சகோதர உறவுமுறை ஏன் மிகவும் முக்கியமானது?

February 10, 201411 yr

கருத்துக்கள உறவுகள்

வர்னாச்சிரம கலாச்சாரத்தை தேனில் கலந்து தமிழனுக்கு ஊட்டப்பட்ட போதே அவன் ஒற்றுமை குலைய ஆரம்பித்தது. கூட்டுக்குடும்ப வாழ்வு உடைந்தபோது ஒற்றுமையும் உடைந்து சிதறிப்போனது. தமிழினியின் மனம்போல் மாறாதிருக்க முயன்ற சிலர்தான், புலிகளாக ஒற்றுமைப்பட்டனர். அனைத்துத் தமிழரின் ஒற்றுமையும் உடையாது இருந்திருக்குமே ஆனால், நாங்கள் அனைவரும் இன்று தமிழ் ஈழத்தில் வாழ்ந்திருப்போம்.

February 10, 201411 yr

உண்மைதான் தமிழினி. எனக்கு ஒரே ஒரு சகோதரி மட்டுமே இருப்பதால் இதில் அதிகம் எழுதுவது சரியாகாது. ஆனால் என் அனுபவத்தில் சகோதரம் என்பது அருமையான ஒரு உறவு. தானாடாவிட்டாலும் தன் தசையாடும் என்பது உண்மை, இன்று வரைக்கும் என் சகோதரி ஒரு நல்ல தோழியாகவே எனக்கு இருக்கின்றார்.

பல வீடுகளில் கணவன் தன் சகோதரத்துக்கு உதவுவதை மனைவி எதிர்ப்பதற்கு காரணம் மனைவியிடம் அது பற்றி கதைத்து தெளிவுபடுத்தாமல் விடுவதே. பல அண்ணிமார்களுக்கு சகோதரங்களுக்கு காசு அல்லது உதவி செய்வதை அண்ணன்மார்கள் முற்றாக மறைக்க முயல்வதுதான் பிரச்சனையின் மூல காரணமாக இருப்பதைக் கண்டுள்ளேன். அத்துடன் மனைவியின் அப்பா அம்மாக்களும் தேவையில்லாமல் இந்த விடயங்களில் வேலை வெட்டி இல்லாத தம் மூக்குகளை நுழைப்பதும் காரணம்.

எனக்கு ஒரு டவுட் இருக்கு, இந்த தமிழகத்து தொடர் நாடகங்களால் (ரீ வி சீரியல்கள்) எம் மக்கள் அதிகம் பாதிப்புறுகின்றனரோ என்று. 90 வீதமான தொடர் நாடகங்களில் சகோதரங்களை வில்லன்கள் மாதிரிக் காட்டுவதும், சகோதரிகளே சகோதரிகளை வெறுப்பதாகக் காட்டுவதும் வழமை என்று நினைக்கின்றேன்.

கருத்துக்கு நன்றி நிழலி அண்ணா. என்னை பொறுத்தவரையில் நான் என் சகோதரங்களோடு எப்படி ஒற்றுமையாக இருக்கின்றேனோ அதே ஒற்றுமை என் கணவர் குடும்பத்திலும் அவர்கள் சகோதரர்களுக்கு இடையில் ஒற்றுமையாக இருக்க வேண்டும் என்பதில் அக்கறை எடுத்துகொள்வேன்.

சிறு வயதில் இருந்தே என் அப்பாவும் அம்மாவும் ஒற்றுமையையும் அன்பையும் ஊட்டி வளர்த்ததால் நாம் அப்படி இருக்கலாம். இன்று அப்பாவும் அம்மாவும் எம்முடன் இல்லாவிட்டாலும் நாம் எமது அன்பை ஒருவருக்கொருவர் பரிமாறுவதில் குறை வைப்பதில்லை. அண்ணிமாரையும் அத்தார்மாரையும் எம் குடும்பத்தில் ஒருவராக நினைத்துவிட்டால் அவர்கள் குறைகள் எமக்கு பெரிதாக தெரியாது. மற்றவர்களது நிறைகளை மட்டுமே நினைவில் நிறுத்தி குறைகளை மறந்து அவர்கள் விடும் சிறு பிழைகளை பெரிது படுத்தாவிட்டாலே போதும் குடும்பத்தில் அன்பு நிலைகொள்ளும்.

February 10, 201411 yr

கருத்துக்கள உறுப்பினர்கள்

பல வீடுகளில் எமக்கு முதல் எதிரியே சகோதரங்களாகத்தான் இருப்பார்கள். எனக்கு உள்ள எதிரிகள் சகோதரங்கள் மட்டுமே. சொன்னால் நம்ப மாட்டீர்கள், கடந்த இருபது வருடங்களில் எனது சகோதரர்கள் எனக்குச் செலவழித்தது ஆயிரம் டொலர்கள் கூடத் தாண்டாது. இந்த ஆயிரம் டொலர்களுக்குள் அவர்கள் தந்திருக்கவேண்டிய பிறந்தநாள் பரிசுகள், உடுப்புகளும் அடங்கும். நான் வைத்திருக்கும் அனைத்துப் பொருட்களும் நான் எனது சம்பாத்தியத்தில் வாங்கியவையும் நண்பர்கள் அன்பளிப்பு செய்தவை மட்டுமே. ஆனால், ஊருக்கு மட்டும் பாசப்பறவைகளாக நடிப்பார்கள். இத்தனைக்கும் நான் கடைக்குட்டி. எனது 20களில் பிற்பகுதியில்கூட நான் அதிகம் செலவழிப்பதாக எனது அக்கா ஒருவர் எனது அனைத்து சகோதரங்களிடமும் அண்டியதோடு வெளியாட்களிடமும் எனக்கு உதவி செய்ய வேண்டாமென அவர்கள் அனைவரும் சேர்ந்து சொன்னார்கள். ஆனால், இப்போது அதே அக்காவின் மகள் அரசாங்கப்பணத்தில் வாழ்ந்து கொண்டு தனது பதின்ம வயதிலேயே கெஸ் கைப்போயோடு திரிகிறா. ஆனால், இப்போதும் அண்டுவதை விடவில்லை. இவரால் நான் பட்ட துன்பங்கள் கொஞ்ச நஞ்சமல்ல. அவற்றை இங்கு நான் எழுத முடியாது. ஒரு பானைச் சோற்றுக்கு ஒரு துளி விசம் போதும். அதுபோல, ஒரு குடும்பத்தில் இப்படிப்பட்ட ஒருவர் இருந்தாலே போதும். முழுக் குடும்பத்தையும் சீரழித்து விடும்.

இன்றைய காலகட்டத்தில் அன்பும் பாசமும் இரத்தத்தில் தங்கியில்லை. எம்மோடு பழகுபவர்களின் குணங்களோடு தங்கியிருக்கின்றன. எனது சொந்த சகோதரங்களிடம் எனக்குக் கிடைக்காத அன்பும் பாசமும் சில வருடங்கள் மட்டுமே பழகியவர்களிடமிருந்து எனக்கு அதீதமாகக் கிடைத்திருக்கிறது. அதுவும் சகோதர பாசமாக.

February 10, 201411 yr

கருத்துக்கள உறவுகள்

பல வீடுகளில் எமக்கு முதல் எதிரியே சகோதரங்களாகத்தான் இருப்பார்கள். எனக்கு உள்ள எதிரிகள் சகோதரங்கள் மட்டுமே. சொன்னால் நம்ப மாட்டீர்கள், கடந்த இருபது வருடங்களில் எனது சகோதரர்கள் எனக்குச் செலவழித்தது ஆயிரம் டொலர்கள் கூடத் தாண்டாது. இந்த ஆயிரம் டொலர்களுக்குள் அவர்கள் தந்திருக்கவேண்டிய பிறந்தநாள் பரிசுகள், உடுப்புகளும் அடங்கும். நான் வைத்திருக்கும் அனைத்துப் பொருட்களும் நான் எனது சம்பாத்தியத்தில் வாங்கியவையும் நண்பர்கள் அன்பளிப்பு செய்தவை மட்டுமே. ஆனால், ஊருக்கு மட்டும் பாசப்பறவைகளாக நடிப்பார்கள். இத்தனைக்கும் நான் கடைக்குட்டி. எனது 20களில் பிற்பகுதியில்கூட நான் அதிகம் செலவழிப்பதாக எனது அக்கா ஒருவர் எனது அனைத்து சகோதரங்களிடமும் அண்டியதோடு வெளியாட்களிடமும் எனக்கு உதவி செய்ய வேண்டாமென அவர்கள் அனைவரும் சேர்ந்து சொன்னார்கள். ஆனால், இப்போது அதே அக்காவின் மகள் அரசாங்கப்பணத்தில் வாழ்ந்து கொண்டு தனது பதின்ம வயதிலேயே கெஸ் கைப்போயோடு திரிகிறா. ஆனால், இப்போதும் அண்டுவதை விடவில்லை. இவரால் நான் பட்ட துன்பங்கள் கொஞ்ச நஞ்சமல்ல. அவற்றை இங்கு நான் எழுத முடியாது. ஒரு பானைச் சோற்றுக்கு ஒரு துளி விசம் போதும். அதுபோல, ஒரு குடும்பத்தில் இப்படிப்பட்ட ஒருவர் இருந்தாலே போதும். முழுக் குடும்பத்தையும் சீரழித்து விடும்.

இன்றைய காலகட்டத்தில் அன்பும் பாசமும் இரத்தத்தில் தங்கியில்லை. எம்மோடு பழகுபவர்களின் குணங்களோடு தங்கியிருக்கின்றன. எனது சொந்த சகோதரங்களிடம் எனக்குக் கிடைக்காத அன்பும் பாசமும் சில வருடங்கள் மட்டுமே பழகியவர்களிடமிருந்து எனக்கு அதீதமாகக் கிடைத்திருக்கிறது. அதுவும் சகோதர பாசமாக.

வணக்கம் உறவே

உங்களது நிலையைப்படித்தேன்

ஆனால் எல்லோரும் மனிதர்களே

தவறு விடாதவர் எவரும் இருக்கமுடியாது

ஆனால் அதை திரித்திக்கொள்ளவேண்டும்

திருந்த சந்தர்ப்பம் கொடுக்கப்படவேண்டும்

உங்களது இந்த நிலை தொடர்வது நல்லதல்ல

ஒரே ரத்தங்கள் பேசுங்கள்

உங்களது இந்த கோபம்

வருங்கால சங்கதியை நடுவீதியில் விட்டுவிடும்....

அதுவும் புலம் பெயர்ந்திருந்தால்

மிகவும் ஆபத்தானது.......

ஒரு கேள்வி

உங்களுக்கு குழந்தைகள் இருந்தால்

சகோதர உறவுகள் கூடாது என்று சொல்லித்தான்

அவர்களை வளர்க்கின்றீர்களா???

அப்படியாயின் அவர்களுக்கிடையிலான உறவு என்பது......???

February 10, 201411 yr

கருத்துக்கள உறுப்பினர்கள்

சில பேரைத் திருத்தவே முடியாது. நான் மேலே குறிப்பிட்ட நபர்களும் அப்படித்தான். ஆகவே, அவர்களின் தொடர்புகளை முறித்து விட்டேன். இனி எத்தனை ஜென்மத்திலும் அவ்வாறானவர்களோடு அது தொடராது. திருந்தியவர்களுடன் தொடர்கிறது. சொந்த சகோதரங்கள் கைவிட்டாலும் வெளியிலிருந்து அந்தப் பாசம் கிடைத்தது என்று கூறியிருந்தேன். எனது பெற்றோர் மனிதர்களை அடையாளம் காணச் சொல்லிக் கொடுக்கவில்லை. மாறாக, எத்தனை கஸ்டம் வந்தாலும் இரத்த சொந்தத்தைக் கைவிடக்கூடாது என்றுதான் வளர்த்தார்கள். அப்படி வளர்த்த பெற்றோர், சகோதர பாசத்தை வளர்க்கவில்லை. மாறாகத் தான்தோன்றித்தனமாக வளர விட்டு விட்டார்கள். பல தமிழ்ப் பெற்றேர்கள் அப்படித்தான் பிள்ளைகளை வளர்த்தார்கள். சின்ன வயதில் சகோதரர்கள் சண்டை பிடிப்பதை வன்மையாகக் கண்டித்து வளர்த்திருந்தால் எமது சமூகத்தில் இவ்வாறானவர்கள் தோன்றியிருக்க மாட்டார்கள். அவர்கள் விட்ட பிழையை நான் விடமாட்டேன்.

எனது பிள்ளைகளுக்கு, மனிதர்களை அடையாளம் காணக் கற்றுக் கொடுப்பேன். இரத்தம் என்பதற்காக அவர்களது வாழ்வை அழிய வைப்பவர்களோடு அவர்களைப் பழக விடமாட்டேன். நான் பட்டது போதும். எனது பிள்ளைகளும் அவற்றைப் பட வேண்டாம்.

இசைக்கலைஞன்

கருத்துக்கள உறவுகள்

22.1k posts
10 Badges
3.2k Reputation

Gender:Male
Location:கனடா
Interests:இசை, வேலை, யாழ்களம், புத்தகம் படிக்காமல் இருப்பது, தொ.கா. பார்ப்பது, தொ.பேசியில் அலட்டாமல் இருப்பது.. :D

February 10, 201411 yr

கருத்துக்கள உறவுகள்

எல்லாவற்றையும் பொதுமைப்படுத்த முடியாது.. சூழ்நிலைகள் குடும்பத்துக்குக் குடும்பம் வித்தியாசப்படும்.. குடும்பத்தில் மூத்தவர்கள் (தாத்தா, பாட்டிமார், தாய், தந்தையர்) எல்லாப் பிள்ளைகளையும் சமமாக நடத்தும் பட்சத்தில் சகோதரங்களிடையே ஒற்றுமை இருக்கும். எப்போது இது நடைபெறவில்லையோ, அப்போது சில பிள்ளைகள் அதீத கரிசனையுடனும், வேறு சில பிள்ளைகள் சற்று குறைந்த கரிசனையுடனும் வளர்ந்து வருவார்கள். இது பெற்றோர் தங்களை அறியாமல் செய்து விடுவது. மூத்தவர்கள் சரியாக இருந்தால் பிள்ளைகளும் ஒற்றுமையாக வளருவார்கள்.

ஆனால் இத்தகைய பெற்றோரிடம் வாக்குவாதப்பட்டால் ஒருநாளும் பாரபட்சம் காட்டுவதாக ஒத்துக்கொள்ளவே மாட்டார்கள். ஏனென்றால் அது அவர்கள் அறியாமல் செய்வது. எடுத்துச் சொன்னாலும் விளங்கிக்கொள்ள மாட்டார்கள். அல்லது ஒத்துக்கொள்ள மாட்டார்கள். அவர்களது தன்மானம் தடுத்துவிடும். அல்லது விளங்கிக்கொள்ளமுடியாத தன்மையில் இருப்பார்கள்.

February 11, 201411 yr

கருத்துக்கள உறவுகள்

நாங்கள் மூன்று பேரும் ஆண் பிள்ளைகள். அண்ணா எனக்கும் நான் தம்பிக்கும் தம்பி எனக்கும் நான் அண்ணாவுக்கும் உதவி செய்திருக்கிறோம். உதவி செய்தபின் அதைப் பற்றி ஒரு சொல்லுக் கூட சொல்லுவது கிடையாது. குறிப்பாக மூவரும் நண்பர்கள் போல பழகுவதால் (மூவரும் ஒன்றாக தண்ணி அடிப்போம், பெண்கள் பற்றி கதைப்போம்) பிரச்சனைகள் வருவது குறைவு. இவளவுக்கும் அண்ணா சரியான மேற்கத்தயப் பாணி (ஊர் உலகு இலங்கை தமிழர் அரசியல் பற்றி எதுவித அறிவோ அக்கறையோ இல்லாதவன்), தம்பி கிட்டத்தட்ட அண்ணா போல, அரசியல் இலங்கை பற்றி அக்கறை இல்லாதவன். நான் மட்டும் கொஞ்சம் பரவாயில்லை. ஊரிலும் அப்படித்தான் அண்ணா Readers Digest உடனும் நான் வீரகேசரி, உதயன், Sunday Times உடனும் தம்பி கணணி விளையாட்டுக்களுடனும் TV game உடனும் தான் பொழுதைப் போக்கியது.

அப்பா அம்மாவுக்கு காசு பணம் அனுப்புவதிலும் (உண்மையில் அவர்களுக்கு தேவையில்லை) அண்ணா வந்த 13 வருசங்களில நான் வந்த பின் அரியண்டப்படுத்தினதில ஒரு $300 அனுப்பினான். தம்பி இருந்திட்டு ஏதாவது அனுப்புவான் ஆனால் வாகனம் வாங்குவது, கொழும்பில பிளட் வாங்குவது என்று ஏதாவது மெகா செலவு வந்தால் அது அடியேனின் உபயம். இதனால் இடைக்கிடை என்ட மனிசியும் குத்திக்காட்டும் ஏன் நீ மட்டும் செய்வான் அண்ணாவும் தம்பியும் அதை அனுபவிக்கிறார்கள் தானே (இலங்கை போகும் போது) அவர்கள் ஏன் செய்யக்கூடாது என. நானும் அப்பா, அம்மாவுக்காக செய்கிறேன் என விட்டுவிடுவேன். இந்தமுறை மூவரும் போயிருந்த போதும் வாகனத்துக்கு டீசலில் இருந்து சாப்பாட்டு செலவுகள் மட்டும் நானே செய்தேன். குடுத்தாருக்கு குறைவில்லைத்தானே. அதே போல அவர்களை விட பொருளாதார ரீதியில் நான் நன்றாக இருக்கிறேன்.

கலியாணத்தின் பின்னர் சில விரிசல்கள் வரப் பார்ப்பது என்பது உண்மைதான். முக்கிய காரணம் சுய நலம். ஆனால் அடிக்கடி சந்திப்பதும் மனம்விட்டுப் பேசுவதும் தான் முக்கிய மருந்து. குறிப்பாக எரிச்சல் பொறாமை என்பன அறவே கூடாது. மனைவி ஒரே பிள்ளை என்பதால் அந்தப் பக்கத்தால சிக்கல்கள் இல்லை.

February 11, 201411 yr

கருத்துக்கள உறவுகள்

இத் திரியில் சகோதர பாசம் பெரிது அது,இது என எழுதுபவர்களில் அநேகர் ஒரு சகோதரத்துடன் பிறந்தவர்கள்.மற்றவர்களில் சிலர் தங்கட குடும்பத்தை விட்டுக் கொடுக்க கூடாது என பொய் சொல்கிறார்கள்

பெற்றோர் குழந்தைகள் மீது வைக்கும் பாசத்தை விட சகோதரங்களிடையே உள்ள பாசம் தான் அளவிட முடியாதது என்று சொல்வது அந்தக் காலம்.பாசம் என்பது தானாக வர வேண்டும்.அக்கா பாவம்,அண்ணா பாவம்,தம்பி,தங்கச்சி பாவம் என்று பாசம் வரக் கூடாது.இந்தக் காலத்தில் கொடுத்தால் தான் பாசம்.

இந்த நேரத்தில் நெடுக்கர் சொல்வது மாதிரி அண்ணி வந்து குடும்பத்தை பிரிச்சிட்டார் என்று சொல்வதும் ஏற்கக் கூடியது அல்ல....அண்ணனுக்கு ஒழுங்கான பாசம் தம்பி மேல் இருந்தால் எந்த கொம்பனாலும் பிரிக்க முடியாது.அண்ணனுக்கு காரணம் காட்ட அண்ணி கிடைச்சிருக்கார் அவ்வளவு தான்

இந்தக் காலத்தில் நான் பார்த்த வரைக்கும்,என்னைச் சுத்தி நடக்கிறதை வைத்து சொல்கிறேன் சுயநலமில்லாத சகோதர பாசம் என்பது இல்லவே இல்லை.குடுக்கிறதை வைத்துத் தான் பாசத்தின் அளவு இருக்கும்

இது ஒரு வீதம் அல்லது மற்றவர் எக்கேடு கெட்டால் எங்களுக்கென்ன தாங்கள் தங்கட குடும்பத்தை மட்டும் பார்த்துக் கொண்டு பேசாமல் இருப்போம் என்று நினைப்போர் இன்னொரு வீதம்.குறைந்த பட்சம் பெற்றோர் உயிரோடு இருக்கும் சகோதரங்கள் பாசமாக இருப்பதாக காட்டிக் கொள்வார்கள்.பெற்றோரின் இறப்புக்கு பின்னர் அதுவும் சிதறிப் போய் விடும்.

நிழழியின் சகோதரியோ அல்லது இசையின் சகோதரியோ எங்கேயோ அவர்களிடம் இருந்து தள்ளி இருப்பார்கள் என்று நினைக்கிறேன்.எப்பவாவது தொலைபேசி எடுத்து எப்படியடா இருக்கிறீங்கள் என்று கேட்பார்கள்.அந்த சகோதரிகளுக்கு எதாவது பிரச்சனை வந்தால் தான் இந்தச் சகோதரர்களின் உண்மையான பாசத்தை தெரிந்து கொள்ளலாம்

சகோதரங்களிடையே பாசம்,விட்டுக் கொடுப்பு,புரிந்துணர்வு இருக்க வேண்டும்.ஆனால் அது எல்லோருக்கும்[ஒரு குடும்பத்தில் பிறந்த] இருக்க வேண்டும்.தனியே ஒருத்தருக்கு மட்டும் இருந்து பிரயோசனமில்லை என்பது என் கருத்து.

February 11, 201411 yr

கருத்துக்கள உறவுகள்

இந்த நேரத்தில் நெடுக்கர் சொல்வது மாதிரி அண்ணி வந்து குடும்பத்தை பிரிச்சிட்டார் என்று சொல்வதும் ஏற்கக் கூடியது அல்ல....அண்ணனுக்கு ஒழுங்கான பாசம் தம்பி மேல் இருந்தால் எந்த கொம்பனாலும் பிரிக்க முடியாது.அண்ணனுக்கு காரணம் காட்ட அண்ணி கிடைச்சிருக்கார் அவ்வளவு தான்

சுத்தம். எத்தினையோ அண்ணாமார்.. தங்க வீட்டுக்குக் கூட மனிசிமாருக்குத் தெரியாமல் உதவி செய்வதையே வாடிக்கையாக்கி வைச்சிருக்கினம். கடவுள் வரம் கொடுத்தும் பூசாரி கொடுத்தா நிலை தான்.. பல அண்ணன்களின்.. தம்பிகளின் நிலை.

February 11, 201411 yr

இத் திரியில் சகோதர பாசம் பெரிது அது,இது என எழுதுபவர்களில் அநேகர் ஒரு சகோதரத்துடன் பிறந்தவர்கள்.மற்றவர்களில் சிலர் தங்கட குடும்பத்தை விட்டுக் கொடுக்க கூடாது என பொய் சொல்கிறார்கள்

பெற்றோர் குழந்தைகள் மீது வைக்கும் பாசத்தை விட சகோதரங்களிடையே உள்ள பாசம் தான் அளவிட முடியாதது என்று சொல்வது அந்தக் காலம்.பாசம் என்பது தானாக வர வேண்டும்.அக்கா பாவம்,அண்ணா பாவம்,தம்பி,தங்கச்சி பாவம் என்று பாசம் வரக் கூடாது.இந்தக் காலத்தில் கொடுத்தால் தான் பாசம்.

இந்த நேரத்தில் நெடுக்கர் சொல்வது மாதிரி அண்ணி வந்து குடும்பத்தை பிரிச்சிட்டார் என்று சொல்வதும் ஏற்கக் கூடியது அல்ல....அண்ணனுக்கு ஒழுங்கான பாசம் தம்பி மேல் இருந்தால் எந்த கொம்பனாலும் பிரிக்க முடியாது.அண்ணனுக்கு காரணம் காட்ட அண்ணி கிடைச்சிருக்கார் அவ்வளவு தான்

இந்தக் காலத்தில் நான் பார்த்த வரைக்கும்,என்னைச் சுத்தி நடக்கிறதை வைத்து சொல்கிறேன் சுயநலமில்லாத சகோதர பாசம் என்பது இல்லவே இல்லை.குடுக்கிறதை வைத்துத் தான் பாசத்தின் அளவு இருக்கும் இது ஒரு வீதம் அல்லது மற்றவர் எக்கேடு கெட்டால் எங்களுக்கென்ன தாங்கள் தங்கட குடும்பத்தை மட்டும் பார்த்துக் கொண்டு பேசாமல் இருப்போம் என்று நினைப்போர் இன்னொரு வீதம்.குறைந்த பட்சம் பெற்றோர் உயிரோடு இருக்கும் சகோதரங்கள் பாசமாக இருப்பதாக காட்டிக் கொள்வார்கள்.பெற்றோரின் இறப்புக்கு பின்னர் அதுவும் சிதறிப் போய் விடும்.

நிழழியின் சகோதரியோ அல்லது இசையின் சகோதரியோ எங்கேயோ அவர்களிடம் இருந்து தள்ளி இருப்பார்கள் என்று நினைக்கிறேன்.எப்பவாவது தொலைபேசி எடுத்து எப்படியடா இருக்கிறீங்கள் என்று கேட்பார்கள்.அந்த சகோதரிகளுக்கு எதாவது பிரச்சனை வந்தால் தான் இந்தச் சகோதரர்களின் உண்மையான பாசத்தை தெரிந்து கொள்ளலாம்

சகோதரங்களிடையே பாசம்,விட்டுக் கொடுப்பு,புரிந்துணர்வு இருக்க வேண்டும்.ஆனால் அது எல்லோருக்கும்[ஒரு குடும்பத்தில் பிறந்த] இருக்க வேண்டும்.தனியே ஒருத்தருக்கு மட்டும் இருந்து பிரயோசனமில்லை என்பது என் கருத்து.

ரதி, உங்கள் கருத்துடன் என்னால் உடன் பட முடியவில்லை. எனக்கு நிறைய சகோதரர்கள் இருக்கின்றார்கள் நாங்கள் இன்றும் ஒற்றுமையாகத்தான் இருக்கின்றோம். சும்மா எமது குடும்பம் ஒற்றுமையாக இருக்குது என்று யாழில் எழுதி எனக்கு என்ன வரப்போகின்றது? நான் எழுதுவதற்கு காரணமே மற்றவர்களும் முயற்ச்சி செய்து ஒற்றுமையாக இருக்கவேண்டும் என்ற எண்ணோட்டத்தில் தான்.

நாம் ஒரு குடும்பமாக (சகோதரர்கள் அவர்கள் குடும்பங்கள்) என 30 பேர் வருவோம். இன்று வரை எமக்குள் பிரச்சனை வருவதில்லை இனியும் வராது காரணம் ஒருவர் ஒருவர் மேல் கொண்டுள்ள உண்மையான அன்பும் அக்கறையும் தான். நாம் ஒவ்வொரு மாதமும் சந்தித்து கொள்ளுவோம் வருடத்திற்கு ஒரு முறை ஒன்றாக கொட்டேஜ் போய் ஒரு வாரம் ஒன்றாக கழிப்போம். (அப்படி செய்வதால் சிறுவர்களுக்கும் ஒருவருக்கொருவர் அன்பாகவும் ஆதரவாகவும் இருக்க முடிகின்றது)

பெற்றோர் போனபின்பும் எம்மால் ஒற்றுமையாக இருக்க முடிகின்றது என்றால் அது அவர்கள் எமக்கு விட்டு சென்ற வரம் தான். உண்மையான பாசமும், நேசமும், விட்டுகொடுப்பும், நான் நீ என்ற போட்டியும் இல்லாவிட்டால் போதும் ஒற்றுமையும் அன்பும் தானா எம்மை நோக்கி வரும்.

February 11, 201411 yr

கருத்துக்கள உறவுகள்

சகோதரங்களிடையே உள்ள பாசம் பற்றிய தோற்றங்கள் யாழ்களத்தினூடாக சற்றுக் காட்டமாகவே வெளிவந்துள்ளது. அதனால் இதனை வெளியிட்டவர்கள் சகோதர பாசமே அற்றவர்கள். அதனைக் கொச்சைப் படுத்துபவர்கள். என எடுத்துக்கொள்வது தவறானது. இந்தப் பாச உறவு கண்ணுக்கும் கைவிரலுக்கும் உள்ள உறவுபோன்றது. கைவிரல் கண்ணைக் குத்தாது என வாதிடுவதும். குத்தினாலும் எனக்கு வலிக்கவே இல்லை என மறைக்க முயல்வதையும் ஏற்றுக்கொள்ள முடியாது.

February 11, 201411 yr

பாசம் நேசம் ஒற்றுமை எதை வைத்து அழவிடுவது என தெரியவில்லை .நாங்கள் எட்டு பேர்கள் .ஒருவர் வாழ்க்கையில் மற்றவர் பெரிதாக தலையிடுவதே இல்லை .அடிக்கடி ஒன்று சேர்ந்து அரசியல், இலக்கியம், சினிமா, பிள்ளைகளின் படிப்பு பற்றிதான் கதைப்போம் .சில குடும்பங்களில் இருக்கும் வானத்தைப்போல சினிமா போல் சகோதர நெருக்கம் இல்லை எல்லாரும் அவரவர் பாடு .

தும்சின் பதிவை வாசிக்க எனக்கு வியப்பாக இருந்தது .எனது குடும்பத்திலும் மூன்று ஆண்கள் ,ஐந்து பெண்கள் .

அண்ணர் இலங்கையிலேயே வெள்ளைக்கார வாழ்வுதான் வாழ்ந்தார் .JIM REEVES,BEATLES கேட்டுக்கொண்டு கையில் TIMES,NEWSWEEK உடன் மயிரையும் மிக நீளமாக வளர்த்தபடி திரிவார் ,அவரது மிக நெருங்கிய நண்பர்கள் எங்களை போல் அல்ல மிக பணக்காரர்கள் (தம்பாபிள்ளை மகேஸ்வரன் ,சுபாஸ் மனோகரன் ).வெளிநாடு வந்தும் அதே வாழ்க்கை தான் தொடர்கின்றார்.நடிகர் விஜேஜ் வீட்டிற்கு சாப்பாட்டிற்கு நண்பருடன் போன போது விஜஜ் தனது படத்தில் பிடித்த படம் எது என்று கேட்ட போது இவர் தான் எதுவும் பார்த்ததில்லை என்று இருக்கின்றார் ,நானென்றால் முழு படமும் பட்டியல் இட்டு இருப்பேன் .

நான் லண்டனில் இருந்து கொலன்ட் போகும் போது தம்பி குடுமியும் தோடும் ஆக ஏதும் பத்துகின்றனியோ என்று போக்கேட்டுக்குள் கை விட்டார் .சிகரெட் இல்லை மற்றது .நான் இயக்கத்திற்கு போக போகின்றேன் என்று சொல்ல விழுந்து விழுந்து சிரித்தான் .உனக்கென்ன பைத்தியமோ என்று .இப்பவும் அதை சொல்லி சிரிப்பான் உனக்கு அப்பவே சொன்னான் தானே எங்கட ஆட்களை பற்றி என்று .நான் அசல் தமிழ் டைப் .வாசிப்பு ,இசை ,உடுப்பு ,வாழ்வு அனைத்தும் . அவர்கள் என்ன செய்கின்றார்கள் என்றும் நான் தான் வீட்டிற்கு கடிதம் போடுவது . மூன்று பேருமாகத்தான் உலக கோப்பை கிரிக்கெட் பார்க்க போனோம் .நண்பர்கள் மாதிரிதான் பழகுவோம்.ஒன்றாக தண்ணியும் அடிப்போம் .

பெண்கள் இரண்டு குரூப்.

ஒன்று இலக்கிய குருப் (2 பேர் ) .அனேகம் எல்லா இடமும் ஒன்றாகத்தான் திரிவார்கள் .

மற்றது வேம்படி குரூப் (3பேர் ). அண்மையில் இலங்கை இந்தியா என்று நண்பிகளுடன் ஒன்றாக போய்வந்தார்கள் .இந்த இரண்டு குரூப்பும் தங்களுக்குள் ஒற்றுமை மற்ற குரூப்புடன் ஆகாது ..

நாங்கள் எல்லாருடனும் OK. இலக்கியத்திற்கும் போவோம் வேம்படிக்கும் போவோம் .

February 11, 201411 yr

அண்ணன் தம்பி சண்டை அடி தடியோடு முடிந்துவிடும். அக்கா தங்கை சண்டை அத்திவாரத்தையே தகர்த்துவிடும். இது நானாக எழுதவில்லை. நகமும் சதையுமாக வாழ்ந்த சகோதரிகளின் சண்டை தந்த அனுபவம் சொல்ல எழுதுவது.

என் மனைவிக்கு மூன்று சகோதரிகள். அதில் ஒருவர் இங்கு இருக்கின்றார். மனைவியின் அக்கா அவர். அவரது கணவரும் நானும் நல்ல நண்பர்கள். ஒன்றாகத் தண்ணி அடிப்பதில் இருந்து ஊரூராக அலைந்து ஆடு பிடிச்சு பங்கு போடுவது வரைக்கும் செய்வம்.

சில நேரங்களில் அக்காவுக்கும் தங்கைக்கும் இடையே பிரச்சனைகள் வரும் (அக்காகாரி, தான் என்ன சொன்னாலும் தங்கச்சி கேட்க வேண்டும் என்று நினைப்பவர் - அதில் பல நேரங்களில் அக்கறைதான் அதிகம் இருக்கும் ). அவர்களுக்கிடையில் என்ன பிரச்சனைகள் இருந்தாலும் நானும் சகளையும் அதைக் கண்டு கொள்வதே இல்லை. நீங்கள் வேண்டும் என்றால் பிரச்சனைப்படுங்கள்.. நாங்கள் எப்பவும் ப்ரெண்ட்ஸ் தான் என்று கூத்தடிப்போம்... விளைவு: அக்காவும் தங்கச்சியும் ஒன்றாக சேர்ந்து விடுவினம்.

என்னைப் பொறுத்தவரைக்கும் பிரச்சனைகளே இல்லாத உறவு என்று உலகில் இல்லை. கூட இருந்து எல்லா சுக துக்கங்களிலும் பங்கு கொள்கின்ற வாழ்க்கைத் துணையுடனேயே கருத்து வேறுபாடுகள், சின்னச் சின்ன சண்டைகள் வரும் போது சகோதரங்களுடன் வராமல் விடுமா? கண்டிப்பாக வரும். ஆனால் அதனை எப்படி எடுத்துக் கொள்கின்றோம் என்பதில் தான் எல்லாம் இருக்கு.

சகோதரங்களிற்கிடையிலான முக்கிய பிரச்சனையே ஒருவருக்கொருவர் அதிகம் எதிர்பார்ப்பதுதான். கலியாணமும் முடிச்சு குடும்பமுமாகப் போய் விட்ட பின் தேவையில்லாமல் இன்னொரு சகோதரத்தின் உதவியை நாட வேண்டி வருவது, சகோதரங்களின் சொந்த வாழ்க்கை விடயங்களில் மூக்கை நுழைப்பது, அவர்களின் பிள்ளைகள் மீதும் அதிக அதிகாரம் செலுத்த முனைவது, சகோதரம் மூன்று அறையுள்ள வீடு வாங்கினால் போட்டிக்கு 5 அறையுள்ள வீட்டை வாங்க முயல்வது போன்ற விடயங்களால் தான் பிரச்சனைகளே வருவது.

எல்லாவற்றுக்கும் எல்லை இருப்பது போன்று சகோதரங்களுக்கு கொடுக்கும் முன்னுரிமை, எங்கள் விடயங்களில் கொடுக்கும் சுதந்திரம் போன்றவற்றுக்கும் எல்லைகள் இருக்கு. ஒவ்வொருவரும் தங்கள் எல்லைகளை காப்பாற்றிக் கொண்டு மற்றவரின் எல்லைகளுக்கும் மதிப்பு கொடுத்தால் பிரச்சனைகள் வராது.

February 11, 201411 yr

கருத்துக்கள உறவுகள்

இங்கு சிலரது கருத்துக்களைப்பார்க்கும்போது

சகோதரம் என்பதற்குள்ளேயே எதை எதையோ எதிர்பார்ப்பதால்வரும்வினை என்று தெரிகிறது

சகோதரத்துடன் தண்ணி அடிப்பதை பெருமையாகக்கருதும்நிலை வேறு.....

இப்படியென்றால்

குத்துப்பாடாகத்தானிருக்கும்....

எதிர்காலம்

வரும்கால சந்ததி

ஒன்று பட்ட பலம் பொருந்திய வாழ்வு....

இவற்றுக்கு நாம் விட்டுக்கொடுப்புக்களை செய்யணும்

முன் உதாரணமாக இருக்கணும்

நடக்கணும்

இத்தனை சந்ததியாக

பரம்பரையாக கடைப்பிடிக்கபப்பட்டு

ஏற்றுக்கொள்ளப்பட்ட ஒன்று

இன்று சரி வராது என்பது

சுயநல வாழ்க்கை முறைமைக்குள் நாம் சென்றதையே காட்டி நிற்கின்றதே தவிர

அந்த வாழ்க்கைமுறை கூடாது என்பதல்ல....

என்னால் முடிந்தவரை அடுத்த தலைமுறைக்கும் அதைக்கொண்டு போயுள்ளேன்

கொண்டு போகப்படணும்

அவ்வளவு தான்

நன்றி

Edited February 11, 201411 yr by விசுகு

February 11, 201411 yr

எனக்கு ஒரு அண்ணனும், தங்கையும் உண்டு. எங்களுக்குள்ளும் கருத்து வேறுபாடுகள் அப்ப அப்ப வருவதுண்டு. ஆனால் எனக்கு பிரச்சனை என்று வரும்போது அவர்கள்தான் வந்து நிற்பார்கள். பெரிதாக சொந்தக் காரர்களை யாரையும் தெரியாது ஆகையால் இன்றும் நான் ஆலோசனை எதுவும் கேட்பது என்றால் என் தங்கையைத்தான் கேட்பேன். நான் அதிகமாக நம்புவதும் தங்கையைத்தான் அது அவளுக்கும் தெரியும். அண்ணனிடம் வயது வித்தியாசம் காரணமாக மனம் விட்டு பேச முடியாது என்பதால் அதிகம் பேச்சு தங்கையிடம்தான். என் மனைவி எதுவும் சொன்னாலும் பெரிதாக கண்டுகொள்வதில்லை.

மூன்று ஆண்டுகளுக்கு முன்னால் வரை (திருமணம் ஆகுமுன்) தங்கைக்கு என்ன தேவை என்று பார்த்து பார்த்து செய்வதுண்டு. ஏதும் கேட்டுவிட்டால் அலைந்து திரிந்து தேடிக் கண்டுபிடித்து வாங்கி கொடுத்தவுடன் அவள் முகம் மலர்வதைக் காணும் அந்தக் கணம் இருக்கிறதே..... அந்த மகிழ்ச்சிதான் பாசமோ !!?? திருமணத்திற்கு பின்னால் தங்கை அதிகம் கேட்பதில்லை.... அப்படி கேட்டால் என மனைவியின் கோபத்தை அடக்க இரண்டு மணி நேரம் பேசி சமாதானம் செய்ய வேண்டும்... இயல்புதானே ??

சின்ன வயதில் இருந்து எனது அண்ணன் என் மீது மிகவும் பிரியமாக இருப்பார். காலையில் மிதிவண்டியில் ஏற்றிக் குளிக்க கண்மாய்க்கு அழைத்துச் சென்று, திரும்ப பள்ளிக்கு அழைத்துச் சென்று, மாலையில் கிரிக்கெட் விளையாட்டில் என்னையும் சேர்த்துக் கொண்டு, வார விடுமுறைகளில் நுங்கு வெட்ட.... இப்படி சகலமும் அவர்தான். என் அண்ணன் மீது ஏதும் கோபம் வந்தால் இந்தச் செயல்கள் தான் கண் முன்னாடி வந்து போகும்... கோபம் காணமல் போகும். இன்றைக்கும் எனக்கு எதாவது ஒன்று என்றால் அவரிடமிருந்துதான் முதலில் போன் வரும்......

மூவரும் பொருளாதரத்தில் சுயசார்பாக இருப்பதால் பெரிதாக எதிர்பார்ப்பு ஏதுமில்லை ஆதலால் இதுவரைக்கும் பிரச்சனை ஏதுமில்லை...

இத்தனையும் தாண்டி சகோதர அன்பு என்பது நெகிழ்வைத் தரக் கூடியது.. எதாவது பிரச்சனை என்றால் எனக்கு உதவ எனது குடும்பம் இருக்கிறது என்ற நம்பிக்கையை கொடுத்து என்னை மகிழ்வுடன் இயங்க வைத்துக் கொண்டிருப்பது. இன்றும் கூட எனக்கு ஒரு அக்கா இல்லையே என்ற ஏக்கம் உண்டு... !!

February 12, 201411 yr

கருத்துக்கள உறுப்பினர்கள்

இங்கு சிலரது கருத்துக்களைப்பார்க்கும்போது

சகோதரம் என்பதற்குள்ளேயே எதை எதையோ எதிர்பார்ப்பதால்வரும்வினை என்று தெரிகிறது

சகோதரத்துடன் தண்ணி அடிப்பதை பெருமையாகக்கருதும்நிலை வேறு.....

இப்படியென்றால்

குத்துப்பாடாகத்தானிருக்கும்....

எதிர்காலம்

வரும்கால சந்ததி

ஒன்று பட்ட பலம் பொருந்திய வாழ்வு....

இவற்றுக்கு நாம் விட்டுக்கொடுப்புக்களை செய்யணும்

முன் உதாரணமாக இருக்கணும்

நடக்கணும்

இத்தனை சந்ததியாக

பரம்பரையாக கடைப்பிடிக்கபப்பட்டு

ஏற்றுக்கொள்ளப்பட்ட ஒன்று

இன்று சரி வராது என்பது

சுயநல வாழ்க்கை முறைமைக்குள் நாம் சென்றதையே காட்டி நிற்கின்றதே தவிர

அந்த வாழ்க்கைமுறை கூடாது என்பதல்ல....

என்னால் முடிந்தவரை அடுத்த தலைமுறைக்கும் அதைக்கொண்டு போயுள்ளேன்

கொண்டு போகப்படணும்

அவ்வளவு தான்

நன்றி

நல்ல கருத்திற்கு நன்றி விசுகு.....எனது நோக்கமும் விருப்பமும் இதேதான்.

February 17, 201411 yr

கருத்துக்கள உறவுகள்

எங்க

சகோதரங்களுடன் சண்டை பிடிப்பவர்களைக்காணவில்லை..........

February 17, 201411 yr

உந்த சகோதர பாசமெனும் நடிப்புக்களால் விவாகரத்து என்ற நிலையில குடும்பங்கள் வந்து நிற்குது. எனக்கு தெரிந்த சகோதரங்கள் தாங்கள் ஒற்றுமையாக இருக்க வேண்டுமென்று அந்த குடும்பத்துற்குள் வந்தவர்களை நாய்க்கு கொடுக்கும் மரியாதையும் கொடுப்பதில்லை. இதனால் ஒரு குடும்பம் விவாகரத்து, இன்னொறு நாட்டையே விட்டு ஓடிவிட்டது. இன்னோன்று விவாகரத்து பத்திரத்தில கை எழுத்து வைக்காத குறை. என்னென்றாலும் அளவோடு இருந்தால் எல்லோருக்கும் நன்மை..

February 17, 201411 yr

உந்த சகோதர பாசமெனும் நடிப்புக்களால் விவாகரத்து என்ற நிலையில குடும்பங்கள் வந்து நிற்குது. எனக்கு தெரிந்த சகோதரங்கள் தாங்கள் ஒற்றுமையாக இருக்க வேண்டுமென்று அந்த குடும்பத்துற்குள் வந்தவர்களை நாய்க்கு கொடுக்கும் மரியாதையும் கொடுப்பதில்லை. இதனால் ஒரு குடும்பம் விவாகரத்து, இன்னொறு நாட்டையே விட்டு ஓடிவிட்டது. இன்னோன்று விவாகரத்து பத்திரத்தில கை எழுத்து வைக்காத குறை. என்னென்றாலும் அளவோடு இருந்தால் எல்லோருக்கும் நன்மை..

யாழ்கவி சொன்னதில் உண்மை இருக்கு!

சந்தர்ப்பவாதிகளான சகோதரங்கள் தவிர்த்து சகோதரங்களுக்கு இடையேயான அன்பு எப்போதும் மாறுபடாது...! ஆனால் வீட்டுக்கு வரும் மனைவி/கணவன் உறவுகளையும் மதிக்கும் போது இன்னும் பலப்படும்!

February 17, 201411 yr

கருத்துக்கள உறவுகள்

சகோதரங்களோடு சண்டை போட வேண்டும் என்று யாரும் செய்வதில்லை விசுகு அண்ணா..

வெளிப்படையா எல்லாம் எழுத ஏலாது..அதே நேரம் சகோதரங்கள் என்று இருப்பவர்கள் உதவி செய்யாவிட்டாவிட்டாலும் பறவா இல்லை, உபத்திரபவமாவது செய்யாமல் இருக்க வேண்டும்....அல்லது காணும் பொழுதுகளில் இந்தா வைச்சுக் கொள் என்று ஒரு 50,100 கொடுத்து விட்டு வாழ்க்கை முழுக்க தாங்கள் சொல்வதை எல்லாம் கேட்டு நடக்க வேண்டும் என்று எந்த சகோதரமும் எதிர்பார்க்க முடியாதே..இங்கு பணத்திற்கு தான் முதல் இடம் அதன் பிறகு தான் மற்றவை...

எல்லாரும் ஒரே மாதிரி இருக்க மாட்டார்கள்,இருக்க முடியாது அதுவும் தெரியும்.தங்கள் சொல்லுக்கு ஒரு தங்கை கட்டுபடுறாள் இல்லை என்பதற்காக தாய்,தந்தையையும் மற்றப் பிள்ளைகள் கை விடனும் அல்லது வந்து பார்க்க கூடாது என்று இருக்கா.....எந்த ஊர் சட்டம்.......??

ஊரில் இருக்கும் சகோதரங்களும் வெளி நாட்டில் இருக்கும் சகோதரங்களும் இன்னும் ஒற்றுமையாக இருப்பதற்கு காரணங்கள் இருக்கிறது.ஒருவரை ஒருவர் நெடுகலும் பார்ப்பதில்லை.கூடுதலான தேவைகள் வெளி நாட்டில் இருப்பவர்களாலயே தீர்த்து வைக்கப்படுகிறது..இவை இல்லை என்று சொல்ல முடியாத எல்லாருக்கும் தெரிந்த உண்மைகள்.ஆனால் வெளி நாட்டில் வாழும் சகோதரங்கள்,மற்றவர்களில் தங்கித் தான் வாழ வேண்டும் என்ற அவசியம் இல்லை..இங்கு யாரும் எந்த முடிவும் எடுக்கலாம்.....ஆனால் அவர்கள் தான் அறிவு கெட்டதனமாக நடக்கிறார்கள் என்பதற்காக எல்லாரும் அப்படி நடந்து விட முடியாது..

February 18, 201411 yr

கருத்துக்கள உறுப்பினர்கள்

இதுதான் பலரது நிலைமையும். எமக்கு எத்தனை வயது ஏறினாலும், தாங்கள் மூத்தவர்கள் என்பதால் வாழ்க்கை முழுவதும் அவர்கள் சொல் பேச்சுக் கேட்டுத்தான் நடக்க வேண்டுமென்று நிற்பார்கள். நாம் என்னதான் படித்திருந்தாலும் அது அவர்களின் மண்டைக்குள் ஏறுவதே இல்லை. அப்படி மீறி நடக்கத் தொடங்கினால் அவர்களே எம்மைப் பற்றி, ஊர், உலகத்திற்குக் கதை கட்டி விடுவார்கள். எம்மிடமிருந்து எம் பெற்றோரைக் கூடப் பிரித்து வைத்து விடுவார்கள்.

ஊசியால் குத்துப்பட்டவனுக்குத்தான் அதன் வலி தெரியும். ஊசி குத்தும் என்று அதிலிருந்து குத்து வாங்காமல் இருப்பவர்களுக்கு அந்த வலி தெரியாது. வலிக்கும் என்று தெரியும். ஆனால், அதன் வலி தெரியாது. அப்படித்தான் இங்கு ஒரு சிலர் இருக்கிறார்கள். அவர்கள் ஊசியால் குத்துப்படாததால் அதன் வலியை உணராமல் இங்கு எழுதுகிறார்கள். அப்படி எழுதுபவர்களில் பலர் குடும்பத்தில் மூத்தவர்களாக இருக்க வேண்டும். அல்லது சகோதர பாசத்தோடு வளர்க்கப்பட்டவர்களாக இருக்க வேண்டும். இங்கு பிரச்சனையே அப்படி வளர்க்கப்படாதவர்கள்தான். எமது சமூகத்தில், சகோதர பாசத்தோடு வளர்க்கப்படாதவர்கள்தான் அதிகம்.

நாம் பாசமாக இருந்தாலும், அவர்கள் அந்தப் பாசத்தைப் புரிந்து கொள்வதில்லை. அவர்கள் எனக்குச் செய்ததைவிட நான் அவர்களுக்குச் செய்தது அதிகம். வாழ்நாள் முழுவதும் அவர்களது அதிகாரத்தின்கீழ் இருக்கவேண்டுமென்றே நினைக்கிறார்கள். இங்கு ஒருவர் தாம் பிறந்த வரிசைப்படியே விழாக்களிலும் நிற்பதாகக் கூறினார். அப்படியானால், உங்களுக்குப் பிந்திப் பிறந்தவர்கள் யாரும் உங்களை விட்டு முன்னே போகக்கூடாது என்றுதானே அர்த்தம். இதுவும் ஒருமுறை அடக்குமுறைதானே? அவர்கள் எங்கு நிற்கவேண்டுமென்பதை அவர்கள் தீர்மானிக்க முடியாது. பிறப்பின் வரிசைதான் தீர்மானிக்கிறது. இது எப்படி ஒற்றுமையாக முடியும்?

February 19, 201411 yr

கருத்துக்கள உறவுகள்

யாயினி மற்றும் போக்கிரி ஆகியோருக்கு விளக்கமாக எழுதணும்

நேரம் தான் கிடைக்குதில்லை

முடிந்தவரை...........

இப்போ நாம் எதை வலியுறுத்தி நிற்கின்றோம்

எது தேவை எனச்சொல்கின்றோம்

ஒரு நாடு முன்னேறவேண்டுமாயின் அது வீட்டிலிருந்து தானே ஆரம்பிக்கிறது

நாட்டில் சமுதாய மற்றும் மக்கள் ஒற்றுமை பற்றி வாய் கிளிய பேசும் நாம்

நமது குடும்பத்தைப்பற்றி சந்தித்தாலென்ன?

அங்கிருந்து ஆரம்பித்தாலென்ன?

அது தானே சரி

அது தானே

நாம் முன்னுதாரணமாக இருப்பதற்கு சான்று.......

அதை எனது வீட்டில் நான் செய்திருக்கின்றேன்

செய்து வருகின்றேன்

செய்வேன்

இது தான் எல்லாவற்றிற்கும் முதல்படி.

அதையே செய்யமுடியாத நாம்

எதைப்பற்றி பேசமுடியும்???

செயலில் இல்லாத எதுவும் செல்லாது............

யூதனை எதற்கும் முன்னுதாரணமாக எடுக்கின்றோம்

ஒற்றுமை

பலப்படுத்துதல்

அவர்களுக்குள் உதவுதல்

தூக்கிவிடல்

கூட்டுமுயற்சிகள்........ என்று

ஆனால் அதை எமது குடும்பத்துக்குள்ளேயே கோட்டை விடுகின்றோம்

நாங்கள் 9 பேர்

எமக்குப்பிறந்தவர்கள்

35 பேர்

அவர்களுக்கு பிறந்தவர்கள்

இதுவரை 31 பேர்....

எந்த நல்ல

அல்லது துக்க காரியங்களிலும் அநேகமாக அத்தனைபேரும் நிற்போம்

(படிப்பு அல்லது விசாவால் ஒருவர் அல்லது இருவர் முடியாது போகலாம்)

இதற்கு சாட்சி கேட்டால்

போன யூலையில் எமது அத்தார் இறந்தபோது

அத்தனை பேரும் அங்கு நின்றோம்

அந்த மரணவீட்டினை YOUTUBE இல் கேட்டிருக்கின்றேன்

முடிந்தால் இங்கு போடுகின்றேன்

எனது அம்மா இறந்தாலோ

அல்லது நான் இறந்தாலோ

யாழிலிருந்து ஏதாவது ஒரு உறவாவது கலந்து கொள்ளும்

அவர்

இந்த குடும்பத்தின் ஒற்றுமையை நிச்சயம் எழுதுவார்

இசைக்கலைஞன்

கருத்துக்கள உறவுகள்

22.1k posts
10 Badges
3.2k Reputation

Gender:Male
Location:கனடா
Interests:இசை, வேலை, யாழ்களம், புத்தகம் படிக்காமல் இருப்பது, தொ.கா. பார்ப்பது, தொ.பேசியில் அலட்டாமல் இருப்பது.. :D

February 19, 201411 yr

கருத்துக்கள உறவுகள்

மாலுமி சரியாக இருந்தால் கப்பல் தானாகப் போகும்..

Archived

This topic is now archived and is closed to further replies.

Go to topic listing

Love கருத்துக்களம்? Tell a friend!

இன்று முதல் காங்கேசன்துறை மற்றும் மட்டக்களப்புக்கு தொடருந்தில் பயணிக்கலாம்!

இன்று முதல் காங்கேசன்துறை மற்றும் மட்டக்களப்புக்கு தொடருந்தில் பயணிக்கலாம்!
24 December 2025

நாட்டின் வடக்கு தொடருந்து மார்க்கம் இன்று (24) முதல் பயணிகள் தொடருந்து போக்குவரத்துக்காக முழுமையாகத் திறக்கப்படுவதாக தொடருந்து திணைக்களம் அறிவித்துள்ளது.

இதன்படி, கொழும்பு கோட்டையிலிருந்து காங்கேசன்துறை வரையான யாழ்தேவி கடுகதி தொடருந்து சேவை இன்று முதல் அதன் வழக்கமான கால அட்டவணைப்படி மீண்டும் ஆரம்பிக்கப்பட்டுள்ளது.

அதற்கமைய, கொழும்பு கோட்டை தொடருந்து நிலையத்திலிருந்து காலை 6:40 க்குப் புறப்படும் தொடருந்து, பிற்பகல் 2:32 க்குக் காங்கேசன்துறை நிலையத்தைச் சென்றடையும் என அறிவிக்கப்பட்டுள்ளது.

அத்துடன், காங்கேசன்துறையிலிருந்து முற்பகல் 10:30 க்குப் புறப்படும் தொடருந்து, மாலை 6:54 க்குக் கொழும்பு கோட்டை தொடருந்து நிலையத்தை வந்தடையும் என தொடருந்து கட்டுப்பாட்டு அறை தெரிவித்துள்ளது.

இந்த தொடருந்தின் முதலாம் வகுப்பு (குளிர்சாதன வசதி) மற்றும் இரண்டாம் வகுப்புப் பெட்டிகளுக்கான ஆசன முன்பதிவு வசதிகளையும் பயணிகள் பயன்படுத்திக் கொள்ள முடியும் எனவும் தெரிவிக்கப்பட்டுள்ளது.

அதேவேளை, மட்டக்களப்பு வரையான கிழக்கு தொடருந்து மார்க்கத்தின் சேவைகளும் இன்று முதல் மீள ஆரம்பிக்கப்பட்டுள்ளன.

கொழும்பிலிருந்து மட்டக்களப்பு நோக்கிப் பயணிக்கும் பயணிகள், காலை 6 மணிக்கு திருகோணமலை நோக்கிப் புறப்படும் தொடருந்தில் பயணித்து, கல் ஓயா சந்தி தொடருந்து நிலையத்தை அடைய வேண்டும்.

பின்னர் அங்கிருந்து மதியம் 12:40 க்குப் புறப்படும் இலக்கம் 6011 ஐ கொண்ட தொடருந்து ஊடாக மட்டக்களப்பைச் சென்றடைய முடியும்.

அதேநேரம், மட்டக்களப்பிலிருந்து காலை 5 மணிக்குப் புறப்படும் தொடருந்தில் கல் ஓயா சந்தி நிலையத்தை வந்தடைந்து, அங்கிருந்து கொழும்பு நோக்கிய தொடருந்தில் பயணிகள் தமது பயணத்தைத் தொடரலாம் என தொடருந்து திணைக்களம் விடுத்துள்ள அறிக்கையில் குறிப்பிடப்பட்டுள்ளது.
வடக்கு நோக்கிய தொடருந்து சேவை

மட்டக்களப்புக்கான தொடருந்து சேவை

https://hirunews.lk/tm/437350/from-today-you-can-travel-by-train-to-kankesanthurai-and-batticaloa

By கிருபன் · 1 minute ago1 min
தமிழீழத்துக்கு பொது வாக்கெடுப்பு: தமிழக அரசியல் கட்சிகள் கூட்டறிக்கை

தமிழீழத்துக்கு பொது வாக்கெடுப்பு: தமிழக அரசியல் கட்சிகள் கூட்டறிக்கை
24 December 2025

இனப்படுகொலைக்கான நீதிவிசாரணையை நடத்தி தமிழீழத்துக்கு ஐக்கிய நாடுகளின் மேற்பார்வையில் பொது வாக்கெடுப்பு நடத்த வேண்டும் என தமிழக அரசியல் கட்சி தலைவர்கள் கூட்டாக அறிக்கை வெளியிட்டுள்ளனர்.

மறுமலர்ச்சி திராவிட முன்னேற்றக் கழகத்தின் பொதுச்செயலாளர் வைகோ எனப்படும் வை.கோபால்சாமி, தமிழக வாழ்வுரிமைக் கட்சி தலைவர் வேல்முருகன், மனிதநேய மக்கள் கட்சி பேராசிரியர் ஜவாஹிருல்லா, திராவிட தமிழர் பேரவையின் பேராசிரியர் சுப.வீரபாண்டியன், திராவிடர் விடுதலைக் கழகத்தின் தலைவர் கொளத்தூர் மணி, தந்தை பெரியார் திராவிட கழகத்தின் கோவை இராமகிருஷ்ணன், மே-17 இயக்கத்தின் திருமுருகன் காந்தி, தமிழ்த் தேசிய விடுதலை இயக்கத்தின் தியாகு, தமிழ்த் தேசியப் பேரியக்கத்தின் மணியரசன், விடுதலை தமிழ்ப் புலிகளின் குடந்தை அரசன், தற்சார்பு விவசாயிகள் சங்கத்தின் ஈரோடு பொன்னையன், இயக்குநர் புகழேந்தி தங்கராஜ், தமிழ்ப் புலிகள் கட்சி நாகை திருவள்ளுவன், இந்திய சமூக ஜனநாயகக் கட்சி கட்சித் தலைவர் நெல்லை முபாரக், மனிதநேய ஜனநாயகக் கட்சியின் தமிமுன் அன்சாரி, முக்குலத்தோர் புலிப்படையின் கருணாஸ் ஆகியோர் இந்த கூட்டறிக்கையை வெளியிட்டுள்ளனர்.

தமிழினப் படுகொலைக்கு சர்வதேச நீதி விசாரணையை ஐக்கிய நாடுகள் சபை நடத்த வேண்டும் என்று வடக்கு மாகாணத்தின் முன்னாள் முதல்வரான சி.வி விக்னேஷ்வரன் தீர்மானம் நிறைவேற்றினார்.

அத்துடன், தமிழக சட்டமன்றத்தில், சுதந்திரத் தமிழீழத்துக்கான பொதுவாக்கெடுப்பு நடத்தப்பட வேண்டும் என்றும், தமிழீழ இனப்படுகொலைக்கு சர்வதேச நீதி விசாரணை நடத்தப்பட வேண்டும் என்றும் ஒருமனதாக தீர்மானம் நிறைவேற்றப்பபட்டது.

ஈழத் தமிழர் படுகொலையைத் தடுத்து நிறுத்தும் நடவடிக்கையை இந்திய அரசும், உலக நாடுகளும் மேற்கொள்ள வேண்டும் என்று முத்துக்குமார் உள்ளிட்ட 19 தமிழர்கள் தீக்குளித்து மாண்டார்கள்.

இந்தப் பின்னணியை தமிழ்நாட்டில் உள்ள தமிழர்களும், இந்திய நாட்டில் உள்ள அரசியல் கட்சிகளும், உலக நாடுகளும் உணர்ந்து ஈழத்தமிழர் இனப்படுகொலைக்கான நீதி விசாரணையை நடத்த முன்வர வேண்டும் என்றும், சுதந்திரத் தமிழீழத்துக்கு ஐக்கிய நாடுகளின் மேற்பார்வையில் பொது வாக்கெடுப்பு நடத்தப்பட வேண்டும் என்றும் அந்த அறிக்கையில் வலியுறுத்தப்பட்டுள்ளது.

அத்துடன், தமிழர் காணிகளில் குடியேற்றப்பட்டுள்ள அத்துமீறிய குடியேற்றங்கள் வெளியேற்றப்பட வேண்டும் என்றும், ஈழத்தமிழர் தாயகத்திலிருந்து இராணுவம் வெளியேற்றப்பட வேண்டும் என்றும் அதற்கான ஆயத்த வேலைகளைச் செய்ய தமிழகத்தில் உள்ள தமிழர்களும், புலம்பெயர் வாழ் தமிழர்களும் கடமையாற்ற வேண்டும் என்று இந்தக் கூட்டறிக்கையின் வாயிலாக வலியுறுத்தப்பட்டுள்ளது.
https://hirunews.lk/tm/437352/referendum-for-tamil-eelam-joint-statement-by-tamil-nadu-political-parties

By கிருபன் · 8 minutes ago8 min
விமான விபத்தில் லிபிய இராணுவ தளபதி உயிரிழப்பு

துருக்கியில் விமான விபத்து; லிபியாவின் இராணுவத் தலைவர் உட்பட 7 பேர் உயிரிழப்பு

துருக்கியில் நடந்த விமான விபத்தில் லிபியா ராணுவத் தலைவர் முகமது அலி அகமது அல் ஹதாத் உட்பட 7 பேர் உயிரிழந்தனர்.
உள்நாட்டுப் போர் நடந்து வரும் லிபியாவில், ஐநா சபை மற்றும் அமெரிக்கா, துருக்கி உள்ளிட்ட நாடுகளால் அங்கீகரிக்கப்பட்ட அரசு, தலைநகர் டிரிப்போலியை தலைமையிடமாக கொண்டு செயல்படுகிறது. இதை எதிர்க்கும் போட்டி அரசு, நாட்டின் கிழக்குப் பகுதியை மையமாகக் கொண்டு செயல்படுகிறது. இந்த அரசுக்கு ஆதரவாக ரஷ்யா, எகிப்து மற்றும் சில இஸ்லாமிய நாடுகள் உள்ளன.
இந்த சூழலில், துருக்கியின் தலைநகரான அங்காராவிலிருந்து புறப்பட்ட சிறிது நேரத்திலேயே, லிபியாவின் ராணுவ தலைவர், நான்கு அதிகாரிகள் மற்றும் மூன்று பணியாளர்களை ஏற்றிச் சென்ற தனியார் ஜெட் விமானம் விபத்துக்குள்ளானது. இந்த விபத்தில், லிபிய ராணுவத் தலைவர் முகமது அலி அகமது அல் ஹதாத் உட்பட 7 பேர் உயிரிழந்தனர்.
விமானத்தில் ஏற்பட்ட தொழில்நுட்பக் கோளாறே விபத்துக்கு காரணம் என லிபியா அதிகாரிகள் தெரிவித்தார். விமானம் புறப்பட்ட 40 நிமிடங்களில் தொடர்பை இழந்தது. பின்னர் அவசரமாக விமானத்தை தரையிறக்க முயற்சித்த போது தொழில்நுட்ப கோளாறு ஏற்பட்டு கீழே விழுந்து நொறுங்கி விபத்துக்குள்ளானது என துருக்கி உள்துறை அமைச்சர் அலி யெர்லிகாயா தெரிவித்தார்.
https://www.tamilmirror.lk/உலக-செய்திகள்/துருக்கியில்-விமான-விபத்து-லிபியாவின்-இராணுவத்-தலைவர்-உட்பட-7-பேர்-உயிரிழப்பு/50-370056

By கிருபன் · 13 minutes ago13 min
ராமநாதன் அர்ச்சுனாவுக்கு பிடியாணை!

அர்ச்சுனா எம்.பி. கைது
யாழ்ப்பாண மாவட்ட சுயேச்சைக்குழு பாராளுமன்ற உறுப்பினர் ராமநாதன் அர்ச்சுனா இன்று புதன்கிழமை (24) கோட்டை பொலிஸ் நிலையத்தில் சரணடைந்ததை அடுத்து கைது செய்யப்பட்டுள்ளதாக தகவல்கள் தெரிவிக்கின்றன.
ராமநாதன் அர்ச்சுனா, நீதிமன்றில் ஆஜராகத் தவறியமைக்காக கொழும்பு நீதவான் நீதிமன்றினால் அவருக்கு எதிராக பிடியாணை பிறப்பிக்கப்பட்டிருந்த நிலையிலேயே இந்தக் கைது இடம்பெற்றுள்ளது.
பாராளுமன்ற உறுப்பினர் இராமநாதன் அர்ச்சுனாவை கைது செய்து நீதிமன்றத்தில் ஆஜர்படுத்துமாறு கோட்டை நீதவான் செவ்வாய்க்கிழமை (23) அன்று பிடியாணை பிறப்பித்தார்.
பொலிஸாரின் கடமைகளுக்கு இடையூறு விளைவித்ததாகக் கூறப்படும் வழக்கின் விசாரணைக்கு நீதிமன்றத்தில் ஆஜராகத் தவறியதால் இந்த பிடியாணை பிறப்பிக்கப்பட்டுள்ளது.
அத்துடன், பொலிஸாரின் கடமைகளுக்கு இடையூறு விளைவித்தமை, பொலிஸ் அதிகாரிக்கு மிரட்டல் விடுத்தமை மற்றும் சட்டவிரோதமாக வாகனத்தை நிறுத்தியமை உள்ளிட்ட பல குற்றச்சாட்டுகளின் கீழ் செப்டெம்ப மாதம் 29ஆம் திகதி கைது செய்யப்பட்ட இராமநாதன் அர்ச்சுனா எம்.பி. பிணையில் விடுவிக்கப்பட்டமை குறிப்பிடத்தக்கது.
https://www.tamilmirror.lk/செய்திகள்/அர்ச்சுனா-எம்-பி-கைது/175-370065

By கிருபன் · 15 minutes ago15 min
அலெக்ஸ் கேரி - பயமற்ற, சிறப்பான விக்கெட் கீப்பிங்

தோனிக்கு பின் விக்கெட் கீப்பிங் இலக்கணங்களை மாற்றி எழுதும் 'கேரி' - இருவரின் ஒற்றுமையும் வேறுபாடும்

பட மூலாதாரம்,Getty Images
கட்டுரை தகவல்
பிரதீப் கிருஷ்ணா
பிபிசி தமிழ்
2 மணி நேரங்களுக்கு முன்னர்

"அலெக்ஸ் கேரி அபூர்வமானவர். வேகப்பந்துவீச்சாளர்களுக்கு ஸ்டம்புகளுக்கு நெருக்கமாக நின்று சிறப்பாக செயல்பட்டார். பந்து அவர் கையில் எப்படியோ ஒட்டிக்கொள்கிறது. கொஞ்சம் கூட பயமேயில்லை"
பிரிஸ்பேனில் நடந்த இரண்டாவது ஆஷஸ் டெஸ்ட் போட்டியின் பரிசளிப்பின் போது அந்தப் போட்டியின் ஆஸ்திரேலிய கேப்டன் ஸ்டீவ் ஸ்மித் இப்படிக் கூறியிருந்தார். காரணம், நடந்துவரும் ஆஷஸ் டெஸ்ட் தொடரில், தன்னுடைய பயமற்ற, சிறப்பான விக்கெட் கீப்பிங்கால் பெரும் தாக்கம் ஏற்படுத்தியிருக்கிறார் அலெக்ஸ் கேரி. அதனால், ஸ்மித் போல் பலரையும் ஆச்சர்யப்படுத்தியிருக்கிறார்.
அதனால் கடந்த சில நாள்களாகவே, ஸ்டம்புக்கு அருகே நின்று வேகப்பந்துவீச்சாளர்களின் பந்துகளை அவர் பிடிக்கும் வீடியோக்கள் பெருமளவு பகிரப்பட்டுவருகின்றன. அவரது இந்த கீப்பிங் அணுகுமுறை பற்றி கிரிக்கெட் வட்டாரத்தில் தொடர்ந்து பல விவாதங்கள் நடந்துகொண்டிருக்கின்றன.
பேட்டிங்கிலும் அசத்தி, மூன்றாவது ஆஷஸ் போட்டியில் ஆட்ட நாயகன் விருதே வாங்கியிருந்தாலும், அவருடைய கீப்பிங் பற்றிய பேச்சே அதிகமாக இருக்கிறது.
பொதுவாக சுழற்பந்துவீச்சாளர்கள் பந்துவீசும்போது தான் கீப்பர்கள் ஸ்டம்புக்குப் பின்னாலேயே நிற்பார்கள். வேகப்பந்துவீச்சாளர்கள் பந்துவீசும்போது பின்னே சற்று தள்ளியே நிற்பார்கள். அவ்வப்போது மட்டுமே மிதவேகப்பந்துவீச்சாளர்கள் பந்துவீசுகையில் ஸ்பின்னர்களுக்கு நிற்பதுபோல் வந்து நிற்பார்கள். அது அரிதாகவே நடக்கும் ஒரு விஷயம்.
ஆனால், அந்த பிரிஸ்பேன் ஆட்டத்தில் அதை அடிக்கடி செய்தார் கேரி. அதுவும் மைக்கேல் நெஸர், ஸ்காட் போலாண்ட் போன்றவர்கள் பந்துவீசும்போது, மணிக்கு சுமார் 135 கிலோமீட்டர் வேகத்துக்கும் மேலாக வந்த பந்துகளுக்கு அப்படி நின்றார். அந்த வேகத்தில் வரும் பந்துகளை மிகவும் பக்கத்தில் நின்றுகொண்டு பிடிப்பது மிகவும் கடினம். ஆனால், கேரி அதை எளிதாகச் செய்வதுபோல் தெரிந்தது. லெக் சைட் செல்லும் பந்துகளைக் கூட சிறப்பாகப் பிடித்துக் கொண்டிருந்தார் அவர்.
இங்கிலாந்து கேப்டன் பென் ஸ்டோக்ஸின் கேட்சையும் அவர் சிறப்பாகப் பிடித்தார். நெஸர் பந்துவீச்சில் ஸ்டோக்ஸுக்கு எட்ஜாக, எந்தவித தடுமாற்றமும் இல்லாமல் அதை எளிதாகப் பிடித்தார் கேரி. இது கிரிக்கெட் வட்டாரத்தில் பெருமளவு பாராட்டப்பட்டது.
பிரிஸ்பேனோடு நிற்காமல், தெற்கு ஆஸ்திரேலியாவில் (அடிலெய்ட் ஓவல் மைதானம்) நடந்த மூன்றாவது ஆஷஸ் போட்டியிலும் அந்த அணுகுமுறையைத் தொடர்ந்தார் அவர். போலாண்ட் பந்துவீசியபோது ஸ்டம்புக்கு அருகிலேயே நின்றிருந்த அவர், வில் ஜேக்ஸ் உடைய கேட்ச்சை டைவ் அடித்துப் பிடித்தார்.

பட மூலாதாரம்,Getty Images
படக்குறிப்பு,பிரிஸ்பேன் டெஸ்ட் போட்டியில் மைக்கேல் நெஸர் பந்துவீச்சில், ஸ்டோக்ஸை கேட்ச் பிடித்தார் கேரி
"தைரியமான செயல்பாடு"
இதுபற்றி பிபிசி தமிழிடம் பேசிய தமிழ்நாடு வீரரும் விக்கெட் கீப்பருமான பாபா இந்திரஜித், "ஸ்டம்புகளுக்குப் பின்னால் ஸ்தம்பிக்க வைக்கும் ஒரு செயல்பாட்டை கேரி கொடுத்தார்" என்று கூறினார்.
"இந்தியா போன்ற ஆடுகளங்களில் இதுபோல் வேகப்பந்துவீச்சுக்கு ஸ்டம்புக்கு அருகே நின்று கீப்பிங் செய்வது சற்றே எளிதாக இருக்கும். ஆனால், வேகமும், பௌன்ஸும் நிறைந்த ஆஸ்திரேலிய ஆடுகளங்களில் அப்படிச் செய்வது சாதாரண விஷயம் இல்லை. அங்கு கூடுதல் பௌன்ஸ் இருக்கும். அவர் அதை அசாதாரணமாகச் செய்திருக்கிறார். அதைப் பார்க்கும்போது, அவர் முதல் முறையாக அப்படிச் செய்வதுபோல் தெரியவில்லை" என்று கூறினார்.
டிரிபிள் எம் ரேடியோவில் அதுபற்றிப் பேசிய ஆஸ்திரேலிய அணியின் முன்னாள் விக்கெட் கீப்பர் பிராட் ஹாடின், "இதைவிட சிறந்த, இதைவிட தைரியமான விக்கெட் கீப்பிங் செயல்பாட்டைப் பார்க்க முடியாது" என்று கூறினார். இயான் ஹீலி, அலீஸா ஹீலி என ஆஸ்திரேலியாவின் முன்னாள், இந்நாள் கீப்பர்கள் பலரும் கேரியின் செயல்பாட்டை வெகுவாகப் பாராட்டினார்கள்.
அனைத்து கீப்பர்களும் இப்படி அதைப் புகழ்வதற்குக் காரணம், வேகப்பந்துவீச்சாளர்களுக்கு எதிராக அவர் ஸ்டம்புகளுக்கு அருகே நின்றார் என்பது மட்டுமல்ல. பிரிஸ்பேன் போன்ற ஒரு ஆடுகளத்தில், பகலிரவு போட்டி ஒன்றில் அவர் அப்படியொரு செயல்பாட்டைக் கொடுத்திருக்கிறார் என்பதுதான் அவருக்கு அதிக பாராட்டுகளைப் பெற்றுக்கொடுத்திருக்கிறது.
இந்திரஜித் சொல்வதுபோல் கூடுதல் பௌன்ஸ் கொண்ட ஒரு ஆடுகளத்தில் கேரி அப்படி செயல்பட்டிருக்கிறார். பகலிரவு போட்டியில், செயற்கை விளக்குகளுக்கு நடுவே அப்படி செயல்படுவது கூடுதல் சவால். அதிக ஆபத்தும் கூட. இருந்தாலும், அவர் அந்த இடத்தில் நின்று சிறப்பாக செயல்பட்டதால்தான் அதை 'தைரியமான செயல்பாடு' என்றிருக்கிறார் ஹாடின்.

பட மூலாதாரம்,Getty Images
படக்குறிப்பு,அடிலெய்டில் வில் ஜேக்ஸின் கேட்ச்சை டைவ் அடித்துப் பிடிக்கும் அலெக்ஸ் கேரி
ஸ்டம்புக்கு அருகே நிற்பதன் காரணம் என்ன? அது ஏற்படுத்தும் தாக்கம் என்ன?
வேகப்பந்துவீச்சாளர்களுக்கு எதிராக கீப்பர்கள் பின்னால் நிற்பார்கள் என்பதால், அது நன்றாக நகர்வதற்கான சுதந்திரத்தை பேட்டர்களுக்கு தரும். ஸ்விங்கை சமாளிக்க, பெரிய ஷாட் அடிக்க, சில சமயம் பௌலர்களைக் குழப்பவும் கிரீசுக்கு வெளியே பேட்டர்கள் நகர்வார்கள். பேட்டர்களின் இந்த நகர்வுகளைத் தடுக்கவே சில சமயம் மிதவேகப்பந்துவீச்சாளர்கள் பந்துவீசுகையில் கீப்பர்கள் முன்னால் வருவார்கள்.
இங்கிலாந்து பேட்டர்கள் அவர்களின் 'பாஸ்பால்' (Bazball) அணுகுமுறையின் காரணமாக அதீதமாக நகர்கிறார்கள். அவர்கள் ஒவ்வொரு பந்திலுமே ரன் அடிக்கப் பார்ப்பதால், தொடர்ந்து அவர்கள் நகர்வதைக் காணமுடியும். அவர்களின் அந்த 'அட்டாக்கிங்' அணுகுமுறையை கட்டுப்படுத்த, கேரி கீப்பிங்கில் 'அட்டாக்' செய்தார். அவர் ஸ்டம்புக்கு அருகே நின்றது, இங்கிலாந்து பேட்டர்களின் நகர்வுக்குப் பெருமளவு முட்டுக்கட்டை போட்டது.
"வேகப்பந்துவீச்சுக்கு கீப்பர்கள் 'upto the stumps' (ஸ்டம்புகளுக்கு அருகே) வந்து நிற்பது பொதுவாகவே பேட்டர்களிடையே உளவியல் தாக்கத்தை ஏற்படுத்தும். பாஸ்பால் உத்தி காரணமாக இங்கிலாந்து பேட்டர்கள் ஸ்கூப், பேடில் போன்ற ஷாட்கள் ஆட தொடர்ச்சியாக நகர்வார்கள். ஆனால், கேரி இப்படி முன்னாள் வந்து நிற்பது அவர்களின் நகர்வுகளுக்கு முட்டுக்கட்டை போடும்" என்று கூறினார் இந்திரஜித்.
மேலும் பேசிய அவர், "இது ஷாட்கள் ஆடுவதில் மட்டுமல்ல, பந்துகளை விடுவதற்குமே யோசிக்கவைக்கும். நீங்கள் பந்தை 'well left' (ஆடாமல் விடுவது) செய்யும்போது உங்கள் கால்கள் சற்று மேலே எழும்ப வாய்ப்புள்ளது. அப்போது கீப்பர் ஸ்டம்ப் அருகே நின்றால், அங்கு ஸ்டம்பிங் ஆகும் வாய்ப்பும் உள்ளது. இதுவும் பேட்டர்களின் மனதில் ஓடிக்கொண்டே இருக்கும்" என்றும் கூறினார்.
அதுமட்டுமல்லாமல், கேரி ஒரே ஓவரில் தன் இடத்தை அடிக்கடி மாற்றுகிறார். ஒரு பந்து ஸ்டம்புக்கு அருகே இருப்பவர், அடுத்த பந்தே பின்னால் சென்று நிற்கிறார். இப்படிச் செய்வது, பந்தில் லென்த் குறித்து பேட்டர்கள் மனதில் கேள்விகள் எழுப்பலாம் என்கிறார் இந்திரஜித்.
அதேசமயம், இது வேகப் பந்துவீச்சாளர்களுக்குமே ஒருசில சவால்களைக் கொடுக்கும். கீப்பர்கள் முன்னே நிற்கும்போது 'ஷார்ட் லென்த்' பந்துகள் வீசமுடியாது. பந்து கொஞ்சம் லெக் திசையில் வெளியே சென்றால் பவுண்டரி ஆவதற்கான வாய்ப்பு அதிகமிருக்கும். அதனால், அவர்களுக்கு இயல்பாகவே சில கட்டுப்பாடுகள் ஏற்பட்டுவிடும்.
இதன் காரணமாக கீப்பர்கள் முன்னால் வந்து நிற்க சில சமயங்களில் வேகப் பந்துவீச்சாளர்கள் ஒத்துக்கொள்ள மாட்டார்கள் என்று சொல்லும் இந்திரஜித், ஆஸ்திரேலிய பௌலர்கள் ஒருமித்த கருத்தோடு இந்தத் திட்டத்தை ஏற்றுக் கொண்டிருக்க வேண்டும் என்று குறிப்பிட்டார்.

பட மூலாதாரம்,Getty Images
படக்குறிப்பு,வேகப் பந்துவீச்சாளர்கள் வீசும்போது கீப்பர்கள் ஸ்டம்புக்கு அருகே வந்து நிற்பது, பேட்டர்களின் நகர்வை பாதிக்கும் என்கிறார் பாபா இந்திரஜித்
இதை கேரி எப்படி சாத்தியப்படுத்துகிறார்?
பெரும் பேசுபொருளாக மாறியிருக்கும் இந்த கீப்பிங் அணுகுமுறைக்குத் தான் சிறப்பான பயிற்சிகள் எதுவும் மேற்கொள்ளவில்லை என்கிறார் அலெக்ஸ் கேரி.
"வேகப் பந்துவீச்சுக்கு எதிராக நான் ஸ்டம்புகளுக்கு அருகே நின்று பயிற்சி செய்வதில்லை. சில சமயங்களில் அது கொஞ்சம் ஆபத்தானதாக இருக்கலாம் என்று நான் நினைக்கிறேன். விளையாட்டின் அடிப்படைகள் மற்றும் விக்கெட் கீப்பிங்கில் கவனம் செலுத்தவேண்டும் அவ்வளவே - அது நாதன் லயானின் பந்துவீச்சுக்கு ஸ்டம்புக்கு அருகே நின்று நிறைய கீப்பிங் செய்திருப்பது" என்று சொல்லும் கேரி, "நான் இருக்கும் பொசிஷன்களை நம்புகிறேன். பின்னர் என் உள்ளுணர்வு, பந்தைப் பிடிப்பதற்கு ஏற்ற சரியான இடத்துக்கு என்னைக் கொண்டுசெல்லும் என்று நம்புகிறேன்" என்றும் கூறினார்.
சிறப்பான பயிற்சிகள் எதுவும் செய்வதில்லை என்று சொல்லும் அவர், வலது கை பேட்டர்களுக்கு எதிராக ஒரு வித்தியாசமான அணுகுமுறையைக் கையாள்கிறார். வேகப்பந்துவீச்சாளர்கள் வலது கை பேட்டர்களுக்கு வீசும்போது, அவர் நேராக நிற்பதில்லை. ஸ்டம்பில் இருந்து இரண்டு அடி பின்னால் நின்று, தன் இடது காலை ஆஃப் ஸ்டம்புக்கு நேராக வைத்திருக்கும் அவர், வலது காலை சற்று பின்னே வைத்துக்கொள்கிறார். பந்தைப் பிடிப்பதற்கு ஏதுவாக வலது பக்கம் இடுப்பை நகர்த்த அது உதவுவதாகக் கூறுகிறார் அவர்.
அவரது இந்த அணுகுமுறை பற்றி பேட்டிங் மற்றும் விக்கெட் கீப்பிங் பயிற்சியாளரான ஆர்த்தி சங்கரன் பிபிசி தமிழிடம் பேசினார். அப்போது, "கீப்பர்கள் பந்தைப் பிடிக்கும்போது கைகள் இலகுவாக (soft hands) இருக்கவேண்டும். 'Hard hands' ஆக இருக்கக்கூடாது. அப்போதுதான் பந்து கிளவுஸில் தங்கும். கைக்கும் அடிபடாது. அதற்காகத்தான் பொதுவாக பந்தைப் பிடித்து கையை சற்றுப் பின்னே கொண்டுசெல்வார்கள். வேகப்பந்துவீச்சுக்கு எதிராக அப்படி கைகளை இலகுவாக வைத்துப் பிடிக்க உடலை நன்கு நகர்த்தவேண்டும். அது கடினமான விஷயம். அதனால், தன் வலதுபக்க இடுப்பை நன்கு நகர்த்துவதற்காக கேரி அப்படி நிற்கிறார்" என்று அவர் கூறினார்.
வேகப்பந்துவீச்சுக்கு ஸ்டம்புக்கு அருகே நிற்பதற்கு பயிற்சி எடுப்பதில்லை என்று சொல்லும் கேரி, எதேச்சையாக இந்த முறையைக் கண்டறிந்திருக்கக் கூடும் என்று சொல்லும் ஆர்த்தி சங்கரன், அவர் இடது கை பேட்டர்களுக்கு அப்படி நிற்பதில்லை என்பதையும் குறிப்பிடுகிறார். "ஒருவேளை அவரது இடதுபக்க இடுப்பு எளிதாக நகர்வதாகவும், வலதுபுறம் நகராமலும் இருக்கலாம். அதனால், அவர் வலது காலைப் பின்னால் வைத்து, அந்தப் பக்கம் நகர்வதை எளிமையாக்க நினைத்திருக்கலாம்" என்றார்.

பட மூலாதாரம்,Getty Images
படக்குறிப்பு,வேகப் பந்துவீச்சாளர்களுக்கு இப்படி ஸ்டம்புக்கு அருகே வந்து கீப்பிங் செய்வதற்காக தான் தனியாக பயிற்சி எடுப்பதில்லை என்கிறார் கேரி
தோனி - கேரி இருவரின் ஒற்றுமையும் வேறுபாடும்
கேரியின் இந்த அணுகுமுறை ஒருவகையில் தோனிக்கு நேர்மாறாக இருக்கிறது என்றும், இன்னொரு வகையில் தோனியின் மனநிலையோடு ஒத்துப்போகிறது என்றும் ஆர்த்தி சங்கரன் கூறுகிறார்.
தோனியின் சிறப்பம்சங்களில் ஒன்று அவரது மின்னல்வேக ஸ்டம்பிங். அவர் அதை வேகமாகச் செய்வதற்கான காரணம் - பெரும்பாலான கீப்பர்கள் போல், பந்தைப் பிடித்தவுடன் அதன் தாக்கத்தைக் குறைக்க தோனி தன் கையை பின்னால் எடுத்துச் செல்லமாட்டார். கைகளை உறுதியாக வைத்திருப்பார் (Firm Hands). அதனால், கையை பின்னால் எடுத்துச்சென்று மீண்டும் ஸ்டம்ப் நோக்கி கொண்டுவருவதற்கான நேரம் அவருக்கு மிச்சமாகும். இதுதான் அவருடைய அதிவேக ஸ்டம்பிங்குகளின் ரகசியம். இது வழக்கமான கீப்பிங் இலக்கணத்துக்கு எதிரானது என்றாலும், அதுதான் அவரது பலமாக இருக்கிறது.
இந்த இடத்தில்தான் தோனியிடமிருந்து கேரி வித்தியாசப்படுகிறார் என்கிறார் ஆர்த்தி சங்கரன். "கேரி பந்தைப் soft hands-ஓட பிடிக்கப் பார்க்கிறார். அதற்காக நகரத் தயாராக இருக்கிறார். அதனால், அவர் ஸ்டம்பிங் விஷயத்தில் இதே அளவு தாக்கத்தை ஏற்படுத்த முடியாது" என்று கூறினார் அவர். இருவரும் வெவ்வேறு விதமான பௌலர்களுக்கு அப்படி நிற்கிறார்கள் என்றாலும், அவர்கள் பிரதானப்படுத்தும் விஷயம் மாறுபடுகிறது என்கிறார் அவர்.
அதேசமயம், "தன்னுடைய உடல் எப்படி வேலை செய்கிறது என்பதை உணர்ந்து, அதை தன்னுடைய ஆட்டம் மேம்படுவதற்குப் பயன்படுத்திக் கொள்வதற்கு கேரி ஒரு நல்ல உதாரணம். இந்த எண்ணம் தான் அவரை வேறுபடுத்திக் காட்டுகிறது" என்று சொல்கிறார் ஆர்த்தி. தோனி தன்னுடைய 'firm hands'-ஐ பயன்படுத்துவதுபோல், கேரி தன் வலதுபக்க இடுப்பைப் பயன்படுத்துகிறார் என்றும் அவர் கூறினார்.

பட மூலாதாரம்,Getty Images
படக்குறிப்பு,பந்தைப் பிடிக்கும் விஷயத்தில் தோனிக்கும், அலெக்ஸ் கேரிக்கும் இடையே வித்தியாசம் இருக்கிறது. ஆனால், இருவருமே கீப்பிங் இலக்கணத்திலிருந்து சற்று மாறுபடவே செய்கிறார்கள்.
மூன்று ஆண்டுகளுக்கு முன்பே!
பிரிஸ்பேன் ஆஷஸ் (2025) டெஸ்ட் போட்டியிலிருந்து கேரியின் இந்த கீப்பிங் பரவலாகப் பேசப்படுவருகிறது. ஆனால், இதேபோன்ற செயல்பாட்டை அவர் மூன்று ஆண்டுகளுக்கு முன்பே செய்திருக்கிறார். 2022 டிசம்பரில் வெஸ்ட் இண்டீஸ் அணிக்கு எதிராக அடிலெய்டில் நடந்த பகலிரவு டெஸ்ட் போட்டியில் இதேபோல் இரண்டு கேட்சுகளைப் பிடித்தார் அவர்.
மைக்கேல் நெஸர் பந்துவீச்சில் ஸ்டம்புக்கு அருகில் நின்று கீப்பிங் செய்த அவர், ராஸ்டன் சேஸ் மற்றும் ஜாஷுவா டா சில்வா ஆகியோரின் கேட்சுகளைப் பிடித்தார். அந்த இரண்டு பந்துகளுமே மணிக்கு சுமார் 130 கிமீ வேகத்தில் வீசப்பட்டிருந்தன.
அந்தப் போட்டி முடிந்த பிறகு பேசிய கேரி, "முதல் இன்னிங்ஸில் பந்தின் நகர்வைத் தடுக்க ராஸ்டன் சேஸ் தொடர்ந்து கிரீஸிலிருந்து வெளியே சென்று ஆடினார். அதனால், முன்னாள் வந்து நிற்கும் திட்டத்தை அப்போதே சொன்னேன். ஆனால், முதல் இன்னிங்ஸில் அதை செயல்படுத்த முடியவில்லை. இரண்டாவது இன்னிங்ஸில் அதற்குப் பலன் கிடைத்தது" என்று கூறினார்.

பட மூலாதாரம்,Getty Images
இதுவரை 46 டெஸ்ட் போட்டிகளில் 177 கேட்ச், 19 ஸ்டம்பிங் என 196 எதிரணி பேட்டர்களை அவர் ஆட்டமிழக்கச் செய்திருக்கிறார். இது ஆஸ்திரேலியாவின் மிகச் சிறந்த கீப்பர்களாகக் கருதப்படும் ராட் மார்ஷ், இயான் ஹீலி, ஆடம் கில்கிறிஸ்ட், பிராட் ஹாடின் ஆகியோரை விடவும் அதிகம்.
அதனால் தான் இன்று சிறந்த கீப்பர்கள் பற்றிய விவாதத்தில் கேரியின் பெயரும் இடம்பெற்றிருக்கிறது. இரண்டாவது ஆஷஸ் டெஸ்ட் போட்டிக்குப் பின் எஸ்இஎன் ரேடியோவுக்குப் பேசிய ஆஸ்திரேலிய முன்னாள் வீரர் இயான் ஹீலி, "அவர் தான் தற்போதைக்கு உலகின் சிறந்த கீப்பர் என்று நினைக்கிறேன். அதுவும், இந்த டெஸ்ட் போட்டிக்கு முன்னதாகவே..." என்று கூறியிருந்தார்.
- இது, பிபிசிக்காக கலெக்டிவ் நியூஸ்ரூம் வெளியீடு
https://www.bbc.com/tamil/articles/cx237lyzp0jo

By ஏராளன் · 19 minutes ago19 min

ஈழத்தமிழர் மீதான இனவழிப்புப் போரில் எனது தனிப்பட்ட அனுபவங்கள்
ஈழத்தமிழர் மீதான இனவழிப்புப் போரில் எனது தனிப்பட்ட அனுபவங்கள்

ஈழத்தமிழர் மீதான இனவழிப்புப் போரில் எனது தனிப்பட்ட அனுபவங்கள் அண்மையில் இஸ்ரேலுக்குப் பயணம் செய்த தனது அனுபவங்களை திரு நிராஜ் டேவிட் அவர்கள் காணொளிகள் வாயிலாக வெளியிட்டு வருகிறார். அவற்றில் சில காணொளிகளில் அவர் அங்கு தங்கியிருந்த‌ நாட்களில் பயணித்த பலவிடங்களையும் காட்சிப்படுத்தியிருந்தார். அவற்றுள் ஒன்று யூத மக்கள் மீது இரண்டாம் உலக யுத்த காலத்தில் நாசிகளால் மேற்கொள்ளப்பட்ட இனக்கொலை தொடர்பான சாட்சியங்கள், ஆதாரங்கள் ஆகியவற்றினை பாரிய நினைவாலயம் ஒன்றினுள் காட்சிப்படுத்தியிருந்தமை பதிவுசெய்யப்பட்டிருந்தது. தம்மீது நிகழ்த்தப்பட்ட இனக்கொலை தொடர்பாக தமது சந்ததிகள் தொடர்ச்சியாக அறிந்துகொள்ளவேண்டும் என்பதும், இனிமேல் அவ்வாறனதொரு இனக்கொலை தமது இனம் மீது நடக்காது தவிர்ப்பது எந்தளவு முக்கியமானது என்பதையும் தம் இன மக்களுக்கு தொடர்ச்சியாக வலியுறுத்துவதும் இந்நினைவாலயத்தின் நோக்கம் என்றும் அவர் தெரிவித்திருந்தார். கொல்லப்பட்ட அறுபது இலட்சம் யூதர்களில் ஒரு பகுதியினர் பயன்படுத்திய காலணிகள், அவர்களால் அணியப்பட்ட கறுப்பும் வெள்ளையும் சேர்ந்த வரிரியிலான ஆடைகள், அவர்கள் பயன்படுத்திய உணவருந்தும் பாத்திரங்கள், அவர்களின் புகைப்படங்கள் என்பவற்றோடு அவர்களை வதைப்படுத்திக் கொன்றுபோட்ட பல நாசிப் படைத் தளபதிகளின் புகைப்படங்களும் அங்கு மிக நேர்த்தியாக காட்சிப்படுத்தப்பட்டிருந்தது. இவற்றைத் தனது காணொளிகளில் காண்பித்த டேவிட் அவர்கள், எமதினத்திற்கு நடந்த அக்கிரமங்கள், அழிவுகள் குறித்து நாம் பேசுவதை எம்மில் ஒரு பகுதியினரே தடுத்து வருவதையும், சிங்கள இனத்தோடு நாம் ஒன்றித்து வாழ்வதை இவ்வாறான "பழங்கதைகள் பேசுதல்" எனும் முயற்சி தடுத்துவிடும் என்றும், அது இனவொற்றுமையினைக் குலைத்துவிடும் என்றும் காரணம் கூறிவ‌ருவதையும் குறிப்பிட்டு அங்கலாய்த்திருந்தார்.யூதர்கள் தமக்கு நடந்த அழிவினைத் தொடர்ச்சியாகப் பேசியும், காட்சிப்படுத்தியும், ஆவணப்படுத்தியும் வரும் நிலையில், நாமோ எம்மீது நடத்தப்பட்ட அழிவுகளை வேண்டுமென்றே மறுத்தோ அல்லது மறைத்தோ வாழத் தலைப்படுதல் ஈற்றில் எமது இருப்பிற்கே முடிவாய் அமைந்துவிடும் என்பதும் அவரது ஆதங்கமாக இருந்தது.இக்காணொளிகளின் இறுதிப்பகுதியில் தமிழ் மக்களை நோக்ல்கி வேண்டுகோள் ஒன்றினை அவர் முன்வைத்தார். அதுதான் நாம் அனைவரும், தனிப்பட்ட ரீதியிலோ அல்லது ஒரு குழுவாகவோ எம்மீது நடத்தப்பட்ட அனைத்து அக்கிரமங்களையும் ஏதோ ஒரு வகையில், ஏதோ ஒருவடிவில் கட்டாயம் ஆவணப்படுத்தியோ அல்லது காட்சிப்படுத்தியோ தீரவேண்டும் என்பது. அவரது காணொளிகளைப் பார்த்தபோது அவர் கூறுவது எனக்குச் சரியென்றே பட்டது. ஏனென்றால், எம்மீது நடத்தப்பட்ட அநீதிகளை நாமே பேசவோ அல்லது காட்சிப்படுத்தவோ மறுப்பின், வேறு யார்தான் இதைச் செய்யப்போகிறார் எனும் கேள்வி எனக்குள் வந்தது. ஆகவேதான் எம்மீது நடத்தப்பட்ட அக்கிரமங்கள் தொடர்பான எனது அனுபவங்களை இங்கு பதிவிடலாம் என்று நினைக்கிறேன். இத்தளத்தில் இருக்கும் ஏனையவர்களும் தமது தனிப்பட்ட அனுபவங்களை இங்கு பகிருமாறும் வேண்டிக்கொள்கிறேன்.
- 26 replies
ரஞ்சித்

December 7Dec 7
Featured by மோகன்

December 8Dec 8
சாத்தான் படை (IPKF)
சாத்தான் படை (IPKF)

* அன்பான உறவுகளே, இந்தப் புத்தகம் அன்றைய இந்திய அமைதிப்படை (ஆக்கிரமிப்புப் படை) கால சம்பவங்களையும், அன்று ஊடகங்களில் வெளியான செய்திகளையும் தொகுத்து செய்யப்பட்டுள்ளது. மிகுந்த சிரமங்களுக்கு மத்தியில், இன்றைய சூழல் கருதியும் தேவை கருதியும் ஈழத்திலிருந்து எடுப்பித்திருக்கிறோம். இதனை உங்களின் நண்பர்களுக்கும், தெரிந்தவர்களுக்கும் அனுப்பி உண்மைகளை அறியச் செய்யவேண்டும் என்று கேட்டுக்கொள்கிறோம். [குறிப்பாக உங்களுக்குத் தெரிந்த தமிழக நண்பர்களுக்கு, மக்களுக்கு, ஊடகங்களுக்கு, அரசியற் கட்சியனருக்கு, அமைப்புகளுக்கு அனுப்பிவைக்கவும்.]* * flash: http://ebook.yarl.com/ipkf/ * pdf zipped: Part 1 http://www.mediafire.com/?emj0zigyjyu Part 2 http://www.mediafire.com/?i5tzkzyjfny Part 3 http://www.mediafire.com/?tz1mvzdgggz * pdf: Part 1 http://ebook.yarl.com/ipkf/Satarnic-Force_Part1.pdf Part 2 http://ebook.yarl.com/ipkf/Satarnic-Force_Part2.pdf Part 3 http://ebook.yarl.com/ipkf/Satarnic-Force_Part3.pdf அன்பான உறவுகளே, தற்போதைய இலங்கையின் போர்ச்சூழல் பற்றி நீங்கள் அறிவீர்கள். திட்டமிட்ட வகையில் நடத்தப்படும் இனவழிப்பு / இனக்கருவறுப்புப் போரில் - ஒவ்வொரு நாளும் - குழந்தைகள், பெண்கள், முதியோர் என ஆயுதம் ஏந்தாத அப்பாவிப் பொதுமக்கள் - எந்தவிதப் பாகுபாடுமின்றி - கொத்துக்கொத்தாக கொத்தணிக் குண்டுகளாலும், பொஸ்பரஸ் அடங்கிய எரிகுண்டுகளாலும் படுகொலை செய்யப்படுகிறார்கள். "பாதுகாப்பு வலயம்" என அறிவித்து - அங்கும் மக்களை அரக்கத்தனமாகக் கொல்கிறார்கள். சிறிலங்கா அரசின் கட்டுப்பாட்டுப் பகுதிக்கு வரச்சொல்லி - ஆண்கள் பெண்களென வகைபிரித்து - பெண்களை பாலியல் வன்முறைக்கு உள்ளாக்கிப் பின் கொன்று புதைக்கிறார்கள். புதிய ஆண்டும் அவர்களுக்கு கொலைக்களமாகத்தான் பிறந்தது. இந்த ஆண்டின் இரண்டு மாத காலத்தில் மட்டும் - 1500 க்கும் அதிகமான மக்கள் சிறிலங்கா பேரினவாத அரசால் கொல்லப்பட்டுவிட்டார்கள். ஒரு இளம் சந்ததியே - ஒரு புதிய தலைமுறையே - கை, கால் இல்லாத சந்ததியாக மாற்றப்பட்டுக் கொண்டிருக்கிறது. இந்தச் சூழலில் - இந்த இன்னல் நிறைந்த காலகட்டத்தில் - தமிழகத்திலிருந்து எழும் ஒவ்வொரு ஆதரவுக் குரலும் புலம்பெயர் மக்களாகிய எமக்கு எவ்வளவு ஆறுதலாக இருக்கிறதென்பதை நீங்கள் அறீவீர்களோ தெரியாது. உங்களின் ஆதரவான ஒவ்வொரு சொல்லும் எங்கள் கண்ணீரைத் துடைக்க வல்லன. எமக்கு ஆதரவாக நீங்கள் வீதியில் இறங்கும் போதும் - உரக்கக் குரல் கொடுக்கும் போதும் - நாம் நம்பிக்கை கொள்கிறோம். சாதாரண நம்பிக்கையல்ல - சரித்திரம் படைக்கிற நம்பிக்கை. ஆனாலும் உறவுகளே - இன்னொரு கசப்பான உண்மையையும் நாம் உங்களுக்கு சொல்ல விரும்புகிறோம். உங்கள் ஆதரவான நம்பிக்கை தரும் குரல்களுக்கும் மத்தியிலிருந்து - தமிழகத்திலிருந்து - எம்மீது வெறுப்பைக் கக்குகிற சில குரல்கள் இன்னும் ஒலித்துக் கொண்டிருக்கின்றன. அவை, மீண்டும் மீண்டும் எம்மைக் காயப்படுத்துகின்றன. நாம் காயப்படுவதைப் பற்றி கவலைப்படவில்லை. அந்தக் குரல்கள் ஒட்டுமொத்தத் தமிழகத்தின் ஆதரவுக் குரலையும் பலவீனப்படுத்திவிடும் என்றே பயப்படுகிறோம். உலகத் தமிழினமே இன்று ஒன்றுபட்டு நிற்கையில் - பகைவளர்க்கும் இந்தச் சில குரல்கள் - தமிழினத்தின் விடுதலையில் கீறல்களை ஏற்படுத்திவிடக் கூடாதென்றே விரும்புகிறோம். ஈழத்தமிழர் பிரச்சனை/அவலம் பற்றி நீங்கள் பேசுகிற போதெல்லாம் - ராஜீவ்காந்தியின் கொலையை முன்னிறுத்தி - உங்களின் வாயை அடைக்கப் பார்க்கிறார்கள். ஈழத்தின் விடுதலை பற்றிப் பேசுகிறபோதெல்லாம் - ராஜீவ்காந்தியின் கொலையை முன்னிறுத்தி - கொச்சைப்படுத்துகிறார்கள். உங்களின் எழுச்சியை அவர்கள் ஒற்றை வார்த்தை கொண்டு ஒதுக்கிவிடப் பார்க்கிறார்கள். உலகத் தமிழரின் ஒற்றுமையை ஒற்றைவார்த்தையால், சாத்தியமற்றதாக்கிவிடலாம் என்று நினைக்கிறார்கள். எனவே அன்பான உறவுகளே, எந்தச் சூழ்நிலையிலும் நீங்கள் சோர்ந்துவிடக்கூடாது - எவருக்கு முன்னும் நீங்கள் தலைகுனியக்கூடாது - உண்மைகளை உணர்ந்துகொள்ளவேண்டும் என்கிற நோக்கோடு இந்தப் புத்தகத்தை மின்னூல் வடிவில் உங்கள் முன் வைக்கிறோம். ராஜீவ்காந்தியின் கொலையை யார் செய்தார்கள்? அவர் கொலை செய்யப்பட்டது சரியா பிழையா? யார் யாருக்கு அதில் பங்குள்ளது என்பது பற்றியெல்லாம் நாம் இங்கு பேச முனையவில்லை. அவற்றை ஒருபுறம் நாம் ஒதுக்கிவைத்துவிட்டு - எங்கிருந்து எல்லாம் தொடங்கியது என்று பார்த்தால் - சிலவேளை உண்மைகள் புரியக்கூடும். அமைதிப்படை என்கிற பேரில் ஈழத்து மண்ணில் கால்வைத்த இந்திய சாத்தான் படை - எப்படியெல்லாம் ஈழத்தமிழர்களைக் கொடூரமாகக் கொலை செய்ததென்பதைப் பாருங்கள். ஈழத்தமிழரின் விடுதலைப் போரைச் சிதைக்க எப்படியெல்லாம் துணைநின்றார்கள் என்பதைப் பாருங்கள். மீண்டும், அதே கொடுமையையும் துரோகத்தையும் - சிங்கள அரசுக்கு உதவுவதினூடாக/சிங்கள இராணுவத்தின் பின்னாலிருந்து யுத்தத்தை நடத்துவதினூடாக - இந்தியா செய்கிறது. இப்படியான சூழலில் நீங்கள் ஈழத்தமிழர்களுக்கு ஆதரவாக எழுப்புகிற குரலை நசுக்க ராஜீவ்காந்தியின் கொலையைத் தூக்கிப்பிடிக்கிறார்கள். இதை தொடர்ந்து கவனிக்கிற போது, ஈழத்தமிழர் பிரச்சனை தமிழகத்தில் பேசப்படக்கூடாது என்பதற்காகவும், ஈழத்தமிழர்களுக்கு தமிழகம் உதவக்கூடாது என்பதற்காகவும், ஈழத்தமிழர் பிரச்சனை பற்றி பேசப்படுகிறபோது ராஜீவ்காந்தி கொலை கண்ணுக்கு முன் வரவேண்டும் என்பதற்காகவும் - யாரோ திட்டமிட்டு நீண்டகால அரசியல் இலாபத்தோடு இதைச் செய்திருக்கிறார்கள் என்றே உணர முடிகிறது. இந்திய/தமிழக நண்பர்களே, உறவுகளே, ஊடகங்களே நாம் பழையதை நினைவுபடுத்தி, எமக்குள் உள்ள உறவைக் காயப்படுத்த விரும்பவில்லை. எனினும், உண்மைகளை நீங்கள் அறிந்துகொள்ளவேண்டும் என்று விரும்புகிறோம். உங்களின் ஆதரவுக் குரல்கள் "ராஜீவ்காந்தியின் கொலை" என்கிற ஒற்றை வார்த்தையைக் கொண்டு அடக்கப்பட்டுவிடக் கூடாது என்பதற்காகவே நாம் இந்தப் புத்தகத்தை உங்களுக்கு அனுப்புகிறோம். நாம் மீண்டும் மீண்டும் எல்லோராலும் ஏமாற்றப்படுகிறோம் என்பதை நீங்கள் புரிந்துகொள்ளவேண்டும். * அன்பான உறவுகளே, இந்தப் புத்தகம் அன்றைய இந்திய அமைதிப்படை (ஆக்கிரமிப்புப் படை) கால சம்பவங்களையும், அன்று ஊடகங்களில் வெளியான செய்திகளையும் தொகுத்து செய்யப்பட்டுள்ளது. மிகுந்த சிரமங்களுக்கு மத்தியில், இன்றைய சூழல் கருதியும் தேவை கருதியும் ஈழத்திலிருந்து எடுப்பித்திருக்கிறோம். இதனை உங்களின் நண்பர்களுக்கும், தெரிந்தவர்களுக்கும் அனுப்பி உண்மைகளை அறியச் செய்யவேண்டும் என்று கேட்டுக்கொள்கிறோம். --நன்றி: யாழ் இணையம்--
- 4 replies
இளைஞன்

February 15, 200916 yr
Featured by மோகன்

November 25Nov 25
🕯️ ஒவ்வொரு ஆன்மாவுக்கும் ஒரு தீபம் / “A Lamp for Every Soul”
🕯️ ஒவ்வொரு ஆன்மாவுக்கும் ஒரு தீபம் / “A Lamp for Every Soul”

🕯️ ஒவ்வொரு ஆன்மாவுக்கும் ஒரு தீபம் / “A Lamp for Every Soul” ஓ… முள்ளிவாய்க்கால் ஆன்மாக்களேகாற்றில் அலையும் ஜீவன்களே அலைகளுடன் நகரும் மென்மையானவர்களே உங்களின் முன் தலை குனிந்து வணங்குகிறோம்!உங்கள் துன்பம் மறக்கமுடியாதது உங்கள் பெயர்கள் மறையமுடியாததுஉங்கள் கனவுகள் எங்களால் வாழட்டும்!குழந்தைகளைப் பாதுகாத்த தாய்மார்களுக்கும் கதிரவனைக் காணாத குழந்தைகளுக்கும்நம்பிக்கையை மட்டுமே சுமந்த இளைஞர்களுக்கும்நாங்கள் இந்த தீபத்தை ஏற்றுகிறோம்!உங்களை கைவிட்ட உலகிற்கு இந்த தீபம் வழிநடத்தட்டும்!நாங்கள் வழங்க முடியாத பாதுகாப்பை அமைதி சூழ்ந்து கொடுக்கட்டும்! முள்ளிவாய்க்காலின் ஆன்மாக்களேநாங்கள் உங்களைப் போற்றுகிறோம்உங்களுக்காகப் பேசுகிறோம்!ஒவ்வொரு தீபத்திலும் ஒவ்வொரு கண்ணீரிலும்ஒவ்வொரு இதயத் துடிப்பிலும் உங்களை நினைவில் கொள்கிறோம்!🕯️ உங்கள் ஒளி நிலைத்திருக்கட்டும்🕯️ உங்கள் உண்மை உயரட்டும்🕯️ உங்கள் நினைவு என்றென்றும் ஒளிரட்டும்![கந்தையா தில்லைவிநாயகலிங்கம்,அத்தியடி, யாழ்ப்பாணம்] “A Lamp for Every Soul”O spirits of Mullivaikkal,restless in the wind,gentle in the waveswe bow our heads before you.May your sufferingnever be forgotten.May your namesnever fade from memory.May your dreamslive through us.To the mothers who shielded their children,to the babies who never saw the sunrise,to the youth who carried only hopewe light this lamp.May this flame guide youwhere the world failed you.May peace hold youin the embrace we could not give.O souls of Mullivaikkalwe honour you.We speak for you.We remember youin every lamp,every tear,every heartbeat.🕯️ Let your light endure.🕯️ Let your truth rise.🕯️ Let your memory shine forever.[Kandiah Thillaivinayagalingam,Athiady, Jaffna]துளி/DROP: 1910 [🕯️ ஒவ்வொரு ஆன்மாவுக்கும் ஒரு தீபம் / “A Lamp for Every Soul”]https://www.facebook.com/groups/978753388866632/posts/32502659262715967/?
- 0 replies
kandiah Thillaivinayagalingam

November 22Nov 22
Featured by மோகன்

November 23Nov 23
தாயகத்தின் தாய் – ச.பொட்டு
தாயகத்தின் தாய் – ச.பொட்டு

தாயகத்தின் தாய் – ச.பொட்டு அம்மா எமக்கு அறிமுகமான அந்தநாள் இப்போது நினைவில் இல்லை. அது மணிமனைக் கோவைகளை பரிசீலித்தே அறிய வேண்டியதான ஒன்றாக எம் நினைவுப்பதிவுகளில் இருந்து மறந்து போய்விட்டது. எதொவொரு இலக்கத்தாலும் நினைவில் வைத்திருக்க வாகாகத்தெரிவு செய்யப்பட்ட வழமையல்லாத ஏதோவொருயெராலும், கறிப்பிடப்பட்டிருக்கக்கூடிய அம்மாவின் கோவையும்பொல் ஒன்றாகத்தான் தூங்கும். ஆனால் அம்மா எல்லோரையும் போன்ரவரல்ல. என்றென்றும் மறக்கப்பட முடியாதவராக அந்த அம்மா எம் நிணைவுப்பதிவுகளில்…. கரீர் என்ற கறுப்பு நிறமும், மெலிவான மலர்ந்த முகமும் சளசள வென்ற ஒயாத கதையுமாய்… நகைச்சவை உணர்வுமிக்க ஒரு புலனாய்வாளனால் தமிழகத்து சிரிப்பு நடிகைகளது பெயரில் ஒன்றை புனைபெயராக அம்மாவில் வெளிப் பார்வைக்குத் தெரியும். சில பெண்பிள்ளைகளுடன் இளையவனாய் ஒரேயொரு மகன் என்பது அந்த மகன் மீது அதீத அன்புக்கு காரணமாய் அமைவது இயல்புதான். அம்மாவுக்கும் அப்படித்தான். சில பெண் சகோதரிகளுடனான அந்த ஒரேயொரு மகன் மீது கொள்ளைப் பாசம். காலத்தின் தேவையாக அந்த ஒரேயொரு மகன் போராளியாக ஆனபோது, அம்மாவின் அந்த அதீத பாசத்திற்க்கு சோதனை வந்தது. அந்தச் சோதனை எல்லா அம்மாமாருக்கும் வருவது போன்றபாசத்தின்தளத்தில் எழும்வேதனை மட்டுமல்ல. ****** அம்மா அந்தக் காலத்து பழசுதான். ஆனால் பழமையில் ஊறிய பிற்போக்கு வாதியல்ல. இளமைக்காலத்தில் இருந்தே சமூகத்தின் மீதான பார்வையை செலுத்தக்கூடியவர். எம்மினத்தின் அரசியல் பயணத்தின் அம்சங்களை காலத்தால் அறிந்தவர். மென்முறையில் எழுந்த அரசியல் கோரிக்கைகள் ஆக்கிரமிப்பு வன்முறைகளால் ஒடுக்கப்பட்டதை கண்ணால் கண்டறிந்து குமறியவர். அரசியல் மென்முறைகள் அக்கிரமிப்பு வன்முறைகளால் ஒடுக்கப்பட்டதன் மறவடிவமாக அரசியல் வன்முறை வடிவம் கொண்டதை ஆரம்ப காலத்தில் இருந்தே வியப்புடன் பார்த்தவர். காலம் தன்பாட்டில் ஓடி, அம்மா குடும்பமாகி, பிள்ளைகள் பெற்று வளர்த்து..ஒருசராசரி பெண்ணாக, தாயாக ஆனார். இது வரை அம்மாவால் அப்படியாக வாழவும் முடிந்தது. ஆனாலும் மனதில் ஆயுதப் போராட்ட நியாயத்தின் கடமைக்காய் தன் கடைசிப்பிள்ளை அம்மாவின் பாசத்தை கொள்ளை கொண்ட செல்லமகன் ஆயுதம் ஏந்தப்புறப்பட்டதை அம்மா எப்படி எதிர்கொள்வது? பெற்ற பாசமா? இனத்தின் சோகமா? என்ற தர்ம சோதனையில் அம்மா குழம்பி மகனது ஆயுதப்போர் வடிவத்தெரிவை மனதால் எற்று சமநிலைக்கு வர காலம் பிடித்தது. ***** இப்போது மகன் போராளி. தெருவில் போகவர அம்மாவை எதரிகொள்வான். மகன் இப்போது வளர்ந்து விட்டான். வளர்ந்தவனையே கூட கழந்தையாய் பார்க்கும் அம்மா மனம், இப்போது மகனைக் கண்டு வியந்தது தன்ர சின்னப்பிள்ளை இப்போது எபரிய ஆளாய், ஏதேதோ வேலையாய் அங்கிங்கு ஓடித்திரிவது அம்மாவுக்கு சொல்ல முடியாத பெருமைதான். இயக்கத்தில் இணைந்த காலத்தில் மகன் சின்னப்பெடியன். வயதுக்கே உரிய வேகமான செயற்பாடும் குழப்படியும் கொண்ட இளைய போரளி. அவன் செய்யும் குழப்படிகள், வாங்கும் தண்டனைகள் எதுவும் அம்மாவுக்குத் தெரியய நியாயமில்லைத்தான். அதே போல் வடமராச்சி பொறுப்பாளர் தண்டனை கொடுத்து களைத்துப்போயா அல்லது இவன்தான் தண்டனை செய்து களைத்தப்போயா என்னவோ ஆள் நெல்லியடியில் இருந்து சாவகச்சேரிக்கு நடந்தெ வந்து சேர்ந்தும் அம்மாவுக்கு தெரிய எந்தநியாயமும் இல்லைத்தான். இதற்கிடையில் மகன் சண்டைக்களத்தில் என்ற செய்தியை மட்டுமே கேள்விப்பட்டு கவலைப்பட்ட அம்மா. கடும் சண்டை என்ற செய்தியால் எல்லா அம்மாக்களையும் போல அம்மாவும் பதறிக் கொண்டிருந்த ஒரு பொழுதில் மகன் காயமடைந்த செய்தி, பதறிய மனதுடன் அம்மா ஓடித்திரிந்தும், மகனின் நண்பர்கள் மூலம் அவன் நிலையறிந்து துடித்ததுமாக கழிந்தது நாட்கள். அம்மாவுக்கு மகனின் சுகநலன் அறியும் தொடர்புகளும் ஏற்பட்டுவிட்டன. ‘இதுவொரு சின்னக்காயம் இன்னும் கொஞ்ச நாள்ள காம்புக்கு வந்திடுவான்” என்று பொறுப்பாளர் சொல்லும் பொய்யான கதையை மீறி’ வயிற்றுக்காயம்” பதிணைந்து தையலுக்கு மேல் போட்டிருக்கு” ‘இன்னும் சாப்பிடத் தெடங்கேல்ல” என்று உண்மைகளை அறிந்துவிடும் அளவுக்கு அம்மாவுக்குத் தொடர்புகள் எற்பட்டு அதனை தொடர்ந்து மருத்துவனைக்கு போய்வரவும் தொடங்கிவிட்டா. மருத்துவமனை’கெதியாக என்னை துண்டு வெட்டி விடுங்கோ உடனே சண்டைக்குப் போகவேணும்” உறுதியின் வெளிப்பாடுகள். "என்ர இடத்தில ஆமியின்ர பொடியும் ஆயுதமும் இருக்கு காவு குழு அனுப்புங்கோ” ‘……….” எம்மையா? எதிரியையா? என சிந்திக்க வைக்கும் எழுத்தில் சொல்லமுடியாத வசவுகள். மருந்தின் மயக்கத்தில் தம் நிலை மறந்து உளறல்கள். ’ஜயோ தங்கேலாமல் கிடக்கு பெத்தடினைப் போடுங்கோ…..ஓ…” வேதனை தாங்கேலாமல் கிடக்கு இந்தக் காலை வெட்டுங்கோ” கேட்போரின் கண்களில் இரத்தம் கசிய வைக்கும் வேதனைக்குரல்கள். மருந்துக்களின் நெடியை மீறிய புண்களின் மணம். ****** மகனைப் பிரிந்திருந்த அம்மா தனது பாச உணர்வுகளும் அடிமனத்து விடுதலை உணர்வுக்குமாக ஒரு வடிகாலை தேடிக்கொள்ள, காயமடைந்த போராளிகளை பராமரிப்பவர்களில் ஒருவராகிவிட்டார். இந்தக் காலம் அம்மாவுக்கு விடுதலைப் போரை முன்னை விட கூடுதலாகவே அறிமுகம் செய்து வைத்தது. காயமடைந்த போராளிகளுடனான பரிச்சயமும், பழக்கமும் அம்மாவுக்கு போராட்டத்தின் இன்னொரு பக்கத்தை அறிமுகம் செய்து வைக்க அவவுக்கே தெரியாமல் அம்மா கொஞ்சம் கொஞ்சமாய் மாறிப்போனார். வெளியில் இருந்து போராட்டச் செய்திகளை மட்டும் கேட்பதற்கும், வெற்றிகளை கேட்டு மகிழ்சி அடைவதற்கும் அப்பால் அந்தச் செய்திகளின் உருவாக்கத்தின் யதார்த்தம் அம்மாவை அதிகமாக சிந்திக்க வைத்தது. விட்டுக் கொடுக்கப்பட முடியாததான இவ்விடுதலைப் போராட்டம் இத்தனை கடினமானதா? இவ்வளவு கண்ணீரை வரவழைப்பதா? இழப்புக்களை குறைத்தோ அல்லது குறைக்கவோ ஏதாவது செய்யமுடியாதா? அம்மா அரசியல், இராணுவ வித்தகத்தடன் சிந்தித்தாவோ? இல்லையோ? அம்மாவாகச் சிந்தித்தா. எல்லாப் போராளிகளையும் தன் பிள்ளையாய் பார்த்த அம்மாவாக சிந்தித்தா.. ******* எம் தாயகத்தில் விளைவிக்கும் ஆக்கிரமிப்பு கொடுமையின் ஒரு சிறு பங்காவது எதிரியின் கோட்டைக்குள் திருப்பிக் கொடுக்கப்படுவது அம்மா திருப்தியுடன் பார்க்கும் செய்திதான். அதுவுமல்லாது எதிரியின் பெரும் நிலைகள் அவ்வப்போது ஆங்காங்கே அழிக்கப்படுவதும் அது எதிரிக்கு ஏற்படுத்தும் அதிர்ச்சியும் அம்மா அறிவார். அதில் எம் போராளிகள் இங்க போல் பெரும் இழப்புக்களை சந்திப்பதில்லை என்பதும் அம்மாவுக்கு தெரியும். ஏற்கனவே எரிபற்று நிலையில் இருந்த அம்மாவின் மனம்தான் இந்த வழியை நாடிப்போனதோ அல்லது அம்மாவை அறிந்து சந்தித்த அந்த போராளிகள்ததான் அம்மாவின் மனதில் தீயை மூட்டினரோ? என்னவோ? அம்மா இப்போது புலனாய்வுத்துறையின் ஆள், முகவராம் வெளிவேலைக்கான முகவாரம். அம்மா இப்போது மாறி விட்டா. முன்பு குடும்பம் அயலவர் என்று எல்லா இடமும் செய்தி சொல்லி மருத்துவமனை சென்று வருபவர். இப்போது சுருக்கமாக வேறெங்கோ தனியாகப் போய்வரத்தொடங்கிவிட்டா. மருத்துவமனை போய்வர நேரம் இருக்குதோ இல்லையோ அம்மா இப்ப அங்கை எல்லாம் போய்வரக்கூடாதம். மருத்துவமனை என்றில்லை. இயக்கம் இருக்கிற இடம் ஒன்றுக்கும் போய் வரவும் கூடாதாம்.இயக்கத்திற்கு ஆதரவாக கதைக்கக் கூடாதாம். அம்மாவுக்கு தன்னையே நம்ப முடியாதபடி ஆச்சிரியம் கலந்த பெருமை சி.ஜ.ஏ, கே.ஜி.பி மொசாட் என்று புலனாய்வு அமைப்புக்களை பட்டியலிடுவதுடன் எங்கட வேலைத்திட்டம் என்று ஏதோ விளக்கங்கள். அம்மாவுக்கு எதுவெது விளங்குகிறதோ? இல்லையோ? மனதுக்குள் குறுகுறுவென்று ஆர்வ முனைப்பு. அம்மாவுக்குள் இப்போது வேறொரு உலகம் அறிமுகம் செய்யப்பட்டு விட்டது. அவர் இப்போது இன்னொரு ஆளாகவும் செயற்படக் கூடியவராக ஆகிவிட்டார். தலைநகர் அதிர்ந்தது” தற்கொலையாளி அடையாளம் காணப்பட்டார் ‘புலிகளைத் தேடி வலைவிரிப்பு” சூத்திரதாரி தலைமறைவு” அடையாளம் காணப்பட்டவரின் பெயர் போலியானதென பொலிசார் தெரிவிப்பு” உலகமே செய்திகளை வியப்புடன் நோக்கும். சூழ உள்ள சுற்றத்தினரும் கூட தங்களுக்கு எல்லாம் தெரியும் என்பது போல செய்திகளும் கற்பனைகளுமாக கதைகதையாய் பீற்றித்திரிவார். எல்லாவற்றையும் அமைதியாக அமத்தலாக பார்த்தபடி பட்டுக்கொள்ளாமல் இருப்பா அம்மா. ஆக, அம்மாவுக்குள் இப்போ வேறொரு உலகம் அறிமுகம் செய்யப்பட்டுவிட்டது. அவ்வப்போது வந்து அன்பு மகனை பார்த்துக்கொள்வது தவிர மற்றும்படி எவ்வளவோ மாறிப்போனா அம்மா. ***** இதற்கிடையில் அம்மாவுடன் மகனுக்கு சரியான கோபமாம். அம்மாவின் அக்கா பெரியம்மா – மூலமாக செய்தியனுப்பியிருந்தான்.’ இட இவர் பெரிய மனுசானாகி இப்ப இவருக்கு கோபமும் வருமே” என செல்லமாய் சொல்லிவிட்டிருந்தா அம்மா. இவனது போராளி நண்பனொருவன் ஊர்ப்பக்கமாய் வந்தபோது’ சின்னதாய் ஒரு மூஸ் அடித்து அம்மாவிடம் போய் இவனது சுகநலன் சொல்லியுள்ளான். அவனுக்கு சாப்பாடு கொடுக்காமல் அனுப்பிவிட்டவவாம் அம்மா. போய்வந்தவன் குறையாகவோ இல்லை பகிடியாகவோ சொன்னானோ அல்லது அவன் சொல்லாமல்விட இவன்தான் கதைவிட்டு அறிந்தானோ என்னவோ? ஆளுக்கு சரியான கோபம். அம்மா வழமையில் அப்படியில்லை. எல்லோரையுயம்’ குறிப்பாக போராளிகளை” உபசரிப்பதில் அதுவும் சக்திக்கு மீறியே உபசரிப்பதில் முன்னிப்பவர்தான். அன்று அந்த ஏழைத்தாய்க்கு என்ன கஸ்ரமோ வசதிக்குறைவோ? வீம்புக்காக அம்மாவில் கோபம் போட்டாலும் அவ்வப்போது பெரியம்மாவின் வீடு வந்து’ அம்மாவில் இப்போதும் கோபம்தான்” என்று சொல்லிப் போவான். மகன் பெரியம்மா வீடு வந்து. அம்மாவில் கோபம் சொல்லி நிற்பதும். அம்மாவின் சமையல் வேலிக்குள்ளால் பயணித்துபெரியம்மா வீடு வந்து மகனிடம் சேர்வதும் நல்லதொரு நாடகம். அம்மாவின் கை மணம் தெரிந்தும் தெரியாதது போல நல்ல சாப்பாடு என பெரியம்மாவை புகழ்ந்து விட்டு போகும் பிள்ளையை வேலியால் பார்த்திருப்பா அம்மா. தான் பார்ப்பது தெரிந்தால் அவருக்கு இன்னும் எழுப்பமாய்ப் போய்விடும் என அம்மா, மறைவாய் நின்று சிரிப்பது தெரியாமல் அம்மாவை தேடுவான் பிள்ளை. அன்றைய சுகமும் இன்றைய சோகமுமாய் ஆகிப்போன சின்னச்சின்ன ஞாபகங்கள் இப்படி எத்தனை? ****** காலம் கொஞ்சம் ஓடிப் போக மகன் இப்போது முதிர்ந்தவனாகி விட்டான். அம்மா எதிர்பார்க்க முடியாதபடி என் அவனே கூட எதிர்பார்க்காமல் பொறுப்புள்ளவனாகிப் போனான். இயக்கத்தின் ஆசிரியர் அணியொன்றின் உதவியாளன் என்பதும், அவ் ஆசிரியர் அணியுடனும் அவர்தம் பணியுடனும் அவனுக்கேற்பட்ட ஈடுபாடுமாக அவனைப் படிப்படியாக முதிர்ந்தவனாக ஆக்கிவிட்டதோ? சண்டை அணியில் நிற்கும் போது நண்பர்கள் செய்தது போல அவனும் கரும்புலி விண்ணப்பக் கடிதம் எழுதிக் காத்திருந்தது பழையகதை. இப்போது மொழிப்பெயர்ப்புத் திரைப்பட உருவாக்கற்பொறுப்பை கைமாற்றிக் கொடுத்து விட்டு, அவன் கரும்புலிக்கான அழைப்பை ஏற்றுக்கொண்டதே புதிய நிலை. அணிசேர்ப்பு, தொடர்வகுப்பு,கடும்பயிற்சி,எதிரியின் தலைநகர் அறிமுகமென தயார்படுத்தல்களுடன், தனிமைப்படுத்தப்பட்ட முகாம் வாழ்வுமாக மகனும் இப்போ வேறொரு உலகிற்கு மாறிப்போனான். ******** மகன் வழிதெருவில் எதிர்படாமல் போனதும், வழமைபோல தேடிப்போன இடத்தில் சரியான பதில் இல்லாது போனதும் அம்மாவுக்கு என்னவோ போலானது. காணாத மகனை தெருவில் கண்டபோது அவனது புதிய கூட்டாளிகளும், வழமையல்லாத நடை, உடை,பாவனையும் அம்மாவுக்கு எதையெதையோ எண்ணவும் வைத்தது. அம்மாவும் இப்போதும் பழைய அப்பாவி அம்மா இல்லையே. மகன் இவ்வழியில் கரும்புலியாய் தெரிவு செய்யப்பட்டுவிட அம்மா வெளிவேலைகளில் இருந்து நிறுத்தப்படுவது தவிர்க்க முடியாததாக ஆனது.’ தேவை ஏற்படும் போது அவசரமாக அழைக்கப்படுவீர்கள்” என்ற விளக்கத்தை அம்மாவால் முற்றாக நம்பவோ, புறக்கணிக்கவோ முடியவில்லை. தனக்கு கூறப்படுவது போலிக்காரணம் என்று தெரிந்தாலும் அதற்கு மேல் அம்மாவாலும் ஒன்றும் செய்யமுடியாமல் போக அம்மா, வழமையான அம்மாவாக வாழத்தொடங்கிவிட்டா. அம்மாவின் சந்தேகத்தை இன்னும் அதிகரிக்க அல்லது தீர்த்து வைக்க காரணமாக இன்னொரு செய்தியும் வந்து சேர்ந்தது. அம்மாவின் உறவுக்கார பெண்மணியொருவர் கொழும்பில் இருந்து வந்திருந்தார். மகனை கொழும்பில் கண்டதை அம்மாவுக்குச் சொன்னது மட்டுமின்றி, தன்னைக் கண்டதை அம்மாவுக்குச் சொல்ல வேண்டாமென்று அவன் சொன்னதையும் வலு கவனமாய் மறக்காமல் சொல்லிவிட்டுப் போனார். அம்மாவின் மனப்புதிர் மெல்ல மெல்ல விடுபட்டுப்போகும் காலத்தின் ஒரு நாளில்,’சொல்லாமல் கொள்ளாமல் திடுதிப்பென்று” வீடு வந்தான் மகன். பழைய கோபத்தை நினைவூட்டுவதும் செல்லம் கொஞ்சுவதுமாய், அதே பழைய மகனாய்……..ஒரே கொண்டாட்டம். வீடு நிறைந்து போனது. அப்பாவி அப்பாவுக்கும் அக்காளுக்கும், உறவுகளுக்கும் மகனது வீடு வருகையின் காரணம் தெரியாமல் ஒரே கொண்டாட்டம். அம்மாவுக்கு மட்டும் என்ன தெரியும்? ஒன்றுமே தெரியாதுதானே.’மகனது புதிய நடை, உடை பாவனையில்,வித்தியாசம் விளங்காது”‘அவன் கொழும்புக்கு போனதும் தெரியாது”‘அவனது அன்ரி வந்து ஒன்றுமே சொல்லவும் இல்லை” ஒரே மகிழ்ச்சி வீடு நிறைந்த மகிழ்ச்சி.. பிள்ளை ‘அம்மாவை தனக்கு சாப்பாடு ஊட்டி விடக்கேட்டது’ அம்மாவுக்கு நான் தான் தீத்துவேன் என்று கூறி உணவூட்டிவிட்டதும் ஏன் என்று வீட்டில் மற்றயோருக்குத் தெரியாது.’தம்பி இப்ப தான் செல்லம் கொஞ்சுது என்று அவர்கள் பரிகசித்து பேசும் போதும் அம்மா கண்ணீர் மறைத்து, முகம் சிரித்து,’உணர்வு மறைத்து உணவூட்டி…. வீட்டில் ஒரே சிரிப்பும் கொண்டாட்டமும் தான். அம்மாவுக்குத்தான் ஒன்றும் தெரியாதே. மகன் முகாம் திரும்ப முன்புபோல் அவசரப்படவும் இல்லை. எல்லோரிடமும் விளையாட்டும் , கதையுமாய் கொண்டாடி, உணவுண்டு, பாய்போட்டு நித்திரை கொண்டு அவன் முகாம் திரும்பும் வேளையில் அன்றைய பொழுது இரவைத் தொட்டுவிட்டிருந்தது. அன்று அவன் சொல்லிவிட்டுப் போனது போல தனயாக வரவில்லை அரை டசினுக்கு அதிகமான அவனது நண்பர்களால் வீடு மீண்டும் களைகட்டியது. அவனது அம்மா,அப்பா, அக்காக்கள், வந்திருந்த அனைவருக்கும் அம்மா, அப்பா,அக்கா ஆயினர். அத்தனை பிள்ளைகளும் மாறி மாறியும் ஒன்றாயும் அம்மா…..என்று உறவு சொல்லி அழைக்க வீடு களைகட்டியது. ஒன்றும் தெரியாத அப்பாவி அப்பாவும் அக்காக்களும் அவனது புதிய நண்பர்களின் உற்சாகத்தில் கரைந்து போயினர் அம்மாவும் தான். அவவுக்கும் தான் ஒன்றுமே தெரியாதே. அவவும் சேர்ந்து அந்த உற்சாகத்தில்…….. வந்திருந்த எல்லோருக்கும் தடல்புடலாய் சமையல், சாப்பாடு என்று வீடு அமர்க்களப்பட்டபோதும், குசினியும் முற்றமுமாய் பம்பரமாய் சுழன்ற போதும் அப்பாவி அப்பாக்கும் அக்காக்களுக்கும் ஒன்றுமே தெரியாதே…. அம்மாவுடன் வீடே வாசல் வரை வழியனுப்ப அவர்கள் புறப்பட்டு போயினர். ****** அவர்கள் விடைபெற்று போயினர். அந்தத்தாயின் வழியனுப்பலின் பின்னர் அவர்கள் தாயகத்திடமும் விடை பெற்றுப் போய்……போய் விட்டனர். நல்ல சூரியனின் பெயரால் கொடியோரின் ஆக்கிரமிப்புக் கதிர்கள் விலிகாமத்து மண்ணை சுட்டெரித்த காலத்தின் ஒரு பொழுதில் அவர்கள் எதிரியின் கோட்டைக்குள் புதுவரலாறு படைத்தனர். வீரமும் அர்பணிப்பும் மட்டுமன்றி மனிதாபிமான நிதானமும் நிறைந்த அவர்களது வெற்றிச் செய்தியால் உலகமே உறைந்து நின்ற வேளையில், தமிழீழத்து எல்லோரையும் போலவே அவனது குடும்பத்திலும் மகிழ்ச்சி வளிப்பாடுகள். ஆனால் அம்மா மனதில்?… ****** மகனது பொறுப்பாளர்களை அம்மா சந்திக்கும் அந்த நாள் வந்தேவிட்டது. மகன் எங்கே? என்பதற்கான வழமையயான பதில்கள் அம்மாவிடம் எடுபடாமல் போக, சந்திக்க வேண்டியது தவிர்க்க முடியாததாக ஆகிப்போனது. மனுசியின்ர வாயை முதலே அடைச்சுப்போட வேணும். கதைக்க விட்டால் தப்பேலாது” என்ற சிந்தனையில் மகன் நிற்குமிடம் அவனைச்சந்திப்பதில் உள்ள வசதிக் குறைவு…என பொருத்தமற்ற பொய்யான பதில்களுடன் பொருப்பாளர். ‘மகன் தூரத்தில்…., மட்டகளப்பில்…நிற்கிறான்…வர கொஞ்சம் காலம் செல்லும்” அம்மாவின் முன்னால் இரத்தம் நீராகிப்போன பொருபாளரின் வார்த்தைகள். அவரது உயிரற்ற வார்த்தைகளை மீறி அம்மாவின் உறுதியான கேள்வி. ‘எப்படி என்ர மகன் கடைசி வரைக்கும் சரியாக செயற்பட்டவனே………? ‘எனக்கு எல்லாம் தெரியும். நான் பெத்து வளத்த பெடியன் அவன் சொல்கிறது பொய் எண்டு எனக்குத் தெரியாதே” ‘உப்பிடி எத்தனை பொய்களை எனக்கு நீங்கள் சொல்லித்தந்திருப்பியள்” ‘வீட்ட வந்து அவன் நித்திரை கொள்ளேக்க அவன்ர பொக்கற்றுக்குள்ள பார்த்தன் வட்டுக்கோட்டை அடையாள அட்டை வச்சிருந்தவன்” என்ர பிள்ளை அம்மாவுக்கு சொல்லேலாதெண்டு எனக்குத் தெரியும். அதில நான் ஏதும் பிழை விட்டிடக்கூடாது என்று தான் நானும் அவனோடை ஒன்றும் கதைக்கேல்லை. ‘செய்தியை கேட்டுப்போட்டு அக்கா வீட்டை ஒடிப்போய் ரூபவாகினிதான் பார்த்தனான்” முகம் தெரியாததால ஒருதருக்கும் விளங்கேல்லை – பெத்ததாய் எனக்கு தெரியாமல் போகுமே. ‘றெயில் தண்டவாளத்துக்குப் பக்கத்துல கிடக்கிறான் என்ரபிள்ளை…” அடக்கி வைத்ததெல்லாம் வெடித்ததால் குமுறி அழும் அம்மாவிடம் சொல்ல வார்த்தைகள் இல்லை. உலகத்தில் உள்ள பொய்கள் எல்லாம் எங்கோ ஓடிப்போக விக்கித்து நினறவரிடம் அம்மா அந்த கடிதத்தைக் கொடுத்தா. தன் வீரச்சாவு வெளிப்படும் வேளையில் அம்மாவுக்கு கொடுக்கவென மகன் எழுதிய கடிதம். எங்கோ பிசகுப்பட்டு முன்கூட்டியே அம்மாவின் கையில். எண்ணற்ற தடவைகள் படிந்துறைந்த போன அந்தக் கடிதத்தில் அவன் எல்லாம் எழுதியிருந்தான். முத்தாய்ப்பான வரிகள்… உன் கடன் தீர்க்காமல் போகின்றேனம்மா. தமிழீழத்தில் அடுத்த பிறப்பில் உன் வயிற்றில் பிள்ளையாகவே என்னைப் பெற்றிடு அம்மா இப்பிறப்பில் தீர்க்காத உன் கடன் எல்லாம் அப்பிறப்பில் தீர்த்திடுவேன் அம்மா அம்மா தாயே உங்களை எமாற்ற உங்களின் பிள்ளைகள் நாங்கள் எத்தனை திட்டங்கள் போட்டோமம்மா. ஒன்றுமே கூறாது நீ நின்றதும் வென்றதும் எவ்வண்ணம் தாயே. தாயகத்தின் தாயே உங்களிடம் நாங்கள் தோற்றுத்தான் போனோமம்மா… ********* ஆசிரியரை பற்றி…. விடுதலைப்புலிகளின் முக்கியஸ்தரான பொட்டம்மான் பற்றி உலகத்திற்கு தெரிந்தவவைகளில் அனேகமானவை புனைவுகளே. புலனாய்வு நடவடிக்கை பணிப்பாளர்களின் துரதிஸ்டம் அவரையும் வாழ்கை முழுவதும் பிடித்திருந்தது. இயற்கையான தனது வெளிப்பாடுகளையும், உணர்வுகளையும் வெளிப்படுத்தும் சுதந்திரம் மட்டுப்பட்டிருந்தது. அவர் ஒரு படைப்பளியாகவும், தீவிர வாசகராகவும் இருந்தார் என்பது பலர் அறியாதது. வன்னியிலிருந்த வெளியான பத்திரிகைகளிலும், இலக்கிய சஞ்சிகைகளிலும் எப்பொழுதாவது எழுதிக்கொண்டிருந்தார். வெளிச்சம் சஞ்சிகையில் அவர் எழுதிய சில கதைகளில் இதுவும் ஒன்று. http://pagetamil.com/?p=5409
- 12 replies
கிருபன்

June 5, 201411 yr
Featured by மோகன்

November 5Nov 5
இது ஒரு தீபாவளிக் கதை: பாவம் நரகாசுரன் -பேராசிரியர் சி. மௌனகுரு
இது ஒரு தீபாவளிக் கதை: பாவம் நரகாசுரன் -பேராசிரியர் சி. மௌனகுரு

இது ஒரு தீபாவளிக் கதை: பாவம் நரகாசுரன் -பேராசிரியர் சி. மௌனகுரு நாளைக்குத் தீபாவளி. அடிக்கடி நண்பர்களும் மாணவர்களும் தொலைபேசியில் வாழ்த்துகளைத் தெரிவிக்கிறார்கள். அனைவரும் மகிழ்ச்சிகரமாக இருகிறார்கள் போலத் தெரிகிறது. கொண்டாட்டம் என்பது மகிழ்ச்சிதானே? மகிழ்ச்சியாக எல்லோரும் இருப்பதைத்தானே நாம் விரும்புகின்றோம். மட்டக்களப்பில் நான் பிறந்த காலங்களில், அதாவது 1940களில், இற்றைக்கு 77 வருடங்களுக்கு முன்னர், தீபாவளியை யாரும் கொண்டாடவில்லை. நாங்களும் வீட்டில் இதைக் கொண்டாடியதாக ஞாபகம் இல்லை. எமக்கு அன்று கொண்டாட்டம், சித்திரை மாதப் புதுவருடம் தான். அன்று தான் எங்கள் வீட்டில் பலகாரம் சுடுவார்கள். முதல் நாளிரவு நான்கைந்து குடும்பங்கள் சேர்ந்து பலகாரம் சுட்டு, அதனைத் தமக்குள் பகிர்ந்து கொள்வார்கள். குடும்பங்களின் விழா அது; கிராமங்களின் விழா அது புது உடுப்புகளை, காலையில் முதலில் தென்னம்பிள்ளைகளுக்கு உடுத்திவிடச் சொல்லுவார் அம்மா. தென்னம்பிள்ளைகள் அணிந்த உடுப்பைத்தான் நாம் பின்னர் அணிவோம். இயற்கையை நேசித்த மனிதர்கள்; அன்றைய சித்திரை நாள், எங்களுக்குப் பெரும் கொண்டாட்ட நாள். தைப்பொங்கலும் கொண்டாட்ட நாள்தான். அதனை விவசாயிகள் கொண்டாடுவர். ஏனையோரும் வீட்டில் பொங்கி மகிழ்வர். ஆனால், சித்திரை வருடமளவுக்கு அது, அன்று பெரும் கொண்டாட்டமில்லை. சின்னவயதில் தமிழ்நாட்டிலிருந்து கல்கி தீபாவளி ஆண்டுமலர், ஆனந்தவிகடன் தீபாவளி ஆண்டுமலர் எனச் சில மலர்கள் வரும். அவற்றின் மூலம்தான் தமிழகத் தீபாவளி எமக்கு அறிமுகமாகியதாக ஞாபகம். அதன்மூலம்தான் தலைத்தீபாவளி, கங்காஸ்னானம், அத்திம்பேர், தீபாவளிச்சீடை முறுக்கு, குடும்பிவைத்து பூணூல் போட்ட தாத்தாமார், மடிசார் வைத்த பெண்கள் எனப் பல தீபாவளி சார்ந்த சமாச்சாரங்கள் சிறுவயது மனதில் படிய ஆரம்பித்தன. தீபாவளிச் சிறுகதைகள் வேறு, இவற்றை மனதில் அழுத்தின. நரகாசுரனைச் சத்தியபாமா துணையுடன் கிருஸ்ண பகவான் அழித்த கதையும் எம்மனதில் வேரூன்றியது. சற்றுவளர்ந்த பின்னர், 15ஆவது வயதில் திராவிடக் கழகக் கருத்துகளுக்கு அறிமுகமானபோது, நரகாசுரன் என்ற திராவிட குலத் தலைவனை, ஆரியனாகிய கண்ணன் அழித்த கதை எமக்கு அறிமுகமானது. நரகாசுரன் என்பவன் நரன்; அதாவது மனிதன். அசுர என்பதன் அர்த்தம், சுரன் அல்லாதவன். சுரர் என்றால் தேவர். தேவர்கள் என அழைக்கப்பட்ட ஆரியர்கள், சுரபானம் எனும் மதுவை அருந்தியதால் சுரர் என அழைக்கப்பட்டனர். திராவிடர்கள் ஒழுக்க சீலர்கள்; மதுஅருந்தாதோர். ஆகவே, அசுரர் என்றால் சுரம் அருந்தாதோர் என்பது அர்த்தம் (அ+ சுரம்) என்ற விளக்கங்களைத் திராவிடக்கழக நூல்கள் தந்தபோது, இளைஞரான நாம் அதனால் ஈர்க்கப்பட்டோம். இவற்றையெல்லாம் தாண்டி, மெல்லமெல்ல தமிழகத் தீபாவளி, தமிழ்ப் பண்பாட்டுக்குள் புகத்தொடங்கி, சித்திரை வருடத்துக்கு அடுத்த பெரும் கொண்டாட்டமாக இடம்பெறலாயிற்று. 1960களில் பேராதனைப் பல்கலைக்கழகத்தில் படித்துக் கொண்டிருந்த காலத்தில், எமக்கு தமிழ் இலக்கியங்கள், இலக்கணங்கள், சமணப் புலவர்களின் தனிப்பாடல்கள் என்பன அறிமுகமாகின. அவர்கள் பிராமண மதத்துக்கும் வைதீக மதத்துக்கும் எதிரானவர்கள்; நால்வகைப் வருணப் பாகுபாட்டை விரும்பாதவர்கள்; மக்கள்பால் நின்றவர்கள்; தமிழ்நாட்டில் பெரும் தாக்கத்தை அன்று எற்படுத்தியவர்கள் என்ற விவரங்களும் சமணத் தலைவரான மகாவீரர், ஸ்தாபித்த சமணமதம் அதன் தத்துவங்கள் என்பனவும் அறிமுகமாகின. இவற்றை எமக்கு அறிமுகம் செய்தவர்கள் பேராசிரியர்களான கணபதிப்பிள்ளை, வித்தியானந்தன், கைலாசபதி, வேலுப்பிள்ளை ஆகியோராவர். கைலாசபதி வகுப்பில் தொடர்ச்சியாகச் சமண தத்துவத்தை எமக்கு விளக்கினார். வேலுப்பிள்ளையும் தமிழ்ச் சமணம், தமிழ்ப் பௌத்தம் பற்றி ஆராய்ந்து எமக்குக் கூறினார். இதன் காரணமாக, சமண மகாஞானியான மகாவீரர் மீது ஒரு மதிப்பு உண்டானது. பேராசிரியர் கணபதிப்பிள்ளையின் வகுப்புகள் வெகுசுவராஸ்யமானவை. சிரித்துக்கொண்டு கதையோடு கதையாகப் பல ஆழமான விடயங்களை எளிமையாகக் கூறிசெல்வார். ஒருநாள், அவர் எங்களுக்குப் படிப்பித்துக் கொண்டிருக்கையில், “உந்தத் தீபாவளி எப்படி வந்தது என்று தெரியுமோடா”? என்று கேட்டார். நாங்கள் நரகாசுரன் கதையைக் கூறினோம். “அதெல்லாம் புழுகடா. சமண மதத்தின் தலைவரான மகாவீரர் சமாதி அடைந்த நாளை நினைவு கூரப் பல தீபங்களை ஏற்றி வைத்து, சமணர் கொண்டாடிய சமண விழாவை, சைவர்கள் தம்வசப்படுத்திக்கொண்ட கதை தாண்டா தீபாவளி. அதற்காக உருவாக்கப்பட்ட கதைதான் நரகாசுரன்கதை” என்றார். சைவம், சமண மதத்திலிருந்து பல விடயங்களைத் தன்வயப்படுத்திச் சைவமாக்கிக் கொண்டது என்பதற்கு நிறைய உதாரணங்கள் கூறி, இதுவும் அதில் ஒன்றடா என்றார். எங்களுக்கு வியப்பு அதிகமாயிற்று. தீபாவளியின் மூலம் பற்றி பேராசிரியர் வேலுப்பிள்ளை கூட, தனது நூலில் ஒரு கட்டுரை எழுதியமை ஞாபகம் வருகிறது. காலங்கள் பல கடந்து விட்டன.... இன்று 2020ஆம் ஆண்டு, இன்று, வடக்கு-கிழக்கு தமிழர் பிரதேசங்களில் தீபாவளி பெரும் கொண்டாட்டம். நரகாசுரனை அழித்த கதை, பாடசாலைகளிலும் சமயச் சொற்பொழிவுகளிலும் சர்வசாதாரணமாகச் சொல்லப்படுவதாயிற்று. அரசியல்வாதிகளும் ஆட்சியதிகாரத்தில் உள்ள பெரும்தலைவர்களும் சமயத் தலைவர்களும் நரகாசுரன் ஒழிந்த நாள் என்றே மக்களுக்கு வாழ்த்துத் தெரிவிக்கின்றனர். நரகாசுரனுடன் தீபாவளி இணைக்கப்பட்டுவிட்டது; பெரும் சமயக் கொண்டாட்டம் ஆகிவிட்டது. இக்கொண்டாட்டத்தை இனி மக்களிடமிருந்து பிரித்துவிட முடியாது. காரணங்கள் பல; ஒன்று, இது ஒரு பெரும் சமய விழாவாகி விட்டது. இரண்டு, இது ஒரு பெரும் கொண்டாடமாகிவிட்டது. கொண்டாட்டம் ஆனமையால் மக்கள் கூடுதல், அதனால் கிடைக்கும் பெருமகிழ்ச்ச்சி, ஒருவருக்கொருவர் மகிழ்ச்சி தெரிவித்தல் என்ற மனிதகுலம் விரும்பும் அடிமனநல்லியல்புகள் இதில் உள்ளன. மூன்று, பெரும் வணிக நிறுவனங்களின் இலாபம், இக்கொண்டாட்டத்தில் அடங்கியுள்ளது. உடுப்புகள், பட்டாசு, பலகார வகைகளுக்கான மூலப்பொருள் வியாபாரம் என்பன இதில் அடங்கும். நான்கு, கோவில் வருமானம், பூசகர் வருமானம் என்பன இன்னொருபுறம் உள்ளன. ஐந்து, பத்திரிகைகளின் தீபாவளிமலர் வருமானம், மற்றொரு புறம் உள்ளது. ஆறு, தொலைக்காட்சி போன்ற ஊடகங்களின் இடைவிடாத கருத்தேற்றமும் அவை, அவற்றால் அடையும் பெருவருமானமும் இன்னொரு புறம் உள்ளது. ஏழு, அதனை விரும்பி ஏற்றுப் புகழ்பெறச் செல்லும் நமது கலைஞர்களும் அறிஞர்களும் இன்னொரு புறம் பெருவாரியாகக் காணப்படுகின்றார்கள். எனவே, தீபாவளியைக் கொண்டாட வேண்டாம் என எப்படிச் சொன்னாலும் அக்கொண்டாட்டத்தை இலகுவில் போக்கிவிட முடியாது. அது, இந்து மக்கள் கொண்டாட்டமாகி விட்டது. கொண்டாட்டங்களை மிகவும் வரவேற்கும் பின் நவீன சிந்தனையாளர்களை நாம் காண்கிறோம். மக்கள் இணைகிறார்கள்; மக்கள் மகிழ்கிறார்கள் என அவர்கள் கொண்டாட்டங்களுக்கு ஒரு புது வியாக்கியானம் அளிக்கிறார்கள். ஆனால், கொண்டாட்டங்களுக்குப் பின்னால் மறைந்து கிடக்கும் சுரண்டலையும் பேதங்களையும் மறக்க வைக்கும் போதைநிலையையும் அவர்கள் தோலுரித்துக் காட்டுவதில்லை. தீபாவளியைக் கட்டுடைத்துப் பார்க்கலாம்; அதன் அதிகாரம் எங்கிருக்கிறது என்று பார்க்கலாம்; தீபாவளிக் கதை கூறும் நரகாசுரன் கதைப் பிரதியைக் கட்டுடைத்துப் பார்க்கலாம். இவை யாவும் ஒரு புலமைத்துவ இன்பப்பயிற்சியுமாகும் (Intelectual pleasure excersise). தீபாவளி அன்றுபோல் இன்றில்லை. நிறைய மாறி விட்டிருக்கிறது. இன்னும் மாறும்; இடையில் வந்து மாட்டிக்கொண்டான் நரகாசுரன்; பாவம் நரகாசுரன். அவனுக்கு ஆழ்ந்த அனுதாபங்கள். http://www.tamilmirror.lk/சிறப்பு-கட்டுரைகள்/இது-ஒரு-தீபாவளிக்-கதை-பாவம்-நரகாசுரன்/91-258874
- 2 replies
கிருபன்

November 14, 20205 yr
Featured by மோகன்

October 18Oct 18

View All

Sign In

சகோதர உறவுமுறை ஏன் மிகவும் முக்கியமானது?

Featured Replies

Archived

Tell a friend

Topics

தமிழீழத்துக்கு பொது வாக்கெடுப்பு: தமிழக அரசியல் கட்சிகள் கூட்டறிக்கை

விமான விபத்தில் லிபிய இராணுவ தளபதி உயிரிழப்பு

ராமநாதன் அர்ச்சுனாவுக்கு பிடியாணை!

அலெக்ஸ் கேரி - பயமற்ற, சிறப்பான விக்கெட் கீப்பிங்

மாகாணசபைத் தேர்தலை நடத்த அழுத்தம் கொடுக்குமாறு ஜெய்சங்கரிடம் தமிழ்த்தலைவர்கள் வலியுறுத்தல்!

Posts

இன்று முதல் காங்கேசன்துறை மற்றும் மட்டக்களப்புக்கு தொடருந்தில் பயணிக்கலாம்!

தமிழீழத்துக்கு பொது வாக்கெடுப்பு: தமிழக அரசியல் கட்சிகள் கூட்டறிக்கை

விமான விபத்தில் லிபிய இராணுவ தளபதி உயிரிழப்பு

ராமநாதன் அர்ச்சுனாவுக்கு பிடியாணை!

அலெக்ஸ் கேரி - பயமற்ற, சிறப்பான விக்கெட் கீப்பிங்

Featured Content

ஈழத்தமிழர் மீதான இனவழிப்புப் போரில் எனது தனிப்பட்ட அனுபவங்கள்

சாத்தான் படை (IPKF)

🕯️ ஒவ்வொரு ஆன்மாவுக்கும் ஒரு தீபம் / “A Lamp for Every Soul”

தாயகத்தின் தாய் – ச.பொட்டு

இது ஒரு தீபாவளிக் கதை: பாவம் நரகாசுரன் -பேராசிரியர் சி. மௌனகுரு

Important Information

Account

Navigation

Search

Configure browser push notifications

Chrome (Android)

Chrome (Desktop)

Safari (iOS 16.4+)

Safari (macOS)

Edge (Android)

Edge (Desktop)

Firefox (Android)

Firefox (Desktop)