விஜய் சேதுபதி, ஐஸ்வர்யா ராஜேஷ் ஆகியோரின் நடிப்பில் அருமையான கிராமிய மணம் கமழும் ஓர் திரைப்படத்தைக் கொடுத்திருக்கிறார் இயக்குநர் P.விருமாண்டி. ஏற்கெனவே நடந்த உண்மைச் சம்பவங்களை மையமாக வைத்துப் பின்னப்பட்ட கதை இது. இவ்வாறான பல சம்பவங்கள் நிஜமாகவே நிகழ்ந்திருந்தாலும், இத்திரைப்படத்தின் மையக்கருவை ஒத்த கதையினை வேறெந்தத் திரைப்படத்திலும் இதுவரை நான் பார்த்ததில்லை. தமிழகத்தில் கிராமத்து மக்களின் கடினமான வாழ்க்கைச் சூழலையும், அவர்கள் எதிர்கொள்ளும் பல்வேறு விதமான சவால்களையும் இத்திரைப்படம் அழகாகப் படம்பிடித்துக் காட்டுகிறது.

கலகலப்பும், கலக்கமும் நிறைந்த காட்சிகள் மாறிமாறி இத்திரைப்படத்தின் முதற்பாதியை சற்று மசாலாத்தனத்துடன் நிறைத்திருந்தாலும் ரசிக்கும்படியாகவே இருந்தது. பரபரப்பும், சோக உணர்வும் நிறைந்த இரண்டாம் பாதி நம்மைப் படத்துடன் இரண்டறக் கலக்க வைத்தது. இதன் இறுதிக் காட்சிகள் மனதைப் பிழிந்தெடுப்பனவாகவும், நிறைவுக் காட்சி நம்மை அதிர்ச்சியில் உறைய வைப்பதாகவும் அமைந்தன. யதார்த்தத்தை மீறிய ஒரு சில காட்சிகள் இருந்தாலும், மொத்தத்தில் இத்திரைப்படத்தின் தரத்தினை அவை குறைக்கவில்லை என்று தான் கூற வேண்டும்.

இப்படியான நல்ல திரைக்கதைக்கு இசையமைப்பாளர் ஜிப்ரனின் பின்னணி இசை மிக்க பலமாக இருந்தது. கிராமிய வாசத்தை அள்ளித் தெளிப்பதாகவும், காட்சிகளுக்குக் காட்சி நம்மை உள்ளே இழுத்து மனமொன்றி ரசிக்க வைப்பதாகவும் அது இருந்தது. படத்தின் ஓட்டத்துக்கேற்ப இத்திரைப்படத்தின் பாடல்கள் அமைந்திருந்தாலும், குறிப்பிட்டுச் சொல்லும்படியாக என்னைக் கவரவில்லை. வைரமுத்துவின் வரிகளும், இசையும் அருமையாக அ மைந்திருந்தாலும் ஏதோ ஒரு குறை தெரிந்தது. (புதிய பாடல்களில் எனக்கு ஈடுபாடு குறைந்தமையும், படத்தில் கேட்டதைத் தவிர மற்றப்படி அவற்றைக் கேட்காதமையும் காரணங்களாக இருக்கலாம்.) 

விஜய் சேதுபதி, ஐஸ்வர்யா ராஜேஷ் ஜோடி எனக்குப் பிடித்தமான சினிமா ஜோடிகளில் முக்கியமானதாகும். இத்திரைப்படத்துக்கு இவர்களும் ஓர் கூடுதல் பலம். ஐஸ்வர்யா ராஜேஷ் தான் அதிகமான காட்சிகளில் திரையை நிறைத்துத் திறம்பட நடித்திருக்கிறார்; விஜய் சேதுபதி படத்தின் முதற்பகுதியில் மட்டுமே தோன்றினாலும், நிறைவுக் காட்சிவரை அவர் நினைப்பு எம் மனங்களை நிறைத்தது அவரது நிறைவான நடிப்பும், இயக்குநரின் சாமர்த்தியமும் தான். அதை நான் இங்கு விபரிப்பதை விட நீங்களே திரைப்படத்தில் பார்த்து உணர்வது சிறப்பானதாக இருக்கும்.

என்னைப் பொறுத்தவரை ஐஸ்வர்யா ராஜேஷ் ஒரு 'பொம்பிளை விஜய் சேதுபதி' என்றே கூறுவேன்! மாறுபட்ட கதாபாத்திரங்களைத் துணிச்சலாக ஏற்பதிலும் சரி, அவற்றில் வாழ்ந்து காட்டுவதிலும் சரி இவர்கள் இருவருமே இன்று முன்னிலையில் உள்ளனர் என்பது என் கருத்து. இதே போக்கை இவர்கள் தொடர்ந்தும் பல ஆண்டுகளுக்குக் கடைப்பிடித்தால் தமிழ் சினிமாவுக்கு இன்னொரு நடிகர் திலகமும், நடிகையர் திலகமும் கிடைப்பார்கள் என்று எதிர்பார்க்கலாம்! ஐஸ்வர்யா ராஜேஷின் சினிமா வாழ்க்கையில் மிக முக்கியமான படங்களில் ஒன்றான இத்திரைப்படம் திரையரங்குகளில் வெளிவர முடியாமல் OTTயிலேயே வெளியாக வேண்டிய சூழல் கொறோனா தந்த சாபம். இல்லாவிட்டால் இன்னும் பலரால் அவரது நடிப்பும், இத்திரைப்படமும் கொண்டாடப்பட்டிருக்கும். 

இத்திரைப்படத்தில் நடித்த ஏனைய நடிகர், நடிகையர்களும் தத்தம் கதாபாத்திரங்களில் மிகச்சிறப்பாக வாழ்ந்துள்ளனர் என்பது மிகையல்ல. இவை தவிர இப்படத்தின் ஒளிப்பதிவாளர் N.K.ஏகாம்பரம் உட்பட்ட ஏனைய தொழிநுட்பக் கலைஞர்களின் உழைப்பும் சேர்ந்து தரமானதொரு கிராமியத் திரைப்படத்தை நமக்கெல்லாம் தந்துள்ளது. 

🎬'க/பெ ரணசிங்கம்' மனதில் பெரும் ரணம் தரும்.🎬

குறிப்பு: இத்திரைப்படத்தை நீங்கள் இரவில் தூங்கச் செல்லமுன் பார்க்கவேண்டாம். நீங்கள் ஓய்வெடுக்கும் நாளுக்கு முதன்நாள் மாலையில் பார்த்துவிட்டு, மன மாறுதலுக்காக இனிய இசையைக் கேட்டோ, வெளியே போய் சற்று நேரம் நடந்துவிட்டோ வந்து உங்கள் பூஜை அறையில் பிரார்த்தனை செய்துவிட்டு உங்கள் மற்றய அலுவல்களைப் பார்க்கலாம்! 😀குடும்பத்துடன் பார்த்தல் நலம். அருவருப்பான, வன்முறையான காட்சிகள் என்று பெரிதாக இல்லை; எனினும் ஆழ்மனதை ஊடுருவக் கூடிய சோகமான ஒரு திரைப்படம் எனலாம். 

நான் நீணட காலத்துக்குப் பின்பு ஒரு கண்ணியமான விமர்சனத்தை வாசிக்கிறேன் சில வேளை நீங்கள் பார்த்த இத்திரைப்படம் இந்த வாய்ப்பை உங்களுக்குத் தந்திருக்கலாம். விமர்சனம் செய்வது எல்லோருக்கும் கைகூடாது தொடருங்கள்.

1 hour ago, மல்லிகை வாசம் said:

. இதே போக்கை இவர்கள் தொடர்ந்தும் பல ஆண்டுகளுக்குக் கடைப்பிடித்தால் தமிழ் சினிமாவுக்கு இன்னொரு நடிகர் திலகமும், நடிகையர் திலகமும் கிடைப்பார்கள் என்று எதிர்பார்க்கலாம்! ஐஸ்வர்யா ராஜேஷின் சினிமா வாழ்க்கையில் மிக முக்கியமான படங்களில் ஒன்றான இத்திரைப்படம் திரையரங்குகளில் வெளிவர முடியாமல் OTTயிலேயே வெளியாக வேண்டிய சூழல் கொறோனா தந்த சாபம். இல்லாவிட்டால் இன்னும் பலரால் அவரது நடிப்பும், இத்திரைப்படமும் கொண்டாடப்பட்டிருக்கும். 

 

நன்றி படத்தின் விமர்சனத்திற்கு. விஐய் சேதுபதி முரிளியின் படத்திலிருந்து விலகினால் தொடர்ந்து நல்ல ஆதரவு இருக்கும் அல்லது பலரிடம் ஏதிர்ப்பை ஏதிர் நோக்குவார்

2 hours ago, Elugnajiru said:

நான் நீணட காலத்துக்குப் பின்பு ஒரு கண்ணியமான விமர்சனத்தை வாசிக்கிறேன் சில வேளை நீங்கள் பார்த்த இத்திரைப்படம் இந்த வாய்ப்பை உங்களுக்குத் தந்திருக்கலாம். விமர்சனம் செய்வது எல்லோருக்கும் கைகூடாது தொடருங்கள்.

எழுஞாயிறு,

நிச்சயமாக இத்திரைப்படம் ஏற்படுத்திய பாதிப்புத்தான் என்னை இங்கு அதைப்பற்றி எழுத வைத்தது. அதனைப் பார்த்து முடிக்கும் போது மணி நள்ளிரவைத் தாண்டி இருந்தது. இப்படியான சம்பவங்கள் பல குடும்பங்களில் நிகழ்ந்துள்ளமை என்ற விஷயம் இன்னும் கவலையைத் தந்தது. 

வெறும் பொழுதுபோக்குச் சினிமா என்பதையும் தாண்டி மக்களின் அவலங்களை இயன்றவரை தரமான திரைப்படமாகத் தந்திருக்கிறார்கள். எனவே குறைகளை விரிவாக எழுதத் தோன்றவில்லை. 

உங்கள் கருத்துக்கும், ஊக்குவிப்புக்கும் மிக்க நன்றி, எழுஞாயிறு. 

 

1 hour ago, உடையார் said:

நன்றி படத்தின் விமர்சனத்திற்கு. விஐய் சேதுபதி முரிளியின் படத்திலிருந்து விலகினால் தொடர்ந்து நல்ல ஆதரவு இருக்கும் அல்லது பலரிடம் ஏதிர்ப்பை ஏதிர் நோக்குவார்

உடையார்,

விஜய் சேதுபதி எடுத்த இந்த முடிவு எனக்கும் வியப்பாகவே உள்ளது. பொறுத்திருந்து பார்ப்போம். உங்கள் கருத்துக்கு நன்றி.

4 hours ago, மல்லிகை வாசம் said:

விஜய் சேதுபதி, ஐஸ்வர்யா ராஜேஷ் ஆகியோரின் நடிப்பில் அருமையான கிராமிய மணம் கமழும் ஓர் திரைப்படத்தைக் கொடுத்திருக்கிறார் இயக்குநர் P.விருமாண்டி. ஏற்கெனவே நடந்த உண்மைச் சம்பவங்களை மையமாக வைத்துப் பின்னப்பட்ட கதை இது. இவ்வாறான பல சம்பவங்கள் நிஜமாகவே நிகழ்ந்திருந்தாலும், இத்திரைப்படத்தின் மையக்கருவை ஒத்த கதையினை வேறெந்தத் திரைப்படத்திலும் இதுவரை நான் பார்த்ததில்லை. தமிழகத்தில் கிராமத்து மக்களின் கடினமான வாழ்க்கைச் சூழலையும், அவர்கள் எதிர்கொள்ளும் பல்வேறு விதமான சவால்களையும் இத்திரைப்படம் அழகாகப் படம்பிடித்துக் காட்டுகிறது.

கலகலப்பும், கலக்கமும் நிறைந்த காட்சிகள் மாறிமாறி இத்திரைப்படத்தின் முதற்பாதியை சற்று மசாலாத்தனத்துடன் நிறைத்திருந்தாலும் ரசிக்கும்படியாகவே இருந்தது. பரபரப்பும், சோக உணர்வும் நிறைந்த இரண்டாம் பாதி நம்மைப் படத்துடன் இரண்டறக் கலக்க வைத்தது. இதன் இறுதிக் காட்சிகள் மனதைப் பிழிந்தெடுப்பனவாகவும், நிறைவுக் காட்சி நம்மை அதிர்ச்சியில் உறைய வைப்பதாகவும் அமைந்தன. யதார்த்தத்தை மீறிய ஒரு சில காட்சிகள் இருந்தாலும், மொத்தத்தில் இத்திரைப்படத்தின் தரத்தினை அவை குறைக்கவில்லை என்று தான் கூற வேண்டும்.

இப்படியான நல்ல திரைக்கதைக்கு இசையமைப்பாளர் ஜிப்ரனின் பின்னணி இசை மிக்க பலமாக இருந்தது. கிராமிய வாசத்தை அள்ளித் தெளிப்பதாகவும், காட்சிகளுக்குக் காட்சி நம்மை உள்ளே இழுத்து மனமொன்றி ரசிக்க வைப்பதாகவும் அது இருந்தது. படத்தின் ஓட்டத்துக்கேற்ப இத்திரைப்படத்தின் பாடல்கள் அமைந்திருந்தாலும், குறிப்பிட்டுச் சொல்லும்படியாக என்னைக் கவரவில்லை. வைரமுத்துவின் வரிகளும், இசையும் அருமையாக அ மைந்திருந்தாலும் ஏதோ ஒரு குறை தெரிந்தது. (புதிய பாடல்களில் எனக்கு ஈடுபாடு குறைந்தமையும், படத்தில் கேட்டதைத் தவிர மற்றப்படி அவற்றைக் கேட்காதமையும் காரணங்களாக இருக்கலாம்.) 

விஜய் சேதுபதி, ஐஸ்வர்யா ராஜேஷ் ஜோடி எனக்குப் பிடித்தமான சினிமா ஜோடிகளில் முக்கியமானதாகும். இத்திரைப்படத்துக்கு இவர்களும் ஓர் கூடுதல் பலம். ஐஸ்வர்யா ராஜேஷ் தான் அதிகமான காட்சிகளில் திரையை நிறைத்துத் திறம்பட நடித்திருக்கிறார்; விஜய் சேதுபதி படத்தின் முதற்பகுதியில் மட்டுமே தோன்றினாலும், நிறைவுக் காட்சிவரை அவர் நினைப்பு எம் மனங்களை நிறைத்தது அவரது நிறைவான நடிப்பும், இயக்குநரின் சாமர்த்தியமும் தான். அதை நான் இங்கு விபரிப்பதை விட நீங்களே திரைப்படத்தில் பார்த்து உணர்வது சிறப்பானதாக இருக்கும்.

என்னைப் பொறுத்தவரை ஐஸ்வர்யா ராஜேஷ் ஒரு 'பொம்பிளை விஜய் சேதுபதி' என்றே கூறுவேன்! மாறுபட்ட கதாபாத்திரங்களைத் துணிச்சலாக ஏற்பதிலும் சரி, அவற்றில் வாழ்ந்து காட்டுவதிலும் சரி இவர்கள் இருவருமே இன்று முன்னிலையில் உள்ளனர் என்பது என் கருத்து. இதே போக்கை இவர்கள் தொடர்ந்தும் பல ஆண்டுகளுக்குக் கடைப்பிடித்தால் தமிழ் சினிமாவுக்கு இன்னொரு நடிகர் திலகமும், நடிகையர் திலகமும் கிடைப்பார்கள் என்று எதிர்பார்க்கலாம்! ஐஸ்வர்யா ராஜேஷின் சினிமா வாழ்க்கையில் மிக முக்கியமான படங்களில் ஒன்றான இத்திரைப்படம் திரையரங்குகளில் வெளிவர முடியாமல் OTTயிலேயே வெளியாக வேண்டிய சூழல் கொறோனா தந்த சாபம். இல்லாவிட்டால் இன்னும் பலரால் அவரது நடிப்பும், இத்திரைப்படமும் கொண்டாடப்பட்டிருக்கும். 

இத்திரைப்படத்தில் நடித்த ஏனைய நடிகர், நடிகையர்களும் தத்தம் கதாபாத்திரங்களில் மிகச்சிறப்பாக வாழ்ந்துள்ளனர் என்பது மிகையல்ல. இவை தவிர இப்படத்தின் ஒளிப்பதிவாளர் N.K.ஏகாம்பரம் உட்பட்ட ஏனைய தொழிநுட்பக் கலைஞர்களின் உழைப்பும் சேர்ந்து தரமானதொரு கிராமியத் திரைப்படத்தை நமக்கெல்லாம் தந்துள்ளது. 

🎬'க/பெ ரணசிங்கம்' மனதில் பெரும் ரணம் தரும்.🎬

குறிப்பு: இத்திரைப்படத்தை நீங்கள் இரவில் தூங்கச் செல்லமுன் பார்க்கவேண்டாம். நீங்கள் ஓய்வெடுக்கும் நாளுக்கு முதன்நாள் மாலையில் பார்த்துவிட்டு, மன மாறுதலுக்காக இனிய இசையைக் கேட்டோ, வெளியே போய் சற்று நேரம் நடந்துவிட்டோ வந்து உங்கள் பூஜை அறையில் பிரார்த்தனை செய்துவிட்டு உங்கள் மற்றய அலுவல்களைப் பார்க்கலாம்! 😀குடும்பத்துடன் பார்த்தல் நலம். அருவருப்பான, வன்முறையான காட்சிகள் என்று பெரிதாக இல்லை; எனினும் ஆழ்மனதை ஊடுருவக் கூடிய சோகமான ஒரு திரைப்படம் எனலாம். 

அற்புதமான கண்கலங்கவைத்த ஒருபடம். ஆனால் முடிவைத்தான் ஏற்கமுடியவில்லை. இவ்வளவுபோராடி பின் மத்திய அரசின் வேண்டுகோளில் கொண்டுவரப்பட்ட உடல் தனது கணவனுடையதில்லை என்று தெரிந்தும் பத்திரத்தில் கையெழுத்திட்டுவிட்டு வீட்டில் வந்து புலம்புவதை ஏற்கமுடியவில்லை!

இந்திய மக்கள் குறிப்பாக தமிழ்நாட்டு மக்கள் எப்படியெல்லாம் அரசாங்கத்தால் வஞ்சிக்கப்படுகிறார்கள் என்பதை துணிவாக சொன்னதற்கு இயக்குனரை பாராட்டலாம்!

Edited October 12, 20205 yr by Eppothum Thamizhan

2 minutes ago, Eppothum Thamizhan said:

அற்புதமான கண்கலங்கவைத்த ஒருபடம். ஆனால் முடிவைத்தான் ஏற்கமுடியவில்லை. இவ்வளவுபோராடி பின் மத்திய அரசின் வேண்டுகோளில் கொண்டுவரப்பட்ட உடல் தனது கணவனுடையதில்லை என்று தெரிந்தும் பத்திரத்தில் கையெழுத்திட்டுவிட்டு வீட்டில் வந்து புலம்புவதை ஏற்கமுடியவில்லை!

எப்போதும் தமிழன்,

எனக்கும் அந்த முடிவை ஏற்கக் கஷ்டமாகத் தான் இருந்தது. இத்தனை போராட்டங்களுக்குப் பிறகும் கிடைத்த பலன் இது தானா என்ற ஏமாற்றத்துடன் கூடிய சலிப்பின் வெளிப்பாடு தான் அந்தப் பெண் எடுத்த முடிவு. இது தான் யதார்த்தம் போலும். 

விமர்சனத்திற்கு நன்றி ...நான் ஏற்கனவே பார்த்து விட்டேன் ...எனக்குப் பிடித்தது ...ஆனால் சிலர் இந்த படத்தை கொமடி என்று சொல்கினம் ....இந்த படத்தை போல சிங்களத்தில் ஒரு படம் அண்மையில் வந்ததாம் ...அந்த படத்தோட ஒப்பிடுகையில் இந்த படம் தூசி என்று சொல்லினம் ...படத்தின் பெயரை மறந்து விட்டேன் ....பிரசன்ன லியனகே என்ற இயக்குநர் இயக்கிய படமாம் .

10 hours ago, Eppothum Thamizhan said:

அற்புதமான கண்கலங்கவைத்த ஒருபடம். ஆனால் முடிவைத்தான் ஏற்கமுடியவில்லை. இவ்வளவுபோராடி பின் மத்திய அரசின் வேண்டுகோளில் கொண்டுவரப்பட்ட உடல் தனது கணவனுடையதில்லை என்று தெரிந்தும் பத்திரத்தில் கையெழுத்திட்டுவிட்டு வீட்டில் வந்து புலம்புவதை ஏற்கமுடியவில்லை!

இந்திய மக்கள் குறிப்பாக தமிழ்நாட்டு மக்கள் எப்படியெல்லாம் அரசாங்கத்தால் வஞ்சிக்கப்படுகிறார்கள் என்பதை துணிவாக சொன்னதற்கு இயக்குனரை பாராட்டலாம்!

படத்தின் முடிவை சொன்னால் மற்றவர்கள் பார்ப்பதில்லையோ ?

 

மனிசி தமிழ் படங்கள் பார்த்துக் கொண்டிருக்கும் போது நானும் இடையிடையே ரி.வியை எட்டிப் பார்ப்பதுண்டு. இந்தப் படம் பார்க்கையில் அங்காலப் பக்கமே போகாமல் இருக்க வேண்டும்! 

42 minutes ago, Justin said:

மனிசி தமிழ் படங்கள் பார்த்துக் கொண்டிருக்கும் போது நானும் இடையிடையே ரி.வியை எட்டிப் பார்ப்பதுண்டு. இந்தப் படம் பார்க்கையில் அங்காலப் பக்கமே போகாமல் இருக்க வேண்டும்! 

சரியான முடிவை எடுத்துள்ளீர்கள் 👍

 

 

 

சும்மா பொழுது போக்குக்கு  பாக்கலாம். சொல்லுவதைப் போல் சிறந்த கலை படைப்பு இல்லை. வழமையாக தமிழ் படங்களை வரும் கிராமத்தை பற்றி அதீத புனைவும், யதார்த்தத்துக்கு மாறான 
பல சம்மவங்களை உட் கொண்டு உள்ளது.

Quote

விமர்சனத்திற்கு நன்றி ...நான் ஏற்கனவே பார்த்து விட்டேன் ...எனக்குப் பிடித்தது ...ஆனால் சிலர் இந்த படத்தை கொமடி என்று சொல்கினம் ....இந்த படத்தை போல சிங்களத்தில் ஒரு படம் அண்மையில் வந்ததாம் ...அந்த படத்தோட ஒப்பிடுகையில் இந்த படம் தூசி என்று சொல்லினம் ...படத்தின் பெயரை மறந்து விட்டேன் ....பிரசன்ன லியனகே என்ற இயக்குநர் இயக்கிய படமாம் .

பிரசன்ன விதானகேயின் Gaadi- Children Of The Sun. இப் படத்தின் பல காட்சிகள், இறுதிப் போரின் சம்பவங்களை மன கண் முன் கொண்டு வருகின்றது.

 

Edited October 13, 20205 yr by zuma

4 hours ago, ரதி said:

ஆனால் சிலர் இந்த படத்தை கொமடி என்று சொல்கினம் ....இந்த படத்தை போல சிங்களத்தில் ஒரு படம் அண்மையில் வந்ததாம் ...அந்த படத்தோட ஒப்பிடுகையில் இந்த படம் தூசி என்று சொல்லினம்

ரதி,

மாறனுடைய இந்த விமர்சனத்தை நானும் நேற்றுப் பார்த்தேன். ஒவ்வொரு விமர்சகருக்கும், ரசிகருக்கும் ஒவ்வொரு பார்வை, ரசனை உண்டு. மேலும், பல ஆண்டுகளுக்கு முன்னர் எனக்குப் பிடிக்காதுபோன சில திரைப்படங்கள் கூட தற்போது மீண்டும் பார்க்கும்போது தரமாகத் தெரிகின்றன. என் ஒருவனுக்குள்ளேயே இப்படி மாறுபட்ட கருத்துக்கள் இருக்கும்போது, ஆளுக்காள் வித்தியாசமான பார்வை இருப்பது இயல்பே. இது ஒரு தேசிய விருது ரகக் கலைப்படம் அல்ல. எனினும், இதனைத் தூசியாகவோ, காமெடியாகவோ பார்ப்பது சரியென எனக்குத் தோன்றவில்லை. 

அந்தச் சிங்களப்படத்தை நான் பார்க்கவில்லை. எது எப்படியோ, க/பெ ரணசிங்கம் திரைப்படம் தமிழகத்தில் நிகழ்ந்த பல உண்மைச் சம்பவங்களை அடிப்படையாகக் கொண்டது எனப் படத்தின் ஆரம்பத்திலும், முடிவிலும் குறிப்பிட்டுள்ளார்கள். 

 

On 13/10/2020 at 00:57, zuma said:

சு(ம்)மா பொழுது போக்குக்கு  பாக்கலாம்.

மற்ற ஆக்களெல்லாம் படம் பாக்கிறதை ஏதோ தொழிலாக செய்வதுபோலல்லவா எழுதுகிறீர்கள்.
எல்லோரும் பொழுதுபோக்குக்காகத்தான் படம் பாக்கிறது.

நல்ல படம், நல்ல நடிப்பு... ஆனாலும் என்னால் அரைவாசிக்கு மேல் பார்க்க முடியவில்லை. ஒரே சாவும், துயரச் செய்திகளும், லொக்டவுனும் என்று கழியும் இந்த கொள்ளை நோய்க் காலத்தில் முற்றிலும் எதிர்மறையான, இறந்த ஒருவரின் உடலை தன் மண்ணிற்கு கொண்டு வரும் கதையைக் கொண்ட ஒரு படத்தை பார்க்கும் மனநிலை இல்லை என்பதால் அரைவாசியுடன் நிறுத்தி விட்டேன்.

விமர்சனத்திற்கு நன்றி

29 minutes ago, நிழலி said:

நல்ல படம், நல்ல நடிப்பு... ஆனாலும் என்னால் அரைவாசிக்கு மேல் பார்க்க முடியவில்லை. ஒரே சாவும், துயரச் செய்திகளும், லொக்டவுனும் என்று கழியும் இந்த கொள்ளை நோய்க் காலத்தில் முற்றிலும் எதிர்மறையான, இறந்த ஒருவரின் உடலை தன் மண்ணிற்கு கொண்டு வரும் கதையைக் கொண்ட ஒரு படத்தை பார்க்கும் மனநிலை இல்லை என்பதால் அரைவாசியுடன் நிறுத்தி விட்டேன்.

விமர்சனத்திற்கு நன்றி

நிழலி,

நல்லவேளை அரைவாசியுடன் நிறுத்திவிட்டீர்கள். முதற்பாதியாவது கொஞ்சம் கலகலப்பும் கலந்து நகர்ந்தது. மீதிப்படம், அதுவும் நிறைவுக்காட்சியை அண்மிக்க அண்மிக்க மிகுந்த சோகமான காட்சிகளால் நிறைந்தது. 

எனக்கும் படம் பார்த்த மறுநாள் முழுவதும் மனசு கஷ்டமாக இருந்தது. இங்கயும் லொக்டௌன். நல்ல பாடல்களையும், வேறு நகைச்சுவைக் காட்சிகளையும் பார்த்து மனதைத் தேற்றிக்கொண்டேன்.

கருத்துக்கு நன்றி நிழலி.