கொரோனா: சமாளிக்கும் தமிழகம்... மருத்துவக் கட்டமைப்பில் `தமிழ்நாடு மாடல்’ - ஓர் அலசல்

April 24, 20214 yr

கருத்துக்கள உறவுகள்

உ.பி., பீகார் போலவே ஒரு காலத்தில் பின்தங்கிய நிலையில் இருந்த தமிழ்நாடு, மருத்துவக் கட்டமைப்பில் இன்று தலைசிறந்து விளங்குகிறது. இதற்கு என்ன காரணம்?

கொரோனா 2-வது அலை இந்தியாவை புரட்டிப் போட்டுக்கொண்டிருக்கிறது. உத்தரப் பிரதேசம், குஜராத், டெல்லி, மகாராஷ்டிரா உள்ளிட்ட வட மாநிலங்களில் ஏராளமான மரணங்கள் நிகழ்ந்து, 24 மணி நேரமும் இடுகாட்டில் சடங்கள் எரிகின்றன. அங்குள்ள மருத்துவமனைகளில் ஒரு படுக்கையில் இரண்டு மூன்று நோயாளிகள் ஆக்ஸிஜன் பொருத்தப்பட்டு பரிதாபமாகப் படுத்திருக்கும் புகைப்படங்களும் வீடியோக்களும் தினந்தோறும் வெளியாகிக் கொண்டிருக்கின்றன. மருத்துவமனைகளில் படுக்கைகள் இல்லாமல் கொரோனா நோயாளிகளுடன் சாலையோரம் ஏராளமான ஆம்புலன்ஸ்கள் நிறுத்தப்பட்டிருப்பதைப் பார்க்க முடிகிறது. தமிழகத்தில் தினந்தோறும் புதிதாக கொரோனா தொற்றுக்கு ஆளாகும் நபர்களின் எண்ணிக்கை சுமார் 13,000 என்ற நிலையிலும், இங்கு மரணம் குறைவாக இருக்கிறது. பாதிக்கப்படுவோருக்கு தரமான சிகிச்சையும் அளிக்கப்படுகிறது. அந்தளவுக்கு தமிழ்நாட்டில் மருத்துவக் கட்டமைப்பு மிகவும் வலுவாக ஏற்படுத்தப்பட்டிருக்கிறது. இந்தியாவிலேயே மருத்துவக் கட்டமைப்பில் முதன்மை மாநிலமாக தமிழ்நாடு விளங்குகிறது. இதற்கு மிகப்பெரிய வரலாற்றுப் பின்னணி இருக்கிறது.

மருத்துவமனை

இந்தியா சுதந்திரம் அடைந்த பிறகு, தமிழ்நாடு உள்பட அனைத்து மாநிலங்களும் கல்வி, மருத்துவம், தொழில்துறை போன்றவற்றில் ஒரே பாதையில், சுமாரான வேகத்தில் சென்றுகொண்டிருந்தன. குறிப்பிட்ட ஒரு காலகட்டத்தில், மற்ற மாநிலங்கள் சென்றுகொண்டிருக்கும் பாதையிலிருந்து சற்று விலகி ஒரு மாநிலம் செல்ல ஆரம்பித்தது. அது, வளர்ச்சியிலும் விரைந்து செல்லத் தொடங்கியது. அதுதான், தமிழ்நாடு. உள்கட்டமைப்பு, போக்குவரத்து, தொழில்துறை, கல்வி, மருத்துவம் என பல துறைகளிலும் மிகப்பெரிய வளர்ச்சியை தமிழ்நாடு அடைந்தது. எனவேதான், தமிழ்நாடு தனித்து நிற்கிறது என்ற பேச்சு பரவலாக இருக்கிறது

உலக அளவில் மருத்துவச் சுற்றுலாவுக்கு மிகச்சிறந்த இடமாக தமிழ்நாடு விளங்குகிறது. பல்வேறு நாடுகளிலிருந்தும் இந்தியாவின் பல மாநிலங்களிலிருந்தும் மருத்துவச் சிகிச்சைகளுக்காக லட்சக்கணக்கில் இங்கு வந்துசெல்கிறார்கள். சகல வசதிகளையும் கொண்ட கார்ப்பரேட் மருத்துவமனைகள் தமிழ்நாட்டில் ஏராளம். அதேபோல, நடுத்தர வகுப்பினரும் ஏழை எளிய மக்களும் சிகிச்சை பெறுவதற்கு நவீன வசதிகள் கொண்ட அரசு மருத்துவமனைகள் தமிழ்நாடு முழுவதும் இருக்கின்றன.

ஆந்திரா, தெலங்கானா உள்ளிட்ட அண்டை மாநிலங்கள் மற்றும் வட மாநிலங்களிலிருந்து ஆயிரக்கணக்கான ஏழை எளிய மக்கள் மருத்துவ சிகிச்சைக்காக தமிழ்நாட்டுக்கு வந்துசெல்கிறார்கள். ராஜீவ் காந்தி அரசுப் பொதுமருத்துவமனை, ஸ்டான்லி அரசுப் பொது மருத்துவமனை, ராயப்பேட்டை அரசு பொது மருத்துவமனை, கீழ்ப்பாக்கம் அரசு பொது மருத்துவமனை, ஓமந்தூரார் பன்னோக்கு சிறப்பு மருத்துவமனை, எழும்பூர் அரசு குழந்தைகள் மருத்துவமனை, எழும்பூர் அரசு கண் மருத்துவமனை உள்ளிட்ட அரசு மருத்துவமனைகளுக்கு ஆந்திரா, கர்நாடகா உள்பட வெளிமாநிலங்களைச் சேர்ந்தவர்கள் சிகிச்சைக்காக வருகிறார்கள். வட மாநிலங்களிலிருந்தும் இங்கு வருகிறார்கள். பல லட்சம் ரூபாய் செலவாகக்கூடிய மிகப்பெரிய அறுவைச் சிகிச்சைகளை, இங்கு வந்து முற்றிலும் இலவசமாக செய்துகொண்டு போகிறார்கள். மொத்தத்தில், வசதிபடைத்தவர்கள் மற்றும் ஏழைகள் என அனைத்துப் பகுதியினருக்குமான மருத்துவம், சகல வசதிகளுடன் தமிழகத்தில் கிடைக்கிறது என்பதுதான் தமிழ்நாட்டின் தனிச்சிறப்பு.

தஞ்சாவூர் அரசு மருத்துவக் கல்லூரி

தமிழ்நாடு மருத்துவ சேவைகள் கழகம் என்கிற ஓர் அமைப்பு தமிழக அரசால் உருவாக்கப்பட்டிருக்கிறது. இதுபோன்ற ஓர் அமைப்பு வேறு மாநிலங்களில் இல்லை. இதன் சிறப்பு என்னவென்றால், தமிழகத்தில் அரசு மருத்துவமனைகளுக்குத் தேவையான மருந்துகளும் உபகரணங்களும் பொதுச்சந்தையில் மிகக்குறைந்த விலைக்கு இந்த நிறுவனத்தின் மூலம் வாங்கப்படுகின்றன. அதனால், அரசு மருத்துவமனைகளுக்கு சிகிச்சைக்காக செல்பவர்களுக்குத் தேவையான மருந்துகளை வழங்க முடிகிறது. இதன் மூலம், இந்தியாவிலேயே மிகக்குறைந்த செலவில் மருத்துவம் அளிக்க முடிகிறது. இது மிகப்பெரிய முன்னேற்றம்.

ஏழை, எளிய, நடுத்தர மக்களுக்கு மருத்துவ சேவை வழங்குவதில் அரசு மருத்துவமனைகள் மிகச்சிறந்த பங்களிப்பை ஆற்றிவருகின்றன. குறிப்பாக, கொரோனா முதல் அலையின்போதும், தற்போதைய இரண்டாம் அலையின்போதும் பாதிக்கப்பட்டோரின் உயிரைக் காப்பாற்றுவதில் அரசு மருத்துவமனைகள் ஆற்றிவரும் பங்கு மகத்தானது. மருத்துவத்துறையில் இத்தகைய அளப்பரிய வளர்ச்சியை தமிழகம் எட்டியது எப்படி என்ற கேள்வியை சென்னை பல்கலைக்கழகத்தின் பொருளாதாரத்துறை தலைவரான பேராசிரியர் ஜோதி சிவஞானத்திடம் முன்வைத்தோம்.

“தமிழ்நாட்டில் இருப்பதைப் போன்ற சுகாதாரக் கட்டமைப்பு வேறு எந்த மாநிலத்திலும் கிடையாது. தமிழ்நாட்டைப் போல கேரளாவும் மருத்துவத்துறையில் சிறந்து விளங்குகிறது என்பதையும் குறிப்பிட வேண்டும். அதே நேரத்தில், கேரளாவைவிட பல இன்டிகேட்டர்களில் தமிழ்நாடு முதல் இடத்தில் இருக்கிறது. இவ்வளவு பெரிய வளர்ச்சியை ஓரிரு நாளில் தமிழ்நாடு எட்டிவிடவில்லை. ஒரு நூற்றாண்டுக்கு முன்பாக இதற்கான விதை போடப்பட்டது. குறிப்பாகச் சொல்ல வேண்டுமென்றால், நீதிக் கட்சி ஆட்சியிலேயே இது தொடங்கிவிட்டது.

ஜோதி சிவஞானம்

காமராஜர் ஆட்சியில் கொண்டுவரப்பட்ட மதிய உணவுத் திட்டத்தின் பலனாக கிராமப்புற குழந்தைகள் பள்ளிக்கூடத்துக்கு வர ஆரம்பித்தார்கள். கிராமப்புறங்களைச் சேர்ந்த ஒடுக்கப்பட்ட, பிற்படுத்தப்பட்ட குடும்பங்களைச் சேர்ந்த குழந்தைகள் மருத்துவர்களாகவும் பொறியாளர்களாகவும் வருவதற்கான வாசல்களை சத்துணவுத் திட்டம்தான் திறந்துவைத்தது. அண்ணா முதல்வராகி, அவரது மறைவுக்குப் பிறகு கருணாநிதி முதல்வராக வந்தவுடன், கல்வி மற்றும் மருத்துவம் போன்ற மக்கள் நலத்திட்டங்களுக்கு முக்கியத்துவம் தரப்பட்டு, பட்ஜெட்டில் அதிகமான தொகை அவற்றுக்கு ஒதுக்கப்பட்டது.

அப்போதுதான், ‘தமிழ்நடு வளர்ச்சி மாடல்’ என்பது உருவாக்கப்பட்டது. தமிழ்நாட்டின் வளர்ச்சி மாடல் என்பது ஒரு வித்தியாசமான மாடல். இதை, திராவிட இயக்கங்களின் வளர்ச்சி மாடல் என்றும் சொல்லலாம். மக்களுக்கு நேரடியாக எது தேவையோ, அதற்கு முக்கியத்துவம் கொடுத்து செய்தார்கள். கருணாநிதி உருவாக்கிய அந்தப் பாதையில் அடுத்து வந்த ஆட்சியாளர்களும் பயணிக்க வேண்டிய நிர்ப்பந்தம் இருந்தது. எனவே, எந்தக் கட்சி ஆட்சிக்கு வந்தாலும் சமூகநல நோக்கத்துடன் திட்டங்கள் செயல்படுத்தப்படுவதில் ஒரு தொடர்ச்சி இருந்தது. இன்றைக்கு இந்தியாவிலேயே மருத்துவம் உள்பட பல்வேறு துறைகளிலும் தமிழ்நாடு முதன்மை மாநிலமாக விளங்குவதற்கு அதுதான் காரணம்” என்றார் ஜோதி சிவஞானம்.

தொடர்ந்து, ``அனைவருக்கும் தடுப்பூசித் திட்டம், ஒவ்வொரு கிராமத்திலும் ஆரம்ப சுகாதார மையம், தாலுகா அளவிலும் மாவட்ட அளவிலும் மருத்துவமனைகள் என மருத்துவக் கட்டமைப்புகள் தொடர்ந்து விரிவாக்கம் அடைந்தன. கட்டமைப்பு உறுதியாக உறுதியாக, தாய் சேய் இறப்பு விகிதம், சிசு மரணங்கள் விகிதம் ஆகியவை வெகுவாகக் குறைய ஆரம்பித்தன. மருத்துவமனைக்கு சென்று பிரசவம் பார்ப்பது என்பது தமிழகத்தில் கிட்டத்தட்ட 100 சதவிகிதம் என்ற நிலையை அடைந்துவிட்டது. கர்ப்பிணி பெண்களுக்கு உதவித்தொகை, முதியோர் ஓய்வூதியம், அங்கன்வாடி போன்ற திட்டங்கள் பொதுசுகாதாரத்துக்கு பேருதவி செய்யக்கூடியவை. தமிழ்நாட்டுக்கென்று உருவாகிவிட்ட அந்த மாடலிலிருந்து அடுத்தடுத்து வந்த ஆட்சியாளர்கள் எவராலும் மாற முடியவில்லை. அது கல்வியையும், மருத்துவத்தையும் மேலும் மேலும் வலுப்படுத்திக்கொண்டிருக்கின்றன” என்றார் பேராசிரியர் ஜோதி சிவஞானம்.

சிவகங்கை அரசு மருத்துவக் கல்லூரி

மாவட்டத்துக்கு ஒரு மருத்துவக் கல்லூரியை உருவாக்க வேண்டும் என்பதில் தமிழகத்தில் மாறி மாறி ஆட்சிக்கு வரும் அ.தி.மு.க-வும் தி.மு.க-வும் போட்டி போட்டுக்கொண்டு செயல்படுகின்றன. ஆரோக்கியமான இந்தப் போட்டிதான், தமிழ்நாட்டில் மருத்துவக் கட்டமைப்பு உள்பட பல்வேறு வளர்ச்சித் திட்டங்கள் வெற்றிநடை போடுவதற்கு காரணமாக இருக்கிறது. தற்போது தமிழகத்தில் 25 அரசு மருத்துவக் கல்லூரிகள் இருக்கின்றன என்கிற அளவுக்கு மருத்துவத் தறையில் தமிழ்நாடு சாதனை படைத்துவருகிறது.

இது குறித்து சமூக சமத்துவத்துக்கான மருத்துவர்கள் சங்கத்தின் தலைவர் டாக்டர் சாந்தி ரவீந்திரநாத்திடம் பேசினோம்.

“அ.தி.மு.க., தி.மு.க என யார் ஆட்சிக்கு வந்தாலும் மருத்துவக் கட்டமைப்புகளை வலுப்படுத்துவதற்கான வேலைகள் தொடர்ந்து நடைபெற்றுவருகின்றன. அரசு மருத்துவக் கல்லூரிகள், தனியார் மருத்துவக் கல்லூரிகள் என நிறைய மருத்துவக் கல்லூரிகள் இங்கு இருப்பதால், ஒவ்வோர் ஆண்டும் ஏராளமான மருத்துவர்கள் வருகிறார்கள். மேலும், எல்லா வகையான மருத்துவ நிபுணர்களும் தமிழ்நாட்டில் நிரம்பியிருக்கிறார்கள். இதய நிபுணர், சிறுநீரக நிபுணர், குழந்தைகள் மருத்துவர், பெண்கள் நல மருத்துவர் என அனைத்து வகையான நிபுணர்களும் தமிழ்நாட்டில் ஏராளமாக இருக்கிறார்கள். வேறு எந்த மாநிலத்திலும் இந்தளவுக்கு இல்லை. மேலும், இடஒதுக்கீடு மூலமாக மருத்துவம் படித்து வருபவர்கள் என்பதால், மக்கள் நலனை உணர்ந்து செயல்படுபவர்களாகவும் அவர்கள் இருக்கிறார்கள்.

சாந்தி ரவீந்திரநாத்

தமிழக மக்களுக்கு மருத்துவக் காப்பீடு இருக்கிறது. அதை வைத்து அரசு மருத்துவமனைகளிலும் தனியார் மருத்துவமனைகளிலும் அதிகம் செலவாகக்கூடிய அறுவைச்சிகிச்சைகள் உள்ளிட்ட மருத்துவ சிகிச்சைகளை செய்துகொள்ள முடியும். இந்த மாதிரியான மருத்துவ வசதிகள் வேறு எந்த மாநிலத்திலும் இல்லை” என்றார் டாக்டர் சாந்தி ரவீந்திரநாத்.

உலக வங்கி போன்ற அமைப்புகளிடம் மாநில அரசுகள் கடன்கள் வாங்கி பல திட்டங்களை செயல்படுத்துகின்றன. கடன் கொடுப்பவர்கள் பல நிபந்தனைகளை விதிப்பதும் வழக்கம். அவர்களின் நிபந்தனைகளுக்கு பல மாநில அரசுகள் பணிந்து போவது உண்டு. ஆந்திராவில் சந்திரபாபு நாயுடு முதல்வராக இருந்தபோது, அதைப் பார்க்க முடிந்தது. தமிழ்நாட்டில் கருணாநிதியாக இருந்தாலும் ஜெயலலிதாவாக இருந்தாலும், அவர்களின் ஆட்சிக் காலங்களில் உலக வங்கி உள்ளிட்ட அமைப்புகளிடம் கடன்கள் வாங்கப்பட்டு திட்டங்கள் செயல்படுத்தப்பட்டபோது, கடன் கொடுக்கும் அமைப்புகள் முன்வைக்கும் நிபந்தனைகள் அனைத்துக்கும் பணிந்துபோகவில்லை. மாறாக, தமிழகத்துக்கு எது தேவையோ அவற்றை தேர்ந்தெடுத்து செய்யக்கூடியவர்களாக தமிழக முதல்வர்கள் இருந்தனர்.

அரசு ஸ்டான்லி மருத்துவக் கல்லூரி

குறிப்பாக, சமூகநலத் திட்டங்களுக்கான நிதியைக் குறைக்க வேண்டும் என்று அழுத்தங்கள் வந்தபோதும், தனியார்மயத்துக்கான நிர்ப்பந்தங்கள் ஏற்பட்டபோதும், அவை எல்லாவற்றுக்கும் தமிழக ஆட்சியாளர்கள் இணங்கிப்போய்விடவில்லை. மருத்துவத் துறையில் தமிழ்நாடு அடைந்துள்ள மிகப்பெரிய வளர்ச்சிக்கு இதுவும் ஒரு முக்கியக் காரணம்.

கொரோனா: சமாளிக்கும் தமிழகம்... மருத்துவக் கட்டமைப்பில் `தமிழ்நாடு மாடல்’ - ஓர் அலசல் | how did tamilnadu develop in medical infrastructure? - Vikatan

Replies 130
Views 8.4k
Created 4 yr4 yr
Last Reply 4 yr4 yr

April 24, 20214 yr

கருத்துக்கள உறவுகள்

தமிழகத்தை ஆண்ட திமுக, அதிமுக தங்கள் மானிலத்தை முன்னேற்றி இருக்கிறார்கள்.

April 24, 20214 yr

கருத்துக்கள உறுப்பினர்கள்

3 minutes ago, விளங்க நினைப்பவன் said:

தமிழகத்தை ஆண்ட திமுக, அதிமுக தங்கள் மானிலத்தை முன்னேற்றி இருக்கிறார்கள்.

ஆகவே கொள்ளை அடிச்சாலும் 50/50 நாட்டை முன்னேற்றி இருக்கிறார்கள்?

April 24, 20214 yr

கருத்துக்கள உறவுகள்

21 minutes ago, குமாரசாமி said:

ஆகவே கொள்ளை அடிச்சாலும் 50/50 நாட்டை முன்னேற்றி இருக்கிறார்கள்?

அது தமிழரின் பலம்

கடுமையான உழைப்பு

முயற்சி

கல்விக்கு முதல் இடம்

இவை தான் தமிழரின் பலம்

அது தமிழ் நாட்டில் மட்டும் இல்லை உலகெங்கும்....

April 25, 20214 yr

அப்ப தமிழ் நாட்டை மிக மோசமான நிலைக்கு திராவிடக் கட்சிகள் கொண்டு வந்துவிட்டனர், பச்சைத் தமிழனால் மட்டுமே அதை முன்னேற்ற முடியும் என்று சொல்வது எல்லாம் பிழையா?😀

April 25, 20214 yr

கருத்துக்கள உறவுகள்

கேரளாவில் நீண்ட நெடுங்காலம் கம்மினுயூஸ்ட் கட்சிகiளே ஆடசி செய்து வருகின்றன். இந்தியாவிலேயே கல்வியறிவில் சிறந்து விளங்கும் மாநிலமாக கேரளா விளங்குகிறது. அங்கு பெரியாரிசத்துக்கோ திராவிடத்துக்கோ இடமில்லை.வரலாற்றின் படி பார்த்தால் மலையாளிகளும் தமிழர்களே. சேரநாடுதான் கேரளா. ஆக நிறமுர்த்தங்கள் (ஜீன) ஒரே வகையானவை தமிழ்நாடு கேரளாவிற்கு அடுத்தபடியாக ஆந்திராஈகர்நாடகா போன்ற தென்இந்திய மாநிலங்கள் குறிப்பாக முன்னேறிய மாநிலங்களாக இருக்கின்றன.சும்மா திராவிடப் பூச்சாண்டி காட்ட வேண்டாம்.வடமாநிலங்களோடு ஒப்பிடுகையில் சாதியப் பாகுபாடும் குறைவு. காமராஜர் தொலை நோக்காக கொண்டுபல ஆயிரம பள்ளிகளைத் திறந்ததும் சத்துணத் திட்டத்தைன் கொண்டு வந்து வறிய மாணவர்களையும் பாடசாலைக்கு வரத் தூண்டியதுமெ இதன் வெற்றிக்கான அடையாளங்கள். கருணாநிதியின் இடத்தில் அண்ணாவோ அல்லது வேறு யாரோ இருநதிருந்தால் தமிழ்நாடு இன்னமும் முன்னேறி இருக்கும். கருணாநிதியின் ஊழல் ஆசை அந்த முன்னேற்தின் வேகத்திற்கு தடை போட்டது என்பதுதான் உண்மை.

April 25, 20214 yr

கருத்துக்கள உறவுகள்

52 minutes ago, நிழலி said:

அப்ப தமிழ் நாட்டை மிக மோசமான நிலைக்கு திராவிடக் கட்சிகள் கொண்டு வந்துவிட்டனர், பச்சைத் தமிழனால் மட்டுமே அதை முன்னேற்ற முடியும் என்று சொல்வது எல்லாம் பிழையா?😀

பச்சை தமிழன் ஆண்டிருந்தால்... "டாஸ்மாக்கே" இருந்திராது.
மதுப்பிரியர்களுக்கு... கள்ளு குடிக்க அனுமதித்திருக்கலாம்.

April 25, 20214 yr

கருத்துக்கள உறவுகள்

36 minutes ago, புலவர் said:

கேரளாவில் நீண்ட நெடுங்காலம் கம்மினுயூஸ்ட் கட்சிகiளே ஆடசி செய்து வருகின்றன். இந்தியாவிலேயே கல்வியறிவில் சிறந்து விளங்கும் மாநிலமாக கேரளா விளங்குகிறது. அங்கு பெரியாரிசத்துக்கோ திராவிடத்துக்கோ இடமில்லை

ஆமாம். அங்கே ‘சனாதன தர்மத்தைத்’ திணிக்கும் அணிக்கும் அதன் ஏஜெண்டுகளுக்கும் இடம் இல்லை. அதனால்தான் கல்வியறிவில் சிறந்து சிந்திக்கும் திறனுள்ளவர்களாகவும், இந்திய கொள்கைவகுப்பில் செல்வாக்கு செலுத்துபவர்களாகவும் உள்ளனர்.

முள்ளிவாய்க்கால் இறுதிப் போரில் விஜய் நம்பியார் ஐ.நா. செயலரின் பிரதம அதிகாரியாக இருந்து ராஜபக்‌ஷ அரசு தமிழரை அழிக்க உதவியும் இருந்தார்.

தமிழ்நாட்டை காங்கிரஸ் போன்ற கட்சிகளிடம் விட்டிருந்தால் இப்போதும் பிராமணர்கள்தான் ஆட்சி செய்திருப்பார்கள். ஏன் பிஜேபிகூட ஆண்டிருக்கும்!

April 25, 20214 yr

கருத்துக்கள உறவுகள்

1 hour ago, தமிழ் சிறி said:

பச்சை தமிழன் ஆண்டிருந்தால்... "டாஸ்மாக்கே" இருந்திராது.
மதுப்பிரியர்களுக்கு... கள்ளு குடிக்க அனுமதித்திருக்கலாம்.

"டாஸ்மாக்கே" இல்லாது விட்டால் கருணாநிதி குடும்பமும் உலக பணக்காரர்கள் வரிசையில் வரமுடியாமல் போயிருக்கும்

April 25, 20214 yr

கருத்துக்கள உறவுகள்

54 minutes ago, கிருபன் said:

தமிழ்நாட்டை காங்கிரஸ் போன்ற கட்சிகளிடம் விட்டிருந்தால் இப்போதும் பிராமணர்கள்தான் ஆட்சி செய்திருப்பார்கள். ஏன் பிஜேபிகூட ஆண்டிருக்கும்!

தற்போது நீங்கள் எதிர்பார்க்கும் திமுக காங்கிரஸ் வந்தால் ?????

April 25, 20214 yr

கருத்துக்கள உறவுகள்

1 hour ago, கிருபன் said:

தமிழ்நாட்டை காங்கிரஸ் போன்ற கட்சிகளிடம் விட்டிருந்தால் இப்போதும் பிராமணர்கள்தான் ஆட்சி செய்திருப்பார்கள். ஏன் பிஜேபிகூட ஆண்டிருக்கும்!

காமராஜர் என்றொருவர் முதலமைச்சராக இருந்தாரே ஞாபகமில்லையா!

April 25, 20214 yr

கருத்துக்கள உறவுகள்

1 hour ago, கிருபன் said:

தமிழ்நாட்டை காங்கிரஸ் போன்ற கட்சிகளிடம் விட்டிருந்தால் இப்போதும் பிராமணர்கள்தான் ஆட்சி செய்திருப்பார்கள். ஏன் பிஜேபிகூட ஆண்டிருக்கும்!

திமுக ஆட்சியில் தலைமைச் செயலர் முதல் அமைச்சு செயலர்கள் வரை பெரும்பான்மை பார்ப்பனர்களாமே! நான் சொல்லவில்லை, மதிமாறன் அவர்கள் குறிப்பிடுகின்றார்.

April 25, 20214 yr

கருத்துக்கள உறவுகள்

1 minute ago, விசுகு said:

தற்போது நீங்கள் எதிர்பார்க்கும் திமுக காங்கிரஸ் வந்தால் ?????

பிராமண ஆட்சி 1967 இல் அண்ணா பதவிக்கு வந்ததில் இருந்து இல்லை. அதனால்தான் தமிழ்நாடு முன்னேறி இருக்கின்றது. காங்கிரஸ் எப்போதும் தமிழ்நாட்டில் அதிமுக, திமுக கூட்டில் சேர்ந்துதான் சட்டசபைக்கே தெரிவாகின்றார்கள். அவர்களுக்கு இருக்கும் குறுகிய வாக்குவங்கியின் அடிப்படையில்தான் “சீட்”டுக்கள் இந்த தேர்தலில் திமுகவால் ஒதுக்கப்பட்டன.

எனவே, திமுக-காங்கிரஸ் வந்தால் மதச்சார்பின்மை தொடரும். அதிமுக-பிஜேபி வந்தால் மதச்சார்பின்மை நலிந்து சனாதனக் கட்சிகளின் ஆதிக்கம் வளரும்.சனாதனக் கட்சியாகிய பிஜேபி சாதிப்பிரிவினையை வளர்க்கும். மதப்பிரிவினையை நிறுவனமயப்படுத்தப்பட்ட இந்துத்துவம் ஊடாக ஊதிப்பெருப்பித்து வட இந்திய மாநிலங்கள் போல மாற்றும். இந்து-முஸ்லிம் கலவரங்களையும் தூண்டும்.

April 25, 20214 yr

கருத்துக்கள உறவுகள்

11 minutes ago, Eppothum Thamizhan said:

காமராஜர் என்றொருவர் முதலமைச்சராக இருந்தாரே ஞாபகமில்லையா!

தெரியும். பெருந்தலைவர் காமராஜர் தூய்மையான அரசியல் செயற்பாட்டில் இருந்தவர். ஆனால் அவர் ஒரு புறநடை. அவரைப் போல அரசியல்வாதிகள் இந்தியாவில் அரிது.

காமராஜர் வாரிசு அரசியலை எதிர்த்ததால் காங்கிரஸ் இரண்டாகி இந்திரா காங்கிரஸ் தோற்றம் பெற்றது. அவரின் மறைவுக்குப் பின்னால் மூப்பனார், நெடுமாறன் போன்றோர் மீண்டும் பிளவுபட்ட காங்கிரஸை ஒன்றாக்கினர். ஆனால் காமராஜர் ஆட்சியை உருவாக்குவோம் என்று சொல்பவர் ஒருவர் கூட அவரைப் போல 60 ரூபாயும், கதர்வேட்டியும் சொத்தாக வைத்திருக்கப்போவதில்லை. இப்போது எல்லாமே “கார்ப்பரேட்” ஆட்சிதான்.

15 minutes ago, ஏராளன் said:

திமுக ஆட்சியில் தலைமைச் செயலர் முதல் அமைச்சு செயலர்கள் வரை பெரும்பான்மை பார்ப்பனர்களாமே! நான் சொல்லவில்லை, மதிமாறன் அவர்கள் குறிப்பிடுகின்றார்.

திறமையுள்ளவர்களை வைத்து அரசை நடாத்துபவர்கள்தான் நாட்டை முன்னேற்றமுடியும். இதுகூட திராவிடக் கட்சிகள் பார்பனியத்துக்குத்தான் எதிர், பார்ப்பனர்களுக்கு எதிரானதல்ல என்று காட்டுகின்றது. ஆனால் வந்தேறிகளை விரட்டும் ஆட்சி வந்தால் கூண்டோடு கலைத்து எல்லா பதவிகளிலும் தூய தமிழர்கள் வருவார்கள். பிராமணர்கள், தெலுங்கர்கள் எல்லாம் மூட்டை முடிச்சைக் கட்டிக்கொண்டு வடக்கே போகவேண்டியதுதான்!😂

April 25, 20214 yr

கருத்துக்கள உறவுகள்

1 hour ago, கிருபன் said:

பிராமண ஆட்சி 1967 இல் அண்ணா பதவிக்கு வந்ததில் இருந்து இல்லை. அதனால்தான் தமிழ்நாடு முன்னேறி இருக்கின்றது. காங்கிரஸ் எப்போதும் தமிழ்நாட்டில் அதிமுக, திமுக கூட்டில் சேர்ந்துதான் சட்டசபைக்கே தெரிவாகின்றார்கள். அவர்களுக்கு இருக்கும் குறுகிய வாக்குவங்கியின் அடிப்படையில்தான் “சீட்”டுக்கள் இந்த தேர்தலில் திமுகவால் ஒதுக்கப்பட்டன.

எனவே, திமுக-காங்கிரஸ் வந்தால் மதச்சார்பின்மை தொடரும். அதிமுக-பிஜேபி வந்தால் மதச்சார்பின்மை நலிந்து சனாதனக் கட்சிகளின் ஆதிக்கம் வளரும்.சனாதனக் கட்சியாகிய பிஜேபி சாதிப்பிரிவினையை வளர்க்கும். மதப்பிரிவினையை நிறுவனமயப்படுத்தப்பட்ட இந்துத்துவம் ஊடாக ஊதிப்பெருப்பித்து வட இந்திய மாநிலங்கள் போல மாற்றும். இந்து-முஸ்லிம் கலவரங்களையும் தூண்டும்.

பாவம் நீங்கள்

பாஜ கட்சியை தமிழகத்தில் முதன் முதலில் கூட்டு வைத்து கொண்டு வந்தவர்கள் திமுக தான் என்ற வரலாற்றை மறந்து இன்றும் பாஜக தொடர்ந்து மத்தியில் ஆட்சியில் இருந்தால் இவர்களது மத சார்பற்ற என்ற கோசம் தூக்கி எறியப்பட்டு விடும் என்பதும் தெரிந்தும் சும்மா எழுதி சுகமடைகிறீர்கள்

நான் ஏன் அதை கெடுப்பான்

April 25, 20214 yr

கருத்துக்கள உறவுகள்

17 minutes ago, விசுகு said:

பாவம் நீங்கள்

பாஜ கட்சியை தமிழகத்தில் முதன் முதலில் கூட்டு வைத்து கொண்டு வந்தவர்கள் திமுக தான் என்ற வரலாற்றை மறந்து இன்றும் பாஜக தொடர்ந்து மத்தியில் ஆட்சியில் இருந்தால் இவர்களது மத சார்பற்ற என்ற கோசம் தூக்கி எறியப்பட்டு விடும் என்பதும் தெரிந்தும் சும்மா எழுதி சுகமடைகிறீர்கள்

நான் ஏன் அதை கெடுப்பான்

நான் பாவமாக இருக்கிறேன். நீங்கள் புண்ணியவானாகவே இருங்கள் விசுகு ஐயா☺️

நான் தீம்கா ஆதரவாளர் இல்லை. ஆனால் வரலாற்றை அறியவேண்டும் என்பதற்காகச் சொல்கின்றேன்.

1999 இல் திமுக பிஜேபியோடு கூட்டுவைத்தது. ஆனால் அதற்கு முந்தைய வருடத்தில் ஜெயலலிதா அம்மையாரின் அதிமுக மத்தியில் வாஜ்பாய் தலைமையிலான கூட்டில் இருந்தது. தமிழ்நாட்டில் திமுக ஆட்சியைக் கவிழ்க்கவேண்டும் என்று ஜெயலலிதா அம்மையார் மத்தியில் கூட்டில் இருந்த பிஜேபிக்கு அழுத்தம் கொடுத்துக்கொண்டிருந்ததால், அதிலிருந்து தப்பிக்க, அதிமுக மத்திய அரசுக்கான ஆதரவை விலக்கியபோது திமுக பிஜேபியோடு கூட்டுவைத்தது.

இது இந்தியப் ஆக்கிரமிப்புக் காலத்தில் புலிகள் பிரேமதாசவுடன் வைத்த இராஜதந்திர உறவு போல. எப்படிப் புலிகள் தங்கள் கொள்கைகளை விட்டுக்கொடுக்காமல் பிரேமதாசவிடம் இருந்து ஆயுதம் வாங்கினார்களோ, அப்படி திமுகவும் மதச்சார்பின்மை என்ற கொள்கையை விட்டுக்கொடுக்காமல் பிஜேபியுடன் கூட்டை வைத்துக்கொண்டது. இந்தியாவில் கட்சிகள் தேர்தலில் கூட்டு வைக்கும்போது தத்தமது கொள்கைகளில் விட்டுக்கொடுப்பு செய்வதில்லை. First pass post system ஆக இருப்பதால் தேர்தலில் வெல்ல வைக்கும் கூட்டுக்கள் மட்டுமே.

அதாவது பா.ஜ.க.வின் கொள்கையில் சமரசமாகி திமுக அந்த நேரத்தில் கூட்டுச்சேரவில்லை. கடந்தகால தமிழக வரலாறும் அப்படியான சமரசங்களை ஏற்றுக்கொண்டதாகச் சொல்லவில்லை.

April 25, 20214 yr

கருத்துக்கள உறுப்பினர்கள்

2 hours ago, ஏராளன் said:

திமுக ஆட்சியில் தலைமைச் செயலர் முதல் அமைச்சு செயலர்கள் வரை பெரும்பான்மை பார்ப்பனர்களாமே! நான் சொல்லவில்லை, மதிமாறன் அவர்கள் குறிப்பிடுகின்றார்.

கருநாநிதி குடும்ப பெண்மணிகள் கோயில் கோயிலாக ஏறி இறங்குபவர்கள். அரசியல் வருமானத்திற்காக திராவிட கொள்கை பேசும் கூட்டம் அது.

April 25, 20214 yr

கருத்துக்கள உறவுகள்

3 hours ago, Eppothum Thamizhan said:

காமராஜர் என்றொருவர் முதலமைச்சராக இருந்தாரே ஞாபகமில்லையா!

அந்த அருமையான மனிதரை இதே கருணாநிதி மேடைக்கு மேடை அண்டம்காக்கை என்று திட்டுவது உண்டு காரணம் மண்ணின் மைந்தன் நிறம் தமிழ்நாட்டு வந்தேறிக்கு பிடிப்பதில்லை இப்பவும் .

April 25, 20214 yr

41 minutes ago, கிருபன் said:

நான் பாவமாக இருக்கிறேன். நீங்கள் புண்ணியவானாகவே இருங்கள் விசுகு ஐயா☺️

நான் தீம்கா ஆதரவாளர் இல்லை. ஆனால் வரலாற்றை அறியவேண்டும் என்பதற்காகச் சொல்கின்றேன்.

1999 இல் திமுக பிஜேபியோடு கூட்டுவைத்தது. ஆனால் அதற்கு முந்தைய வருடத்தில் ஜெயலலிதா அம்மையாரின் அதிமுக மத்தியில் வாஜ்பாய் தலைமையிலான கூட்டில் இருந்தது. தமிழ்நாட்டில் திமுக ஆட்சியைக் கவிழ்க்கவேண்டும் என்று ஜெயலலிதா அம்மையார் மத்தியில் கூட்டில் இருந்த பிஜேபிக்கு அழுத்தம் கொடுத்துக்கொண்டிருந்ததால், அதிலிருந்து தப்பிக்க, அதிமுக மத்திய அரசுக்கான ஆதரவை விலக்கியபோது திமுக பிஜேபியோடு கூட்டுவைத்தது.

இது இந்தியப் ஆக்கிரமிப்புக் காலத்தில் புலிகள் பிரேமதாசவுடன் வைத்த இராஜதந்திர உறவு போல. எப்படிப் புலிகள் தங்கள் கொள்கைகளை விட்டுக்கொடுக்காமல் பிரேமதாசவிடம் இருந்து ஆயுதம் வாங்கினார்களோ, அப்படி திமுகவும் மதச்சார்பின்மை என்ற கொள்கையை விட்டுக்கொடுக்காமல் பிஜேபியுடன் கூட்டை வைத்துக்கொண்டது. இந்தியாவில் கட்சிகள் தேர்தலில் கூட்டு வைக்கும்போது தத்தமது கொள்கைகளில் விட்டுக்கொடுப்பு செய்வதில்லை. First pass post system ஆக இருப்பதால் தேர்தலில் வெல்ல வைக்கும் கூட்டுக்கள் மட்டுமே.

அதாவது பா.ஜ.க.வின் கொள்கையில் சமரசமாகி திமுக அந்த நேரத்தில் கூட்டுச்சேரவில்லை. கடந்தகால தமிழக வரலாறும் அப்படியான சமரசங்களை ஏற்றுக்கொண்டதாகச் சொல்லவில்லை.

கிருபன் நீங்கள் புத்தகங்களில் வரலாறு படிப்பதால் whats up, you tube ல் வரலாறு அறிபவர்களை விட துல்லியமாக பல விடயங்களை தெரிந்து வைத்துள்ளீர்கள்.

April 25, 20214 yr

கருத்துக்கள உறவுகள்

இவர்கள்தான் கறுப்பை குறைவெண்டும் வெள்ளையை உயர்ந்தது என்று நிறுவியவர்கள் .

22 hours ago, விளங்க நினைப்பவன் said:

தமிழகத்தை ஆண்ட திமுக, அதிமுக தங்கள் மானிலத்தை முன்னேற்றி இருக்கிறார்கள்.

தன்னுடைய வாழ்நாள் முழுவதையும் சமூகத்தொண்டு செய்வதிலேயே அர்பணித்துக்கொண்ட காமராஜர், 1975 ஆம் ஆண்டு அக்டோபர் 2 ஆம் தேதி தன்னுடைய 72 வது வயதில் காலமானார். அதற்கு அடுத்த ஆண்டு, இந்திய அரசின் மிக உயரிய விருதான “பாரத ரத்னா”விருது மத்திய அரசால் அவருக்கு வழங்கப்பட்டது. சமூகத் தொண்டையே பெரிதாக நினைத்து வாழ்ந்த அவர், கடைசிவரை திருமணம் செய்துகொள்ளாமலே வாழ்ந்தார். ஒரு மாநிலத்தின் முதலமைச்சராக இருந்தபொழுதும் இறுதிவரை வாடகை வீட்டிலேயே வாழ்ந்து இருந்தார். அவருக்காக அவர் சேர்த்து வைத்த சொத்து சில கதர் வேட்டிகள், சட்டைகள், புத்தகங்கள் மற்றும் 150 ரூபாய் மட்டுமே. இப்படிப்பட்ட உன்னதமான நேர்மையான இன்னொரு தலைவனைத் தமிழக வரலாறு மட்டுமல்ல, உலக வரலாறும் இனி சந்திக்குமோ என்பது சந்தேகமே?

April 25, 20214 yr

கருத்துக்கள உறவுகள்

4 minutes ago, tulpen said:

கிருபன் நீங்கள் புத்தகங்களில் வரலாறு படிப்பதால் whats up, you tube ல் வரலாறு அறிபவர்களை விட துல்லியமாக பல விடயங்களை தெரிந்து வைத்துள்ளீர்கள்.

நான் 2000 ஆண்டுவரை தவறாமல் இந்தியா ருடே (தமிழ்) வாங்கிப்படிப்பதுண்டு. காசு கொடுத்து வாங்கியதால் எல்லா எழுத்துக்களையும் வாசிப்பேன். ஆனால் 2000 க்குப் பின்னர் தமிழக அரசியலில் ஈடுபாடு குறைந்துவிட்டது. இப்போது முக்கிய தலைவர்களைத் தவிர மற்றவர்களின் பெயரே தெரியாது. தெரியவேண்டிய தேவையும் இல்லை!

3 minutes ago, பெருமாள் said:

இவர்கள்தான் கறுப்பை குறைவெண்டும் வெள்ளையை உயர்ந்தது என்று நிறுவியவர்கள் .

எங்கே நிறுவியிருந்தார்கள்? யார் peer review செய்தது?🤥

April 25, 20214 yr

கருத்துக்கள உறவுகள்

கவனியுங்கள் 150 ரூபா தான் இன்று திராவிட கட்சிகளின் சொத்து மதிப்பு உங்களால் சொல்ல முடியாது அவ்வளவும் தமிழ்நாட்டில் சுரண்டியது .

Just now, கிருபன் said:

எங்கே நிறுவியிருந்தார்கள்? யார் peer review செய்தது?🤥

ஒரு பச்சை தமிழனை அண்டம் காக்கை என்று சொல்லி .

April 25, 20214 yr

கருத்துக்கள உறவுகள்

ஆ . பழனியப்பனின் திராவிட துதிபாடல் அதை 60 வீத பங்குகளை வைத்துள்ள திமுகவின் ஆனந்த விகடன் பிரசுரித்து உள்ளது .

April 25, 20214 yr

கருத்துக்கள உறவுகள்

3 minutes ago, பெருமாள் said:

ஆ . பழனியப்பனின் திராவிட துதிபாடல் அதை 60 வீத பங்குகளை வைத்துள்ள திமுகவின் ஆனந்த விகடன் பிரசுரித்து உள்ளது .

சரி. அடுத்த ஐந்து வருடத்திற்கு தினமும் கரித்துக்கொட்டிக்கொண்டு இருக்கவேண்டும். அப்படியாவது ஒரு முன்னேற்றம் வந்தால் நல்லது😁

Edited April 25, 20214 yr by கிருபன்

April 25, 20214 yr

கருத்துக்கள உறவுகள்

1 hour ago, கிருபன் said:

நான் பாவமாக இருக்கிறேன். நீங்கள் புண்ணியவானாகவே இருங்கள் விசுகு ஐயா☺️

நான் தீம்கா ஆதரவாளர் இல்லை. ஆனால் வரலாற்றை அறியவேண்டும் என்பதற்காகச் சொல்கின்றேன்.

1999 இல் திமுக பிஜேபியோடு கூட்டுவைத்தது. ஆனால் அதற்கு முந்தைய வருடத்தில் ஜெயலலிதா அம்மையாரின் அதிமுக மத்தியில் வாஜ்பாய் தலைமையிலான கூட்டில் இருந்தது. தமிழ்நாட்டில் திமுக ஆட்சியைக் கவிழ்க்கவேண்டும் என்று ஜெயலலிதா அம்மையார் மத்தியில் கூட்டில் இருந்த பிஜேபிக்கு அழுத்தம் கொடுத்துக்கொண்டிருந்ததால், அதிலிருந்து தப்பிக்க, அதிமுக மத்திய அரசுக்கான ஆதரவை விலக்கியபோது திமுக பிஜேபியோடு கூட்டுவைத்தது.

இது இந்தியப் ஆக்கிரமிப்புக் காலத்தில் புலிகள் பிரேமதாசவுடன் வைத்த இராஜதந்திர உறவு போல. எப்படிப் புலிகள் தங்கள் கொள்கைகளை விட்டுக்கொடுக்காமல் பிரேமதாசவிடம் இருந்து ஆயுதம் வாங்கினார்களோ, அப்படி திமுகவும் மதச்சார்பின்மை என்ற கொள்கையை விட்டுக்கொடுக்காமல் பிஜேபியுடன் கூட்டை வைத்துக்கொண்டது. இந்தியாவில் கட்சிகள் தேர்தலில் கூட்டு வைக்கும்போது தத்தமது கொள்கைகளில் விட்டுக்கொடுப்பு செய்வதில்லை. First pass post system ஆக இருப்பதால் தேர்தலில் வெல்ல வைக்கும் கூட்டுக்கள் மட்டுமே.

அதாவது பா.ஜ.க.வின் கொள்கையில் சமரசமாகி திமுக அந்த நேரத்தில் கூட்டுச்சேரவில்லை. கடந்தகால தமிழக வரலாறும் அப்படியான சமரசங்களை ஏற்றுக்கொண்டதாகச் சொல்லவில்லை.

புத்தகங்களில் இருந்து வரலாற்றை தொகுப்பவர் என்ற சேர்ட்டிபிக்கற் வாங்கி இருப்பதால் இனிமேல் எந்த காலத்திலும் மத சார்புடைய கட்சிகளுடன் சாதி சார்புடைய கட்சிகளுடன் திமுக கூட்டணி வைக்காது என்பதை உறுதிப்படுத்த முடியுமா உங்களால்??

35 minutes ago, tulpen said:

கிருபன் நீங்கள் புத்தகங்களில் வரலாறு படிப்பதால் whats up, you tube ல் வரலாறு அறிபவர்களை விட துல்லியமாக பல விடயங்களை தெரிந்து வைத்துள்ளீர்கள்.

ஆமாம்

அவை நீங்கள் ஆதாரங்களை பொறுக்கும் லங்கா புவத்தை விட நம்பகத்தன்மை அற்றவை என்பது எனது தாழ்மையான கருத்து

Edited April 25, 20214 yr by விசுகு
எழுத்துப்பிழை

Archived

This topic is now archived and is closed to further replies.

Go to topic listing

Love கருத்துக்களம்? Tell a friend!

கருத்து படங்கள்

By தமிழ் சிறி · 1 hour ago1 hr
ராமநாதன் அர்ச்சுனாவுக்கு பிடியாணை!

ராமநாதன் அர்ச்சுனாவுக்கு பிடியாணை!
நாடாளுமன்ற உறுப்பினர் ராமநாதன் அர்ச்சுனாவுக்கு எதிராக பிடியாணை உத்தரவு பிறப்பிக்கப்பட்டுள்ளது.
பொலிஸாரின் கடமைகளுக்கு இடையூறு விளைவித்ததாகக் கூறப்படும் வழக்கின் விசாரணையின் போது நீதிமன்றத்தில் முன்னிலையாகத் தவறியதால், யாழ்ப்பாண மாவட்ட நாடாளுமன்ற உறுப்பினருக்கு எதிராக கொழும்பு, கோட்டை நீதிவான் நீதிமன்றம் பிடியாணை உத்தரவு பிறப்பித்துள்ளது.
அதன்படி, கொழும்பு, கோட்டை நீதிவான் இசுரு நெத்திகுமார நாடாளுமன்ற உறுப்பினர் ராமநாதன் அர்ச்சுனவை கைது செய்து நீதிமன்றில் முன்னலைப்படுத்த இன்று உத்தரவிட்டார்.
https://athavannews.com/2025/1457050

By தமிழ் சிறி · 1 hour ago1 hr
பங்கு/கிரிப்டோ வர்த்தகம் - வா பங்கு ஒரு கை பார்க்கலாம்

Ex Commodity Floating

Developed Float
CODE

US Dollar
USD
Euro
EUR
Japanese Yen
JPY
British Pound
GBP
Swiss Franc
CHF
Swedish Krona
SEK
(E)urop, (M)iddle(E)ast, (A)sia
EMEA Float
CODE

Czech Koruna
CZK
Hungarian Forint
HUF
Israeli Shekel
ILS
Polish Zloty
PLN
Romanian Leu
RON
Ukranian Hryvnia
UAH
AsiaPac Float
CODE

Korean Won
KRW
Philippine Peso
PHP
New Taiwan Dollar
TWD
Thai Baht
BHT
Vietnamese Dong
VND
Ex-Commodity Pegged

Developed (ExCom) PEG
CODE

Danish Krone
EUR/DKK
Asia (Ex-Comm) PEG
CODE

Hong Kong Dollar
USD/HKD
Singapore Dollar
SGD/?
Commodity Floating

Developed Commodity Float
CODE

Australian Dollar
AUD
New Zealand Dollar
NZD
Canadian Dollar
CAD
Norwegian Kroner
NOK
EMEA Commodity Float
CODE

Egyptian Pound
EGP
Icelandic Krona
ISK
Russian Rouble
RUB (M)
South African Rand
ZAR
Turkish Lira
TRY
Asia Commodity Float
CODE

Indian Rupee
INR
Indonesian Rupiah
IDR
Kazakhstan Tenge
KZT
Malaysian Ringgit
MYR
இலத்தீன் அமெரிக்க நாடுகள்
LATAM Commodity Float
CODE

Argentine Peso
ARS
Brazilian Real
BRL
Chilean Peso
CLP
Colombian Peso
COP
Mexican Peso
MXN
Peruvian New Sol
PEN
EMEA Commodity PEG
CODE

Kuwaiti Dinar
KWD/?
Saudi Arabian Riyal
USD/ SAR
UAE Dirham
USD/AED
Bahrainian Dinar
USD/BHD
Omani Rial
USD/OMR
Qatar Riyal
USD/QAR
Asia Commodity PEG
CODE

Chinese Yuan
CNH/Not known

By vasee · 1 hour ago1 hr
கதை - 192 / "மெழுகுவர்த்தி கேள்வியை சந்தித்தபோது / When the Candle Met the Question"

கதை - 192 / "மெழுகுவர்த்தி கேள்வியை சந்தித்தபோது / When the Candle Met the Question" / பகுதி / Part: 02 / In English & Tamil

சாமுவேல் யாழ்ப்பாண போதனை மருத்துவ மனையிலும் சாரா வேம்படி மகளீர் கல்லூரியிலும் கடமையாற்றுவதால், திருமணமான பின், அவர்கள் யாழ்ப்பாணத்திலேயே தங்கள் வாழ்வை தற்காலிகமாக அமைத்தார்கள்.

சாரா, திருமண தம்பதிகளாக, தங்களது முதல் கிறிஸ்துமஸ்ஸை பிரத்தியேகமாக கொண்டாட, வீட்டை கவனமாக அலங்கரித்தாள். ஜன்னல் அருகே ஒரு சிறிய கிறிஸ்துமஸ் மரம் நின்றது. மெழுகுவர்த்திகள் மெதுவாக மின்னின. அவள் வீட்டு வேலைகள் செய்யும் போதும் கூட கிறிஸ்துமஸ் பாடல்களைப் பாடினாள்.

ஆனால் சாமுவேல், இவைகளில் ஒன்றிலும் தனிக்கவனம் செலுத்தாமல், தானும் தன்பாடாக இருந்தான். அதைக்கவனித்த சாரா, "கிறிஸ்துமஸ் நெருங்குகிறது, 2026 பிறக்கப்போகுது, ஆனால் நீ அமைதியாக இருக்கிறாய்," என்று அவள் சிரித்துக் கொண்டே சொன்னாள்.

"உன் ஆர்வத்தை, மகிழ்வை, செயலை பார்த்து, நான் யோசித்துக் கொண்டு இருக்கிறேன்," என்று அவன் பதிலளித்தான்.

"இது உலகை இரட்சிக்க பிறந்த இயேசுவின் பிறந்தநாள்," என்று அவள் இயல்பாகச் சொன்னாள்.

சாமுவேல் தயங்கி, பின்னர் மெதுவாகக் கேட்டான், "அவர் எப்போது பிறந்தார் என்று எப்படி உனக்குத் தெரியும்?"

சாரா சிரித்தாள். "டிசம்பர் 25. அது அனைவருக்கும் தெரியும். ஏன் குட்டி பிள்ளைக்கு கூட , வேண்டும் என்றால் கேட்டுப் பாருங்க" என்றாள்.

ஆனால், அப்பொழுது சாமுவேல் வாக்குவாதம் செய்யவில்லை. அவன் அமைதியாக சிரித்தான், மெழுகுவர்த்திகளை ஏற்றி வைக்க உதவினான். அன்பு, பொறுமையுடன் தொடங்க வேண்டும் என்பது அவனுக்குத் தெரியும். மற்றது, இது, திருமணத்தின் பின், அவளின், முதல் கிறிஸ்மஸ்.

வாரங்கள் கழித்து, ஒரு சாதாரண மாலையில், உப்பரிகையில் [பால்கனியில்] அமர்ந்து இருவரும் நிலா ஒளியில் கொஞ்சம் ஓய்வு பெற்றுக் கொண்டு ஒருவர் மேல் ஒருவர் சாய்ந்து கொண்டு இருந்தார்கள். அன்று மூன்றாம் பிறை வானில் ஒளிர்ந்துகொண்டு இருந்தது. சாமுவேலுக்கு அப்பொழுது பாரதிதாசனின் ஒரு பாடல் நினைவுக்கு வந்தது.

துருக்கச் சிறுவன் ... "மூன்றாம் பிறையாய்த் தோன்றும் காலை என்கூட்டத்தார் உன்னைத் தொழுவார் ஆதலாலே அழகு நிலவே துருக்கருக்குச் சொந்தப் பொருள் நீ !

கத்தோலிக்கச் சிறுவன்... "கன்னி மரியாள் உன்மேல் நிற்பாள் ஆதலாலே அழகு நிலவே கத்தோலிக்கச் சொத்து நீதான்!

இந்துச் சிறுவன்... எங்கள் சிவனார் முடியில் இருப்பாய் ஆதலாலே அழகு நிலவே இந்து மதத்தார் சொந்தப் பொருள் நீ !

அவன் அந்த பாடல் வரிகளை பாடிக் காட்டிவிட்டு, சாராவிடம் கேட்டான்: மூன்று பேரும் மொழியைக் கேட்டால், யாருக்கு சொந்தம் தீர்ப்புச் சொல்வாய்?

சாரா, எந்த சிந்தனையும் செய்யாமல், எடுத்த உடனேயே, அது கத்தோலிக்கருக்கே என்றாள். சாமுவேல், அவள் கன்னத்தை கிள்ளிவிட்டு, ... பாரதிதாசனின் அடுத்தவரியை பாடினான்.

சுயமரியாதைச் சிறுவன்... யாவரும் மனிதர் என்பது தெரிந்தால், நிலவும் பொதுவே என்பது தெரியும், அறிந்து வாழ்வீர் அன்பர் கூட்டமே!

அவள் ஒன்றும் சொல்லவில்லை, மௌனமாக அவனைப் பார்த்தாள்.

சாமுவேலும் மௌனமாக ஒரு வரலாற்றுப் புத்தகத்தைத் திறந்தான். “சாரா,” அவன் மெதுவாகக் கூறினான், கிருஸ்து [இயேசு] இறந்து 340 ஆண்டுகளுக்கு பின்புதான், போப் ஜூலியஸ் I [Pope Julius I] டிசம்பர் 25 ஆம் திகதியை கிறிஸ்மஸ் கொண்டாட்டத்திற்கான திகதியாக அறிவித்தார். எனினும் இதற்கு முன்பு, இது மூன்று வெவ்வேறு திகதிகளில் கொண்டாடப்பட்டுள்ளது. 29 மார்ச், 6 ஜனவரி, மற்றது ஜூன் மாதத்தில், திகதி சரியாகத் தெரியவில்லை என்றான்.

அவள் மேலே பார்த்தாள், பின் சாரா முகம் சுளித்தாள். “அப்படியானால் அதை ஏன் மாற்ற வேண்டும்?” அவள் சட்டென்று கேட்டாள்.

அங்குதான் அவர்களின் சூழ்ச்சியே இருக்கிறது என்றவன், "கிறிஸ்மஸ் விழாவை டிசம்பர் 25 இல் தீர்மானித்தது, கிறிஸ்த்தவ சமயம் அன்றி, வேறு சமயத்தைச் சார்ந்த ஐரோப்பியர்களை கிறிஸ்தவத்திற்கு மாற்றுவது [converting the heathen to Christianity] இலகுவாக இருந்தது. ஏன் என்றால், அவர்கள் ஏற்கனவே, மாரிகாலத்தின் நடுவில் சில விழாக்களை கொண்டாடிக் கொண்டு இருந்ததால் - “சாட்டர்னேலியா. யூல். பேகன் [Saturnalia. Yule. Pagan] கொண்டாட்டங்கள் - அதனுடன் கிறிஸ்மஸ் விழாவை ஒன்றிணைக்கும் பொழுது பெரும் பிரச்சனைகள் எழவில்லை."

சுருக்கமாக, “கிறிஸ்தவர்கள் அல்லாதவர்களை மாற்ற, கிறிஸ்தவத் தலைவர்கள் ஏற்கனவே உள்ள பண்டிகைகளை கிறிஸ்துவின் கதையுடன் இணைத்தனர்.” என்றான்.

அறை அமைதியாகிவிட்டது. சாரா கோபப்படவில்லை. ஆனால் அவளுக்குள் ஏதோ ஒன்று மாறியது. அதை கவனித்த சாமுவேல், " சாரா நான் ஒன்றையும் பழிக்கவில்லை, இன்றைய இந்து சமயம் கூட, தென் இந்தியரை, தங்களுக்குள் உள்வாங்க, தங்களின் வேத சமயத்துக்குள், பண்டைய தமிழரின் சைவ சமயத்தை உள்வாங்கியது ஒரு வரலாறு. அதற்காக முருகன் → ஸ்கந்தன் / சுப்பிரமணியன் ஆனான்! திருமால் → விஷ்ணு ஆனான்! சிவன் → ருத்திரன் ஆனான்! கொற்றவை →பார்வதி / துர்க்கை ஆனாள்! அதற்குத் தக்க புராணங்களும் இயற்றப்பட்டன." என்றான்.

அறை அமைதியாகிவிட்டது. சாரா கோபப்படவில்லை. ஆனால் அவளுக்குள் ஏதோ ஒன்று மாறியது. அவளின் வாயும் மனமும் உலக நாடுகளின் அன்பு இரட்சகரை துதித்துக்கொண்டு இருந்தது.

"உலக நாடுகளின் அன்பு இரட்சகர்
உலர்ந்த தொட்டிலில் பிரகாசித்த கதையை
குடும்பம் ஓங்கிட தெம்பை கொடுக்க
கேளுங்கள் அதை நம்பிக்கை கொண்டு!"

"வானத்தில் ஒளிர்ந்து மினுங்கும் தாரகை
கானத்தில் நிற்பவருக்கும் வழி காட்டிட
மூன்று ஞானிகள் அறிகுறி அறிந்து
அன்பு தெய்வத்தை தேடி வந்தனர்!"

"காடுமலைகள் தாண்டி மழலையை பார்த்திட
மேடுபள்ளம் நடந்து பரிசுடன் வந்தனர்
பாலகன் மேலே விண்மீன் நிற்க
இலக்கு உணர்ந்து விழுந்து வணங்கினர்!"

"ஆத்மபலம் கொண்ட பரிசு கொண்டுவந்து
கந்தல்களில் மறைந்திருந்த பாலகனை காட்டி
உண்மை ஆண்டவனுக்கு சாட்சி பகிர்ந்து
மண்ணுக்கும் விண்ணுக்கும், அடையாளம் காட்டினர்!"

Brief of 'When the Candle Met the Question' / Part: 02

The First Christmas

It was their first Christmas as a married couple, still living near Jaffna.

Sarah decorated the house carefully. A small Christmas tree stood near the window. Candles flickered softly. She sang hymns as she worked.

Samuel watched.

“You’re quiet,” she said, smiling.

“I’m thinking,” he replied.

“It’s Jesus’ birthday,” she said naturally.

Samuel hesitated, then asked gently,
“Do you know when he was born?”

Sarah laughed.
“December 25. Everyone knows that.”

Samuel did not argue that night. He only smiled and helped her light the candles.

Love, he knew, must begin with patience.

The Question Enters the House

Weeks later, on an ordinary evening, Samuel opened a history book.

“Sarah,” he said softly,
“did you know that Christmas was officially fixed on December 25 only 340 years after Jesus’ death?”

She looked up.

“Pope Julius I made that declaration,” he continued.
“Before that, Christians remembered Jesus’ birth on March 29, January 6, and even a date in June.”

Sarah frowned.
“Why change it then?”

“Because Europe already had midwinter festivals,” Samuel said.
“Saturnalia. Yule. Pagan celebrations.”

“To convert non-Christians,
Christian leaders merged existing festivals with Christ’s story.”

The room fell silent. Sarah was not angry. But something inside her shifted. Her mouth and mind were filled with praise for the beloved Savior of the world.

"Jesus, devoted redeemer of all nations,
has shone forth,
Let the whole family of the faithful
celebrate the stories
The shining star,
gleaming in the heavens,
makes him known at his birth and,
going before,
has led the Magi to his cradle
Falling down,
they adore the tiny baby hidden in rags,
as they bear witness to the true God
by bringing a mystical gift"

நன்றி
Thanks

[கந்தையா தில்லைவிநாயகலிங்கம்,
அத்தியடி, யாழ்ப்பாணம்]

[Kandiah Thillaivinayagalingam,
Athiady, Jaffna]

பகுதி / Part: 03 தொடரும் / Will follow

துளி/DROP: 1951 [கதை - 192 / "மெழுகுவர்த்தி கேள்வியை சந்தித்தபோது / When the Candle Met the Question" / பகுதி / Part: 02
https://www.facebook.com/groups/978753388866632/posts/32961478550167367/?

By kandiah Thillaivinayagalingam · 1 hour ago1 hr
உக்ரேனின் முக்கிய பிராந்தியமான ஒடேசா மீது தாக்குதலை தீவிரப்படுத்திய ரஷ்யா!

உக்ரேனின் முக்கிய பிராந்தியமான ஒடேசா மீது தாக்குதலை தீவிரப்படுத்திய ரஷ்யா!
தெற்கு உக்ரேன் பிராந்தியமான ஒடேசாவில் ரஷ்யா தனது தாக்குதல்களை தீவிரப்படுத்தியுள்ளது.
இதனால் பரவலான மின்வெட்டு ஏற்பட்டு, பிராந்தியத்தின் கடல்சார் உள்கட்டமைப்புக்கு அச்சுறுத்தல் ஏற்பட்டுள்ளது.
உக்ரைன் துணைப் பிரதமர் ஒலெக்ஸி குலேபா, மொஸ்கோ இப்பகுதியில் “திட்டமிட்டு” தாக்குதல்களை நடத்தி வருவதாகக் கூறினார்.
மீண்டும் மீண்டும் தாக்குதல்கள் நடத்துவது, உக்ரேனின் கடல்சார் தளவாடங்களுக்கான அணுகலைத் தடுககும் மொஸ்கோவின் முயற்சி என்று ஜனாதிபதி வோலோடிமிர் ஜெலென்ஸ்கி கூறினார்.
டிசம்பர் மாத தொடக்கத்தில், கருங்கடலில் ரஷ்யாவின் நிழல் கடற்படை டேங்கர்கள் மீது ட்ரோன் தாக்குதல்கள் நடத்தப்பட்டதற்கு பதிலடியாக உக்ரேனின் கடலுக்கான அணுகலைத் துண்டிப்பதாக ரஷ்ய ஜனாதிபதி விளாடிமிர் புடின் அச்சுறுத்தினார்.
“நிழல் கடற்படை” என்பது 2022 ஆம் ஆண்டு உக்ரேன் மீதான முழு அளவிலான படையெடுப்பிற்குப் பின்னர் விதிக்கப்பட்ட மேற்கத்திய தடைகளைத் தவிர்க்க ரஷ்யாவால் பயன்படுத்தப்பட்ட நூற்றுக்கணக்கான டேங்கர்களைக் குறிக்கும் ஒரு சொல்.
திங்கட்கிழமை (23) மாலை தாக்குதடல்கள் ஒடேசாவில் உள்ள துறைமுக உள்கட்டமைப்பைத் தாக்கி, ஒரு சிவிலியன் கப்பலை சேதப்படுத்தியதாக பிராந்திய ஆளுநர் கூறினார்.
இது நூற்றுக்கணக்கான தாக்குதல்களின் அண்மையது ஆகும் – இது இப்பகுதியில் பல நாட்களாக மின்சார விநியோகத்தை சீர்குலைத்து பல உயிரிழப்புகளை ஏற்படுத்தியது.
ஞாயிற்றுக்கிழமை இரவு முன்னெடுக்கப்பட்ட தாக்குதல்கள் 120,000 பேருக்கு மின்சாரம் துண்டிக்கப்பட்டதுடன், ஒரு பெரிய துறைமுகத்தில் தீ விபத்துக்கும் வாழிவகுத்தது.
இது டஜன் கணக்கான மாவு மற்றும் தாவர எண்ணெய் கொள்கலன்களை அழித்தது.
கடந்த வாரம், ஒடேசாவின் கிழக்கே உள்ள பிவ்டென்னி துறைமுகத்தில் நடத்தப்பட்ட ஏவுகணைத் தாக்குதலில் எட்டு பேர் கொல்லப்பட்டனர் மற்றும் குறைந்தது 30 பேர் காயமடைந்தனர்.
இந்த வார தொடக்கத்தில் நடந்த மற்றொரு தாக்குதலில் தனது மூன்று குழந்தைகளுடன் காரில் பயணித்த ஒரு பெண் கொல்லப்பட்டார்.
மேலும் உக்ரேன் மற்றும் மொல்டோவாவை இணைக்கும் ஒடேசா பிராந்தியத்தின் ஒரே பாலம் தற்காலிகமாக துண்டிக்கப்பட்டது.
https://athavannews.com/2025/1457017

By தமிழ் சிறி · 1 hour ago1 hr

ஈழத்தமிழர் மீதான இனவழிப்புப் போரில் எனது தனிப்பட்ட அனுபவங்கள்
ஈழத்தமிழர் மீதான இனவழிப்புப் போரில் எனது தனிப்பட்ட அனுபவங்கள்

ஈழத்தமிழர் மீதான இனவழிப்புப் போரில் எனது தனிப்பட்ட அனுபவங்கள் அண்மையில் இஸ்ரேலுக்குப் பயணம் செய்த தனது அனுபவங்களை திரு நிராஜ் டேவிட் அவர்கள் காணொளிகள் வாயிலாக வெளியிட்டு வருகிறார். அவற்றில் சில காணொளிகளில் அவர் அங்கு தங்கியிருந்த‌ நாட்களில் பயணித்த பலவிடங்களையும் காட்சிப்படுத்தியிருந்தார். அவற்றுள் ஒன்று யூத மக்கள் மீது இரண்டாம் உலக யுத்த காலத்தில் நாசிகளால் மேற்கொள்ளப்பட்ட இனக்கொலை தொடர்பான சாட்சியங்கள், ஆதாரங்கள் ஆகியவற்றினை பாரிய நினைவாலயம் ஒன்றினுள் காட்சிப்படுத்தியிருந்தமை பதிவுசெய்யப்பட்டிருந்தது. தம்மீது நிகழ்த்தப்பட்ட இனக்கொலை தொடர்பாக தமது சந்ததிகள் தொடர்ச்சியாக அறிந்துகொள்ளவேண்டும் என்பதும், இனிமேல் அவ்வாறனதொரு இனக்கொலை தமது இனம் மீது நடக்காது தவிர்ப்பது எந்தளவு முக்கியமானது என்பதையும் தம் இன மக்களுக்கு தொடர்ச்சியாக வலியுறுத்துவதும் இந்நினைவாலயத்தின் நோக்கம் என்றும் அவர் தெரிவித்திருந்தார். கொல்லப்பட்ட அறுபது இலட்சம் யூதர்களில் ஒரு பகுதியினர் பயன்படுத்திய காலணிகள், அவர்களால் அணியப்பட்ட கறுப்பும் வெள்ளையும் சேர்ந்த வரிரியிலான ஆடைகள், அவர்கள் பயன்படுத்திய உணவருந்தும் பாத்திரங்கள், அவர்களின் புகைப்படங்கள் என்பவற்றோடு அவர்களை வதைப்படுத்திக் கொன்றுபோட்ட பல நாசிப் படைத் தளபதிகளின் புகைப்படங்களும் அங்கு மிக நேர்த்தியாக காட்சிப்படுத்தப்பட்டிருந்தது. இவற்றைத் தனது காணொளிகளில் காண்பித்த டேவிட் அவர்கள், எமதினத்திற்கு நடந்த அக்கிரமங்கள், அழிவுகள் குறித்து நாம் பேசுவதை எம்மில் ஒரு பகுதியினரே தடுத்து வருவதையும், சிங்கள இனத்தோடு நாம் ஒன்றித்து வாழ்வதை இவ்வாறான "பழங்கதைகள் பேசுதல்" எனும் முயற்சி தடுத்துவிடும் என்றும், அது இனவொற்றுமையினைக் குலைத்துவிடும் என்றும் காரணம் கூறிவ‌ருவதையும் குறிப்பிட்டு அங்கலாய்த்திருந்தார்.யூதர்கள் தமக்கு நடந்த அழிவினைத் தொடர்ச்சியாகப் பேசியும், காட்சிப்படுத்தியும், ஆவணப்படுத்தியும் வரும் நிலையில், நாமோ எம்மீது நடத்தப்பட்ட அழிவுகளை வேண்டுமென்றே மறுத்தோ அல்லது மறைத்தோ வாழத் தலைப்படுதல் ஈற்றில் எமது இருப்பிற்கே முடிவாய் அமைந்துவிடும் என்பதும் அவரது ஆதங்கமாக இருந்தது.இக்காணொளிகளின் இறுதிப்பகுதியில் தமிழ் மக்களை நோக்ல்கி வேண்டுகோள் ஒன்றினை அவர் முன்வைத்தார். அதுதான் நாம் அனைவரும், தனிப்பட்ட ரீதியிலோ அல்லது ஒரு குழுவாகவோ எம்மீது நடத்தப்பட்ட அனைத்து அக்கிரமங்களையும் ஏதோ ஒரு வகையில், ஏதோ ஒருவடிவில் கட்டாயம் ஆவணப்படுத்தியோ அல்லது காட்சிப்படுத்தியோ தீரவேண்டும் என்பது. அவரது காணொளிகளைப் பார்த்தபோது அவர் கூறுவது எனக்குச் சரியென்றே பட்டது. ஏனென்றால், எம்மீது நடத்தப்பட்ட அநீதிகளை நாமே பேசவோ அல்லது காட்சிப்படுத்தவோ மறுப்பின், வேறு யார்தான் இதைச் செய்யப்போகிறார் எனும் கேள்வி எனக்குள் வந்தது. ஆகவேதான் எம்மீது நடத்தப்பட்ட அக்கிரமங்கள் தொடர்பான எனது அனுபவங்களை இங்கு பதிவிடலாம் என்று நினைக்கிறேன். இத்தளத்தில் இருக்கும் ஏனையவர்களும் தமது தனிப்பட்ட அனுபவங்களை இங்கு பகிருமாறும் வேண்டிக்கொள்கிறேன்.
- 26 replies
ரஞ்சித்

December 7Dec 7
Featured by மோகன்

December 8Dec 8
சாத்தான் படை (IPKF)
சாத்தான் படை (IPKF)

* அன்பான உறவுகளே, இந்தப் புத்தகம் அன்றைய இந்திய அமைதிப்படை (ஆக்கிரமிப்புப் படை) கால சம்பவங்களையும், அன்று ஊடகங்களில் வெளியான செய்திகளையும் தொகுத்து செய்யப்பட்டுள்ளது. மிகுந்த சிரமங்களுக்கு மத்தியில், இன்றைய சூழல் கருதியும் தேவை கருதியும் ஈழத்திலிருந்து எடுப்பித்திருக்கிறோம். இதனை உங்களின் நண்பர்களுக்கும், தெரிந்தவர்களுக்கும் அனுப்பி உண்மைகளை அறியச் செய்யவேண்டும் என்று கேட்டுக்கொள்கிறோம். [குறிப்பாக உங்களுக்குத் தெரிந்த தமிழக நண்பர்களுக்கு, மக்களுக்கு, ஊடகங்களுக்கு, அரசியற் கட்சியனருக்கு, அமைப்புகளுக்கு அனுப்பிவைக்கவும்.]* * flash: http://ebook.yarl.com/ipkf/ * pdf zipped: Part 1 http://www.mediafire.com/?emj0zigyjyu Part 2 http://www.mediafire.com/?i5tzkzyjfny Part 3 http://www.mediafire.com/?tz1mvzdgggz * pdf: Part 1 http://ebook.yarl.com/ipkf/Satarnic-Force_Part1.pdf Part 2 http://ebook.yarl.com/ipkf/Satarnic-Force_Part2.pdf Part 3 http://ebook.yarl.com/ipkf/Satarnic-Force_Part3.pdf அன்பான உறவுகளே, தற்போதைய இலங்கையின் போர்ச்சூழல் பற்றி நீங்கள் அறிவீர்கள். திட்டமிட்ட வகையில் நடத்தப்படும் இனவழிப்பு / இனக்கருவறுப்புப் போரில் - ஒவ்வொரு நாளும் - குழந்தைகள், பெண்கள், முதியோர் என ஆயுதம் ஏந்தாத அப்பாவிப் பொதுமக்கள் - எந்தவிதப் பாகுபாடுமின்றி - கொத்துக்கொத்தாக கொத்தணிக் குண்டுகளாலும், பொஸ்பரஸ் அடங்கிய எரிகுண்டுகளாலும் படுகொலை செய்யப்படுகிறார்கள். "பாதுகாப்பு வலயம்" என அறிவித்து - அங்கும் மக்களை அரக்கத்தனமாகக் கொல்கிறார்கள். சிறிலங்கா அரசின் கட்டுப்பாட்டுப் பகுதிக்கு வரச்சொல்லி - ஆண்கள் பெண்களென வகைபிரித்து - பெண்களை பாலியல் வன்முறைக்கு உள்ளாக்கிப் பின் கொன்று புதைக்கிறார்கள். புதிய ஆண்டும் அவர்களுக்கு கொலைக்களமாகத்தான் பிறந்தது. இந்த ஆண்டின் இரண்டு மாத காலத்தில் மட்டும் - 1500 க்கும் அதிகமான மக்கள் சிறிலங்கா பேரினவாத அரசால் கொல்லப்பட்டுவிட்டார்கள். ஒரு இளம் சந்ததியே - ஒரு புதிய தலைமுறையே - கை, கால் இல்லாத சந்ததியாக மாற்றப்பட்டுக் கொண்டிருக்கிறது. இந்தச் சூழலில் - இந்த இன்னல் நிறைந்த காலகட்டத்தில் - தமிழகத்திலிருந்து எழும் ஒவ்வொரு ஆதரவுக் குரலும் புலம்பெயர் மக்களாகிய எமக்கு எவ்வளவு ஆறுதலாக இருக்கிறதென்பதை நீங்கள் அறீவீர்களோ தெரியாது. உங்களின் ஆதரவான ஒவ்வொரு சொல்லும் எங்கள் கண்ணீரைத் துடைக்க வல்லன. எமக்கு ஆதரவாக நீங்கள் வீதியில் இறங்கும் போதும் - உரக்கக் குரல் கொடுக்கும் போதும் - நாம் நம்பிக்கை கொள்கிறோம். சாதாரண நம்பிக்கையல்ல - சரித்திரம் படைக்கிற நம்பிக்கை. ஆனாலும் உறவுகளே - இன்னொரு கசப்பான உண்மையையும் நாம் உங்களுக்கு சொல்ல விரும்புகிறோம். உங்கள் ஆதரவான நம்பிக்கை தரும் குரல்களுக்கும் மத்தியிலிருந்து - தமிழகத்திலிருந்து - எம்மீது வெறுப்பைக் கக்குகிற சில குரல்கள் இன்னும் ஒலித்துக் கொண்டிருக்கின்றன. அவை, மீண்டும் மீண்டும் எம்மைக் காயப்படுத்துகின்றன. நாம் காயப்படுவதைப் பற்றி கவலைப்படவில்லை. அந்தக் குரல்கள் ஒட்டுமொத்தத் தமிழகத்தின் ஆதரவுக் குரலையும் பலவீனப்படுத்திவிடும் என்றே பயப்படுகிறோம். உலகத் தமிழினமே இன்று ஒன்றுபட்டு நிற்கையில் - பகைவளர்க்கும் இந்தச் சில குரல்கள் - தமிழினத்தின் விடுதலையில் கீறல்களை ஏற்படுத்திவிடக் கூடாதென்றே விரும்புகிறோம். ஈழத்தமிழர் பிரச்சனை/அவலம் பற்றி நீங்கள் பேசுகிற போதெல்லாம் - ராஜீவ்காந்தியின் கொலையை முன்னிறுத்தி - உங்களின் வாயை அடைக்கப் பார்க்கிறார்கள். ஈழத்தின் விடுதலை பற்றிப் பேசுகிறபோதெல்லாம் - ராஜீவ்காந்தியின் கொலையை முன்னிறுத்தி - கொச்சைப்படுத்துகிறார்கள். உங்களின் எழுச்சியை அவர்கள் ஒற்றை வார்த்தை கொண்டு ஒதுக்கிவிடப் பார்க்கிறார்கள். உலகத் தமிழரின் ஒற்றுமையை ஒற்றைவார்த்தையால், சாத்தியமற்றதாக்கிவிடலாம் என்று நினைக்கிறார்கள். எனவே அன்பான உறவுகளே, எந்தச் சூழ்நிலையிலும் நீங்கள் சோர்ந்துவிடக்கூடாது - எவருக்கு முன்னும் நீங்கள் தலைகுனியக்கூடாது - உண்மைகளை உணர்ந்துகொள்ளவேண்டும் என்கிற நோக்கோடு இந்தப் புத்தகத்தை மின்னூல் வடிவில் உங்கள் முன் வைக்கிறோம். ராஜீவ்காந்தியின் கொலையை யார் செய்தார்கள்? அவர் கொலை செய்யப்பட்டது சரியா பிழையா? யார் யாருக்கு அதில் பங்குள்ளது என்பது பற்றியெல்லாம் நாம் இங்கு பேச முனையவில்லை. அவற்றை ஒருபுறம் நாம் ஒதுக்கிவைத்துவிட்டு - எங்கிருந்து எல்லாம் தொடங்கியது என்று பார்த்தால் - சிலவேளை உண்மைகள் புரியக்கூடும். அமைதிப்படை என்கிற பேரில் ஈழத்து மண்ணில் கால்வைத்த இந்திய சாத்தான் படை - எப்படியெல்லாம் ஈழத்தமிழர்களைக் கொடூரமாகக் கொலை செய்ததென்பதைப் பாருங்கள். ஈழத்தமிழரின் விடுதலைப் போரைச் சிதைக்க எப்படியெல்லாம் துணைநின்றார்கள் என்பதைப் பாருங்கள். மீண்டும், அதே கொடுமையையும் துரோகத்தையும் - சிங்கள அரசுக்கு உதவுவதினூடாக/சிங்கள இராணுவத்தின் பின்னாலிருந்து யுத்தத்தை நடத்துவதினூடாக - இந்தியா செய்கிறது. இப்படியான சூழலில் நீங்கள் ஈழத்தமிழர்களுக்கு ஆதரவாக எழுப்புகிற குரலை நசுக்க ராஜீவ்காந்தியின் கொலையைத் தூக்கிப்பிடிக்கிறார்கள். இதை தொடர்ந்து கவனிக்கிற போது, ஈழத்தமிழர் பிரச்சனை தமிழகத்தில் பேசப்படக்கூடாது என்பதற்காகவும், ஈழத்தமிழர்களுக்கு தமிழகம் உதவக்கூடாது என்பதற்காகவும், ஈழத்தமிழர் பிரச்சனை பற்றி பேசப்படுகிறபோது ராஜீவ்காந்தி கொலை கண்ணுக்கு முன் வரவேண்டும் என்பதற்காகவும் - யாரோ திட்டமிட்டு நீண்டகால அரசியல் இலாபத்தோடு இதைச் செய்திருக்கிறார்கள் என்றே உணர முடிகிறது. இந்திய/தமிழக நண்பர்களே, உறவுகளே, ஊடகங்களே நாம் பழையதை நினைவுபடுத்தி, எமக்குள் உள்ள உறவைக் காயப்படுத்த விரும்பவில்லை. எனினும், உண்மைகளை நீங்கள் அறிந்துகொள்ளவேண்டும் என்று விரும்புகிறோம். உங்களின் ஆதரவுக் குரல்கள் "ராஜீவ்காந்தியின் கொலை" என்கிற ஒற்றை வார்த்தையைக் கொண்டு அடக்கப்பட்டுவிடக் கூடாது என்பதற்காகவே நாம் இந்தப் புத்தகத்தை உங்களுக்கு அனுப்புகிறோம். நாம் மீண்டும் மீண்டும் எல்லோராலும் ஏமாற்றப்படுகிறோம் என்பதை நீங்கள் புரிந்துகொள்ளவேண்டும். * அன்பான உறவுகளே, இந்தப் புத்தகம் அன்றைய இந்திய அமைதிப்படை (ஆக்கிரமிப்புப் படை) கால சம்பவங்களையும், அன்று ஊடகங்களில் வெளியான செய்திகளையும் தொகுத்து செய்யப்பட்டுள்ளது. மிகுந்த சிரமங்களுக்கு மத்தியில், இன்றைய சூழல் கருதியும் தேவை கருதியும் ஈழத்திலிருந்து எடுப்பித்திருக்கிறோம். இதனை உங்களின் நண்பர்களுக்கும், தெரிந்தவர்களுக்கும் அனுப்பி உண்மைகளை அறியச் செய்யவேண்டும் என்று கேட்டுக்கொள்கிறோம். --நன்றி: யாழ் இணையம்--
- 4 replies
இளைஞன்

February 15, 200916 yr
Featured by மோகன்

November 25Nov 25
🕯️ ஒவ்வொரு ஆன்மாவுக்கும் ஒரு தீபம் / “A Lamp for Every Soul”
🕯️ ஒவ்வொரு ஆன்மாவுக்கும் ஒரு தீபம் / “A Lamp for Every Soul”

🕯️ ஒவ்வொரு ஆன்மாவுக்கும் ஒரு தீபம் / “A Lamp for Every Soul” ஓ… முள்ளிவாய்க்கால் ஆன்மாக்களேகாற்றில் அலையும் ஜீவன்களே அலைகளுடன் நகரும் மென்மையானவர்களே உங்களின் முன் தலை குனிந்து வணங்குகிறோம்!உங்கள் துன்பம் மறக்கமுடியாதது உங்கள் பெயர்கள் மறையமுடியாததுஉங்கள் கனவுகள் எங்களால் வாழட்டும்!குழந்தைகளைப் பாதுகாத்த தாய்மார்களுக்கும் கதிரவனைக் காணாத குழந்தைகளுக்கும்நம்பிக்கையை மட்டுமே சுமந்த இளைஞர்களுக்கும்நாங்கள் இந்த தீபத்தை ஏற்றுகிறோம்!உங்களை கைவிட்ட உலகிற்கு இந்த தீபம் வழிநடத்தட்டும்!நாங்கள் வழங்க முடியாத பாதுகாப்பை அமைதி சூழ்ந்து கொடுக்கட்டும்! முள்ளிவாய்க்காலின் ஆன்மாக்களேநாங்கள் உங்களைப் போற்றுகிறோம்உங்களுக்காகப் பேசுகிறோம்!ஒவ்வொரு தீபத்திலும் ஒவ்வொரு கண்ணீரிலும்ஒவ்வொரு இதயத் துடிப்பிலும் உங்களை நினைவில் கொள்கிறோம்!🕯️ உங்கள் ஒளி நிலைத்திருக்கட்டும்🕯️ உங்கள் உண்மை உயரட்டும்🕯️ உங்கள் நினைவு என்றென்றும் ஒளிரட்டும்![கந்தையா தில்லைவிநாயகலிங்கம்,அத்தியடி, யாழ்ப்பாணம்] “A Lamp for Every Soul”O spirits of Mullivaikkal,restless in the wind,gentle in the waveswe bow our heads before you.May your sufferingnever be forgotten.May your namesnever fade from memory.May your dreamslive through us.To the mothers who shielded their children,to the babies who never saw the sunrise,to the youth who carried only hopewe light this lamp.May this flame guide youwhere the world failed you.May peace hold youin the embrace we could not give.O souls of Mullivaikkalwe honour you.We speak for you.We remember youin every lamp,every tear,every heartbeat.🕯️ Let your light endure.🕯️ Let your truth rise.🕯️ Let your memory shine forever.[Kandiah Thillaivinayagalingam,Athiady, Jaffna]துளி/DROP: 1910 [🕯️ ஒவ்வொரு ஆன்மாவுக்கும் ஒரு தீபம் / “A Lamp for Every Soul”]https://www.facebook.com/groups/978753388866632/posts/32502659262715967/?
- 0 replies
kandiah Thillaivinayagalingam

November 22Nov 22
Featured by மோகன்

November 23Nov 23
தாயகத்தின் தாய் – ச.பொட்டு
தாயகத்தின் தாய் – ச.பொட்டு

தாயகத்தின் தாய் – ச.பொட்டு அம்மா எமக்கு அறிமுகமான அந்தநாள் இப்போது நினைவில் இல்லை. அது மணிமனைக் கோவைகளை பரிசீலித்தே அறிய வேண்டியதான ஒன்றாக எம் நினைவுப்பதிவுகளில் இருந்து மறந்து போய்விட்டது. எதொவொரு இலக்கத்தாலும் நினைவில் வைத்திருக்க வாகாகத்தெரிவு செய்யப்பட்ட வழமையல்லாத ஏதோவொருயெராலும், கறிப்பிடப்பட்டிருக்கக்கூடிய அம்மாவின் கோவையும்பொல் ஒன்றாகத்தான் தூங்கும். ஆனால் அம்மா எல்லோரையும் போன்ரவரல்ல. என்றென்றும் மறக்கப்பட முடியாதவராக அந்த அம்மா எம் நிணைவுப்பதிவுகளில்…. கரீர் என்ற கறுப்பு நிறமும், மெலிவான மலர்ந்த முகமும் சளசள வென்ற ஒயாத கதையுமாய்… நகைச்சவை உணர்வுமிக்க ஒரு புலனாய்வாளனால் தமிழகத்து சிரிப்பு நடிகைகளது பெயரில் ஒன்றை புனைபெயராக அம்மாவில் வெளிப் பார்வைக்குத் தெரியும். சில பெண்பிள்ளைகளுடன் இளையவனாய் ஒரேயொரு மகன் என்பது அந்த மகன் மீது அதீத அன்புக்கு காரணமாய் அமைவது இயல்புதான். அம்மாவுக்கும் அப்படித்தான். சில பெண் சகோதரிகளுடனான அந்த ஒரேயொரு மகன் மீது கொள்ளைப் பாசம். காலத்தின் தேவையாக அந்த ஒரேயொரு மகன் போராளியாக ஆனபோது, அம்மாவின் அந்த அதீத பாசத்திற்க்கு சோதனை வந்தது. அந்தச் சோதனை எல்லா அம்மாமாருக்கும் வருவது போன்றபாசத்தின்தளத்தில் எழும்வேதனை மட்டுமல்ல. ****** அம்மா அந்தக் காலத்து பழசுதான். ஆனால் பழமையில் ஊறிய பிற்போக்கு வாதியல்ல. இளமைக்காலத்தில் இருந்தே சமூகத்தின் மீதான பார்வையை செலுத்தக்கூடியவர். எம்மினத்தின் அரசியல் பயணத்தின் அம்சங்களை காலத்தால் அறிந்தவர். மென்முறையில் எழுந்த அரசியல் கோரிக்கைகள் ஆக்கிரமிப்பு வன்முறைகளால் ஒடுக்கப்பட்டதை கண்ணால் கண்டறிந்து குமறியவர். அரசியல் மென்முறைகள் அக்கிரமிப்பு வன்முறைகளால் ஒடுக்கப்பட்டதன் மறவடிவமாக அரசியல் வன்முறை வடிவம் கொண்டதை ஆரம்ப காலத்தில் இருந்தே வியப்புடன் பார்த்தவர். காலம் தன்பாட்டில் ஓடி, அம்மா குடும்பமாகி, பிள்ளைகள் பெற்று வளர்த்து..ஒருசராசரி பெண்ணாக, தாயாக ஆனார். இது வரை அம்மாவால் அப்படியாக வாழவும் முடிந்தது. ஆனாலும் மனதில் ஆயுதப் போராட்ட நியாயத்தின் கடமைக்காய் தன் கடைசிப்பிள்ளை அம்மாவின் பாசத்தை கொள்ளை கொண்ட செல்லமகன் ஆயுதம் ஏந்தப்புறப்பட்டதை அம்மா எப்படி எதிர்கொள்வது? பெற்ற பாசமா? இனத்தின் சோகமா? என்ற தர்ம சோதனையில் அம்மா குழம்பி மகனது ஆயுதப்போர் வடிவத்தெரிவை மனதால் எற்று சமநிலைக்கு வர காலம் பிடித்தது. ***** இப்போது மகன் போராளி. தெருவில் போகவர அம்மாவை எதரிகொள்வான். மகன் இப்போது வளர்ந்து விட்டான். வளர்ந்தவனையே கூட கழந்தையாய் பார்க்கும் அம்மா மனம், இப்போது மகனைக் கண்டு வியந்தது தன்ர சின்னப்பிள்ளை இப்போது எபரிய ஆளாய், ஏதேதோ வேலையாய் அங்கிங்கு ஓடித்திரிவது அம்மாவுக்கு சொல்ல முடியாத பெருமைதான். இயக்கத்தில் இணைந்த காலத்தில் மகன் சின்னப்பெடியன். வயதுக்கே உரிய வேகமான செயற்பாடும் குழப்படியும் கொண்ட இளைய போரளி. அவன் செய்யும் குழப்படிகள், வாங்கும் தண்டனைகள் எதுவும் அம்மாவுக்குத் தெரியய நியாயமில்லைத்தான். அதே போல் வடமராச்சி பொறுப்பாளர் தண்டனை கொடுத்து களைத்துப்போயா அல்லது இவன்தான் தண்டனை செய்து களைத்தப்போயா என்னவோ ஆள் நெல்லியடியில் இருந்து சாவகச்சேரிக்கு நடந்தெ வந்து சேர்ந்தும் அம்மாவுக்கு தெரிய எந்தநியாயமும் இல்லைத்தான். இதற்கிடையில் மகன் சண்டைக்களத்தில் என்ற செய்தியை மட்டுமே கேள்விப்பட்டு கவலைப்பட்ட அம்மா. கடும் சண்டை என்ற செய்தியால் எல்லா அம்மாக்களையும் போல அம்மாவும் பதறிக் கொண்டிருந்த ஒரு பொழுதில் மகன் காயமடைந்த செய்தி, பதறிய மனதுடன் அம்மா ஓடித்திரிந்தும், மகனின் நண்பர்கள் மூலம் அவன் நிலையறிந்து துடித்ததுமாக கழிந்தது நாட்கள். அம்மாவுக்கு மகனின் சுகநலன் அறியும் தொடர்புகளும் ஏற்பட்டுவிட்டன. ‘இதுவொரு சின்னக்காயம் இன்னும் கொஞ்ச நாள்ள காம்புக்கு வந்திடுவான்” என்று பொறுப்பாளர் சொல்லும் பொய்யான கதையை மீறி’ வயிற்றுக்காயம்” பதிணைந்து தையலுக்கு மேல் போட்டிருக்கு” ‘இன்னும் சாப்பிடத் தெடங்கேல்ல” என்று உண்மைகளை அறிந்துவிடும் அளவுக்கு அம்மாவுக்குத் தொடர்புகள் எற்பட்டு அதனை தொடர்ந்து மருத்துவனைக்கு போய்வரவும் தொடங்கிவிட்டா. மருத்துவமனை’கெதியாக என்னை துண்டு வெட்டி விடுங்கோ உடனே சண்டைக்குப் போகவேணும்” உறுதியின் வெளிப்பாடுகள். "என்ர இடத்தில ஆமியின்ர பொடியும் ஆயுதமும் இருக்கு காவு குழு அனுப்புங்கோ” ‘……….” எம்மையா? எதிரியையா? என சிந்திக்க வைக்கும் எழுத்தில் சொல்லமுடியாத வசவுகள். மருந்தின் மயக்கத்தில் தம் நிலை மறந்து உளறல்கள். ’ஜயோ தங்கேலாமல் கிடக்கு பெத்தடினைப் போடுங்கோ…..ஓ…” வேதனை தாங்கேலாமல் கிடக்கு இந்தக் காலை வெட்டுங்கோ” கேட்போரின் கண்களில் இரத்தம் கசிய வைக்கும் வேதனைக்குரல்கள். மருந்துக்களின் நெடியை மீறிய புண்களின் மணம். ****** மகனைப் பிரிந்திருந்த அம்மா தனது பாச உணர்வுகளும் அடிமனத்து விடுதலை உணர்வுக்குமாக ஒரு வடிகாலை தேடிக்கொள்ள, காயமடைந்த போராளிகளை பராமரிப்பவர்களில் ஒருவராகிவிட்டார். இந்தக் காலம் அம்மாவுக்கு விடுதலைப் போரை முன்னை விட கூடுதலாகவே அறிமுகம் செய்து வைத்தது. காயமடைந்த போராளிகளுடனான பரிச்சயமும், பழக்கமும் அம்மாவுக்கு போராட்டத்தின் இன்னொரு பக்கத்தை அறிமுகம் செய்து வைக்க அவவுக்கே தெரியாமல் அம்மா கொஞ்சம் கொஞ்சமாய் மாறிப்போனார். வெளியில் இருந்து போராட்டச் செய்திகளை மட்டும் கேட்பதற்கும், வெற்றிகளை கேட்டு மகிழ்சி அடைவதற்கும் அப்பால் அந்தச் செய்திகளின் உருவாக்கத்தின் யதார்த்தம் அம்மாவை அதிகமாக சிந்திக்க வைத்தது. விட்டுக் கொடுக்கப்பட முடியாததான இவ்விடுதலைப் போராட்டம் இத்தனை கடினமானதா? இவ்வளவு கண்ணீரை வரவழைப்பதா? இழப்புக்களை குறைத்தோ அல்லது குறைக்கவோ ஏதாவது செய்யமுடியாதா? அம்மா அரசியல், இராணுவ வித்தகத்தடன் சிந்தித்தாவோ? இல்லையோ? அம்மாவாகச் சிந்தித்தா. எல்லாப் போராளிகளையும் தன் பிள்ளையாய் பார்த்த அம்மாவாக சிந்தித்தா.. ******* எம் தாயகத்தில் விளைவிக்கும் ஆக்கிரமிப்பு கொடுமையின் ஒரு சிறு பங்காவது எதிரியின் கோட்டைக்குள் திருப்பிக் கொடுக்கப்படுவது அம்மா திருப்தியுடன் பார்க்கும் செய்திதான். அதுவுமல்லாது எதிரியின் பெரும் நிலைகள் அவ்வப்போது ஆங்காங்கே அழிக்கப்படுவதும் அது எதிரிக்கு ஏற்படுத்தும் அதிர்ச்சியும் அம்மா அறிவார். அதில் எம் போராளிகள் இங்க போல் பெரும் இழப்புக்களை சந்திப்பதில்லை என்பதும் அம்மாவுக்கு தெரியும். ஏற்கனவே எரிபற்று நிலையில் இருந்த அம்மாவின் மனம்தான் இந்த வழியை நாடிப்போனதோ அல்லது அம்மாவை அறிந்து சந்தித்த அந்த போராளிகள்ததான் அம்மாவின் மனதில் தீயை மூட்டினரோ? என்னவோ? அம்மா இப்போது புலனாய்வுத்துறையின் ஆள், முகவராம் வெளிவேலைக்கான முகவாரம். அம்மா இப்போது மாறி விட்டா. முன்பு குடும்பம் அயலவர் என்று எல்லா இடமும் செய்தி சொல்லி மருத்துவமனை சென்று வருபவர். இப்போது சுருக்கமாக வேறெங்கோ தனியாகப் போய்வரத்தொடங்கிவிட்டா. மருத்துவமனை போய்வர நேரம் இருக்குதோ இல்லையோ அம்மா இப்ப அங்கை எல்லாம் போய்வரக்கூடாதம். மருத்துவமனை என்றில்லை. இயக்கம் இருக்கிற இடம் ஒன்றுக்கும் போய் வரவும் கூடாதாம்.இயக்கத்திற்கு ஆதரவாக கதைக்கக் கூடாதாம். அம்மாவுக்கு தன்னையே நம்ப முடியாதபடி ஆச்சிரியம் கலந்த பெருமை சி.ஜ.ஏ, கே.ஜி.பி மொசாட் என்று புலனாய்வு அமைப்புக்களை பட்டியலிடுவதுடன் எங்கட வேலைத்திட்டம் என்று ஏதோ விளக்கங்கள். அம்மாவுக்கு எதுவெது விளங்குகிறதோ? இல்லையோ? மனதுக்குள் குறுகுறுவென்று ஆர்வ முனைப்பு. அம்மாவுக்குள் இப்போது வேறொரு உலகம் அறிமுகம் செய்யப்பட்டு விட்டது. அவர் இப்போது இன்னொரு ஆளாகவும் செயற்படக் கூடியவராக ஆகிவிட்டார். தலைநகர் அதிர்ந்தது” தற்கொலையாளி அடையாளம் காணப்பட்டார் ‘புலிகளைத் தேடி வலைவிரிப்பு” சூத்திரதாரி தலைமறைவு” அடையாளம் காணப்பட்டவரின் பெயர் போலியானதென பொலிசார் தெரிவிப்பு” உலகமே செய்திகளை வியப்புடன் நோக்கும். சூழ உள்ள சுற்றத்தினரும் கூட தங்களுக்கு எல்லாம் தெரியும் என்பது போல செய்திகளும் கற்பனைகளுமாக கதைகதையாய் பீற்றித்திரிவார். எல்லாவற்றையும் அமைதியாக அமத்தலாக பார்த்தபடி பட்டுக்கொள்ளாமல் இருப்பா அம்மா. ஆக, அம்மாவுக்குள் இப்போ வேறொரு உலகம் அறிமுகம் செய்யப்பட்டுவிட்டது. அவ்வப்போது வந்து அன்பு மகனை பார்த்துக்கொள்வது தவிர மற்றும்படி எவ்வளவோ மாறிப்போனா அம்மா. ***** இதற்கிடையில் அம்மாவுடன் மகனுக்கு சரியான கோபமாம். அம்மாவின் அக்கா பெரியம்மா – மூலமாக செய்தியனுப்பியிருந்தான்.’ இட இவர் பெரிய மனுசானாகி இப்ப இவருக்கு கோபமும் வருமே” என செல்லமாய் சொல்லிவிட்டிருந்தா அம்மா. இவனது போராளி நண்பனொருவன் ஊர்ப்பக்கமாய் வந்தபோது’ சின்னதாய் ஒரு மூஸ் அடித்து அம்மாவிடம் போய் இவனது சுகநலன் சொல்லியுள்ளான். அவனுக்கு சாப்பாடு கொடுக்காமல் அனுப்பிவிட்டவவாம் அம்மா. போய்வந்தவன் குறையாகவோ இல்லை பகிடியாகவோ சொன்னானோ அல்லது அவன் சொல்லாமல்விட இவன்தான் கதைவிட்டு அறிந்தானோ என்னவோ? ஆளுக்கு சரியான கோபம். அம்மா வழமையில் அப்படியில்லை. எல்லோரையுயம்’ குறிப்பாக போராளிகளை” உபசரிப்பதில் அதுவும் சக்திக்கு மீறியே உபசரிப்பதில் முன்னிப்பவர்தான். அன்று அந்த ஏழைத்தாய்க்கு என்ன கஸ்ரமோ வசதிக்குறைவோ? வீம்புக்காக அம்மாவில் கோபம் போட்டாலும் அவ்வப்போது பெரியம்மாவின் வீடு வந்து’ அம்மாவில் இப்போதும் கோபம்தான்” என்று சொல்லிப் போவான். மகன் பெரியம்மா வீடு வந்து. அம்மாவில் கோபம் சொல்லி நிற்பதும். அம்மாவின் சமையல் வேலிக்குள்ளால் பயணித்துபெரியம்மா வீடு வந்து மகனிடம் சேர்வதும் நல்லதொரு நாடகம். அம்மாவின் கை மணம் தெரிந்தும் தெரியாதது போல நல்ல சாப்பாடு என பெரியம்மாவை புகழ்ந்து விட்டு போகும் பிள்ளையை வேலியால் பார்த்திருப்பா அம்மா. தான் பார்ப்பது தெரிந்தால் அவருக்கு இன்னும் எழுப்பமாய்ப் போய்விடும் என அம்மா, மறைவாய் நின்று சிரிப்பது தெரியாமல் அம்மாவை தேடுவான் பிள்ளை. அன்றைய சுகமும் இன்றைய சோகமுமாய் ஆகிப்போன சின்னச்சின்ன ஞாபகங்கள் இப்படி எத்தனை? ****** காலம் கொஞ்சம் ஓடிப் போக மகன் இப்போது முதிர்ந்தவனாகி விட்டான். அம்மா எதிர்பார்க்க முடியாதபடி என் அவனே கூட எதிர்பார்க்காமல் பொறுப்புள்ளவனாகிப் போனான். இயக்கத்தின் ஆசிரியர் அணியொன்றின் உதவியாளன் என்பதும், அவ் ஆசிரியர் அணியுடனும் அவர்தம் பணியுடனும் அவனுக்கேற்பட்ட ஈடுபாடுமாக அவனைப் படிப்படியாக முதிர்ந்தவனாக ஆக்கிவிட்டதோ? சண்டை அணியில் நிற்கும் போது நண்பர்கள் செய்தது போல அவனும் கரும்புலி விண்ணப்பக் கடிதம் எழுதிக் காத்திருந்தது பழையகதை. இப்போது மொழிப்பெயர்ப்புத் திரைப்பட உருவாக்கற்பொறுப்பை கைமாற்றிக் கொடுத்து விட்டு, அவன் கரும்புலிக்கான அழைப்பை ஏற்றுக்கொண்டதே புதிய நிலை. அணிசேர்ப்பு, தொடர்வகுப்பு,கடும்பயிற்சி,எதிரியின் தலைநகர் அறிமுகமென தயார்படுத்தல்களுடன், தனிமைப்படுத்தப்பட்ட முகாம் வாழ்வுமாக மகனும் இப்போ வேறொரு உலகிற்கு மாறிப்போனான். ******** மகன் வழிதெருவில் எதிர்படாமல் போனதும், வழமைபோல தேடிப்போன இடத்தில் சரியான பதில் இல்லாது போனதும் அம்மாவுக்கு என்னவோ போலானது. காணாத மகனை தெருவில் கண்டபோது அவனது புதிய கூட்டாளிகளும், வழமையல்லாத நடை, உடை,பாவனையும் அம்மாவுக்கு எதையெதையோ எண்ணவும் வைத்தது. அம்மாவும் இப்போதும் பழைய அப்பாவி அம்மா இல்லையே. மகன் இவ்வழியில் கரும்புலியாய் தெரிவு செய்யப்பட்டுவிட அம்மா வெளிவேலைகளில் இருந்து நிறுத்தப்படுவது தவிர்க்க முடியாததாக ஆனது.’ தேவை ஏற்படும் போது அவசரமாக அழைக்கப்படுவீர்கள்” என்ற விளக்கத்தை அம்மாவால் முற்றாக நம்பவோ, புறக்கணிக்கவோ முடியவில்லை. தனக்கு கூறப்படுவது போலிக்காரணம் என்று தெரிந்தாலும் அதற்கு மேல் அம்மாவாலும் ஒன்றும் செய்யமுடியாமல் போக அம்மா, வழமையான அம்மாவாக வாழத்தொடங்கிவிட்டா. அம்மாவின் சந்தேகத்தை இன்னும் அதிகரிக்க அல்லது தீர்த்து வைக்க காரணமாக இன்னொரு செய்தியும் வந்து சேர்ந்தது. அம்மாவின் உறவுக்கார பெண்மணியொருவர் கொழும்பில் இருந்து வந்திருந்தார். மகனை கொழும்பில் கண்டதை அம்மாவுக்குச் சொன்னது மட்டுமின்றி, தன்னைக் கண்டதை அம்மாவுக்குச் சொல்ல வேண்டாமென்று அவன் சொன்னதையும் வலு கவனமாய் மறக்காமல் சொல்லிவிட்டுப் போனார். அம்மாவின் மனப்புதிர் மெல்ல மெல்ல விடுபட்டுப்போகும் காலத்தின் ஒரு நாளில்,’சொல்லாமல் கொள்ளாமல் திடுதிப்பென்று” வீடு வந்தான் மகன். பழைய கோபத்தை நினைவூட்டுவதும் செல்லம் கொஞ்சுவதுமாய், அதே பழைய மகனாய்……..ஒரே கொண்டாட்டம். வீடு நிறைந்து போனது. அப்பாவி அப்பாவுக்கும் அக்காளுக்கும், உறவுகளுக்கும் மகனது வீடு வருகையின் காரணம் தெரியாமல் ஒரே கொண்டாட்டம். அம்மாவுக்கு மட்டும் என்ன தெரியும்? ஒன்றுமே தெரியாதுதானே.’மகனது புதிய நடை, உடை பாவனையில்,வித்தியாசம் விளங்காது”‘அவன் கொழும்புக்கு போனதும் தெரியாது”‘அவனது அன்ரி வந்து ஒன்றுமே சொல்லவும் இல்லை” ஒரே மகிழ்ச்சி வீடு நிறைந்த மகிழ்ச்சி.. பிள்ளை ‘அம்மாவை தனக்கு சாப்பாடு ஊட்டி விடக்கேட்டது’ அம்மாவுக்கு நான் தான் தீத்துவேன் என்று கூறி உணவூட்டிவிட்டதும் ஏன் என்று வீட்டில் மற்றயோருக்குத் தெரியாது.’தம்பி இப்ப தான் செல்லம் கொஞ்சுது என்று அவர்கள் பரிகசித்து பேசும் போதும் அம்மா கண்ணீர் மறைத்து, முகம் சிரித்து,’உணர்வு மறைத்து உணவூட்டி…. வீட்டில் ஒரே சிரிப்பும் கொண்டாட்டமும் தான். அம்மாவுக்குத்தான் ஒன்றும் தெரியாதே. மகன் முகாம் திரும்ப முன்புபோல் அவசரப்படவும் இல்லை. எல்லோரிடமும் விளையாட்டும் , கதையுமாய் கொண்டாடி, உணவுண்டு, பாய்போட்டு நித்திரை கொண்டு அவன் முகாம் திரும்பும் வேளையில் அன்றைய பொழுது இரவைத் தொட்டுவிட்டிருந்தது. அன்று அவன் சொல்லிவிட்டுப் போனது போல தனயாக வரவில்லை அரை டசினுக்கு அதிகமான அவனது நண்பர்களால் வீடு மீண்டும் களைகட்டியது. அவனது அம்மா,அப்பா, அக்காக்கள், வந்திருந்த அனைவருக்கும் அம்மா, அப்பா,அக்கா ஆயினர். அத்தனை பிள்ளைகளும் மாறி மாறியும் ஒன்றாயும் அம்மா…..என்று உறவு சொல்லி அழைக்க வீடு களைகட்டியது. ஒன்றும் தெரியாத அப்பாவி அப்பாவும் அக்காக்களும் அவனது புதிய நண்பர்களின் உற்சாகத்தில் கரைந்து போயினர் அம்மாவும் தான். அவவுக்கும் தான் ஒன்றுமே தெரியாதே. அவவும் சேர்ந்து அந்த உற்சாகத்தில்…….. வந்திருந்த எல்லோருக்கும் தடல்புடலாய் சமையல், சாப்பாடு என்று வீடு அமர்க்களப்பட்டபோதும், குசினியும் முற்றமுமாய் பம்பரமாய் சுழன்ற போதும் அப்பாவி அப்பாக்கும் அக்காக்களுக்கும் ஒன்றுமே தெரியாதே…. அம்மாவுடன் வீடே வாசல் வரை வழியனுப்ப அவர்கள் புறப்பட்டு போயினர். ****** அவர்கள் விடைபெற்று போயினர். அந்தத்தாயின் வழியனுப்பலின் பின்னர் அவர்கள் தாயகத்திடமும் விடை பெற்றுப் போய்……போய் விட்டனர். நல்ல சூரியனின் பெயரால் கொடியோரின் ஆக்கிரமிப்புக் கதிர்கள் விலிகாமத்து மண்ணை சுட்டெரித்த காலத்தின் ஒரு பொழுதில் அவர்கள் எதிரியின் கோட்டைக்குள் புதுவரலாறு படைத்தனர். வீரமும் அர்பணிப்பும் மட்டுமன்றி மனிதாபிமான நிதானமும் நிறைந்த அவர்களது வெற்றிச் செய்தியால் உலகமே உறைந்து நின்ற வேளையில், தமிழீழத்து எல்லோரையும் போலவே அவனது குடும்பத்திலும் மகிழ்ச்சி வளிப்பாடுகள். ஆனால் அம்மா மனதில்?… ****** மகனது பொறுப்பாளர்களை அம்மா சந்திக்கும் அந்த நாள் வந்தேவிட்டது. மகன் எங்கே? என்பதற்கான வழமையயான பதில்கள் அம்மாவிடம் எடுபடாமல் போக, சந்திக்க வேண்டியது தவிர்க்க முடியாததாக ஆகிப்போனது. மனுசியின்ர வாயை முதலே அடைச்சுப்போட வேணும். கதைக்க விட்டால் தப்பேலாது” என்ற சிந்தனையில் மகன் நிற்குமிடம் அவனைச்சந்திப்பதில் உள்ள வசதிக் குறைவு…என பொருத்தமற்ற பொய்யான பதில்களுடன் பொருப்பாளர். ‘மகன் தூரத்தில்…., மட்டகளப்பில்…நிற்கிறான்…வர கொஞ்சம் காலம் செல்லும்” அம்மாவின் முன்னால் இரத்தம் நீராகிப்போன பொருபாளரின் வார்த்தைகள். அவரது உயிரற்ற வார்த்தைகளை மீறி அம்மாவின் உறுதியான கேள்வி. ‘எப்படி என்ர மகன் கடைசி வரைக்கும் சரியாக செயற்பட்டவனே………? ‘எனக்கு எல்லாம் தெரியும். நான் பெத்து வளத்த பெடியன் அவன் சொல்கிறது பொய் எண்டு எனக்குத் தெரியாதே” ‘உப்பிடி எத்தனை பொய்களை எனக்கு நீங்கள் சொல்லித்தந்திருப்பியள்” ‘வீட்ட வந்து அவன் நித்திரை கொள்ளேக்க அவன்ர பொக்கற்றுக்குள்ள பார்த்தன் வட்டுக்கோட்டை அடையாள அட்டை வச்சிருந்தவன்” என்ர பிள்ளை அம்மாவுக்கு சொல்லேலாதெண்டு எனக்குத் தெரியும். அதில நான் ஏதும் பிழை விட்டிடக்கூடாது என்று தான் நானும் அவனோடை ஒன்றும் கதைக்கேல்லை. ‘செய்தியை கேட்டுப்போட்டு அக்கா வீட்டை ஒடிப்போய் ரூபவாகினிதான் பார்த்தனான்” முகம் தெரியாததால ஒருதருக்கும் விளங்கேல்லை – பெத்ததாய் எனக்கு தெரியாமல் போகுமே. ‘றெயில் தண்டவாளத்துக்குப் பக்கத்துல கிடக்கிறான் என்ரபிள்ளை…” அடக்கி வைத்ததெல்லாம் வெடித்ததால் குமுறி அழும் அம்மாவிடம் சொல்ல வார்த்தைகள் இல்லை. உலகத்தில் உள்ள பொய்கள் எல்லாம் எங்கோ ஓடிப்போக விக்கித்து நினறவரிடம் அம்மா அந்த கடிதத்தைக் கொடுத்தா. தன் வீரச்சாவு வெளிப்படும் வேளையில் அம்மாவுக்கு கொடுக்கவென மகன் எழுதிய கடிதம். எங்கோ பிசகுப்பட்டு முன்கூட்டியே அம்மாவின் கையில். எண்ணற்ற தடவைகள் படிந்துறைந்த போன அந்தக் கடிதத்தில் அவன் எல்லாம் எழுதியிருந்தான். முத்தாய்ப்பான வரிகள்… உன் கடன் தீர்க்காமல் போகின்றேனம்மா. தமிழீழத்தில் அடுத்த பிறப்பில் உன் வயிற்றில் பிள்ளையாகவே என்னைப் பெற்றிடு அம்மா இப்பிறப்பில் தீர்க்காத உன் கடன் எல்லாம் அப்பிறப்பில் தீர்த்திடுவேன் அம்மா அம்மா தாயே உங்களை எமாற்ற உங்களின் பிள்ளைகள் நாங்கள் எத்தனை திட்டங்கள் போட்டோமம்மா. ஒன்றுமே கூறாது நீ நின்றதும் வென்றதும் எவ்வண்ணம் தாயே. தாயகத்தின் தாயே உங்களிடம் நாங்கள் தோற்றுத்தான் போனோமம்மா… ********* ஆசிரியரை பற்றி…. விடுதலைப்புலிகளின் முக்கியஸ்தரான பொட்டம்மான் பற்றி உலகத்திற்கு தெரிந்தவவைகளில் அனேகமானவை புனைவுகளே. புலனாய்வு நடவடிக்கை பணிப்பாளர்களின் துரதிஸ்டம் அவரையும் வாழ்கை முழுவதும் பிடித்திருந்தது. இயற்கையான தனது வெளிப்பாடுகளையும், உணர்வுகளையும் வெளிப்படுத்தும் சுதந்திரம் மட்டுப்பட்டிருந்தது. அவர் ஒரு படைப்பளியாகவும், தீவிர வாசகராகவும் இருந்தார் என்பது பலர் அறியாதது. வன்னியிலிருந்த வெளியான பத்திரிகைகளிலும், இலக்கிய சஞ்சிகைகளிலும் எப்பொழுதாவது எழுதிக்கொண்டிருந்தார். வெளிச்சம் சஞ்சிகையில் அவர் எழுதிய சில கதைகளில் இதுவும் ஒன்று. http://pagetamil.com/?p=5409
- 12 replies
கிருபன்

June 5, 201411 yr
Featured by மோகன்

November 5Nov 5
இது ஒரு தீபாவளிக் கதை: பாவம் நரகாசுரன் -பேராசிரியர் சி. மௌனகுரு
இது ஒரு தீபாவளிக் கதை: பாவம் நரகாசுரன் -பேராசிரியர் சி. மௌனகுரு

இது ஒரு தீபாவளிக் கதை: பாவம் நரகாசுரன் -பேராசிரியர் சி. மௌனகுரு நாளைக்குத் தீபாவளி. அடிக்கடி நண்பர்களும் மாணவர்களும் தொலைபேசியில் வாழ்த்துகளைத் தெரிவிக்கிறார்கள். அனைவரும் மகிழ்ச்சிகரமாக இருகிறார்கள் போலத் தெரிகிறது. கொண்டாட்டம் என்பது மகிழ்ச்சிதானே? மகிழ்ச்சியாக எல்லோரும் இருப்பதைத்தானே நாம் விரும்புகின்றோம். மட்டக்களப்பில் நான் பிறந்த காலங்களில், அதாவது 1940களில், இற்றைக்கு 77 வருடங்களுக்கு முன்னர், தீபாவளியை யாரும் கொண்டாடவில்லை. நாங்களும் வீட்டில் இதைக் கொண்டாடியதாக ஞாபகம் இல்லை. எமக்கு அன்று கொண்டாட்டம், சித்திரை மாதப் புதுவருடம் தான். அன்று தான் எங்கள் வீட்டில் பலகாரம் சுடுவார்கள். முதல் நாளிரவு நான்கைந்து குடும்பங்கள் சேர்ந்து பலகாரம் சுட்டு, அதனைத் தமக்குள் பகிர்ந்து கொள்வார்கள். குடும்பங்களின் விழா அது; கிராமங்களின் விழா அது புது உடுப்புகளை, காலையில் முதலில் தென்னம்பிள்ளைகளுக்கு உடுத்திவிடச் சொல்லுவார் அம்மா. தென்னம்பிள்ளைகள் அணிந்த உடுப்பைத்தான் நாம் பின்னர் அணிவோம். இயற்கையை நேசித்த மனிதர்கள்; அன்றைய சித்திரை நாள், எங்களுக்குப் பெரும் கொண்டாட்ட நாள். தைப்பொங்கலும் கொண்டாட்ட நாள்தான். அதனை விவசாயிகள் கொண்டாடுவர். ஏனையோரும் வீட்டில் பொங்கி மகிழ்வர். ஆனால், சித்திரை வருடமளவுக்கு அது, அன்று பெரும் கொண்டாட்டமில்லை. சின்னவயதில் தமிழ்நாட்டிலிருந்து கல்கி தீபாவளி ஆண்டுமலர், ஆனந்தவிகடன் தீபாவளி ஆண்டுமலர் எனச் சில மலர்கள் வரும். அவற்றின் மூலம்தான் தமிழகத் தீபாவளி எமக்கு அறிமுகமாகியதாக ஞாபகம். அதன்மூலம்தான் தலைத்தீபாவளி, கங்காஸ்னானம், அத்திம்பேர், தீபாவளிச்சீடை முறுக்கு, குடும்பிவைத்து பூணூல் போட்ட தாத்தாமார், மடிசார் வைத்த பெண்கள் எனப் பல தீபாவளி சார்ந்த சமாச்சாரங்கள் சிறுவயது மனதில் படிய ஆரம்பித்தன. தீபாவளிச் சிறுகதைகள் வேறு, இவற்றை மனதில் அழுத்தின. நரகாசுரனைச் சத்தியபாமா துணையுடன் கிருஸ்ண பகவான் அழித்த கதையும் எம்மனதில் வேரூன்றியது. சற்றுவளர்ந்த பின்னர், 15ஆவது வயதில் திராவிடக் கழகக் கருத்துகளுக்கு அறிமுகமானபோது, நரகாசுரன் என்ற திராவிட குலத் தலைவனை, ஆரியனாகிய கண்ணன் அழித்த கதை எமக்கு அறிமுகமானது. நரகாசுரன் என்பவன் நரன்; அதாவது மனிதன். அசுர என்பதன் அர்த்தம், சுரன் அல்லாதவன். சுரர் என்றால் தேவர். தேவர்கள் என அழைக்கப்பட்ட ஆரியர்கள், சுரபானம் எனும் மதுவை அருந்தியதால் சுரர் என அழைக்கப்பட்டனர். திராவிடர்கள் ஒழுக்க சீலர்கள்; மதுஅருந்தாதோர். ஆகவே, அசுரர் என்றால் சுரம் அருந்தாதோர் என்பது அர்த்தம் (அ+ சுரம்) என்ற விளக்கங்களைத் திராவிடக்கழக நூல்கள் தந்தபோது, இளைஞரான நாம் அதனால் ஈர்க்கப்பட்டோம். இவற்றையெல்லாம் தாண்டி, மெல்லமெல்ல தமிழகத் தீபாவளி, தமிழ்ப் பண்பாட்டுக்குள் புகத்தொடங்கி, சித்திரை வருடத்துக்கு அடுத்த பெரும் கொண்டாட்டமாக இடம்பெறலாயிற்று. 1960களில் பேராதனைப் பல்கலைக்கழகத்தில் படித்துக் கொண்டிருந்த காலத்தில், எமக்கு தமிழ் இலக்கியங்கள், இலக்கணங்கள், சமணப் புலவர்களின் தனிப்பாடல்கள் என்பன அறிமுகமாகின. அவர்கள் பிராமண மதத்துக்கும் வைதீக மதத்துக்கும் எதிரானவர்கள்; நால்வகைப் வருணப் பாகுபாட்டை விரும்பாதவர்கள்; மக்கள்பால் நின்றவர்கள்; தமிழ்நாட்டில் பெரும் தாக்கத்தை அன்று எற்படுத்தியவர்கள் என்ற விவரங்களும் சமணத் தலைவரான மகாவீரர், ஸ்தாபித்த சமணமதம் அதன் தத்துவங்கள் என்பனவும் அறிமுகமாகின. இவற்றை எமக்கு அறிமுகம் செய்தவர்கள் பேராசிரியர்களான கணபதிப்பிள்ளை, வித்தியானந்தன், கைலாசபதி, வேலுப்பிள்ளை ஆகியோராவர். கைலாசபதி வகுப்பில் தொடர்ச்சியாகச் சமண தத்துவத்தை எமக்கு விளக்கினார். வேலுப்பிள்ளையும் தமிழ்ச் சமணம், தமிழ்ப் பௌத்தம் பற்றி ஆராய்ந்து எமக்குக் கூறினார். இதன் காரணமாக, சமண மகாஞானியான மகாவீரர் மீது ஒரு மதிப்பு உண்டானது. பேராசிரியர் கணபதிப்பிள்ளையின் வகுப்புகள் வெகுசுவராஸ்யமானவை. சிரித்துக்கொண்டு கதையோடு கதையாகப் பல ஆழமான விடயங்களை எளிமையாகக் கூறிசெல்வார். ஒருநாள், அவர் எங்களுக்குப் படிப்பித்துக் கொண்டிருக்கையில், “உந்தத் தீபாவளி எப்படி வந்தது என்று தெரியுமோடா”? என்று கேட்டார். நாங்கள் நரகாசுரன் கதையைக் கூறினோம். “அதெல்லாம் புழுகடா. சமண மதத்தின் தலைவரான மகாவீரர் சமாதி அடைந்த நாளை நினைவு கூரப் பல தீபங்களை ஏற்றி வைத்து, சமணர் கொண்டாடிய சமண விழாவை, சைவர்கள் தம்வசப்படுத்திக்கொண்ட கதை தாண்டா தீபாவளி. அதற்காக உருவாக்கப்பட்ட கதைதான் நரகாசுரன்கதை” என்றார். சைவம், சமண மதத்திலிருந்து பல விடயங்களைத் தன்வயப்படுத்திச் சைவமாக்கிக் கொண்டது என்பதற்கு நிறைய உதாரணங்கள் கூறி, இதுவும் அதில் ஒன்றடா என்றார். எங்களுக்கு வியப்பு அதிகமாயிற்று. தீபாவளியின் மூலம் பற்றி பேராசிரியர் வேலுப்பிள்ளை கூட, தனது நூலில் ஒரு கட்டுரை எழுதியமை ஞாபகம் வருகிறது. காலங்கள் பல கடந்து விட்டன.... இன்று 2020ஆம் ஆண்டு, இன்று, வடக்கு-கிழக்கு தமிழர் பிரதேசங்களில் தீபாவளி பெரும் கொண்டாட்டம். நரகாசுரனை அழித்த கதை, பாடசாலைகளிலும் சமயச் சொற்பொழிவுகளிலும் சர்வசாதாரணமாகச் சொல்லப்படுவதாயிற்று. அரசியல்வாதிகளும் ஆட்சியதிகாரத்தில் உள்ள பெரும்தலைவர்களும் சமயத் தலைவர்களும் நரகாசுரன் ஒழிந்த நாள் என்றே மக்களுக்கு வாழ்த்துத் தெரிவிக்கின்றனர். நரகாசுரனுடன் தீபாவளி இணைக்கப்பட்டுவிட்டது; பெரும் சமயக் கொண்டாட்டம் ஆகிவிட்டது. இக்கொண்டாட்டத்தை இனி மக்களிடமிருந்து பிரித்துவிட முடியாது. காரணங்கள் பல; ஒன்று, இது ஒரு பெரும் சமய விழாவாகி விட்டது. இரண்டு, இது ஒரு பெரும் கொண்டாடமாகிவிட்டது. கொண்டாட்டம் ஆனமையால் மக்கள் கூடுதல், அதனால் கிடைக்கும் பெருமகிழ்ச்ச்சி, ஒருவருக்கொருவர் மகிழ்ச்சி தெரிவித்தல் என்ற மனிதகுலம் விரும்பும் அடிமனநல்லியல்புகள் இதில் உள்ளன. மூன்று, பெரும் வணிக நிறுவனங்களின் இலாபம், இக்கொண்டாட்டத்தில் அடங்கியுள்ளது. உடுப்புகள், பட்டாசு, பலகார வகைகளுக்கான மூலப்பொருள் வியாபாரம் என்பன இதில் அடங்கும். நான்கு, கோவில் வருமானம், பூசகர் வருமானம் என்பன இன்னொருபுறம் உள்ளன. ஐந்து, பத்திரிகைகளின் தீபாவளிமலர் வருமானம், மற்றொரு புறம் உள்ளது. ஆறு, தொலைக்காட்சி போன்ற ஊடகங்களின் இடைவிடாத கருத்தேற்றமும் அவை, அவற்றால் அடையும் பெருவருமானமும் இன்னொரு புறம் உள்ளது. ஏழு, அதனை விரும்பி ஏற்றுப் புகழ்பெறச் செல்லும் நமது கலைஞர்களும் அறிஞர்களும் இன்னொரு புறம் பெருவாரியாகக் காணப்படுகின்றார்கள். எனவே, தீபாவளியைக் கொண்டாட வேண்டாம் என எப்படிச் சொன்னாலும் அக்கொண்டாட்டத்தை இலகுவில் போக்கிவிட முடியாது. அது, இந்து மக்கள் கொண்டாட்டமாகி விட்டது. கொண்டாட்டங்களை மிகவும் வரவேற்கும் பின் நவீன சிந்தனையாளர்களை நாம் காண்கிறோம். மக்கள் இணைகிறார்கள்; மக்கள் மகிழ்கிறார்கள் என அவர்கள் கொண்டாட்டங்களுக்கு ஒரு புது வியாக்கியானம் அளிக்கிறார்கள். ஆனால், கொண்டாட்டங்களுக்குப் பின்னால் மறைந்து கிடக்கும் சுரண்டலையும் பேதங்களையும் மறக்க வைக்கும் போதைநிலையையும் அவர்கள் தோலுரித்துக் காட்டுவதில்லை. தீபாவளியைக் கட்டுடைத்துப் பார்க்கலாம்; அதன் அதிகாரம் எங்கிருக்கிறது என்று பார்க்கலாம்; தீபாவளிக் கதை கூறும் நரகாசுரன் கதைப் பிரதியைக் கட்டுடைத்துப் பார்க்கலாம். இவை யாவும் ஒரு புலமைத்துவ இன்பப்பயிற்சியுமாகும் (Intelectual pleasure excersise). தீபாவளி அன்றுபோல் இன்றில்லை. நிறைய மாறி விட்டிருக்கிறது. இன்னும் மாறும்; இடையில் வந்து மாட்டிக்கொண்டான் நரகாசுரன்; பாவம் நரகாசுரன். அவனுக்கு ஆழ்ந்த அனுதாபங்கள். http://www.tamilmirror.lk/சிறப்பு-கட்டுரைகள்/இது-ஒரு-தீபாவளிக்-கதை-பாவம்-நரகாசுரன்/91-258874
- 2 replies
கிருபன்

November 14, 20205 yr
Featured by மோகன்

October 18Oct 18

View All

Home
செம்பாலை [செய்திக்களம்]
தமிழகச் செய்திகள்
கொரோனா: சமாளிக்கும் தமிழகம்... மருத்துவக் கட்டமைப்பில் `தமிழ்நாடு மாடல்’ - ஓர் அலசல்

All Activity

Sign In

கொரோனா: சமாளிக்கும் தமிழகம்... மருத்துவக் கட்டமைப்பில் `தமிழ்நாடு மாடல்’ - ஓர் அலசல்

Featured Replies

Archived

Tell a friend

Topics

ராமநாதன் அர்ச்சுனாவுக்கு பிடியாணை!

கதை - 192 / "மெழுகுவர்த்தி கேள்வியை சந்தித்தபோது / When the Candle Met the Question"

உக்ரேனின் முக்கிய பிராந்தியமான ஒடேசா மீது தாக்குதலை தீவிரப்படுத்திய ரஷ்யா!

முன்னாள் மனைவிக்கு எதிரான குற்றச்சாட்டில் கணவன் மீது 56 பாலியல் குற்றச்சாட்டு!

Posts

கருத்து படங்கள்

ராமநாதன் அர்ச்சுனாவுக்கு பிடியாணை!

பங்கு/கிரிப்டோ வர்த்தகம் - வா பங்கு ஒரு கை பார்க்கலாம்

கதை - 192 / "மெழுகுவர்த்தி கேள்வியை சந்தித்தபோது / When the Candle Met the Question"

உக்ரேனின் முக்கிய பிராந்தியமான ஒடேசா மீது தாக்குதலை தீவிரப்படுத்திய ரஷ்யா!

Featured Content

ஈழத்தமிழர் மீதான இனவழிப்புப் போரில் எனது தனிப்பட்ட அனுபவங்கள்

சாத்தான் படை (IPKF)

🕯️ ஒவ்வொரு ஆன்மாவுக்கும் ஒரு தீபம் / “A Lamp for Every Soul”

தாயகத்தின் தாய் – ச.பொட்டு

இது ஒரு தீபாவளிக் கதை: பாவம் நரகாசுரன் -பேராசிரியர் சி. மௌனகுரு

Important Information

Account

Navigation

Search

Configure browser push notifications

Chrome (Android)

Chrome (Desktop)

Safari (iOS 16.4+)

Safari (macOS)

Edge (Android)

Edge (Desktop)

Firefox (Android)

Firefox (Desktop)