Jump to content

என்னது உனக்கு நான் இப்போ சாகணுமா?

ஏராளன்
 Share

Recommended Posts

  • கருத்துக்கள உறவுகள்
ஏராளன் Grand Master

ஏராளன்

பதியப்பட்டது
  • கருத்துக்கள உறவுகள்
பதியப்பட்டது
War of the Roses படத்தில் வரும் ஒரு சிறப்பான காட்சி இது: நாயகனுக்கு உடல் நலமில்லாமல் போகிறது. சாகும் நிலை. ஆஸ்பத்திரிக்கு தூக்கிப் போகிறார்கள். அவன் திரும்பத் திரும்ப என் மனைவிக்கு தெரிவித்து விட்டீர்களா எனக் கேட்கிறான். ஆஸ்பத்திரியில் நாங்கள் பலமுறை போன் செய்துவிட்டோம் என்கிறார்கள். சாகும் தறுவாயில் இருப்பதாக எண்ணும் அவன் அவளிடம் தன் காதலை, நன்றியைத் தெரிவிக்கும் விதமாக ஒரு குறிப்பை கடும் வலியின் இடையே எழுதுகிறான். ஆனால் அவள் வரவில்லை. அவன் தப்பித்து விடுகிறான். அவளோ கடைசி வரை அவனைப் பார்க்க வரவில்லை. வீட்டுக்குத் திரும்பிய பின்னர் நீ ஏன் வரவில்லை எனக் கேட்கிறான். அவள் காரணம் சொல்லவில்லை. பலமுறை கேட்கிறான். அவள் சொல்லவில்லை. பின்னர் நள்ளிரவில் அவனை எழுப்பி காரணத்தை சொல்கிறாள்: "நீ செத்து விடுவாயோ என எண்ணிய போது சட்டென ஒரு பயம் ஏற்பட்டது. அப்படியே நின்றுவிட்டேன். மிக சுதந்திரமாக நான் இருக்கப் போவதான எண்ணத்தில் உறைந்து போய் விட்டேன். தாள முடியாத சந்தோஷம். அதனாலே வர முடியவில்லை." அவன் அதிர்ச்சியில் குழம்பிப் போகிறான்.
 
இது ஒரு கூர்மையான அவதானிப்பு. பெண்கள் நெடுங்காலம் ஒரு ஆணுடன் வாழும்படி உருவாக்கப்பட்டவர்கள் அல்ல. ஒரு சில பத்தாண்டுகளிலோ சில ஆண்டுகளிலோ அவர்களுக்கு மூச்சுத்திணற ஆரம்பிக்கிறது. அவர்கள் விடுதலைக்காக தவிக்கிறார்கள். பிரச்சினை பல சமயங்களில் குடும்பத்தில் மட்டும் இருக்காது. அது இயற்கையின் விழைவு. நமது மரபான குடும்ப அமைப்பு அண்மைக்காலம் வரை அவர்கள் மீது கடும் சமூகப்பொருளாதார,பண்பாட்டு அழுத்தங்களை சுமத்தியதால் மட்டும் ஒரு ஆணுடன் தம் வாழ்வை வாழ்ந்தார்கள். ஆனால் இயற்கை பெண்ணுடலை அப்படி அமைக்கவில்லை. ஆண்களுக்கு உள்ளதைப் போல நீடித்த இளமையும் குழந்தை பெறும் வளமையும் பெண்களுக்கு இல்லை. நவீன சமூகத்தில் முப்பது வயதிற்கு மேல் midlife crisis இப்படியே தோன்றுகிறது. கூடுதலாக வேறு இணைகளை அடைந்து பிள்ளை பெற வேண்டும் என வனத்தில் வாழ்கையில் ஒரு ஆதிப்பெண்ணுக்குத் தோன்றியிருக்குமெனில் நவீன பெண்ணுக்கு தன் அடையாளத்தைக் கண்டடைய வேண்டும், அதன் வழி காலத்தில் அனந்தரமாக வாழ வேண்டும் எனத் தோன்றுகிறது. அதனாலே கணவனின் இருப்பு - குழந்தைகள் அல்ல - அவளுக்கு பெரும் மன உளைச்சலைத் தருகிறது. ஒரு பெரும் பாரம் தம்மை அழுத்துவதாகத் தோன்றுகிறது. அவன் செத்து ஒழிய மாட்டானா என அவள் ஆழ்மனம் ஏங்குகிறது.
இந்த படக்காட்சியில் அதுதான் வருகிறது.
நேற்று ஒரு யுடியூப் காணொளியைப் பார்த்தேன். கவிஞரும் மருத்துவருமான பிரபு திலக்கை அவரது மனைவி பொதுவெளியில் தாக்கியது, அவருக்கு. விஷம் கொடுக்க திட்டமிட்டது (ஆர்ஸெனிக் கலந்த ஒரு மருந்து), மாமியாரும் எழுத்தாளருமான திலகவதிக்கு எதிராக ஐ.பி.ஸி 498A வில் வரதட்சணைக் கொடுமை புகார் கொடுத்தது போன்ற கொடுமைகளைப் பற்றி பேசியிருந்தார்கள். அந்த பெண்ணின் பிரச்சினையும் இதில் வரும் பார்பராவின் பிரச்சினையும் ஒன்றும். எத்தனையோ மணமான பெண்களின் பிரச்சினையும் ஒன்று தான். அவர்கள் அடக்கிக் கொண்டு எப்படியோ வாழ்கிறார்கள். 
 
அதனாலே இந்த திருமண அமைப்பு செயற்கையானது, ஆபத்தானது என்கிறேன். பெண்கள் கூட நினைத்தால் தப்பித்து விடுவார்கள். அவர்கள் தமது சமிக்ஞைகளை நுட்பமாக வெளிப்படுத்துவார்கள். அது ஆணுக்கு சுலபத்தில் புரியாது. அப்போதே அவனை ஒன்று கொல்ல வேண்டுமென்றோ வேறுவழிகளில் அவனை வதைத்து நடுத்தெருவில் நிறுத்த வேண்டுமென்றோ நினைப்பார்கள்!புரிந்த ஆண்கள் ஆண்கள் தப்பிப்பார்கள்!  அதிர்ஷடசாலி ஆண்களும் தப்பிப்பார்கள்.
மற்றவர்களின் கதி?
 
யுடியூப் லிங்க்: 
Link to comment
Share on other sites
  • கருத்துக்கள உறவுகள்
Justin Grand Master

Justin

Posted
  • கருத்துக்கள உறவுகள்
Posted

மனித உடல் - ஆணோ, பெண்ணோ- கூர்ப்பின் பாதையில் பல விடயங்களைச் சேர்த்தும் இழந்தும் உருவாகியிருக்கிறது. ஒரு புள்ளியில் அப்படியே தங்கி விடுவது கூர்ப்பில் நடப்பதில்லை. இனம் பிழைத்தல் (survival) தழைத்தல் (thriving) என்ற நோக்கமே கூர்ப்பின் இலக்கு. ஆணின் இனப்பெருக்கும் இயலுமை நீடிக்க, பெண்ணின் இயலுமை குறைதல் என்பது பல இணைகளோடு வாழ்ந்த ஆதி காலத்தில் இனம் தழைக்க உதவியது என்பது உண்மை. இப்போது இது இனம் தழைக்க உதவுமா என்பது தான் கேள்வி.

எங்கள் நவீன சமூக அமைப்பில் ஒரு வாரிசை வளர்க்க இரு பெற்றோர் அவசியமாக இருக்கிறது. இரு பெற்றோரும் இல்லாத சில சமூகங்களில் உருவாகும் வாரிசின் பாதுகாப்பு மிகக் குறைவாக இருக்கிறது (அமெரிக்காவில் கறுப்பின மக்களின் நிலை இது). எனவே, எண்ணிக்கையைக் கூட்ட பெண்ணோ ஆணோ திருமண உறவை மீறி swing culture இற்குள் செல்ல வேண்டுமென்பது தற்போதைய மனித சமூகத்தில் இனம் பிழைக்க உதவாது.

அபிலாஷ் நன்கு எழுதுகிறார், ஆனால் சில விடயங்களில் மிகக் குறைந்த அவதானிப்புகளைக் கொண்டு தவறான முடிவுகளையும் தியரியையும் முன்வைக்கிறார். இந்த தியரிகளை முன்வைப்பதற்கு முன்னர் மேலதிக வாசிப்புகள் அவசியம் என்பது என் கருத்து.

  • Like 1
  • Thanks 1
Link to comment
Share on other sites
  • கருத்துக்கள உறவுகள்
விசுகு Grand Master

விசுகு

Posted
  • கருத்துக்கள உறவுகள்
Posted
12 minutes ago, Justin said:

மனித உடல் - ஆணோ, பெண்ணோ- கூர்ப்பின் பாதையில் பல விடயங்களைச் சேர்த்தும் இழந்தும் உருவாகியிருக்கிறது. ஒரு புள்ளியில் அப்படியே தங்கி விடுவது கூர்ப்பில் நடப்பதில்லை. இனம் பிழைத்தல் (survival) தழைத்தல் (thriving) என்ற நோக்கமே கூர்ப்பின் இலக்கு. ஆணின் இனப்பெருக்கும் இயலுமை நீடிக்க, பெண்ணின் இயலுமை குறைதல் என்பது பல இணைகளோடு வாழ்ந்த ஆதி காலத்தில் இனம் தழைக்க உதவியது என்பது உண்மை. இப்போது இது இனம் தழைக்க உதவுமா என்பது தான் கேள்வி.

எங்கள் நவீன சமூக அமைப்பில் ஒரு வாரிசை வளர்க்க இரு பெற்றோர் அவசியமாக இருக்கிறது. இரு பெற்றோரும் இல்லாத சில சமூகங்களில் உருவாகும் வாரிசின் பாதுகாப்பு மிகக் குறைவாக இருக்கிறது (அமெரிக்காவில் கறுப்பின மக்களின் நிலை இது). எனவே, எண்ணிக்கையைக் கூட்ட பெண்ணோ ஆணோ திருமண உறவை மீறி swing culture இற்குள் செல்ல வேண்டுமென்பது தற்போதைய மனித சமூகத்தில் இனம் பிழைக்க உதவாது.

அபிலாஷ் நன்கு எழுதுகிறார், ஆனால் சில விடயங்களில் மிகக் குறைந்த அவதானிப்புகளைக் கொண்டு தவறான முடிவுகளையும் தியரியையும் முன்வைக்கிறார். இந்த தியரிகளை முன்வைப்பதற்கு முன்னர் மேலதிக வாசிப்புகள் அவசியம் என்பது என் கருத்து.

 

நான்  சொல்ல  வந்ததை சொல்லி  விட்டீர்கள்  விஞ்ஞான விளக்கத்துடன்....

நான்  அனுபவத்தின்  அடிப்படையில்  இன்னொன்றையும்  வைப்பேன்

இவ்வாறானவர்கள்  தமது இறதிக்காலத்தில் நாறும்  பிணங்களாக அயலவர்களால்  அகற்றப்படுகிறார்கள்?

Link to comment
Share on other sites
  • கருத்துக்கள உறவுகள்
ஏராளன் Grand Master

ஏராளன்

Posted
  • தொடங்கியவர்
  • கருத்துக்கள உறவுகள்
Posted
22 hours ago, Justin said:

மனித உடல் - ஆணோ, பெண்ணோ- கூர்ப்பின் பாதையில் பல விடயங்களைச் சேர்த்தும் இழந்தும் உருவாகியிருக்கிறது. ஒரு புள்ளியில் அப்படியே தங்கி விடுவது கூர்ப்பில் நடப்பதில்லை. இனம் பிழைத்தல் (survival) தழைத்தல் (thriving) என்ற நோக்கமே கூர்ப்பின் இலக்கு. ஆணின் இனப்பெருக்கும் இயலுமை நீடிக்க, பெண்ணின் இயலுமை குறைதல் என்பது பல இணைகளோடு வாழ்ந்த ஆதி காலத்தில் இனம் தழைக்க உதவியது என்பது உண்மை. இப்போது இது இனம் தழைக்க உதவுமா என்பது தான் கேள்வி.

எங்கள் நவீன சமூக அமைப்பில் ஒரு வாரிசை வளர்க்க இரு பெற்றோர் அவசியமாக இருக்கிறது. இரு பெற்றோரும் இல்லாத சில சமூகங்களில் உருவாகும் வாரிசின் பாதுகாப்பு மிகக் குறைவாக இருக்கிறது (அமெரிக்காவில் கறுப்பின மக்களின் நிலை இது). எனவே, எண்ணிக்கையைக் கூட்ட பெண்ணோ ஆணோ திருமண உறவை மீறி swing culture இற்குள் செல்ல வேண்டுமென்பது தற்போதைய மனித சமூகத்தில் இனம் பிழைக்க உதவாது.

அபிலாஷ் நன்கு எழுதுகிறார், ஆனால் சில விடயங்களில் மிகக் குறைந்த அவதானிப்புகளைக் கொண்டு தவறான முடிவுகளையும் தியரியையும் முன்வைக்கிறார். இந்த தியரிகளை முன்வைப்பதற்கு முன்னர் மேலதிக வாசிப்புகள் அவசியம் என்பது என் கருத்து.

நன்றி உங்கள் கருத்துகளிற்கு ஜஸ்ரின் அண்ணை.

23 hours ago, ஏராளன் said:

 

 
பெண்கள் நெடுங்காலம் ஒரு ஆணுடன் வாழும்படி உருவாக்கப்பட்டவர்கள் அல்ல. ஒரு சில பத்தாண்டுகளிலோ சில ஆண்டுகளிலோ அவர்களுக்கு மூச்சுத்திணற ஆரம்பிக்கிறது. அவர்கள் விடுதலைக்காக தவிக்கிறார்கள். பிரச்சினை பல சமயங்களில் குடும்பத்தில் மட்டும் இருக்காது. அது இயற்கையின் விழைவு. நமது மரபான குடும்ப அமைப்பு அண்மைக்காலம் வரை அவர்கள் மீது கடும் சமூகப்பொருளாதார, பண்பாட்டு அழுத்தங்களை சுமத்தியதால் மட்டும் ஒரு ஆணுடன் தம் வாழ்வை வாழ்ந்தார்கள். ஆனால் இயற்கை பெண்ணுடலை அப்படி அமைக்கவில்லை. ஆண்களுக்கு உள்ளதைப் போல நீடித்த இளமையும் குழந்தை பெறும் வளமையும் பெண்களுக்கு இல்லை. நவீன சமூகத்தில் முப்பது வயதிற்கு மேல் midlife crisis இப்படியே தோன்றுகிறது. கூடுதலாக வேறு இணைகளை அடைந்து பிள்ளை பெற வேண்டும் என வனத்தில் வாழ்கையில் ஒரு ஆதிப்பெண்ணுக்குத் தோன்றியிருக்குமெனில் நவீன பெண்ணுக்கு தன் அடையாளத்தைக் கண்டடைய வேண்டும், அதன் வழி காலத்தில் அனந்தரமாக வாழ வேண்டும் எனத் தோன்றுகிறது. அதனாலே கணவனின் இருப்பு - குழந்தைகள் அல்ல - அவளுக்கு பெரும் மன உளைச்சலைத் தருகிறது. ஒரு பெரும் பாரம் தம்மை அழுத்துவதாகத் தோன்றுகிறது.
 

இந்த பந்தி தொடர்பான உங்கள் கருத்துகளை இன்னும் எதிர்பார்க்கிறேன். 

ஆணாதிக்கம் நிறைந்த குடும்ப அமைப்புகளில் தொடர்ந்து வாழும் போது பெண்கள் மனநிலை என்னவாக இருக்கும்?

Link to comment
Share on other sites
  • கருத்துக்கள உறவுகள்
Justin Grand Master

Justin

Posted
  • கருத்துக்கள உறவுகள்
Posted
15 minutes ago, ஏராளன் said:

நன்றி உங்கள் கருத்துகளிற்கு ஜஸ்ரின் அண்ணை.

இந்த பந்தி தொடர்பான உங்கள் கருத்துகளை இன்னும் எதிர்பார்க்கிறேன். 

ஆணாதிக்கம் நிறைந்த குடும்ப அமைப்புகளில் தொடர்ந்து வாழும் போது பெண்கள் மனநிலை என்னவாக இருக்கும்?

அத்தகைய குடும்பங்களில் வாழும் பெண்கள் நிலை பரிதாபம் தான் - அவர்கள் தீர்வுகளைத் தேட வேண்டும். பிரிந்து போதல் தீர்வுகளில் ஒன்று. ஆனால், கொலை செய்து விட்டு தாங்கள் போய் சிறையில் மிகுதி வாழ்வைக் கழித்தல் என்பது நல்ல தீர்வாகத் தெரியவில்லை.

சட்டப் பாதுகாப்புகள் உடைய நாடுகளில் battered wife defense மூலம் நிவாரணம் கிடைக்கலாம். இலங்கை, இந்தியா போன்ற கண்ணறைச் சட்ட அமைப்புடைய நாடுகளில் பெண்கள் நிலை கஷ்டம் தான்.

Link to comment
Share on other sites
  • கருத்துக்கள உறவுகள்
ஏராளன் Grand Master

ஏராளன்

Posted
  • தொடங்கியவர்
  • கருத்துக்கள உறவுகள்
Posted
4 minutes ago, Justin said:

அத்தகைய குடும்பங்களில் வாழும் பெண்கள் நிலை பரிதாபம் தான் - அவர்கள் தீர்வுகளைத் தேட வேண்டும். பிரிந்து போதல் தீர்வுகளில் ஒன்று. ஆனால், கொலை செய்து விட்டு தாங்கள் போய் சிறையில் மிகுதி வாழ்வைக் கழித்தல் என்பது நல்ல தீர்வாகத் தெரியவில்லை.

சட்டப் பாதுகாப்புகள் உடைய நாடுகளில் battered wife defense மூலம் நிவாரணம் கிடைக்கலாம். இலங்கை, இந்தியா போன்ற கண்ணறைச் சட்ட அமைப்புடைய நாடுகளில் பெண்கள் நிலை கஷ்டம் தான்.

கொலை செய்யச் சொல்லவில்லை, அக்கட்டுரைக் குறிப்பின்படி நாயகன்/கணவன் நோய்வாய்ப்பட்டிருக்கையில் மனைவி ஆஸ்பத்திரி சென்று பார்க்கவில்லை. ஆனால் சாகும் தறுவாயில் இருந்து மீண்டு வீடு சென்று ஏன் வரவில்லை என வினவியபோதே இப்பதில்:- பலமுறை கேட்கிறான். அவள் சொல்லவில்லை. பின்னர் நள்ளிரவில் அவனை எழுப்பி காரணத்தை சொல்கிறாள்: "நீ செத்து விடுவாயோ என எண்ணிய போது சட்டென ஒரு பயம் ஏற்பட்டது. அப்படியே நின்றுவிட்டேன். மிக சுதந்திரமாக நான் இருக்கப் போவதான எண்ணத்தில் உறைந்து போய் விட்டேன். தாள முடியாத சந்தோஷம். அதனாலே வர முடியவில்லை." அவன் அதிர்ச்சியில் குழம்பிப் போகிறான்.

Link to comment
Share on other sites
  • கருத்துக்கள உறவுகள்
goshan_che Grand Master

goshan_che

Posted
  • கருத்துக்கள உறவுகள்
Posted

எல்லா சிறைகளின் கம்பிகளையும் நாமேதான் அமைத்து கொள்கிறோம்.

ஒருவனுக்கு ஒருத்தியாக இருக்கும் தம்பதிகள் மிக சுந்திரமாகவும், மேலே ஜஸ்டின் அண்ணா சொன்ன Open relationship இல் இருப்பவர்கள் மிக இறுக்கமான உறவிலும் இருப்பதும் உண்டு.

இதை எந்தளவுக்கு பொதுமை படுத்தலாம் என்பது தெரியவில்லை.

உடல், மன வன்முறை வேறு, அதை தாண்டி

சலிப்பு, நானே எல்லாவற்றையும் செய்கிறேன், எதோ ஒருவகையில் சிறைப்பட்டதான உணர்வு இவை ஒவ்வொருவருக்கும் ஒவ்வொரு விதமாக இருக்கும். சிலரிடம் இருப்பதே இல்லை போல் இருக்கும்.

ஆனால் ஒன்று,

சில ஆண்களிடம் பழகும், பேசும், வாசிக்கும் போது - இவர்கள் போன்ற ஒருவரிடம் என் வீட்டு பிள்ளைகள் மாட்ட கூடாது என நினைப்பேன்.

அந்தவகையில் ஆண்களின் மமதை பல பெண்களை மூச்சு முட்ட வைப்பது - ஓரளவு பொதுமையான விடயம் என்றே படுகிறது.

 

Link to comment
Share on other sites
  • கருத்துக்கள உறவுகள்
Justin Grand Master

Justin

Posted
  • கருத்துக்கள உறவுகள்
Posted
1 minute ago, ஏராளன் said:

கொலை செய்யச் சொல்லவில்லை, அக்கட்டுரைக் குறிப்பின்படி நாயகன்/கணவன் நோய்வாய்ப்பட்டிருக்கையில் மனைவி ஆஸ்பத்திரி சென்று பார்க்கவில்லை. ஆனால் சாகும் தறுவாயில் இருந்து மீண்டு வீடு சென்று ஏன் வரவில்லை என வினவியபோதே இப்பதில்:- பலமுறை கேட்கிறான். அவள் சொல்லவில்லை. பின்னர் நள்ளிரவில் அவனை எழுப்பி காரணத்தை சொல்கிறாள்: "நீ செத்து விடுவாயோ என எண்ணிய போது சட்டென ஒரு பயம் ஏற்பட்டது. அப்படியே நின்றுவிட்டேன். மிக சுதந்திரமாக நான் இருக்கப் போவதான எண்ணத்தில் உறைந்து போய் விட்டேன். தாள முடியாத சந்தோஷம். அதனாலே வர முடியவில்லை." அவன் அதிர்ச்சியில் குழம்பிப் போகிறான்.

இந்த உணர்வினுடைய தோற்றுவாய்  ஆணாதிக்கத்தின் கீழ் வாழ்வது என நினைக்கிறேன். எல்லா திருமண அல்லது இணைந்து வாழும் வாழ்க்கையிலும் இத்தகைய நிலை ஒரு கட்டத்தில் வரலாம். இந்த உணர்வைச் செயலாக்குவதா இல்லையா என்பதை, அந்த உறவில் இருக்கும் வேறு காரணிகள் தீர்மானிக்கும். உதாரணமாக,

1. குழந்தைகள் இருக்கின்றனவா?
2. இணையின் நாளாந்த வாழ்க்கைக்கு என் இருப்பு அவசியமாக தேவையா?
3. சேர்ந்து வாங்கிய வீட்டுக் கடன் இருவரையும் மூழ்கடிக்குமா? குழந்தைகளைத் தெருவில் விடுமா?

என்னுடைய தனிப்பட்ட கருத்து, ஒரு வயதுக்கு மேல் உங்கள் வாழ்க்கையின் pivot point மற்றவர்களாக (அனேகமாக குழந்தைகளாக) இருக்கும். அதை முன்வைத்தே இந்த உணர்வுகள் செயல் வடிவமாகுமா இல்லையா என்பது தீர்மானிக்கப் படும்.

  • Like 1
Link to comment
Share on other sites
  • கருத்துக்கள உறவுகள்
பாலபத்ர ஓணாண்டி Veteran

பாலபத்ர ஓணாண்டி

Posted
  • கருத்துக்கள உறவுகள்
Posted

பெண்ணாதிக்கம் நிறைந்த குடும்பங்களில் வாழும் ஆண்களின் நிலை பற்றி ஏன் யாரும் அலசுவதில்லை..?

Link to comment
Share on other sites
  • கருத்துக்கள உறவுகள்
nedukkalapoovan Grand Master

nedukkalapoovan

Posted
  • கருத்துக்கள உறவுகள்
Posted
1 minute ago, பாலபத்ர ஓணாண்டி said:

பெண்ணாதிக்கம் நிறைந்த குடும்பங்களில் வாழும் ஆண்களின் நிலை பற்றி ஏன் யாரும் அலசுவதில்லை..?

இப்படி எல்லாம் அலசப்படனும் என்று யாழ் கூர்ப்படையாத காலத்தில் கருத்து வைத்த பொழுது.. நெடுஸ் என்பவர் பெண்களுக்கு எதிரானவர்.. பெண்களை வெறுப்பவர்.. இப்படி பல அவதூறுகளை எழுதியோர் இப்பவும் இருக்கினம். ஆனால்.. அன்றே ஆணாதிக்கம் போல் பெண்ணாதிக்கம் ஆண்களுக்கு எதிரான வன்முறைகளும் பெருகி வருகிறது.. ஆண்களின் கல்வித்தரம் தொடர் வீழ்ச்சி அடைகிறது அதனை வேடிக்கை பார்க்கக் கூடாது.. அது ஒட்டுமொத்த மனித இனத்துக்கும் பாதிப்பாகும் என்று எச்சரித்ததும் நாங்களே. 

பெண்ணியம் என்ற கருத்து ஊன்றப்பட்ட போது ஆணியம் என்ற பதத்தை கொண்டு வந்து போட்டதும் நாங்களே. அதற்காக பெண்களை சக மனிதர்களாக பார்க்கக் கூடாதோ அவர்களுக்குள்ள உரிமைகளை மதிக்கக் கூடாதோ என்று எங்கும் கூறியதில்லை. ஆணுக்குப் பெண் சமூக ரீதியில் சமன் (உடலியல் ரீதியில் சமனல்ல) என்றால்.. ஆண்களுக்கு எதிரான பெண் குற்றவாளிகள் அவர்களின் வன்முறைகள் குறித்தும் பேசனும் அறிவூட்டனும் அவற்றை கட்டுப்படுத்த குரல்கொடுக்கனும் என்பதே வாதம். எப்படி ஆண்களின் பெண்களுக்கு எதிரான செயல்களுக்கு குரல் எழுப்பப்படுகிறதோ அப்படி.

இப்பவும் பெண்களுக்கு எதிரான வன்முறைகளுக்கு அளிக்கப்படும் முக்கியத்துவம் ஆண்களுக்கு எதிரான பெண்களின் வன்முறைகளுக்கு அளிக்கப்படுவதில்லை. அவற்றில் இருந்து சட்டப்பாதுகாப்புக் கூட ஆண்களுக்கு கிடைப்பதில்லை. இதனை பாதிக்கப்பட்ட ஆணாக இருந்து சொல்லனுன்ன அவசியமில்லை. மாறாக சமூகத்தின் மாற்றங்களை அவதானிப்பதில் இருந்து சொல்ல முடியும். சட்டப்பாதுகாப்பற்ற நிலையில்.. ஆண்களுக்கான மனிதன் என்ற அடிப்படை உரிமைகள் பெண்களால் பறிக்கப்படுவது அல்லது மதிக்கப்படாமல் போவது தொடரும். 

  • Like 1
Link to comment
Share on other sites
  • கருத்துக்கள உறவுகள்
பாலபத்ர ஓணாண்டி Veteran

பாலபத்ர ஓணாண்டி

Posted
  • கருத்துக்கள உறவுகள்
Posted
Just now, nedukkalapoovan said:

இப்படி எல்லாம் அலசப்படனும் என்று யாழ் கூர்ப்படையாத காலத்தில் கருத்து வைத்த பொழுது.. நெடுஸ் என்பவர் பெண்களுக்கு எதிரானவர்.. பெண்களை வெறுப்பவர்.. இப்படி பல அவதூறுகளை எழுதியோர் இப்பவும் இருக்கினம். ஆனால்.. அன்றே ஆணாதிக்கம் போல் பெண்ணாதிக்கம் ஆண்களுக்கு எதிரான வன்முறைகளும் பெருகி வருகிறது.. ஆண்களின் கல்வித்தரம் தொடர் வீழ்ச்சி அடைகிறது அதனை வேடிக்கை பார்க்கக் கூடாது.. அது ஒட்டுமொத்த மனித இனத்துக்கும் பாதிப்பாகும் என்று எச்சரித்ததும் நாங்களே. 

பெண்ணியம் என்ற கருத்து ஊன்றப்பட்ட போது ஆணியம் என்ற பதத்தை கொண்டு வந்து போட்டதும் நாங்களே. அதற்காக பெண்களை சக மனிதர்களாக பார்க்கக் கூடாதோ அவர்களுக்குள்ள உரிமைகளை மதிக்கக் கூடாதோ என்று எங்கும் கூறியதில்லை. ஆணுக்குப் பெண் சமூக ரீதியில் சமன் (உடலியல் ரீதியில் சமனல்ல) என்றால்.. ஆண்களுக்கு எதிரான பெண் குற்றவாளிகள் அவர்களின் வன்முறைகள் குறித்தும் பேசனும் அறிவூட்டனும் அவற்றை கட்டுப்படுத்த குரல்கொடுக்கனும் என்பதே வாதம். எப்படி ஆண்களின் பெண்களுக்கு எதிரான செயல்களுக்கு குரல் எழுப்பப்படுகிறதோ அப்படி.

இப்பவும் பெண்களுக்கு எதிரான வன்முறைகளுக்கு அளிக்கப்படும் முக்கியத்துவம் ஆண்களுக்கு எதிரான பெண்களின் வன்முறைகளுக்கு அளிக்கப்படுவதில்லை. அவற்றில் இருந்து சட்டப்பாதுகாப்புக் கூட ஆண்களுக்கு கிடைப்பதில்லை. இதனை பாதிக்கப்பட்ட ஆணாக இருந்து சொல்லனுன்ன அவசியமில்லை. மாறாக சமூகத்தின் மாற்றங்களை அவதானிப்பதில் இருந்து சொல்ல முடியும். சட்டப்பாதுகாப்பற்ற நிலையில்.. ஆண்களுக்கான மனிதன் என்ற அடிப்படை உரிமைகள் பெண்களால் பறிக்கப்படுவது அல்லது மதிக்கப்படாமல் போவது தொடரும். 

உண்மை.. பொய்யான மீ ரூக்களால் பாதிக்கப்பட்டு சமூகத்தால் ஒதுக்கி வைக்கப்படும் ஆண்கள் பட்டியல் வேறு இப்போ புதுசாக…

Link to comment
Share on other sites
  • கருத்துக்கள உறவுகள்
Justin Grand Master

Justin

Posted
  • கருத்துக்கள உறவுகள்
Posted
28 minutes ago, பாலபத்ர ஓணாண்டி said:

பெண்ணாதிக்கம் நிறைந்த குடும்பங்களில் வாழும் ஆண்களின் நிலை பற்றி ஏன் யாரும் அலசுவதில்லை..?

அட்ஜஸ்ட் செய்து வாழ வேண்டியது தானே ஓணாண்டியார்? பெரும்பாலான பெண்கள் அப்படி வாழும் போது ஆண்களும் செய்ய வேண்டியது தானே? 😂

Link to comment
Share on other sites
  • கருத்துக்கள உறவுகள்
ஏராளன் Grand Master

ஏராளன்

Posted
  • தொடங்கியவர்
  • கருத்துக்கள உறவுகள்
Posted
24 minutes ago, பாலபத்ர ஓணாண்டி said:

பெண்ணாதிக்கம் நிறைந்த குடும்பங்களில் வாழும் ஆண்களின் நிலை பற்றி ஏன் யாரும் அலசுவதில்லை..?

 

16 minutes ago, nedukkalapoovan said:

இப்படி எல்லாம் அலசப்படனும் என்று யாழ் கூர்ப்படையாத காலத்தில் கருத்து வைத்த பொழுது.. நெடுஸ் என்பவர் பெண்களுக்கு எதிரானவர்.. பெண்களை வெறுப்பவர்.. இப்படி பல அவதூறுகளை எழுதியோர் இப்பவும் இருக்கினம். ஆனால்.. அன்றே ஆணாதிக்கம் போல் பெண்ணாதிக்கம் ஆண்களுக்கு எதிரான வன்முறைகளும் பெருகி வருகிறது.. ஆண்களின் கல்வித்தரம் தொடர் வீழ்ச்சி அடைகிறது அதனை வேடிக்கை பார்க்கக் கூடாது.. அது ஒட்டுமொத்த மனித இனத்துக்கும் பாதிப்பாகும் என்று எச்சரித்ததும் நாங்களே. 

பெண்ணியம் என்ற கருத்து ஊன்றப்பட்ட போது ஆணியம் என்ற பதத்தை கொண்டு வந்து போட்டதும் நாங்களே. அதற்காக பெண்களை சக மனிதர்களாக பார்க்கக் கூடாதோ அவர்களுக்குள்ள உரிமைகளை மதிக்கக் கூடாதோ என்று எங்கும் கூறியதில்லை. ஆணுக்குப் பெண் சமூக ரீதியில் சமன் (உடலியல் ரீதியில் சமனல்ல) என்றால்.. ஆண்களுக்கு எதிரான பெண் குற்றவாளிகள் அவர்களின் வன்முறைகள் குறித்தும் பேசனும் அறிவூட்டனும் அவற்றை கட்டுப்படுத்த குரல்கொடுக்கனும் என்பதே வாதம். எப்படி ஆண்களின் பெண்களுக்கு எதிரான செயல்களுக்கு குரல் எழுப்பப்படுகிறதோ அப்படி.

இப்பவும் பெண்களுக்கு எதிரான வன்முறைகளுக்கு அளிக்கப்படும் முக்கியத்துவம் ஆண்களுக்கு எதிரான பெண்களின் வன்முறைகளுக்கு அளிக்கப்படுவதில்லை. அவற்றில் இருந்து சட்டப்பாதுகாப்புக் கூட ஆண்களுக்கு கிடைப்பதில்லை. இதனை பாதிக்கப்பட்ட ஆணாக இருந்து சொல்லனுன்ன அவசியமில்லை. மாறாக சமூகத்தின் மாற்றங்களை அவதானிப்பதில் இருந்து சொல்ல முடியும். சட்டப்பாதுகாப்பற்ற நிலையில்.. ஆண்களுக்கான மனிதன் என்ற அடிப்படை உரிமைகள் பெண்களால் பறிக்கப்படுவது அல்லது மதிக்கப்படாமல் போவது தொடரும். 

 

14 minutes ago, பாலபத்ர ஓணாண்டி said:

உண்மை.. பொய்யான மீ ரூக்களால் பாதிக்கப்பட்டு சமூகத்தால் ஒதுக்கி வைக்கப்படும் ஆண்கள் பட்டியல் வேறு இப்போ புதுசாக…

உங்கள் கருத்துக்களில் உண்மையுண்டு, ஆனால் ஓப்பீட்டளவிலான பாதிப்பு பெண்களுக்குத் தானே?
 
"அவர் அமைதியாக வாழ முடியாத அளவுக்கு அவரின் பழைய நினைவுகள் அனைத்தும் பாடாய்ப் படுத்துகின்றது என்பதனை உணர முடிகின்றது.  
 
வெளியுலகம் என்பது என்றால் என்னவென்றே தெரியாது தன் வாழ்க்கையை முடித்து விட்டோம் என்ற ஆதங்கம் உள்ளே இருக்குமோ? என்று பலமுறை யோசித்துள்ளேன்.  
 
அங்கீகாரம் என்பது அவர் வாழ்க்கையில் கிடைத்ததே இல்லை.  
 
காரணம் அப்பா, சித்தப்பாக்கள், தாத்தா,  என்று அனைவரும் முரட்டுத்தனமான ஆணாதிக்க வல்லூறுகள்.  
 
கொத்திக் கொண்டேயிருப்பது தான் தங்களின் வீரத்தின் அடையாளம் என்பதாகக் கருதியவர்கள்.  எந்த ஆண்களும் இப்போது இல்லை. அனைவரும் இறந்த விட்டனர்.  ஆனால் அம்மாவின் கோபம் இன்னமும் அடங்கவில்லை. 
 
ஒவ்வொருவரும் தன்னை நடத்திய விதத்தை உள்ளே வைத்துக் கொண்டிருந்தவருக்கு இப்போது தான் அதன் நினைவலைகள் அனைத்தும் ஒன்றன் பின் ஒன்றாக வெளியே வந்து கொண்டு இருக்கின்றது என்று மூத்த சகோதரி அழைத்துச் சொன்னார்.
 
மனைவி மகள்களை நான் திட்டுவதே இல்லை.  என் கோபத்தை என் புறக்கணிப்பு மூலம் அவர்களை உணரவைக்கின்றேன். 
 
காரணம் அப்பாவைப் போல நானும் என் மனைவிக்கு முன்னால் இறக்க விரும்புகின்றேன். நான் இறந்த பிறகு என் மனைவி என் அம்மா போலக் கொந்தளிப்பான மனநிலையில் வாழ்ந்து விடக்கூடாது என்பதில் உறுதியாக இருக்கின்றேன்."
மேலுள்ள இணைப்பில் இருந்து பகிர்ந்த பகுதி தடித்த எழுத்தில் உள்ளது.
Link to comment
Share on other sites
  • கருத்துக்கள உறவுகள்
விசுகு Grand Master

விசுகு

Posted
  • கருத்துக்கள உறவுகள்
Posted
11 minutes ago, ஏராளன் said:

கொலை செய்யச் சொல்லவில்லை, அக்கட்டுரைக் குறிப்பின்படி நாயகன்/கணவன் நோய்வாய்ப்பட்டிருக்கையில் மனைவி ஆஸ்பத்திரி சென்று பார்க்கவில்லை. ஆனால் சாகும் தறுவாயில் இருந்து மீண்டு வீடு சென்று ஏன் வரவில்லை என வினவியபோதே இப்பதில்:- பலமுறை கேட்கிறான். அவள் சொல்லவில்லை. பின்னர் நள்ளிரவில் அவனை எழுப்பி காரணத்தை சொல்கிறாள்: "நீ செத்து விடுவாயோ என எண்ணிய போது சட்டென ஒரு பயம் ஏற்பட்டது. அப்படியே நின்றுவிட்டேன். மிக சுதந்திரமாக நான் இருக்கப் போவதான எண்ணத்தில் உறைந்து போய் விட்டேன். தாள முடியாத சந்தோஷம். அதனாலே வர முடியவில்லை." அவன் அதிர்ச்சியில் குழம்பிப் போகிறான்.

 

இவ்வாறான ஒரு நிகழ்வு எனது  வாழ்வில்  நடந்தது

முதல்  நாள் ஒருவரின் கணவர் இறந்து  விட்டார் (அவர் எனது  நெருங்கிய  நண்பர்)

அடுத்த நாள் காலையில் அவரது மனைவியை (அவர் எனக்கு  மருமகள் முறை) 

எனது  காரில் ஏற்றிக்கொண்டு

அவரை வைத்திருக்கும் வைத்திருக்கும் வைத்தியசாலையின் பிணவறைக்கு  சென்று  கொண்டிருக்கின்றேன்

அப்பொழுது  எனது மருமகளிடம்  கேட்கின்றேன்

எப்படியம்மா  இருக்கிறாய்  என்று

அவரது பதில்

இன்று  இரவு  தான் மாமா நிம்மதியாக  நித்திரை  கொண்டேன் என்பது...😭

எனக்கு உடல்  முழுவதும் விறைத்து  விட்டது

  • Sad 1
Link to comment
Share on other sites
  • கருத்துக்கள உறவுகள்
island Mentor

island

Posted
  • கருத்துக்கள உறவுகள்
Posted
3 hours ago, விசுகு said:

 

இவ்வாறான ஒரு நிகழ்வு எனது  வாழ்வில்  நடந்தது

முதல்  நாள் ஒருவரின் கணவர் இறந்து  விட்டார் (அவர் எனது  நெருங்கிய  நண்பர்)

அடுத்த நாள் காலையில் அவரது மனைவியை (அவர் எனக்கு  மருமகள் முறை) 

எனது  காரில் ஏற்றிக்கொண்டு

அவரை வைத்திருக்கும் வைத்திருக்கும் வைத்தியசாலையின் பிணவறைக்கு  சென்று  கொண்டிருக்கின்றேன்

அப்பொழுது  எனது மருமகளிடம்  கேட்கின்றேன்

எப்படியம்மா  இருக்கிறாய்  என்று

அவரது பதில்

இன்று  இரவு  தான் மாமா நிம்மதியாக  நித்திரை  கொண்டேன் என்பது...😭

எனக்கு உடல்  முழுவதும் விறைத்து  விட்டது

சகோதரா, உங்கள் மருமகளின் நிலையில் உள்ள பலவற்றை கேள்விப்பட்டிருக்கிறேன். சமுதாய கட்டுப்படாடுகளுக்கு பயந்து ஒன்றாக வாழ்வதே திருமணத்தின் புனிதம் என்பதற்காக தமது வாழ்க்கையைத் தொலைத்த பல உறவுகள் பற்றி அறிந்துள்ளேன். 

  • Like 1
Link to comment
Share on other sites
  • கருத்துக்கள உறவுகள்
goshan_che Grand Master

goshan_che

Posted
  • கருத்துக்கள உறவுகள்
Posted
8 hours ago, பாலபத்ர ஓணாண்டி said:

பெண்ணாதிக்கம் நிறைந்த குடும்பங்களில் வாழும் ஆண்களின் நிலை பற்றி ஏன் யாரும் அலசுவதில்லை..?

ஒருவர்: இலங்கையில் தமிழர் மீதான ஆண்டாண்டு கால இனவாதத்தை அலசவேண்டும்.

இன்னொருவர்: வெள்ளவத்தையில் சோமவன்ச மீது சோமசேகரம் இனவாதமாக நடந்ததை ஏன் யாரும் அலசுவதில்லை?

மற்றொருவர் : இதை நான் முன்பே எழுதி உள்ளேன். தமிழர் மீதான இனவாதத்துக்கு நிகரானதே சிங்களவர் மீதான இனவாதமும். இரெண்டும் ஒரே அளவிலானவையே. இரெண்டையும் தீர்க்க வேண்டும்.

Link to comment
Share on other sites
  • கருத்துக்கள உறவுகள்
பாலபத்ர ஓணாண்டி Veteran

பாலபத்ர ஓணாண்டி

Posted
  • கருத்துக்கள உறவுகள்
Posted
5 hours ago, goshan_che said:

ஒருவர்: இலங்கையில் தமிழர் மீதான ஆண்டாண்டு கால இனவாதத்தை அலசவேண்டும்.

இன்னொருவர்: வெள்ளவத்தையில் சோமவன்ச மீது சோமசேகரம் இனவாதமாக நடந்ததை ஏன் யாரும் அலசுவதில்லை?

மற்றொருவர் : இதை நான் முன்பே எழுதி உள்ளேன். தமிழர் மீதான இனவாதத்துக்கு நிகரானதே சிங்களவர் மீதான இனவாதமும். இரெண்டும் ஒரே அளவிலானவையே. இரெண்டையும் தீர்க்க வேண்டும்.

புலிகள் மற்றும் அதன் ஆதரவாளர்கள் அழிக்கப்பட்டதை விட மாற்று இயக்கத்தினர் மற்றும் ஆதரவாளர்கள் அழிக்கப்பட்டது மிகக்குறைவே.. ஆயினும் மாற்று இயக்கத்தினர் தங்கள் இழப்பை பேசவே கூடாது என்பது போன்றதுதான் தங்கள் நிலைப்பாடும் யுவர் ஆனர்..

Link to comment
Share on other sites
  • கருத்துக்கள உறவுகள்
பெருமாள் Grand Master

பெருமாள்

Posted
  • கருத்துக்கள உறவுகள்
Posted
19 hours ago, ஏராளன் said:

கொலை செய்யச் சொல்லவில்லை, அக்கட்டுரைக் குறிப்பின்படி நாயகன்/கணவன் நோய்வாய்ப்பட்டிருக்கையில் மனைவி ஆஸ்பத்திரி சென்று பார்க்கவில்லை. ஆனால் சாகும் தறுவாயில் இருந்து மீண்டு வீடு சென்று ஏன் வரவில்லை என வினவியபோதே இப்பதில்:- பலமுறை கேட்கிறான். அவள் சொல்லவில்லை. பின்னர் நள்ளிரவில் அவனை எழுப்பி காரணத்தை சொல்கிறாள்: "நீ செத்து விடுவாயோ என எண்ணிய போது சட்டென ஒரு பயம் ஏற்பட்டது. அப்படியே நின்றுவிட்டேன். மிக சுதந்திரமாக நான் இருக்கப் போவதான எண்ணத்தில் உறைந்து போய் விட்டேன். தாள முடியாத சந்தோஷம். அதனாலே வர முடியவில்லை." அவன் அதிர்ச்சியில் குழம்பிப் போகிறான்.

இங்கு எத்தனைபேர் காலை தேநீருக்கும் கோப்பிக்கும் மனைவியை எதிர்பார்ப்பவர்கள் ?

பிள்ளைகளுக்கான காலை உணவு கிழமையில் மூன்று நாலாவது அவர்கள் பிடித்த உணவை மனைவியை செய்ய விடாமேல்  தாங்கள்  ஆக செய்வது ?

கிழமையில் இரண்டு நாலாவது முழுமையாக சமையலறையை உங்களின் கட்டுப்பாட்டில் வந்து எத்தனை வருடங்கள் ஆகின்றன ?

ஒவ்வொரு வீக்கெண் பொழுதுகளிலும் நண்பர்களுடன் ரெஸ்ரோறன்ட் சென்று  கும்மியடிப்பவர்களால்  ஏன் தங்கள் மனைவிகளை கூட்டி செல்ல முடிவதில்லை ?

வீட்டின் கூவர்  எங்குள்ளது என்று மனைவியை தவிர மற்றவர்களுக்கு தெரிவதில்லை .

விலை கூடிய சாப்பாட்டு  மேசை  அதில் குடும்பமாக இருந்து கதைத்து உணவு உண்டு எவ்வளவு காலம் ? தினமும் குடும்பம் அங்கு சந்தித்து உணவு உண்ணவே அவ்வளவு விலை கொடுத்து மேசை வேண்டியதாக சொல்பவர்கலால் நடைமுறை படுத்த முடிவதில்லை .

இன்னும் மோசமான செயல்பாடு சாப்பிட தொடங்கினா முன்னாள் இருக்கும் சொதியை விட பக்கத்தில் மனைவி இருக்கணும் எனும் அளவுக்கு நிலைமை .

16 hours ago, விசுகு said:

எப்படியம்மா  இருக்கிறாய்  என்று

அவரது பதில்

இன்று  இரவு  தான் மாமா நிம்மதியாக  நித்திரை  கொண்டேன் என்பது...😭

எனக்கு உடல்  முழுவதும் விறைத்து  விட்டது

மேல்  உள்ளது போல் இருந்தால் உங்களுக்கு வழங்கப்பட்ட பதில் போல் இனி நிறைய வரும் .

  • Thanks 1
  • Sad 1
Link to comment
Share on other sites
  • கருத்துக்கள உறவுகள்
goshan_che Grand Master

goshan_che

Posted
  • கருத்துக்கள உறவுகள்
Posted
5 hours ago, பாலபத்ர ஓணாண்டி said:

புலிகள் மற்றும் அதன் ஆதரவாளர்கள் அழிக்கப்பட்டதை விட மாற்று இயக்கத்தினர் மற்றும் ஆதரவாளர்கள் அழிக்கப்பட்டது மிகக்குறைவே.. ஆயினும் மாற்று இயக்கத்தினர் தங்கள் இழப்பை பேசவே கூடாது என்பது போன்றதுதான் தங்கள் நிலைப்பாடும் யுவர் ஆனர்..

பேசலாம் யுவர் ஆனர் - ஆனால் எல்லாத்துக்கும் ஒரு வரலாற்று பின் புலம், நடக்கும் எண்ணிக்கை இருக்கும். அதை விட்டு விட்டு மேலோட்டமான ஒற்றுமைகளை மட்டும் வைத்து இரெண்டும் ஒன்றென சொல்ல கூடாது.

பெண்கள் மீதான அடக்குமுறை என்பது மனித குல வரலாற்றின் கருக்கலில் இருந்து வருகிறது. நிறுவன மயப்பட்டது. அதை பெண்களால் வஞ்சிக்கபடும் ஆண்களோடு ஒப்பிடவே முடியாது.

அதாவது - புலிகள் மாற்று இயக்கத்தை அடித்ததும், இலங்கை தமிழரை அடித்ததும் ஒன்றே என வாதாட முடியாது.

1 hour ago, பெருமாள் said:

இங்கு எத்தனைபேர் காலை தேநீருக்கும் கோப்பிக்கும் மனைவியை எதிர்பார்ப்பவர்கள் ?

பிள்ளைகளுக்கான காலை உணவு கிழமையில் மூன்று நாலாவது அவர்கள் பிடித்த உணவை மனைவியை செய்ய விடாமேல்  தாங்கள்  ஆக செய்வது ?

கிழமையில் இரண்டு நாலாவது முழுமையாக சமையலறையை உங்களின் கட்டுப்பாட்டில் வந்து எத்தனை வருடங்கள் ஆகின்றன ?

ஒவ்வொரு வீக்கெண் பொழுதுகளிலும் நண்பர்களுடன் ரெஸ்ரோறன்ட் சென்று  கும்மியடிப்பவர்களால்  ஏன் தங்கள் மனைவிகளை கூட்டி செல்ல முடிவதில்லை ?

வீட்டின் கூவர்  எங்குள்ளது என்று மனைவியை தவிர மற்றவர்களுக்கு தெரிவதில்லை .

விலை கூடிய சாப்பாட்டு  மேசை  அதில் குடும்பமாக இருந்து கதைத்து உணவு உண்டு எவ்வளவு காலம் ? தினமும் குடும்பம் அங்கு சந்தித்து உணவு உண்ணவே அவ்வளவு விலை கொடுத்து மேசை வேண்டியதாக சொல்பவர்கலால் நடைமுறை படுத்த முடிவதில்லை .

இன்னும் மோசமான செயல்பாடு சாப்பிட தொடங்கினா முன்னாள் இருக்கும் சொதியை விட பக்கத்தில் மனைவி இருக்கணும் எனும் அளவுக்கு நிலைமை .

மேல்  உள்ளது போல் இருந்தால் உங்களுக்கு வழங்கப்பட்ட பதில் போல் இனி நிறைய வரும் .

👏🏾 சபாஷ் அற்புதமான கருத்துகள். 

Link to comment
Share on other sites
  • கருத்துக்கள உறவுகள்
பெருமாள் Grand Master

பெருமாள்

Posted
  • கருத்துக்கள உறவுகள்
Posted
1 hour ago, goshan_che said:

 

👏🏾 சபாஷ் அற்புதமான கருத்துகள். 

ஊர் ஒழுங்காகத்தான் இருந்தது 80களில்  இந்தியாவுக்கு நம்மடையல்  பல்வேறு காரணங்களால போக அங்குள்ள  கல்யாண வாழ் வியல் சோம்பேறித்தனமான புருஷ லட்சணத்தை படிப்பித்து விட்டு சென்று விட்டது ஆனால் அவர்கள் திருந்தி விட்டார்கள் நம்மடையல்  அங்கேயே தொங்கிக்கொண்டு உள்ளனர் .

இங்கும் சரியாகத்தான் போனது குடும்பம் தமிழ்நாட்டில் இருந்து லண்டன்  வந்து சேருமட்டும் கிழமையில் மூன்று நாள் நளபாகம் அப்படி இப்படி தனக்கான தேநீரை தானே போட்டுக்கொண்ட நண்பன் மனைவி வந்து சேர்ந்தபின் விடிகாலையில் மனைவியின்  தேநீருக்கு காத்து கொண்டு இருக்கிறார் . இப்படி மாறுவதுக்கு  பெண்களும் காரணம் என்பதை இலகுவில் மறந்து விடுகினம் .

Link to comment
Share on other sites
  • கருத்துக்கள உறவுகள்
தமிழ் சிறி Grand Master

தமிழ் சிறி

Posted
  • கருத்துக்கள உறவுகள்
Posted
3 hours ago, பெருமாள் said:

இங்கு எத்தனைபேர் காலை தேநீருக்கும் கோப்பிக்கும் மனைவியை எதிர்பார்ப்பவர்கள் ?

பிள்ளைகளுக்கான காலை உணவு கிழமையில் மூன்று நாலாவது அவர்கள் பிடித்த உணவை மனைவியை செய்ய விடாமேல்  தாங்கள்  ஆக செய்வது ?

கிழமையில் இரண்டு நாலாவது முழுமையாக சமையலறையை உங்களின் கட்டுப்பாட்டில் வந்து எத்தனை வருடங்கள் ஆகின்றன ?

ஒவ்வொரு வீக்கெண் பொழுதுகளிலும் நண்பர்களுடன் ரெஸ்ரோறன்ட் சென்று  கும்மியடிப்பவர்களால்  ஏன் தங்கள் மனைவிகளை கூட்டி செல்ல முடிவதில்லை ?

வீட்டின் கூவர்  எங்குள்ளது என்று மனைவியை தவிர மற்றவர்களுக்கு தெரிவதில்லை .

விலை கூடிய சாப்பாட்டு  மேசை  அதில் குடும்பமாக இருந்து கதைத்து உணவு உண்டு எவ்வளவு காலம் ? தினமும் குடும்பம் அங்கு சந்தித்து உணவு உண்ணவே அவ்வளவு விலை கொடுத்து மேசை வேண்டியதாக சொல்பவர்கலால் நடைமுறை படுத்த முடிவதில்லை .

இன்னும் மோசமான செயல்பாடு சாப்பிட தொடங்கினா முன்னாள் இருக்கும் சொதியை விட பக்கத்தில் மனைவி இருக்கணும் எனும் அளவுக்கு நிலைமை .

சிந்திக்க வைக்கும்... அருமையான கருத்துக்கள் பெருமாள். 👍🙂

Link to comment
Share on other sites
  • கருத்துக்கள உறவுகள்
vasee Veteran

vasee

Posted
  • கருத்துக்கள உறவுகள்
Posted

பெண்களுக்காக ஆண்களாக தமது புரிதலுக்கு ஏற்ப கொடுக்கப்படும் விளக்கங்களாக இந்த திரி உள்ளது, இதுவும் யானை பார்த்த பார்வையற்றவர்களின் கதை போல உள்ளது, கருத்துகளுக்கு நன்றி.

மேற்கில் ஒரு கதை உள்ளது, ஆர்தர் மன்னன் இளம்பிராயத்தில் ஒரு சிக்கலில் மாட்டிவிடுவார் ஒரு வருடத்திற்குள் ஒரு கேள்விக்கான பதிலை கண்டுபிடிக்கவேண்டும், தவறினால் உயிரினை துறக்கவேண்டும்.

கேள்வி: ஒரு பெண் உண்மையில் எதனை விரும்புகிறாள்?

இந்த கேள்விக்கு பதில் பலருக்கு தெரிந்திருக்கலாம் (கதையினை அறிந்ததனால்), இந்த கேள்வியினை முதல் முறையாக கேள்விப்படும் போது அவரவர் புரிதலுக்கு ஏற்ப வரும் பதில்கள் சுவாரசியமாக இருக்கும்.

இதனைதான் Perception என கூறுகிறார்கள், சரியோ தவறோ மற்றவர்களின் கருத்திற்கும், நம்பிக்கைகளுக்கும், உணர்வுகளிற்கும் மதிப்பு கொடுக்கவேண்டும்.

நம்வர்களிடம் உள்ள குறைபாடு பேச்சு சுதந்திரம் அது இது என கதைப்பார்கள், ஆனால் மற்றவர்களின் கருத்துகளின் கழுத்துகளை நெரிப்பார்கள், இருவர் பேசிக்கொண்டிருக்கும் போதெ இடையில் வந்து சம்பாசனையினை திசைதிருப்பிவிடுவார்கள், சம்பாசணையினை குழப்புவதற்காக குறைந்த பட்ச மன்னிப்பு கூட கேட்பதில்லை.

 

Link to comment
Share on other sites
 Share
Go to topic listing


  • Tell a friend

    Love கருத்துக்களம்? Tell a friend!

  • Topics

  • Posts

    • ஏராளன்
      அநுரா குமார திசாநாயக்க; இலங்கை வானில் 'இடதுசாரி' நட்சத்திரம்

      By ஏராளன் · Posted

      2024 ஜனாதிபதி தேர்தலில் வெற்றியின் வாசனையை அநுர எவ்வாறு முகர்ந்து பிடித்தார்? பாகம் 5 டி.பி.எஸ்.ஜெயராஜ் ஜனதா விமுக்தி பெரமுன (ஜே.வி.பி.) வுக்கும் அதன் தலைவர் அநுர குமார திசாநாயக்கவுக்கும் 2019 நவம்பர்  ஜனாதிபதி தேர்தலும்  2020 ஆகஸ்ட் பாராளுமன்ற தேர்தலும் பெரிய ஏமாற்றமாகப் போய்விட்டது. ஒரு தந்திரோபாய நகர்வாகவே ஜே.வி.பி. அந்த இரு தேர்தல்களிலும் திசைகாட்டி புதிய சின்னத்தின் கீழ் புதியதொரு அரசியல் முன்னணியின் அங்கமாக  போட்டியிட்டது.  அந்த கட்சி தேசிய மக்கள் சக்தி என்ற பரந்த  ஒரு  முன்னணியை அமைத்துக்கொண்டது. பெயரளவில்  சமத்துவமான அமைப்புக்கள் மத்தியில் முதலாவதாக தோன்றினாலும், நடைமுறையில் தேசிய மக்கள் சக்தியைக் கட்டுப்பாட்டில் வைத்திருக்கும் ஆதிக்கம் கொண்ட கட்சியாக அதுவே விளங்கியது. ஒரேயொரு எளிமையான காரணத்துக்காகவே ஜே.வி.பி. தேசிய மக்கள் சக்தி என்ற ஆடையை அணிந்துகொண்டது. தேர்தல் மூலம் அதிகாரத்தைக் கைப்பற்ற அது விரும்பியது. ஆயுதப் போராட்டத்தின் மூலம் இலங்கை அரசைத் தூக்கியெறிய ஜே.வி.பி. இரு தடவைகள் முயற்சித்தது. இரு முயற்சிகளும் தோல்வியடைந்தன. நூற்றுக் கணக்கான அர்ப்பணிப்புச் சிந்தையுடைய  செயற்பாட்டாளர்களை கொண்டிருந்த ஜே.வி.பி.யின் பொதுக் கூட்டங்களில் ஆயிரக்கணக்கில் மக்கள் கலந்துகொண்டாலும் கூட, குறிப்பிட்ட ஒரு  எல்லைக்கு அப்பால் தங்களால் வாக்குகளைப் பெறமுடியாமல் இருக்கிறது என்பதை செஞ்சட்டைத் தோழர்கள் கண்டுகொண்டார்கள். பாராளுமன்றத்தில் மூன்றாவது கட்சியாகவும் இலங்கை அரசியலில் நிலையான  மூன்றாவது சக்தியாகவும் இருக்கவேண்டியதே ஜே.வி.பி.யின் விதியாகிப் போய்விட்டது போன்று தோன்றியது. அதனால் ஜே.வி.பி. அதன் தலைமையிலான தேசிய மக்கள் சக்தி என்ற புதிய தோற்றத்தைக் காட்டிக்கொள்ள வேண்டிய தேவை ஏற்பட்டது. உள்ளடக்கம் ஒன்று தான் ஆனால் வடிவத்தில் அது வேறுபட்டதாக தோன்றும். தேசிய மக்கள் சக்தி என்ற தோற்றமாற்றம் இரு காரணங்களுக்காக ஜே.வி.பி.க்கு தேவைப்பட்டது. முதலாவதாக, கடந்த காலத்தில்  ஜே.வி.பி.யின் அட்டூழியங்களை அனுபவித்த பழைய தலைமுறையினர்  அவற்றை மறந்து புதிய தேசிய மக்கள் சக்தியாக மறுசீரமைப்புக்குள்ளாகிவிட்டதாக அவர்கள் நம்பிக்கை வைக்க வேண்டும் ஜே.வி.பி. விரும்பியது. இரண்டாவதாக, வன்முறைக் கடந்த காலத்தை மறந்து முற்போக்கான தேசிய மக்கள் சக்தியாக மாற்றம் பெற்றுவிட்டதை காட்டுவதன் மூலமாக இளந் தலைமுறையினரை கவருவதற்கு ஜே.வி.பி. விரும்பியது. புதிய மொந்தையில் பழைய கள்ளு ஜே.வி.பி. நம்பிக்கையுடன் செயற்பட்டபோதிலும், 2019 ஆம் ஆண்டிலும் 2020 ஆம் ஆண்டிலும் தேர்த்களில் மிகவும் குறைந்தளவு வாக்குகளையே தேசிய மக்கள் சக்தியினால் பெறக்கூடியதாக இருந்தது. பெயரளவில் புதிய தேசிய மக்கள் சக்தியாக தோன்றினாலும், அது பழைய ஜே.வி.பி.யே, அதாவது புதிய மொந்தையில் பழைய கள்ளு என்றே அதை மக்கள் நோக்கினார்கள் போன்று தோன்றியது. மேலும், புதிய அவதாரமான தேசிய மக்கள் சக்தியுடன் ஒப்பிடும்போது ஜே.வி.பி.யாக  கூடுதல் வாக்குகளை பெற்றிருந்ததை தேர்தல் முடிவுகள் வெளிக்காட்டின. உதாரணமாக, ஜே.வி.பி.யின் தாபகத்தலைவர் றோஹண விஜேவீர 1982 ஜனாதிபதி தேர்தலில் 273, 428 ( 4.18 சதவீதம் ) வாக்குகளைப் பெற்றார். அதேபோன்று நந்தன குணதிலக 1999 ஜனாதிபதி தேர்தலில் 344, 173 ( 4.08 சதவீதம் ) வாக்குகளை பெற்றார். இருவரும் அந்த தேர்தல்களில் மூன்றாவதாக வந்தனர். அநுர குமார திசாநாயக்க 2019 ஜனாதிபதி தேர்தலில் போட்டியிட்டபோது 418, 553 (3.16 சதவீதம் ) வாக்குகளைப் பெற்றார். விஜேவீரவையும் குணதிலகவையும் விட அநுர கூடுதலான வாக்குகளைப் பெற்றபோதிலும், சதவீதம் குறைவானதாகவே இருந்தது. பல வருடங்களாக இடம்பெற்ற சனத்தொகை அதிகரிப்பை அடிப்படையாகக் கொண்டு நோக்கும்போது மற்றைய இருவரையும் விட அநுரா கூடுதலான வாக்குகளைப் பெற்றதை விளங்கிக்கொள்ள முடியும். ஆனால் சதவீதம் தேசிய மக்கள் சக்தி என்ற வேடத்தில் ஜே.வீ.பி.க்கான மக்கள் ஆதரவில் ஒரு குறைவு ஏற்பட்டிருந்ததையே வெளிக்காட்டியது.  2020 பாராளுமன்ற தேர்தலில் அது மேலும் மோசமானதாக இருந்தது. தேசிய மக்கள் சக்தியினால் திசைகாட்டி சின்னத்தில் வெறுமனே 445,958 ( 3.84 சதவீதம் ) வாக்குகளை மாத்திரமே பெறக்கூடியதாக இருந்தது. இது 2015 ஆம் ஆண்டில் ஜே.வி.பி. பெற்ற 543,944 (4.87 சதவீதம்)  வாக்குகளையும் விட குறைவானதாக இருந்தது. பாராளுமன்ற உறுப்பினர்களின் எண்ணிக்கையும் அரைலாசியாகக் குறைந்தது. 2015 ஆம் ஆண்டில் ஜே.வி.பி.யின் நான்கு உறுப்பினர்கள் மக்களால் தெரிவு செய்யப்பட்ட அதேவேளை, தேசியப்பட்டியல் மூலம் இரு ஆசனங்கள் கிடைத்தன. மொத்தம் ஆறு உறுப்பினர்கள் பாராளூமன்றம் வந்தார்கள். 2020 ஆம் ஆண்டில் இருவர் மக்களால் தெரிவுசெய்யப்பட்ட அதேவேளை தேசியப்பட்டியல் மூலம் ஒரு ஆசனம் கிடைத்தது. கொழும்பு மாவட்டத்தில் போட்டியிட்ட அநுர 49,814 விருப்பு வாக்குகளை பெற்றார். 2015 ஆம் ஆண்டில் அநுரவுக்கு 65,066 விருப்பு வாக்குகள் கிடைத்த அதேவேளை, கம்பஹா மாவட்டத்தில் போட்டியிட்ட விஜித ஹேரத் 37, 008 விருப்பு வாக்குகளைப் பெற்றார். தேசியப் பட்டியல் ஆசனத்துக்கு ஹரிணி அமரசூரிய நியமிக்கப்பட்டார். அநுரவுக்கு எதிரான உணர்வு தேசிய மக்கள் சக்தியாக தேர்தல்களில் போட்டியிட்ட ஜே.வி.பி.யின் பரிசேதனை எதிர்பார்த்த பயனைத் தரவில்லை. என்னதான் தேர்தல் தந்திரோபாயங்களை வகுத்தாலும், ஜே.வி.பி.யினால் அதன் வாக்குப்பங்கை அதிகரிக்க முடியவில்லை என்று தோன்றியது. தேசிய மக்கள் சக்தியாக போட்டியிட்டதோ இல்லையோ ஜே.வி.பி.யினால் மூன்றாவது சக்தி என்ற அந்தஸ்தில் இருந்து மேம்பட முடியவில்லை என்று தோன்றியது. இந்த நிலைவரங்களின் விளைவாக ஜே.வி.பி. அணிகளுக்குள் அநுராவுக்கு எதிராக சிறிய ஒரு எதிர்ப்புணர்வு தோன்ற ஆரம்பித்தது. தேசிய மக்கள் சக்தி தந்திரோபாயம் ஒரு தோல்வி என்று பொதுச் செயலாளர் தலைமையிலான செல்வாக்குமிக்க ஜே.வி.பி முக்கியஸ்தர்கள் குழுவொன்று உணர்ந்ததாக தகவலறிந்த வட்டாரங்கள் மூலம் தெரியவந்தது. தேசிய மக்கள் சக்கதியுடன் பிணைந்திருக்காமல் ஜே வி.பி. அதன் முன்னைய அந்தஸ்துக்கு திரும்ப வேண்டும் அவர்கள் விரும்பினார்கள். தேசிய மக்கள் சக்தியை அமைக்கும் யோசனையை பெரும் எண்ணிக்கையானவர்கள் ஆதரித்த போதிலும், அந்த யோசனையின் உந்துசக்தியாக இருந்தவர் அநுரவே. அது ஜே.வி.பி.யின் ஒரு கூட்டுத் தீர்மானமாக இருந்தாலும், அதை  செயல் முறையில் வழிநடத்தி சாத்தியமாக்கியதற்கு அநுரவே பெரிதும் பொறுப்பாக இருந்தார். அதனால், தேசிய மக்கள் சக்தி மீதான விமர்சனங்கள் மறைமுகமாக அநுராவை நோக்கியவையாகவே இருந்தன. எதிர்ப்புக்கு மத்தியில் அநுரா பின்வாங்கவில்லை. தலைவர் என்ற வகையில் அதற்காக அவர் மெச்சப்பட வேண்டியவர். உட்கட்சி நெருக்குதலின் கீழ் தளர்ந்துபோவதற்கு பதிலாக  அவர் தனது நிலைப்பாட்டில் உறுதியாக நின்றார். தேசிய மக்கள் சக்தி அமைக்கப்பட்டு ஒருவருடமே கடந்திருக்கும் நிலையில், அந்த தந்திரோபாய மாற்றம் வெற்றியா தோல்வியா என்று தீர்ப்புக் கூறுவதற்கு மேலும் சில காலம் தேவை என்று அவர் சுட்டிக்காட்டினார். தேசிய மக்கள் சக்தியாக மேலும்  கொஞ்சக்காலம் தொடர்ந்து பயணிப்போம் என்று அவர் வலியுறுத்தினார். தேசிய மக்கள் சக்தி கோட்பாட்டை எதிர்காலத்தில் பெரிய அளவில் ஆதரித்து ஊக்கமளிக்க  வேண்டியிருக்கும்  என்றும் என்றும் அநுர கூறினார். அவரின் நிலைப்பாட்டுக்கே வெற்றி கிடைத்தது. தேசிய மக்கள் சக்தியாக தொடருவதற்கு ஜே.வி.பி. இறுதியில் தீர்மானித்தது. ஒரு எதிர்க்கட்சி என்ற கருத்துக் கோணத்தில் இருந்து பார்த்தபோது  அன்றைய நிலைவரம் மனச்சோர்வைத்  தருவதாகவே இருந்தது. மிகப்பெரிய பெரும்பான்மையுடன் கோட்டாபய ராஜபக்ச  ஜனாதிபதியாக தெரிவு செய்யப்பட்டிருந்தார். பாராளுமன்றத்தில் 146 ஆசனங்களை கைப்பற்றிய ஸ்ரீலங்கா பொதுஜன பெரமுன எதிர்க்கட்சிகளைச் சேர்ந்த பாராளுமன்ற உறுப்பினர்களை கட்சி மாறுவதற்கு தூண்டியதன் மூலமாக  மூன்றில் இரண்டு பெரும்பான்மையை பெற்றுக்கொண்டது. பாராளுமன்றத்தில் அரசியலமைப்புக்கான 20  வது திருத்தத்தை நிறைவேற்றிக்கொண்ட ராஜபக்சாக்கள் 19 வது அரசியலமைப்புத் திருத்தத்தில் இருந்த பல நேர்மறையான  அம்சங்களைை நீக்கினார்கள். ராஜபக்சாக்களும் அவர்களை அடிவருடிகளும் அட்டகாசமாக ஆட்சி செய்தார்கள். துடிப்பில்லாத எதிர்க்கட்சி  எதிர்க்கட்சி துடிப்பில்லாததாக இருந்ததால் ராஜபக்சாக்களுக்கு அது வசதியாகப் பே்ய்விட்டது. ரணில் விக்கிரமசிங்க தலைமையிலான ஐக்கிய தேசிய கட்சி 2020 பாராளுமன்ற தேர்தலில் துடைத்தெறியப்பட்டது. அதில் இருந்து பிரிந்து வந்தவர்கள் சஜித் பிரேமதாச தலைமையின் கீழ் ஐக்கிய மக்கள் சக்தியை ( சமகி ஜன பலவேகய)  அமைத்தார்கள். அதற்கு பாராளுமன்றத்தில் 54 ஆசனங்கள் கிடைத்தன. பிரேமதாச எதிர்க்கட்சி தலைவராக வந்தார். தமிழ், முஸ்லிம் கட்சிகள் அவற்றின் சமூகங்களை பாதித்த பிரச்சினைககளில் பிரதானமாக கவனத்தை செலுத்திய நிலையில் தேசிய கவனக்குவிப்பில் ஒரு வீழ்ச்சி காணப்பட்டது. சஜித் பிரேமதாச பாராளுமன்றத்தில் தன்னை முன்னிலைப்படுத்திக் கொண்டார். தனது கட்சியின் ஏனைய உறூப்பினர்களுக்கு போதுமான நேரத்தை ஒதுக்காமல் அனேகமாக சகல விடயங்களிலும் அவரே பேசினார். அவரது  உரைகளில் ஆழமோ தெளிவோ இருந்ததில்லை. தந்தையாரின் பேச்சுக்களில் இருந்து முற்றிலும்  வேறுபட்டதாக இருந்தது. ரணசிங்க ஆற்றல்மிக்க ஒரு பேச்சாளர். தனது சிந்தனைகளை சபையோருக்கு உறுதியான முறையில் தெளிவாகச் சொல்வார். மறுபுறத்தில், அளவு கடந்தை  சொல் அலங்காரத்துடனான சஜித் பிரேமதாசவின் பேச்சு கேட்போரை கவருவதில்லை. இத்தகைய சூழ்நிலையில், ஜே வி.பி./ தேசிய மககள் சக்தியின்  அநுர, ஹரினி, விஜித மூவரும் பாராளுமன்றத்தில் தங்களது திறமையை வெளிப்படுத்தினார்கள். குறிப்பாக அநுர குமார திசாநாயக்க  ஒரு எதிர்க்கட்சி பாராளுமன்ற உறுப்பினர் என்ற வகையில் சிறப்பாகச் செயற்பட்டு அரசாங்கத்தின் தவறுகளையும் குறைபாடுகளையும் அம்பலப்படுத்தினார். நடப்பில் சஜித் பிரேமதாச எதிர்க்கட்சி தலைவராக இருந்திருக்கலாம்,  ஆனால் மெய்யான எதிர்க்கட்சி தலைவராக அநுராவே காணப்பட்டார். இதை ஜனாதிபதி தேர்தல் பிரசாரங்களில் ரணில் விக்கிரமசிங்க சுட்டிக்காட்டினார். முன்னணி எதிர்க்கட்சி சக்தியாக அநுர வருவதற்கு சஜித் இடமளித்துவிட்டார் என்று அவர் கூறினார். முன்மாதிரியாக பசில் ராஜபக்ச  தேசிய மக்கள் சக்தி பசில் ராஜபக்சவின் வழமுறையை பின்பற்றத் தொடங்கியது. ஸ்ரீலங்கா பொதுஜன பெரமுனவை தொடங்கியபோது பசில் பாராளுமன்றத்தின் மீதோ அல்லது மாகாணசபைகள் மீதோ கவனத்தைச் செலுத்தவில்லை. மாறாக, அவர்  உள்ளூராட்சி சபைகளில் சமூகத்தின் அடிமட்டத்தில்  கிளைகளை அமைத்தார். வேட்பாளர்களாக நியமிக்கப்படக்கூடியவர்களை தெரிவுசெய்து தங்களின் " வாக்காளர்  தொகுதிகளை "  வளர்த்துக் கொள்வதற்கு அவர்களுக்கு வழிகாட்டினார். தேர்தல் சட்டங்களில் செய்யப்பட்ட மாற்றம் வட்டாரங்களில் இருந்து நேரடியாக தெரிவு செய்யப்படும் உறுப்பினர்களுடன் மேலதிகமாக விகிதாசார பிரதிநிதித்துவ அடிப்படையில் உறுப்பினர்கள்   தெரிவு செய்யப்படுவதற்கு வழிவகுத்தது. தனது வேட்பாளர்களைக் கொண்டு விசேடமாக வாக்காளர்களை இலக்குவைக்க பசிலினால் இயலுமாக இருந்தது. இந்த அணுகுமுறையின் விளைவாக, புதிதாக ஆரம்பிக்கப்பட்ட பொதுஜன பெரமுனவினால் 2018 பெப்ரவரி உள்ளூராட்சி தேர்தல்களில் 5, 006, 837 (40.47 சதவீதம்) வாக்குகளைப் பெறக்கூடியதாக இருந்தது. அதனால் வட்டார அடிப்படையில் 3,265 உள்ளூராட்சி உறுப்பினர்களுக்கும் விகிதாசார பிரதிநிதித்துவ அடிப்படையில் இன்னொரு 181 உறுப்பினர்களுக்கும் பொதுஜன பெரமுன உரித்துடையதாகியது. அந்த கட்சி அதன் தேர்தல் ஞானஸ்நானத்தில் நாடுபூராவும் 126 உள்ளூராட்சி சபைகளின் கடடுப்பாட்டை பெற்றது. மறுபுறத்தில் ஜே.வி.பி. அந்த உள்ளூராட்சி தேய்தலில் 710, 932 (5.75 சதவீதம் ) வாக்குகளைப் பெற்றது. வட்டார அடிப்படையில் ஜே.வி.பி.யின் ஒரேயொரு உறுப்பினர் மாத்திரமே தெரிவாகக் கூடியதாக இருந்தது. விகிதாசார பிரதிநிதித்துவ அடிப்படையில் அந்த கட்சியின் 433 உறூப்பினர்கள் தெரிவாகினர். நாட்டின் எந்தப் பாகத்திலுமே தனியொரு உள்ளூராட்சி சபையின் கட்டுப்பாட்டைக் கூட ஜே.வி.பி.யினால் பெறமுடியவில்லை. 2018 உள்ளூராட்சி தேர்தல்களில் பொதுஜன பெரமுனவின் வெற்றி அநுராவுக்கு ஒரு உத்வேகமாக அமைந்தது. அடுத்த உள்ளூராட்சி தேர்தல்கள் 2022 ஆம் ஆண்டில் நடத்தப்பட வேண்டியவையாக இருந்தன. தேசிய மக்கள் சக்தி பொதுஜன பெரமுனவின் அணுகுமுறையைப் பின்பற்றுவதற்கு தீர்மானித்தது. பிரதேச மட்டத்தில் வட்டாரங்களை இலக்கு வைப்பதற்கு கட்சியின் கிளைகள் மீளக் கடடமைக்கப்பட்டன. வீடுவீடாக கவனம் செலுத்தப்பட்டது. ஜே.வி.பி./ தேசிய மக்கள் சக்தி செயற்பாட்டாளர்கள் திட்டமிட்ட முறையில் ஒவ்வொரு வீட்டுக்கு விஜயம் செய்து ஒவ்வொரு குடும்பத்தையும் அணுகினார்கள். அது ஒரு குறுகிய நோக்க அணுகுமுறை. ஜே.வி.பி./ தேசிய மக்கள் சக்தி உறுப்பினர்கள் மோட்டார் சைக்கிள்களிலும் ஸ்கூட்டர்களிலும் வீடுகளுக்கு சென்று வந்தார்கள். இது மறுபுறத்தில்  இந்த இரு சக்கர வாகனங்களை வாங்குவதற்கு வெளிநாடொன்று நிதயுதவி செய்கிறது என்ற ஊகங்களுக்கு வழிவகுத்தது. உள்ளூராட்சி தேர்தல்கள் ஒரு வருடம் தள்ளி 2023 ஆம் ஆண்டுக்கு ஒத்திவைக்கப்பட்டன. முக்கியமான தினம் நெருங்கும்போது ஜே.வி.பி. சிங்களவர்கள் பெரும்பான்மையாக வாழும் ஏழு மாகாணங்களில் பெரும்பாலான உள்ளூராட்சி சபைகளிலும்  தமிழ்பேசும் மக்கள் பெரும்பான்மையா வாழும் வடக்கிலும் கிழக்கிலும் குறிப்பிட்ட சில உள்ளூராட்சி சபைகளிலும் போட்டியிடுவதற்கு தயாராகவும் விருப்பம் கொண்டும் இருந்தது. அந்த நேரமளவில் ஜனாதிபதி கோட்டாபய ராஜபக்ச பதவி விலக ரணில் வி்க்கிரமசிங்க பதவிக்கு வந்தார். புதிய ஜனாதிபதி உள்ளூராட்சி தேர்தல்கள் நடத்தப்படுவதை தடு்க்க சகல விதமான தந்திரங்களையும் கையாண்டார். உள்ளூராட்சி தேர்தல்ளை நடத்துவதற்கு உத்தரவிடக்கோரி தேசிய மக்கள் சக்தி நீதிமன்றத்தை நாடியது. பாராளுமன்ற உறுப்பினர் ஹரிணி அமரசூரிய, முன்னாள் பாராளுமன்ற உறூப்பினர் சுனில் ஹந்துனெத்தி மற்றும் தேசிய மக்கள் சக்தியின் செயலாளர் கலாநிதி நிஹால் அபேசிங்க ஆகியோர் 2023 மார்ச் 14 ஆம் திகதி உயர்நீதிமன்றத்தில் அடிப்படை உரிமைமீறல் மனுவொன்றை தாக்கல் செய்தனர்.  சுதந்திரமானதும் நீதியானதுமான உள்ளூராட்சி தேர்தல்களை நடத்துமாறு சம்பந்தப்பட்ட அதிகாரிகளுக்கு நீதிமன்றம் உத்தரவிட வேண்டும் என்று அந்த மனுவில் கோரப்பட்டது. இது அந்த நேரத்திலேயே தேர்தல் வெற்றியின் நறுமணத்தை தேசிய மக்கள் சக்தி முகரத் தொடங்கிவிட்டது எனபதைக் காட்டியது. ஆனால், திட்டமிட்டபடி உள்ளூராட்சி தேர்தல்களை நடத்தப்படவில்லை. அறகலய அனுபவம் அதேவேளை, நாடு முன்னென்றும் இல்லாத வகையில் அறகலய ( போராட்டம் ) அனுபவமொனறைச் சந்தித்தது. பொதுவில் அரசாங்கத்துக்கு எதிராகவும் குறிப்பாக ராஜபக்சாக்களுக்கு எதிராகவும் மக்கள் மத்தியில் ஏற்பட்ட சீற்றத்தை ஜே.வி.பி.யும் தனக்கு வாய்ப்பாக பயன்படுத்துவதில் நாட்டம் காட்டியது. சஜித்தையும் விட அநுர காலிமுகத்திடல் போராட்டக்காரர்களுக்கு கூடுதலான அளவுக்கு ஏற்புடையவராக இருந்தார். அநுர காலிமுகத்திடலில் வரவேற்கப்பட்ட அதேவேளை சஜித் விரட்டியடிக்கப்பட்டார். ஆனால் அறகலயவை ஜே.வி.பி.யில் இருந்து பிரிந்து சென்ற முன்னரங்க சோசலிஸ்ட் கட்சி அதன் கட்டுப்பாட்டில் கொண்டுவந்து தலைமைத்துவ பாத்திரத்தை வகித்தது. போரட்டத்தை பொறுத்தரை  முன்னரங்க சோசலிஸ்ட் கட்சி ஜே.வி.பி.யை  மேவிவிட்டது. இறுதியில் கோட்டாபய பதவி விலக ரணில் ஜனாதிபதியாக வந்தார். புதிய ஜனாதிபதியை தெரிவு செய்வதற்கு பாராளுமன்றத்தில் வாக்கெடுப்பு நடத்தப்பட்டபோது தனது கட்சிக்கு மூன்று பாராளுமன்ற உறுப்பினர்களே இருந்தபோதிலும், அநுராவும் போட்டியிட்டார். அந்த போட்டியில் இருந்து பின்வாங்கிய சஜித், டலஸ் அழகப்பெருமவை ஆதரித்தார். அதன் மூலமாக மீண்டும  சஜித் ஒரு பலவீனமான தலைவர் என்பது வெளிச்சத்துக்கு வந்தது. ரணில் விக்கிரமசிங்க 134 பாராளுமன்ற உறுப்பினர்களின் ஆதரவுடன் ஜனாதிபதியாக தெரிவானார். அநுராவுக்கு மூன்று வாக்குகள் மாத்திரமே  கிடைத்த போதிலும், அரசியல் ரீதியில் அவர் சஜித்தை விடவும் கூடுதல் புள்ளிகளைத் தட்டிக்கொண்டார். அதன் மூலமாக தேசிய மக்கள் சக்தியின் தலைவர் அநுர   ஜனாதிபதி தேர்தல் நடத்தப்படும் போது தான் ஒரு முக்கியமான வேட்பாளராக  இருக்கப்போதை  முன்னிலைப்படுத்திக் காட்டிக்கொண்டார். அதேவேளை சஜித்  உறுதிப்பாடும் அரசியல் துணிச்சலும் இல்லாததன் விளைவாக ஒரு பலவீனமான - தடுமாறுகிற அரசியல்வாதியாக நோக்கப்பட்டார். 2024 ஜனாதிபதி தேர்தல் ஒரு மும்முனைப் போட்டியாக இருக்கப்போகிறது என்பது அப்போதே தெரிந்தது. ஜனாதிபதியாக ரணில்  இலங்கை முன்னென்றும் இல்லாத வகையிலான பொருளாதார நெருக்கடிக்கு முகங்கொடுத்துக் கொண்டிருந்தபோது ரணில் விக்கிரமசிங்க ஜனாதிபதியாக ஆட்சிப்  பொறுப்பை ஏற்றுக் கொண்டார். அந்நிய செலாவணி அருகிப்போயிருந்த நிலையில்  பொருட்களுக்கு பெரும் தட்டுப்பாடு நிலவியது. எங்கு பார்த்தாலும் மக்கள் நீண்ட வரிசைகளில் காத்துநின்றார்கள். ஆனால் விநியோகங்கள் கிடைக்கவில்லை அல்லது போதுமானவையாக இருக்கவில்லை. மின்சக்தி மற்றும் எரிபொருள் தட்டுப்பாடுகள் நாட்டை உண்மையில் முடங்கச் செய்திருந்தன. ரணிலிடம் என்னதான் குறைபாடுகள் இருந்தாலும், அவர் நெருக்கடியான ஒரு நேரத்தில் ஜனாதிபதியாக ஆட்சிப்  பொறுப்பை ஏற்றுக்கொண்டதன் மூலம் தனது துணிச்சலையும் பற்றுறுதியையும் வெளிக்காட்டினார். மேலும், உருப்படியான முறையில் ஜனாதிபதியாக செயற்படுவதற்கு  ராஜபக்சாக்களின் நல்லெண்ணத்திலும் பொதுஜன பெரமுனவின் ஆதரவிலும் தங்கியிருக்க வேண்டியிருந்ததால் விக்கிரமசிங்கவுக்கு  இடையூறுகள் இருந்தன. அவரது ஐக்கிய தேசிய கட்சிக்கு பாராளுமன்றத்தில் ஒரேயொரு உறுப்பினர் மாத்திரமே இருந்த காரணத்தினால் ராஜபக்சக்களின் தலைமையிலான " தாமரை மொட்டு " கட்சியின் உதவியுடன் கடமைகளை நிறைவேற்றுவதை தவிர விக்கிரமசிங்கவுக்கு வேறு தெரிவு இருக்கவில்லை. ஆனால் ரணில் அதை இலங்கையினதும் அதன் மக்களினதும் நீண்டகால நலன்களுக்காக பொறுத்துக்கொள்ள வேண்டிய ஒரு வசதியீனமாக கருதிச் செயற்பட்டார். பொருளாதாரப் பிரச்சினையை ஒரு தேசிய நெருக்கடியாக விக்கிரமசிங்க சரியான முறையில் அடையாளம் கண்டார். நெருக்கடியை எதிர்த்துப் போராடுவதற்கு ஐக்கியப்பட்ட தேசிய முயற்சி ஒன்றுக்கு அழைப்பு விடுத்தார். தன்னுடன் இணைந்து செயற்பட முன்வருமாறு பாராளும்னறத்தில் அங்கம் வகித்த அரசியல் கட்சிகளை அவர் திரும்பத் திரும்ப அழைத்தார். சகல கட்சிகளையும் உள்ளடக்கிய ஒத்துழைப்புச் செயற்பாடு அவசியம் என்பதை அவர் உணர்ந்தார். ஆனால், அவர் இடையறாது விடுத்த அழைப்புக்கள் தொடர்ச்சியாக அலட்சியம் செய்ப்பட்டன. முன்னேற்றத்துக்கான சந்தர்ப்பம்  சஜித் பிரேமதாச தலைமையிலான ஐக்கிய மக்கள் சக்தியும், அநுர குமார தலைமையிலான தேசிய மக்கள் சக்தியும் பொருளாதார நெருக்கடியில் தாங்கள் அரசியல் ரீதியில் முன்னேறுவதற்கான வாய்ப்பைக் கண்டார்கள். விக்கிரமசிங்கவுடன் ஒத்துழைப்பதற்கு பதிலாக அவர்கள் விலகி இருந்துகொண்டு ஜனாதிபதியையும் அவரது அரசாங்கத்தையும் விமர்சிப்பதிலேயே தீவிர நாட்டம் காட்டினர். பொருளாதார நெருக்கடியின் பாரதூரத்தன்மையை அவர்கள் குறைத்து மதிப்பிடவும் செய்தார்கள். நெருக்கடியின் தன்மையை  ஜனாதிபதி மிகைப்படுத்துகின்றார் என்று கூறி அநுர ஏளனமும் செய்தார். அநுரவைப் பொறுத்தவரை அது ஒரு பெரிய பிரச்சினையே அல்ல, ரணில் தான் அதை பெரிதுபடுத்திக் கொண்டிருக்கிறார் என்று கருதினார். விக்கிரமசிங்க அரசாங்கம் சர்வதேச நாணய நிதியத்தின் உதவியை நாடியதையும் தேசிய மக்கள் சக்தி கண்டனம் செய்தது. இலங்கையில் இடதுசாரிகள்  " பிரெட்டன் வூட்ஸ் இரட்டை " என்று அழைக்கப்டுகின்ற சர்வதேச நாணய திதியம் மற்றும் உலக வங்கி மீது வெறுப்புணர்வைக் கொண்ட வரலாற்றை உடையவை. இப்போது அந்த வெறுப்புக்கு  ஜே.வி.பி./ தேசிய மக்கள் சக்தி புத்தூக்கம் கொடுத்தது. சர்வதேச நாணய நிதியத்தின் விளைவாக  மக்கள் குறிப்பாக சமூகத்தின் பின்தங்கிய பிரிவினர் இடர்பாடுகளை எதிர்நோக்கப் போகிறார்கள் என்று அவர்கள் கூறிக் கொண்டிருந்தார்கள். சர்வதேச நாணய நிதியத்தை நாடுவதற்கு பதிலாக புலம்பெயர்ந்து வெளிநாடுகளில் வாழும் இலங்கைச் சமூகத்திடம் இருந்து பெறக்கூடிய உதவிகளின் ஊடாக பொருளாதார பிரச்சினைக்கு தங்களால் தீர்வு காணமுடியும் என்று கூட  ஜே.வி.பி.யின் பொருளாதார ' மந்திரவாதி '  சுனில் ஹந்துனெத்தி கூறியதைக் காணக்கூடியதாக இருந்தது. ஐக்கிய மக்கள் சக்தியும் தேசிய மக்கள் சக்தியும் விக்கிரமசிங்க அரசாங்கத்துடன் ஒத்துழைக்கப் போவதில்லை என்பது விரைவாகவே தெளிவாகத் தெரிந்தது. ஒரு ஆரோக்கியமான விமர்சன ரீதியான அணுகுமுறையைக் கடைப்பிடிப்பதற்கு பதிலாக எடுத்ததற்கெல்லாம் பிழை கண்டுபிடிக்கும் அணுகுமுறையை அவர்கள் கடைப்பிடித்தார்கள். அரசாங்கத்துக்கு எதிரான பிரசாரத்துக்கு மக்களின் ஒவ்வொரு பொருளாதார குறைபாடும் உச்சத்துக்கு பயன்படுத்தப்பட்டது. பொருட்கள் தாராளமாகக் கிடைப்பதை விக்கிரமசிங்கவினால் உறுதிப்படுத்தக் கூடியதாக இருந்தபோதிலும், அவற்றை பெரும்பாலான மககளினால் வாங்க முடியாமல் இருந்தமை கூர்மையானஒரு பிரச்சினையாக விளங்கியது. வாழ்க்கைச் செலவு உயர்ந்துகொண்டு போனது, ஆனால் சம்பளங்கள் அதிகரிக்கவில்லை. தனவந்தர்கள் மேலும் தனவந்தர்களாகிக் கொண்டுபோக வறியவர்கள் மேலும் வறியவர்களானார்கள். நடுத்தர வர்க்கம் தாழ்வுற்றது. அறகலய பேராட்டம் ராஜபக்சக்களின் ஆட்சி தூக்கியெறியப்படுவதை துரிதப்படுத்தியதற்கு மேலதிகமாக அறகலய போராட்டம் பல விடயங்களை சாதித்தது. பொதுவில்  மக்கள் சக்தியினதும் குறிப்பாக இளைஞர் சக்தியினதும் வெற்றியை அது நிரூபித்தது. குடும்ப அரசியல் அதிகாரம், நெரூங்கியவர்களுக்கு சலுகை செய்யும் போக்கு மற்றும் ஊழலுக்கு எதிரான உணர்வை அது அதிகரித்தது. முறைமையில் அல்லது தற்போதுள்ள ஒழுங்கில் மாற்றங்களைக் கொண்டுவரவேண்டும் என்ற வேட்கையுடைய ஒரு புதிய அரசியல் கலாசாரத்தை  அறகலய வளர்த்து வளமாக்கியது. மாறிவிட்ட சமநிலையை  கணக்கில் எடுத்த தேசிய மக்கள் சக்தி ஒரு ஆய்வுச் செயன்முறையை ஆரம்பித்ததாக தகவலறிந்த வட்டாரங்கள் மூலம் அறிய முடிந்தது. இதில் அநுர குமார திசாநாயக்க முக்கியமான பாத்திரத்தை வகித்தார். ஜனாதிபதி பதவியை இலக்குவைத்து பெரியளவில் தயாராவதன் மூலமாக தங்களது அரசியல் மேம்பாட்டுக்கு மிகவும் சாதகமான நிலைவரம் ஒன்று இருப்பதை ஜே.வி.பி./ தேசிய மக்கள் சக்தி உணர்ந்தது. ஜனாதிபதி தேர்தலில் தேசிய மக்கள் சக்தி தனியாக போட்டியிட வேண்டும் என்பதில் மீண்டும் அநுரா உறுதியாக இருந்தார். ஜனாதிபதி வேட்பாளராக அவரே களமிறங்குவார் என்பது ஏற்கெனவே தீர்மானிக்கப்பட்ட ஒன்று. அதற்கு பிறகு தேசிய மக்கள் சக்தி 2024 ஜனாதிபதி தேர்தலுக்கு தயாராகத் தொடங்கியது. ஜனாதிபதி விக்கிரமசிங்க உரிய காலத்தில் தேர்தலை நடத்துவாரா என்ற ஒரு சந்தேகம் இருந்தது. அவ்வாறு அவர் நடத்த முன்வராத பட்சத்தில் ஜனாதிபதி தேர்தலை அல்லது பாராளுமன்ற தேர்தலை நடத்தக் கோரி நாடுதழுவிய பாரிய அரசியல் போராட்த்தை முன்னெடுப்பதற்கும் தேசிய மக்கள் சக்தி தயாராக இருந்தது. ஆனால்,  ரணில் தேர்தலை நடத்துவதற்கே எப்போதும் உத்தேசித்திருந்ததால் எந்தவொரு போராட்டத்துக்கும் தேவை இருக்கவில்லை. அவர் அவ்வாறே செய்தார். வெற்றியின் கதை  ஜனாதிபதி வேட்பாளராக அநுர குமார திசாநாயக்கவுக்கு ஆதரவாக பிரசாரங்களை தேசிய மக்கள் சக்தி விடாமுயற்சியுடன் முன்னெடுத்தது. ஜனாதிபதி தேர்தல் போட்டியில் வெற்றியின் நறுமணத்தை முகரத்தொடங்கிய அநுர இலங்கையின் அடுத்த ஜனாதிபதியாக தன்னை காட்சிப்படுத்தினார். இந்த ' கனவு ' 2024 செப்டெம்பரில் நனவாகியது. ஜனாதிபதி தேர்தலில் அநுராவின் வெற்றியின் மருட்சியூட்டும் கதையை அடுத்தவாரம் விரிவாக எழுதுவேன். அதுவே இந்த கட்டுரைத் தொடரின் இறுதிப்  பாகமாகவும் நிச்சயமாக அமையும். https://www.virakesari.lk/article/198000
    • வாதவூரான்
      திருமண வாழ்த்து!

      By வாதவூரான் · Posted

      வன்னியர் மகன் திலீபனுக்கும் மருமகள் அருந்ததிக்கும் இனிய திருமண வாழ்த்துக்கள்
    • Kadancha
      மன்னர் கூடசேர்த்த அந்தப்புர மகளிருக்கு சேவை செய்ய வந்த தெலுங்கர்கள்.. நடிகை கஸ்தூரி பேச்சால் 'பரபர'!

      By Kadancha · Posted

      ஆடும் பெண்களை அவர் மேளக்காரர் என்று அழைக்கவில்லை, சகாக்கள் என்று. அனால் இது பதியப்பட்டது, ஏறத்தாழ 75 - 100 வருடங்களின் பின். தடை செய்தது அங்கியேயராக இருக்க கூடும், பல சீர்திருத்தங்களை கொண்டுவந்ததாக இருக்கிறது. (மற்றது, ஆங்கிலேயர் அவர்களின் புரிதலில் பதிந்து இருப்பது; இலங்கை தமிழர்களை மலபார், மற்றும் முஸ்லிம்களை moors என்ரூ குறித்து போல.) அவர் இரு பகுதியையும் (ஆடும் பெண்கள், மேளக்காரர்) ஒரே மக்கள் கூட்டம் என்று அவரின் விளக்கம், அவர்கள் ஒன்றோடு ஒன்றாக தொழில் செய்வதால். கோயில்கள் பெரும்பணம் புழங்கும் இடமாக இருந்தன, மற்றது காலம் செல்ல மேளக்காரருடனும் உறவு வைத்து இருக்கலாம். அனல், நடந்தது சுருக்கமாக சொல்லியது, ஏனெனி அவர்களின்  விபச்சார அடையாளதை மறைப்பதற்கு ( கோயிலில் பிராமணர் பாதுகாப்பில் இருக்கும் வரையும் அது  விபச்சாரமாக நோக்கப்படவில்லை, பிராமணர் அவர்களை பெண் தெய்வமாக மட்டும் பாவித்தது என்பது நம்பக்கூடியது ஒன்றல்ல)     அப்படி ஒரு பிரிவு உருவாகியதை ஆங்கிலேயர் அறியாமல் இருந்து இருக்கலாம்.  70 - 80 ஆய்வுகளில் தான்  இந்த விடயம்  வெளியில் தெரிய வருகிறது,  ஆய்வு செய்தவர், ஏறத்தாழ மொத்தமாக 12-14 மாதங்கள், வேறு வேறு காலங்களில் அவர்களுடன் அவர்கள் வீட்டில் தங்கியிந்து தான் ஆய்வு நடந்தது.
    • Paanch
      5 வயது பேரனின் கேள்வி

      By Paanch · Posted

      என் கேள்விக்கு உண்மையைக் கூறுங்கள் என்றே உறவுகள் அனேகர் பதில் பதிந்திருந்தார்கள், அதிலிருந்து யாழ்உறவுகளிடம் உறைந்துள்ள பொய்யற்ற உள்ளங்களும் வெளிப்படுகிறது, இருந்தும் உண்மை சுடும் என்பதால் என்பேரன் சூடுதாங்கும் பருவம்வந்தபின் அறிந்துகொள்ளட்டும் என்று மனதைத் தேற்றிக்கொண்டேன்.  ‘உண்மையில் நான் பொருள்தேடி வரவில்லை, காகித ஆலையில் கண்காணிப்பாளர் பதவியில் இருந்த எனக்கு வழங்கப்பட்ட சம்பளமே வாழ்கை நடாத்தப் போதுமானது, சிங்ளப் பாடத்தில் தேர்ச்சி பெறவேண்டும் என்று எழுதப்படாத சட்டம் என்பதவி உயர்வைத் தடுத்தது. தொழிலநுட்ப அறிவு குறைந்தவர்களாக மற்றவர்களால் நோக்கப்பட்ட, என் அதிகாரத்தின்கீழ் வேலைபார்த்த சில சிங்களரும், சிங்களமொழி தேர்ச்சி பெற்றவர்களும் என்னை அதிகாரம் செய்யும் நிலை ஏற்படுவதை யேர்மனியில் உள்ள என்நண்பனும் அறிந்து அங்கு வரும்படி அழைத்தார்.  இனக்கலவரம் என்ற பெயரில் தமிழினம் அழிக்கப்பட்ட ஒவ்வொரு கலவரத்திலும் அகப்பட்டு மயிரிழையில் உயிர்தப்பிய அனுபவங்கள் மனதில் பயத்தையும் சோர்வையும் ஏற்படுத்தி புலம்பெயரும் முடிவை உறுதிப்படுத்தியது. அங்செல்வதற்கு எனக்கு அனுகூலமாகி உதவிய நிகழ்வுகளை இப்போது நினைத்தாலும் ஆச்சரியமாக உள்ளது. சிறிது காலத்தில் பிறந்தமண் திரும்ப எண்ணிய வேளை 83 கலவரம் என் குடும்பத்தை புலம்பெயரவைத்து என்னுடன் வந்து இணையும்  நிலையை ஏற்படுத்தியது. சென்ற மாதம் எங்கள் மூத்த பேத்தியுடன் நானும் மனைவியும் பிறந்தமண் சென்றிருந்தோம், அங்குள்ள இயற்கை நிகழ்வுகளை பேத்தி வீடியோ படம்பிடித்து பதிவுசெய்திருந்தார், மரங்களில் தொங்கும் கனிகளை அணில்கள் இரு கைகள்போன்ற கால்களால்  ஏந்திக் கடிப்பதையும், பறவைகள் கொத்தி உண்பதையும் அவற்றைத் துரத்த அவை பயந்து ஓடிப் பறப்பதையும், காயப்போட்ட வத்தல்களை கொத்தவரும் கோழி மற்றும் அதன் குஞ்சுகளை பெரியம்மா விரட்டுவதையும், கடற்கரையில் அலைகள் வரும்போது சிறுவர்கள் ஓடுவதையும், அலைகள் பின்வாங்கும்போது அவர்கள் அவற்றைத் துரத்திச் செல்வதையும் திரும்பத் திரும்ப போட்டுப் பார்த்துத் துள்ளி ரசித்தாராம். இங்கு இவைபோன்ற காட்சிகள் காண்பதற்கு இல்லையே என்ற ஆதங்கம் “சிறீ லங்காவைவிட்டு யேர்மனிக்கு எங்களை ஏன் கூட்டிவந்தீர்கள்” என்ற கேள்வியை கேட்கவைத்துள்ளதுபோல் தெரிகிறது. இன்றைய நவீன தொழில்நுட்ப உலகில் சிறிசுகளின் கேள்விகளுக்குப் பதில்கூற முடியாது பெரிசுகள் முழிப்பது ஒன்றும் புதுமையல்ல.🤔😳  
    • ரசோதரன்
      மன்னர் கூடசேர்த்த அந்தப்புர மகளிருக்கு சேவை செய்ய வந்த தெலுங்கர்கள்.. நடிகை கஸ்தூரி பேச்சால் 'பரபர'!

      By ரசோதரன் · Posted

      1980ம் ஆண்டுகளில் கூட சின்ன மேளம் என்று சொல்வது இலங்கையில் இருந்தது. 1980ம் ஆண்டுகளில் வருடம் தோறும் என்னுடைய ஊர் இந்திரவிழாவில் இப்படியான பெயரில் ஒரு குழுவினர் வந்து நடனம் ஆடுவார்கள். இருவர் தான் மேடையில் இருப்பார்கள், ஆனால் குழுவில் பலர் இருந்தனர். இந்தப் பெயரே ஏறக்குறைய ஒரு வசவுச்சொல் ஆகவே பிறநாட்களில் பயன்பட்டது. அசோகமித்ரனின் 'புலிக்கலைஞன்' சிறுகதையை எப்போது வாசித்தாலும், ஊரில் இடம்பெற்ற இந்த நடன நிகழ்வுகள் மனதில் வந்து வாட்டும். சமீபத்தில் 'ஜமா' என்றொரு திரைப்படம் பார்த்தேன். அந்த திரைப்படம் பற்றிய எந்த தகவலும் தெரியாமலேயே தான் பார்த்தேன். கலைகளால் மீட்சியா அல்லது அதுவே சிலருக்கு ஒரு பெரும் துன்பமாக முடிகின்றதா என்ற குழப்பம் இன்னும் கூடியது.  

  • Our picks

    • "சோதிடமும் அசட்டுநம்பிக்கையும்"

      kandiah Thillaivinayagalingam posted a topic in மெய்யெனப் படுவது,

      "சோதிடமும் அசட்டுநம்பிக்கையும்"

      தமிழர்களுக்கு நான்கு என்ற எண்ணை நிறையவே பிடிக்கும். இதைப் பார்க்கையில் சங்க காலத்திலேயே எண் சோதிடம்- (Numerology) "பித்து" வந்துவிட்டதோ என்று தோன்றுகிறது. ஆனால் சங்க காலத்துக்குப் பின்னர் தான் நூல்களையும் பாக்களையும் தொகுக்கும் வேலைகள் துவங்கின. என்ன காரணமோ தெரியவில்லை நூல்களின் பெயர்களில் 4, 40, 400, 4000 என்று நுழைத்து விட்டார்கள். நான் மணிக் கடிகை முதல் நாலாயிர திவ்யப் பிரபந்தம் வரை சர்வமும் நாலு மயம்தான் !!

      “ஆலும் வேலும் பல்லுக்குறுதி, நாலும் இரண்டும் சொல்லுக் குறுதி” என்று சொல்லுவார்கள். ஆல, வேல மரங்களை விளக்கத் தேவை இல்லை. “நாலும் இரண்டும்” என்பது வெண்பாவையும் குறள் வகைப் பாக்களையும் குறிக்கும். நம்பிக்கை தவறில்லை அது மூடநம்பிக்கை யாகமல் இருக்கும் வரை. அளவுக்கு அதிகமாக இதுபோல சிந்திக்கும் போது நம்பிக்கையே மூடநம்பிக்கைக்கு வழிவகுப்பதாக அமைகிறது!.
      • 4 replies
      மோகன்

      Picked By

      மோகன்,

    • வேதத்தில் சாதி இருக்கிறதா?

      narathar posted a topic in மெய்யெனப் படுவது,

      இதை எழுத மிகவும் அயற்சியாய்த் தான் இருக்கிறது.

      ஜீவா போன்றவர்களுக்கு இந்து மதத்தை காப்பாற்ற வேண்டிய தேவை என்ன என்பதை நான் கேட்கவில்லை ஆனால் சமுத்ரா போன்றவர்களுடைய தேவையில் இருந்து மாறுபட்டதாக அது இருக்கும் என்று புரிந்துகொள்கிறேன். அது என்னுடைய புரிதல். எல்லோரும் எதோ ஒரு புரிதலின் அடிப்படையிலேயே அடுத்த அடியை எடுத்து வைக்கிறோம்.
      • 4 replies
      மோகன்

      Picked By

      மோகன்,

    • மனவலி யாத்திரை.....!

      shanthy posted a topic in கதை கதையாம்,

      மனவலி யாத்திரை.....!

      (19.03.03 இக்கதை எழுதப்பட்டது.2001 பொங்கலின் மறுநாள் நிகழ்ந்த ஒரு சம்பவத்தின் நினைவாக பதிவிடப்பட்டது இன்று 7வருடங்கள் கழித்து பதிவிடுகிறேன்)

      அந்த 2001 பொங்கலின் மறுநாள் அவனது குரல்வழி வந்த அந்தச் செய்தி. என் உயிர் நாடிகளை இப்போதும் வலிக்கச் செய்கிறது. அது அவனுக்கும் அவனது அவர்களுக்கும் புதிதில்லைத்தான். அது அவர்களின் இலட்சியத்துக்கு இன்னும் வலுச்சேர்க்கும். ஆனால் என்னால் அழாமல் , அதைப்பற்றி எண்ணாமல் , இனிவரும் வருடங்களில் எந்தப் பொங்கலையும் கொண்டாட முடியாதபடி எனக்குள் அவனது குரலும் அவன் தந்த செய்திகளும் ஒலித்துக் கொண்டேயிருக்கும்.
      • 1 reply
      மோகன்

      Picked By

      மோகன்,

    • பாலியல் சுதந்திரமின்றி பெண்விடுதலை சாத்தியமில்லை

      mooki posted a topic in சமூகச் சாளரம்,

      பாலியல் சுதந்திரமின்றி பெண்விடுதலை சாத்தியமில்லை - செல்வன்


      Friday, 16 February 2007

      காதலர் தினத்தை வழக்கமான தமது அரசியல் நிலைபாடுகளை பொறுத்து அணுகும் செயலை பல்வேறு தரப்பினரும் உற்சாகமாக செய்து வருகின்றனர்.கிரீட்டிங் கார்டுகளையும், சாக்லடுகளையும் விற்க அமெரிக்க கம்பனிகள் சதி செய்வதாக கூறி காம்ரேடுகள் இதை எதிர்த்து வருகின்றனர்.அமெரிக்க கலாச்சாரத்தை திணிக்க முயற்சி நடப்பதாக கூறி சிவசேனாவினரும் இதை முழுமூச்சில் எதிர்க்கின்றனர். தமிழ்நாட்டில் பாமக ராமதாஸ் இதை கண்டித்து அறிக்கை விட்டுள்ளார். பாகிஸ்தானிலும், அரபுநாடுகளிலும் இதை எதிர்த்து பத்வாக்கள் பிறப்பிக்கப்பட்டு அதை மீறி இளைஞர்கள் இதை கொண்டாடியதாக செய்திகள் வந்துள்ளன.
      • 20 replies
      மோகன்

      Picked By

      மோகன்,

    • ஒரு சித்தர் பாடல்

      பண்டிதர் posted a topic in மெய்யெனப் படுவது,

      எனக்குப் பிடித்த ஒரு சித்தர் பாடல் (எந்தச் சித்தர் என்று மறந்து விட்டேன். கட்டாயம் தேவை என்றால் சொல்லுங்கள் எனது ஓலைச் சுவடிகளை புரட்டிப்பார்த்து பின்னர் அறியத் தருகிறேன்)

      நட்ட கல்லைத் தெய்வம் என்று நாலுபுட்பம் சாத்தியே
      சுற்றி வந்து முணுமுணென்று கூறுமந்த்ரம் ஏனடா
      நட்ட கல்லும் பேசுமோ நாதன் உள்ளிருக்கையில்
      சுட்ட சட்டி தட்டுவம் கறிச்சுவை அறியுமோ?


      பொருள்:
      சூளையில் வைத்துச் சுட்டுச் செய்த மண் பாத்திரத்தில் வைக்கும் கறியின் சுவை எப்படியானது என்று அந்தப் பாத்திரத்துக்கு விளங்குமா? அது போல, எம்முள்ளே எருக்கும் இறைவனை நீ அறியாமல் ஒரு கல்லினுள் கடவுள் இருப்பதாக நம்பி வெறும் கல்லை அராதித்து வழிபடுகிறாய்.
      • 7 replies
      மோகன்

      Picked By

      மோகன்,
    View All
×
×
  • Create New...

Important Information

By using this site, you agree to our Terms of Use.

  I accept