கூட்டமைப்பினருக்கும்... இலங்கைக்கான அமெரிக்க தூதுவருக்கும். இடையில் சந்திப்பு

தமிழ்த் தேசியக் கூட்டமைப்பினருக்கும் இலங்கைக்கான அமெரிக்க தூதுவருக்கும் இடையில் சந்திப்பொன்று இடம்பெற்றது.

கூட்டமைப்பின் தலைவர் இரா.சம்பந்தனின் வீட்டில் இன்று (வியாழக்கிழமை) காலை இந்த சந்திப்பு இடம்பெற்றது.

இந்த விடயம் குறித்து கூட்டமைப்பின் ஊடகப் பேச்சாளர் எம்.ஏ.சுமந்திரன் தனது முகப்புத்தகத்தில் பதிவிட்டுள்ளார்.

குறித்த பதிவில், “தமிழ் தேசியக் கூட்டமைப்பினரை இன்று காலை இலங்கைக்கான அமெரிக்க தூதுவரும் வேறு அலுவலர்களும் திரு. சம்பந்தன் அவர்களின் இல்லத்தில் சந்தித்து உரையாடினார்கள்.

தமிழ் தேசிய பிரச்சனைக்கான தீர்வு சம்பந்தமாக இலங்கை தமக்கும் வழங்கியிருக்கும் வாக்குறுதிகளின் அடிப்படையில் செயலாற்ற வேண்டும் என்பதை தாம் தொடர்ந்து வலியுறத்துவதாக உறுதியளித்தார்” என தெரிவித்துள்ளார்.

https://athavannews.com/2021/1228810

##########   ############   ###############

Edited July 16, 20214 yr by தமிழ் சிறி

சந்திப்புக்களுக்கு குறைச்சல் இல்லை ....அமெரிக்கா,இந்தியா,இங்கிலாந்து என்று எல்லோரும் சந்திக்கினம் ஆனால் தமிழனுக்கு தீர்வு மட்டும்  இல்லை...

அவர்கள் எங்கே தீர்வைப்பற்றி பேசுகிறார்கள்? சிங்களவனுக்கு எச்சரிக்கையல்லோ விடுகினம். அவன் உதைப்போல எத்தனையை கண்டவன், இவர்களிடமே உதவி பெற்று எம்மை அழித்தவனுக்கு தெரியும் இவர்களை எப்படி கையாள வேண்டும் என்று. ஏதாவது ஒரு துண்டைக் காட்டினால் போதும் எல்லாமே  கிடப்பில் போடப்படும்.

எல்லோரும் துண்டு துண்டாய் நாட்டை பங்கு போடப்போகினம். இவை துண்டை விரிச்சுப்போட்டு அவர்களிடம் கையை நீட்ட வேண்டியதுதான்.

கணக்கு வழக்கில்லாமல் கடன் பட்டதன் விளைவு.

சம்பந்து.... அய்யாவுக்கு, பிடரியில்... 
குடும்பி  கட்டும்  அளவுக்கு,  மயிர் வளர்ந்திருக்குது. 
அது... நல்ல,  அறி குறி. 
நமக்கு, "ஜாலி" தான்.  🙃

மயில் ஜோதிடம்: பிடரியில் மயிர் வளப்பவர்கள், வாழ்க்கை அஸ்தமனம்.

இந்த தீபாவளிக்கிடையில் தீர்வு பெற்றே  தீர்வது என்று விடாப்பிடியாய் திரியுறார். 

இனிமேல் பேச்சுவார்த்தைக்கு வாறவங்கள் அவுங்க கைசெலவில உபகரணங்கள் எல்லாம் வாங்கி வந்துவிடுக.. 👌

 

12 hours ago, satan said:

இந்த தீபாவளிக்கிடையில் தீர்வு பெற்றே  தீர்வது என்று விடாப்பிடியாய் திரியுறார். 

எந்த வருடம் என்பதை மாத்திரம் சொல்லிப் போடாதாங்கோ.

செல்வம் அடைக்கலநாதனும், மாவையரும் மக்களால் இம்முறை தெரிவு செய்யப்படவில்லை. ஏன் இந்த கூட்டத்துக்கு அனுமதிக்கப்பட்டார்கள்.??

1 hour ago, nunavilan said:

செல்வம் அடைக்கலநாதனும், மாவையரும் மக்களால் இம்முறை தெரிவு செய்யப்படவில்லை. ஏன் இந்த கூட்டத்துக்கு அனுமதிக்கப்பட்டார்கள்.??

செல்வம் இப்போதும் எம் பி? 

கூட்டமைப்பினருடன் பேசுவதற்கு அமெரிக்கர்களுக்கு மட்டுமல்ல, வேறு எவருக்குமே என்னவிருக்கிறது? இதுவரை நடந்த பேச்சுக்களெல்லாம் என்னவாயிற்று? சிங்கள அரசுகளிடமிருந்த் ஒரு துரும்பைத்தன்னும் (நல்லாட்சி அரசாங்கத்திற்கு கூட்டமைப்பு முட்டுக்கொடுத்த காலம் உட்பட) தமிழ்மக்களுக்குப் பெற்றுக்கொடுக்க முடிந்ததா? இல்லையே. பிறகு ஏன் இன்னும் இவர்களுடன் பேசுகிறார்கள், தமிழ் மக்களை இன்னும் இன்னும் ஏமாற்றத்தானே?

கொழும்பும், அம்பாந்தோட்டையும், யாழ்ப்பாணத்தீவுகளும் சீனர்களுக்குக் கொடுத்தாயிற்று. அமெரிக்கர்களுக்கு திருகோணமலையினைக் கொடுத்தாயிற்று. உலக ஆதிக்கங்களை தன வசத்திக்கேற்ப சிங்கள அரசு பந்தாடி விளையாடுகிறது. அவர்களுக்கும் தமக்குத் தேவையானதை இலங்கை தரும்போது தமிழர்களின் பிரச்சினையெல்லாம் காற்றில் பறக்கும் தூசு ஆயிற்று. 

இந்த வல்லாதிக்கங்களையும், சிங்கள ஆக்கிரமிப்பையும் எல்லையில் தடுத்து வைத்திருந்தார்கள் புலிகள். கூட வந்த துரோகமும், நயவஞ்சகமும், இந்தியாவும் சேர்ந்து அவர்களை அழித்து முடிக்க, இப்போது வேலியற்ற ஆட்டு மந்தைக்குள் சீன ஓநாய்களும் அமெரிக்க வல்லூறுகளும் உலாவித் திரிகின்றன.

இனிமேல் யார் எவருடன் பேசினால்த் தான் என்ன, இல்லாவிட்டால்த்தான் என்ன? எதுவுமே மாறப்போவதில்லை. 
 

On 16/7/2021 at 14:35, தமிழ் சிறி said:

தமிழ் தேசிய பிரச்சனைக்கான தீர்வு சம்பந்தமாக இலங்கை தமக்கும் வழங்கியிருக்கும் வாக்குறுதிகளின் அடிப்படையில் செயலாற்ற வேண்டும் என்பதை தாம் தொடர்ந்து வலியுறத்துவதாக உறுதியளித்தார்” என தெரிவித்துள்ளார்.

நயவஞ்சக பிசாசுகள். தங்கள் வயிற்றை வளர்க்க இந்த சுலோகத்தையே திருப்பத் திருப்பப் பேசி மக்களை ஏமாற்றும் கயவர்கள். 

8 hours ago, ரஞ்சித் said:

 

 

இனிமேல் யார் எவருடன் பேசினால்த் தான் என்ன, இல்லாவிட்டால்த்தான் என்ன? எதுவுமே மாறப்போவதில்லை. 
 

. 

தமிழருக்கு பிரச்சனை இல்லை என்று தமிழ் மக்கள் சொல்லும் நிலைக்கு  தமிழர்களை கொண்டு  வரும்வரை இவர்கள் பேச்சுவார்த்தையில் ஈடுபடுவார்கள்....அந்த காலம் தேவை அமெரிக்காவுக்கும் சீனாவுக்கும்....அதை கூட்டமைப்பு செய்கிறது ....

இப்ப தானே மக்கள் கூட்டமைப்பை நிராகரிக்க தொடங்கியிருக்கிறார்கள.முழுமையாக நிராகரித்தால் பின் அவர்களுடன் யாரும் பேச மாட்டார்கள்.

7 hours ago, putthan said:

தமிழருக்கு பிரச்சனை இல்லை என்று தமிழ் மக்கள் சொல்லும் நிலைக்கு  தமிழர்களை கொண்டு  வரும்வரை இவர்கள் பேச்சுவார்த்தையில் ஈடுபடுவார்கள்....அந்த காலம் தேவை அமெரிக்காவுக்கும் சீனாவுக்கும்....அதை கூட்டமைப்பு செய்கிறது ....

சரியாகச் சுட்டியுள்ளீர்கள் புத்தன்.

கூட்டமைப்புத் தமிழருக்கான தீர்வைத் தேடும் கட்சியல்ல என்பது எப்போதோ நிருபணமாகிவிட்டது. பாவம் தமிழினம் தலைமையற்ற நிலையில் தலைமையான கூட்டமைப்பு ஏமாற்றிவருகிறது. இவர்கள் உலக வல்லாதிக்க சக்திகளின் முகவர்களாகிவிட்டார்கள்.வீதியில் இறங்கிப் போராட வயது ஒத்துழைக்காதெனினும் குறைந்தபட்சக் கண்டனங்களைக் கூடப் பதிவுசெய்யாத தமிழரசுக் கட்சியெனும் கூட்டமைப்பு.