இது ஒரு பொன் மாலைப்பொழுது…..

 

என் முன் ஆளுயர நிலைக்கண்ணாடி

உற்றுப் பாா்க்கிறேன்

இது நானா?

இதில் தொியும் விம்பம் என்னதா?

அடடா, காலம் என்னையும்

எனது இளமையையும்

எத்திப் பறித்து விட்டதா?

தினமும் பாா்க்கும் கண்ணாடிதான்

ஆனாலும் இன்றுபோல்

பாா்க்கத் தவறி விட்டேனா?

மீண்டும் கண்களை இடுக்கி

நிதானமாக உற்றுப் பாா்க்கிறேன்

சந்தேகமில்லை இது என் உருவம் தான்

முகத்தில் சுருக்கம் முடி அடியில்

வெண்மையின் நெருக்கம்

துடிப்பும் துள்ளலும் ஆடங்கிய

கை கால்களில் சிறிது நடுக்கம்

அத்தனை விடயங்களையும்

அட்டவணைப்படுத்தும் என்

ஞாபகச் சிறகுகளில்

சற்று தடுமாற்றம்

அடித்துப் பேசி அனைவரையும்

அடக்கும் திடமான சொற்களில்

கொஞ்சம் தயக்கம்

சிந்தையில் வந்து வந்து

சிதறிடும் நினைவுகளில் மாறாட்டம்

அரண்மனையில் சிம்மாசனம் இழந்த

என் சிங்காசனம் மட்டும் இன்னும்

இருப்பதாய் உள்ளுக்குள்

ஊஞ்சலாடும் மனவோட்டம்

இத்தனை விரைவில் கழியும்

இந்த வாழ்க்கைக்கா இத்தனை ஆா்ப்பாட்டம்

போட்டி, பொறாமை, எாிச்சல், கோவம்,

எத்தனை பேரைக் காயப்படுத்தும் கயமை

என் வீட்டு நிலைக்கண்ணாடி

எனக்கு வாழ்வைப் போதிக்கும் போதிமரம்

இப்போதெல்லாம் அடிக்கடி

கண்ணாடியைப் பாா்த்து என்னை

ஆசுவாசப் படுத்துவது வழக்கம்

ஒரு காலத்தில் இந்த நிலைக்கண்ணாடி முன்

என் விம்பம் எத்தனை அழகாய்

எனக்கே பிரமிப்பு ஊட்டுவதாய்

மனதில் கா்வம் ஏற்படுத்துவதாய்

அழகை மிகைப் படுத்துவதாய்…….

இன்று அதே கண்ணாடிதான்

காலத்தின் கோலத்தை அழித்து அழித்து

வரையும் ஓவியனாய் மாறி…………

வாழ்க்கை மேடையில்

எத்தனை கதாபாத்திரம்

எம் ஒவ்வொருவருக்கும்

அத்தனையும் கடந்து வந்த

அனுபவத்தின் முத்திரைதான் முதுமை

அது கூட அழகுதான்.

இளமை அழகு ரசிக்கத் தகுந்தது

முதுமை அழகு ஆராதிக்கத் தகுந்தது

எனவே எமக்கென்ன குறைச்சல்

வந்தால் வரட்டும் முதுமை.

வாழைக்கு ஒரு குட்டி

குமரிக்கு ஒரு குழந்தை

அன்று நீங்கள் அழகாய் இருந்திருக்கிறீர்கள், அது எங்களுக்குத் தெரியாது . இந்தக் கவிதையைத் தந்த பின்தான் தெரிந்து கொண்டோம் உங்கள் மனத்தின் பேரழகையும் ......!  

பகிர்வுக்கு நன்றி சகோதரி.....! 

படித்து கருத்திட்ட ஈழப்பிரியன் சுவி மற்றும் விருப்பிட்ட யாயினி சசிவர்ணம் தமிழ்சிறி ஆதவன் அனைவருக்கும் நன்றிகள்.

அருமை.....காவலூர் கண்மணி !

அழகு ....எங்குமே நிறைந்துள்ளது!

பார்ப்பவர்களின் மனப்பக்குவத்துக்கு ஏற்ப அது ...அளவில் மாறுபடும்!

நான் சொல்வதை நம்பாவிட்டால்...அடுத்தமுறை ஒரு கரப்பான் பூச்சியைச் சந்திக்கும் போது...ஐயோ என்று அலறிடிக்காமல்..ஒரு பத்து நிமிடம் அதன் நடவடிக்கைகளை அவதானியுங்கள்! அதன் சிறகின் அழகு உங்களுக்கு ..முதலில் தெரியும்! பின்னர் மெல்ல ...மெல்ல..அதன் அழகு தெரிய வரும்!

இயற்கையின் அழகு அதன் எல்லா நிலையிலும் உள்ளது!

பாலை நிலம் கூட அழகானது! 

அதே போல ...முதுமையும் அழகானது தான்!

அழகான மனவோடட தைக்  காட்டும் கவிதை,  இப்பாடல் தங்களுக்கு சமர்ப்பணம் 

ஓ.... என் அன்புத்தோழியே என்னைப்பற்றி இப்படிக் கவிதை எழுதியதை வன்மையாகக் கண்டிக்கிறேன். கண்ணாடி என்னை எப்போதும் இப்படித்தான் காட்டும்.

On 8.3.2017 at 4:37 PM, Kavallur Kanmani said:

---

அடித்துப் பேசி அனைவரையும்

அடக்கும் திடமான சொற்களில்

கொஞ்சம் தயக்கம்

சிந்தையில் வந்து வந்து

சிதறிடும் நினைவுகளில் மாறாட்டம்

அரண்மனையில் சிம்மாசனம் இழந்த

என் சிங்காசனம் மட்டும் இன்னும்

இருப்பதாய் உள்ளுக்குள்

ஊஞ்சலாடும் மனவோட்டம்

இத்தனை விரைவில் கழியும்

இந்த வாழ்க்கைக்கா இத்தனை ஆா்ப்பாட்டம்

-------

அனுபவத்தின் முத்திரைதான் முதுமை

அது கூட அழகுதான்.

இளமை அழகு ரசிக்கத் தகுந்தது

முதுமை அழகு ஆராதிக்கத் தகுந்தது

எனவே எமக்கென்ன குறைச்சல்

வந்தால் வரட்டும் முதுமை.

முதுமையை வெறுக்கும்.... அனைவருக்கும், 
அந்தக் கடைசி வரிகள்... நிச்சயம், புதிய தெம்பை தரும்.
கவிதை ஆக்கத்திற்கு, நன்றி கண்மணி அக்கா. 

6 hours ago, வல்வை சகாறா said:

ஓ.... என் அன்புத்தோழியே என்னைப்பற்றி இப்படிக் கவிதை எழுதியதை வன்மையாகக் கண்டிக்கிறேன். கண்ணாடி என்னை எப்போதும் இப்படித்தான் காட்டும்.

சகோதரி....! உங்கள் வீட்டுக் கண்ணாடியும்  கூடவா பொய்  சொல்கின்றது....!  

முதுமையை அழகாக சொல்லும் கவிதை.....தொடரட்டும் 

கரப்பான் பூச்சியின் அழகை ரசிக்க ஆலோசனை கூறிய புங்கை பாடல் சமர்ப்பித்த நிலாமதி கண்ணாடியில் பொய் பார்த்து மெய்யென திருப்திப்படும் அன்புத்தோழி சகாரா கவிதையில் தெம்பை ரசித்த தமிழ்சிறி கவிதையை படித்து கருத்திட்ட குமாரசாமி அனைவருக்கும் நன்றிகள்

இப்போதெல்லாம் நான் கண்ணாடியைப் பார்க்கும்போது அப்பா முன்னுக்கு நின்று "ஆணவத்தையும் அகங்காரத்தையும் விட்டுவிடு" என்று சொல்வது மாதிரி இருக்கின்றது.

வயது ஏற ஏற அம்மா அப்பா ஒருவரும் சொல்லாமலே எல்லாம் அடங்கும். கவிதையை படித்தபின் கண்ணாடி பார்ப்பதில் பிரச்சனையை ஏற்படுத்தி விட்டேனோ? ஒருவரும் பயப்பட வேணாம் வயது போனதுகள் இடைக்கிடை இப்படித்தான் அலட்டுங்கள். நன்றி கிருபன்

அனுபவத்தை கற்று  தருவது முதுமை   

அழகான வரிகள்  வாழ்த்துக்கள் 

பகிர்வுக்கு நன்றி அக்கா.

படித்து கருத்திட்ட முனிவர் ஜீ சுவைப்பிரியன்  மற்றும் விருப்பிட்ட நவீனன் வாத்தியார் சுவி அனைவருக்கும் நன்றிகள்

கொஞ்சம் நீண்ட காலத்திற்கு பின் உங்கள் ஆக்கங்கள் பார்ப்பது மிக்க சந்தோசம்..முதுமையும் ஒரு விதத்தில் அழகிய காலம் தானே..முதுமை என்று நினைச்சால் தான் கவலை வரும்;இப்படி நினையுங்கள்:-இரண்டாம் தர நிலை குழந்தைப் பருவம் ஆரம்பம்.

நன்றிகள் யாயினி. இரண்டாந்தர நிலை குழந்தைப் பருவம் ஆரம்பமே அசத்தலாக உள்ளது. போகப் போக பொறுத்திருந்து பார்ப்போம். கருத்திற்கு நன்றிகள்