பழம்பெரும் நடிகை காந்திமதி மரணம்

வெள்ளிக்கிழமை, செப்டம்பர் 9, 2011, 10:36

சென்னை: பழம்பெரும் குணச்சித்திர மற்றும் நகைச்சுவை நடிகை காந்திமதி உடல் நலக்குறைவால் மரணமடைந்தார்.

300க்கும் மேற்பட்ட படங்களில் நடித்துள்ள காந்திமதி உடல்நலக்குறைவால் மருத்துவமனையில் அனுமதிக்கப்பட்டிருந்தார். இன்று சிகிச்சை பலனில்லாமல் அவர் உயிரிழந்தார்.

எம்.ஜி.ஆர்.,சிவாஜி, ஜெமினி கணேசன் உள்ளிட்ட அந்தக் கால சூப்பர் ஸ்டார்கள் முதல் ரஜினி, கமல், விஜயகாந்த் உள்ளிட்ட இந்தக் கால நடிகர்கள் வரை அனைவருடனும் நடித்த பெருமைக்குரியவர் காந்திமதி.

இவரது வசன உச்சரிப்பு வெகு பிரபலமானது. 16 வயதினிலே படத்தில் ஸ்ரீதேவியின் அம்மா வேடத்தில் இவர் நடித்து மிகவும் பிரபலமானார். அதன் பின்னர் பாரதிராஜாவின் படங்களில் தவறாமல் நடித்து வந்தார். நகைச்சுவை, வில்லத்தனம், குணச்சித்திரம் என எந்தக் கேரக்டர் கொடுத்தாலும் அசத்தியவர் காந்திமதி.

கரகாட்டக்காரன் படத்திலும் இவரது வேடம் வெகுவாகப் பேசப்பட்டது. கடந்த 2000மாவது ஆண்டு இதய நோய் காரணமாக அப்பல்லோ மருத்துவமனையில் அனுமதிக்கப்பட்டு அறுவைச் சிகிச்சை செய்யப்பட்டது. அதன் பின்னர் தேறினார். பின்னர் தீவிர சினிமாவில் நடிக்காமல் ஒதுங்கியிருந்தார். டிவியில் நடித்து வந்தார்.

காந்திமதி, சிவகங்கை மாவட்டத்தைச் சேர்ந்தவர். சென்னை வடபழனியில் வசித்து வந்தார். அவரது இறுதிச் சடங்குகள் இன்று மாலை நடைபெறும் என அவரது மகன் தீனதயாளன் அறிவித்துள்ளார்.

காந்திமதியின் உடலுக்கு திரையுலகைச் சேர்ந்த பலரும் நேரில் சென்று அஞ்சலி செலுத்தி வருகின்றனர்.

http://thatstamil.oneindia.in/movies/news/2011/09/actress-gandhimathi-passes-away-aid0091.html

எனக்குப் பிடித்த நடிகைகளில் இவரும் ஒருவர்.

அவர் வாயைச்சுழித்து அடுக்கு வசனங்கள் பேசும் போது... நன்றாக இருக்கும்.

அன்னாரின் ஆத்ம சாந்திக்கு, இறைவனை பிரார்த்திக்கின்றேன்.

நல்ல நடிகை, எந்த வேடமும் சிறப்பா செய்வா, ஆத்மா சாந்தியறைய பிரார்த்திக்கின்றேன்

எனக்கும் மிகவும் பிடித்த நடிகை.அண்ணாரின் ஆத்மா சாந்தி அடைய பிராத்திப்போம்.

அண்மையில் 16 வயதினிலே இலவசத் தொலைக்காட்சியில் பார்த்தேன். காந்திமதியின் நடிப்பு அருமை. தமிழ்த் திரையுலகமும் ரசிகர்களும் ஒரு சிறந்த நடிகையை இழந்துவிட்டது. அன்னாரின் குடும்பத்தினருக்கு ஆழ்ந்த அனுதாபங்கள்.

ஆழ்ந்த இரங்கல்கள்..!

ஆத்மா சாந்தி அடையட்டும்

முத்துப் படத்தில் இவங்களோட பெயரே ஒரு தனிரகம்...

கடைசி வரை திருமணம் செய்யாமல் தனது சகோதரனின் மகன்களை வளர்த்துள்ளார். She is a great lady! அவரின் ஆன்மா சாந்தியடையவும், வளர்ப்பு மகன்களுக்கு ஆழ்ந்த அனுதாபத்தையும் தெரிவிக்கிறேன்.

காந்திமதி அவர்களின் ஒளிப்பதிவு இணைப்பிற்கு நன்றி குட்டி.

மேலும் அவரின் ஒளிப்பதிவுகள் கிடைத்தால்... இணையுங்களேன்.

காந்திமதி அவர்களின் ஒளிப்பதிவு இணைப்பிற்கு நன்றி குட்டி.

மேலும் அவரின் ஒளிப்பதிவுகள் கிடைத்தால்... இணையுங்களேன்.

http://www.youtube.com/watch?v=xXS6Kk2-ScQ

மேலதிக இணைப்பிற்கு நன்றி குட்டி.

காந்திமதி அம்மா, உயிரோடு இருக்கும் போது பயன் படுத்தத் தெரியாத தமிழ் சினிமா, இனி அழுது என்ன பிரயோசனம்.

எடே என்னப் பெத்தராசா என்கிற சொல்லை கேட்டாலே இவரது ஞாபகம்தான் வரும் அனுதாபங்கள்

ஆழ்ந்த இரங்கல்கள்!

ஆத்தாவிற்குஎன் இரங்கல்கள்.

ஆழ்ந்த அனுதாபங்கள்!

ஆத்மா சாந்தி அடையட்டும்