என்ர பைரவிக்கு அனைத்தும் வரும்

இருந்தும் எனக்கும் “சிந்து”க் கிறக்கம் .

பௌதீகம் இதுவரை பைரவி மட்டும்.

சித்தத்தில் மட்டும் சிந்து சிலநேரம்!

பச்சசைக்கிளி முத்துச்சரம் இரயிலிற்குள் எனைக் கட்டும்

படிச்ச பாவபுண்ணியம் என் கனவினில் எனைக் கட்டும்

பிடிச்ச பைரவி நொந்திடக்கூடாது என,

சரிக்க முடியாது இதுவரை என் பயணம்

என் பைரவி என் உசிர்...

சொல்லிச் செய்தது போல் அப்பிடி ஒரு பொருத்தம்

நான் கொஞ்சிக் கொஞ்சி அவள் சொக்கிலும் புதுக் குழி

உதட்டு முத்தமும் கன்னத்துமுத்தமும்...கன்னமே அதிகம்! ...பைரவி என் உசிர்!

எந்தன் இரசிகை, விவாதக் காரி, விளையாட்டும் காரி

சில்மிசம் சிருங்காரம்... அவள் சிரிப்புச் சில்லறை போல் சிதறும்

என் அகந்தை உடைத்துச், சிறுமை திருத்திச், சிந்திக்கச் செய்பவள்

என்னைச் செதுக்கும் சிற்பி அவளென்பதால் அவள் என் பிக்மேலியன்.

இரசித்து நான் சிலிர்க்கும் இலக்கிய படைப்பின் புதுக்கோணங் காட்டுவாள்

பிடிச்சது என்று நான் நினைப்பதில் எல்லாம் என் நண்பியாய் அருகிருப்பாள்

துவழ்ந்து நான் நிற்கையில் மருந்தாய் ஆகி எனை நிமிர்த்தும் தோளவள்

உலகில் இவளிணை எனக்கு வேறிலை என்பதில் மாற்றிலை.

எப்படிப் பின் சிந்துவில் கிறக்கம்?

சிந்து என்பது ஒருத்தி அல்ல அது ஒரு பாத்திரம்

ஓவ்வொரு கணத்தில் ஒவ்வொரு நடிகை சிந்துவாய் என் முன்

நடிகைகள் மாறினும் மாறிலியாக சிந்துப் பாத்திரக் கவர்ச்சி என்னுள்.

பாலச்சந்தரை நோகவா? ஜே.கே.பீ இனை வையவா?

பாடத் தெரியாது,... பறவாயில்லை கடற்கரை சென்று பாடிப்பாக்கவா?

ஏனக்கு மட்டுமா? இல்லை இது ஆம்பிளைச் சாபமா?

தேவை: சிந்து ஓட்டும் சித்து வாய்ந்த பூசாரி தேவை.

Edited November 14, 201015 yr by Innumoruvan

இன்னுமொருவன் சாதாரண சிந்துவாக இருந்தால் சித்து வாய்ந்த பூசாரிக்கு மதிப்பு இருக்கும். அவதான் சித்தம் சார்ந்தவர் என்று சொல்லிவிட்டீர்களே.... பூசாரியை நம்புவதைக் காட்டிலும் சித்தத்தில இருக்கிறவரை நம்புங்கள் பலனுண்டு. பைரவியை ஆளத் தெரிந்தவருக்கு சிந்துவையா அணைக்கத் தெரியாது! :lol:

...பைரவியை ஆளத் தெரிந்தவருக்கு சிந்துவையா அணைக்கத் தெரியாது! :lol:

grip slip ஆகீடுமோ என்டோ அட்வைஸ் கேட்டா எண்ணையைத் தடவி வழுக்கு மரத்தில ஏத்தி விட்டுடுவீங்கள் போல கிடக்கு :lol:

. உங்கள் கருத்திற்கு நன்றி சகாரா.

Edited November 14, 201015 yr by Innumoruvan

ஏனக்கு மட்டுமா? இல்லை இது ஆம்பிளைச் சாபமா?

தேவை: சிந்து ஓட்டும் சித்து வாய்ந்த பூசாரி தேவை.

மனித இயல்பே இங்கு சாபமாக உணரப்படுகின்றது.

அழகு தமிழில் சிறந்த கவிதை , இடையில் அந்த பிக்மேலியன் மட்டும் திருஷ்டிப் பொட்டாய்!

வாழ்த்துக்கள் இன்னுமொருவன்!

சிந்து என்பது ஒருத்தி அல்ல அது ஒரு பாத்திரம்

ம்ம், சிந்து ஒரு அட்சயபாத்திரமோ??? இல்லை தேன் சிந்தும் வானமோ?

முன்பு கவிதையை வாசித்தேன், விளங்கவில்லை. பொறுமையாக வாசிக்காதபடியால் விளங்கவில்லையோ தெரியாது. தற்போதும் வாசித்தேன், இப்போது கொஞ்சம் விளங்குகின்றது. நான் சிந்துபைரவி படத்தை சிறுவயதில் இருந்து இன்றுவரை சுமார் பத்து தடவைகளிற்கு மேல் பார்த்து ரசித்துள்ளேன். ஒவ்வொரு தடவை பார்க்கும்போதும் அதை புதிதாக பார்ப்பதுபோன்ற ஓர் ஈர்ப்பு. அதில் சுஹாசினியின் வேடம் மிகவும் வசீகரமானதொரு பாத்திரம். அந்தக்காலத்தில் படத்தை பார்த்தபோது எனக்கும் சுஹாசினி மீது ஓர் ஈர்ப்பு வந்தது உண்மை. அப்பட்டம் களங்கம் இல்லாத அன்பை அங்கு படத்தில் கண்டு ரசிக்கக்கூடியதாக அமைந்ததோ என்னமோ..

நல்லதொரு கவிதை.பல ஆண்களுக்கு இப்படி ஒரு எண்ணம வருவதுண்டு.தன் மனைவியிடம் இல்லாததை இன்னொரு பெண்ணிடம் காணுதல்.அதை மெச்சுதல்.

சிந்துவே உங்களுக்கு பைரவியாக இருந்திருந்தால் ஒரு வருடத்தில் டைவேர்ஸ்.தனக்கு இணையான,தன்னிலும் அறிவான பெண்ணை ஆணுக்கு பிடிப்பதில்லை.

சிந்து பைரவி நல்லொதொரு பாலசந்தர் ரைப் படம்.(எனது ரைப் அல்ல).கடைசியில் சிவகுமார் குடிக்காக சிவச்சந்திரனிடம் அலையும் காட்சி கொஞ்சம் டூ மச் என பாலச்சந்தரிடம் சொல்ல அவருக்கு கோவம் வந்துவிட்டது.( இது வேறையா என தொடங்கப் போகின்றார்கள்).

.( இது வேறையா என தொடங்கப் போகின்றார்கள்).

அது அந்த பயம் இருக்கணும்

நான் இன்னுமொருவனின் எல்லா ஆக்கங்களையும் உட‌னுக்குட‌ன் படித்து விடுவேன்.இந்தக் கவிதையை முதலில் படிக்க எனக்கு ஒன்டுமே விளங்கவில்லை திரும்ப,திரும்ப படித்த உட‌ன் விளங்கியது.