டி.ராஜேந்தருக்கு புற்றுநோய்: டாக்டர்கள் அவசர ஆலோசனை!

[கிருபன்]

டி.ராஜேந்தருக்கு புற்றுநோய்: டாக்டர்கள் அவசர ஆலோசனை!

மின்னம்பலம்2022-05-24

உடல்நலக் குறைவு காரணமாக ராமச்சந்திரா மருத்துவமனையில் சிகிச்சை பெற்று வரும் டி.ராஜேந்தரை மேல் சிகிச்சைக்காக அமெரிக்கா அழைத்து செல்ல அவசர ஆலோசனை நடந்து வருகிறது.

தமிழ் திரையுலகில் தனக்கென தனி அடையாளத்தையும், ரசிகர்கள் பட்டாளத்தையும் கொண்டவர் டி.ராஜேந்தர். நடிப்பு, இசை, இயக்கம் என பன்முகத் தன்மை கொண்டவர். தீவிரமாக அரசியல் களத்தில் குதித்த டி.ராஜேந்தர் தமிழ்நாடு எங்கும் திமுகவிற்காக தேர்தல் பிரச்சாரம் செய்தவர். திமுகவில் சட்டமன்ற உறுப்பினராகவும் இருந்தவர். லட்சிய திமுகவை உருவாக்கி தலைவராக செயல்படுகிறார்.

இவ்வாறு பல துறைகளிலும் போராடி தனக்கென தனி இடத்தை பிடித்த டி.ராஜேந்தர், மது, சிகரெட் என எதையும் தொடாமல் தனி மனித ஒழுக்கத்திலும் சிறந்தவர்.

இரண்டு நாட்களுக்கு முன்பு டி.ராஜேந்தருக்கு திடீரென நெஞ்சில் வலி ஏற்பட்டது. உடனடியாக குளோபல் மருத்துவமனையில் அனுமதிக்கப்பட்டார். சிகிச்சை பெற்று வந்த டி.ராஜேந்தர் ரத்த சோகையால் சோர்வுடனே காணப்பட்டார். வயிறு வலியும் ஏற்பட்டது. தொடர்ந்து உடல் நலம் பாதிக்கப்படவே ராமச்சந்திரா மருத்துவமனைக்கு மாற்றப்பட்டார்.

ஐசியுவில் தீவிர சிகிச்சை பெற்று வரும் டி.ராஜேந்திருக்கு வயிறு தொடர்பான சிகிச்சையில் சிறப்பானவரான மருத்துவர் பாலசிங்கம் சிகிச்சை அளித்து வருகிறார். மருத்துவர் பாலசிங்கம், வயிற்று வலி உள்ளவர் நடந்து வரும் போதே அவருக்கு என்ன பாதிப்பு இருக்கிறது என்பதைக் கண்டறியும் அளவுக்கு மருத்துவத்தில் நிபுணத்துவம் பெற்றவர்.

இந்நிலையில் அவருடைய அறிவுறுத்தலின் பேரில் ஸ்கேன் எடுத்துப் பார்த்ததில் டி.ராஜேந்தருக்கு வயிற்றில் புற்றுநோய் பாதிப்பு இருப்பது உறுதி செய்யப்பட்டுள்ளது. ஏற்கனவே டி,ராஜேந்தருக்கு இதயத்தில் பிளாக் இருக்கும் நிலையில், தற்போது புற்றுநோயும் கண்டறியப்பட்டதால் அவருக்கு மேற்கொண்டு சிகிச்சை அளிப்பது தொடர்பாக மருத்துவர்கள் அவசர ஆலோசனையில் ஈடுபட்டு வருகின்றனர்.
 

 

https://minnambalam.com/politics/2022/05/24/20/T-Rajender-going-to-US-for-cancer-treatment

[தமிழ் சிறி]

தமிழையும், ஈழத்தையும் நேசிக்கும் அருமையான மனிதர்.
விரைவில் நலம் பெற பிரார்த்திக்கின்றோம். 🙏

[suvy]

நல்ல மனிதர்......நலம் பெற வேண்டுகிறேன்.......!  🙏

[புரட்சிகர தமிழ்தேசியன்]

விரைவில் நலம் பெற வேண்டும்.👍

[புலவர்]

தமிழ் உணர்வாளர் விரைவில் நலமடைய ஆண்டவனை வேண்டுகிறேன். 

[Ahasthiyan]

பூரண குணமடைய பிரார்த்திக்கின்றோம், நேர்மையான மனிதர், ஈழத்தை ஆழமாக நேசிக்கிறவர்.

[பசுவூர்க்கோபி]

மனித நேயமிக்க நல்ல மனிதர்.

சரஸ்வதித்தாயே அவர்நாக்கில் நின்று நடனமாடும் தமிழ் பேச்சாளர்.ஈழத்துக்கும்,தமிழுக்கும் அவர் பெரும் சொத்து.
நல் ஆரோக்கியத்துடன் மீண்டுவந்து பல்லாண்டு காலம் வாழ இறைவனைப் பிரார்த்திக்கின்றோம்.

[வாதவூரான்]

விரைவில் நலம் பெற வேண்டும்

[uthayakumar]

விரைவில் நலம் பெற வேண்டுகிறேன்🙏

[சுவைப்பிரியன்]

விரைவில் நலம் பெற வேண்டும்

[ஏராளன்]

TR ஐயா நலம்பெற வேண்டுகிறேன்.

[விசுகு]

எமது ரத்தம்  இவர்

வாழணும்

மீண்டு  வரணும்

நலம் பெற பிரார்த்திக்கின்றேன்

[குமாரசாமி]

நலம் பெற வேண்டுகின்றேன்.