தர்மபுரி: தர்மபுரி மாவட்டம், ஒகேனக்கல் மலைப்பாதையில் இருந்து பள்ளத்தில் அரசு பேருந்து கவிழ்ந்த விபத்தில் பலி எண்ணிக்கை 9ஆக உயர்ந்துள்ளது.

தர்மபுரி மாவட்டம், பொம்மிடியிலிருந்து ஒகேனக்கல் வழியாக 65க்கும் மேற்பட்ட பயணிகளை ஏற்றிக்கொண்டு அஞ்செட்டிக்கு மலைப்பாதை வழியாக இன்று அரசு பேருந்து ஒன்று சென்று கொண்டிருந்தது. அந்த பேருந்து மதியம் 1 மணியளவில் ஒகேனக்கல் அருகே  உள்ள ஆஞ்சநேயர் கோவிலுக்கு அடுத்து உள்ள கொண்டை ஊசி திருப்பத்தில் திரும்பும்போது  சுமார் 60 அடி பள்ளத்தில் கவிழ்ந்தது.

இந்த விபத்தில் 3 ஆண்கள், 2 பெண்கள்,  இரண்டு குழந்தைகள்  என மொத்தம் 8 பேர் உயிரிழந்துள்ளனர். மேலும், பேருந்து ஓட்டுனர் உள்பட மற்ற அனைத்து பயணிகளும் பலத்த காயத்துடன் மீட்கப்பட்டு தருமபுரி அரசு மருத்துவனையில் சிகிச்சைக்காக சேர்க்கப்பட்டுள்ளனர். இதில் ஒருவர் சிகிச்சை பலனின்றி இன்று இரவு உயிரிழந்தார்.

இதனிடையே சிகிச்சை பெற்று வருபவர்களில் மேலும், 3 பேரது நிலை கவலைக்கிடமாக உள்ளதாக மருத்துவர்கள் தெரிவித்துள்ளனர்.

விபத்துக்கு காரணம்

குறுகிய பாதையாலேயே விபத்து ஏற்பட்டதாக முதல்கட்ட விசாரணையில் தெரியவந்துள்ளது.

-புண்ணியமூர்த்தி

 

http://news.vikatan.com/article.php?module=news&aid=37593

ஆழ்ந்த இரங்கல்கள்..

ஆழ்ந்த இரங்கல்கள்..

 

 

ஒகேனக்கல் மலைப்பாதை

ஐயப்பன் பக்தர்கள் செல்லும் பகுதியல்லவா...??

 

ஒகேனக்கல் மலைப்பாதை

ஐயப்பன் பக்தர்கள் செல்லும் பகுதியல்லவா...??

 

 

இல்லை விசு.

 

ஒக்கேனக்கல் மலைப்பகுதி, வடமேற்கு தமிழகத்தில் தர்மபுரி மாவட்டத்தில் கர்நாடக மாநில எல்லையில் இருக்கிறது.

 

'பொய்யப்ப பக்தர்கள்' செல்லும் வழி மதுரை மாவட்டம் கம்பம் அருகே குமுளி வழியாக செல்கிறது.

 

நள்றி 

ராசவன்னியன்

குறுகிய பாதை என்றால் அடிக்கடி அங்கு விபத்து ஏற்படவேண்டுமே..? குறுகிய பாதையா? குடிபோதை ஓட்டுனரா? அடுத்தகட்ட விசாரனை தெளிவுபடுத்தும்.

 

விபத்தில் இறந்தோர்க்கு ஆழ்ந்த இரங்கல்கள்!!

ஆழ்ந்த இரங்கல்கள்.

ஆழ்ந்த இரங்கல்கள் !

40 பேருக்கு மேல் காயப்பட்டு, மருத்துவ மனையில் அனுமதிக்கப் பட்டுள்ளதாக செய்தி ஒன்று குறிப்பிடுகின்றது.

 

இறந்தவர்களுக்கு ஆழ்ந்த அஞ்சலிகள்.
இதுவே.... இறுதி விபத்தாக இருக்கட்டும்.

ஆழ்ந்த இரங்கல்கள்

ஆழ்ந்த இரங்கல்கள்..!

ஆழ்ந்த இரங்கல்கள்...!

ஒகேனக்கல் பஸ் விபத்து: தருமபுரி மருத்துவமனை வந்த அமைச்சர் கருத்து கூற மறுப்பு

 

ஒகேனக்கல் பஸ் விபத்தில் காயமடைந்தவர்களை நேரில் சந்தித்து ஆறுதல் கூறிய போக்குவரத்து அமைச்சர் செந்தில் பாலாஜி விபத்து குறித்து கருத்து தெரிவிக்க மறுத்துவிட்டார்.

ஒகேனக்கல் பஸ் விபத்தில் காயமடைந்து தருமபுரி அரசு மருத்துவமனையில் சிகிச்சை பெற்றுவருபவர்களை தமிழக போக்குவரத்து துறை அமைச்சர் செந்தில் பாலாஜி, உயர்கல்வித் துறை அமைச்சர் பி.பழனியப்பன் ஆகியோர் இன்று காலை நேரில் சந்தித்து ஆறுதல் கூறினர்.

ஒகேனக்கல் மலைப் பாதையில் 300 அடி ஆழ பள்ளத்தில் அரசுப் பேருந்து கவிழ்ந்து உருண்டதில் 9 பேர் பலியானார்கள். 30-க்கும் மேற்பட்டோர் படுகாயமடைந்து தருமபுரி அரசு மருத்துவமனையில் சிகிச்சை பெறுகின்றனர்.

 

இதனையடுத்து, விபத்தில் உயிரிழந்தவர்கள் குடும்பத்தாருக்கு ரூ.3 லட்சமும், பலத்த காயம் அடைந்தவர்களுக்கு தலா ரூ.50 ஆயிரமும், சிறு காயம் அடைந்தவர்களுக்கு தலா ரூ.25 ஆயிரமும் வழங்கப்படும் என தமிழக அரசு அறிவித்திருந்தது.

இந்நிலையில், ஒகேனக்கல் பஸ் விபத்தில் காயமடைந்து தருமபுரி அரசு மருத்துவமனையில் சிகிச்சை பெற்றுவருபவர்களை தமிழக போக்குவரத்து துறை அமைச்சர் செந்தில் பாலாஜி, உயர் கல்வித் துறை அமைச்சர் பி.பழனியப்பன் ஆகியோர் இன்று காலை நேரில் சந்தித்து ஆறுதல் கூறினர்.

தருமபுரி மருத்துவமனையில் இருந்த பலத்த காயமடைந்தவர்கள் 24 பேருக்கும் தலா ரூ.50,000 நிவாரண உதவியும், சிறு காயமடைந்தவர்கள் 12 பேருக்கு தலா ரூ.25,000 நிவாரணத் தொகையும் அமைச்சர்கள் வழங்கினர்.

 

விபத்தில் 9 பேர் பலியாகினர். இவர்களில் 5 பேரது குடும்பத்தார் தருமபுரி மருத்துவமனையில் இருந்தனர். அவர்களிடம் அமைச்சர் செந்தில் பாலாஜி நிவாரணத் தொகையை வழங்கினார்.

எஞ்சியுள்ள 4 பேரது குடும்பங்களும் அவரவர் சொந்த ஊர்களுக்கு சென்றுவிட்டதால் அங்கு நேரில் சென்று நிவாரணத் தொகையை வழங்கினார்.

இது தவிர காயமடைந்து மேல் சிகிச்சைக்காக சேலம் மருத்துவமனைக்கு அனுப்பி வைக்கப்பட்டுள்ள 8 பேருக்கும் மாவட்ட நிர்வாகம் மூலம் நிவாரணத் தொகையை வழங்க ஏற்பாடு செய்யப்பட்டுள்ளதாக அமைச்சர் தெரிவித்தார்.

 

இழப்பீடு போதாது:

இதற்கிடையில், அரூர் மார்க்சிஸ்ட் கம்யூனிஸ்ட் கட்சி எம்.எல்.ஏ. டெல்லிபாபு, விபத்தில் உயிரிழந்தவர்களுக்கு அரசு அளித்துள்ள இழப்பீடு போதாது. உயிரிழந்த 9 பேர் குடும்பங்களுக்கும் தலா ரூ.10 லட்சம் நிவாரண உதவி வழங்க வேண்டும் என வலியுறுத்தியுள்ளார்.

மேலும், குறிப்பிட்ட அளவு கிலோமீட்டர் தூரத்திற்கு பயணம் செய்த பேருந்துகளை உபயோகப்படுத்தக்கூடாது என போக்குவரத்து விதி உள்ளது. ஆனால், பழைய, நிர்ணயிக்கப்பட்ட கி.மீ தூரத்தையும் தாண்டி பயணம் செய்த பேருந்துகளையெல்லாம் அரசு இன்னமும் இயக்கிக் கொண்டிருக்கிறது. இதன் காரணமாகவே விபத்துகள் நடைபெறுகின்றன என டெல்லி பாபு குற்றஞ்சாட்டினார்.

 

http://tamil.thehindu.com/tamilnadu/%E0%AE%92%E0%AE%95%E0%AF%87%E0%AE%A9%E0%AE%95%E0%AF%8D%E0%AE%95%E0%AE%B2%E0%AF%8D-%E0%AE%AA%E0%AE%B8%E0%AF%8D-%E0%AE%B5%E0%AE%BF%E0%AE%AA%E0%AE%A4%E0%AF%8D%E0%AE%A4%E0%AF%81-%E0%AE%A4%E0%AE%B0%E0%AF%81%E0%AE%AE%E0%AE%AA%E0%AF%81%E0%AE%B0%E0%AE%BF-%E0%AE%AE%E0%AE%B0%E0%AF%81%E0%AE%A4%E0%AF%8D%E0%AE%A4%E0%AF%81%E0%AE%B5%E0%AE%AE%E0%AE%A9%E0%AF%88-%E0%AE%B5%E0%AE%A8%E0%AF%8D%E0%AE%A4-%E0%AE%85%E0%AE%AE%E0%AF%88%E0%AE%9A%E0%AF%8D%E0%AE%9A%E0%AE%B0%E0%AF%8D-%E0%AE%95%E0%AE%B0%E0%AF%81%E0%AE%A4%E0%AF%8D%E0%AE%A4%E0%AF%81-%E0%AE%95%E0%AF%82%E0%AE%B1-%E0%AE%AE%E0%AE%B1%E0%AF%81%E0%AE%AA%E0%AF%8D%E0%AE%AA%E0%AF%81/article6807848.ece

ஆழ்ந்த அனுதாபங்கள்

ஆழ்ந்த அனுதாபங்கள்.