6 hours ago, தமிழ் சிறி said:

பிள்ளையானுக்கு சட்டத்தரணியாக... உதய கம்மன்பில.

தமிழ் மக்களுக்கு எவ்வளவோ எதிர்ப்பான ஒரு இனவாதி உதய கம்மன்பில, பிள்ளையானுக்காக வாதாட வருகின்றார் என்றால்... பிள்ளையான் எவ்வளவு சீரழிவை தமிழனுக்கு ஏற்படுத்தி இருப்பார் என்று ஊகிக்கலாம்.

உண்மைகள் என்றாவது வெளிவரத்தானே போகின்றது.

5 hours ago, குமாரசாமி said:

உண்மைகள் என்றாவது வெளிவரத்தானே போகின்றது.

அப்போது அதுதான் உண்மை என்று கட்டிவைத்து அடித்து சொன்னாலும் யாரும் நம்ப போவதில்லை

ரஜனி தினகரணமே யை தாம்தான் சுட்டொம் இப்படி திடடம் வகுத்து இன்னார்தான் இந்த துப்பாக்கியால்தான் சுட்டொம் என்று அவர்களே எழுதிய போதுகூட இன்னமும் 90 வீதமானவர்கள் நம்புவதில்லை. அது புலிகள்தான் சுடடார்கள் என்று இந்த யாழ்களத்திலேயே 5-6 திரி ஓடி இருக்கிறது.

இனியும் அது முடியாது ...... தற்போதைய யாழ்களத்துக்கு ஒரு நோக்கம் இருக்கிறது என்றே எண்ணுகிறேன் அது நிறைவேற வேண்டும் என்றால் சின்னத்திரை நாடகங்கள்போல ரஜனி திரி இனியும் திறக்கப்படும் என்றே நம்புகிறேன்

On 10/4/2025 at 00:11, தமிழ் சிறி said:

பிள்ளையான் கைது செய்யப்பட்டமை வரவேற்கத்தக்கது - சாணக்கியன்.

இவரும் கைது செய்யப்படும் காலம் வரும் அதுவரை பிள்ளையான் கைதை வரவேற்று காத்திருக்கட்டும். விநாயக மூத்தி முரளிதரன், டக்ளஸ் இப்படி பட்டியல் நீளும்.

On 10/4/2025 at 07:24, nunavilan said:

எத்தனையோ சிங்களவர்கள் கைது செய்யப்பட வேண்டிய நிலையில் வியாழேந்திரனும் பிள்ளையானும் தான் கைது செய்யப்பட்டுள்ளனர்.

மஹிந்தா ரணில் உதயன் கம்மன்பில இப்படிப்பலர் சிக்குவார்கள். இவர்களில் இப்போ கைவைத்தால், அரசியல் பழிவாங்கல் என்று கூப்பாடு போடுவார்கள். அதையே வைத்து அனுதாப அலையில் உள்ளூராட்சி தேர்தலில் வெற்றிபெற பயன்படுத்துவார்கள். பிள்ளையான் இவர்களின் எடுப்பார்க்கைப்பிள்ளை, இவர் இப்போ எல்லோரையும் போட்டுக்கொடுக்கப்போகிறார், பிள்ளையானோ, முரளிதரனோ ஏன்? யாருக்காக கொலைகளை செய்தனர் என்பது விசாரணையில் வெளிவர, அதன்பின் வரிசையாக உள்ளே அழைக்கப்படுவார்கள். அதனாலேயே ரணில் அவரை சந்திக்க துடிக்கிறார். அப்போ ரணிலுக்கும் பிள்ளையான் கொலைகளுக்கும் தொடர்புண்டா? அல்லது மஹிந்த கூட்டத்திற்காக சென்றாரா? வழமையாக மஹிந்தாதான் இவர்களை சந்திக்க ஓடுவார், இவர் ஏன் குறுக்க ஓடுறார்? இவரே தனது நல்லாட்சிக்காலத்தில் அவரை கைது செய்து சிறையில் வைத்தவர்தானே? இப்போ என்ன அவ்வளவு அவசர சந்திப்பு வேண்டிக்கிடக்கு இவருக்கு? இவரும் போகத்தான் போகிறார் அப்போ சந்திக்கலாமே?

புலிகள் சிறுவர் படையினருக்கு ஆட்சேர்ப்பு செய்தனர் என்பதற்கு பிள்ளையான் வாழும் சாட்சி. . - உதய கம்மன்பில!

பிவித்துரு ஹெல உறுமயவின் தலைவரும் சட்டத்தரணியுமான உதய கம்மன்பில இன்று (16) பிவித்துரு ஹெல உறுமய கட்சியின் தலைமையகத்தில் ஊடகங்களுக்குக் கருத்துத் தெரிவிக்கையில்,

பிள்ளையான் என்றழைக்கப்படும் சிவநேசதுரை சந்திரகாந்தனை குற்றப் புலனாய்வுத் திணைக்களத்தில் சந்தித்தமை தொடர்பில் அவர் மேற்கண்டவாறு தெரிவித்தார்.

இன்று நான் நடத்தும் செய்தியாளர் சந்திப்பு என் வாழ்நாளில் நான் எதிர்பார்க்காத ஒன்று. நான் ஒரு அரசியல்வாதியாக பிள்ளையானைச் சந்திக்கவில்லை. ஒரு வழக்கறிஞராக. எனது அரசியல் வாழ்க்கையையும் தொழில் வாழ்க்கையையும் தனித்தனியாக வைத்திருக்கிறேன். அதனால் தான் சி.ஐ.டி.க்கு செல்வதற்கு முன்னரோ பின்னரோ ஊடகங்களுக்கு இதுபற்றி கூறவில்லை. பிள்ளையானை நான் சந்தித்ததாக ஊடகங்களுக்கு கூற வேண்டாம் என குற்றப் புலனாய்வுப் பிரிவின் நிர்வாக அதிகாரி என்னிடம் கோரிக்கை விடுத்தார். அப்போதும், “பயப்படாதே.. எனக்கு வக்கீல்களின் நெறிமுறைகள் தெரியும்” என்றேன். ஆனால், வரலாற்றில் இதுவரை கண்டிராத வகையில் காவல்துறை அரசியலாக்கப்படுகிறது என்பதற்கு அடுத்து நடந்தவை சிறந்த உதாரணம்.

நான் சிஐடிக்குள் இருந்தபோது, சமூக ஊடகப் பயனாளிகள் நான் இருப்பதைப் பற்றி ஏற்கனவே தகவ‌ல்களை வெளியிட்டனர். இதேவேளை, குற்றப் புலனாய்வுப் பிரிவின் சப்-இன்ஸ்பெக்டரான ஏ.எல்.எம்.பாஹிமும் எனது வருகை குறித்து சமூக வலைதளங்களில் தனது கருத்தைப் பதிவிட்டுள்ளார். இதற்கு முன்பு காவல்துறை அதிகாரிகள் இப்படி நடந்து கொண்டார்களா? கைதியின் வக்கீல் யார், அவரைப் பார்க்க வந்தவர்கள் யார் போன்ற உண்மைகள் இதற்கு முன் இதுவரை பதிவாகியதில்லை. பிரதிப் பொலிஸ் மா அதிபர் ஒருவர் சமூக ஊடகங்களுக்கு தகவல்களை பணத்திற்காக விற்பனை செய்வதாக எமக்கு தகவல் கிடைத்துள்ளது. எனவே, தெரிவு செய்யப்பட்ட சமூக ஊடகங்கள் மட்டும் எவ்வாறு CID தகவல்களைப் பெறுகின்றன என்பது குறித்து உடனடி விசாரணை ஆரம்பிக்கப்பட வேண்டும். அப்போதுதான் இந்த மோசடியை அம்பலப்படுத்த முடியும்.

அது மட்டுமல்ல. பிள்ளையானின் அறிக்கையில் உள்ளடங்கிய பல்வேறு உண்மைகள் சமூக வலைத்தளங்களில் பதிவாகி வருகின்றன. நாட்டிற்கு ஏதாவது அறிவிக்க வேண்டும் என்றால், பொலிஸ் ஊடகப் பேச்சாளர் தாம் தெரிவு செய்த ஊடகங்களுக்கு மட்டுமன்றி அனைத்து ஊடகங்களுக்கும் ஒரேயடியாகச் சொல்லிவிடுவார் என்பதுதான் இதற்கு முன் நடந்தது. ஆனால் நான் இன்று இந்த ஊடகவியலாளர் மாநாட்டை நடத்த வேண்டியிருந்தது, ஏனெனில் நான் பிள்ளையானுடனான சந்திப்புக்கு ஊடகங்கள் தொடர்ந்து என்னிடம் தகவல்களைக் கேட்கும் அளவுக்குப் பெரும் விளம்பரத்தை பொலிஸாரும் அரசாங்கமும் கொடுத்தார்கள்.

கிழக்கு மாகாண முன்னாள் முதலமைச்சர் பிள்ளையான் எனப்படும் சிவநேசதுரை சந்திரகாந்தனை அப்பட்டமாக நாட்டின் சட்டத்தை மீறி அரச தலைவர்கள் கைது செய்து தடுத்து வைத்துள்ளனர். பயங்கரவாதத் தடைச் சட்டத்தின் கீழ் ஒருவர் கைது செய்யப்பட்டால், கைது செய்யப்பட்டதற்கான காரணத்தைக் குறிப்பிடும் ஆவணம் உறவினர்களிடம் ஒப்படைக்கப்பட வேண்டும். செய்யவில்லை. மேலும், வழக்குரைஞர் ஒருவர் அவருடன் விவாதிக்க வாய்ப்பு கோரினால், அவருக்கு அது வழங்கப்பட வேண்டும். அதுவும் நிராகரிக்கப்பட்டது. மேலும், அவர்களது குடும்பத்தினர் மற்றும் உறவினர்களுடன் பேசுவதற்கு அவர்களுக்கு வாய்ப்பு வழங்கப்பட வேண்டும் என்றாலும், அவர்கள் செய்யவில்லை.

பிள்ளையானின் சட்டத்தரணி எனது நண்பர். ஏப்ரல் 9 ஆம் திகதி பிள்ளையானைப் பார்ப்பதற்கு அவரது இளைய சட்டத்தரணி ஒருவர் அனுமதி கோரிய போதிலும், குற்றப் புலனாய்வுப் பிரிவினர் அதனை மறுத்துள்ளனர். அதுபற்றி என்னிடம் கூறியபோது, கடந்த 12ஆம் திகதி பிள்ளையானின் உறவினர்களை எனது அலுவலகத்திற்கு வரவழைத்து அவர்களிடம் பேசி தகவல்களை பெற்றுக்கொண்டேன். அதன்படி குற்றப் புலனாய்வு திணைக்கள பணிப்பாளருடன் தொலைபேசியில் பேசி பிள்ளையானின் சட்டத்தரணி அல்லது உறவினர்களை பிள்ளையானுடன் பேச அனுமதிக்கவில்லை. எவ்வாறாயினும், பயங்கரவாதத் தடைச் சட்டத்தின் 10ஏ(1) பிரிவின்படி கைதியைச் சந்திப்பதற்கான உரிமை சட்டத்தரணிக்கும், 10ஏ(2) பிரிவின்படி உறவினர்களுடன் பேசுவதற்கும் உரிமை வழங்கப்பட்டுள்ளது என சுட்டிக்காட்டப்பட்டது. என்று கூறிய அவர், நான் இப்போது பிள்ளையானின் சட்டத்தரணி என்றும் அவருடன் பேச சந்தர்ப்பம் வேண்டும் என்றும் கூறினார். எழுத்துப்பூர்வமாக கோரிக்கை வைத்தால், உயர் அதிகாரிகளிடம் தெரிவித்து முடிவெடுப்பதாக இயக்குனர் கூறினார்.

உரிய சட்ட விதிகளை மேற்கோள் காட்டி எழுத்துப்பூர்வமாக கோரிக்கை விடுத்தேன். கோரிக்கையை முன்வைத்த மூன்று மணி நேரத்திற்குள், ஏப்ரல் 13 ஆம் தேதி காலை 10 மணிக்கு சிஐடிக்கு வருமாறு இயக்குனர் என்னை அறிவித்தார். நான் தொலைபேசியில் பேசிய உடனேயே என்னுடன் பேசியதற்காகவும், எனது எழுத்துப்பூர்வ கோரிக்கைக்கு அவர் உடனடியாக பதிலளித்ததற்காகவும் சிஐடியின் இயக்குநருக்கு நன்றி தெரிவிக்க விரும்புகிறேன்.

பிள்ளையானுடன் சுமார் 30 நிமிடங்கள் பேசினேன். நான் பேசும்போது, நான்கு போலீஸ் அதிகாரிகள், எல்லாவற்றையும் கேட்டுக் கொண்டிருந்தார்கள். ஒருவர் சொன்னதை எழுதினேன். பொதுவாக, ஒரு சந்தேக நபருக்கும் அவரது வழக்கறிஞருக்கும் இடையிலான விவாதங்கள் இரகசியமாக இருக்க வேண்டும். என்று நான் சுட்டிக்காட்டிய போதும், பொலிஸ் அதிகாரிகள் அங்கேயே இருந்தனர். ஆனால் அங்கு இருந்து, இப்போது நான் சொல்வதற்கு நான்கு சாட்சிகள் உள்ளனர்.

கண்ணீருடன் பிள்ளையான் என்னிடம் கூறினார், “நான் புலிகளிடம் இருந்து பிரிந்து புலிகளை தோற்கடிக்க உயிரை பணயம் வைத்தேன், புலிகளின் பக்கம் நின்று போராடியவர்களில் சிலர் இன்று பாராளுமன்ற உறுப்பினர்களாக உள்ளனர், சிலர் வெற்றிகரமான வியாபாரிகள், சிலர் என்.ஜி.ஓ தலைவர்கள். நான் நாட்டைக் காப்பாற்ற உதவி செய்தாலும், என்னை இப்படித்தான் நடத்துகிறார்கள்.

சமூக வலைதளங்களில் எழுதும் சிறுமிகளுக்கும் சிறுவர்களுக்கும் பிள்ளையான் யார் என்று தெரியாது. அப்படியானால், இந்த நாட்டில் விடுதலைப் புலிகளின் பயங்கரவாதத்தை முடிவுக்குக் கொண்டு வருவதில் அவர் ஆற்றிய தீர்க்கமான பங்கிற்கு அவரை ஒரு தேசிய நாயகனாகவே கருத வேண்டும். கருணாவும் பிள்ளையானும் புலிகளை விட்டு வெளியேறி இராணுவத்தில் இணைந்த பின்னர் புலிகளின் முடிவு ஆரம்பமானது. யார் இந்த பிள்ளையான்?

பிள்ளையான் 14 வயதில் புலிகளால் வலுக்கட்டாயமாக ஆட்சேர்ப்பு செய்யப்பட்ட ஒரு சிறார் சிப்பாய். புலிகள் சிறுவர் படையினரை ஆட்சேர்ப்பு செய்தனர் என்பதற்கு பிள்ளையான் வாழும் சாட்சி. பிள்ளையானைப் போலவே கிழக்குப் புலிகளின் தலைவர் கருணா அம்மானும் திறமையான போராளிகள் எமது இராணுவத்தினருக்குத் தலைவலியாக மாறியுள்ளனர். ஒவ்வொரு முறையும் புலிகள் வடக்கில் போர்வீரர்களுடன் போரிட்டு தோற்கடிக்கப்பட்டதாகத் தோன்றிய போதெல்லாம் கிழக்குப் புலிகள் புலிகளைக் காப்பாற்ற வடக்கிற்கு வந்தனர். அந்த கிழக்குப் புலித் தலைவர்களான கருணாவும் பிள்ளையானும் ஆறாயிரம் பயங்கரவாதிகளுடன் 2003 இல் விடுதலைப் புலிகள் அமைப்பிலிருந்து வெளியேறினர்.

பிள்ளையான் கடைசி வரை இராணுவத்தின் இரத்தத்தை பிச்சையெடுத்து, போரில் தோற்றபோது சரணடைந்த புலியல்ல. விடுதலைப் புலிகளைக் கைவிட்டு, பிரிவினைவாதத்திற்கும் பயங்கரவாதத்திற்கும் எதிராக உயிரைப் பணயம் வைத்து எமது இராணுவத்துடன் நாட்டுக்காகப் போராடிய உண்மையான தேசப்பற்றாளர்.

2006ஆம் ஆண்டு பிள்ளையான் இராணுவத்துடன் புலிகளுக்கு எதிராகப் போரிட்டுக் கொண்டிருந்த போது, அந்தப் பிரதேசம் தெரியாத வடக்கிலிருந்து வந்த பயங்கரவாதிகளால் புலிகளுக்காகப் போரிட்டனர். எனவே கிழக்கில் புலிகளின் பயங்கரவாதத்தை மிக இலகுவாக தோற்கடிக்க முடிந்தது. வடக்கில் நடந்த போர்களில் புலிகளுக்கு கிழக்கிலிருந்து கிடைத்த தீர்க்கமான ஆதரவு கிடைக்கவில்லை. அப்படியானால், பிள்ளையான் போன்றவர்கள் உயிரைப் பணயம் வைத்து நடத்திய போர்களினால்தான் நாம் இன்று அமைதியான நாட்டில் வாழ்கின்றோம்.

தமிழீழ விடுதலைப் புலிகளின் பயங்கரவாதத்தை முடிவுக்குக் கொண்டுவருவதில் பிள்ளையான் ஆற்றிய பங்கிற்காக தமிழ் பிரிவினைவாதிகள் அவருக்கு விரோதமாக உள்ளனர். அவரை அழிப்பது பிரிவினைவாதிகளின் மிகப்பெரிய இலக்குகளில் ஒன்றாகும். எனவே தேசிய மக்கள் சக்தியின் ஊடாக பிரிவினைவாதிகளால் பிள்ளையானை தண்டிக்கும் சதி ஆரம்பிக்கப்பட்டுள்ளது. 2015ஆம் ஆண்டு தேசிய மக்கள் சக்தியின் ஆதரவுடன் ஆட்சிக்கு வந்த அரசாங்கம் பிள்ளையானை ஐந்து வருடங்கள் தடுப்புக் காவலில் வைத்திருந்தது. அவருக்கு எதிராக போதிய ஆதாரம் இல்லை என நீதிமன்றம் தீர்ப்பளித்தது. தற்போது மீண்டும் பிள்ளையான் கைது செய்யப்பட்டுள்ளார். 2006 டிசம்பரில் கிழக்குப் பல்கலைக்கழகத்தின் அப்போதைய துணைவேந்தர் பேராசிரியர் சுப்பிரமணியம் ரவீந்திரநாத் காணாமல் போனமை அவருக்கு எதிரான குற்றச்சாட்டாகும். இது தொடர்பாக பிள்ளையானுக்கு எதிராக 2025 ஆம் ஆண்டு ஜனவரி மாதம் வரையில் அதாவது 18 வருடங்களுக்குப் பின்னர் குற்றச்சாட்டுக்கள் எதுவும் இருக்காது. 2025 ஜனவரியில் பிரதியமைச்சர் அருண் ஹேமச்சந்திரனின் உறவினர் ஒருவர் CID க்கு திடீரென வழங்கிய சாட்சியங்களின் அடிப்படையில் இந்தக் கைது செய்யப்பட்டுள்ளது. கடந்த 8ஆம் திகதி கைதுசெய்யப்படும் வரையில் தான் ஒரு துணைவேந்தர் காணாமல் போனதாகக் குற்றம் சுமத்தப்பட்டமை கூட பிள்ளையானுக்குத் தெரியாது.

2006ஆம் ஆண்டு டிசம்பர் மாதம் 16ஆம் திகதி கொழும்பில் துணைவேந்தர் காணாமல் போனார்.அன்று பிள்ளையான் எங்கே என்று அவரிடம் கேட்டேன். அப்போது அவர் கூறுகையில், அன்றைய தினம் குறித்து எனக்கு குறிப்பிட்ட ஞாபகம் இல்லையென்றாலும், அந்தக் காலத்தில்தான் கிழக்கில் விடுதலைப் புலிகளுடனான போர் மிக மோசமாக இருந்தது. அந்தப் போர் முழுவதும் புலிகளுக்கு எதிரான கருணா குழுவை நான் வழிநடத்தினேன். அதனால் மதுரு ஓயாவில் உள்ள எங்கள் முகாமை விட்டு வெளியேற எனக்கு நேரமில்லை. மாவில் ஆறிலிருந்து கிழக்கு நடவடிக்கைகள் ஜூலை 26, 2006 இல் தொடங்கியது. கிழக்கு நடவடிக்கைகள் ஜூலை 11, 2007 அன்று தொப்பிகலைக் கைப்பற்றியதன் மூலம் முடிவுக்கு வந்தது. அதன்படி, கிழக்கில் சண்டை உச்சக்கட்டத்தில் இந்தச் சம்பவம் நிகழ்ந்தது என்ற கதை உண்மைதான்.

இந்த காணாமல் போன சம்பவத்தில் பிள்ளையானுக்கு தொடர்பு இருக்கிறதா இல்லையா என்ற கேள்வி ஒருபுறம் இருக்கட்டும். புலித் தலைவர்கள் இப்போது நாடாளுமன்ற உறுப்பினர்களாக உள்ளனர். அர்ச்சுனா தன் கடவுள் தன் தலைவன் பிரபாகரன் என்று சொல்லி நன்றாக வாழலாம். தென்னிலங்கையில் பயங்கரவாதத்தை விதைத்த மற்றுமொரு பயங்கரவாதி அந்நாட்டின் ஜனாதிபதியாகியுள்ளார்.

பலிகடாக்களும், பயங்கரவாதிகளும் அமைச்சர்களாக உள்ளனர். பயங்கரவாதிகளின் காலத்தில் யார் செய்த குற்றத்திற்காக அவர்கள் மீது சட்டம் அமுல்படுத்தப்படாது. முழு நாடும் வடக்கிலும் தெற்கிலும் பயங்கரவாதிகளை மன்னித்து அந்த சகாப்தத்தை மறந்து விட்டது. பின் ஏன் பில்லியன் ரைடரை மட்டும் போலீசார் துரத்துகிறார்கள்?

இது பயங்கரவாதிகளின் அரசு. வடக்கு மற்றும் தெற்கிலிருந்து பயங்கரவாதிகளால் உருவாக்கப்பட்ட அரசாங்கம். அதனால்தான் அவர்கள் தீவிரவாதிகளை நடத்துகிறார்கள். பயங்கரவாதத்தை அழிக்க பங்களித்தவர்களை நான் வெறுக்கிறேன். இந்த தண்டனையை பெற பிள்ளையான் செய்த குற்றம் புலிகளிடம் இருந்து பிரிந்து விடுதலைப் புலிகளின் பயங்கரவாதத்தை முடிவுக்கு கொண்டு வருவதற்கு பங்களித்தமையாகும். வடக்கில் உள்ள பயங்கரவாதிகளுக்கு தெற்கில் உள்ள பயங்கரவாதிகள் வழங்கிய பரிசுதான் பிள்ளையான்.

இரண்டு முறை மட்டுமே பிள்ளையான் என்னை நேரில் சந்தித்துள்ளார். ஆனால் இலங்கையர்கள் நல்ல தேசம் இல்லை, சிங்களவர்கள் நல்ல தேசம் இல்லை என்பதை காட்டவே நான் அவர் சார்பாக நிற்கிறேன். தீவிரவாதத்தை எதிர்த்ததற்காக யாராவது தண்டிக்கப்பட்டால், நாங்கள் நிபந்தனையின்றி அவர்களுக்கு ஆதரவாக நிற்போம். அவ்வாறு செய்யாவிடின் எதிர்காலத்தில் பயங்கரவாதத்தை கைவிட்டு பயங்கரவாத எதிர்ப்புக்களுடன் இணைந்து பயங்கரவாதத்தை அழிக்க யாரும் முன்வர மாட்டார்கள்.

ஈஸ்டர் தாக்குதல்கள் தொடர்பான பல தகவல்கள் பிள்ளையானிடம் இருந்து வெளியாகியுள்ளதாக பொது பாதுகாப்பு அமைச்சர் ஏப்ரல் 10 ஆம் திகதி பாராளுமன்றத்தில் தெரிவித்தார். அத்துடன், ஈஸ்டர் தாக்குதல்கள் தொடர்பான விசாரணையின் ஒரு பகுதியாக மட்டக்களப்பில் ஒருவர் கைது செய்யப்பட்டதாக ஜனாதிபதி ஏப்ரல் 12ஆம் திகதி மட்டக்களப்பில் தெரிவித்தார். அப்பட்டமான பொய்கள். இந்த நாடு சோறு உண்ணும் மாடு என்ற எண்ணத்தில் ஜனாதிபதியும் அமைச்சர்களும் பொய் சொல்லும் இயந்திரங்களாக மாறிவிட்டனர்.

ஜனாதிபதி கையொப்பமிட்டு பிறப்பித்த பிள்ளையான் தொடர்பான தடுப்பு உத்தரவு இதுவாகும். (தடுப்பு உத்தரவைப் படிக்கிறது). இது ஈஸ்டர் தாக்குதல் பற்றி ஒரு வார்த்தையாவது குறிப்பிடுகிறதா? இல்லை.. கைது செய்யப்பட்டதற்கான காரணத்தை, நீதிமன்றத்தில் ஆஜர்படுத்தினால், நீதிமன்றத்தில் ஆஜர்படுத்தாமல், ஆதாரத்துடன் ஆஜராக வேண்டும் என்பதால், இந்த பொய் அம்பலமாகிறது.

ஏப்ரல் 13ஆம் திகதி புத்தாண்டு தினத்தன்று நான்கு பொலிஸ் உத்தியோகத்தர்கள் முன்னிலையில் பிள்ளையானுடன் பேசினேன். அதாவது ஈஸ்டர் தாக்குதல்களில் பிள்ளையானுக்கு தொடர்பு இருப்பதாக ஜனாதிபதியும் பொலிஸ் அமைச்சரும் அறிவித்ததை அடுத்து. ஈஸ்டர் தாக்குதல் பற்றி பிள்ளையான் ஒரு வார்த்தை கூட பேசவில்லை. பிள்ளையானுக்கு ஈஸ்டர் தாக்குதல்கள் பற்றி எதுவும் தெரியாது இப்படி ஒரு கருத்தை வெளியிடுவதற்கு. 2015 ஆம் ஆண்டு முதல் 2020 ஆம் ஆண்டு வரை காவலில் இருந்த ஒருவர் 2019 ஆம் ஆண்டு ஈஸ்டர் தாக்குதல்களை நடத்தியதாக யாராவது குற்றம் சாட்டினால், அவர்களின் தலையை ஆய்வு செய்ய வேண்டும். சஹாரானுடன் புகைப்படம் எடுத்த அரசியல்வாதிகள் ஏராளம். அப்படி யாரேனும் தலைமறைவாகி கைது செய்யப்பட்டார் என்றால் அதற்கு ஏதாவது அடிப்படை இருக்கிறது.

மார்ச் 30 அன்று, ஈஸ்டர் தாக்குதல்களுக்கு காரணமான பலர் ஏப்ரல் 21 க்கு முன்னர் அம்பலப்படுத்தப்படுவார்கள் என்று ஜனாதிபதி கூறினார். ஏப்ரல் 21 ஆம் தேதிக்கு இன்னும் 5 நாட்கள் மட்டுமே உள்ளன. பொலிஸ் பாதுகாப்பின் போது ஜனாதிபதி தெரிவித்த கருத்து காரணமாக ஜனாதிபதி பெரும் சிக்கலில் சிக்கியுள்ளார்.

எனவே, ஈஸ்டர் தாக்குதல்களின் போது ஐந்து வருடங்களாக சிறையில் இருந்த பிள்ளையானை பிடித்து வாக்குமூலம் அளிக்க அழுத்தம் கொடுக்க முயற்சிக்கின்றனர். முயலைப் பிடித்து அது நரி என்று ஒப்புக்கொள்ளும் வரை அதைத் தாக்கும் கோட்பாடு எப்போதும் வேலை செய்யாது. பொது பாதுகாப்பு அமைச்சின் செயலாளர் ரவி செனவிரத்ன, சி.ஐ.டி.க்கு பொறுப்பாக இருந்த போதுதான், சேயா தேவ்மினியை ஒரு இரவு முழுவதும் பச்சைக் குழல் குழாயால் அடித்து கொலை செய்ததை ஒப்புக்கொள்ள கொண்டயா ஒப்புக்கொண்டார். டிஎன்ஏ சோதனை இல்லாவிட்டால், இந்தக் கதை சிஐடியால் தீர்க்கப்பட்ட மற்றொரு மர்மமாக வரலாற்றில் இடம்பிடித்திருக்கும். பிள்ளையானை சட்டத்தரணிகளைச் சந்திக்க அனுமதிக்க மறுத்ததன் காரணம், கொண்டையாவைப் போன்று அவருக்கு அழுத்தம் கொடுப்பதே. எனது குடும்பத்தினருடன் பேசுவதற்கு அவர்கள் எனக்கு வாய்ப்பளிக்கவில்லை. பிரபாகரனுடன் மோதி வெற்றி பெற்ற பிள்ளையானுடன் விளையாட முடியாது என அரசிடம் கூறுகின்றோம்.

Celestine Stanislaus

1 hour ago, தமிழ் சிறி said:

கிழக்கு மாகாண முன்னாள் முதலமைச்சர் பிள்ளையான் எனப்படும் சிவநேசதுரை சந்திரகாந்தனை அப்பட்டமாக நாட்டின் சட்டத்தை மீறி அரச தலைவர்கள் கைது செய்து தடுத்து வைத்துள்ளனர். பயங்கரவாதத் தடைச் சட்டத்தின் கீழ் ஒருவர் கைது செய்யப்பட்டால், கைது செய்யப்பட்டதற்கான காரணத்தைக் குறிப்பிடும் ஆவணம் உறவினர்களிடம் ஒப்படைக்கப்பட வேண்டும். செய்யவில்லை. மேலும், வழக்குரைஞர் ஒருவர் அவருடன் விவாதிக்க வாய்ப்பு கோரினால், அவருக்கு அது வழங்கப்பட வேண்டும். அதுவும் நிராகரிக்கப்பட்டது. மேலும், அவர்களது குடும்பத்தினர் மற்றும் உறவினர்களுடன் பேசுவதற்கு அவர்களுக்கு வாய்ப்பு வழங்கப்பட வேண்டும் என்றாலும், அவர்கள் செய்யவில்லை.

ஐயா நீங்க சொல்வது சிங்கள மக்களைப் பற்றியது.

குற்றப் பத்திரிகையே தாக்கல் செய்யாமல் வருடக் கணக்காக தமிழர்களை அடைத்து வைத்திருந்தார்கள் .

இன்னமும் வைத்திருக்கிறார்கள்.

On 9/4/2025 at 03:16, தமிழ் சிறி said:

ஏழரை ஆரம்பித்துள்ளது என்றுதான் கூற வேண்டும்

ஆள் மேஷ ராசியாமோ?🤣

17 minutes ago, goshan_che said:

ஆள் மேஷ ராசியாமோ?🤣

மேடத்துக்கு விரயச் சனி

மீனத்துக்கு ஜென்மச் சனி,

கும்பத்துக்கு பாதச் சனியாம்...

என்று யாழ். பெருமாள் கோயில் ஐயர் சொல்லுறார். 😂

பிள்ளையான்... இதில் என்ன ராசி என்று, உதயகம்மன்பில நீதிமன்றத்தில் வாதாடும் திறமையில்தான் உள்ளது. அவரும்... நாமல் ராஜபக்ச மாதிரியான வக்கீல் என்றால், பிள்ளையானுக்கு மரணச்சனி தான். 🤣

எள்ளெண்ணை எரித்தாலும், தப்ப ஏலாது. 😂

செய்திகள்

கம்மன்பிலவிடம் கவலையுடன் சொல்லி அழுத பிள்ளையான்!

இலங்கை ஆட்சியாளர்கள் தன்னை நன்றாக பயன்படுத்தி விட்டு இப்போது கைவிட்டு விட்டார்கள் என்று கிழக்கு மாகாண முன்னாள் முதலமைச்சரும் முன்னாள் இராஜாங்க அமைச்சருமான பிள்ளையான் எனப்படும் சந்திரகாந்தன் தெரிவித்துள்ளார்.

உதய கம்மன்பில பிள்ளையானை சந்திக்கும்போது அரசாங்கத்தின் பழிவாங்கல்கள் குறித்து பிள்ளையான் ஆழ்ந்த கவலையை கண்ணீருடன் வெளியிட்டு கவலையுடன் தெரிவித்துள்ளார்.

குற்றப்புலனாய்வு திணைக்களத்தின் விசாரணைகள் குறித்தும் இப்போது எடுக்கப்பட்ட நடவடிக்கைகள் குறித்தும் கம்மன்பிலவுக்கு விளக்கமளித்த பிள்ளையான் அரச சாட்சியாளராக மாறி ஒப்புதல் வாக்குமூலம் அளிக்குமாறு தமக்கு அழுத்தங்கள் வழங்கப்படுவதாகவும் தெரிவித்திருக்கிறார்.

கடத்தல் விவகாரம் தொடர்பில் தாம் கைது செய்யப்பட்ட போதிலும் இப்போது ஈஸ்டர் ஞாயிறு தின தாக்குதல் சம்பவத்தை தன்னுடன் கோர்ப்பதற்கு விசாரணையாளர்கள் நடவடிக்கைகள் எடுத்து வருவதாகவும் உதய கம்மன்பிலவிடம் தெரிவித்திருக்கிறார்.
ஈஸ்டர் ஞாயிறு தின தாக்குதல் தொடர்பில் விசாரணை நடத்தப்பட்ட போதும் அது குறித்து தனக்கு எதுவும் தெரியாது என கூறும் பிள்ளையான் இந்த சம்பவம் தொடர்பில் தான் சிலரை காட்டிக் கொடுத்துவிட்டதாகவும் இதனால் சிலர் கைது செய்யப்படவுள்ளதாகவும் வெளிவந்துள்ள தகவல்களை முற்றுமுழுதாக இதன்போது நிராகரித்துள்ளார்.

அரசாங்கத்தின் விசாரணைகள் அரசியல் ரீதியாக மேற்கொள்ளுப்படுவதாகவும் போர்க் காலத்தில் தன்னை நன்கு பயன்படுத்திய இதே தரப்பினர் தற்போது அரசியல் காரணங்களுக்காக தன்னை பழிவாங்குவதாகவும் இது தொடர்பில் ஜனநாயகத்தை விரும்பும் தரப்பினர் கவனம் செலுத்த வேண்டும் எனவும் அவர் கோரிக்கை விடுத்துள்ளார்.

தனது விசாரணை அறையில் உறங்குவதற்கு கூட ஒழுங்கான வசதிகள் இல்லை என்றும் தரையில் படுத்து உறங்க வேண்டிய நிலை இருப்பதாகவும் உதய கம்மன்பிலவிடம் சுட்டிக்காட்டிய போது அங்கு பாதுகாப்புக்கு நின்றிருந்த பொலிஸாரை இந்த விடயத்தில் கடிந்துகொண்ட கம்மன்பில்ல உள்நாட்டு போரை முடிவுக்குக் கொண்டு வர உதவிய பிள்ளையானுக்கு இப்படியான அநீதிகளை செய்வது நியாயமா ?இப்படியானவருக்கு படுக்கை வசதி கூட செய்யாமல் இருப்பது மோசமான நடவடிக்கை இல்லையா? எனக் கேள்வி எழுப்பியுள்ளார்.

எவ்வாறாயினும், இந்த விவகாரம் குறித்து பிள்ளையானிடம் கேட்டு அறிந்து கொண்ட உதய கம்மன்பில இது தொடர்பில் அடுத்த கட்ட நடவடிக்கைகளை மேற்கொள்ளவுள்ளதாக தெரிவித்துள்ளார்.

https://www.samakalam.com/%e0%ae%95%e0%ae%ae%e0%af%8d%e0%ae%ae%e0%ae%a9%e0%af%8d%e0%ae%aa%e0%ae%bf%e0%ae%b2%e0%ae%b5%e0%ae%bf%e0%ae%9f%e0%ae%ae%e0%af%8d-%e0%ae%95%e0%ae%b5%e0%ae%b2%e0%af%88%e0%ae%af%e0%af%81%e0%ae%9f%e0%ae%a9/

🤣🤣🤣

பிள்ளையானின் வயதை வைத்து பார்த்தால் - மங்கு, பொங்கு சனிகள் முடிந்து இது மரணச் சனியாகவே படுகிறது.

கம்மன்பில அரசியலியே தேறாதா கேசு 🤣. கறுப்பு சட்டையை கூட வாடகைக்கு எடுத்திருக்க கூடும்🤣.

இப்போ ஏதோ மகிந்த கேட்டு கொண்டதனால், எங்காத்து காரரும் கோர்ட்டுக்கு போறார் என்பது போல் போயுள்ளார்.

வேறு எவரையும் காட்டி கொடாதே, குற்றம் தீர்த்தாலும், நாம் வந்ததும் விடுதலைதான் என்பதே ரணில் பேச முனைந்து, முடியாமல் போனதும் கம்மன்பில மூலம் சூசகமாக பிள்ளையானுக்கு நாமல் தெரியபடுத்திய செய்தியாக இருக்கும்.

---

உடான்ஸ்சாமியார் கணிப்பின் படி

உண்ட வீட்டுக்கு ரெண்டகம் செய்த மேஷ ராசி அன்பரே,

உங்கள் ஜெனன ராசி, லக்ன அமைப்புப்படி, முதலில் இரெண்டரை வருடம் கோர்ட் செலவில் விரையச்சனி வந்தாறுமூலை தென்னம்தோட்டம் ஈறாக கொண்டு போகும்.

அடுத்த இரெண்டரை வருடம் ஜென்மச்சனியில் வழக்குக்கு பாதகமாக தீர்ப்பு வரும். ஒத்திவைக்கப்பட்ட மரண தண்டனை தீர்ப்பாகி கண்ணில் சாவு பயத்தை காட்டும்.

கடைசி இரெண்டரை நடக்கும் போது மீளவும் ஜேவிபி ஆட்சிக்கு வரும் - பாதச்சனி பாடையில் ஏற்றும்.

மேஷம், முழுவதும் மோசம் 🤣

பரிகாரம் - தெரிந்தாலும் சொல்லமாட்டமே 🤣

5 hours ago, goshan_che said:

🤣🤣🤣

பிள்ளையானின் வயதை வைத்து பார்த்தால் - மங்கு, பொங்கு சனிகள் முடிந்து இது மரணச் சனியாகவே படுகிறது.

கம்மன்பில அரசியலியே தேறாதா கேசு 🤣. கறுப்பு சட்டையை கூட வாடகைக்கு எடுத்திருக்க கூடும்🤣.

இப்போ ஏதோ மகிந்த கேட்டு கொண்டதனால், எங்காத்து காரரும் கோர்ட்டுக்கு போறார் என்பது போல் போயுள்ளார்.

வேறு எவரையும் காட்டி கொடாதே, குற்றம் தீர்த்தாலும், நாம் வந்ததும் விடுதலைதான் என்பதே ரணில் பேச முனைந்து, முடியாமல் போனதும் கம்மன்பில மூலம் சூசகமாக பிள்ளையானுக்கு நாமல் தெரியபடுத்திய செய்தியாக இருக்கும்.

---

உடான்ஸ்சாமியார் கணிப்பின் படி

உண்ட வீட்டுக்கு ரெண்டகம் செய்த மேஷ ராசி அன்பரே,

உங்கள் ஜெனன ராசி, லக்ன அமைப்புப்படி, முதலில் இரெண்டரை வருடம் கோர்ட் செலவில் விரையச்சனி வந்தாறுமூலை தென்னம்தோட்டம் ஈறாக கொண்டு போகும்.

அடுத்த இரெண்டரை வருடம் ஜென்மச்சனியில் வழக்குக்கு பாதகமாக தீர்ப்பு வரும். ஒத்திவைக்கப்பட்ட மரண தண்டனை தீர்ப்பாகி கண்ணில் சாவு பயத்தை காட்டும்.

கடைசி இரெண்டரை நடக்கும் போது மீளவும் ஜேவிபி ஆட்சிக்கு வரும் - பாதச்சனி பாடையில் ஏற்றும்.

மேஷம், முழுவதும் மோசம் 🤣

பரிகாரம் - தெரிந்தாலும் சொல்லமாட்டமே 🤣

சாத்திரம். பொய் அதுவும் இந்த சாத்திரி சொல்வது 100 % பொய் நம்பாதீங்கள். 🤣🤣

தனது விசாரணை அறையில் உறங்குவதற்கு கூட ஒழுங்கான வசதிகள் இல்லை என்றும் தரையில் படுத்து உறங்க வேண்டிய நிலை இருப்பதாகவும் உதய கம்மன்பிலவிடம் சுட்டிக்காட்டிய போது அங்கு பாதுகாப்புக்கு நின்றிருந்த பொலிஸாரை இந்த விடயத்தில் கடிந்துகொண்ட........

தேச பந்து வீட் டிலிருந்து சாப்பாடு கேடடது போல தனக்கும் வீட்டு கட்டில் மெத்தை ஏ சி கேட்க்கிறாரோ ?

பிள்ளையான் ராக்கெட். 😂

Edited April 17Apr 17 by தமிழ் சிறி

ஈஸ்டர் தாக்குதல் பிரதான சூத்திரதாரி பிள்ளையானா?

உயிர்த்த ஞாயிறு தாக்குதல் சம்பவத்தின் பிரதான சூத்திரதாரியாக பிள்ளையான் என்றழைக்கப்படும் சிவநேசதுரை சந்திரகாந்தனை மாற்றுவதற்கு முயற்சிக்கப்படுவதாக பிவித்துறு ஹெல உறுமய தலைவரும், முன்னாள் பாராளுமன்ற உறுப்பினருமான உதய கம்மன்பில தெரிவித்துள்ளார்.

ஆனால் 2015 முதல் 2020ஆம் ஆண்டு வரையில் கைதாகி இருந்தவரை 2019இல் நடந்த உயிர்த்த ஞாயிறு தாக்குதலின் பிரதான சூத்திரதாரியென கூற முயல்வதை ஏற்க முடியாது என்றும் அவர் குறிப்பிட்டுள்ளார்.

கொழும்பில் தனது அலுவலகத்தில் நடத்தப்பட்ட விசேட செய்தியாளர் சந்திப்பிலேயே உதய கம்மன்பில இவ்வாறு கூறியுள்ளார்.

நான் பிள்ளையானை அரசியல்வாதியாக அன்றி சட்டத்தரணியாகவே சந்தித்தேன். இந்த அரசாங்கத்தின் தலைவர்கள் நாட்டின் சட்டத்தை மீறி முறையில் கடந்த 8ஆம் திகதி பிள்ளையானை கைது செய்துள்ளனர். பயங்கரவாத தடைச்சட்ட ஒழுங்குவிதிகளுக்கமைய அவ்வாறான கைதுகளை செய்வதென்றால் அதற்கான காரணத்தை கைதாகுபவரின் உறவினர்களுக்கு எழுத்து மூலம் கூற வேண்டும். கைது செய்யப்பட்ட நபருக்கு சட்டத்தரணியை சந்திப்பதற்கான வாய்ப்பை வழங்கவும், குடும்பத்தினருடன் சந்திப்பதற்கும் சந்தர்ப்பம் வழங்கப்பட வேண்டும். ஆனால் அது எதுவும் பிள்ளையான் கைது செய்யயப்பட்ட விடயத்தில் நடக்கவில்லை.

9 ஆம் திகதி அவரின் சட்டத்தரணிக்கு அவரை சந்திக்க அனுமதி மறுக்கப்பட்ட நிலையில் அவரின் குடும்பத்தினர் என்னை சந்தித்தனர். இதனை தொடர்ந்து நான் சீஐடி பணிப்பாளருக்கு தொலைபேசி மூலம் தொடர்புகொண்டு அதுபற்றி தெளிவுப்படுத்தினேன். இதன்படி இனி நானே பிள்ளையானின் சட்டத்தரணி என்பதனை கூறியதுடன், அதன்படி எழுத்துமூலம் நான் சட்டத்தரணியாக அனுமதி கேட்டேன். இதன்படி 13ஆம் திகதி பிள்ளையானை சந்திப்பதற்கு அனுமதி வழங்கப்பட்டது.

இதன்படி 30 நிமிடங்கள் நான் பிள்ளையானுடன் கதைத்தேன். நான்கு பொலிஸ் அதிகாரிகள் அவ்விடத்தில் இருந்தனர். சட்டத்தரணி சேவை பெறுநருடன் பேசுவது இரகியமானது. இவ்வாறாக கதைக்க அனுமதி கேட்ட போதும் அதற்கான வாய்ப்பு வழங்கப்படவில்லை.
எனினும் நான்கு அதிகாரிகளின் முன்னிலையில் நான் உரையாடினேன். அப்போது பிள்ளையான் கண்களில் கண்ணீர் வடிய உரையாற்றினார். தான் விடுதலைப் புலிகளிடம் இருந்து விலகி, எனது உயிரையும் பணயம் வைத்து விடுதலைப் புலிகளை தோற்கடிக்க நடவடிக்கை எடுத்தேன். அன்று புலிகளுடன் இருந்தவர்கள் இப்போது எம்.பிக்களாகவும், வியாபாரிகளாகவும், அரச சார்பற்ற நிறுவனங்களின் தலைவர்களாகவும் இருக்கின்றனர். மேலும் சிலர் வெளிநாடுகளில் இருந்துகொண்டு அரசாங்கத்திற்கு எதிரான போராட்டத்தை முன்னெடுக்கின்றனர். இவர்களில் எவருக்கும் எந்தப் பிரச்சினையும் கிடையாது. ஆனால் என்னை மட்டும் இப்படி நடத்துகின்றனர் என்றார். ஏற்கனவே 5 வருடங்கள் என்னை தடுத்து வைத்திருந்து போதுமான சாட்சியங்கள் இல்லையென நீதிமன்றத்தால் விடுதலை செய்யப்பட்ட நான் மீண்டும் தடுத்து வைக்கும் நிலைக்கு தள்ளப்பட்டுள்ளேன் என்றார்.

இந்த நாட்டை விடுதலைப் புலிகளிடம் இருந்து மீட்பதற்காக தீர்மானம் மிக்க பங்களிப்பு செய்தவர். இதனால் இவர் தேசிய வீரராக கருதப்பட வேண்டியவர். கருணாவும் பிள்ளையானும் விடுதலைப் புலிகளிடம் இருந்து விலகி அவர்களுக்கு எதிராக நடத்திய போராட்டமே விடுதலைப் புலிகளின் முடிவுக்கான ஆரம்பமாகும்.

பிள்ளையான் போன்று கருணா அம்மானும் திறமையான போராட்ட வீரராகும். இவரின் தலைமையில் கிழக்கில் இருந்து வந்தவர்களே கிழக்கில் விடுதலைப் புலிகளை தோற்கடிக்க முடிந்தது. இவர்கள் புலிகளை தோற்கடிக்க பெரும் பங்களிப்பு செய்துள்ளனர்.
இப்போது 2006இல் நடந்த பேராசிரியர் ஒருவர் காணாமல் போன சம்பவம் தொடர்பிலேயே இப்போது அவர் கைது செய்யப்பட்டுள்ளார். குறித்த தினத்தில் தான் எங்கே இருந்தேன் என்று தெரியாது என்றும், ஆனால் கிழக்கு யுத்தம் நடந்த காலம் என்பதனால் தான் மாவிலாறு முகாமிலேயே அந்தக் காலத்தில் இருந்திருப்பேன் என்றும் குறிப்பிட்டுள்ளார்.
வடக்கு பயங்கரவாதிகளுக்கும், தெற்கு பயங்கரவாதிகளுக்கும் மன்னிப்பு வழங்கி மக்கள் மறந்துள்ளனர். இவ்வாறான நிலைமையில் பயங்கரவாதத்தை ஒழிப்பதற்கு தீர்மானம் மிக்க பங்களிப்பை வழங்கிய பிள்ளையானுக்கு எதிராக இவ்வாறு நடவடிக்கை எடுப்பது ஏன். இப்போது பயங்கரவாதத்தின் அரசாங்கமே உள்ளது. இதனாலேயே பிள்ளையானுக்கு தண்டனை வழங்க முயற்சிக்கின்றனர்.

பிள்ளையானுக்கும் எனக்கும் இடையில் தனிப்பட்ட ரீதியில் நட்பு கிடையாது. பயங்கரவாத அமைப்பில் இருந்து விலகி அந்த பயங்கரவாத அமைப்புக்கு எதிராக போராடுவது மிகவும் அரிதாக நடக்கும் விடயமாகும். இவ்வாறான செயற்பாட்டில் ஈடுபட்ட தேசப்பற்றாளருக்காக நிபந்தனையின்றி முன்னிற்காவிட்டால் எதிர்காலத்தில் பயங்கரவாதத்தை கைவிட்டு அரசாங்கத்துடன் இணைவதற்கு பயங்கரவாதிகள் தயங்குவர். இதனால் செய்நன்றியை மறக்காமல் அதற்கான உபகாரத்தை வழங்குவதையே நான் செய்கின்றேன்.

இதேவேளை பிள்ளையான் உயிர்த்த ஞாயிறு தாக்குதல் தொடர்பான தகவல்கள் பலவற்றை வெளியிட்டுள்ளதாக பொதுமக்கள் பாதுகாப்பு அமைச்சர் ஏப்ரல் 10ஆம் திகதி பாராளுமன்றத்தில் கூறியிருந்தார். அத்துடன் உயிர்த்த ஞாயிறு தாக்குதலுடன் தொடர்புடைய மட்டக்களப்பை சேர்ந்த ஒருவரை கைது செய்துள்ளதாக ஏப்ரல் 12ஆம் திகதி ஜனாதிபதி மட்டக்களப்பில் கூறியிருந்தார். நான் ஏப்ரல் 13ஆம் திகதியே பிள்ளையானை சந்தித்தேன். ஆனால் உயிர்த்த ஞாயிறு தாக்குதல் தொடர்பில் தான் ஒரு வசனமேனும் கதைக்கவில்லை என்று அவர் கூறியுள்ளார்.

எவ்வாறாயினும் அவருக்கு உயிர்த்த ஞாயிறு தாக்குதல் தொடர்பில் அறிந்திருக்க வாய்ப்பில்லை. 2015 முதல் 2020ஆம் ஆண்டு வரையில் கைதாகி இருந்தவர் 2019இல் நடந்த உயிர்த்த ஞாயிறு தாக்குதலின் பிரதான சூத்திரதாரியென எவராவது கூறுவராக இருந்தால் அவ்வாறு கூறுபவரின் மூளையை பரிசோதிக்க வேண்டும். குறைந்தது சஹரானுடன் புகைப்படம் எடுத்த அரசியல்வாதியை பிரதான சூத்திரதாரியென கைது செய்திருந்தால் அதில் தர்க்க ரீதியான விடயம் இருக்கும். ஆனால் தாக்குதலுக்கு 4 வருடங்களுக்கு முன்னர் இருந்தே சீஐடியின் கீழ் இருந்தவர் உயிர்த்த ஞாயிறு தாக்குதலின் பிரதான சூத்திரதாரியென கூறுவதனாது இதற்கு மேலும் நகைச்சுவையாக இருக்க முடியாது.

ஏப்ரல் 21ஆம் திகதிக்கு முன்னர் உயிர்த்த ஞாயிறு தாக்குதல் தொடர்பாக பொறுப்பு கூற வேண்டிய சிலரை வெளியிடவுள்ளதாக மார்ச் 30ஆம் திகதி ஜனாதிபதி கூறியிருந்தார். இந்நிலையில் இன்னும் சிலநாட்களே 21ஆம் திகதிக்கு உள்ளது. இதனால் தன்னை நரியென ஏற்றுக்கொள்ளும் வரையில் முயலை தாக்கியது போன்றே, உயிர்த்த ஞாயிறு தாக்குதல் விசாரணை விடயத்திலும் அரசாங்கம் நடந்துகொள்ள முயற்சிக்கின்றது.
முயலை நரியாக மாற்றியது போன்றும், சிறுமி ஷேயா கொலை விசாரணையில் கொண்டையாவை குற்றவாளியாக கூறியது போன்றும் பிள்ளையானை உயிர்த்த ஞாயிறு தாக்குதலின் பிரதான சூத்திரதாரியாக மாற்றுவதற்கும் முயற்சிக்கப்படுகின்றது. பிரபாகரனுடனும் மோதிய பிள்ளையானை முயல் மற்றும் கொண்டையாவை போன்று அரசாங்கம் நினைத்துக்கொண்டிருந்தால் அரசாங்கம் செய்யும் பெரும் தவறாகும்.

பிள்ளையானை அவரின் உறவினர்கள் மற்றும் சட்டத்தரணிகளை சந்திக்க விடாது அவருக்கு அழுத்தங்களை கொடுத்து அவரின் ஊடாக வாக்குமூலம் பெற்றுக்கொள்ள முயற்சிக்கப்பட்டுள்ளது. ஆனால் அவருடன் முயல் விளையாட்டை செய்ய முடியாது என்பதனை பொலிஸார் புரிந்துகொண்டுள்ளனர்.
அவர் பேராசிரியர் ஒருவர் காணாமல் போனமை தொடர்பிலேயே அவர் தடுத்து வைக்கப்பட்டுள்ளார். ஆனால் அவர் வடக்கில் போராடிக்கொண்டிருந்த போது கொழும்பில் நடந்த காணாமல் போன சம்பவம் தொடர்பில் எனக்கு எப்படி தெரியும் என்றே கூறியுள்ளார்.
அதேபோன்று உயிர்த்த ஞாயிறு தாக்குதல் தொடர்பிலோ, ராஜபக்‌ஷக்களுடன் இணைந்து செய்ததாக கூறி பிள்ளையான் சகலதையும் கக்கினார் என்று சமுக வலைத்தளங்களில் வெளியாகும் செய்திகள் பொய்யாகும் என்றார்.

-(3)

https://www.samakalam.com/ஈஸ்டர்-தாக்குதல்-பிரதான/

உதய கம்மன்பில பிள்ளையானை சந்தித்தது சட்டத்தரணியாகவா?, அரசியல்வாதியாகவா? - அமைச்சர் நளின்த ஜயதிஸ்ஸ

சட்டத்தரணி என்ற போர்வையில் ஒரு அரசியல்வாதியாகவே முன்னாள் இராஜாங்க அமைச்சர் சிவனேசத்துரை சந்திரகாந்தனை (பிள்ளையானை) உதய கம்மன்பில சிறையில் வைத்து சந்தித்துள்ளார் என சுகாதார, வெகுஜன ஊடகத்துறை அமைச்சர் நளிந்த ஜயதிஸ்ஸ தெரிவித்தார். 

கண்டியில் நடந்த தேசிய எண்ணெய் தேய்க்கும் வைபவத்தை அடுத்து ஊடகவியலாளர்களிடம் இதனைத் தெரிவித்தார்.

அவர் மேலும் தெரிவிக்கையில்,

உதய கம்மன்பில நீதிமன்றங்களுக்குச் சென்று வழக்காடியதை அனேகமாக பொதுமக்கள் கண்டிருக்க முடியாது. இந்நிலையில் அவர் பிள்ளையானுக்காக ஆஜராகும் ஒரு சட்டத்தரணியாகக் தன்னைக் கூறிக் கொண்டு அவரை சந்தித்ததில் வேறு கதைகளும் இருக்கலாம். பிள்ளையானுக்கு,  உதய கம்மன்பில சட்டத்தரணியானதன் ஊடாக முன்னைய காலங்களில் எந்தளவு  ஊழல் மோசடிகள் இடம்பெற்றுள்ளன என்பதை ஊகிக்க முடியும்.

பிரபலமான வழங்குகளில் சட்டத்தரணியாகத் தொழிற்படாத ஒருவர் இப்படி இந்த வழக்கிற்கு திடீர் எனத் தோன்ற முற்பட்டார் என்பது சிந்திக்க வேண்டிய விடயம்.

முன்னைய காலங்களில் கீழே ஒதுக்கப்பட்ட பல்வேறு ஊழல்களுக்கான  கோவைகள் தற்போது மேல் எடுக்கப்பட்டு குற்றத்தடுப்பு மற்றும் மோசடி ஒழிப்புப் பிரிவினர் செயற்பட ஆரம்பித்துள்ளனர். சட்டரீதியாகச் செய்ய வேண்டியவைகளை நீதித்துறை மேற்கொள்கிறது. அரசு என்ற வகையில் அதற்கான வசதிகளை ஏற்படுத்திக் கொடுக்கும் வேலையை மட்டுமே அரசு செய்கிறது.

கடந்த காலத்தில் அழிவுக்கு உற்பட்ட பல நிறுவனங்களில் சுகாதரத்துறையே முன்னிலையில் உள்ளது. சுகாதாரத்துறையில் இன்று மருந்துகளுக்கு ஏதும் பிரச்சினைகள் என்றால் அது 2023 மற்றும் 2024ஆம் ஆண்டு காலப்பகுதியில் மேற்கொள்ளப்பட்ட நடவடிக்கைகளின் பிரதிபலனாகும். அக்காலப்பகுதியில் சரியான முறையில் மருந்து வகைகள் இறக்குமதி செய்யப்படவில்லை.

உள்ளூராட்சி சபைகளில் வெற்றி பெற்று வெறுமனே உள்ளூராட்சி சபைகளின் உறுப்பினர்களை உருவாக்குவது எமது நோக்கமல்ல. கிராமிய மட்டத்தில் அபிவிருத்தி தொடர்பான மாபெறும் மாற்றம் ஒன்றை மேற்கொள்ள உள்ளோம். நாம் மேற்கொள்வது அபிவிருத்தி என்பதை விட பிரச்சினைகளுக்கு நிரந்தர தீர்வைப் பெறும் செயற்பாடாகும் என்பது பொருத்தமாகும்.  கிராம மட்டத்தில் அபிவிருத்திக்கான ஒரு பொறி முறையை அமைக்க முயற்சிக்கிறோம். எனவேதான் அதற்காக நாம் ஆதரவு கேட்கிறோம் என்றார்.

உதய கம்மன்பில பிள்ளையானை சந்தித்தது சட்டத்தரணியாகவா?, அரசியல்வாதியாகவா? - அமைச்சர் நளின்த ஜயதிஸ்ஸ | Virakesari.lk

2015 முதல் 2020ஆம் ஆண்டு வரையில் கைதாகி இருந்தவரை 2019இல் நடந்த உயிர்த்த ஞாயிறு தாக்குதலின் பிரதான சூத்திரதாரியென கூற முயல்வதை ஏற்க முடியாது என்றும் அவர் குறிப்பிட்டுள்ளார்.

ஆமா .... சிறையில் இருந்தவருக்கு உயிர்த்த ஞாயிறு தாக்குதல் பற்றி தெரியாது. ஆனால் அது பற்றி பக்கம் பக்கமாக கடிதம் எழுதவும், புத்தகம் எழுதவும் எப்படி தெரிந்ததாம்? அது இருக்க தமிழ் இளைஞர்களை கைது செய்யும்போது உறவினர்களுக்கு அறிவித்தார்களா? சிறையில் இருந்த இளைஞர்களை உறவினர்கள் சந்திக்க அனுமதியளித்தனரா? கைது செய்தவர்கள் எங்கே, அவர்களுக்கு என்ன நடந்தது  என்று உறவினர்களுக்கு அறிவித்தார்களா? அப்போ இவர் அதுபற்றி ஊடக சந்திப்பு நடத்தி கேள்வி கேட்க்காதது ஏன்? இவர் சிவநேசதுரை சந்திரகாசனுக்காக வாதாடுகிறாரா? தங்கள் பெயர்கள் வெளிவராமல் தடுக்கிறாரா? சிறையில் சந்திக்கும் வக்கீல் இவராம், நீதிமன்றத்தில் வழக்காடுவது வேறொரு சட்டத்தரணியாம். இதிலிருந்தே இவர் ஏன் இப்படி அவசரப்படுகிறார் என்பது தெரிகிறது. இப்போ சந்திரகாசனால் இவர்களும், இவர்களது அவசரத்தினால் சாந்திரகாசனும் மாட்டுபடப்போகிறார்கள்.

இப்போ, கிழக்கு பல்கலை விரிவுரையாளர் கடத்தல் சம்பந்தமாகவே இவர் கைது செய்யப்பட்டுள்ளார் என்றே வி. முரளிதரன் இவரை காட்டிக்கொடுத்தார், கைதும் அதற்காகவே. தப்பில்லையென்றால் ஏன் இவ்வளவு அவசரம்? ஒப்பீட்டுப்பேச்சு? புலிகளை ஏன் இழுத்து தங்களை மூட முயற்சிக்கிறார்?

On 16/4/2025 at 21:27, தமிழ் சிறி said:

பிரபாகரனுடன் மோதி வெற்றி பெற்ற பிள்ளையானுடன் விளையாட முடியாது என அரசிடம் கூறுகின்றோம்.

அப்படியா? அப்போ ஏன் ஓடி இராணுவத்திடம் சரணடைந்தனர்?  மஹிந்தா தான்தான் புலிகளை வெற்றி கொண்டேனென விழா கொண்டாடினார்? அவ்வளவு வீரன் ஏன் கண்ணீர் வடிக்கிறார்?

20 hours ago, nunavilan said:

இந்த விவகாரம் குறித்து பிள்ளையானிடம் கேட்டு அறிந்து கொண்ட உதய கம்மன்பில இது தொடர்பில் அடுத்த கட்ட நடவடிக்கைகளை மேற்கொள்ளவுள்ளதாக தெரிவித்துள்ளார்.

அதற்குள் கம்மன்பிலவே கைது செய்யப்படலாம். ஏற்கெனவே வேறொருவருக்கு சொந்தமான காணியை விற்று காசு பார்த்தார், அந்த வழக்கு மீண்டும் விசாரணைக்கு எடுக்கப்படலாம்.

19 hours ago, goshan_che said:

நாம் வந்ததும் விடுதலைதான் என்பதே ரணில் பேச முனைந்து, முடியாமல் போனதும் கம்மன்பில மூலம் சூசகமாக பிள்ளையானுக்கு நாமல் தெரியபடுத்திய செய்தியாக இருக்கும்.

ம் .... இவர்களுக்காக பல குற்றங்கள் புரிந்த தன் இனக்காரன் கஜ்ஜாவையே சிறையில் சென்று சந்திக்கவில்லை என்கிற கோபத்தில் இவர்களை காட்டிக்கொடுக்க வெளிக்கிட்டு பிள்ளைகளையும் தன்னையும் அவர்களிடம் பலி கொடுத்தார். இவரும் அவர்களாலேயே தீர்த்துக்கட்டப்படுவார். இவர் மட்டுமல்ல இவரோடு சேர்ந்து இயங்கிய பலரின் கதை இயக்கியவர்களாலேயே முடியலாம். பழியை அரசாங்கத்தின் மீது போடலாம். அவர்களும், அவர்களுக்காக இவர்களும் செய்த கொலைகளில் இது ஒன்றும் பெரிதல்லவே. 

 

 

 

துரோகத்தின் பரிசு!இனத்தைக் காட்டிக் கொடுத்தவன் யாருக்குமே நம்பிக்கையாளனாக இருக்கமாட்டான் என்பதையே பிள்ளையானின் கைது காட்டுகிறது.பிள்ளையானைச் சந்திக்க ரணில் அவசரப்படுவது ஏன்?பிள்ளையான் சிறைக்குள்ளேயே தீர்த்துக்கட்டப்படலாம்.அதன் மூலம் பல குற்றவாளிகள் சட்டத்திலிருந்து தப்பிக்க முயற்சிக்கலாம்.

On 16/4/2025 at 20:16, goshan_che said:

பிள்ளையானின் வயதை வைத்து பார்த்தால் - மங்கு, பொங்கு சனிகள் முடிந்து இது மரணச் சனியாகவே படுகிறது.

என்னைப்போன்றவர்களுக்கு சில வேளை உங்களுக்குமாகவும் இருக்கலாம்....

பிள்ளையான் பிழையானவனாக தெரிகின்றார். அதற்காக நான் பிள்ளையானுக்காகவோ கருணாவிற்கோ வக்காளத்து வாங்குவதாக தப்புக்கணக்கு போட வேண்டாம்.

இலங்கை ஆங்கிலேயரிடமிருந்து சுதந்திரமடைந்த பின்னர் சிங்கள பெரும்பான்மையின அரசியல்வாதிகள் தமிழர்களின் ஆதரவின்றி எந்தவொரு செயல்களையும் நிறைவேற்றியது கிடையாது.

குறிப்பாக....

சிறிமா ஆட்சியிலும் சரி.....அதன் பின்னர் ஜேஆர் தொடக்கம் அனைத்து சிங்கள ஜனாதிபதிகளும் தமிழ்க்கட்சிகளின் ஆதரவுடன் அல்லது தமிழ் பிரமுகர்களின் ஆதரவுடனேயே தமிழ்மக்களின் உரிமைகளையும் அதற்காக போராடியவர்களையும் சூறையாடியது.

எனவே பலமும் பலவீனமும் நமக்குளேயே இருந்து தாண்டவமாடுகின்றது.👈

பிள்ளையானுக்கும் கம்மன்வில்ல வுக்கும் என்ன தொடர்பு?

திடீர் என கம்மன்வில்ல சட்டத்தரணியாக ஏன் மாற வேண்டும்?

கிழக்க மீட்க்க போவதாக வந்த பிள்ளையான் ஒரு துரோகியா?

ஈழ போராட்டத்தை தனது சுயநலத்துக்காக சிங்கள பேரினவாதத்துக்கு காட்டி கொடுத்து சுப போக வாழ்கை வாழ்ந்தவருக்கு ஏன் மக்கள் வாக்களித்தனர்?

அப்போ பிள்ளையானுக்கு வாக்களித்த மட்டக்களப்பு மக்கள் அனைவரும் ஈழ போராட்டத்தில் உயிரிழந்த அந்த ஆத்மாக்களுக்கு பதில் கூறியே ஆக வேண்டுமா?

பேராட்டத்தை வெற்றி பெற செய்வதற்கு எமது படையினருடனும் அரசுடனும் சேர்ந்து தமிழர் தாயகத்தின் ஈழ கனைவ காட்டி கொடுத்த நாட்டின் தலைவர்களில் பிள்ளையானும் கருணாவும் மிக முக்கியமானவர்கள். ஆனால் இன்று பிள்ளையான் கைது செய்யப்பட்டுள்ளார் கருணா வெளியிலே இருக்கின்றார் ஆனால் இந்த அரசு பிள்ளையான் அவர்களை பழி வாங்குகின்றது என்று நாமல் கூறுகின்றார் ?

பிள்ளையான் தொடர்பாக இன்று சிங்கள கட்சி தலைவர்கள் பயப்படுவதற்க்கான காரணம் என்ன?

கொழும்பை தளமாக கொண்டு இயங்கும் சிவில் சமூக செயற்பாட்டாளர்கள் சிங்கள மக்களை முட்டாளாக்க நினைக்க வேண்டாம் என்று கம்மன் வில்லவைஎச்சரித்துள்ளதுடன் ஈஸ்டர் ஞயிறு தாக்குதல் நடந்த போது சஹரானும் பிள்ளையானும் ஒரே சிறைச்சாலையில் இருந்தார்கள் என்று அவர்களுடைய செயலாளர் சனல் 4 வுக்கு கூறியதாக குறிப்பிடுகின்றனர்.

அசாத் மௌலானாவுக்கும் பிள்ளையானுக்கும் உள்ள தொடர்பு என்ன ? பல காலமாக தமிழ் மக்கள் விடுதலைப் புலிகள் கட்சியின் செயற்பாடுகளை சர்வதேசம் வரை மும்மொழிகளிலும் கொண்டு சென்ற அசாத் மௌலானா தனக்கு துரோகம் செய்ததுள்ளதாக பிள்ளையான் பல தடவை ஊடகங்களுக்கு கூறியிருக்கின்றார் .

ஆனால்.... அதை, அசாத் மௌலானா மறுத்திருக்கின்றார். இதன் பின் மறைந்துள்ள மர்மங்கள் தான் என்ன?

ஆனால் இன்று சிங்கள பேரினவாத கட்சிகள் எல்லாமே ஒன்று சேர்ந்து தமிழீழ விடுதலைப் போராட்டத்தை காட்டி கொடுத்த முக்கிய நபர்கள் இவர்கள்தான் என்று வெட்ட வெளியாக கூறும் போது தமிழ் மக்கள் ஏன் இன்னும் இவர்கள் போன்ற துரோகிகளை நம்புகின்றார்கள் என்ற ஒரு கேள்வி தற்போது எழுந்துள்ளது.

இனியாவது மக்கள் இது போன்ற நயவஞ்சக செயற்பாடுகளில் ஈடுபட்டவர்களுக்கு அரசாங்கங்கள் தான் நீதி வழங்காமல் விட்டாலும் கடவுளின் நியதி என்பது கிடைத்தே ஆக வேண்டும்.

எமது மண்ணில் மரணித்த அத்தனை உயிர்களினதும் ஆத்மா சாந்தி அடைய உண்மைகள் வெளிவர வேண்டும்.

கர்மா சும்மா விடாது.

Shashi Punniyamoorthy

சிங்களவர்களையும் விட்டு வைக்காத பிள்ளையான்.

ஊடகவியலாளர் Anuruddha Lokuhapuarachchi பதிவின் தமிழாக்கம்.

இராச்சிய எல்லையின் அவதாரம்: பிள்ளையான் என்பவரின் கடுமையான மனித உரிமை மீறல் மற்றும் தண்டனை வழங்கப்படாத அரசியலின் தாக்கம்.

இலங்கையின் நீடித்ததும் வலியுறுத்தப்படுவதுமான போருக்குப் பிறகான கணக்கீட்டில், தீர்க்கப்படாத இனமுரண்பாடு மற்றும் மறைக்கப்பட்ட பாதிக்கப்பட்டோரின் நிலை எமது மனச்சாட்சியிடம் கேள்வி கேட்டு கொண்டே நிழலாகவே தொடர்கிறது.

பதில் தெரிந்தும் தெரியபடுத்தமுடியாமல் தவிக்கும் இரு முக்கிய படுகொலை சம்பவங்கள்

1)வெலிகந்தப் படுகொலை (மே 2006)

2)மற்றும் கெபித்திகொல்லாவ கிளைமோர் தாக்குதல் (ஜூன் 2006)

சிங்கள சிவில் சமூகத்தின் மீது ஆழ்ந்த வடுக்களை ஏற்படுத்தின நிகழ்வுகள்

ஜனாதிபதி மகிந்த ராஜபக்ஷவினால் போரிற்கான ஆதரவினை மக்களிடம் திரட்டும் முகமாக இந்த கொடுர தாக்குதலை LTTE இனரே மேற்கொண்டதாக அவசர அவசரமாக குற்றம்சாட்டி இருந்தார்.

இந்த தாக்குதலின் மூலம் வடபகுதி போரின் அவசியத்தை சிங்கள மக்கள் மத்தியில் திணிக்க முற்பட்டதுடன் யுத்தத்தை ஆதரிக்குமாறு மக்களை தூண்டவும் அதன் அவசியத்தை உணர்த்தவும் இந்த இரண்டு கொடூரத் தாக்குதல்களும் தமிழீழ விடுதலைப் புலிகளே மேற்கொண்டனர் என விரைவாக குற்றம் சுமத்தியிருந்தார்.

ஆனால், இரு தசாப்தங்களுக்கு பின்னரும், நீரில் அழுத்தப்பட்டிருந்த ரப்பர் பந்தாக மேலெழுந்து இதன் உண்மை தன்மை என்ன என்ற கடினமான கேள்விகளை கேட்டு கொண்டே இருக்கின்றது.

இந்த படுகொலைகளை உண்மையில் நடத்தியவர்கள் யார்? உண்மையான குற்றவாளிகளின் பின்னணி ஆராயப்பட்டதா? கண்டுபிடிக்கப்பட்டனரா?தண்டிக்க பட்டனரா? அல்லது வழி நடத்தியவர்களால் பாதுகாக்கப்பட்டு கொண்டிருக்கின்றனரா? ஆனாலும் தொடர்ச்சியாக இந்த கொடூர செயல்களின் பிரதான ஒருங்கமைப்பாளர் பெயர் அப்போதும் இப்போதும் பிள்ளையான் என எல்லோருக்கும் பரிச்சயமான சிவனேசதுரை சந்திரகாந்தன்.

2006 மே 29 அன்று, பொலன்னறுவை அருகிலுள்ள வெலிகந்த பகுதியில் அரசாங்க உதவியுடன் கால்வாய் தோண்டிக் கொண்டிருந்த 13 சிங்கள விவசாயிகள் கடத்திச் செல்லப்பட்டு படுகொலை செய்யப்பட்டனர்.

அனைவரினது உடல்களது கைகள் பின்னால் கட்டப்பட்ட நிலையில் காணப்பட்டதுடன் கூரிய ஆயுதத்தால் கருத்து அறுக்கப்பட்டே கொலை செய்யப்பட்டுருந்தனர்.

இந்த துயர காட்சியினை நேரடியாக கண்டவன் நான்.

இந்த சம்பவத்தை மேற்கொண்டது LTTE இனரே என உடனடியாக அறிவித்திருந்தது மகிந்த தலமையிலான அரசு. ஆனால் LTTE ஊடகப் பேச்சாளர் தயா மாஸ்டர், TamilNet வாயிலாக அந்த குற்றச்சாட்டை மறுத்திருந்தார்.

சுமார் இரண்டு வாரங்களுக்குப் பின்னர், ஜூன் 15ஆம் தேதி, கெபித்திகொல்லாவ பகுதியில், பொதுமக்கள் பயணித்த ஒரு பேருந்து கிளைமோர் தாக்குதலுக்கு உள்ளாகி இருந்தது. அத்தாக்குதலில் சிறுவர் மற்றும் முதியோர் உள்ளடங்கலாக சுமார் 60க்கும் மேற்பட்டவர்கள் கொல்லப்பட்டனர்.

இந்த இரு தாக்குதல்களும் இராணுவ மற்றும் பராமிலிட்டரி (கருணா/பிள்றையான் ஒட்டு குழு) கட்டுப்பாட்டில் உள்ள எல்லை பகுதிகளாகவும் காணப்பட்ட அதே நேரம் LTTE கட்டுப்பாட்டு பகுதியையும் அண்மித்தே காணப்பட்ட பகுதிகளாகும்.

மகிந்த அரசு இந்த 2 தாக்குதல்களிற்கும் LTTE மீது குற்றம்சுமத்த, LTTE அதை மறுத்திருந்தனர்.சர்வதேச விசாரணையாளர்களிடமும் அரசாங்கம் இத்தாக்குதலை புலிகளே மேற்பொண்டனர் என குற்றம் சுமத்தி இருந்தனர். ஆனால் இதற்கான நேரடி சான்றுகள் எவையும் LTTE செய்ததாக உறுதிப்படுத்தப்படவில்லை. இருப்பினும் பொது வெளியில் LTTE மீதே தொடர்ந்து அரசு குற்றம் சுமத்தி வந்தது.

இந்த தாக்குதல்களை ஆழமாக பகுப்பாய்வு செய்யும் போது, அந்தக் காலகட்டத்தில் யார் அந்த நிலப்பகுதியை கட்டுப்படுத்தினர் என்பதே முக்கியமானது.

2006 ஆம் ஆண்டில், கிழக்கு மாகாணம் — வெலிகந்த மற்றும் சுற்றுப்புறங்கள் உட்பட பல பகுதிகள் பிள்ளையானின் தலைமையிலான TMVP (தமிழ் மக்கள் விடுதலைப் புலிகள்), ஏற்கனவே கருணா அம்மானின் தலைமையில் இருந்து பிரிந்த LTTE பிரிவினரின் கட்டுப்பாட்டில் இருந்தது.

இலங்கை இராணுவ புலனாய்வுத் துறையுடன் நெருக்கமாக இணைந்து, TMVP அரசு ஆதரவு பராமிலிட்டரி அமைப்பாக செயல்பட்டது. நானும் உள்பட உள்ளூர் ஊடகவியலாளர்கள் மற்றும் புலம் பெயர்ந்த நிருபர்கள், அந்தப் பகுதிகளில் செல்லும்போது மிக நுண்ணியமாக கண்காணிக்கப்படுவோம் என அறிந்திருந்தோம்.

TMVP மற்றும் இராணுவ சோதனைச் சாவடிகள் அந்தப் பகுதிகளில் அமைந்திருந்தன. அவர்கள் சட்டத்திற்கு புறம்பான கொலைகார அமைப்பாக செயல்பட்டனர். இத்தகைய சூழ்நிலையில், TMVP அல்லது அதன் அரச உளவுத்துறை அனுமதியின்றி LTTE மீது இத்தகைய ஒருங்கிணைந்த தாக்குதல்களை நடத்த வாய்ப்பு சாத்தியமற்றது.

பிரச்சனைக்கு உரிய கேள்வி இது: இந்த கூட்டுக் கொலைகள், மீண்டும் முழுமையான போரை சிதறவைக்கும் உரிய முன்னோட்டங்களா? யார் அதனால் லாபமடைந்தனர்? பதில், யார் செயற்பட்டனர் என்பதைவிட, இந்த குழப்பத்தில் யார் பலனடைந்தனர் என்பதையே சாரும்.

மகிந்த ராஜபக்ஷவிற்கு, இந்த தாக்குதல்கள் தேசிய உணர்வை தூண்டும் ஒரு வாய்ப்பாக மாறியது. இராணுவ நடவடிக்கையை உருப்படியாக நீட்டிக்க இது உதவியது.

பிலள்ளையான் மற்றும் TMVPக்கு, இந்த வன்முறை அரசாங்கத்திற்குள் அவர்களின் நிலையை உறுதிப்படுத்தும் ஒரு வாய்ப்பாக அமைந்தது. இது அவர்களுக்கு அரசியலில் நுழைய வழிவகுத்தது, மேலும் பிள்ளையானை கிழக்கு மாகாணத்தின் முதலமைச்சராக மாற்ற இந்த வன்முறை ஊக்கப்படுத்தி ஆதரவழித்தது.

இராஜ தந்திர நிகழ்ச்சி நிரலின் படி இந்த நிகழ்வுகள் LTTE இனரின் கொள்கையை நிராகரித்து “ஒருமித்த இலங்கை” பற்றிய கோஷங்களை சர்வதேச அளவில் ஏற்றுக்கொள்ளும் நிலைக்கு கொண்டு வந்தது.

2008 நவம்பர் 18 ஆம் நாள், கொழும்பு அருகிலுள்ள அதிக பாதுகாப்பு உள்ள இடமான அத்துருகிரியவில், பிள்ளையானின் ஒருங்கிணைப்பாளர் பகல் நேரத்தில் சுட்டுக் கொல்லப்பட்டார். இதுவரை யாரும் கைது செய்யப்படவில்லை. இதற்கான உள்நோக்கம் தொடர்பாக எந்தவொரு அதிகாரப்பூர்வ அறிக்கையும் இல்லை.

இருப்பினும், அதிகார அமைப்பை நன்கு அறிந்தவர்கள், இது எதிரிகள் செய்த தாக்குதல் அல்ல, பிள்ளையானாலே மேற்கொள்ள தாக்குதல் என்பதை பலரும் அறிந்திருந்தனர் ஆனாலும் எந்த விசாரணை

ஏற்கனவே போராளியாக இருந்து, அரசியல் வாதியாக மாற்றப்பட்ட பிள்ளையானின் நிலை தெளிவானது: சேவையும் செய்யலாம், கொலை கொள்ளை ஆட்கடத்தல் செய்யலாம் ஏனெனில் அரசு தனக்குடந்தை.

இவை தனிப்பட்ட சம்பவங்கள் அல்ல. 2005ல் மட்டக்களப்பு ஆலயத்தில் தமிழறிஞர் மற்றும் நாடாளுமன்ற உறுப்பினர் ஜோசப் பரராஜசிங்கம் கொல்லப்பட்ட நிகழ்வில், பிள்ளையான் 2015ல் கைது செய்யப்பட்டார்.

ஐந்தாண்டுகளுக்குப் பிறகு முக்கிய சாட்சிகள் பலவந்தமாக நீக்கப்பட்டதால் அவர் 2020ல் விடுவிக்கப் பட்டார்

அப்போது அரசியலில் அவருக்கான பாதுகாப்பு உயர் நிலையில் இருந்தது.

பின்னர், 2019ம் ஆண்டு, உயிர்த்த ஞாயிறு தாக்குதலில் — கொழும்பு, மட்டக்களப்பு மற்றும் நீர்கொழும்பு ஆகிய இடங்களில், 260க்கும் மேற்பட்ட கிறிஸ்தவ பக்தர்கள் கொல்லப்பட்ட சம்பவத்தில் — பிள்ளையானின் பெயர் மீண்டும் மேலெழுந்தது.

அவர் மீது ஒப்பந்தமான குற்றச்சாட்டு இல்லாவிட்டாலும், கிழக்கை மையமாகக் கொண்ட இஸ்லாமிய தீவிரவாத (சஹரான் குழு) உடனான தொடர்புகள் குறித்து விசாரணைக்கு உட்படுத்தப்பட்டார்.

இந்த எல்லாக் குற்றச்சாட்டுகளும் ஒரு முக்கியமான செய்தியை வெளிப்படுத்துகின்றன: இவ்வாறான முறைகேடான, மதம் மற்றும் இனத்தை அடிப்படையாகக் கொண்ட வன்முறைகளில் சிக்கியவர்களும், இன்று அதிகாரத்தில் இருப்பது, இலங்கையின் அரசியல் கலாச்சாரத்திற்கே இழுக்காகும்.

இலங்கையின் போருக்குப் பிறகான விவாதங்கள் “சமாதானம்” மற்றும் “நிலைத்தன்மை” என்பதை வலியுறுத்துகின்றன. ஆனால் அதன் அடியில், தீர்க்கப்படாத வன்முறை, அரசியலால் மறுசீரமைக்கப்பட்ட மற்றும் திட்டமிடப்பட்டு மூடப்பட்ட உண்மைகள் உள்ளன. பிள்ளையான் போன்றவர்களுக்கு — சிங்களர், தமிழர், கிறிஸ்தவர்கள் மீது பயங்கர கொலை /ஆட்கடத்தல்/கப்பம் ஆகியவற்றில் தொடர்புடைய பல குற்றச்சாட்டுகள் இருந்தாலும் அதிகாரக் குழுவில் சுதந்திரமாக பயணிக்க முடிகிறதென்றால், நிச்சயமாக நல்லிணக்கம் என்பது ஒரு மாயை, நீதிமுறைகள் ஒரு அரசியல் கருவியாகவே இருந்து வருகிறது.

உண்மையான சமூக நீதி, நல்லிணக்கம், புரிந்துணர்வு ஏற்படுத்தப்பட வேண்டுமாயின பிள்ளையான் போன்ற ஒருங்கிணைக்கப்பட்ட மனித குலத்திற்கெதிரான குற்றம் புரிந்தோர் உச்ச பட்ச தண்டனை வழங்கபட வேண்டியவர்கள்.

Selvakumar Kamal Nathan

பிள்ளையானின் ஓட்டுநர் பிள்ளையானும் அதிரடியாக கைது.

பிள்ளையானின் ஓட்டுநர் பெயரும்... பிள்ளையான் என்பது குறிப்பிடத்தக்கது. 😂

பிள்ளையானின் 588 கோடி மதிப்புள்ள சொத்துகுவிப்பை விசாரணை செய்ய ஜனாதிபதி ஆணைக்குழு.

மனித உரிமை பாதுகாவலர் அமைப்புக்களான Amnesty International, Human Right Watch ஆகியன UNHRC ஊடாக இலங்கை அரசு முன்னாள் முதலமைச்சர் சிவநேசதுரை சந்திரகாந்தன் அவர்களின் கொலைகள் மற்றும் சொத்துக்குவிப்பு ஆகியவற்றை ஆராய்ந்து விசாரிக்க உடனடியாக ஜனாதிபதி விசாரணை ஆணைக்குழு ஒன்றை நியமிக்கும் வண்ணம் வலியுறுத்தியுள்ளனர்.

யாழ்ப்பாணம்.com

5 hours ago, தமிழ் சிறி said:

பிள்ளையானின் 588 கோடி மதிப்புள்ள சொத்துகுவிப்பை விசாரணை செய்ய ஜனாதிபதி ஆணைக்குழு.

மனித உரிமை பாதுகாவலர் அமைப்புக்களான Amnesty International, Human Right Watch ஆகியன UNHRC ஊடாக இலங்கை அரசு முன்னாள் முதலமைச்சர் சிவநேசதுரை சந்திரகாந்தன் அவர்களின் கொலைகள் மற்றும் சொத்துக்குவிப்பு ஆகியவற்றை ஆராய்ந்து விசாரிக்க உடனடியாக ஜனாதிபதி விசாரணை ஆணைக்குழு ஒன்றை நியமிக்கும் வண்ணம் வலியுறுத்தியுள்ளனர்.

பிள்ளையானை மட்டுமல்ல கருணாவும் குறுகிய காலத்தில் பெரும் பணக்காரன் ஆகியுள்ளான்.

அவனையும் கொஞ்சம் விசாரிக்க வேண்டும்.

பிள்ளையானின் சாரதி ஜெயந்தன் சிஐடியினரால் கைது

செய்திகள்

மட்டக்களப்பு, வாழைச்சேனைப் பகுதியில் தமிழ் மக்கள் விடுதலைப் புலிகள் (TMVP) கட்சித் தலைவரும் முன்னாள் இராஜாங்க அமைச்சருமான சிவனேசதுரை சந்திரகாந்தன் என்ற பிள்ளையானின் சாரதியான ஜெயந்தன், இன்று (18) காலை குற்றப் புலனாய்வுத் திணைக்களத்தினரால் (சிஐடி) கைது செய்யப்பட்டுள்ளதாக பொலிஸ் உயர் அதிகாரி ஒருவர் தெரிவித்தார்.

கிழக்கு பல்கலைக்கழகத்தின் முன்னாள் உபவேந்தர் பேராசிரியர் சுப்பிரமணியம் ரவீந்திரநாத் 2006 டிசம்பர் 15ஆம் திகதி கடத்தப்பட்டு காணாமல் ஆக்கப்பட்ட சம்பவம் தொடர்பாக, கடந்த 8ஆம் திகதி பிள்ளையான் அவரது அலுவலகத்தில் சிஐடியினரால் கைது செய்யப்பட்டு, பயங்கரவாதத் தடைச் சட்டத்தின் கீழ் 90 நாட்கள் தடுத்து வைக்கப்பட்டு விசாரணைகள் மேற்கொள்ளப்பட்டு வருகின்றன.

இந்த விசாரணைகளைத் தொடர்ந்து, கிழக்கு பல்கலைக்கழக உபவேந்தர் கடத்தல் சம்பவத்துடன் தொடர்புடையதாகக் கருதப்படும் பிள்ளையானின் சாரதி ஜெயந்தனை, கொழும்பிலிருந்து வந்த சிஐடி அதிகாரிகள், வாழைச்சேனையில் உள்ள அவரது வீட்டில் கைது செய்து, மேலதிக விசாரணைகளுக்காக கொழும்புக்கு அழைத்துச் சென்றுள்ளதாக அந்த அதிகாரி மேலும் தெரிவித்தார்.

https://adaderanatamil.lk/news/cm9mx35gp00hyhyg3leur5p0n

பிள்ளையான் கைது விவகாரம் : அப்பாவி ஒருவரை கைது செய்ததாக கூறி அனுதாபத்தை ஏற்படுத்த உதய கம்மன்பில முயற்சிக்கிறார் - சுனில் ஹந்துனெத்தி 

18 APR, 2025 | 06:58 PM

(இராஜதுரை ஹஷான்)

உயிர்த்த ஞாயிறு குண்டுத்தாக்குதல் சம்பவத்துக்காக  பிள்ளையான் பயங்கரவாத தடைச் சட்டத்தின் கீழ் கைது செய்யப்படவில்லை. உபவேந்தர் ஒருவரை கடத்தி, காணாமலாக்கிய குற்றச்சாட்டுக்காகவே கைது செய்யப்பட்டார். குண்டுத்தாக்குதல் விவகாரத்தில் அப்பாவி ஒருவரை கைது செய்துள்ளதாக அனுதாபத்தை ஏற்படுத்தவே உதய கம்மன்பில முயற்சிக்கிறார் என கைத்தொழில் அபிவிருத்தி அமைச்சர் சுனில் ஹந்துனெத்தி தெரிவித்தார்.

கொழும்பில் நடைபெற்ற தேசிய மக்கள் சக்தியின் தேர்தல் பிரச்சாரக் கூட்டத்தில் உரையாற்றுகையிலேயே அமைச்சர் இதனை குறிப்பிட்டார்.

அங்கு அவர் மேலும் தெரிவித்ததாவது :

பயங்கரவாத தடைச் சட்டத்தின் கீழ் கைது செய்யப்பட்டுள்ள பிள்ளையான் தொடர்பில்  கடந்த காலங்களில் சிங்கள பௌத்தவாதம், தேசியவாதம் பற்றி பேசிக்கொண்டிருந்த உதய கம்மன்பில தற்போது பேசுகிறார்.

உயிர்த்த ஞாயிறு குண்டுத்தாக்குதல்கள் சம்பவத்தின் பிரதான சூத்திரதாரியாக பிள்ளையானை மாற்றியமைக்க அரசாங்கம் முயற்சிப்பதாக உதய கம்மன்பில சொல்லிக்கொண்டு திரிகிறார்.  குண்டுத்தாக்குதல் விவகாரத்துக்காக பிள்ளையான் கைது செய்யப்படவில்லை.

கிழக்கு பல்கலைக்கழகத்தின் முன்னாள் உபவேந்தர் ஒருவரை கடத்தி காணாமலாக்கிய குற்றச்சாட்டின் விசாரணைகளுக்கு அமைவாகவே  முன்னாள் இராஜாங்க அமைச்சர் பிள்ளையான் பயங்கரவாத தடைச் சட்டத்தின் பிரகாரம் கைது செய்யப்பட்டுள்ளார்.

குண்டுத்தாக்குதல் விவகாரத்தில் அப்பாவி ஒருவரை அரசாங்கம் கைது செய்துள்ளதாக அனுதாபத்தை ஏற்படுத்தவே உதய கம்மன்பில முயற்சிக்கிறார். 

பிள்ளையான் 2015 முதல் 2020ஆம் ஆண்டு வரையான காலப்பகுதியில் சிறையில் இருந்தார். 2019ஆம் ஆண்டு நடத்தப்பட்ட குண்டுத்தாக்குதலுக்கும் அவருக்கும் தொடர்பில்லை என்று உதய கம்மன்பில குறிப்பிடுகிறார். 

பிள்ளையான் கைது செய்யப்பட்ட விவகாரத்தில் உதய கம்மன்பில ஏன் முந்திக்கொள்கிறார். கம்மன்பில திணறாமல் சற்று அமைதியுடன் இருக்க வேண்டும். பிள்ளையான் தேசிய வீரன் என்று உதய கம்மன்பில குறிப்பிடுகிறார். இதனை ஏற்றுக்கொள்வதா என தெரிவித்தார்.

https://www.virakesari.lk/article/212325

பிள்ளையானின் 588 கோடி மதிப்புள்ள சொத்துகுவிப்பை விசாரணை செய்ய ஜனாதிபதி ஆணைக்குழு.

மனித உரிமை பாதுகாவலர் அமைப்புக்களான Amnesty International, Human Right Watch ஆகியன UNHRC ஊடாக இலங்கை அரசு முன்னாள் முதலமைச்சர் சிவநேசதுரை சந்திரகாந்தன் அவர்களின் கொலைகள் மற்றும் சொத்துக்குவிப்பு ஆகியவற்றை ஆராய்ந்து விசாரிக்க உடனடியாக ஜனாதிபதி விசாரணை ஆணைக்குழு ஒன்றை நியமிக்கும் வண்ணம் வலியுறுத்தியுள்ளனர்.

அறிக்கையில் பின்வரும் தகவல்கள் உள்ளடக்கப்பட்டுள்ளது.

சொத்துக்கள்:-

இலங்கையில் உள்ள சொத்துக்கள்.

01. வீடு - 01, மட்டக்களப்பு பூம்புகார் என்ற இடத்தில் இந்த வீடு அமைந்துள்ளது. இதன் பெறுமதி: 2 கோடி.

02. வீடு - 02, கொழும்பு இராஜகிரிய என்னும் இடத்தில் றோயல் அப்பார்ட்மென்டில் அமைந்துள்ளது. இதன் பெறுமதி: 6.5 கோடி.

03. வீடு - 03, கொழும்பு கறுவாத்தோட்டம் என்ற இடத்தில் அமைந்துள்ளது. இதன் பெறுமதி: 23 கோடி.

04. வீடு - 04, மட்டக்களப்பு வாவிக்கரை வீதி - 01 என்ற இடத்தில் அமைந்துள்ளது. இதன் பெறுமதி: 12 கோடி.

05. சுற்றுலாவிடுதி - 01, திருகோணமலை உப்புவெளி என்ற இடத்தில் இந்த சுற்றுலாவிடுதி அமைந்துள்ளது. இதன் பெறுமதி: 5 கோடி.

06. சுற்றுலாவிடுதி - 02, நுவரெலியா, நுவரெலியா நகர் என்ற இடத்தில் இந்த சுற்றுலாவிடுதி அமைந்துள்ளது. இதன் பெறுமதி: 17 கோடி.

07. 12 ஏக்கர் நிலம், மட்டக்களப்பு பாசிக்குடா என்ற இடத்தில் இந்த 12ஏக்கர் நிலம் காணப்படுகிறது. இதன் பெறுமதி: 25 கோடி.

08. 50 ஏக்கர் நிலம், திருகோணமலை, கும்புறுப்பிட்டி என்ற இடத்தில் காணப்படுகிறது. இதன் பெறுமதி: 20 கோடி.

09. நிலத்தொகுதி, மட்டக்களப்பு திராய்மடு என்னும் இடத்தில் இந்த நிலத்தொகுதி காணப்படுகிறது. இதன் பெறுமதி: மதிப்பீடு செய்யப்படவில்லை.

10. 115ஏக்கர் வயற்காணி, மட்டக்களப்பு புளுட்டுமானோடை என்ற இடத்தில் இந்த வயற்காணி அமைந்துள்ளது. இதன் பெறுமதி: மதிப்பீடு செய்யப்படவில்லை.

11. 10ஏக்கர் நிலம், மட்டக்களப்பு மாங்கேணி என்ற இடத்தில் இந்த நிலம் அமைந்துள்ளது. இதன் பெறுமதி: மதிப்பீடு செய்யப்படவில்லை.

12. ஆழ்கடல் மீன்பிடி இழுவைப்படகுகள் 12, கொழும்பு டிக்கோவிட்ட என்னும் இடத்தில் இந்த இழுவைப்படகுகள் காணப்படுகின்றன. இதன் பெறுமதி: 20 கோடி.

வெளிநாட்டு சொத்துக்கள்:-

13. சிங்கப்பூர் Orchard Road இல் அமைந்துள்ள Alfred Tower என்ற இடத்தில் இருக்கும் தொடர்மாடி குடியிருப்பில் வீடு - 01. இதன் பெறுமதி: 7.5 கோடி.

14. நகைக்கடையும் கட்டடமும், சுவிட்சர்லாந்து சூரிச் என்ற இடத்தில் இந்த நகைக்கடையும் கட்டடமும் காணப்படுகிறது. இதன் பெறுமதி: 150 கோடி.

15. வெளிநாட்டு வங்கிகளிலுள்ள மொத்த பணத்தொகை 20 மில்லியன் அமெரிக்க டொலர்கள்.

சரி நிகர்

Edited April 19Apr 19 by தமிழ் சிறி