திபெத்தில் ஓடும் பிரம்மபுத்திரா நதியில் உலகின் மிகப்பெரிய அணை கட்ட சீனா ஒப்புதல்

[ஏராளன்]

திபெத்திய பீடபூமியின் கிழக்கு பகுதியில் மிகப்பெரிய நீர்மின் அணையை கட்டுவதற்கு சீனா ஒப்புதல் அளித்துள்ளது. இந்த அணைத் திட்டமானது இந்தியா மற்றும் பங்களாதேஷில் உள்ள லட்சக்கணக்கான மக்களைப் பாதிக்கக்கூடும் என்று சொல்லப்படுகிறது.

திபெத்தில் உருவாகும் நதி யார்லுங் சாங்போ. இந்த நதி திபெத்தை விட்டு தெற்கே இந்தியாவின் அருணாச்சல பிரதேசம் மற்றும் அசாம் மாநிலங்களிலும் இறுதியாக வங்காளதேசத்திலும் பாயும் போது பிரம்மபுத்திரா நதியாக மாறுகிறது. இந்த யார்லுங் சாங்போ நதியைத் தடுத்து மிகப்பெரிய அணையை கட்ட சீனா முயற்சித்து வருகிறது.

முன்னதாக, 2020ம் ஆண்டில், சீனாவில் உள்ள பவர் கன்ஸ்ட்ரக்ஷன் கார்ப் என்ற நிறுவனம், தன்னாட்சி பெற்ற திபெத்தில் உற்பத்தியாகும் யார்லுங் சாங்போ ஆற்றில் அணை கட்டினால் ஆண்டுதோறும் 300 பில்லியன் கிலோவாட்-மணிநேர மின்சாரத்தை உற்பத்தி செய்ய முடியும் என்று கூறியிருந்தது.

அதன் அடிப்படையில் யார்லுங் சாங்போ ஆற்றில் அணைகட்ட சீனா ஒப்புதல் அளித்துள்ளது. இந்த அணையானது மத்திய சீனாவில் உள்ள உலகின் மிகப்பெரிய த்ரீ கோர்ஜஸ் அணையின் 88.2 பில்லியன் kWh வடிவமைக்கப்பட்ட கொள்ளளவை விட மூன்று மடங்கு அதிகமாகும்.

இத்திட்டத்தின் மூலம் சீனாவின் கார்பன் உச்சம் மற்றும் கார்பன் நடுநிலைமை இலக்குகளை அடைவதிலும், பொறியியல் போன்ற தொடர்புடைய தொழில்களை அதிகப்படுத்துவதிலும், திபெத்தில் வேலை வாய்ப்புகளை உருவாக்குவதிலும் இந்தத் திட்டம் முக்கியப் பங்கு வகிக்கும் என்று அதிகாரப்பூர்வ சின்ஹுவா செய்தி நிறுவனம் புதன்கிழமை தெரிவித்துள்ளது.

அணை கட்டுவதற்காக 254.2 பில்லியன் யுவான் ($34.83 பில்லியன்) செலவாகும் என்று சொல்லப்படுகிறது.

இந்த அணை கட்டும் திட்டத்தை திபெத்தில் அமல்படுத்தினால் எத்தனை பேரை இடமாற்றம் செய்யும் என்பதையும், பீடபூமியில் உள்ள பணக்கார மற்றும் மிகவும் வேறுபட்ட உள்ளூர் சுற்றுச்சூழல் அமைப்பை அது எவ்வாறு பாதிக்கும் என்பதையும் அதிகாரிகள் குறிப்பிடவில்லை.

ஆனால், திபெத்தில் கட்டப்பட உள்ள அணையினால் சுற்றுச்சூழலோ அல்லது கீழ்நிலை நீர் விநியோகத்திலோ பெரிய தாக்கத்தை ஏற்படுத்தாது என்று சீன அதிகாரிகள் கூறியுள்ளனர். இருப்பினும், இந்தியா மற்றும் வங்காளதேசத்திற்கு இது பெரும் தலைவலியை உண்டு பண்ணும். இந்த அணைக்கட்டுவதால் ஆற்றின் ஓட்டம் மற்றும் அதன் போக்கும் மாறக்கூடும் என்று சொல்லப்படுகிறது.

https://thinakkural.lk/article/314181

[வாலி]

பாவம் இண்டியன்ஸ். சீனா அணைகட்டுவதைப் பார்த்துக்கொண்டு கொட்டாவி விட்டுக்கொண்டு நிக்கவேண்டியதுதான்!😂

[ரசோதரன்]

சீனா இந்தியாவிற்கு ஒரு இராட்சத 'நீர்க்குண்டு' தயார் செய்கின்றது என்று ஒரு செய்தியில் இருந்தது.......... இந்தப் பெரிய அணை உடைவதை நினைத்துப் பார்த்தாலே திகிலாகத்தான் இருக்கின்றது..........

[Kadancha]

சீன செய்கிறது தான், அனால், அது இணங்கிய UN இன் தீர்மானமான, ஆறு மற்ற நாடுகளுக்கும் பங்கு இருந்தால் அதை மதித்து செயற்றப்பட வேண்டும் என்றதை.   

மற்றது நீர் மின் ஆணை என்றால், ஆம் ஓடுவது ஒரு இடத்தில சேமிக்கப்பட்டு பின் அது திறந்து விடப்படும், மின்பிறப்பாக்கியை இயக்க  .

அணைக்கட்டு நிரம்பும் வரையிலும் தண்ணீர்  ஓட்டம் குறையும் பின்பு, வழமைக்கு திரும்பும் 

 பிரமபுத்திராவில், அதற்கு ஒப்பனை பரிமாணத்தில் கிளைகளும் இருக்கிறது.

சீன எங்கு காட்டுகிறது என்பதைப்பொறுத்து இருந்து தான் பார்க்க வேண்டும். 

[ரசோதரன்]

11 minutes ago, Kadancha said:

 

சீன எங்கு காட்டுகிறது என்பதைப்பொறுத்து இருந்து தான் பார்க்க வேண்டும். 

https://minnambalam.com/india-news/how-can-chinas-new-super-dam-to-be-built-in-tibet/

[குமாரசாமி]

கிந்தியா இலங்கைக்கும் பங்களாதேஷ்க்கும் தான் வல்லரசு.😋

சீனாவுக்கும் பாக்கிஸ்தானுக்கும் அல்ல... 

மாலை தீவுகூட கிந்தியாவை மதிப்பதில்லை. 😁

[Kapithan]

 

நாடுகள் பகிர்ந்து கொள்ளும் ஆறுகள் மற்றும் நீர்வளங்களைப் பயன்படுத்துவதில், ஐக்கிய நாடுகள் சபை மற்றும் சர்வதேச சட்டங்கள் சில முக்கியக் கோட்பாடுகளை வலியுறுத்துகின்றன:

 

1. சம மற்றும் நியாயமான பயன்பாடு:

பகிரப்பட்ட நீர்வளங்களை நாடுகள் சமமாகவும் நியாயமாகவும் பயன்படுத்த வேண்டும். இதில் சமூக மற்றும் பொருளாதார தேவைகள், மக்கள் தொகை, மாற்று வளங்களின் கிடைப்புகள் போன்றவை கருத்தில் கொள்ளப்படுகின்றன.

 

2. முக்கியமான சேதத்தைத் தவிர்த்தல்:

ஒரு நாடு தனது நடவடிக்கைகள் மூலம் மற்ற நாடுகளுக்கு முக்கியமான சேதத்தை ஏற்படுத்தக்கூடாது. எந்த சேதமும் ஏற்பட்டால், பாதிக்கப்பட்ட நாடுகளுடன் ஆலோசித்து தீர்வுகளை கண்டுபிடிக்க வேண்டும்.

 

3. ஒத்துழைப்பு கடமை:

பகிரப்பட்ட ஆறுகளின் மேலாண்மையில் நாடுகள் ஒன்றுடன் ஒன்று தகவல்களைப் பகிர்ந்து, ஆலோசித்து, திட்டங்களை முன்னெடுக்க வேண்டும்.

 

4. திட்ட அறிவிப்பு மற்றும் ஆலோசனை:

புதிய அணைகள் போன்ற திட்டங்களை முன்னெடுக்க முனைந்தால், பாதிக்கப்படக்கூடிய நாடுகளுக்கு முன்கூட்டியே அறிவித்து, அவர்களுடன் ஆலோசனை நடத்த வேண்டும்.

 

இந்த கோட்பாடுகள், 1997 ஆம் ஆண்டில் உருவாக்கப்பட்ட “சர்வதேச நீர்வழிகளின் நவீன நவீனமற்ற பயன்பாடுகள் குறித்த ஐக்கிய நாடுகள் சபை ஒப்பந்தம்” (UN Watercourses Convention) மற்றும் 1992 ஆம் ஆண்டில் உருவாக்கப்பட்ட “நாடுகள் கடந்து செல்லும் நீர்வழிகள் மற்றும் சர்வதேச ஏரிகளின் பாதுகாப்பு மற்றும் பயன்பாடு குறித்த ஐரோப்பிய பொருளாதார ஆணைய ஒப்பந்தம்” (UNECE Water Convention) ஆகியவற்றில் உள்ளன.

 

இந்த ஒப்பந்தங்கள், நாடுகள் பகிர்ந்து கொள்ளும் நீர்வளங்களை சமமாகவும் நிலையான முறையிலும் பயன்படுத்துவதற்கான வழிகாட்டுதல்களை வழங்குகின்றன.

(ChatGPT யைக் கொண்டு மொழிபெயர்ப்பு செய்யப்பட்டது. குறைபாடுகளைப் பொறுத்தருள்வீர்  😁)

✋ நீர்ப் பயன்பாடு மற்றும் பங்கீடு தொடர்பாக UN ல் தெளிவான வரையறை இதுவரை இல்லை எனக் கூறப்படுகிறது என்பதைக் கவனிக்க. 

[விசுகு]

இது ஒரு வகையில் தமிழருக்கு மகாவலி திட்டம் போல் திபெத்திய மக்களுக்கு??

சீனா வைக்கும் ஆப்பு???