கிருஷ்ணர்களாக,

பார்க்குமிடமெல்லாம்..,

புத்தனின் சீடர்கள்..,

'பிரித்' ஓதுகின்றார்கள்!

 

துகிலிருந்து கிடக்கும் என் தேசமே!

கூறையா...காஞ்சி புரமா?

என்றே எப்போதும் சிந்திக்கிறாய்!

கொஞ்சம் கீழே குனிந்து பார்!

உனது நிர்வாணம்,

உன்னிடமிருந்து மறைக்கப்படுவது,

உனக்குப் புரியும்!

 

 

 

நன்றி....மயூரன்!

 

 

வரவுக்கு நன்றி.

வலி சொல்லும் கவி நன்று.

ம் வலி ஒன்று தான் மிச்சம் எஞ்சிய ஒன்று.   

வாழ்த்துகள் தொடரட்டும் 

On 14. Mai 2016 at 5:47 PM, முனிவர் ஜீ said:

ம் வலி ஒன்று தான் மிச்சம் எஞ்சிய ஒன்று.   

வாழ்த்துகள் தொடரட்டும் 

வரவுக்கும் கருத்திடலுக்கும் நன்றி முனிவர் ஜீ.

உண்மை அது மட்டுமே ?