ஒரு பார்வை பார்த்துப்போ பெண்ணே

என் கண்ணீர்த் துளிகள் கரையத்தானே

உன் கண்ணைக் கொஞ்சம் பேசவிடு

என் காதல் கதையை சொல்லவிடு

உன் கண்ணைக் கொஞ்சம் பேசவிடு

என் காதல் கதையை சொல்லவிடு

நீயாத்தானே நுழைந்தாய்

நெருப்பை ஏனடி வீசிப்போனாய்

தானாய்த்தானடி விளைந்தாய்

வெறுப்பை ஏனடி பற்றவைத்தாய்

ஒரு பார்வை பார்த்துப்போ பெண்ணே

என் கண்ணீர்த் துளிகள் கரையத்தானே

இரவினை படைத்து உனை தேடவைத்தானே

உறக்கம் திருடி உன்னை கனவாய் படைத்தானே

நீ இமைக்கும் பொழுதினிலே

உனக்குள் தொலைந்து போனேனே

உன் கண்களின் ஒளியெடுத்து

என்னைக் கண்டு கொண்டேனே

ஒரு பார்வை பார்த்துப்போ பெண்ணே

கண்ணீர்த் துளிகள் கரையத்தானே

ஒரு பார்வை பார்த்துப்போ பெண்ணே

கண்ணீர்த் துளிகள் கரையத்தானே

ஒரு பார்வை பார்த்துப்போ பெண்ணே

பார்த்துப்போ பெண்ணே

என் கண்ணீர்த் துளிகள் கரையத்தானே

கரைமேலே அலைசேரும்

கடல்போலே எனை இழுத்தாய்

மறைந்தேனே நுரையாக உனக்குள்ளே

உயிராய் உயிராய்

கரைமேலே அலைசேரும்

கடல்போலே எனை இழுத்தாய்

மறைந்தேனே நுரையாக உனக்குள்ளே

உயிராய் உயிராய்

ஒரு பார்வை பார்த்துப்போ பெண்ணே

என் கண்ணீர்த் துளிகள் கரையத்தானே

உன் கண்ணைக் கொஞ்சம் பேசவிடு

என் காதல் கதையை சொல்லவிடு

உன் கண்ணைக் கொஞ்சம் பேசவிடு

என் காதல் கதையை சொல்லவிடு

-யாழ்_அகத்தியன்

பெண்ணை பாத்து பாடாமல் கப்பலை பாத்து பாடுவது நீங்களா அகத்தியன்

அகத்தியன் நன்றாக இருக்கிறது

பாடல் நன்றாக உள்ளது அகத்தியன்.

உங்கள் முதலாவது பாடலையும், கப்பலுடன் எடுத்திருந்தீர்கள். கப்பல் மீது... அவ்வளவு காதாலா?

Quote :"நீ இமைக்கும் பொழுதினிலே

உனக்குள் தொலைந்து போனேனே

உன் கண்களின் ஒளியெடுத்து

என்னைக் கண்டு கொண்டேனே"

அகத்தியன் அருமை, ஆழமான வரிகள், எடுத்தவிதம், குரல் & இசை நன்றாக இருக்கு வாழ்த்துகள் மேலும் பல நல்ல படைப்புகளை படைக்க, அடுத்த என்ன குறும்படம் எடுக்கலாமே பாட்டுடன், நல்லா இருக்கும்,

உங்கள் படைப்புகளை நீங்க இதில் இணைத்துவிடுங்கள் இனிமேல் - நம்மவர் படைப்புகள்

http://www.yarl.com/forum3/index.php?showforum=22

நன்றாக இருக்கிறது ஆனாலும் இந்திய சினிமாவில் வரும் பாடல்களை போன்று இருப்பதால் இதையும் பத்தோடு பதினொன்றாகத்தான் எடுக்க முடியும் தாயகப்பாடல் எழுத முடிந்தால் அப்படியும் ஒரு முயற்சி செய்து பார்க்கலாமே நண்பா

மிகவும் பாராட்டப்படவேண்டிய முயற்சிகள்..! ஆக்கத்திற்கும் இணைப்புக்கும் நன்றிகள் யாழ் அகத்தியன்..!

இசையமைத்தவர் நவீன தமிழ் திரைப்படப் பாணியில் செய்துள்ளார்..! நன்றாக உள்ளது..!! ஒலிச்சேர்க்கையில் பின்னணி இசையின் அளவைக் குறைத்தால் பாடல்வரிகள் இன்னும் கூடுதலாகக் கேட்கும்..!

நன்றாக இருக்கிறது. பாராட்டுக்கள் அகத்தியன்.

பாராட்டுக்கள் அகத்தியன்! ... முக்கியமாக ஒளிப்பதிவு நன்றாக இருக்கிறது!

அனுபவித்து எழுதிய வரிகள்......அனுபவித்து பாடியது....அனுபவித்து உருவாக்கிய ஒளிப்பதிவு....அத்தனையும் பிரமாதம்....எனக்கு வாழ்த்துக்கள் சொல்ல அருகதையில்லை...இருந்தாலும் யாழ் அகத்தியனுக்கு என் வணக்கங்கள்.

பாராட்டுக்கள் அகத்தியன்.தொடருங்கள்.

அகஸ்தியன், நீங்கள் ஒரு மொட்டு அல்ல!

முகிழ் விட்ட மலர்!

வாழ்த்துக்கள்!!!

வாழ்த்துக்கள் அகத்தியன் !!! .

வாழ்த்துக்கள் கூறிய அத்தனை உள்ளங்களுக்கும் என் மனம் நிறைந்த நன்றிகள்

பாடல் நன்றாக உள்ளது அகத்தியன்.

அகத்தியன் மிகச் சிறந்த கவிஞராக வர எனது பாராட்டுகளும்,வாழ்த்துக்களும்

என் பாராட்டுக்களும் மேலும் வளர வாழ்த்துக்களும் கூறுகின்றேன்

நன்றாய் இருக்கு அகத்தியன், அசத்துறீங்க பாராட்டுகள். தொடருங்கள்........

Edited October 18, 201114 yr by r.raja

அகத்தியன், இப்பாடலை எனது முகநூலில் இணைத்துள்ளேன். பலரும் பாராட்டினார்கள்.

பாராட்டுக்கள்..! மென்மேலும் சிறந்து வளர வாழ்த்துக்கள.

பாடல் நன்றாக இருக்கின்றது யாழ் அகத்தியன்

வாழ்த்துகள்

வாழ்த்துக்கள் கூறிய அத்தனை அன்பு உள்ளங்களுக்கும் மிக்க நன்றி