யாழ் இணையம் - 25 ஆவது அகவை - வாழ்த்துக்கள்

[குமாரசாமி]

49 minutes ago, கிருபன் said:

எனக்குத் தெரிந்து யாழில் நிர்வாகம் அடிக்கடி பாவிப்பது:

ஆக்கபூர்வமான கருத்தாடல்

பண்பான கருத்தாடல்

சமூகப் பொறுப்பு

ஆனால் இப்போதும் வரும் கருத்துக்கள் சில மேலுள்ளவற்றை கிஞ்சித்தும் கருத்தில்கொள்வதில்லை. அரட்டையையும், அலம்பல்களையும்தான் அதிகம் காணமுடிகின்றது. சீரியஸான விடயங்களிலும் பக்குவம் இல்லாமல் அசட்டுத்தனமான கருத்துக்கள் வருகின்றன. அவை எந்த வகையிலும் ஆக்கபூர்வமான விவாதங்களுக்கும் வழிகோலாது. 

எனக்குத்தெரிய என்னைப்போன்ற ஒரு சிலர் மட்டும் தான் அரட்டை,அலம்பல்களை செய்கின்றனர். மிகுதி உறவுகள் ஆக்க பூர்வமாக கருத்தாடலாம் அல்லவா? ஆக்கபூர்வமான திரிக்குள் அல்லது உரையாடல்களுக்குள் என்னைப்போன்ற அலம்பல்கள் நுழைவதில்லை.

[சுவைப்பிரியன்]

யாழ் இணையத்திற்கு வாழ்த்துக்கள்

[ராசவன்னியன்]

தமிழ் நாட்டிலிருந்து பலரும் உறுப்பினராகி கலந்துரையாடிவர்கள், இப்பொழுது யாரும் கருத்துக்களை பதிவதில்லை அல்லது ‘ஆண்டு 2009தோடு  எல்லாம் முடிந்துவிட்டது, இங்கே வருவதற்கு இனியென்ன தேவை?’ என அசிரத்தையாக இருக்கலாம். ஈழ உறவுகளும் அப்படியே ஒதுங்கிவிட்டார்கள் போலும்.

கிட்டதட்ட 2005லிருந்து ஒரே முனைப்புடன் வாசித்து வருகிறேன். நான் இங்கே உறுப்பினராகி 14 வருடமாகிவிட்டது.

களத்தில் இணைந்த புதிதில் ஒரு யாழ் கள பெரியவர் ‘இன்னாப்பா நீ.. அப்பா டக்கரா?’ என்ற மாதிரி கேட்டுவிட்டார்.  ‘அப்படியெல்லாம் விடலாமா?’ என இங்கே தொடர்ந்தேன். அப்பெரியவர் எங்கிருந்தாலும் நலமுடன் வாழ்க!

ஈழம் பற்றிய நுணுக்கங்களை யாழ் களமே எனக்கு கற்றுவித்தது. அவ்வகையில் யாழ் களத்திற்கு மனமார்ந்த நன்றிகள்.

யாழ் களம் தொடர்ந்து சிறக்க வாழ்த்துகள்! 

[ரதி]

 யாழ் தங்கச்சிக்கு இனிய பிறந்த நாள் வாழ்த்துக்கள் 
 

[பாலபத்ர ஓணாண்டி]

எழுத்தறிவித்தவன் இறைவன்.. நான் கதை கவிதை கட்டுரை எழுதிப்பழகியது ஊக்கம்தந்தது இந்த யாழ்தான்.. அது ஒரு பொற்காலம் எனக்கு.. அந்த இனிய நினைவுகளைத்தந்த யாழ் இன்னும் பல்லாண்டுகாலம் நீண்டு நிலைக்கவேண்டும்.. நான் பென்சன் எடுக்கும் காலத்தில் வாழ்வின் அஸ்த்தமகாலத்தில் வரப்போகும் தனிமையையும் மரணம் குறித்த பயத்தையும் போக்க இங்கு எழுதி உறவாடி கிடக்க இந்த யாழ் நீண்டு நிலைக்கவேண்டும் என்று சுயநலத்துடன் வாழ்த்துகிறேன்.. கவிஞர் பொயட் சொன்னதுபோல் சாகிறவரைக்கும் வாழுற வயசாகட்டும் நம் யாழுக்கு..

Edited March 31, 2023 by பாலபத்ர ஓணாண்டி

[nedukkalapoovan]

வெள்ளி விழா காணும் யாழ் இணையத்திற்கும் அதன் கருத்துக்களத்திற்கும் சவால்கள் தாண்டி நீண்டு நீடித்து நிலைக்க வாழ்த்துக்கள். யாழில் ஏ ஐயில் உரையாடும் காலமும் வர வேண்டும். 

இந்த இடத்தில் யாழின் ஸ்தாபகர் மோகன் அண்ணா.. யாழில் இயக்கத்தின் ஆரம்பத்தில் அவருக்கு துணை நின்ற சுரதா யாழ்வாணன் அண்ணா.. மற்றும் மறைந்த உறவுகளான சோழியன் அண்ணா.. சோம்பு அண்ணா உள்ளிட்ட யாழின் வளர்ச்சியோடு காலத்துக்கு காலம் கூடிப் பயணித்த பயணித்துக் கொண்டிருக்கும் சக யாழ் சொந்தங்களுக்கும் வாழ்த்துக்கள் உரித்தாகுக.!

[goshan_che]

வாழ்துக்கள் ❤️

[island]

13 hours ago, கிருபன் said:

சீரியஸான விடயங்களிலும் பக்குவம் இல்லாமல் அசட்டுத்தனமான கருத்துக்கள் வருகின்றன. அவை எந்த வகையிலும் ஆக்கபூர்வமான விவாதங்களுக்கும் வழிகோலாது. 

இந்த கருத்தை வழிமொழிகிறேன். எமது தமிழ் சமுதாயத்துக்குள் சீரியஸாக எடுத்து விவாதித்து,  எம்மை நாமே புடம் போட வேண்டிய பல விடயங்களை தாங்கிய விவாத தலைப்புகள் அதில்  வந்த காமடி விமர்சனங்களால் நீர்த்துப் போகச் செய்யப்பபடிருக்கின்றன. ஒன்று மில்லாத பல விடயங்கள் பக்கம் பக்கமாக நீண்டிருக்கின்றன. இவை யாழ் இணையத்தின் நோக்கங்களைப்  பாதிக்கும்.   உலகின்  மாற்றங்களை உள்வாங்கி எம்மை அதற்கேற்ப தகவமைத்து கொள்வது தமிழரின் பலத்தை அதிகரிக்கும். 

[குமாரசாமி]

37 minutes ago, island said:

இந்த கருத்தை வழிமொழிகிறேன். எமது தமிழ் சமுதாயத்துக்குள் சீரியஸாக எடுத்து விவாதித்து,  எம்மை நாமே புடம் போட வேண்டிய பல விடயங்களை தாங்கிய விவாத தலைப்புகள் அதில்  வந்த காமடி விமர்சனங்களால் நீர்த்துப் போகச் செய்யப்பபடிருக்கின்றன. ஒன்று மில்லாத பல விடயங்கள் பக்கம் பக்கமாக நீண்டிருக்கின்றன. இவை யாழ் இணையத்தின் நோக்கங்களைப்  பாதிக்கும்.   உலகின்  மாற்றங்களை உள்வாங்கி எம்மை அதற்கேற்ப தகவமைத்து கொள்வது தமிழரின் பலத்தை அதிகரிக்கும். 

 தயவு செய்து கோபிக்க வேண்டாம்.காமெடி விமர்சனங்களால் நீர்த்து போன முக்கியமான ஒரு திரியை உதாரணத்திற்கு எடுத்து காட்டுங்கள். 

[island]

19 minutes ago, குமாரசாமி said:

 தயவு செய்து கோபிக்க வேண்டாம்.காமெடி விமர்சனங்களால் நீர்த்து போன முக்கியமான ஒரு திரியை உதாரணத்திற்கு எடுத்து காட்டுங்கள். 

குமாரசாமி, நீங்கள் வெகுண்டெழ அது உங்களைக் குறித்து தெரிவிக்கப்பட்ட கருத்து அல்ல. ஒட்டு மொத்தமான கருத்துக்களத்தை பற்றிய பார்வை.   அதையொட்டிய கிருபனின் கருத்து நியாயமென எனக்கு பட்டதால் எனது பார்வையை  தெரிவித்தேன் அந்த தவறை  நானும்  செய்திருக்கலாம்.

எந்த திரி என்று  தேடி எடுத்து அதை இணைக்க அதிலும் குதர்ககமும் சண்டையும் தான் மிஞ்சும்.  அதை விட ஒவ்வொருவரும் சமூக பொறுப்பை உணர்ந்து தம்மை தாமே சுய பரிசோதனை செய்து கருத்திடுவது யாழ் இணையத்தின் மாண்பையும் சுதந்திரமான கருத்துக்களத்தின் நோக்கத்தையும் நிறைவேற்றும் என்பது எனது கருத்து. அதை ஏற்கவேண்டிய அவசியம் உங்களுக்கு இல்லை. 

[நியாயம்]

14 hours ago, குமாரசாமி said:

எனக்குத்தெரிய என்னைப்போன்ற ஒரு சிலர் மட்டும் தான் அரட்டை,அலம்பல்களை செய்கின்றனர். மிகுதி உறவுகள் ஆக்க பூர்வமாக கருத்தாடலாம் அல்லவா? ஆக்கபூர்வமான திரிக்குள் அல்லது உரையாடல்களுக்குள் என்னைப்போன்ற அலம்பல்கள் நுழைவதில்லை.

நீங்கள் கூறும் கருத்துக்கள் அலம்பல்களாக இல்லை. அவை உங்கள் உள்ளக்கிடக்கை, அபிப்பிராயம். உங்கள் எண்ணங்களை வெளிப்படுத்துகின்றீர்கள். கருத்து முரண்பாடுகள் வரும்போதுதான் உங்கள் கருத்துக்களில் குறைகள் தென்படுகின்றனவோ என்னவோ. 

கிருபன் கூறும் விடயங்கள் பற்றிய நுணுக்கமான அவதானிப்புக்கள் எனக்கு இல்லை.  அதற்கு நேரமும் இடம்கொடாது. 

[யாயினி]

என் வாழ்த்துகளும் உரித்தாகட்டும்..........🙏

[தனிக்காட்டு ராஜா]

என் வாழ்த்துக்களும் இன்னும் பல ஆண்டுகள்  பலரை இணைத்து பொலிவுடன் திகழ வாழ்த்துகிறேன்