மனிதனால் உருவாக்கப்பட்ட செயற்கைப் பொருட்களில் இன்று வரை விண்வெளியில் வெகு தூரம் சென்றுவிட்ட விண்கலம் வொயேஜர் 1 (Voyager 1) ஆகும். அமெரிக்க நாசாவால் (NASA) கட்டப்பட்ட இந்த ஆளில்லா விண்ணுளவி (space probe) சூரியக் குடும்பத்தின் வெளிப்புறத்தை ஆராய்வதற்காக 05.09.1977இல் ஏவப்பட்டது. 30.01.2014 அன்று வொயேஜர் 1 ஏறத்தாழ 19,200,000,000 (19.20 பில்லியன்) km சென்றுவிட்டது. 61,000 km/h வேகத்தில் பயணிக்கும் இந்த விண்ணுளவியின் தூரம் ஒவ்வொரு வருடத்திற்கும் ஏறத்தாழ 540 மில்லியன் kmகு அதிகரித்துக் கொண்டு போகின்றது. இன்றும் கூட இந்த விண்கலம் செய்திகள் மற்றும் படங்களைப் பெற்று, பூமிக்கு அனுப்பிக் கொண்டு இருக்கின்றது. வொயேஜர் 1 ஆல் அனுப்பப்படும் இந்த செய்திகள் ஒளியின் வேகத்தில் சென்றாலும் புவியை வந்தடைய ஏறத்தாழ 17 மணி நேரம் எடுக்கின்றது.

 

இதில் சுவாரசியமான விடயம் என்னவென்று தெரியுமா…? இவ்வளவு தூரம் சென்ற இந்த விண்ணுளவி நீங்கள் நினைப்பது போல் ஒன்றும் உயர் தொழில்நுட்பமே (high technology) இல்லை!

 

அந்நேரம் இந்த விண்ணுளவி கணினியின் உதவியுடன் உருவாக்கப்படவில்லை. பென்சில், காகிதம், சாக்போர்டு (chalkboard/blackboard) மற்றும் மனிதனின் மூளையின் அடிப்படையில் மட்டுமே இந்த வொயேஜர் 1 உருவாக்கப்பட்டது. நம்பவே முடியவில்லை அல்லவா? இன்றைய தொழினுட்பம் வளர்ந்த வளர்ச்சிக்கு வொயேஜர் 1ஐ விட கம்ப்யூட்டிங்கில் (computing/calculating) நமது காற்சட்டை பையில் காணப்படும் தொலைபேசி மற்றும் நுண்ணறிபேசி (smartphone) பல மடங்கு வேகம் கூடியதாக இருக்கின்றன. உதாரணத்திற்கு, 40KB கும் குறைவான நினைவகம் (memory) கொண்ட வொயேஜர் 1 உடன் ஒப்பீட்டுப் பார்க்கும் போது, இன்று வாங்கக்கூடிய 16GB iPhone 5S இல் 240,000 மடங்கிற்கும் அதிகமான நினைவகம் பொருத்தப் பட்டுள்ளது. இப்படி இருந்தும் வொயேஜர் 1 தான் நாசாவின் அனைத்துத் திட்டங்களிலும் மிகவும் வெற்றிகரமானது ஆகும்.

 

நண்பர்களே, உயர் தொழில்நுட்பம் இல்லாத காலத்திலே இவ்வளவு அதிசயமான திட்டங்கள் நடாத்தப் பட்டுள்ளன. இன்றைய மற்றும் எதிர்கால உயர் தொழில்நுட்பத்துடன் இன்னும் என்னவெல்லாம் செய்யப்படப் போகின்றது என்பதைப் பொறுத்து இருந்து பார்ப்போமா…? இந்த அறிவு டோஸ் பிடித்ததா? உங்கள் கருத்தைக் கண்டிப்பாகக் கீழே எழுதிவிட்டுச் செல்லுங்கள், நண்பர்களே!

 

அடுத்த அறிவு டோஸ் உடன் இன்னும் ஒரு நாள் சந்திக்கிறேன்

-- Niroshan Thillainathan -- 

 

 

http://www.arivu-dose.com/where-are-the-voyagers/

நல்ல பயனுள்ள தகவல் நிரோஷன். தொடர்ந்து எழுதுங்கள் வாசிக்க ஆவலாக இருக்கிறேன்.

அதிசயம்

ஆனால் உண்மை

 

உயர் தொழில்நுட்பம் இல்லாத காலத்திலே இவ்வளவு அதிசயமான திட்டங்கள் நடாத்தப் பட்டுள்ளன. இன்றைய மற்றும் எதிர்கால உயர் தொழில்நுட்பத்துடன் இன்னும் என்னவெல்லாம் செய்யப்படப் போகின்றது என்பதைப் பொறுத்து இருந்து பார்ப்போமா…?

 

ம்ம்ம்

தொடருங்கள்

வாசிக்க ஆவலாக  உள்ளோம்

சுவராசியமான... தகவல்.

பகிர்வுக்கு நன்றி நிரோஷ்.  நுண்ணறிபேசி  என்று smartphone இனை தமிழில் அழைக்கலாம் என்று இன்றுதான் அறிந்தேன்.

மிகவும் பயனுள்ள ஆக்கம் நிரோஷன்.

சுவராசியமான பதிவு..

நன்றி.

இதுவரை அறிந்திராத பல விடயங்களை உங்கள் பதிவின் மூலம் அறிந்து கொண்டேன்!

 

தொடரட்டும் உங்கள் அறிவூட்டும் சேவை!

நல்ல பயனுள்ள தகவல் பகிர்வுக்கு நன்றி நிரோஷன்,தொடரட்டும் உங்கள் சேவை!

Very interested & informative. Cheers.

சுவராசியமான பதிவு

நன்றி.

தகவல்களுக்கு நன்றி....இன்னும் அறியத்தாருங்கள்.

உங்கள் அனைவரின் கருத்துக்கும், வாழ்த்துக்கும் மிக்க நன்றி .

Edited October 28, 201411 yr by nirosh85

நிரோஷ், 1990 February 14 இற்கு பிறகு ISS (imaging science system) என்று அழைக்கப்படும் camera ஆனது voyager 1 இன் Batteryஐ சேமிப்பதற்காக disabled ஆக்கப்பட்டுவிட்டது . அதிலிருக்கும் 11 உபகரணங்களில் 5 தான் தற்போது செயற்படுகிறது.

Edited October 29, 201411 yr by ragaa

ஓ அப்படியா @ragaa? மீதியிருக்கும் 5 உபகரணங்கள் எந்தச் செயல்களைச் செய்கின்றன என்று உங்களுக்குத் தெரியுமா? 

இந்தத் தகவலைப் பகிர்ந்ததற்கு நன்றி. 

http://en.wikipedia.org/wiki/Voyager_1

பகிர்வுக்கு நன்றிகள் நிரோஷ்...!