யாழ். பல்கலைக்கழகத்தில், மருத்துவபீடத்திற்கு அனுமதி பெறாமலே 2 மாத காலம் கற்ற யுவதி.

யாழ்ப்பாணம் பல்கலைக்கழக மருத்துவ பீடத்திற்கு அனுமதி பெறாது , மருத்துவ பீடத்தில் இரண்டு மாதங்கள் கற்கையை தொடர்ந்த மாணவி தொடர்பில் தகவல்கள் வெளியாகியுள்ளன.

கடந்த நவம்பர் மாதம் மருத்துவ பீட புதுமுக மாணவர்களுக்கான கற்கை நெறிகள் ஆரம்பமானது. அதன் போது கண்டியை சேர்ந்த பெரும்பான்மையின யுவதி ஒருவர் , புதுமுக மாணவர்களுடன் பல்கலைக்கழக மாணவர் விடுதியில் பதிவுகளை மேற்கொண்டு , விடுதியில் தங்கியிருந்து , மருத்துவபீட விரிவுரை மண்டபத்திற்கு விரிவுரைகளுக்கு கடந்த 2 மாத காலத்திற்கு மேலாக சென்று வந்துள்ளார்.

இந்நிலையில் கடந்த வெள்ளிக்கிழமை கற்கை செயற்பாட்டின் போது மாணவர்களை குழுக்களாக பிரித்துள்ளனர். அதன் போதே , 202 மாணவர்கள் காணப்பட வேண்டிய நிலையில் , 203 மாணவர்கள் காணப்பட்டமையால் ஏற்பட்ட குழப்பத்தை அடுத்து , அது தொடர்பில் பரிசீலிக்கப்பட்ட போதே பல்கலைக்கழக அனுமதி பெறாத யுவதி ஒருவரும் மாணவிகளுடன் இணைந்து கடந்த 2 மாத காலமாக விரிவுரைகளில் கலந்து கொண்டமை தெரிய வந்துள்ளது.

இது தொடர்பில் மருத்துவபீடத்தினர் தெரிவிக்கையில்,

மாணவிகள் மத்தியில் உயிரியல் பாடத்தில் 3 சாதாரண (S) சித்திகளை பெற்ற கண்டியை சேர்ந்த யுவதியும் மருத்துவ பீட மாணவர் விடுதியில் தங்கியிருந்து , விரிவுரைகளுக்கு வந்து சென்றுள்ளார். இந்த விடயம் தொடர்பில் பல்கலைக்கழக மானிய ஆணைக்குழுவிற்கு தெரியப்படுத்தப்பட்டுள்ளது. அவர்களின் அறிவுறுத்தலுக்கு அமையவே அடுத்த கட்ட நடவடிக்கை எடுக்கப்படும் என தெரிவிக்கப்பட்டது

https://athavannews.com/2026/1460463

ஒரு வேளை.... இப்படி தான் பைத்தியமும், வைத்தியர் ஆனாரோ. 😂

யாழ் மருத்துவபீடத்தினர் தங்கள் பக்கம் என்ன தவறு எப்படி ஏற்பட்டது என்பதையும் அறியத்தரலாமே. பல்கலைக்கழகத்தில் எப்படி மாணவியை பதிவு செய்தார்கள்? விடுதிக்கு எப்படி அனுமதி கொடுத்தார்கள்? இங்கு பல தகவல்கள் தவறவிடப்பட்டுள்ளன அல்லது மறைக்கப்பட்டுள்ளன.

மருத்துவராக வருவதற்கு மூன்று சாதாரண சித்திகள் போதாது என்றெல்லாம் இல்லை. சாதாரண சித்திகளுடன் வெளிநாடுகளுக்கு சென்று பயின்று பலர் மருத்துவர்களாக வந்துள்ளார்கள்.

14 hours ago, தமிழ் சிறி said:

யாழ். பல்கலைக்கழகத்தில், மருத்துவபீடத்திற்கு அனுமதி பெறாமலே 2 மாத காலம் கற்ற யுவதி.

யாழ்ப்பாணம் பல்கலைக்கழக மருத்துவ பீடத்திற்கு அனுமதி பெறாது , மருத்துவ பீடத்தில் இரண்டு மாதங்கள் கற்கையை தொடர்ந்த மாணவி தொடர்பில் தகவல்கள் வெளியாகியுள்ளன.

கடந்த நவம்பர் மாதம் மருத்துவ பீட புதுமுக மாணவர்களுக்கான கற்கை நெறிகள் ஆரம்பமானது. அதன் போது கண்டியை சேர்ந்த பெரும்பான்மையின யுவதி ஒருவர் , புதுமுக மாணவர்களுடன் பல்கலைக்கழக மாணவர் விடுதியில் பதிவுகளை மேற்கொண்டு , விடுதியில் தங்கியிருந்து , மருத்துவபீட விரிவுரை மண்டபத்திற்கு விரிவுரைகளுக்கு கடந்த 2 மாத காலத்திற்கு மேலாக சென்று வந்துள்ளார்.

இந்நிலையில் கடந்த வெள்ளிக்கிழமை கற்கை செயற்பாட்டின் போது மாணவர்களை குழுக்களாக பிரித்துள்ளனர். அதன் போதே , 202 மாணவர்கள் காணப்பட வேண்டிய நிலையில் , 203 மாணவர்கள் காணப்பட்டமையால் ஏற்பட்ட குழப்பத்தை அடுத்து , அது தொடர்பில் பரிசீலிக்கப்பட்ட போதே பல்கலைக்கழக அனுமதி பெறாத யுவதி ஒருவரும் மாணவிகளுடன் இணைந்து கடந்த 2 மாத காலமாக விரிவுரைகளில் கலந்து கொண்டமை தெரிய வந்துள்ளது.

இது தொடர்பில் மருத்துவபீடத்தினர் தெரிவிக்கையில்,

மாணவிகள் மத்தியில் உயிரியல் பாடத்தில் 3 சாதாரண (S) சித்திகளை பெற்ற கண்டியை சேர்ந்த யுவதியும் மருத்துவ பீட மாணவர் விடுதியில் தங்கியிருந்து , விரிவுரைகளுக்கு வந்து சென்றுள்ளார். இந்த விடயம் தொடர்பில் பல்கலைக்கழக மானிய ஆணைக்குழுவிற்கு தெரியப்படுத்தப்பட்டுள்ளது. அவர்களின் அறிவுறுத்தலுக்கு அமையவே அடுத்த கட்ட நடவடிக்கை எடுக்கப்படும் என தெரிவிக்கப்பட்டது

https://athavannews.com/2026/1460463

பெரும்பான்மை ..அதுவும் கண்டிப்பெரும்பான்மை ..கமுக்கமாய் அமுக்கிபோடுவினம் ...இப்ப சிலநாட்களுக்கு முன் ..யாழ் பல்கலையில் ...முக்காடுபோட்ட மாணவி ...தொலைபேசி காதுத்தொடுக்கிமூலம் உதவிபெற்று ...மருத்துவபீட இறுதித்தேர்வை எழுதிப் பிடிபட்டார் ...இதுவும் அமுக்கப்பட்டுவிட்டது ...இதில் ஒன்று நம்மினம் என்றால் ..அங்கு வம்பன் தொடங்கி ..முழுக் காணோலிக் கோமாளிகள் .. அங்கு குவிந்திருப்பர்..

Edited திங்கள் at 21:341 day by alvayan
சொற்பிழை

3 hours ago, நியாயம் said:

மருத்துவராக வருவதற்கு மூன்று சாதாரண சித்திகள் போதாது என்றெல்லாம் இல்லை

இலங்கை நிலவரம் பற்றியதுதான் செய்தி,

இலங்கையில் மருத்துவராக வருவதற்கு சாதாரண சித்தி போதுமா? இது தெரிஞ்சிருந்தா நானும் எப்பவோ டாக்டர் சுங்கப்பா ஆகியிருக்கலாம்.

Edited திங்கள் at 23:301 day by valavan

2 hours ago, valavan said:

இலங்கையில் மருத்துவராக வருவதற்கு சாதாரண சித்தி போதுமா?

ஓம்

சித்தி, பெரியம்மா எவருமே அசாதாரணமானோராக இருக்க வேண்டியதில்லை.

யாழ். மருத்துவ பீடத்தில் அரங்கேறிய விசித்திரம்: அனுமதி பெறாமல் இரண்டு மாதங்கள் கல்வி கற்ற யுவதி!

யாழ்ப்பாணப் பல்கலைக்கழக மருத்துவ பீடத்தில் முறையான அனுமதி இன்றி, மாணவர்களுடன் இணைந்து யுவதி ஒருவர் சுமார் இரண்டு மாத காலம் விரிவுரைகளில் கலந்துகொண்ட அதிர்ச்சித் தகவல் வெளியாகியுள்ளது.

சம்பவம் குறித்த விபரங்கள்:

கடந்த நவம்பர் மாதம் மருத்துவ பீடத்திற்கான புதிய மாணவர் சேர்க்கை நடைபெற்றது. இதன்போது, கண்டியைச் சேர்ந்த பெரும்பான்மையின யுவதி ஒருவர், பல்கலைக்கழக மாணவர் விடுதியில் தன்னை ஒரு மாணவியாகப் பதிவு செய்துகொண்டு தங்கியிருந்துள்ளார். கடந்த இரண்டு மாதங்களாக ஏனைய மாணவர்களுடன் இணைந்து மருத்துவ விரிவுரைகளிலும் அவர் எவ்வித தடையுமின்றி கலந்துகொண்டு வந்துள்ளார்.

வெளிச்சத்திற்கு வந்த உண்மை:

கடந்த வெள்ளிக்கிழமை மருத்துவ பீடத்தின் கற்றல் செயற்பாடுகளின் போது மாணவர்கள் குழுக்களாகப் பிரிக்கப்பட்டுள்ளனர். அந்தத் தொகுதியில் 202 மாணவர்கள் இருக்க வேண்டிய இடத்தில் 203 மாணவர்கள் இருந்தமையால் பேராசிரியர்களுக்குச் சந்தேகம் ஏற்பட்டுள்ளது. இதனைத் தொடர்ந்து மேற்கொள்ளப்பட்ட சரிபார்ப்பின் போதே, பல்கலைக்கழக அனுமதி பெறாத குறித்த யுவதி விரிவுரைகளில் கலந்துகொண்டமை கண்டுபிடிக்கப்பட்டது.

கல்வித் தகுதி: குறித்த யுவதி உயர்தர உயிரியல் பாடத்துறையில் 3 சாதாரண (S) சித்திகளை மாத்திரமே பெற்றுள்ளார் எனத் தெரியவந்துள்ளது.

அடுத்தகட்ட நடவடிக்கை: இந்தச் சம்பவம் தொடர்பாக பல்கலைக்கழக நிர்வாகம் பல்கலைக்கழக மானிய ஆணைக்குழுவிற்கு (UGC) உத்தியோகபூர்வமாக அறிவித்துள்ளது. ஆணைக்குழுவின் அறிவுறுத்தல்களுக்கு அமைய குறித்த யுவதி மீது சட்ட நடவடிக்கை அல்லது அடுத்தகட்ட விசாரணைகள் முன்னெடுக்கப்படும் என மருத்துவ பீட வட்டாரங்கள் தெரிவித்துள்ளன.

பாதுகாப்பு கெடுபிடிகள் மற்றும் பதிவுகள் இருக்கும் ஒரு பீடத்தில், இரண்டு மாதங்களாக எவரும் அறியாமல் ஒரு யுவதி கல்வி கற்றுள்ளமை பல்கலைக்கழக மட்டத்தில் பெரும் பரபரப்பை ஏற்படுத்தியுள்ளது.

ARV Loshan News ·

Edited நேற்று 15:011 day by தமிழ் சிறி

19 hours ago, alvayan said:

பெரும்பான்மை ..அதுவும் கண்டிப்பெரும்பான்மை ..கமுக்கமாய் அமுக்கிபோடுவினம் ...இப்ப சிலநாட்களுக்கு முன் ..யாழ் பல்கலையில் ...முக்காடுபோட்ட மாணவி ...தொலைபேசி காதுத்தொடுக்கிமூலம் உதவிபெற்று ...மருத்துவபீட இறுதித்தேர்வை எழுதிப் பிடிபட்டார் ...இதுவும் அமுக்கப்பட்டுவிட்டது ...இதில் ஒன்று நம்மினம் என்றால் ..அங்கு வம்பன் தொடங்கி ..முழுக் காணோலிக் கோமாளிகள் .. அங்கு குவிந்திருப்பர்..

செய்தியின் மூலம் என்ன? முகநூலா? அல்லது அல்வாயன் யாழ் பல்கலை மருத்துவ பீடத்தில் பணியாற்றுவதால் "அமுக்கப் பட்ட" தகவல்களும் தெரிய வந்திருக்கின்றனவா😇?

2023/24 இல் யாழ் பல்கலை மருத்துவ பீடம் முஸ்லிம் மாணவிகள் முக்காடு போட்ட படி பரீட்சை எழுத அனுமதி மறுத்து, கண்டனங்களின் பின்னர் பின் வாங்கியது. இதை வைத்துக் கொண்டு அல்வாயன் போன்ற "இஸ்லாமின் நண்பர்கள்" முகநூலில் கதைகள் பரப்புகிறார்கள் என ஊகிக்கிறேன்.

21 hours ago, valavan said:

இலங்கை நிலவரம் பற்றியதுதான் செய்தி,

இலங்கையில் மருத்துவராக வருவதற்கு சாதாரண சித்தி போதுமா? இது தெரிஞ்சிருந்தா நானும் எப்பவோ டாக்டர் சுங்கப்பா ஆகியிருக்கலாம்.

இலங்கையில் பணியாற்றும் மருத்துவர்களில் பலர் வெளியில் மருத்துவ கல்வியை முடித்தவர்கள். ஆனால், காசு சல்லி வேணுமே.

4 minutes ago, நியாயம் said:

சல்லி வேணுமே

?? மருத்துவமனை கட்டுவதற்காகவா? சீமெந்து செங்கல்களும் தேவைப்படுமே?

5 hours ago, Justin said:

செய்தியின் மூலம் என்ன? முகநூலா? அல்லது அல்வாயன் யாழ் பல்கலை மருத்துவ பீடத்தில் பணியாற்றுவதால் "அமுக்கப் பட்ட" தகவல்களும் தெரிய வந்திருக்கின்றனவா😇?

2023/24 இல் யாழ் பல்கலை மருத்துவ பீடம் முஸ்லிம் மாணவிகள் முக்காடு போட்ட படி பரீட்சை எழுத அனுமதி மறுத்து, கண்டனங்களின் பின்னர் பின் வாங்கியது. இதை வைத்துக் கொண்டு அல்வாயன் போன்ற "இஸ்லாமின் நண்பர்கள்" முகநூலில் கதைகள் பரப்புகிறார்கள் என ஊகிக்கிறேன்.

நான் பார்த்த செய்தியைத்தான் பதிவேன் ...தேவையில்லாமல் அலட்டமாட்டேன் ... அவ்வளவுதான் ...டொட்

On 19/1/2026 at 17:40, தமிழ் சிறி said:

யாழ். பல்கலைக்கழகத்தில், மருத்துவபீடத்திற்கு அனுமதி பெறாமலே 2 மாத காலம் கற்ற யுவதி.

ம், அவ அனுமதி பெறாமல் கற்றிருக்கிறார், இவர்கள் அனுமதி கொடுக்காமல் அவரின் பெயரை சரி பார்க்காமல் கற்பித்திருக்கிறார்கள். ஒவ்வொருநாளும் மாணவர் தொகை, வருகை சரிபார்க்காமல் கற்பிப்பார்களோ? அது இருக்க, இப்போ மருத்துவ கற்கை சித்தியெய்திய சான்றிதழ் இல்லாமற்கூட தனியார் மருத்துவ நிலையம் நடத்துகிறார்களாம், அவர்கள் பிடிபட்டவுடன் போலி வைத்தியர் என்கிறார்கள்.

படிக்க ஆர்வம் உள்ள பிள்ளை எங்க இருந்தாலும் படிக்கும் ... ஏகலைவன் தூர நின்று துரோணரின் கலையை பயின்றதும், ஆபிரகாம் லிங்கன் தெரு விளக்கு வெளிச்சத்தில் படித்ததும் போல இந்த பிள்ளை எதோ செய்ய ட்ரை பண்ணி இருக்கு போல.

இங்கு எந்த ஒரு பல்கலை கழக விரிவுரையிலும் யாரும் போய் உட்கார்ந்து இருந்து படிப்பிப்பதை கேட்டுக் கொண்டு இருக்கலாம். ID கார்டு பார்த்து உள்ளே அனுப்புவதில்லை.

மாணவ விடுதிக்கு எப்படி போனார் என்பது தான் பெரிய கேள்வி?

Edited 4 hours ago4 hr by Sasi_varnam

13 hours ago, நியாயம் said:

சல்லி வேணுமே

தட் குடுமியை மறைக்க மறந்த தருணம்😂.

13 hours ago, vasee said:

?? மருத்துவமனை கட்டுவதற்காகவா? சீமெந்து செங்கல்களும் தேவைப்படுமே?

நாதமுனியை நான் மிஸ் பண்ணுகிறேன். நீங்களுமா?😂

5 hours ago, Sasi_varnam said:

இங்கு எந்த ஒரு பல்கலை கழக விரிவுரையிலும் யாரும் போய் உட்கார்ந்து இருந்து படிப்பிப்பதை கேட்டுக் கொண்டு இருக்கலாம். ஈத் கார்டு பார்த்து உள்ளே அனுப்புவதில்லை.

ஓ எல், ஏ எல் என எந்த பொது பரிட்சையும் இல்லாத நாடு கனடா என்பதை அறிந்த போது கொஞ்சம் அதிர்ச்சியாக இருந்தது.

இது இன்னமும் அதிர்சியாக உள்ளது.

இங்கே மாணவர் ஐடி கார்ட் இல்லாமல் பல்கலை கழக கட்டிடத்துக்குள், சில வளாகங்களுக்குள் கூட நுழைய முடியாது.

1 hour ago, goshan_che said:

தட் குடுமியை மறைக்க மறந்த தருணம்😂.

குடும்பியை கண்டுபிடித்து விடுகிறீர்கள் 😂

1 hour ago, goshan_che said:

இங்கே மாணவர் ஐடி கார்ட் இல்லாமல் பல்கலை கழக கட்டிடத்துக்குள், சில வளாகங்களுக்குள் கூட நுழைய முடியாது.

அதிலும் இந்தியாவில் ஆதர்காட் என்று மக்களுக்கான ஒரு அடையாள அட்டையை இப்போது தான் வந்துள்ளதாம் ஆனால் இலங்கை அடையாள அட்டை முறையை மக்களுக்கு ஐரோப்பா போன்று எப்போதே அறிமுகபடுத்தி விட்டதாம் அப்படிபட்ட ஒரு நாட்டில் இந்த மோசடி எப்படி நடைபெற்றது 🙄

53 minutes ago, விளங்க நினைப்பவன் said:

குடும்பியை கண்டுபிடித்து விடுகிறீர்கள் 😂

அதிலும் இந்தியாவில் ஆதர்காட் என்று மக்களுக்கான ஒரு அடையாள அட்டையை இப்போது தான் வந்துள்ளதாம் ஆனால் இலங்கை அடையாள அட்டை முறையை மக்களுக்கு ஐரோப்பா போன்று எப்போதே அறிமுகபடுத்தி விட்டதாம் அப்படிபட்ட ஒரு நாட்டில் இந்த மோசடி எப்படி நடைபெற்றது 🙄

இலங்கையில் இப்படி நடப்பது அரிது. ஆனால் சிலர் நூதனமாக களவு செய்வார்கள்.

உதாரணமாக ஏ எல் பாஸ்பண்ணி பல்கலை வெட்டுபுள்ளி எடுத்து மருத்துவம், சட்டம், பொறியியல் போவது மிக கஸ்டம்.

ஜனாதிபதி, அமைச்சர்களின் பிள்ளைகள் கூட களவு செய்து யூனி உள்ளே போனதாக இல்லை.

ஆனால் அதி உயர் அதிகாரிகள் மிக அரிதாக இப்படி களவு செய்து அனுப்பியதாக பரவலாக நம்பபடுகிறது.

ஒன்றில் பேப்பரை அவுட் ஆக்கி, அல்லது வேறு ஆளை சோதனை செய்ய வைத்து (குதிரை ஓடல்), அல்லது திருத்தும் இடத்தில் பேப்பரை மாற்றி இப்படி செய்வாகளாம்.

முன்னர் சிறி ரங்கா என ஒரு தறுதலை எம்பியாக இருந்தது. அதுவும், சைக்கிள் கஜன்ஸ்சில் ஒருவரான குதிரை கஜனும் இப்படித்தான் உள்ளே போனதாக சொல்லப்படும்.

குதிரை கஜன் காரணப்பெயர்.

16 hours ago, alvayan said:

நான் பார்த்த செய்தியைத்தான் பதிவேன் ...தேவையில்லாமல் அலட்டமாட்டேன் ... அவ்வளவுதான் ...டொட்

ஓம். இங்கே இணைப்புத் தர முடியாத செய்தியென்பதால் வட்சப் செய்தியாக இருக்கலாம்!

10 hours ago, Sasi_varnam said:

இங்கு எந்த ஒரு பல்கலை கழக விரிவுரையிலும் யாரும் போய் உட்கார்ந்து இருந்து படிப்பிப்பதை கேட்டுக் கொண்டு இருக்கலாம். ID கார்டு பார்த்து உள்ளே அனுப்புவதில்லை.

வகுப்பிற்குப் பதிவு செய்த மாணவர்களே வந்திருந்து குறட்டை விட்டுத் தூங்கும் விரிவுரைகளில் பதிவு செய்யாத வெளியார் ஏன் தான் வந்திருக்கப் போகிறார்கள் என்ற எண்ணம் தான் இந்த நெகிழ்வுப் போக்கிற்குக் காரணம்😂.

இது திறந்த வகுப்பறை - Open classroom என்ற கொள்கையினால் வந்த நடைமுறையல்ல. இப்படி விரிவுரை மண்டபங்களைத் திறந்து வைத்திருந்த சில இடங்களில் பாதுகாப்பு பிரச்சினையும் ஏற்பட்டிருக்கிறது. அண்மையில், பிறவுண் பல்கலையினுள் சனிக்கிழமை நடந்து கொண்டிருந்த ஒரு வகுப்பிற்குள் நுழைந்த மாணவரல்லாத ஒரு லூசுப் பயல் சுட்டதில் இருவர் உயிரிழந்தார்கள். இப்படி பட்ட சவால்கள் இந்த திறந்த வகுப்பறைகளில் இருக்கின்றன.

9 hours ago, Sasi_varnam said:

படிக்க ஆர்வம் உள்ள பிள்ளை எங்க இருந்தாலும் படிக்கும் ... ஏகலைவன் தூர நின்று துரோணரின் கலையை பயின்றதும், ஆபிரகாம் லிங்கன் தெரு விளக்கு வெளிச்சத்தில் படித்ததும்

அன்றைய பரமேசுவரா கல்லூரிதான் இன்றைய பல்கலைக்கழகம். அது சேர் பொன்னம்பலம் இராமநாதன் அவர்களால் கட்டப்பட்ட கட்டிடம். அந்தக் கட்டிடக் கல்லூரியில்தான் நானும் படித்தேன். அக்கட்டிடத்தில் ஏதோ புரியாத அதிசயம் இருப்பதுபோல் இந்த மாணவியின் சம்பவமும் என்னைச் சிந்திக்க வைக்கிறது.

நான் எட்டாவது வகுப்பு படிக்கும்போது வடமாகாண ஆசிரியர் சங்கத்தால் நடாத்தப்பட்ட ஒரு பரீட்சையில் பங்குபற்றுவதற்கான மாணவர்கள் தகுதி பார்க்கப்பட்டது. அதுசமயம் அங்கு நடைபெற்ற உள்ளகப் பரீட்சையின் பெறுபேறுகளைக் கொண்டு மாணவர்கள் தெரிவுசெய்யப் பட்டனர். அப்பரீட்சையில் கணக்கும், தமிழும் பிரதான பாடங்களாக இருந்தன. அவை இரண்டும் மிகவும் கடினமாக இருந்ததால் பலமாணவர்கள் அவற்றில் சித்திபெறவில்லை. ஏனைய பாடங்கள் மிகவும் சுலபமானது. ஆகவே மாணவர் தெரிவில் கணக்கும், தமிழும் சித்தியடைந்தோரை ஆசிரியர் சங்கத்தால் நடாத்தப்படும் பரீட்சைக்கு அனுமதிப்பதாக ஆசிரியர்கள் கூடி முடிவெடுத்தனர். நானும் தெரிவு செய்யப்பட்டேன். ஆனால் நான் கணக்கிலும், தமிழிலும் மட்டுமே சித்திபெற்றிருந்தேன், மற்றும் அனைத்திலும் சித்திபெறாது கோட்டை விட்டிருந்தேன்.

எங்கள் வகுப்பு ஆசிரியர் இதைப் பின்னர் கவனத்தில் கொண்டு “இவன் அந்த இரண்டு பாடங்களைத் தவிர மற்ற அனைத்திலுமே சித்தி பெறவில்லை இவனை எப்படி அனுப்பலாம்?” என்று ஆட்சேபனை எழுப்பினார். அச்சமயம் எங்கள் கல்லூரி அதிபர் அந்த ஆட்சேபனையை ஏற்க மறுத்து இது உங்கள்தவறு இதனை நீங்கள் முன்பே கவனித்திருக்க வேண்டும். அறிவித்தபின்பு மாற்றக் கூடாது எனக் கூறிவிட்டார்.

நான் வடமாகாண ஆசிரியர் சங்கம் வைத்த பரீட்சையில் பங்குபற்றி 2ம் தரத்தில் சித்தி பெற்றேன். எங்கள் வகுப்பு ஆசிரியர் முதற்கொண்டு அனைவரும் என்னைப் பாராட்டினார்கள்.

இந்த மாணவியும் தடைக்கு உட்படாது எதிர் காலத்தில் சிறந்த வைத்தியராக வந்தால் ஆச்சரியப்படுவதற்கில்லை.