கங்காருகளிடம் அகப்பட்ட சுமந்திரன்

November 10, 201510 yr

கங்காருகளிடம் அகப்பட்ட சுமந்திரன்

ப.தெய்வீகன்

அவுஸ்திரேலியாவில் அருவருப்புமிக்க நிகழ்வொன்று கடந்த ஞாயிற்றுக்கிழமை நடந்தேறியிருக்கிறது. அரசியல் நாகரிகம் தெரியாத அநாதைகளாக புலம்பெயர்ந்த தமிழினம் தூக்கி வீசப்பட்டுவிடுமோ என்று அச்சப்படக்கூடியளவுக்கு மிகவும் மன வேதனைக்குரிய நிகழ்வாக ஞாயிற்றுக்கிழமை நடைபெற்ற சிட்னி சம்பவம் முடிந்திருக்கிறது.

தமிழ்த் தேசியக் கூட்டமைப்பின் நாடாளுமன்ற உறுப்பினர் சுமந்திரன், தமிழ் அமைப்புக்களால் ஏற்பாடு செய்யப்பட்டிருந்த கூட்டமொன்றுக்காக சிட்னியிலுள்ள

ஹோம்புஷ் ஆண்கள் பாடசாலைக்கு சென்றபோது, அங்கு கூடியிருந்த 30-40 தமிழ் இளைஞர் கோஷ்டி போட்ட கூத்துக்களையும் சுமந்திரனை அவர்களை பந்தாடாத குறையாக - இரையைக் கண்ட விலங்குகள் போல கடித்துக் குதறுவதற்குப் பாய்ந்து திரிவதையும் பார்க்கும்போது,

புலம்பெயர்ந்த தமிழர்களில் ஒரு பகுதியினர் எவ்வளவு அரசியல் வரட்சி மிக்கவர்களாக, கருத்து வலிமையற்ற குரூர குணம் கொண்டவர்களாக, அரசியல் அநாதைகளாக மாறிவிட்டார்கள் என்று வெட்கப்படவேண்டியிருந்தது.

அந்தக் கொடூர காட்சிகள் இன்னமும் மனக் கண்ணிலேயே நிழலாடிக்கொண்டிருக்கிறன. சமூக வலைத்தளங்கள் முழுவதும் இந்த காணொலிகள் பரவிக்கிடக்கின்றன.

தாயகத்தில், 57 ஆயிரம் பேருக்கும் அதிகமான மக்களால் தெரிவுசெய்யப்பட்ட பிரதிநிதி ஒருவரைக் கருத்துக்களால் எதிர்கொள்ளமுடியாத ஒரு கோஷ்டி, அவருக்கு எதிராக கூச்சல் போட்டு இந்த புலம்பெயர்ந்த மண்ணில் ஒரு நிகழ்வுக்கு அனுமதிக்காமல் தடைபோடுவதன் ஊடாகத்தான் தாயகத்தில் உள்ள தமது மக்களுக்கு உரிமைகளைப் பெற்றுக்கொடுக்க முடியும் என்று தவியாய் தவிக்கும் அந்த தவப்பயனை கண்ணுற்றேன்.

ஜனநாயகம், நல்லிணக்கம், தேசியம் ஆகிய உயர் விழுமியங்களின் மீதெல்லாம் மதிப்பு கோருவதற்கு ஐ.நா. வரை சென்று போராடியதாக மார்தட்டும் இந்த புலம்பெயர்ந்த தமிழர் கூட்டம், சுமந்திரனை சிட்னியிலிருந்து கலைப்பதன் ஊடாகவும் எமது மக்களுக்கான விடுதலையை பெற்றுவிடலாம் என்று சீறி எழுந்த வீராப்பினை கண்டுகொண்டேன்.

ஒட்டுக்குழுக்களும் பேரினவாத தேசிய கட்சிகளும் கையில் இரத்தக்கறையுடன் தேர்தலில் வாக்கு கேட்க வந்தபோதும்கூட, அவர்களை ஜனநாயக ரீதியில் சந்தித்து அவர்களின் கொள்கைகளை கொள்கைகளால் சந்தித்த தாயக மக்களின் வழிவந்த புலம்பெயர்ந்த இந்த மக்கள் கூட்டம், ஒரு தமிழ் அரசியல்வாதியை அவரது கருத்துக்களால் எதிர்கொள்ளமுடியாமல் இந்த மண்ணை விட்டு துரத்திவிடுவதன் மூலம் தமது வீரத்தை பறைசாற்றலாம் என்ற கனல் கக்கும் கண்களுடன் வெறிகொண்டு பாய்ந்ததை கண்டு வியந்தேன்.

வேதனை... அவமானம்... வெட்கம்...

விமர்சனத்துக்கு உட்படுத்தவேண்டிய சுமந்திரனின் கருத்துக்கள் நிச்சயம் பொதுவெளியில் உரையாடப்படவேண்டியவை. ஆனால், அவற்றை அவரிடம் நேரில் கேட்கும் சந்தர்ப்பம் கிடைக்கப்பெற்றபோதும் இந்த கோஷ்டியினர் அவரை துரத்தியடிப்பதிலேயே குறியாய் இருந்தார்கள் என்றால், இவர்களது நோக்கம் சுமந்திரனை நோக்கிய ஒரு சுத்திகரிப்பாக அன்றி வேறொன்றுமாக இருக்க வாய்ப்பில்லை.

சுமந்திரனின் மீது காறி உமிழ்வதன் மூலமும் அவரை தூஷணத்தினால் அர்ச்சனை செய்வதன் மூலமும் அற்ப திருப்தியை அடைந்துவிடலாம் என்ற வெறியுடன் கூக்குரலிட்ட அந்த கும்பலிலிருந்த ஒருவர்கூட, சுமந்திரனளவுக்கு எமது மக்களுக்கு ஒரு துரும்பை அசைத்தவர்களாக இருக்கமுடியாது. ஆனாலும், அவர்கள் உரக்க கத்தினார்கள். துரோகி துரோகி என்று துவேஷ மழை பொழிந்தார்கள். இந்தச் சம்பவங்களிலிருந்து சில விடயங்களை வேதனையுடன் ஆராயவேண்டியிருந்தது.

அதாவது, சில வருடங்களுக்கு முன்னர் முன்னாள் ஜனாதிபதி மஹிந்த ராஜபக்ஷ, லண்டனுக்குச் சென்றபோது அவரைக் குறிப்பிட்ட நிகழ்வொன்றில் பங்குபற்றவிடாது திருப்பி அனுப்பியவர்கள் அங்குள்ள புலம்பெயர்ந்த தமிழர்கள். 'எம்மின மக்களின் கொலைகளைப் புரிந்த இரத்தக்கறையுடன் உலகமெங்கும் புனிதவானாக சுற்றுலா சென்ற போர்க்குற்றவாளிக்கு எதிராக பழிவாங்குவோம்' - என்று புலம்பெயர்ந்த தமிழ் உறவுகள் மேற்கொண்ட அந்த போராட்டம் உணர்ச்சிவசப்பட்ட ஒரு நிகழ்வாக கருதப்பட்டபோதும் அதில் ஒரு தார்மிக கோபம் இருந்தது.

ஆனால், தற்போது அவுஸ்திரேலியா வந்துள்ள சுமந்திரன் என்பவர் யார்? தாயகத்தில் மக்களால் தெரிவு செய்யப்பட்ட பிரதிநிதி. அவர் மீது பிழை கண்டாலோ அல்லது அவரது நடவடிக்கைகள் மீது தவறு கண்டாலோ அதனைத் தட்டிக்கேட்பதற்கும் ஞாயிற்றுக்கிழமை இடம்பெற்ற ஆர்ப்பாட்டத்திலும் பார்க்க ஆயிரம் மடங்கு கோபத்துடன் எதிர்ப்பு தெரிவிப்பதற்கும் தகுதியானவர்கள் யார், அவரைத் தெரிவுசெய்த மக்கள்தானே?

சரி. அப்படித்தான் அந்த மக்கள் அந்த எதிர்ப்பினை காண்பிக்கமுடியாமல், அடக்குமுறைகளுக்கு அச்சமடைந்து 'நமக்கேன் இந்த சோலி' என்ற பாராமுகத்துடன் இருந்தாலும் புலம்பெயர்ந்த மக்கள், சுமந்திரனுக்கு எதிரான தமது கண்டனத்தைப் பதிவு செய்வதற்கு ஒரு நாகரிகம் இருக்கிறதல்லவா?

பல்லின மக்கள் வாழும் அவுஸ்திரேலியாவில் எத்தனையோ ஆர்ப்பாட்டங்கள், எத்தனையோ எதிர்ப்பு நிகழ்வுகள் என்று பல இனத்தவர்களாலும் சரியாகவும் தவறாகவும் மேற்கொள்ளப்படும்போதெல்லாம், இந்த நாட்டு சட்டங்கள் அவற்றுக்கு கொடுக்கும் சுதந்திரமும் கட்டுப்பாடுகளும் எது சரி எது பிழை என்பதை சரியாக கோடு கிழித்துக்காட்டியிருக்கின்றன.

அப்படியிருந்தும் ஞாயிற்றுக்கிழமை நடைபெற்ற இந்த சம்பவத்தில் சுமந்திரனை தமிழ் இனத்தை அழித்த மஹிந்தவிலும் கேவலமாக கடித்துக்குதறுவதற்கு பாய்ந்து திரிந்த இளைஞர்களின் அறச்சீற்றம் அப்பாவித்தனமாகவும் அரியண்டமாகவும்தான் இருந்தது. இந்த சம்பவத்துக்கு முன்னர் இந்தியாவில் இடம்பெற்ற முன்னாள் பாதுகாப்பு அமைச்சின் ஆலோசகர் நாராயணனுக்கு எதிராக மேற்கொள்ளப்பட்ட செருப்படி தாக்குதலானது, சுமந்திரனுக்கு எதிராக போர்க்கொடி தூக்கவிருந்தவர்களை இன்னமும் உசுப்பேற்றிவிட்டிருந்தது என்பதையும் இங்கு கருத்தில் கொள்ளவேண்டும்.

உண்மையில், இந்த சம்பவங்களின் பின்னணியில் தமிழ்மக்கள் கற்றுக்கொள்ளவேண்டிய பாடங்கள் என்ன?

உணர்ச்சி அரசியல் என்பது உலகளாவிய ரீதியில் காலாவதியாகிவிட்ட ஒரு விடயம். அதை தற்போதைய அரசியல் - இராஜதந்திர களத்தில் கையிலெடுத்தவர்கள் எவரும் தன்முனைப்புமிக்க பாதையில் பயணித்ததில்லை. அது தமிழகத்திலும் சரி, ஈழத்திலும் சரி, இயக்க மரபுகளுடன் பயணிக்கவல்ல ஒரு தனித்த - பிடிவாதம் மிக்க - தரப்பாக தேங்கிநிற்குமே தவிர, சாத்தியமான விடுதலைப் பாதைக்கான விரைவான உத்திகளைக் காண்பிக்காது. இந்தியாவின் நாராயணன் மீது மேற்கொள்ளப்பட்ட தாக்குதலை எடுத்துப்பார்த்தால் வரலாற்றைத் தீர்க்கமாகப் புரிந்தவர்களுக்கு இது எவ்வளவு பாதகமான விளைவுகளை ஏற்படுத்தவல்ல ஒரு விடயம் என்பது புரிந்திருக்கும்.

அந்த நாட்டின் பிரதமர் ஒருவருக்கு எதிராக மேற்கொள்ளப்பட்ட தற்கொலைத் தாக்குதல் சம்பவத்தினால் இலங்கையில் ஓர் இனமே அழிந்ததுதான் வரலாறு. அது மட்டுமல்லாமல், இன்னமும் அந்த பழிவாங்கும் கரங்களுடன்தான் இந்திய அரசும் பாதுகாப்புத் தரப்பும் தமிழ் மக்களை எதிரிகளாக பார்த்தவண்ணமுள்ளன. மன்னிப்பு கேட்டென்ன மன்றாட்டம் செய்தென்ன இன்று இந்தியாவின் ஆசீர்வாதமில்லாமல் தமிழ் மக்கள் விடயத்தில் ஓர் அணுவைக்கூட அசைத்துவிடமுடியாத நிலையே காணப்படுகிறது. இதுதான் யதார்த்தம்.

அதற்காக இந்தியாவின் இந்த பிடிவாதம் நியாயம் என்றோ, ராஜீவ்காந்தியும்கூட நியாயவான் என்று இங்கு தர்க்கிக்கவில்லை. எதிரியாக இலக்கிடப்பட்டவனை சரியாக கையாளுவதில் காண்பித்த முதிர்ச்சியின்மை, ஈற்றில் அழிவுகளுக்கு வழிவகுத்த பாடத்தைத்தான் தமிழினத்துக்கு வழங்கிச் சென்றிருக்கிறது.

இந்தத் தருணத்தில், இந்தியாவை பொறுத்தவரை ராஜீவ்காந்திக்கு அதேயளவு பெறுமதியுடைய நாராயணன் எனப்படும் தமிழின அழிப்புக்கான சூத்திரதாரியை உணர்ச்சிவசப்பட்ட தமிழன் ஒருவன் செருப்பால் அடித்து தனது அற்ப திருப்தியை அடைந்திருக்கிறான். அவனது உணர்வை கொச்சைப்படுத்துவது இங்கு நோக்கமல்ல.

ஆனால், இந்த காரியத்தின் மூலம் தமிழகத்திலும் ஈழத்திலும் விடுதலையை நோக்கி எவ்வளவு தூரம் எமது மக்கள் முன்னகர்ந்திருக்கிறார்கள்?

விடுதலைப் புலிகளாலேயே மன்னிப்பு கேட்டு மீண்டும் நல்லுறவை கட்டியெழுப்ப முயற்சிக்கப்பட்ட இந்திய - ஈழமக்கள் உறவுநிலை எவ்வளவுக்கு இறுக்கமடைந்திருக்கிறது, விடை. பூச்சியம்தானே?

அதேபோன்றதொரு நிகழ்வுதான் இன்று சிட்னியில் நடந்தேறியிருக்கிறது. உணர்ச்சி அரசியலின் உச்ச வெளிப்பாடாகத்தான் இதை பார்க்கவேண்டியிருந்தது. இது எவ்வளவுதூரம் தமிழ் மக்களின் பிளவுகளின் ஊடாக அரசியல் செய்வதற்கு காத்திருக்கும் தரப்புக்களுக்கு வசதியாக போயிருக்கிறது என்பதை இந்த இளைஞர்கள் சிந்திக்கவில்லை.

தங்கள் வீரத்தை ஆவணப்படுத்துவதற்காக தங்களின் நண்பர்கள் ஊடாக பதிவு செய்த காணொலிகளே தங்களுக்கு எதிரான சாட்சியங்களாக மாறக்கூடும் என்ற அறியாமையைக் கொண்டதுபோலவே, இந்த போராட்டங்கள் எல்லாம் தாயகத்தில் உள்ள மக்களுக்கும் அவமானத்தை கொண்டுசேர்க்கும் என்ற யாதார்த்தத்தை அவர்கள் உணர்ந்துகொள்ளவில்லை.

தமிழ் மக்களுக்கு எதிராக அவுஸ்திரேலியாவின் தலைநகர் கன்பராவில் ஆர்ப்பாட்டங்கள் செய்த கடும் தேசியவாத சிங்கள அமைப்புக்கள், கடந்த ஞாயிற்றுக்கிழமை இடம்பெற்ற சம்பவங்களை காணொளியில் பார்த்து கைகொட்டி சிரித்திருக்கும். 'பரவாயில்லையே... நாங்கள் செய்யவேண்டிய வேலையை தமிழன் தானே செய்துகொள்கிறான்' என்று உள்ளுக்குள் நகைத்திருக்கும்.

இந்தச் சம்பவம் நடைபெற்ற பின்னர், கிளிநொச்சியிலுள்ள ஒரு போராளித்தாயுடன் பேசிக்கொண்டிருந்தபோது அவர் கூறிய வாசகங்கள் இன்னமும் ஆழ்மனதில் அமிழ்ந்து அமிழ்ந்து எழுந்துகொண்டிருக்கின்றன.

'தம்பி, 20 வருஷமா இயக்கத்தில இருந்து என்ர பிள்ளையள் தொடக்கம் பேர்த்திமார் வரைக்கும் மாவீரராக இந்த மண்ணுக்காக குடுத்த எங்களுக்கு, வெளிநாட்டில போய் நிண்டு இந்த பெடியள் செய்யிற கூத்தை பாக்கேக... நாங்களும் அப்பவே போய் சேந்திருக்கவேணும் போல கிடக்கடா' என்றார் கவலையுடன்.

அதற்குப் பின்னர், கூட்டமைப்பின் தலைமை தொடர்ச்சியாக இழைக்கும் தவறுகள் மற்றும் சுமந்திரனின் பேச்சுக்கள் குறித்த விமர்சனங்கள் குறித்து வழமைபோல விரிவாக பேசிக்கொண்டோம்.

- See more at: http://www.tamilmirror.lk/158757/%E0%AE%95%E0%AE%99-%E0%AE%95-%E0%AE%B0-%E0%AE%95%E0%AE%B3-%E0%AE%9F%E0%AE%AE-%E0%AE%85%E0%AE%95%E0%AE%AA-%E0%AE%AA%E0%AE%9F-%E0%AE%9F-%E0%AE%9A-%E0%AE%AE%E0%AE%A8-%E0%AE%A4-%E0%AE%B0%E0%AE%A9-#sthash.7JYFwk1c.dpuf

November 10, 201510 yr

உணர்ச்சி அரசியல் கூடாத என்ற வாதம் உண்மையில் ஏற்றுகொள்ளகூடியதே. ஆனால் இந்திய நாட்டின் உயர்மட்டத்தில் உள்ள அதிகம் படித்த அதிகாரிகள், அரசியல் வாதிகளே ஒரு இயக்கம் மேற்கொண்ட ஒரு அரசியல் கொலைக்காக இரண்டு தசாப்பதம் கடந்து விட்ட பின்பும் வன்ம்ம் வைத்து அதற்கு பழிவாங்குவதற்காக பல ஆயிரக்கணக்கான அப்பாவி உயிர்களை கொலை செய்வதற்கு அனுசரணையாக இருந்து தமது வன்மத்தை தீர்த்து கொண்டனர். தென்னாசியாவின் ஒரு பெரிய ஜனநாயக நாடு என்று கூறப்படுகின்ற நாட்டின் உயர் பீடத்தாலேயே இந்த உணர்ச்சி அரசியலில் இருந்து மீள முடியாமல் ராஜீவ் காந்தி என்ற ஒரு நபருக்காக பாரிய இரத்த களரிமூலம் தமது ரவுடி தனத்தனத்தை எந்த தவறும் செயாத அப்பாவி மக்கள் மீது காட்டி பழி தீர்த்து கோர தாண்டவம் ஆடினர் என்றால் என்றால் அந்த ரவுடி நாட்டின் பக்கதில் உள்ள சிறிய இனத்தில் உள்ள ஒரு சில தனிப்பட்டவர்களும் அப்படிதானே இருப்பர். இதுவும் ஜதார்த்தம் தானே இத்த கட்டுரை எழுதியவர் அந்த ரவுடி நாட்டுக்கு புத்தி சொல்லி திருத்தினால் மற்றவர்களும் திருந்த இடமுண்டு.

November 10, 201510 yr

கருத்துக்கள உறவுகள்

இப்ப சந்தோசமா பு.பெ தேசியக் கண்மணிகளே? நிலாந்தன் இன்னும் எழுதவில்லை என நினைக்கிறேன்! அவர் எழுதும் போது இதை விடப் பொட்டில் அறைந்த மாதிரி இருக்கும்!

இந்த வெட்கக் கேட்டில் ட்ரிங்கோவின் ஜோக் வேறு! தெய்வீகன் ஒரு பத்திரிகையாளர், எல்லாத் தரப்பைப் பற்றியும் எழுதும் ஒருவர்! அவர் இருப்பது இந்தியாவுக்குத் தெரியுமோ தெரியாது! இந்த நிலையில் தெய்வீகன் போய் இந்தியாவின் அரக்கத் தனத்தை அடக்க வேணுமாம் என்கிறார் ட்ரிங்கோ! எப்படி? அவுசில் கோவணமிழந்த த.தேசிய ரௌடிகள் போலத் தூசணம் பேசியா?

November 10, 201510 yr

1 hour ago, Justin said:

இப்ப சந்தோசமா பு.பெ தேசியக் கண்மணிகளே? நிலாந்தன் இன்னும் எழுதவில்லை என நினைக்கிறேன்! அவர் எழுதும் போது இதை விடப் பொட்டில் அறைந்த மாதிரி இருக்கும்!

இந்த வெட்கக் கேட்டில் ட்ரிங்கோவின் ஜோக் வேறு! தெய்வீகன் ஒரு பத்திரிகையாளர், எல்லாத் தரப்பைப் பற்றியும் எழுதும் ஒருவர்! அவர் இருப்பது இந்தியாவுக்குத் தெரியுமோ தெரியாது! இந்த நிலையில் தெய்வீகன் போய் இந்தியாவின் அரக்கத் தனத்தை அடக்க வேணுமாம் என்கிறார் ட்ரிங்கோ! எப்படி? அவுசில் கோவணமிழந்த த.தேசிய ரௌடிகள் போலத் தூசணம் பேசியா?

அதைத்தானே நானும் கூறினேன் ஜஸ்ரின் ஐயா. இந்தியா என்ற ரவுடி நாட்டின் தலைவர்களே உணர்ச்சி அரசியல் செய்யும் போது அது சுற்றி உள்ள நாட்டு சாதாரண மக்களும் ரவுடிகளாக இருப்பார்கள். அதுதானே ஜதார்ததம்.

November 10, 201510 yr

கருத்துக்கள உறவுகள்

ஏதோ 30 பேர் செய்த எதிர்ப்பை புலம் பெயர்ந்த அனைவர் மேலும் வைப்பதிலிருந்து னகட்டரையாளர் யார் சார்பாக எழுதுகிறார் என்று தெரிகிறதா?எத்தனையோ அரசியல் வாதிகள் வரும்போதெல்லாம் எதிர்ப்பு தெரிவிக்காத இவர்கள் ஏன் சுமத்திரனைக் கண்டு கொதிக்கிறார்கள்.தமிழ் மக்களை மீண்டும் வன்முறை வரிக்கு கொண்டு வந்து அவர்கள் கடுமையான காட்டு மிராண்டிகள் என்று காட்டுவதற்கு சம்சும் கும்பல் முனைகிறது.சுஉமத்திரன் ஒழுங்காக இருந்தால் இது நடந்திருக்காது.வாயை சும்மா வைத்திருந்தால் ஏன் இந்த நிலை?இதற்குள் முதலமைச்சரைக்கட்சியிலிருந்து தூக்கப் போகிறாராம் .கட்சிக்காக 30 வருடமாகி உழைத்தவர் போல நடந்து கொள்கிறரார்.

Edited November 10, 201510 yr by புலவர்

November 10, 201510 yr

கருத்துக்கள உறவுகள்

இந்த பு.பெ பு வால்களுக்கும் , இந்திய வால்களுக்கும் மண்டையில் ஒன்றுமில்லை
இப்படித்தான் அறுபது லட்சம் பேர் சேர்ந்து தேர்ந்தெடுத்த மகிந்தவையும் துரத்தினார்கள் .... மாலை போட்டு கும்பிடவேண்டிய நாராயணனுக்கு செருப்பால் எறிகிறார்கள் ...இப்போது இனச்சுத்திகரிப்பு புகழ் சும்முக்கும் அதே வேலையே செய்கிறார்கள்...

November 10, 201510 yr

கருத்துக்கள உறவுகள்

ஓம்! சவுண்டாக தூசணத்தில் பேசும் "புதிய தமிழ் ஜனநாயக மரபை" மாற்ற வெளிக்கிட்டது சும் மின் பிழை தான்! முகநூலில் ஒரு அவுஸ் தமிழர் கேட்டிருந்தார் இப்படி:

"இன அழிப்பை நேரடியாகச் செய்த பல சிங்களவர்கள் இங்க அவுசில் தான் வெளிப்படையாக இருக்கீனம். அவர்களிடம் ஏன் இந்த "இளையோரால்" தங்கள் வீரத்தைக் காட்ட இயலாமல் போனது?" என்று (அவர் ஆங்கிலத்தில் கேட்டிருந்தார்! ரௌடிக் கூட்டத்திற்குப் போய்ச் சேர்ந்திருக்காது என்று நினைக்கிறேன்!)

November 10, 201510 yr

கருத்துக்கள உறுப்பினர்கள்

6 minutes ago, Justin said:

ஓம்! சவுண்டாக தூசணத்தில் பேசும் "புதிய தமிழ் ஜனநாயக மரபை" மாற்ற வெளிக்கிட்டது சும் மின் பிழை தான்! முகநூலில் ஒரு அவுஸ் தமிழர் கேட்டிருந்தார் இப்படி:

"இன அழிப்பை நேரடியாகச் செய்த பல சிங்களவர்கள் இங்க அவுசில் தான் வெளிப்படையாக இருக்கீனம். அவர்களிடம் ஏன் இந்த "இளையோரால்" தங்கள் வீரத்தைக் காட்ட இயலாமல் போனது?" என்று (அவர் ஆங்கிலத்தில் கேட்டிருந்தார்! ரௌடிக் கூட்டத்திற்குப் போய்ச் சேர்ந்திருக்காது என்று நினைக்கிறேன்!)

இதை விடுதலைப்புலிகள் அன்றே செய்திருந்தால் முள்ளிவாய்க்கால் முடிவு நியாயமானதாக இருந்திருக்கும்.

படித்தவர்களின் புலமைகளைகளையும்;மேடைப்பேச்சுக்களையும் நம்பித்தான் தமிழ்மக்கள் வாக்களித்து ஏமாந்து வருகின்றனர்

November 10, 201510 yr

இது ஒன்றும் புதிததல்ல ,

வேறு எந்த அமைப்பாவது கடந்த முப்பது வருடங்களில் எவரது கூட்டத்தையாவது குழப்பியதாக தெரிந்தால் சொல்லுங்கள் .84 ஆண்டு அளவுகளிலேயே இதை அவர்கள் தொடங்கிவிட்டார்கள் .ஜனநாயகம் மாற்றுகருத்து என்றால் என்ன என்று எல்லாம் அவர்களுக்கு தெரியாது .தாங்கள் விடுதலை போராளிகள் மற்றவர்கள் எல்லோரும் துரோகிகள் இவ்வளவுதான் அவர்கள் அறிவு .

லண்டன் ,பிரான்ஸ் ,சுவிஸ் ,நோர்வே கனடா இப்படி எல்லா இடமும் இது நடந்தது .அவர்களை பற்றி மிக நன்றாக மாற்று கருத்தாளர்களுக்கு தெரியும் .கூட்டத்தை குழபுவது மட்டும் அல்ல ,அடி தடி ,ஊடகங்களில் தனி நபர்களில் சேறடிப்பது இதுவெல்லாம் தாண்டிதான் நாம் வந்தோம் .

கடைசியில் நாட்டில் போராட்டம் தோற்று அவர்களின் நிலை தெரியும் தானே . சிலர் பிச்சை வேறு எடுகின்றார்கள் .புலம் பெயர் தேசத்தில் காசு அடித்த கோஸ்டி சில சுழி ஓடிவிட்டது .சிலர் நாடு கடத்தப்பட்டுவிட்டார்கள் சிலருக்கு இன்னமும் விசா இல்லை ,

இதில் பெரிய பகிடி என்னவென்றால் சிலர் வந்து இப்ப எங்களுடன் ஒட்டி உறவாட நிற்பது .எல்லாம் காலம் செய்த கோலம் .

கஜேந்திரகுமார் ,கஜேந்திரன் கோஸ்டி வரட்டும் கூட்டம் வைக்கட்டும் நாங்கள் நாங்கள் போய் நாகரீகமா கேள்விகள் கேட்போமே அன்றி காட்டுமிராண்டிகள் மாதிரி கூட்டத்தை குழப்பமாட்டோம் .

November 10, 201510 yr

6 hours ago, நவீனன் said:

தாயகத்தில், 57 ஆயிரம் பேருக்கும் அதிகமான மக்களால் தெரிவுசெய்யப்பட்ட பிரதிநிதி ஒருவரைக் கருத்துக்களால் எதிர்கொள்ளமுடியாத ஒரு கோஷ்டி, அவருக்கு எதிராக கூச்சல் போட்டு இந்த புலம்பெயர்ந்த மண்ணில் ஒரு நிகழ்வுக்கு அனுமதிக்காமல் தடைபோடுவதன் ஊடாகத்தான் தாயகத்தில் உள்ள தமது மக்களுக்கு உரிமைகளைப் பெற்றுக்கொடுக்க முடியும் என்று தவியாய் தவிக்கும் அந்த தவப்பயனை கண்ணுற்றேன்.

இந் நிகழ்வைப் பற்றிக் கூறுவதற்கு இதைவிட வேறு சொற்கள் தேவையில்லை.

November 10, 201510 yr

கருத்துக்கள உறவுகள்

3 hours ago, குமாரசாமி said:

இதை விடுதலைப்புலிகள் அன்றே செய்திருந்தால் முள்ளிவாய்க்கால் முடிவு நியாயமானதாக இருந்திருக்கும்.

படித்தவர்களின் புலமைகளைகளையும்;மேடைப்பேச்சுக்களையும் நம்பித்தான் தமிழ்மக்கள் வாக்களித்து ஏமாந்து வருகின்றனர்

அன்புள்ள கு.சா!, எல்லா நிகழ்வுகளுக்கும் உங்களுக்கு வெளியே ஒரு காரணத்தைத் தேடுங்கள், கண்டு பிடியுங்கள், குற்றம் சுமத்துங்கள்! அதுவே ஈசியான வழி!

முப்பது வருடம் நடந்த போராட்டத்தில் புலிகள் பல விடயங்களை நேர்மையுடன் செய்தார்கள். சில விடயங்களில் தவறு செய்தார்கள். அப்போது அவர்களோடு இருந்த நாங்கள் எதுவும் தட்டிக் கேட்கவோ கண்டிக்கவோ இல்லை! இப்போது அந்தத் தவறுகளைப் பற்றிப் பேச விழையும் போது "ஏன் பழசைக் கிளறுவான்? என்ன தேவை? அப்ப ஏன் கேட்கவில்லை?" என்று நீங்கள் உட்படப் பலர் கேட்பதுண்டு இங்கே.

இதோ, இரண்டு நாட்கள் முன்பு புலிகள் விட்டது போன்ற ஜனநாயக மறுப்பு தொடர்பான ஒரு தவறை புலம் பெயர் தமிழர்கள் சில பத்துப் பேர் செய்து விட்டார்கள். இதைத் தவறென்று உங்களில் எத்தனை பேர் சொன்னீர்கள்? தட்டிக் கேட்பதைப் பிறகு பார்க்கலாம், இந்த நாகரீகமற்ற செயலைப் பாராட்டி ஊக்குவிப்பதைத் தவிர வேறென்ன உருப்படியாகச் செய்தீர்கள்?

அது தான் சொல்கிறேன்: தமிழருக்கு இருக்கும் எந்தத் துன்பத்திற்கும் நான் "உங்கள்" என்று விளிக்கும் தீவிர தமிழ் தேசிய ஆதரவாளர்கள் காரணமில்லை! மற்றவர்கள் தான் காரணம்! இதுவே உங்களுக்கு நிம்மதியாக உறங்க உதவும் சிந்தனையென்றால் வைத்திருங்கள்! எனக்கொன்றும் விக்கினமில்லை!

November 10, 201510 yr

கருத்துக்கள உறவுகள்

கட்டுரையாளர் சரியாகவே விடயத்தினை பதிவு செய்து உள்ளார். இவ்வாறு துணிச்சலாக எழுத வேண்டும். முன்னரைப் போன்று காக்கா பிடித்து எழுதாமல் உண்மை நிலமையினை எழுத வேண்டும் என்பதே எனது வேண்டுகோள்.

கூட்டத்தின் ஏற்பாட்டாளர்கள் நல்ல மனப்பான்மை உள்ளவர்கள் என்பதனால் அன்று இளைஞர்கள் பலர் காவல்துறையினரிடம் அகப்படாமல் இருந்து இருப்பார்கள்.

சுமந்திரனுக்கு எதிராக முழக்கம் இட்டுக் கொண்டு இருந்தவர்களை அவர்கள் நினைத்து இருந்தால் காவல்துறையினரை அழைத்து பிடித்து கொடுத்து இருக்கலாம்.

முழக்கம் இடுபவர்கள் அப்பாவி இளைஞர்கள் அதுவும் கப்பலில் வந்த இளைஞர்கள் என்பதனால் ஏற்பாட்டாளர்கள் அவர்களிடமே நேரடியாக சென்று தமிழர் ஒருங்கிணைப்புக் குழுவினரோடு இணைந்து போராடாதீர்கள் உங்களின் அகதி அந்தஸ்துக்கு பிரச்சினை ஏற்படலாம் என அறிவுறுத்தி இருந்தனர். ஆனால், அவர்கள் கேட்கவில்லை.

இறுதியில் காவல்துறை வந்தது. ஆனால், அவர்களை அழைத்தது நிகழ்ச்சி ஏற்பாட்டாளர்கள் அல்ல. பாடசாலைக்கு அருகில் உள்ள மக்களும் அங்கே வந்து இருந்த வெள்ளை இன பெண்மணி ஒருவரும்தான் காவல்துறையினரை அழைத்து இருந்தனர்.

November 10, 201510 yr

கருத்துக்கள உறவுகள்

6 hours ago, Justin said:

ஓம்! சவுண்டாக தூசணத்தில் பேசும் "புதிய தமிழ் ஜனநாயக மரபை" மாற்ற வெளிக்கிட்டது சும் மின் பிழை தான்! முகநூலில் ஒரு அவுஸ் தமிழர் கேட்டிருந்தார் இப்படி:

"இன அழிப்பை நேரடியாகச் செய்த பல சிங்களவர்கள் இங்க அவுசில் தான் வெளிப்படையாக இருக்கீனம். அவர்களிடம் ஏன் இந்த "இளையோரால்" தங்கள் வீரத்தைக் காட்ட இயலாமல் போனது?" என்று (அவர் ஆங்கிலத்தில் கேட்டிருந்தார்! ரௌடிக் கூட்டத்திற்குப் போய்ச் சேர்ந்திருக்காது என்று நினைக்கிறேன்!)

தமிழர் தங்கள் பிரதிநிதிகள் என்று சொல்லி நேரம் ஒரு கதை கதைத்ததுக்குத்தான் இங்கு கேள்வி கேட்டிருக்கிறார்கள். இதப்போய் சிங்களவனிட்டை கேக்கட்டாம்.

November 10, 201510 yr

கருத்துக்கள உறவுகள்

57 ஆயிரம் (கள்ள வழி வாக்குகள் உட்பட) வாக்குப் பெற்றவரை தூக்கி வைச்சுக் கொண்டாடும் ஒரு கூட்டம்.. அதே அவர் ஒரு லட்சம் வாக்குப் பெற்ற சி வியையும்.. 80 ஆயிரம் பெற்ற அனந்தியையும் புறக்கணிப்பது பற்றி சன நாயக்காற்றால் மூச்சும் விடுவதில்லை.

மக்கள் தங்கள் உணர்வை பல வழிகளில் வெளிப்படுத்துவர். மேலை நாடுகளிலும் கூடாத சொற்கள்.. முட்டை அடித்தல்.. என்று அரசியல் தலைவர்கள் மக்களிடம் (குறிப்பாக அடிமட்ட மக்களிடம்) வாங்கிக்கட்டுவதை இங்குள்ள சில அதி தீவிர சுமந்திரன் தேவாரங்கள் அறிந்ததில்லைப் போலும்.

November 10, 201510 yr

சுமந்திரனின் பதில் என்ன? - யதீந்திரா

http://www.yarl.com/forum3/topic/165450-%E0%AE%9A%E0%AF%81%E0%AE%AE%E0%AE%A8%E0%AF%8D%E0%AE%A4%E0%AE%BF%E0%AE%B0%E0%AE%A9%E0%AE%BF%E0%AE%A9%E0%AF%8D-%E0%AE%AA%E0%AE%A4%E0%AE%BF%E0%AE%B2%E0%AF%8D-%E0%AE%8E%E0%AE%A9%E0%AF%8D%E0%AE%A9%C2%A0-%E0%AE%AF%E0%AE%A4%E0%AF%80%E0%AE%A8%E0%AF%8D%E0%AE%A4%E0%AE%BF%E0%AE%B0%E0%AE%BE/#comment-1144989

November 10, 201510 yr

கருத்துக்கள உறவுகள்

2 hours ago, satan said:

தமிழர் தங்கள் பிரதிநிதிகள் என்று சொல்லி நேரம் ஒரு கதை கதைத்ததுக்குத்தான் இங்கு கேள்வி கேட்டிருக்கிறார்கள். இதப்போய் சிங்களவனிட்டை கேக்கட்டாம்.

இதப் போய் சிங்களவனிடம் கேட்கச் சொல்லவில்லை! அமைதியாகப் பேசும் சும்மிடம் காட்டும் உரத்த குரல் வீரத்தை அவுசில் இருக்கும் போர்க்குற்றவாளிகளிடம் காட்டச் சொல்லித் தான் சவால்? இந்த கமெராவில் முகம் வராமல், கட்டிடத்துக்குள்ளயே தொப்பி அணிந்து சண்டித் தனம் காட்டிய கோழைப் பொறுக்கிகளுக்கு முடியுமா? அறிந்து சொல்வீர்களா ஒருக்கா?

57 minutes ago, nedukkalapoovan said:

57 ஆயிரம் (கள்ள வழி வாக்குகள் உட்பட) வாக்குப் பெற்றவரை தூக்கி வைச்சுக் கொண்டாடும் ஒரு கூட்டம்.. அதே அவர் ஒரு லட்சம் வாக்குப் பெற்ற சி வியையும்.. 80 ஆயிரம் பெற்ற அனந்தியையும் புறக்கணிப்பது பற்றி சன நாயக்காற்றால் மூச்சும் விடுவதில்லை.

மக்கள் தங்கள் உணர்வை பல வழிகளில் வெளிப்படுத்துவர். மேலை நாடுகளிலும் கூடாத சொற்கள்.. முட்டை அடித்தல்.. என்று அரசியல் தலைவர்கள் மக்களிடம் (குறிப்பாக அடிமட்ட மக்களிடம்) வாங்கிக்கட்டுவதை இங்குள்ள சில அதி தீவிர சுமந்திரன் தேவாரங்கள் அறிந்ததில்லைப் போலும்.

ஒரு லட்சம் வாக்குப் பெற்றதால் சி.வி ஐயாவுக்கு தமிழக பாணியில் யாரும் பாதநமஸ்காரம் செய்ய வேண்டிய அவசியமில்லை! 80 ஆயிரம் வாக்குப் பெற்ற அனந்தி பதவியில் இது வரை செய்தது என்ன? ஐ.நா அறிக்கையில் அவரது கணவரின் பெயரும் வந்து அவர் பெயரை நாறி விட்டதால் தானே இன்று ஒதுங்கியிருக்க வேண்டியுள்ளது? வெளிநாட்டு தராதரப் படி ஜனநாயகத்தைக் கடைப்பிடிப்போர் தான் அந்த வெளிநாட்டு அரசியலில் உள்ள குறைபாடுகளையும் ஒற்றியொழுக நியாயம் உண்டு! ஆதாரமில்லாமல் 58 ஆயிரம் வாக்குகளில் கள்ள வாக்கு உண்டு என்று இன்னும் பனை வடலிக்குள் ஒதுங்கும் உங்களுக்கெல்லாம் ஏன் வெளிநாட்டு அரசியல் கொப்பி கேற்? நாய்க்கேன் போர்த்தேங்காய்?

November 11, 201510 yr

கருத்துக்கள உறவுகள்

17 minutes ago, Justin said:

இதப் போய் சிங்களவனிடம் கேட்கச் சொல்லவில்லை! அமைதியாகப் பேசும் சும்மிடம் காட்டும் உரத்த குரல் வீரத்தை அவுசில் இருக்கும் போர்க்குற்றவாளிகளிடம் காட்டச் சொல்லித் தான் சவால்? இந்த கமெராவில் முகம் வராமல், கட்டிடத்துக்குள்ளயே தொப்பி அணிந்து சண்டித் தனம் காட்டிய கோழைப் பொறுக்கிகளுக்கு முடியுமா? அறிந்து சொல்வீர்களா ஒருக்கா?

ஒரு லட்சம் வாக்குப் பெற்றதால் சி.வி ஐயாவுக்கு தமிழக பாணியில் யாரும் பாதநமஸ்காரம் செய்ய வேண்டிய அவசியமில்லை! 80 ஆயிரம் வாக்குப் பெற்ற அனந்தி பதவியில் இது வரை செய்தது என்ன? ஐ.நா அறிக்கையில் அவரது கணவரின் பெயரும் வந்து அவர் பெயரை நாறி விட்டதால் தானே இன்று ஒதுங்கியிருக்க வேண்டியுள்ளது? வெளிநாட்டு தராதரப் படி ஜனநாயகத்தைக் கடைப்பிடிப்போர் தான் அந்த வெளிநாட்டு அரசியலில் உள்ள குறைபாடுகளையும் ஒற்றியொழுக நியாயம் உண்டு! ஆதாரமில்லாமல் 58 ஆயிரம் வாக்குகளில் கள்ள வாக்கு உண்டு என்று இன்னும் பனை வடலிக்குள் ஒதுங்கும் உங்களுக்கெல்லாம் ஏன் வெளிநாட்டு அரசியல் கொப்பி கேற்? நாய்க்கேன் போர்த்தேங்காய்?

58 யிரம் (கள்ள வாக்கு உட்பட) பெற்றவர் என்னத்தை வெட்டிப் புடுங்கினாரோ.. அதைவிட அதிகம் அனந்தி செய்திருக்கிறா.. பாதிக்கப்பட்ட பெண்கள் சார்ப்பாக. ஐநா மனித உரிமை அவையின்.. அறிக்கையில்.. அவரின் குரலும் ஒரு ஆதாரமாக எடுக்கப்பட்டிருந்தது. பல பெண்களின் குரல் அங்கு சாட்சியமாக சுமந்திரன் என்ற ஒற்றரை விட அனந்தி என்ற இனப்பற்றாளர் செய்தது அதிகம்.

உங்களால் பெட்டியை விட்டு வெளில வரமுடியல்லை என்பதற்காக.. அந்தப் பெட்டிக்குள் தான் எல்லாம் என்று காட்ட நினைக்கும் சிறுமைத்தனத்தை நிறுத்திக் கொண்டால் நல்லா இருக்கும்.

ஜனநாயக வெளியில் சுமந்திரன்.. (பின்வாசல் வழியாக நுழைந்த சுமந்திரன்..)... மக்களை எதிர்கொள்ள முடியல்லைன்னா.. வாக்குப் போட்ட மக்களை தான் எதிர்கொள்வன் என்றால்.. யாழ்ப்பாணத்தோட கிடக்கனும். அடுத்த தேசத்துக்கு பொய்களையும் புரட்டுக்களையும் கொண்டு மக்கள் முன் வரக்கூடாது. வந்தால்.. கேள்வி கேட்பான்.. காறித்துப்புவான்.. முட்டையும் அடிப்பான்... ஏன் செருப்பாலும் அடிப்பான். ஏன் மக்களுக்கு தான் பாதிப்பின் வலி அதிகம். அரசியல்வாதிக்கல்ல.

Edited November 11, 201510 yr by nedukkalapoovan

November 11, 201510 yr

கருத்துக்கள உறவுகள்

8 minutes ago, nedukkalapoovan said:

58 யிரம் (கள்ள வாக்கு உட்பட) பெற்றவர் என்னத்தை வெட்டிப் புடுங்கினாரோ.. அதைவிட அதிகம் அனந்தி செய்திருக்கிறா.. பாதிக்கப்பட்ட பெண்கள் சார்ப்பாக. ஐநா மனித உரிமை அவையின்.. அறிக்கையில்.. அவரின் குரலும் ஒரு ஆதாரமாக எடுக்கப்பட்டிருந்தது. பல பெண்களின் குரல் அங்கு சாட்சியமாக சுமந்திரன் என்ற ஒற்றரை விட அனந்தி என்ற இனப்பற்றாளர் செய்தது அதிகம்.

உங்களால் பெட்டியை விட்டு வெளில வரமுடியல்லை என்பதற்காக.. அந்தப் பெட்டிக்குள் தான் எல்லாம் என்று காட்ட நினைக்கும் சிறுமைத்தனத்தை நிறுத்திக் கொண்டால் நல்லா இருக்கும்.

ஜனநாயக வெளியில் சுமந்திரன்.. (பின்வாசல் வழியாக நுழைந்த சுமந்திரன்..)... மக்களை எதிர்கொள்ள முடியல்லைன்னா.. வாக்குப் போட்ட மக்களை தான் எதிர்கொள்வன் என்றால்.. யாழ்ப்பாணத்தோட கிடக்கனும். அடுத்த தேசத்துக்கு பொய்களையும் புரட்டுக்களையும் கொண்டு மக்கள் முன் வரக்கூடாது. வந்தால்.. கேள்வி கேட்பான்.. காறித்துப்புவான்.. முட்டையும் அடிப்பான்... ஏன் செருப்பாலும் அடிப்பான். ஏன் மக்களுக்கு தான் பாதிப்பின் வலி அதிகம். அரசியல்வாதிக்கல்ல.

ஐ.நாவுக்கு சாட்சி அனந்தி சொல்லித் தான் கிடைத்தது என்பது நகைச்சுவை! மேலும், இனி ஐ-.நாவுக்கு அனந்தி போனால் "உங்கள் கணவர் அல்லவா அறிக்கையில் இருப்பவர்?" என்று தான் கேப்பினம்! அதை விடுங்கள்!

உங்களைப் பொறுத்தவரை புலிகள் மாதிரி வன்னியில் இருப்பவர் வன்னியில் இருக்கணும், வெளிநாட்டில் காசு சேர்த்தவர் வெளிநாட்டிலயே இருக்க வேணும் எண்ட நிலைமை த.தே.கூவுக்கு இல்லை! அது இன்று புல வால்கள் விரும்பினாலும் விரும்பாவிட்டாலும் இலங்கையில் இருக்கும் தமிழர்களைப் பிரதிநிதித்துவம் செய்யும் கட்சி! அதன் வெளியுறவு செயலாளருக்கு வெளினாட்டில் ஆயிரம் வேலை இருக்கும்! புலத்தில் இருந்து தாயகத்தில் ஒரு உரோமமும் பிடுங்க முடியவில்லை என்ற புல வாலுகளின் வலி வேதனை அவரது வருகையைக் கட்டுப் படுத்தக் கூடாது! அவரது என்ன? யாருடைய வருகையையும் கட்டுப் படுத்தாது! வந்தால் அடிப்போம் வெட்டுவோம் என்று நீங்கள் சொன்னால் அது ஒன்றும் புதினமில்லை! இனி அதை மட்டும் தான் உங்களால் செய்ய முடியும்! அதுவே அடுத்த தேர்தலில் சும் முக்கு விருப்பு வாக்காகவும், உங்களுக்கு இன்னொரு செருப்படியாகவும் திருப்பிக் கிடைக்கும்!

November 11, 201510 yr

கருத்துக்கள உறவுகள்

உந்த (பண்பில்லாத) கேள்விப் போராளிகள் உண்மையில் கப்பலில் வந்தவர்களாக இருந்தால் ஆக்களை ஆஸி அரசு நாடுகடத்த வேணும். உப்புடி நாலைஞ்சு பேரை அனுப்பினால்தான் மற்ற ஆக்கள் அடங்குவினம். அதோடை இனி புலம்பெயர் தேசங்களில் சந்திப்புக்களை நடத்தும்போது அந்தந்த நாட்டு பொலிசாருக்கு (குழப்பங்காட்டிகள் பற்றி) அறிவித்து விட்டு செய்ய முயற்சிசெய்யவேண்டும்.

November 11, 201510 yr

கருத்துக்கள உறவுகள்

அனந்தி சாட்சியங்களை ஒழிக்கவில்லை.. பதிவு செய்தார். தானும் பாதிக்கப்பட்டவள் என்ற வகையில்.. தன் மக்களின் குரலை அவர் பிரதிபலித்தார். அந்த நேர்மை சுமந்திரனிடம் கிடையாது. அதுதான் அங்கு சொல்லப்பட்ட செய்தி. ஐநா அனந்தியின் சாட்சியத்தை மட்டும் வைத்து அறிக்கை தரவில்லை என்பது பாப்பா பால்குடிக்கும் தெரியும்.

சிங்கள மக்களின் அமோக ஆணையைப் பெற்ற மகிந்த.. இன்று விசாரணையில்... அவருக்கு வாக்களித்த மக்களை யாரும் கணக்கில் எடுப்பதே இல்லை. ஆனால்.. 58 ஆயிரம் வாக்கு( கள்ள வாக்கு உள்ளடங்க) பெற்ற ஒற்றருக்கு ஒரே தேவார தீபாராதனை என்பது.. நெடுக மக்களை ஏமாற்ற வழி சமைக்காது. மக்களை எப்பவும் ஏமாற்றலாம் என்று கனவு காணக் கூடாது. அந்தக் கனவு நிலைக்காது.

ஒரு பகுதி மக்கள் தெளிவா இருக்கினம்.. மக்களை ஏமாற்றி வாக்குகள் வாங்கினவை மேலும் மேலும் வெல்லுவினம் என்று கனவு காண்பவர்கள்.. தொடர்ந்து கனவு கண்டுகொண்டிருப்பது அவர்களின் சொந்தப் பிரச்சனை.

கீழுள்ள காணொளி மக்களின் மனநிலையை சொல்லுது.....

https://www.youtube.com/watch?v=Y1uZtZEdd6g

வெசாக் தினத்தை முன்னிட்டு 484 கைதிகள் விடுதலை... (இது சிங்களவனுக்கு.) இதைக் கூட சம் சும் கும்பல் செய்ய முடியல்ல.

https://www.youtube.com/watch?v=Oq7mYWE0RU4

Edited November 11, 201510 yr by nedukkalapoovan

November 11, 201510 yr

கருத்துக்கள உறவுகள்

10 minutes ago, nedukkalapoovan said:

அனந்தி சாட்சியங்களை ஒழிக்கவில்லை.. பதிவு செய்தார். தானும் பாதிக்கப்பட்டவள் என்ற வகையில்.. தன் மக்களின் குரலை அவர் பிரதிபலித்தார். அந்த நேர்மை சுமந்திரனிடம் கிடையாது.

சிங்கள மக்களின் அமோக ஆணையைப் பெற்ற மகிந்த.. இன்று விசாரணையில்... அவருக்கு வாக்களித்த மக்களை யாரும் கணக்கில் எடுப்பதே இல்லை. ஆனால்.. 58 ஆயிரம் வாக்கு( கள்ள வாக்கு உள்ளடங்க) பெற்ற ஒற்றருக்கு ஒரே தேவார தீபாராதனை என்பது.. நெடுக மக்களை ஏமாற்ற வழி சமைக்காது. மக்களை எப்பவும் ஏமாற்றலாம் என்று கனவு காணக் கூடாது. அந்தக் கனவு நிலைக்காது.

மக்கள் தெளிவா இருக்கினம்.. மக்களை ஏமாற்றி வாக்குகள் வாங்கினவை மேலும் மேலும் வெல்லுவினம் என்று கனவு காண்பவர்கள்.. தொடர்ந்து கனவு கண்டுகொண்டிருப்பது அவர்களின் சொந்தப் பிரச்சனை.

கீழுள்ள காணொளி மக்களின் மனநிலையை சொல்லுது.....

https://www.youtube.com/watch?v=Y1uZtZEdd6g

வெசாக் தினத்தை முன்னிட்டு 484 கைதிகள் விடுதலை... (இது சிங்களவனுக்கு.) இதைக் கூட சம் சும் கும்பல் செய்ய முடியல்ல.

https://www.youtube.com/watch?v=Oq7mYWE0RU4

இது மிகச்சரி! புலம் பெயர் ரௌடிகள் சில நூறு பேர் தான் இன்னும் மண்டை குழம்பிப் போய்க் கிடக்கீனம்!

18 minutes ago, வாலி said:

உந்த (பண்பில்லாத) கேள்விப் போராளிகள் உண்மையில் கப்பலில் வந்தவர்களாக இருந்தால் ஆக்களை ஆஸி அரசு நாடுகடத்த வேணும். உப்புடி நாலைஞ்சு பேரை அனுப்பினால்தான் மற்ற ஆக்கள் அடங்குவினம். அதோடை இனி புலம்பெயர் தேசங்களில் சந்திப்புக்களை நடத்தும்போது அந்தந்த நாட்டு பொலிசாருக்கு (குழப்பங்காட்டிகள் பற்றி) அறிவித்து விட்டு செய்ய முயற்சிசெய்யவேண்டும்.

அமெரிக்காவில் 2009 இல் ஒரு சில சந்திப்புகள் நடந்த போது (மருதரும் வந்திருப்பார் இதுகளுக்கு!) பெரும்பாலும் ஒரு பொலிஸ்காரர் வாசலில் ஆவெண்டு பார்த்தபடி நிற்பார்! அது சிங்களவரின் அச்சுறுத்தல் குறித்த முன்னெச்சரிக்கை! பொலிஸ் பாதுகாப்பு இல்லாத நேரங்களிலும் சிங்களவர்கள் எங்களோடு ஒரே அறையில் இருந்து கலந்து கொண்ட சம்பவங்களும் உண்டு! எங்கேயும் இந்தப் பொறுக்கிகள் போல அவர்கள் நடந்து கொள்ளவில்லை! வாதிப்பார்கள்! ஆனால் எல்லை மீறியதில்லை. என் கருத்துப் படி இந்த ரௌடிக் கூட்டம் மேற்கு நாட்டு ஜனநாயக வாழ்க்கை முறைக்குக் குந்தகம் விளைவிக்கும் வாய்ப்புகளே அதிகம் இருப்பதால், திருப்பி அனுப்பக் கூடிய எந்த விசாவில் இருந்தாலும் திருப்பியனுப்பி விட வேண்டும்! அவுசை விட அரசியல் குண்டர்கள் அதிகம் தேவைப்படும் சிறிலங்காவில் தான் இவர்களுக்கு வாய்ப்புகள் அதிகம் இருக்கும் என நினைக்கிறேன்!

November 11, 201510 yr

கருத்துக்கள உறவுகள்

மக்கள் சுமந்திரன் தொடர்பிலும் அவர் பெற்ற வெற்றியின் தார்ப்பரியம் கள்ள வாக்குகள் தொடர்பிலும்.. நல்ல தெளிவா இருக்கினம். மீண்டும்.. ஊருக்கு போய் இவர் எனி என்ன பொய்யைச் சொல்லுறது.. காணி விடுவிப்பில்.. சுத்துமாத்து. சம்பூர் கையளிப்பில் சுத்துமாத்து. இப்போ அரசியல் கைதிகள் விடுதலையிலும் அது. இவை சொல்லும் சம் சும் கும்பலின் பித்தலாட்டத்தனத்தை. அது மக்கள் என்ன தீர்ப்பை வருங்காலத்தில் எடுப்பினம் என்பதையும் தெளிவாக உணர்த்தும். அதையும் பாப்பியள்.

இன்று சம்பந்தர் அறிக்கை விட்டு... தீபாவளி கொண்டாட.. மிச்ச தமிழ் தேசியக் கூட்டமைப்பு.. கறுப்பு தீபாவளின்னு.. தீபாவளி கொண்டாட தவிர்ப்புச் செய்யும் நிலை. ஏன்..??! இது மக்கள் எப்படியான தெளிவில் இருக்கினம் என்பதை இனங்காட்டுது. அது விளங்காத மாதிரி நீங்கள் நடிப்பது நல்லாவே புரியும்.

Edited November 11, 201510 yr by nedukkalapoovan

November 11, 201510 yr

கருத்துக்கள உறவுகள்

Just now, nedukkalapoovan said:

மக்கள் சுமந்திரன் தொடர்பிலும் அவர் பெற்ற வெற்றியின் தார்ப்பரியம் கள்ள வாக்குகள் தொடர்பிலும்.. நல்ல தெளிவா இருக்கினம். மீண்டும்.. ஊருக்கு போய் இவர் எனி என்ன பொய்யைச் சொல்லுறது.. காணி விடுவிப்பில்.. சுத்துமாத்து. சம்பூர் கையளிப்பில் சுத்துமாத்து. இப்போ அரசியல் கைதிகள் விடுதலையிலும் அது. இவை சொல்லும் சம் சும் கும்பலின் பித்தலாட்டத்தனத்தை. அது மக்கள் என்ன தீர்ப்பை வருங்காலத்தில் எடுப்பினம் என்பதையும் தெளிவாகக் உணர்த்தும். அதையும் பாப்பியள்.

இன்று சம்பந்தர் அறிக்கை விட்டு... தீபாவளி கொண்டாட.. மிச்ச தமிழ் தேசியக் கூட்டமைப்பு.. கறுப்பு தீபாவளின்னு.. தீபாவளி கொண்டாட தவிர்ப்புச் செய்யும் நிலை. ஏன்..??! இது மக்கள் எப்படியான தெளிவில் இருக்கினம் என்பதை இனங்காட்டுது. அது விளங்காத மாதிரி நீங்கள் நடிப்பது நல்லாவே புரியும்.

ஆதாரம் தந்து பேசப் பழகுங்கள்! ஓ! உங்களுக்குப் பரிச்சயமான விக்கிபீடியாவில் இன்னும் வரவில்லையென்பதால் தர முடியவில்லையா? பரவாயில்லை! நீங்களே போய் ஒரு விக்கிப்பதிவைத் தொடங்கி இங்கே ஆதாரமாகக் காட்டுங்கள்! இல்லையேல், இப்படியே புசத்துங்கள்! சூரியன் மேற்கில் உதிக்கும் வரை!

November 11, 201510 yr

கருத்துக்கள உறவுகள்

நீங்கள் முதலில்.. நாட்டு நடப்புக்களை அவதானித்து வரணும். ஆகஸ்ட் தேர்தலில் நடந்த தில்லு முல்லை நவம்பரில் வந்து அதுவும் கள்ள வாக்குச் சுமந்திரன்.. நல்லாட்சியில் ஒட்டுண்ணி ஒற்றராக ஒட்டிக்கொண்ட பின் கேட்டுத் திரிவதிலும்.. இங்கு யாழில் தேடிப் பாருங்கள்.. ஆதாரம் கிடைக்கும். யாழில் அது குறித்த செய்திகள் பதியப்பட்டுள்ளன. உங்களுக்கு ஆதாரம் தேடுவது அல்ல இங்கு பிரச்சனை. விரும்பினால் நம்புங்கள் இல்ல போங்கள். நீங்கள் நம்பி அங்கீகரித்தால் தான் அது உண்மை என்று நம்ப நாம் முட்டாள்கள் அல்ல. உங்களின் அரசியல் கருத்து பித்தலாட்டத்தை நாம் தற்போது நன்கே அறிந்து வருகிறோம்.

நீங்களும் உங்கள் சக தேவாரம் பாடிகளும்..இவற்றைக் காணனும்..

http://ibctamil.com/news/index/12966

எதிர்கட்சி தலைவர் பதவியை அடகு வைத்து விடுதலை செய்யுங்கள்; அரசியல் கைதிகள்

[ Tuesday,10 November 2015, 10:57:37 ]

எதிர்கட்சி தலைவர் பதவியையோ அல்லது குழுக்களின் பிரதி தலைவர் பதவியையோ அடகு வைத்தாவது தங்களது விடுதலை போரட்டத்தில் கவனம் செலுத்த வேண்டும் என தமிழ் அரசியல் கைதிகள் தன்னிடம் வேண்டுகோள் விடுத்துள்ளதாக நாடாளுமன்ற உறுப்பினர் சித்தார்த்தன் தெரிவித்துள்ளார்.

கொழும்பு – வெலிக்கடை சிறையில் உண்ணாவிரதப் போராட்டத்தில் ஈடுபட்டுவரும் தமிழ் அரசியல் கைதிகளை மீள்குடியேற்ற அமைச்சர் சுவாமிநாதன், நாடாளுமன்ற உறுப்பினர் சித்தார்த்தன், ஜனாதிபதி செயலாளர் ஆகியோர் நோில் சென்று சந்தித்துள்ளனர்.

கைதிகளை சந்தித்த பின்னர் ஐ.பி.சி தமிழ் செய்திகளுக்கு கருத்து தெரிவிக்கும் போதே அவர் இவ்வாறு கருத்து தெரிவித்தார்.

நாளை 30 கைதிகள் விடுதலை தொடர்பில் நடவடிக்கை ஆரம்பிக்கப்படும் என தெரிவித்த அமைச்சர் சுவாமிநாதன், போரட்டத்தை கைவிடுமாறு வேண்டுகோள் விடுத்த போதும் கைதிகள் அந்த வேண்டுகோளை நிராகரித்துள்ளனர்.

இதேவேளை தமிழ்தேசிய கூட்டமைப்பு தமது போராட்டத்தில் இணைந்து செயற்பட வேண்டும் எனக் கேட்டுக் கொண்டுள்ளது.

அதேவேளை ஜனாதிபதி மைத்திரிபால சிறிசேனவின் அரசாங்கம் உறுதிமொழியை நிறைவேற்ற தவறிவிட்டதாகவும் கைதிகள் தெரிவித்துள்ளனர்.

http://ibctamil.com/news/index/12956

https://www.youtube.com/watch?time_continue=3&v=myMg4Urk6Qk

November 11, 201510 yr

கருத்துக்கள உறவுகள்

6 hours ago, nedukkalapoovan said:

நீங்கள் முதலில்.. நாட்டு நடப்புக்களை அவதானித்து வரணும். ஆகஸ்ட் தேர்தலில் நடந்த தில்லு முல்லை நவம்பரில் வந்து அதுவும் கள்ள வாக்குச் சுமந்திரன்.. நல்லாட்சியில் ஒட்டுண்ணி ஒற்றராக ஒட்டிக்கொண்ட பின் கேட்டுத் திரிவதிலும்.. இங்கு யாழில் தேடிப் பாருங்கள்.. ஆதாரம் கிடைக்கும். யாழில் அது குறித்த செய்திகள் பதியப்பட்டுள்ளன. உங்களுக்கு ஆதாரம் தேடுவது அல்ல இங்கு பிரச்சனை. விரும்பினால் நம்புங்கள் இல்ல போங்கள். நீங்கள் நம்பி அங்கீகரித்தால் தான் அது உண்மை என்று நம்ப நாம் முட்டாள்கள் அல்ல. உங்களின் அரசியல் கருத்து பித்தலாட்டத்தை நாம் தற்போது நன்கே அறிந்து வருகிறோம்.

நீங்களும் உங்கள் சக தேவாரம் பாடிகளும்..இவற்றைக் காணனும்..

http://ibctamil.com/news/index/12966

எதிர்கட்சி தலைவர் பதவியை அடகு வைத்து விடுதலை செய்யுங்கள்; அரசியல் கைதிகள்

[ Tuesday,10 November 2015, 10:57:37 ]

எதிர்கட்சி தலைவர் பதவியையோ அல்லது குழுக்களின் பிரதி தலைவர் பதவியையோ அடகு வைத்தாவது தங்களது விடுதலை போரட்டத்தில் கவனம் செலுத்த வேண்டும் என தமிழ் அரசியல் கைதிகள் தன்னிடம் வேண்டுகோள் விடுத்துள்ளதாக நாடாளுமன்ற உறுப்பினர் சித்தார்த்தன் தெரிவித்துள்ளார்.

கொழும்பு – வெலிக்கடை சிறையில் உண்ணாவிரதப் போராட்டத்தில் ஈடுபட்டுவரும் தமிழ் அரசியல் கைதிகளை மீள்குடியேற்ற அமைச்சர் சுவாமிநாதன், நாடாளுமன்ற உறுப்பினர் சித்தார்த்தன், ஜனாதிபதி செயலாளர் ஆகியோர் நோில் சென்று சந்தித்துள்ளனர்.

கைதிகளை சந்தித்த பின்னர் ஐ.பி.சி தமிழ் செய்திகளுக்கு கருத்து தெரிவிக்கும் போதே அவர் இவ்வாறு கருத்து தெரிவித்தார்.

நாளை 30 கைதிகள் விடுதலை தொடர்பில் நடவடிக்கை ஆரம்பிக்கப்படும் என தெரிவித்த அமைச்சர் சுவாமிநாதன், போரட்டத்தை கைவிடுமாறு வேண்டுகோள் விடுத்த போதும் கைதிகள் அந்த வேண்டுகோளை நிராகரித்துள்ளனர்.

இதேவேளை தமிழ்தேசிய கூட்டமைப்பு தமது போராட்டத்தில் இணைந்து செயற்பட வேண்டும் எனக் கேட்டுக் கொண்டுள்ளது.

அதேவேளை ஜனாதிபதி மைத்திரிபால சிறிசேனவின் அரசாங்கம் உறுதிமொழியை நிறைவேற்ற தவறிவிட்டதாகவும் கைதிகள் தெரிவித்துள்ளனர்.

http://ibctamil.com/news/index/12956

https://www.youtube.com/watch?time_continue=3&v=myMg4Urk6Qk

ஆமாம்! ஆதாரம் ஒரு தரவாக இருந்தால் தானே நீங்கள் இந்தா எண்டு தர முடியும்? சோசியல் மீடியா என்ற மூஞ்சிப் புத்தகத்தில் குப்பனும் சுப்பனும் எழுதும் ஐயம், எங்காவது ஒரு கக்கூசில் இருந்து ஒற்றை நபரால் நடத்தப் படும் ஒரு மஞ்சள் இணையத்தின் கறுவல்கள் இவை தான் நீங்கள் உறுதியாக நம்பும் ஆதாரத் தரவுகள்!

இப்படி யாழில் தேர்தலுக்கு முதலே சும் பற்றிப் பகிரப் பட்ட பல "தரவுகளை" யாழ் கள உறவு கரி ஒரு பத்து வீடியோ ஆதாரங்களில் தேர்தலுக்கு முதல் நாள் முறியடித்த போது, "கம்"மென்று இருந்தார்கள் உங்களைப் போன்ற "ஆதார புருஷர்கள்" . Hearsay ஐ ஆதாரம் என்று நீங்கள் அழைக்கிறீர்கள்! **************

Edited November 11, 201510 yr by நியானி
ஒரு வரி தணிக்கை

Archived

This topic is now archived and is closed to further replies.

Go to topic listing

Love கருத்துக்களம்? Tell a friend!

சீனாவின் மலிவான இறக்குமதி - பிரித்தானியாவில் பணவீக்கம் குறைய வாய்ப்பு

சீனாவின் மலிவான இறக்குமதியால் பிரித்தானியாவில் பணவீக்கம் குறைய வாய்ப்பு ஏற்பட்டுள்ளது.
அமெரிக்காவின் புதிய வரி கொள்கைகளால் சீனாவின் ஏற்றுமதி பாதிக்கப்பட்ட நிலையில், அந்த நாடு தனது பொருட்களை மாற்று சந்தைகளுக்கு அனுப்பத் தொடங்கியுள்ளது.
இதில் பிரித்தானியா முக்கிய இடமாக மாறி வருகிறது.
சீனாவின் மலிவு விலை கார்கள், தொலைத்தொடர்பு சாதனங்கள் மற்றும் ஒலி உபகரணங்கள் பிரித்தானியாவிற்கு அதிக அளவில் வருவதால் அங்குள்ள பணவீக்கம் குறைய வாய்ப்பு உள்ளது என பொருளாதார நிபுணர்கள் கூறுகின்றனர்.

சீனாவின் வர்த்தக உபரி முதல் முறையாக 1 டிரில்லியன் டொலரை கடந்துள்ளது.
அமெரிக்காவிற்கு ஏற்றுமதி 29 சதவீதம் குறைந்த நிலையில், ஐரோப்பிய ஒன்றியத்திற்கு 15 சதவீதம் மற்றும் பிரித்தானியாவிற்கு 9 சதவீதம் அதிகரித்துள்ளது.
பிரித்தானியாவில் தற்போது பணவீக்கம் 3.2 சதவீதமாக உள்ளது. 2026 நடுப்பகுதிக்குள் 2 சதவீதம் இலக்கை அடையும் என எதிர்பார்க்கப்படுகிறது.
ரேச்சல் ரீவ்ஸ் அறிவித்த பட்ஜெட்டில் எரிசக்தி மற்றும் எரிபொருள் வரிகளில் தளர்வு வழங்கப்பட்டதால் பணவீக்கம் மேலும் 0.5 சதவீதம் குறையலாம்.
இங்கிலாந்து வங்கி (Bank of England) வட்டி விகிதத்தை 3.75 சதவீதமாகக் குறைத்துள்ளது. 2026-இல் மேலும் குறையும் வாய்ப்பு உள்ளது.
சீனாவிலிருந்து பிரித்தானியாவிற்கு 70 பில்லியன் பவுண்டு மதிப்பிலான பொருட்கள் வந்துள்ளன. இதில் கார்கள், தொலைத்தொடர்பு மற்றும் ஒலி சாதனங்கள் முக்கிய பங்கு வகிக்கின்றன.
மலிவான இறக்குமதி காரணமாக உள்ளூர் உற்பத்தியாளர்கள் பாதிக்கப்படுவார்கள் என்ற அச்சம் ஐரோப்பிய நாடுகளில் எழுந்துள்ளது.
பிரான்ஸ் ஜனாதிபதி இம்மானுவேல் மேக்ரான், “ஐரோப்பிய ஒன்றியம் கடுமையான நடவடிக்கை எடுக்க வேண்டிய நிலை உருவாகலாம்” என எச்சரித்துள்ளார்.
பிரித்தானிய அரசு உள்நாட்டு எஃகு உற்பத்தியாளர்களை பாதுகாக்க நடவடிக்கை எடுக்க உறுதியளித்துள்ளது.
சீனாவின் மலிவு இறக்குமதி பிரித்தானியாவில் விலைகளை குறைத்து பணவீக்கத்தை கட்டுப்படுத்த உதவலாம். ஆனால் இது உள்ளூர் தொழில்துறைக்கு சவாலாக மாறும் அபாயமும் உள்ளது.
https://tamilwin.com/uk

By பெருமாள் · 1 hour ago1 hr
யாழ் கள T20 உலகக் கிண்ண கிரிக்கெட் போட்டி - 2026

உதவிதான் செய்யலாம். வாடகை என்றால், அது வேறமாதிரி ஆகிடும்😁😜

கிருபனுக்காக இதுகூடச் செய்யாவிட்டால்.....

By செம்பாட்டான் · 1 hour ago1 hr
யேர்மனியின் Gelsenkirchen நகரத்தில் கிறிஸ்துமஸ் விடுமுறையில் வங்கிக் கொள்ளை

இவர்கள் வங்கி காப்பக பெட்டிக்கு பதிலாக இந்த பணத்தை தமிழ் ஆட்களிடம் கொடுத்து வைத்திருந்தால் அவர்கள் பாதுகாப்பாக வைத்திருந்து தேவைபடுகின்ற நேரத்தில் இவர்களிடம் பவுத்திரமாக திருப்பி ஒப்படைத்திருப்பார்கள்

By விளங்க நினைப்பவன் · 2 hours ago2 hr
மகேந்திர படேல்-கரோலின் மில்லர்-வால்மார்ட் கடத்தல் குற்றச்சாட்டு.

இந்தக் கலாச்சார வேறுபாடுகள் பற்றிய விழிப்புணர்வின்மை வேற்று நாட்டவருக்கு மட்டுமல்லாமல், வேற்று மாநிலத்தவர், ஒரே மாநிலத்தின் வேற்று நகரத்தவர் போன்றவர்களுக்கும் ஆப்பாக முடிந்திருக்கிறது.
சில ஆண்டுகள் முன்பு, ஒஹையோவில் ஒரு பெரும்பனிப் புயல் வந்து, வீதிகளில் இருந்து வாகனங்கள் சறுக்கி மீடியனில் மாட்டிக் கொண்ட நிலை. இப்படி மாட்டிக் கொண்ட ஒரு வாகனத்தை, உதவும் நோக்கில் இன்னொரு வழிப்போக்கர் அணுகி கண்ணாடியைத் தட்டிய போது உள்ளே இருந்த அரை லூசுப் பயல் துப்பாக்கியால் சுட்டதில் உதவ வந்தவர் இறந்தார். சுட்டவருக்கு பின்னர் நீண்ட சிறை கிடைத்தது, ஆனால் ஒரு நல்ல மனிதர் உலகில் இருந்து மறைந்தார்.
இங்கே வாகனங்களை ஒரு வீதியில் திருப்ப வேண்டிய தேவை (U-turn) வந்தால், முடிந்த வரையில் எந்த தனியார் வீடுகளின் வாசல் பகுதி (driveway) யினுள்ளும் நுழையாமல் திருப்ப வேண்டும் என ஆலோசனை இருக்கிறது. நியூ யோர்க் நகரில் இருந்து வடக்கில் இருக்கும் நியூயோர்க் மாநில கிராமம் ஒன்றுக்குச் சென்ற ஒரு இளையோர் குழு, ஒரு தனியார் வீட்டின் வாசலில் நுழைந்து வாகனத்தைத் திரும்ப முயன்ற போது உள்ளேயிருந்து வந்த ஒரு கிழவர் வாகனத்தை நோக்கிச் சுட்டதில் ஒரு இளம் பெண் பலியானார். இந்தக் கிழவருக்கும் நீண்ட சிறை கிடைத்தது.
எந்த வீட்டில்/வாகனத்தில் எத்தகைய மனப் பிறழ்வுடைய மனிதர்கள் இருப்பார்கள் என்ற அறுதியில்லாத காரணத்தால் சற்று விழிப்புணர்வோடு இருக்க வேண்டும். ஏதாவது சந்தேகம் ஏற்பட்டால் உடனே 911 அல்லது உள்ளூர் காவல் துறையை அழைப்பதும் ஏனையோருக்கு உதவும் ஒரு பாதுகாப்பான வழி.

By Justin · 2 hours ago2 hr
யேர்மனியின் Gelsenkirchen நகரத்தில் கிறிஸ்துமஸ் விடுமுறையில் வங்கிக் கொள்ளை

நமதாக்கள் பணம் இதற்குள் தான் சேமிப்பு.
200 பேரில் எங்கட ஆட்கள் யாராவது நின்றார்களோ?

By ஈழப்பிரியன் · 2 hours ago2 hr

ஈழத்தமிழர் மீதான இனவழிப்புப் போரில் எனது தனிப்பட்ட அனுபவங்கள்
ஈழத்தமிழர் மீதான இனவழிப்புப் போரில் எனது தனிப்பட்ட அனுபவங்கள்

ஈழத்தமிழர் மீதான இனவழிப்புப் போரில் எனது தனிப்பட்ட அனுபவங்கள் அண்மையில் இஸ்ரேலுக்குப் பயணம் செய்த தனது அனுபவங்களை திரு நிராஜ் டேவிட் அவர்கள் காணொளிகள் வாயிலாக வெளியிட்டு வருகிறார். அவற்றில் சில காணொளிகளில் அவர் அங்கு தங்கியிருந்த‌ நாட்களில் பயணித்த பலவிடங்களையும் காட்சிப்படுத்தியிருந்தார். அவற்றுள் ஒன்று யூத மக்கள் மீது இரண்டாம் உலக யுத்த காலத்தில் நாசிகளால் மேற்கொள்ளப்பட்ட இனக்கொலை தொடர்பான சாட்சியங்கள், ஆதாரங்கள் ஆகியவற்றினை பாரிய நினைவாலயம் ஒன்றினுள் காட்சிப்படுத்தியிருந்தமை பதிவுசெய்யப்பட்டிருந்தது. தம்மீது நிகழ்த்தப்பட்ட இனக்கொலை தொடர்பாக தமது சந்ததிகள் தொடர்ச்சியாக அறிந்துகொள்ளவேண்டும் என்பதும், இனிமேல் அவ்வாறனதொரு இனக்கொலை தமது இனம் மீது நடக்காது தவிர்ப்பது எந்தளவு முக்கியமானது என்பதையும் தம் இன மக்களுக்கு தொடர்ச்சியாக வலியுறுத்துவதும் இந்நினைவாலயத்தின் நோக்கம் என்றும் அவர் தெரிவித்திருந்தார். கொல்லப்பட்ட அறுபது இலட்சம் யூதர்களில் ஒரு பகுதியினர் பயன்படுத்திய காலணிகள், அவர்களால் அணியப்பட்ட கறுப்பும் வெள்ளையும் சேர்ந்த வரிரியிலான ஆடைகள், அவர்கள் பயன்படுத்திய உணவருந்தும் பாத்திரங்கள், அவர்களின் புகைப்படங்கள் என்பவற்றோடு அவர்களை வதைப்படுத்திக் கொன்றுபோட்ட பல நாசிப் படைத் தளபதிகளின் புகைப்படங்களும் அங்கு மிக நேர்த்தியாக காட்சிப்படுத்தப்பட்டிருந்தது. இவற்றைத் தனது காணொளிகளில் காண்பித்த டேவிட் அவர்கள், எமதினத்திற்கு நடந்த அக்கிரமங்கள், அழிவுகள் குறித்து நாம் பேசுவதை எம்மில் ஒரு பகுதியினரே தடுத்து வருவதையும், சிங்கள இனத்தோடு நாம் ஒன்றித்து வாழ்வதை இவ்வாறான "பழங்கதைகள் பேசுதல்" எனும் முயற்சி தடுத்துவிடும் என்றும், அது இனவொற்றுமையினைக் குலைத்துவிடும் என்றும் காரணம் கூறிவ‌ருவதையும் குறிப்பிட்டு அங்கலாய்த்திருந்தார்.யூதர்கள் தமக்கு நடந்த அழிவினைத் தொடர்ச்சியாகப் பேசியும், காட்சிப்படுத்தியும், ஆவணப்படுத்தியும் வரும் நிலையில், நாமோ எம்மீது நடத்தப்பட்ட அழிவுகளை வேண்டுமென்றே மறுத்தோ அல்லது மறைத்தோ வாழத் தலைப்படுதல் ஈற்றில் எமது இருப்பிற்கே முடிவாய் அமைந்துவிடும் என்பதும் அவரது ஆதங்கமாக இருந்தது.இக்காணொளிகளின் இறுதிப்பகுதியில் தமிழ் மக்களை நோக்ல்கி வேண்டுகோள் ஒன்றினை அவர் முன்வைத்தார். அதுதான் நாம் அனைவரும், தனிப்பட்ட ரீதியிலோ அல்லது ஒரு குழுவாகவோ எம்மீது நடத்தப்பட்ட அனைத்து அக்கிரமங்களையும் ஏதோ ஒரு வகையில், ஏதோ ஒருவடிவில் கட்டாயம் ஆவணப்படுத்தியோ அல்லது காட்சிப்படுத்தியோ தீரவேண்டும் என்பது. அவரது காணொளிகளைப் பார்த்தபோது அவர் கூறுவது எனக்குச் சரியென்றே பட்டது. ஏனென்றால், எம்மீது நடத்தப்பட்ட அநீதிகளை நாமே பேசவோ அல்லது காட்சிப்படுத்தவோ மறுப்பின், வேறு யார்தான் இதைச் செய்யப்போகிறார் எனும் கேள்வி எனக்குள் வந்தது. ஆகவேதான் எம்மீது நடத்தப்பட்ட அக்கிரமங்கள் தொடர்பான எனது அனுபவங்களை இங்கு பதிவிடலாம் என்று நினைக்கிறேன். இத்தளத்தில் இருக்கும் ஏனையவர்களும் தமது தனிப்பட்ட அனுபவங்களை இங்கு பகிருமாறும் வேண்டிக்கொள்கிறேன்.
- 26 replies
ரஞ்சித்

December 7Dec 7
Featured by மோகன்

December 8Dec 8
சாத்தான் படை (IPKF)
சாத்தான் படை (IPKF)

* அன்பான உறவுகளே, இந்தப் புத்தகம் அன்றைய இந்திய அமைதிப்படை (ஆக்கிரமிப்புப் படை) கால சம்பவங்களையும், அன்று ஊடகங்களில் வெளியான செய்திகளையும் தொகுத்து செய்யப்பட்டுள்ளது. மிகுந்த சிரமங்களுக்கு மத்தியில், இன்றைய சூழல் கருதியும் தேவை கருதியும் ஈழத்திலிருந்து எடுப்பித்திருக்கிறோம். இதனை உங்களின் நண்பர்களுக்கும், தெரிந்தவர்களுக்கும் அனுப்பி உண்மைகளை அறியச் செய்யவேண்டும் என்று கேட்டுக்கொள்கிறோம். [குறிப்பாக உங்களுக்குத் தெரிந்த தமிழக நண்பர்களுக்கு, மக்களுக்கு, ஊடகங்களுக்கு, அரசியற் கட்சியனருக்கு, அமைப்புகளுக்கு அனுப்பிவைக்கவும்.]* * flash: http://ebook.yarl.com/ipkf/ * pdf zipped: Part 1 http://www.mediafire.com/?emj0zigyjyu Part 2 http://www.mediafire.com/?i5tzkzyjfny Part 3 http://www.mediafire.com/?tz1mvzdgggz * pdf: Part 1 http://ebook.yarl.com/ipkf/Satarnic-Force_Part1.pdf Part 2 http://ebook.yarl.com/ipkf/Satarnic-Force_Part2.pdf Part 3 http://ebook.yarl.com/ipkf/Satarnic-Force_Part3.pdf அன்பான உறவுகளே, தற்போதைய இலங்கையின் போர்ச்சூழல் பற்றி நீங்கள் அறிவீர்கள். திட்டமிட்ட வகையில் நடத்தப்படும் இனவழிப்பு / இனக்கருவறுப்புப் போரில் - ஒவ்வொரு நாளும் - குழந்தைகள், பெண்கள், முதியோர் என ஆயுதம் ஏந்தாத அப்பாவிப் பொதுமக்கள் - எந்தவிதப் பாகுபாடுமின்றி - கொத்துக்கொத்தாக கொத்தணிக் குண்டுகளாலும், பொஸ்பரஸ் அடங்கிய எரிகுண்டுகளாலும் படுகொலை செய்யப்படுகிறார்கள். "பாதுகாப்பு வலயம்" என அறிவித்து - அங்கும் மக்களை அரக்கத்தனமாகக் கொல்கிறார்கள். சிறிலங்கா அரசின் கட்டுப்பாட்டுப் பகுதிக்கு வரச்சொல்லி - ஆண்கள் பெண்களென வகைபிரித்து - பெண்களை பாலியல் வன்முறைக்கு உள்ளாக்கிப் பின் கொன்று புதைக்கிறார்கள். புதிய ஆண்டும் அவர்களுக்கு கொலைக்களமாகத்தான் பிறந்தது. இந்த ஆண்டின் இரண்டு மாத காலத்தில் மட்டும் - 1500 க்கும் அதிகமான மக்கள் சிறிலங்கா பேரினவாத அரசால் கொல்லப்பட்டுவிட்டார்கள். ஒரு இளம் சந்ததியே - ஒரு புதிய தலைமுறையே - கை, கால் இல்லாத சந்ததியாக மாற்றப்பட்டுக் கொண்டிருக்கிறது. இந்தச் சூழலில் - இந்த இன்னல் நிறைந்த காலகட்டத்தில் - தமிழகத்திலிருந்து எழும் ஒவ்வொரு ஆதரவுக் குரலும் புலம்பெயர் மக்களாகிய எமக்கு எவ்வளவு ஆறுதலாக இருக்கிறதென்பதை நீங்கள் அறீவீர்களோ தெரியாது. உங்களின் ஆதரவான ஒவ்வொரு சொல்லும் எங்கள் கண்ணீரைத் துடைக்க வல்லன. எமக்கு ஆதரவாக நீங்கள் வீதியில் இறங்கும் போதும் - உரக்கக் குரல் கொடுக்கும் போதும் - நாம் நம்பிக்கை கொள்கிறோம். சாதாரண நம்பிக்கையல்ல - சரித்திரம் படைக்கிற நம்பிக்கை. ஆனாலும் உறவுகளே - இன்னொரு கசப்பான உண்மையையும் நாம் உங்களுக்கு சொல்ல விரும்புகிறோம். உங்கள் ஆதரவான நம்பிக்கை தரும் குரல்களுக்கும் மத்தியிலிருந்து - தமிழகத்திலிருந்து - எம்மீது வெறுப்பைக் கக்குகிற சில குரல்கள் இன்னும் ஒலித்துக் கொண்டிருக்கின்றன. அவை, மீண்டும் மீண்டும் எம்மைக் காயப்படுத்துகின்றன. நாம் காயப்படுவதைப் பற்றி கவலைப்படவில்லை. அந்தக் குரல்கள் ஒட்டுமொத்தத் தமிழகத்தின் ஆதரவுக் குரலையும் பலவீனப்படுத்திவிடும் என்றே பயப்படுகிறோம். உலகத் தமிழினமே இன்று ஒன்றுபட்டு நிற்கையில் - பகைவளர்க்கும் இந்தச் சில குரல்கள் - தமிழினத்தின் விடுதலையில் கீறல்களை ஏற்படுத்திவிடக் கூடாதென்றே விரும்புகிறோம். ஈழத்தமிழர் பிரச்சனை/அவலம் பற்றி நீங்கள் பேசுகிற போதெல்லாம் - ராஜீவ்காந்தியின் கொலையை முன்னிறுத்தி - உங்களின் வாயை அடைக்கப் பார்க்கிறார்கள். ஈழத்தின் விடுதலை பற்றிப் பேசுகிறபோதெல்லாம் - ராஜீவ்காந்தியின் கொலையை முன்னிறுத்தி - கொச்சைப்படுத்துகிறார்கள். உங்களின் எழுச்சியை அவர்கள் ஒற்றை வார்த்தை கொண்டு ஒதுக்கிவிடப் பார்க்கிறார்கள். உலகத் தமிழரின் ஒற்றுமையை ஒற்றைவார்த்தையால், சாத்தியமற்றதாக்கிவிடலாம் என்று நினைக்கிறார்கள். எனவே அன்பான உறவுகளே, எந்தச் சூழ்நிலையிலும் நீங்கள் சோர்ந்துவிடக்கூடாது - எவருக்கு முன்னும் நீங்கள் தலைகுனியக்கூடாது - உண்மைகளை உணர்ந்துகொள்ளவேண்டும் என்கிற நோக்கோடு இந்தப் புத்தகத்தை மின்னூல் வடிவில் உங்கள் முன் வைக்கிறோம். ராஜீவ்காந்தியின் கொலையை யார் செய்தார்கள்? அவர் கொலை செய்யப்பட்டது சரியா பிழையா? யார் யாருக்கு அதில் பங்குள்ளது என்பது பற்றியெல்லாம் நாம் இங்கு பேச முனையவில்லை. அவற்றை ஒருபுறம் நாம் ஒதுக்கிவைத்துவிட்டு - எங்கிருந்து எல்லாம் தொடங்கியது என்று பார்த்தால் - சிலவேளை உண்மைகள் புரியக்கூடும். அமைதிப்படை என்கிற பேரில் ஈழத்து மண்ணில் கால்வைத்த இந்திய சாத்தான் படை - எப்படியெல்லாம் ஈழத்தமிழர்களைக் கொடூரமாகக் கொலை செய்ததென்பதைப் பாருங்கள். ஈழத்தமிழரின் விடுதலைப் போரைச் சிதைக்க எப்படியெல்லாம் துணைநின்றார்கள் என்பதைப் பாருங்கள். மீண்டும், அதே கொடுமையையும் துரோகத்தையும் - சிங்கள அரசுக்கு உதவுவதினூடாக/சிங்கள இராணுவத்தின் பின்னாலிருந்து யுத்தத்தை நடத்துவதினூடாக - இந்தியா செய்கிறது. இப்படியான சூழலில் நீங்கள் ஈழத்தமிழர்களுக்கு ஆதரவாக எழுப்புகிற குரலை நசுக்க ராஜீவ்காந்தியின் கொலையைத் தூக்கிப்பிடிக்கிறார்கள். இதை தொடர்ந்து கவனிக்கிற போது, ஈழத்தமிழர் பிரச்சனை தமிழகத்தில் பேசப்படக்கூடாது என்பதற்காகவும், ஈழத்தமிழர்களுக்கு தமிழகம் உதவக்கூடாது என்பதற்காகவும், ஈழத்தமிழர் பிரச்சனை பற்றி பேசப்படுகிறபோது ராஜீவ்காந்தி கொலை கண்ணுக்கு முன் வரவேண்டும் என்பதற்காகவும் - யாரோ திட்டமிட்டு நீண்டகால அரசியல் இலாபத்தோடு இதைச் செய்திருக்கிறார்கள் என்றே உணர முடிகிறது. இந்திய/தமிழக நண்பர்களே, உறவுகளே, ஊடகங்களே நாம் பழையதை நினைவுபடுத்தி, எமக்குள் உள்ள உறவைக் காயப்படுத்த விரும்பவில்லை. எனினும், உண்மைகளை நீங்கள் அறிந்துகொள்ளவேண்டும் என்று விரும்புகிறோம். உங்களின் ஆதரவுக் குரல்கள் "ராஜீவ்காந்தியின் கொலை" என்கிற ஒற்றை வார்த்தையைக் கொண்டு அடக்கப்பட்டுவிடக் கூடாது என்பதற்காகவே நாம் இந்தப் புத்தகத்தை உங்களுக்கு அனுப்புகிறோம். நாம் மீண்டும் மீண்டும் எல்லோராலும் ஏமாற்றப்படுகிறோம் என்பதை நீங்கள் புரிந்துகொள்ளவேண்டும். * அன்பான உறவுகளே, இந்தப் புத்தகம் அன்றைய இந்திய அமைதிப்படை (ஆக்கிரமிப்புப் படை) கால சம்பவங்களையும், அன்று ஊடகங்களில் வெளியான செய்திகளையும் தொகுத்து செய்யப்பட்டுள்ளது. மிகுந்த சிரமங்களுக்கு மத்தியில், இன்றைய சூழல் கருதியும் தேவை கருதியும் ஈழத்திலிருந்து எடுப்பித்திருக்கிறோம். இதனை உங்களின் நண்பர்களுக்கும், தெரிந்தவர்களுக்கும் அனுப்பி உண்மைகளை அறியச் செய்யவேண்டும் என்று கேட்டுக்கொள்கிறோம். --நன்றி: யாழ் இணையம்--
- 4 replies
இளைஞன்

February 15, 200916 yr
Featured by மோகன்

November 25Nov 25
🕯️ ஒவ்வொரு ஆன்மாவுக்கும் ஒரு தீபம் / “A Lamp for Every Soul”
🕯️ ஒவ்வொரு ஆன்மாவுக்கும் ஒரு தீபம் / “A Lamp for Every Soul”

🕯️ ஒவ்வொரு ஆன்மாவுக்கும் ஒரு தீபம் / “A Lamp for Every Soul” ஓ… முள்ளிவாய்க்கால் ஆன்மாக்களேகாற்றில் அலையும் ஜீவன்களே அலைகளுடன் நகரும் மென்மையானவர்களே உங்களின் முன் தலை குனிந்து வணங்குகிறோம்!உங்கள் துன்பம் மறக்கமுடியாதது உங்கள் பெயர்கள் மறையமுடியாததுஉங்கள் கனவுகள் எங்களால் வாழட்டும்!குழந்தைகளைப் பாதுகாத்த தாய்மார்களுக்கும் கதிரவனைக் காணாத குழந்தைகளுக்கும்நம்பிக்கையை மட்டுமே சுமந்த இளைஞர்களுக்கும்நாங்கள் இந்த தீபத்தை ஏற்றுகிறோம்!உங்களை கைவிட்ட உலகிற்கு இந்த தீபம் வழிநடத்தட்டும்!நாங்கள் வழங்க முடியாத பாதுகாப்பை அமைதி சூழ்ந்து கொடுக்கட்டும்! முள்ளிவாய்க்காலின் ஆன்மாக்களேநாங்கள் உங்களைப் போற்றுகிறோம்உங்களுக்காகப் பேசுகிறோம்!ஒவ்வொரு தீபத்திலும் ஒவ்வொரு கண்ணீரிலும்ஒவ்வொரு இதயத் துடிப்பிலும் உங்களை நினைவில் கொள்கிறோம்!🕯️ உங்கள் ஒளி நிலைத்திருக்கட்டும்🕯️ உங்கள் உண்மை உயரட்டும்🕯️ உங்கள் நினைவு என்றென்றும் ஒளிரட்டும்![கந்தையா தில்லைவிநாயகலிங்கம்,அத்தியடி, யாழ்ப்பாணம்] “A Lamp for Every Soul”O spirits of Mullivaikkal,restless in the wind,gentle in the waveswe bow our heads before you.May your sufferingnever be forgotten.May your namesnever fade from memory.May your dreamslive through us.To the mothers who shielded their children,to the babies who never saw the sunrise,to the youth who carried only hopewe light this lamp.May this flame guide youwhere the world failed you.May peace hold youin the embrace we could not give.O souls of Mullivaikkalwe honour you.We speak for you.We remember youin every lamp,every tear,every heartbeat.🕯️ Let your light endure.🕯️ Let your truth rise.🕯️ Let your memory shine forever.[Kandiah Thillaivinayagalingam,Athiady, Jaffna]துளி/DROP: 1910 [🕯️ ஒவ்வொரு ஆன்மாவுக்கும் ஒரு தீபம் / “A Lamp for Every Soul”]https://www.facebook.com/groups/978753388866632/posts/32502659262715967/?
- 0 replies
kandiah Thillaivinayagalingam

November 22Nov 22
Featured by மோகன்

November 23Nov 23
தாயகத்தின் தாய் – ச.பொட்டு
தாயகத்தின் தாய் – ச.பொட்டு

தாயகத்தின் தாய் – ச.பொட்டு அம்மா எமக்கு அறிமுகமான அந்தநாள் இப்போது நினைவில் இல்லை. அது மணிமனைக் கோவைகளை பரிசீலித்தே அறிய வேண்டியதான ஒன்றாக எம் நினைவுப்பதிவுகளில் இருந்து மறந்து போய்விட்டது. எதொவொரு இலக்கத்தாலும் நினைவில் வைத்திருக்க வாகாகத்தெரிவு செய்யப்பட்ட வழமையல்லாத ஏதோவொருயெராலும், கறிப்பிடப்பட்டிருக்கக்கூடிய அம்மாவின் கோவையும்பொல் ஒன்றாகத்தான் தூங்கும். ஆனால் அம்மா எல்லோரையும் போன்ரவரல்ல. என்றென்றும் மறக்கப்பட முடியாதவராக அந்த அம்மா எம் நிணைவுப்பதிவுகளில்…. கரீர் என்ற கறுப்பு நிறமும், மெலிவான மலர்ந்த முகமும் சளசள வென்ற ஒயாத கதையுமாய்… நகைச்சவை உணர்வுமிக்க ஒரு புலனாய்வாளனால் தமிழகத்து சிரிப்பு நடிகைகளது பெயரில் ஒன்றை புனைபெயராக அம்மாவில் வெளிப் பார்வைக்குத் தெரியும். சில பெண்பிள்ளைகளுடன் இளையவனாய் ஒரேயொரு மகன் என்பது அந்த மகன் மீது அதீத அன்புக்கு காரணமாய் அமைவது இயல்புதான். அம்மாவுக்கும் அப்படித்தான். சில பெண் சகோதரிகளுடனான அந்த ஒரேயொரு மகன் மீது கொள்ளைப் பாசம். காலத்தின் தேவையாக அந்த ஒரேயொரு மகன் போராளியாக ஆனபோது, அம்மாவின் அந்த அதீத பாசத்திற்க்கு சோதனை வந்தது. அந்தச் சோதனை எல்லா அம்மாமாருக்கும் வருவது போன்றபாசத்தின்தளத்தில் எழும்வேதனை மட்டுமல்ல. ****** அம்மா அந்தக் காலத்து பழசுதான். ஆனால் பழமையில் ஊறிய பிற்போக்கு வாதியல்ல. இளமைக்காலத்தில் இருந்தே சமூகத்தின் மீதான பார்வையை செலுத்தக்கூடியவர். எம்மினத்தின் அரசியல் பயணத்தின் அம்சங்களை காலத்தால் அறிந்தவர். மென்முறையில் எழுந்த அரசியல் கோரிக்கைகள் ஆக்கிரமிப்பு வன்முறைகளால் ஒடுக்கப்பட்டதை கண்ணால் கண்டறிந்து குமறியவர். அரசியல் மென்முறைகள் அக்கிரமிப்பு வன்முறைகளால் ஒடுக்கப்பட்டதன் மறவடிவமாக அரசியல் வன்முறை வடிவம் கொண்டதை ஆரம்ப காலத்தில் இருந்தே வியப்புடன் பார்த்தவர். காலம் தன்பாட்டில் ஓடி, அம்மா குடும்பமாகி, பிள்ளைகள் பெற்று வளர்த்து..ஒருசராசரி பெண்ணாக, தாயாக ஆனார். இது வரை அம்மாவால் அப்படியாக வாழவும் முடிந்தது. ஆனாலும் மனதில் ஆயுதப் போராட்ட நியாயத்தின் கடமைக்காய் தன் கடைசிப்பிள்ளை அம்மாவின் பாசத்தை கொள்ளை கொண்ட செல்லமகன் ஆயுதம் ஏந்தப்புறப்பட்டதை அம்மா எப்படி எதிர்கொள்வது? பெற்ற பாசமா? இனத்தின் சோகமா? என்ற தர்ம சோதனையில் அம்மா குழம்பி மகனது ஆயுதப்போர் வடிவத்தெரிவை மனதால் எற்று சமநிலைக்கு வர காலம் பிடித்தது. ***** இப்போது மகன் போராளி. தெருவில் போகவர அம்மாவை எதரிகொள்வான். மகன் இப்போது வளர்ந்து விட்டான். வளர்ந்தவனையே கூட கழந்தையாய் பார்க்கும் அம்மா மனம், இப்போது மகனைக் கண்டு வியந்தது தன்ர சின்னப்பிள்ளை இப்போது எபரிய ஆளாய், ஏதேதோ வேலையாய் அங்கிங்கு ஓடித்திரிவது அம்மாவுக்கு சொல்ல முடியாத பெருமைதான். இயக்கத்தில் இணைந்த காலத்தில் மகன் சின்னப்பெடியன். வயதுக்கே உரிய வேகமான செயற்பாடும் குழப்படியும் கொண்ட இளைய போரளி. அவன் செய்யும் குழப்படிகள், வாங்கும் தண்டனைகள் எதுவும் அம்மாவுக்குத் தெரியய நியாயமில்லைத்தான். அதே போல் வடமராச்சி பொறுப்பாளர் தண்டனை கொடுத்து களைத்துப்போயா அல்லது இவன்தான் தண்டனை செய்து களைத்தப்போயா என்னவோ ஆள் நெல்லியடியில் இருந்து சாவகச்சேரிக்கு நடந்தெ வந்து சேர்ந்தும் அம்மாவுக்கு தெரிய எந்தநியாயமும் இல்லைத்தான். இதற்கிடையில் மகன் சண்டைக்களத்தில் என்ற செய்தியை மட்டுமே கேள்விப்பட்டு கவலைப்பட்ட அம்மா. கடும் சண்டை என்ற செய்தியால் எல்லா அம்மாக்களையும் போல அம்மாவும் பதறிக் கொண்டிருந்த ஒரு பொழுதில் மகன் காயமடைந்த செய்தி, பதறிய மனதுடன் அம்மா ஓடித்திரிந்தும், மகனின் நண்பர்கள் மூலம் அவன் நிலையறிந்து துடித்ததுமாக கழிந்தது நாட்கள். அம்மாவுக்கு மகனின் சுகநலன் அறியும் தொடர்புகளும் ஏற்பட்டுவிட்டன. ‘இதுவொரு சின்னக்காயம் இன்னும் கொஞ்ச நாள்ள காம்புக்கு வந்திடுவான்” என்று பொறுப்பாளர் சொல்லும் பொய்யான கதையை மீறி’ வயிற்றுக்காயம்” பதிணைந்து தையலுக்கு மேல் போட்டிருக்கு” ‘இன்னும் சாப்பிடத் தெடங்கேல்ல” என்று உண்மைகளை அறிந்துவிடும் அளவுக்கு அம்மாவுக்குத் தொடர்புகள் எற்பட்டு அதனை தொடர்ந்து மருத்துவனைக்கு போய்வரவும் தொடங்கிவிட்டா. மருத்துவமனை’கெதியாக என்னை துண்டு வெட்டி விடுங்கோ உடனே சண்டைக்குப் போகவேணும்” உறுதியின் வெளிப்பாடுகள். "என்ர இடத்தில ஆமியின்ர பொடியும் ஆயுதமும் இருக்கு காவு குழு அனுப்புங்கோ” ‘……….” எம்மையா? எதிரியையா? என சிந்திக்க வைக்கும் எழுத்தில் சொல்லமுடியாத வசவுகள். மருந்தின் மயக்கத்தில் தம் நிலை மறந்து உளறல்கள். ’ஜயோ தங்கேலாமல் கிடக்கு பெத்தடினைப் போடுங்கோ…..ஓ…” வேதனை தாங்கேலாமல் கிடக்கு இந்தக் காலை வெட்டுங்கோ” கேட்போரின் கண்களில் இரத்தம் கசிய வைக்கும் வேதனைக்குரல்கள். மருந்துக்களின் நெடியை மீறிய புண்களின் மணம். ****** மகனைப் பிரிந்திருந்த அம்மா தனது பாச உணர்வுகளும் அடிமனத்து விடுதலை உணர்வுக்குமாக ஒரு வடிகாலை தேடிக்கொள்ள, காயமடைந்த போராளிகளை பராமரிப்பவர்களில் ஒருவராகிவிட்டார். இந்தக் காலம் அம்மாவுக்கு விடுதலைப் போரை முன்னை விட கூடுதலாகவே அறிமுகம் செய்து வைத்தது. காயமடைந்த போராளிகளுடனான பரிச்சயமும், பழக்கமும் அம்மாவுக்கு போராட்டத்தின் இன்னொரு பக்கத்தை அறிமுகம் செய்து வைக்க அவவுக்கே தெரியாமல் அம்மா கொஞ்சம் கொஞ்சமாய் மாறிப்போனார். வெளியில் இருந்து போராட்டச் செய்திகளை மட்டும் கேட்பதற்கும், வெற்றிகளை கேட்டு மகிழ்சி அடைவதற்கும் அப்பால் அந்தச் செய்திகளின் உருவாக்கத்தின் யதார்த்தம் அம்மாவை அதிகமாக சிந்திக்க வைத்தது. விட்டுக் கொடுக்கப்பட முடியாததான இவ்விடுதலைப் போராட்டம் இத்தனை கடினமானதா? இவ்வளவு கண்ணீரை வரவழைப்பதா? இழப்புக்களை குறைத்தோ அல்லது குறைக்கவோ ஏதாவது செய்யமுடியாதா? அம்மா அரசியல், இராணுவ வித்தகத்தடன் சிந்தித்தாவோ? இல்லையோ? அம்மாவாகச் சிந்தித்தா. எல்லாப் போராளிகளையும் தன் பிள்ளையாய் பார்த்த அம்மாவாக சிந்தித்தா.. ******* எம் தாயகத்தில் விளைவிக்கும் ஆக்கிரமிப்பு கொடுமையின் ஒரு சிறு பங்காவது எதிரியின் கோட்டைக்குள் திருப்பிக் கொடுக்கப்படுவது அம்மா திருப்தியுடன் பார்க்கும் செய்திதான். அதுவுமல்லாது எதிரியின் பெரும் நிலைகள் அவ்வப்போது ஆங்காங்கே அழிக்கப்படுவதும் அது எதிரிக்கு ஏற்படுத்தும் அதிர்ச்சியும் அம்மா அறிவார். அதில் எம் போராளிகள் இங்க போல் பெரும் இழப்புக்களை சந்திப்பதில்லை என்பதும் அம்மாவுக்கு தெரியும். ஏற்கனவே எரிபற்று நிலையில் இருந்த அம்மாவின் மனம்தான் இந்த வழியை நாடிப்போனதோ அல்லது அம்மாவை அறிந்து சந்தித்த அந்த போராளிகள்ததான் அம்மாவின் மனதில் தீயை மூட்டினரோ? என்னவோ? அம்மா இப்போது புலனாய்வுத்துறையின் ஆள், முகவராம் வெளிவேலைக்கான முகவாரம். அம்மா இப்போது மாறி விட்டா. முன்பு குடும்பம் அயலவர் என்று எல்லா இடமும் செய்தி சொல்லி மருத்துவமனை சென்று வருபவர். இப்போது சுருக்கமாக வேறெங்கோ தனியாகப் போய்வரத்தொடங்கிவிட்டா. மருத்துவமனை போய்வர நேரம் இருக்குதோ இல்லையோ அம்மா இப்ப அங்கை எல்லாம் போய்வரக்கூடாதம். மருத்துவமனை என்றில்லை. இயக்கம் இருக்கிற இடம் ஒன்றுக்கும் போய் வரவும் கூடாதாம்.இயக்கத்திற்கு ஆதரவாக கதைக்கக் கூடாதாம். அம்மாவுக்கு தன்னையே நம்ப முடியாதபடி ஆச்சிரியம் கலந்த பெருமை சி.ஜ.ஏ, கே.ஜி.பி மொசாட் என்று புலனாய்வு அமைப்புக்களை பட்டியலிடுவதுடன் எங்கட வேலைத்திட்டம் என்று ஏதோ விளக்கங்கள். அம்மாவுக்கு எதுவெது விளங்குகிறதோ? இல்லையோ? மனதுக்குள் குறுகுறுவென்று ஆர்வ முனைப்பு. அம்மாவுக்குள் இப்போது வேறொரு உலகம் அறிமுகம் செய்யப்பட்டு விட்டது. அவர் இப்போது இன்னொரு ஆளாகவும் செயற்படக் கூடியவராக ஆகிவிட்டார். தலைநகர் அதிர்ந்தது” தற்கொலையாளி அடையாளம் காணப்பட்டார் ‘புலிகளைத் தேடி வலைவிரிப்பு” சூத்திரதாரி தலைமறைவு” அடையாளம் காணப்பட்டவரின் பெயர் போலியானதென பொலிசார் தெரிவிப்பு” உலகமே செய்திகளை வியப்புடன் நோக்கும். சூழ உள்ள சுற்றத்தினரும் கூட தங்களுக்கு எல்லாம் தெரியும் என்பது போல செய்திகளும் கற்பனைகளுமாக கதைகதையாய் பீற்றித்திரிவார். எல்லாவற்றையும் அமைதியாக அமத்தலாக பார்த்தபடி பட்டுக்கொள்ளாமல் இருப்பா அம்மா. ஆக, அம்மாவுக்குள் இப்போ வேறொரு உலகம் அறிமுகம் செய்யப்பட்டுவிட்டது. அவ்வப்போது வந்து அன்பு மகனை பார்த்துக்கொள்வது தவிர மற்றும்படி எவ்வளவோ மாறிப்போனா அம்மா. ***** இதற்கிடையில் அம்மாவுடன் மகனுக்கு சரியான கோபமாம். அம்மாவின் அக்கா பெரியம்மா – மூலமாக செய்தியனுப்பியிருந்தான்.’ இட இவர் பெரிய மனுசானாகி இப்ப இவருக்கு கோபமும் வருமே” என செல்லமாய் சொல்லிவிட்டிருந்தா அம்மா. இவனது போராளி நண்பனொருவன் ஊர்ப்பக்கமாய் வந்தபோது’ சின்னதாய் ஒரு மூஸ் அடித்து அம்மாவிடம் போய் இவனது சுகநலன் சொல்லியுள்ளான். அவனுக்கு சாப்பாடு கொடுக்காமல் அனுப்பிவிட்டவவாம் அம்மா. போய்வந்தவன் குறையாகவோ இல்லை பகிடியாகவோ சொன்னானோ அல்லது அவன் சொல்லாமல்விட இவன்தான் கதைவிட்டு அறிந்தானோ என்னவோ? ஆளுக்கு சரியான கோபம். அம்மா வழமையில் அப்படியில்லை. எல்லோரையுயம்’ குறிப்பாக போராளிகளை” உபசரிப்பதில் அதுவும் சக்திக்கு மீறியே உபசரிப்பதில் முன்னிப்பவர்தான். அன்று அந்த ஏழைத்தாய்க்கு என்ன கஸ்ரமோ வசதிக்குறைவோ? வீம்புக்காக அம்மாவில் கோபம் போட்டாலும் அவ்வப்போது பெரியம்மாவின் வீடு வந்து’ அம்மாவில் இப்போதும் கோபம்தான்” என்று சொல்லிப் போவான். மகன் பெரியம்மா வீடு வந்து. அம்மாவில் கோபம் சொல்லி நிற்பதும். அம்மாவின் சமையல் வேலிக்குள்ளால் பயணித்துபெரியம்மா வீடு வந்து மகனிடம் சேர்வதும் நல்லதொரு நாடகம். அம்மாவின் கை மணம் தெரிந்தும் தெரியாதது போல நல்ல சாப்பாடு என பெரியம்மாவை புகழ்ந்து விட்டு போகும் பிள்ளையை வேலியால் பார்த்திருப்பா அம்மா. தான் பார்ப்பது தெரிந்தால் அவருக்கு இன்னும் எழுப்பமாய்ப் போய்விடும் என அம்மா, மறைவாய் நின்று சிரிப்பது தெரியாமல் அம்மாவை தேடுவான் பிள்ளை. அன்றைய சுகமும் இன்றைய சோகமுமாய் ஆகிப்போன சின்னச்சின்ன ஞாபகங்கள் இப்படி எத்தனை? ****** காலம் கொஞ்சம் ஓடிப் போக மகன் இப்போது முதிர்ந்தவனாகி விட்டான். அம்மா எதிர்பார்க்க முடியாதபடி என் அவனே கூட எதிர்பார்க்காமல் பொறுப்புள்ளவனாகிப் போனான். இயக்கத்தின் ஆசிரியர் அணியொன்றின் உதவியாளன் என்பதும், அவ் ஆசிரியர் அணியுடனும் அவர்தம் பணியுடனும் அவனுக்கேற்பட்ட ஈடுபாடுமாக அவனைப் படிப்படியாக முதிர்ந்தவனாக ஆக்கிவிட்டதோ? சண்டை அணியில் நிற்கும் போது நண்பர்கள் செய்தது போல அவனும் கரும்புலி விண்ணப்பக் கடிதம் எழுதிக் காத்திருந்தது பழையகதை. இப்போது மொழிப்பெயர்ப்புத் திரைப்பட உருவாக்கற்பொறுப்பை கைமாற்றிக் கொடுத்து விட்டு, அவன் கரும்புலிக்கான அழைப்பை ஏற்றுக்கொண்டதே புதிய நிலை. அணிசேர்ப்பு, தொடர்வகுப்பு,கடும்பயிற்சி,எதிரியின் தலைநகர் அறிமுகமென தயார்படுத்தல்களுடன், தனிமைப்படுத்தப்பட்ட முகாம் வாழ்வுமாக மகனும் இப்போ வேறொரு உலகிற்கு மாறிப்போனான். ******** மகன் வழிதெருவில் எதிர்படாமல் போனதும், வழமைபோல தேடிப்போன இடத்தில் சரியான பதில் இல்லாது போனதும் அம்மாவுக்கு என்னவோ போலானது. காணாத மகனை தெருவில் கண்டபோது அவனது புதிய கூட்டாளிகளும், வழமையல்லாத நடை, உடை,பாவனையும் அம்மாவுக்கு எதையெதையோ எண்ணவும் வைத்தது. அம்மாவும் இப்போதும் பழைய அப்பாவி அம்மா இல்லையே. மகன் இவ்வழியில் கரும்புலியாய் தெரிவு செய்யப்பட்டுவிட அம்மா வெளிவேலைகளில் இருந்து நிறுத்தப்படுவது தவிர்க்க முடியாததாக ஆனது.’ தேவை ஏற்படும் போது அவசரமாக அழைக்கப்படுவீர்கள்” என்ற விளக்கத்தை அம்மாவால் முற்றாக நம்பவோ, புறக்கணிக்கவோ முடியவில்லை. தனக்கு கூறப்படுவது போலிக்காரணம் என்று தெரிந்தாலும் அதற்கு மேல் அம்மாவாலும் ஒன்றும் செய்யமுடியாமல் போக அம்மா, வழமையான அம்மாவாக வாழத்தொடங்கிவிட்டா. அம்மாவின் சந்தேகத்தை இன்னும் அதிகரிக்க அல்லது தீர்த்து வைக்க காரணமாக இன்னொரு செய்தியும் வந்து சேர்ந்தது. அம்மாவின் உறவுக்கார பெண்மணியொருவர் கொழும்பில் இருந்து வந்திருந்தார். மகனை கொழும்பில் கண்டதை அம்மாவுக்குச் சொன்னது மட்டுமின்றி, தன்னைக் கண்டதை அம்மாவுக்குச் சொல்ல வேண்டாமென்று அவன் சொன்னதையும் வலு கவனமாய் மறக்காமல் சொல்லிவிட்டுப் போனார். அம்மாவின் மனப்புதிர் மெல்ல மெல்ல விடுபட்டுப்போகும் காலத்தின் ஒரு நாளில்,’சொல்லாமல் கொள்ளாமல் திடுதிப்பென்று” வீடு வந்தான் மகன். பழைய கோபத்தை நினைவூட்டுவதும் செல்லம் கொஞ்சுவதுமாய், அதே பழைய மகனாய்……..ஒரே கொண்டாட்டம். வீடு நிறைந்து போனது. அப்பாவி அப்பாவுக்கும் அக்காளுக்கும், உறவுகளுக்கும் மகனது வீடு வருகையின் காரணம் தெரியாமல் ஒரே கொண்டாட்டம். அம்மாவுக்கு மட்டும் என்ன தெரியும்? ஒன்றுமே தெரியாதுதானே.’மகனது புதிய நடை, உடை பாவனையில்,வித்தியாசம் விளங்காது”‘அவன் கொழும்புக்கு போனதும் தெரியாது”‘அவனது அன்ரி வந்து ஒன்றுமே சொல்லவும் இல்லை” ஒரே மகிழ்ச்சி வீடு நிறைந்த மகிழ்ச்சி.. பிள்ளை ‘அம்மாவை தனக்கு சாப்பாடு ஊட்டி விடக்கேட்டது’ அம்மாவுக்கு நான் தான் தீத்துவேன் என்று கூறி உணவூட்டிவிட்டதும் ஏன் என்று வீட்டில் மற்றயோருக்குத் தெரியாது.’தம்பி இப்ப தான் செல்லம் கொஞ்சுது என்று அவர்கள் பரிகசித்து பேசும் போதும் அம்மா கண்ணீர் மறைத்து, முகம் சிரித்து,’உணர்வு மறைத்து உணவூட்டி…. வீட்டில் ஒரே சிரிப்பும் கொண்டாட்டமும் தான். அம்மாவுக்குத்தான் ஒன்றும் தெரியாதே. மகன் முகாம் திரும்ப முன்புபோல் அவசரப்படவும் இல்லை. எல்லோரிடமும் விளையாட்டும் , கதையுமாய் கொண்டாடி, உணவுண்டு, பாய்போட்டு நித்திரை கொண்டு அவன் முகாம் திரும்பும் வேளையில் அன்றைய பொழுது இரவைத் தொட்டுவிட்டிருந்தது. அன்று அவன் சொல்லிவிட்டுப் போனது போல தனயாக வரவில்லை அரை டசினுக்கு அதிகமான அவனது நண்பர்களால் வீடு மீண்டும் களைகட்டியது. அவனது அம்மா,அப்பா, அக்காக்கள், வந்திருந்த அனைவருக்கும் அம்மா, அப்பா,அக்கா ஆயினர். அத்தனை பிள்ளைகளும் மாறி மாறியும் ஒன்றாயும் அம்மா…..என்று உறவு சொல்லி அழைக்க வீடு களைகட்டியது. ஒன்றும் தெரியாத அப்பாவி அப்பாவும் அக்காக்களும் அவனது புதிய நண்பர்களின் உற்சாகத்தில் கரைந்து போயினர் அம்மாவும் தான். அவவுக்கும் தான் ஒன்றுமே தெரியாதே. அவவும் சேர்ந்து அந்த உற்சாகத்தில்…….. வந்திருந்த எல்லோருக்கும் தடல்புடலாய் சமையல், சாப்பாடு என்று வீடு அமர்க்களப்பட்டபோதும், குசினியும் முற்றமுமாய் பம்பரமாய் சுழன்ற போதும் அப்பாவி அப்பாக்கும் அக்காக்களுக்கும் ஒன்றுமே தெரியாதே…. அம்மாவுடன் வீடே வாசல் வரை வழியனுப்ப அவர்கள் புறப்பட்டு போயினர். ****** அவர்கள் விடைபெற்று போயினர். அந்தத்தாயின் வழியனுப்பலின் பின்னர் அவர்கள் தாயகத்திடமும் விடை பெற்றுப் போய்……போய் விட்டனர். நல்ல சூரியனின் பெயரால் கொடியோரின் ஆக்கிரமிப்புக் கதிர்கள் விலிகாமத்து மண்ணை சுட்டெரித்த காலத்தின் ஒரு பொழுதில் அவர்கள் எதிரியின் கோட்டைக்குள் புதுவரலாறு படைத்தனர். வீரமும் அர்பணிப்பும் மட்டுமன்றி மனிதாபிமான நிதானமும் நிறைந்த அவர்களது வெற்றிச் செய்தியால் உலகமே உறைந்து நின்ற வேளையில், தமிழீழத்து எல்லோரையும் போலவே அவனது குடும்பத்திலும் மகிழ்ச்சி வளிப்பாடுகள். ஆனால் அம்மா மனதில்?… ****** மகனது பொறுப்பாளர்களை அம்மா சந்திக்கும் அந்த நாள் வந்தேவிட்டது. மகன் எங்கே? என்பதற்கான வழமையயான பதில்கள் அம்மாவிடம் எடுபடாமல் போக, சந்திக்க வேண்டியது தவிர்க்க முடியாததாக ஆகிப்போனது. மனுசியின்ர வாயை முதலே அடைச்சுப்போட வேணும். கதைக்க விட்டால் தப்பேலாது” என்ற சிந்தனையில் மகன் நிற்குமிடம் அவனைச்சந்திப்பதில் உள்ள வசதிக் குறைவு…என பொருத்தமற்ற பொய்யான பதில்களுடன் பொருப்பாளர். ‘மகன் தூரத்தில்…., மட்டகளப்பில்…நிற்கிறான்…வர கொஞ்சம் காலம் செல்லும்” அம்மாவின் முன்னால் இரத்தம் நீராகிப்போன பொருபாளரின் வார்த்தைகள். அவரது உயிரற்ற வார்த்தைகளை மீறி அம்மாவின் உறுதியான கேள்வி. ‘எப்படி என்ர மகன் கடைசி வரைக்கும் சரியாக செயற்பட்டவனே………? ‘எனக்கு எல்லாம் தெரியும். நான் பெத்து வளத்த பெடியன் அவன் சொல்கிறது பொய் எண்டு எனக்குத் தெரியாதே” ‘உப்பிடி எத்தனை பொய்களை எனக்கு நீங்கள் சொல்லித்தந்திருப்பியள்” ‘வீட்ட வந்து அவன் நித்திரை கொள்ளேக்க அவன்ர பொக்கற்றுக்குள்ள பார்த்தன் வட்டுக்கோட்டை அடையாள அட்டை வச்சிருந்தவன்” என்ர பிள்ளை அம்மாவுக்கு சொல்லேலாதெண்டு எனக்குத் தெரியும். அதில நான் ஏதும் பிழை விட்டிடக்கூடாது என்று தான் நானும் அவனோடை ஒன்றும் கதைக்கேல்லை. ‘செய்தியை கேட்டுப்போட்டு அக்கா வீட்டை ஒடிப்போய் ரூபவாகினிதான் பார்த்தனான்” முகம் தெரியாததால ஒருதருக்கும் விளங்கேல்லை – பெத்ததாய் எனக்கு தெரியாமல் போகுமே. ‘றெயில் தண்டவாளத்துக்குப் பக்கத்துல கிடக்கிறான் என்ரபிள்ளை…” அடக்கி வைத்ததெல்லாம் வெடித்ததால் குமுறி அழும் அம்மாவிடம் சொல்ல வார்த்தைகள் இல்லை. உலகத்தில் உள்ள பொய்கள் எல்லாம் எங்கோ ஓடிப்போக விக்கித்து நினறவரிடம் அம்மா அந்த கடிதத்தைக் கொடுத்தா. தன் வீரச்சாவு வெளிப்படும் வேளையில் அம்மாவுக்கு கொடுக்கவென மகன் எழுதிய கடிதம். எங்கோ பிசகுப்பட்டு முன்கூட்டியே அம்மாவின் கையில். எண்ணற்ற தடவைகள் படிந்துறைந்த போன அந்தக் கடிதத்தில் அவன் எல்லாம் எழுதியிருந்தான். முத்தாய்ப்பான வரிகள்… உன் கடன் தீர்க்காமல் போகின்றேனம்மா. தமிழீழத்தில் அடுத்த பிறப்பில் உன் வயிற்றில் பிள்ளையாகவே என்னைப் பெற்றிடு அம்மா இப்பிறப்பில் தீர்க்காத உன் கடன் எல்லாம் அப்பிறப்பில் தீர்த்திடுவேன் அம்மா அம்மா தாயே உங்களை எமாற்ற உங்களின் பிள்ளைகள் நாங்கள் எத்தனை திட்டங்கள் போட்டோமம்மா. ஒன்றுமே கூறாது நீ நின்றதும் வென்றதும் எவ்வண்ணம் தாயே. தாயகத்தின் தாயே உங்களிடம் நாங்கள் தோற்றுத்தான் போனோமம்மா… ********* ஆசிரியரை பற்றி…. விடுதலைப்புலிகளின் முக்கியஸ்தரான பொட்டம்மான் பற்றி உலகத்திற்கு தெரிந்தவவைகளில் அனேகமானவை புனைவுகளே. புலனாய்வு நடவடிக்கை பணிப்பாளர்களின் துரதிஸ்டம் அவரையும் வாழ்கை முழுவதும் பிடித்திருந்தது. இயற்கையான தனது வெளிப்பாடுகளையும், உணர்வுகளையும் வெளிப்படுத்தும் சுதந்திரம் மட்டுப்பட்டிருந்தது. அவர் ஒரு படைப்பளியாகவும், தீவிர வாசகராகவும் இருந்தார் என்பது பலர் அறியாதது. வன்னியிலிருந்த வெளியான பத்திரிகைகளிலும், இலக்கிய சஞ்சிகைகளிலும் எப்பொழுதாவது எழுதிக்கொண்டிருந்தார். வெளிச்சம் சஞ்சிகையில் அவர் எழுதிய சில கதைகளில் இதுவும் ஒன்று. http://pagetamil.com/?p=5409
- 12 replies
கிருபன்

June 5, 201411 yr
Featured by மோகன்

November 5Nov 5
இது ஒரு தீபாவளிக் கதை: பாவம் நரகாசுரன் -பேராசிரியர் சி. மௌனகுரு
இது ஒரு தீபாவளிக் கதை: பாவம் நரகாசுரன் -பேராசிரியர் சி. மௌனகுரு

இது ஒரு தீபாவளிக் கதை: பாவம் நரகாசுரன் -பேராசிரியர் சி. மௌனகுரு நாளைக்குத் தீபாவளி. அடிக்கடி நண்பர்களும் மாணவர்களும் தொலைபேசியில் வாழ்த்துகளைத் தெரிவிக்கிறார்கள். அனைவரும் மகிழ்ச்சிகரமாக இருகிறார்கள் போலத் தெரிகிறது. கொண்டாட்டம் என்பது மகிழ்ச்சிதானே? மகிழ்ச்சியாக எல்லோரும் இருப்பதைத்தானே நாம் விரும்புகின்றோம். மட்டக்களப்பில் நான் பிறந்த காலங்களில், அதாவது 1940களில், இற்றைக்கு 77 வருடங்களுக்கு முன்னர், தீபாவளியை யாரும் கொண்டாடவில்லை. நாங்களும் வீட்டில் இதைக் கொண்டாடியதாக ஞாபகம் இல்லை. எமக்கு அன்று கொண்டாட்டம், சித்திரை மாதப் புதுவருடம் தான். அன்று தான் எங்கள் வீட்டில் பலகாரம் சுடுவார்கள். முதல் நாளிரவு நான்கைந்து குடும்பங்கள் சேர்ந்து பலகாரம் சுட்டு, அதனைத் தமக்குள் பகிர்ந்து கொள்வார்கள். குடும்பங்களின் விழா அது; கிராமங்களின் விழா அது புது உடுப்புகளை, காலையில் முதலில் தென்னம்பிள்ளைகளுக்கு உடுத்திவிடச் சொல்லுவார் அம்மா. தென்னம்பிள்ளைகள் அணிந்த உடுப்பைத்தான் நாம் பின்னர் அணிவோம். இயற்கையை நேசித்த மனிதர்கள்; அன்றைய சித்திரை நாள், எங்களுக்குப் பெரும் கொண்டாட்ட நாள். தைப்பொங்கலும் கொண்டாட்ட நாள்தான். அதனை விவசாயிகள் கொண்டாடுவர். ஏனையோரும் வீட்டில் பொங்கி மகிழ்வர். ஆனால், சித்திரை வருடமளவுக்கு அது, அன்று பெரும் கொண்டாட்டமில்லை. சின்னவயதில் தமிழ்நாட்டிலிருந்து கல்கி தீபாவளி ஆண்டுமலர், ஆனந்தவிகடன் தீபாவளி ஆண்டுமலர் எனச் சில மலர்கள் வரும். அவற்றின் மூலம்தான் தமிழகத் தீபாவளி எமக்கு அறிமுகமாகியதாக ஞாபகம். அதன்மூலம்தான் தலைத்தீபாவளி, கங்காஸ்னானம், அத்திம்பேர், தீபாவளிச்சீடை முறுக்கு, குடும்பிவைத்து பூணூல் போட்ட தாத்தாமார், மடிசார் வைத்த பெண்கள் எனப் பல தீபாவளி சார்ந்த சமாச்சாரங்கள் சிறுவயது மனதில் படிய ஆரம்பித்தன. தீபாவளிச் சிறுகதைகள் வேறு, இவற்றை மனதில் அழுத்தின. நரகாசுரனைச் சத்தியபாமா துணையுடன் கிருஸ்ண பகவான் அழித்த கதையும் எம்மனதில் வேரூன்றியது. சற்றுவளர்ந்த பின்னர், 15ஆவது வயதில் திராவிடக் கழகக் கருத்துகளுக்கு அறிமுகமானபோது, நரகாசுரன் என்ற திராவிட குலத் தலைவனை, ஆரியனாகிய கண்ணன் அழித்த கதை எமக்கு அறிமுகமானது. நரகாசுரன் என்பவன் நரன்; அதாவது மனிதன். அசுர என்பதன் அர்த்தம், சுரன் அல்லாதவன். சுரர் என்றால் தேவர். தேவர்கள் என அழைக்கப்பட்ட ஆரியர்கள், சுரபானம் எனும் மதுவை அருந்தியதால் சுரர் என அழைக்கப்பட்டனர். திராவிடர்கள் ஒழுக்க சீலர்கள்; மதுஅருந்தாதோர். ஆகவே, அசுரர் என்றால் சுரம் அருந்தாதோர் என்பது அர்த்தம் (அ+ சுரம்) என்ற விளக்கங்களைத் திராவிடக்கழக நூல்கள் தந்தபோது, இளைஞரான நாம் அதனால் ஈர்க்கப்பட்டோம். இவற்றையெல்லாம் தாண்டி, மெல்லமெல்ல தமிழகத் தீபாவளி, தமிழ்ப் பண்பாட்டுக்குள் புகத்தொடங்கி, சித்திரை வருடத்துக்கு அடுத்த பெரும் கொண்டாட்டமாக இடம்பெறலாயிற்று. 1960களில் பேராதனைப் பல்கலைக்கழகத்தில் படித்துக் கொண்டிருந்த காலத்தில், எமக்கு தமிழ் இலக்கியங்கள், இலக்கணங்கள், சமணப் புலவர்களின் தனிப்பாடல்கள் என்பன அறிமுகமாகின. அவர்கள் பிராமண மதத்துக்கும் வைதீக மதத்துக்கும் எதிரானவர்கள்; நால்வகைப் வருணப் பாகுபாட்டை விரும்பாதவர்கள்; மக்கள்பால் நின்றவர்கள்; தமிழ்நாட்டில் பெரும் தாக்கத்தை அன்று எற்படுத்தியவர்கள் என்ற விவரங்களும் சமணத் தலைவரான மகாவீரர், ஸ்தாபித்த சமணமதம் அதன் தத்துவங்கள் என்பனவும் அறிமுகமாகின. இவற்றை எமக்கு அறிமுகம் செய்தவர்கள் பேராசிரியர்களான கணபதிப்பிள்ளை, வித்தியானந்தன், கைலாசபதி, வேலுப்பிள்ளை ஆகியோராவர். கைலாசபதி வகுப்பில் தொடர்ச்சியாகச் சமண தத்துவத்தை எமக்கு விளக்கினார். வேலுப்பிள்ளையும் தமிழ்ச் சமணம், தமிழ்ப் பௌத்தம் பற்றி ஆராய்ந்து எமக்குக் கூறினார். இதன் காரணமாக, சமண மகாஞானியான மகாவீரர் மீது ஒரு மதிப்பு உண்டானது. பேராசிரியர் கணபதிப்பிள்ளையின் வகுப்புகள் வெகுசுவராஸ்யமானவை. சிரித்துக்கொண்டு கதையோடு கதையாகப் பல ஆழமான விடயங்களை எளிமையாகக் கூறிசெல்வார். ஒருநாள், அவர் எங்களுக்குப் படிப்பித்துக் கொண்டிருக்கையில், “உந்தத் தீபாவளி எப்படி வந்தது என்று தெரியுமோடா”? என்று கேட்டார். நாங்கள் நரகாசுரன் கதையைக் கூறினோம். “அதெல்லாம் புழுகடா. சமண மதத்தின் தலைவரான மகாவீரர் சமாதி அடைந்த நாளை நினைவு கூரப் பல தீபங்களை ஏற்றி வைத்து, சமணர் கொண்டாடிய சமண விழாவை, சைவர்கள் தம்வசப்படுத்திக்கொண்ட கதை தாண்டா தீபாவளி. அதற்காக உருவாக்கப்பட்ட கதைதான் நரகாசுரன்கதை” என்றார். சைவம், சமண மதத்திலிருந்து பல விடயங்களைத் தன்வயப்படுத்திச் சைவமாக்கிக் கொண்டது என்பதற்கு நிறைய உதாரணங்கள் கூறி, இதுவும் அதில் ஒன்றடா என்றார். எங்களுக்கு வியப்பு அதிகமாயிற்று. தீபாவளியின் மூலம் பற்றி பேராசிரியர் வேலுப்பிள்ளை கூட, தனது நூலில் ஒரு கட்டுரை எழுதியமை ஞாபகம் வருகிறது. காலங்கள் பல கடந்து விட்டன.... இன்று 2020ஆம் ஆண்டு, இன்று, வடக்கு-கிழக்கு தமிழர் பிரதேசங்களில் தீபாவளி பெரும் கொண்டாட்டம். நரகாசுரனை அழித்த கதை, பாடசாலைகளிலும் சமயச் சொற்பொழிவுகளிலும் சர்வசாதாரணமாகச் சொல்லப்படுவதாயிற்று. அரசியல்வாதிகளும் ஆட்சியதிகாரத்தில் உள்ள பெரும்தலைவர்களும் சமயத் தலைவர்களும் நரகாசுரன் ஒழிந்த நாள் என்றே மக்களுக்கு வாழ்த்துத் தெரிவிக்கின்றனர். நரகாசுரனுடன் தீபாவளி இணைக்கப்பட்டுவிட்டது; பெரும் சமயக் கொண்டாட்டம் ஆகிவிட்டது. இக்கொண்டாட்டத்தை இனி மக்களிடமிருந்து பிரித்துவிட முடியாது. காரணங்கள் பல; ஒன்று, இது ஒரு பெரும் சமய விழாவாகி விட்டது. இரண்டு, இது ஒரு பெரும் கொண்டாடமாகிவிட்டது. கொண்டாட்டம் ஆனமையால் மக்கள் கூடுதல், அதனால் கிடைக்கும் பெருமகிழ்ச்ச்சி, ஒருவருக்கொருவர் மகிழ்ச்சி தெரிவித்தல் என்ற மனிதகுலம் விரும்பும் அடிமனநல்லியல்புகள் இதில் உள்ளன. மூன்று, பெரும் வணிக நிறுவனங்களின் இலாபம், இக்கொண்டாட்டத்தில் அடங்கியுள்ளது. உடுப்புகள், பட்டாசு, பலகார வகைகளுக்கான மூலப்பொருள் வியாபாரம் என்பன இதில் அடங்கும். நான்கு, கோவில் வருமானம், பூசகர் வருமானம் என்பன இன்னொருபுறம் உள்ளன. ஐந்து, பத்திரிகைகளின் தீபாவளிமலர் வருமானம், மற்றொரு புறம் உள்ளது. ஆறு, தொலைக்காட்சி போன்ற ஊடகங்களின் இடைவிடாத கருத்தேற்றமும் அவை, அவற்றால் அடையும் பெருவருமானமும் இன்னொரு புறம் உள்ளது. ஏழு, அதனை விரும்பி ஏற்றுப் புகழ்பெறச் செல்லும் நமது கலைஞர்களும் அறிஞர்களும் இன்னொரு புறம் பெருவாரியாகக் காணப்படுகின்றார்கள். எனவே, தீபாவளியைக் கொண்டாட வேண்டாம் என எப்படிச் சொன்னாலும் அக்கொண்டாட்டத்தை இலகுவில் போக்கிவிட முடியாது. அது, இந்து மக்கள் கொண்டாட்டமாகி விட்டது. கொண்டாட்டங்களை மிகவும் வரவேற்கும் பின் நவீன சிந்தனையாளர்களை நாம் காண்கிறோம். மக்கள் இணைகிறார்கள்; மக்கள் மகிழ்கிறார்கள் என அவர்கள் கொண்டாட்டங்களுக்கு ஒரு புது வியாக்கியானம் அளிக்கிறார்கள். ஆனால், கொண்டாட்டங்களுக்குப் பின்னால் மறைந்து கிடக்கும் சுரண்டலையும் பேதங்களையும் மறக்க வைக்கும் போதைநிலையையும் அவர்கள் தோலுரித்துக் காட்டுவதில்லை. தீபாவளியைக் கட்டுடைத்துப் பார்க்கலாம்; அதன் அதிகாரம் எங்கிருக்கிறது என்று பார்க்கலாம்; தீபாவளிக் கதை கூறும் நரகாசுரன் கதைப் பிரதியைக் கட்டுடைத்துப் பார்க்கலாம். இவை யாவும் ஒரு புலமைத்துவ இன்பப்பயிற்சியுமாகும் (Intelectual pleasure excersise). தீபாவளி அன்றுபோல் இன்றில்லை. நிறைய மாறி விட்டிருக்கிறது. இன்னும் மாறும்; இடையில் வந்து மாட்டிக்கொண்டான் நரகாசுரன்; பாவம் நரகாசுரன். அவனுக்கு ஆழ்ந்த அனுதாபங்கள். http://www.tamilmirror.lk/சிறப்பு-கட்டுரைகள்/இது-ஒரு-தீபாவளிக்-கதை-பாவம்-நரகாசுரன்/91-258874
- 2 replies
கிருபன்

November 14, 20205 yr
Featured by மோகன்

October 18Oct 18

View All

Sign In

கங்காருகளிடம் அகப்பட்ட சுமந்திரன்

Featured Replies

சுமந்திரனின் பதில் என்ன? - யதீந்திரா

வெசாக் தினத்தை முன்னிட்டு 484 கைதிகள் விடுதலை... (இது சிங்களவனுக்கு.) இதைக் கூட சம் சும் கும்பல் செய்ய முடியல்ல.

வெசாக் தினத்தை முன்னிட்டு 484 கைதிகள் விடுதலை... (இது சிங்களவனுக்கு.) இதைக் கூட சம் சும் கும்பல் செய்ய முடியல்ல.

Archived

Tell a friend

Topics

சீனாவின் மலிவான இறக்குமதி - பிரித்தானியாவில் பணவீக்கம் குறைய வாய்ப்பு

யாழ் கள T20 உலகக் கிண்ண கிரிக்கெட் போட்டி - 2026

யேர்மனியின் Gelsenkirchen நகரத்தில் கிறிஸ்துமஸ் விடுமுறையில் வங்கிக் கொள்ளை

மகேந்திர படேல்-கரோலின் மில்லர்-வால்மார்ட் கடத்தல் குற்றச்சாட்டு.

முன்னாள் அமைச்சர் டக்ளஸ் தேவானந்தா கைது!

Posts

சீனாவின் மலிவான இறக்குமதி - பிரித்தானியாவில் பணவீக்கம் குறைய வாய்ப்பு

யாழ் கள T20 உலகக் கிண்ண கிரிக்கெட் போட்டி - 2026

யேர்மனியின் Gelsenkirchen நகரத்தில் கிறிஸ்துமஸ் விடுமுறையில் வங்கிக் கொள்ளை

மகேந்திர படேல்-கரோலின் மில்லர்-வால்மார்ட் கடத்தல் குற்றச்சாட்டு.

யேர்மனியின் Gelsenkirchen நகரத்தில் கிறிஸ்துமஸ் விடுமுறையில் வங்கிக் கொள்ளை

Featured Content

ஈழத்தமிழர் மீதான இனவழிப்புப் போரில் எனது தனிப்பட்ட அனுபவங்கள்

சாத்தான் படை (IPKF)

🕯️ ஒவ்வொரு ஆன்மாவுக்கும் ஒரு தீபம் / “A Lamp for Every Soul”

தாயகத்தின் தாய் – ச.பொட்டு

இது ஒரு தீபாவளிக் கதை: பாவம் நரகாசுரன் -பேராசிரியர் சி. மௌனகுரு

Important Information

Account

Navigation

Search

Configure browser push notifications

Chrome (Android)

Chrome (Desktop)

Safari (iOS 16.4+)

Safari (macOS)

Edge (Android)

Edge (Desktop)

Firefox (Android)

Firefox (Desktop)