வல்வெட்டித்துறை தீருவில் சதுக்கத்தில் பொது மக்கள் அஞ்சலிக்காக வைக்கப்பட்டுள்ள தமிழீழ விடுதலைப் புலிகளின் தலைவர் வே .பிரபாகரன் அவர்களின் தந்தை திருவேங்கடம் வேலுப்பிள்ளைய ஐயாவின் பூதவுடலுக்கு நேற்று 1000க் கணக்கான மக்கள் அஞ்சலி செலுத்தினர் கூடவே நேற்றிரவு தமிழ் தேசியக் கூட்டமைப்பு நாடாளுமன்ற உறுப்பினர்கள் தமது இறுதி அஞ்சலியை செலுத்தினர்.

தமிழ் தேசியக் கூட்டமைப்புத் தலைவர் இரா.சம்பந்தன் , மாவை சேனாதிராஜா, சுரேஷ் பிரேமச்ச்நதிரன் ,சொலமன் சிறில் ,பத்மினி சிதம்பரநாதன் ,செல்வம் அடைக்கலநாதன் ,சிவசக்தி ஆனந்தன் , வினோ நோகதாரலிங்கம், கே .துரைரட்ணசிங்கம் ,டாக்டர் தோமஸ் வில்லியம் தங்கத்துரை மற்றும் பா.அரியநேத்திரன் ஆகியோர் கூட்டாக தமிழ் தேசியக் கூட்டமைப்பு சார்பில் இறுதி அஞ்சலி செலுத்தினர்.

தமிழ்தேசியக் கூட்டமைப்பு நாடாளுமன்ற உறுப்பினர்களுடன் இந்திய நாடாளுமுன்ற உறுப்பினர் தொல்.திருமாவளவன் உட்பட தமிழ் நாட்டிலிருந்து வருகை தந்த 3 பிரமுகர்களும் தமது அஞ்சலியை செலுத்தினர் .

அமரர் வேலுப்பிள்ளை ஐயாவின் பூதவுடல் இன்று தீருவில் சதுக்கத்திலிருந்து நண்பகல் 12.00 மணிக்கு அவரது உறவினர் இல்லமொன்றிற்கு எடுத்துச் செல்லப்பட்டு அஞ்சலிக்கு வைக்கப்பட்ட பின்னர் அங்கிருந்து ஊறணி பொது மயானத்திற்கு எடுத்துச் செல்லப்பட்டு அங்கு தகனக் கிரியைகள் நடைபெறும். http://www.eelanatham.net/news/important

Edited January 10, 201016 yr by உமை

தலைவர் அவர்களின் தந்தையாருக்கு எனது கண்ணீர் அஞ்சலிகள்

ஐயாவுக்கு எனது மனமார்நத இதய அஞ்சலிகள்.

குறிப்பு:

தேசிய தலைவரின் பூதவுடலுக்கு ஆயிரக்கணக்கான மக்களுடன் கூட்டமைப்பும் அஞ்சலி

தேசியத்தலைவரின் "தந்தையாரின்" பூதவுடல் என்று தலைப்பை மாற்றுங்கள்

தேசியத் தலைவரின் தந்தையாருக்கு எனது இதய அஞ்சலிகள். தயவு செய்து தலைப்பை மாற்றுங்கள்.

வேலுப்பிள்ளை அய்யா அவர்களின் பூதவுடலுக்கு எனது இறுதி வணக்கங்கள்.

தயவுசெய்து தலைப்பை மாற்றுங்கள்.

சென்று வாருங்கள் ஐயா, கனத்த மனத்துடன் விடை கொடுக்கின்றேன்.

முதலில் தலைப்பை மாத்துங்கப்பா.

தலைப்பு மாற்றப்பட்டுள்ளது.

இந்த நிமிடம் வரை ஈழநாதம் இணையத்தில் இதன் தலைப்பு மாற்றப்படவில்லை... இவர்களின் கேடு கெட்ட வயிற்றுப் பிழைப்புக்கு எம் தலைவரின் தந்தையின் இறப்புச் செய்தி கூட விட்டு வைக்கப்படவில்லை.

வாழ்க ஈழ நா(த்)தம்

ஆயிரக்கணக்கான மக்கள் என்கிறார்கள் ஒரு படத்தையாவது இதில் இணைக்கக்கூடாதா?