நகைச்சுவையிலும் குணச்சித்திர நடிப்பிலும் பலப்பல சாதனைகள் படைத்த நடிகர் நாகேஷ் இன்று மரணம் அடைந்தார். அவருக்கு வயது (75).

சில நாட்களாகவே அவருக்கு உடல் நலக் கோளாறு இருந்து வந்தது. இருமாதங்களுக்கு முன் அவருக்கு கடும் நெஞ்சுவலி ஏற்பட்டது. பின்னர் தீவிர சிகிச்சைக்குப் பிறகு குணமடைந்து வீட்டில் ஓய்வெடுத்து வந்தார்.

இந்த நிலையில் இன்று காலை நாகேஷ் மரணமடைந்தார்.

http://thatstamil.oneindia.in/movies/speci...asses-away.html

கண்ணீரஞ்சலிகள்.

நடிகர் நாகேஷ் மரணம்: கலைஞர் இரங்கல்

நடிகர் நாகேஷ் மரணத்துக்கு முதல் அமைச்சர் கருணாநிதி இரங்கல் தெரிவித்துள்ளார்.

அவர் வெளியிட்டுள்ள இரங்கல் செய்தியில்,

கலைத் துறையில் புகழ் பெற்ற சிறந்த குணச்சத்திர நடிகரான நாகேஷ் இன்றைய தினம் (31.01.2009) இயற்கை அடைந்த செய்தினை அறிந்து பெருந்துயருற்றேன்.

தனிச்சிறப்பான நகைச்சுவையாலும் பல திறப்பட்ட நடிப்பாற்றாலும், தமிழ் திரைப்பட வரலாற்றில் தனக்கென ஒரு தனி இடத்தைப் பெற்றவர் அருமை நண்பர் நாகேஷ். தனிப்பட்ட முறையில் என்னிடம் மாறாத அன்பும், பாசமும் கொண்டவர்.

தமிழ்த் திரைப்பட ரசிகர்களின் பேராதரவையும் மதிப்பையும் பெற்றவர். நாகேசின் மறைவினால் வாடும் அவரது குடும்பத்தினருக்கும், திரையுலக நண்பர்களுக்கும் எனது ஆழ்ந்த இரங்கலைத் தெரிவித்துக் கொள்கிறேன் என்று கூறியுள்ளார்.

என்றும் மனதில் நிற்கும் திருவிளையாடல் தருமியின் பாத்திரம். அதைப்போல் இன்னும் பல.

மறைந்த கலைஞர் நாகேஸிற்கு அஞ்சலிகளோடு அவர்தம் குடும்பத்தினருக்கு ஆழ்ந்த அனுதாபங்களையும் தெரிவிக்கிறேன்.

Edited January 31, 200916 yr by karu

மக்களை சிரிக்க வைத்த .....ஒரு கலைஞ்சன் , மண்ணோடு மறைந்துவிடான் . என் அஞ்சலிகள்

மிக மிக அற்புதமான, நடிக்க தெரிந்த நடிகர் நாகேஷ் அவர்களுக்கு அஞசலிகள்

எனக்கு மிகவும் பிடித்த நடிகர்.

நகைச்சுவை மன்னன் நாகேசுக்கு கண்ணீர் அஞ்சலிகள். அவரது குடும்பத்தாருக்கு ஆழ்ந்த அனுதாபங்கள்.

கண்ணீர் அஞ்சலிகள்

நகைச்சுவை நடிகர் நாகேஷ் அவர்கள் மறைவுக்கு என் இரங்கலைத் தெரிவித்துக் கொள்கிறேன்..!

காதலிக்க நேரமில்லை படத்தில் இருந்து காலம்சென்ற நாகேஸ் அவர்கள்

நாகேஷ் வெறும் நகைச்சுவை நடிகராக மட்டுமல்லாது நல்ல குணசித்திர நடிகராகவும் திகழ்ந்தவர். நடிகர் திலகத்திற்கு இணையாக தன் நடிப்பை பலமுறை வழங்கி அவராலேயே பாராட்டையும் பெற்றவர். உண்மையில் நாகேஷின் இழப்பென்பது தமிழ்த் திரையுலகத்திற்கும் தமிழர்களுக்கும் பேரிழப்புத் தான். அன்னாரின் ஆத்மா சாந்தியடையவும் அவர் பிரிவால் துன்பமுற்றிருக்கும் அவரது குடும்பத்தினரும், இரசிகர்களும் மன ஆறுதல் பெறவும் எல்லோருக்கும் பொதுவான எல்லாம் வல்ல இறைவனை வேண்டுகின்றேன்.

நடிகர் நாகேஸ்க்கு தமிழிழ மக்கள் சார்பாக எனது கண்ணீர் அஞ்ச்லிகள்.

ஆழ்ந்த அனுதாபங்கள். எனக்கு நாகேஸ் நடிக்கின்ற ஓர் பாடல் மிகவும் பிடிக்கும். அதில காசிக்கு போகப்போறன் எண்டு சொல்லி எம்.ஜி.ஆர் ஓட சேர்ந்து மனோகரம்மாவும் வருவா எண்டு நினைக்கிறன், அந்தப்பாடல்.. இந்த தொலைக்காட்சியில அடிக்கடி போடுவாங்கள். தவிர, நாகேஸ் நடிச்ச பூவெல்லாம் உன் வாசம் படம் நல்லாய் பிடிக்கும். நாகேஷ் எல்லாரையும் சிரிக்க வைத்து இருந்தாலும் அவரது தனிப்பட்ட வாழ்க்கை மிகவும் வேதனை மிகுந்தது எண்டு செய்தியில இப்ப பார்த்து அறிஞ்சன்.

நாகேசின் அசத்தல் நடிப்பு - படம்: சர்வர் சுந்தரம் - 1

Edited February 1, 200916 yr by vettri-vel

நகைச்சுவை மன்னன் நாகேசுக்கு கண்ணீர் அஞ்சலிகள். அவரது குடும்பத்தாருக்கு ஆழ்ந்த அனுதாபங்கள்.

நாகேஷ் இறக்கவில்லை - தமிழ் சினிமாவின் சிரிப்பு இறந்து விட்டது

சென்னை: நடிகர் நாகேஷ் மறையவில்லை. தமிழ் சினிமாவின் சிரிப்புதான் இறந்து போய் விட்டது என கவிப்பேரரசு வைரமுத்து கூறியுள்ளார்.

மறைந்த நகைச்சுவைத் திலகம் நாகேஷுக்கு திரையுலகினர் நேற்று பெரும் திரளாக அவரது இல்லத்திற்குச் சென்று கண்ணீர் அஞ்சலி செலுத்தினர்.

நாகேஷ் உடலுக்கு அஞ்சலி செலுத்தி விட்டு வந்த சூப்பர் ஸ்டார் ரஜினிகாந்த் கூறுகையில், இந்திய திரையுலகில் நாகேஷ் சாரின் பங்கு மிகப்பெரியது. சினிமாவில் அவர் உழைத்தது போல் யாரும் உழைத்திருக்க முடியாது. அந்த அளவுக்கு இரவு-பகலாக நடித்தவர்.

அவர், காமெடியன் மட்டுமல்ல. மிகப்பெரிய குணச்சித்ர நடிகர். அவருடைய இழப்பு, ஈடு செய்ய முடியாதது.

அவருடைய ஆத்மா சாந்தி அடைய ஆண்டவனை வேண்டுகிறேன் என்றார்.

கமல்ஹாசன் கூறுகையில், நாகேஷ் சாரை பற்றி சிரித்து பேசாத நாட்களே கிடையாது. இன்று அந்த நாள் இல்லை. தமிழ் திரையுலகுக்கும், மக்களுக்கும் அவர் செய்த சேவை, மகத்தானது. எல்லோரையும் சிரிக்க வைத்தார்.

எனக்கு அவர் மூத்தவர். நண்பர். தனிப்பட்ட முறையில், எனக்கு மிகப்பெரிய இழப்பு. நாகேசை, இந்தி நடிகர் மெகமூத் குருவாக நினைத்து, காலில் விழுந்து வணங்கியதை நான் பார்த்து இருக்கிறேன்.

எனக்கும் அவர் குருதான். கலைவாணருக்குப்பின், தமிழ் திரையுலகில் இருந்த மிகப்பெரிய நகைச்சுவை கலைஞர், நாகேஷ்.

இப்போது அவர் படுத்திருப்பது போன்ற வேடத்தில் கூட, என் படத்தில் நடித்து இருக்கிறார். சிவாஜியிடம் கற்றுக்கொண்டது போல் நாகேசிடமும் நான் நடிப்பை கற்றுக்கொண்டேன் என்று கண் கலங்கியபடி கமல் கூறினார்.

நகைச்சுவை நடிகரும், எழுத்தாளருமான சோ கூறியதாவதுஎம்.ஜி.ஆர், சிவாஜி ஆகிய இரு பெரும் நடிகர்கள், நாகேசின் வருகைக்காக காத்திருப்பார்கள். ஒரு படத்தில் நாகேஷ் 2 மணி நேரம்தான் நடிப்பார். அந்த அளவுக்கு அவர், பிஸியாக இருந்தார். நகைச்சுவை நடிப்புக்கு இலக்கணம், நாகேஷ்தான் என்றார்.

நாகேசுடன் பல படங்களில் ஜோடியாக நடித்தவர், மனோரமா. நாகேஷ் மரணம் அடைந்த தகவல் அறிந்ததும், மனோரமா கதறி அழுதார். அவர் கண்ணீர்விட்டு அழுதபடி, நாகேஷ் வீட்டுக்கு வந்தார். நாகேஷ் உடலைப் பார்த்து தேம்பி தேம்பி அழுதார்.

அவருக்கு, கமலஹாசன் ஆறுதல் கூறினார்.

மனோரமா கூறுகையில், நாகேசுக்கு இணை, நாகேஷ்தான். அவர் மாதிரி நடிக்க இன்னொருவர் பிறந்துதான் வரவேண்டும்.

அவருடன் சர்வர் சுந்தரம், அனுபவி ராஜா அனுபவி உள்பட ஏராளமான படங்களில் நடித்து இருக்கிறேன். அவருடைய மறைவு, தமிழ் பட உலகுக்கு ஈடு செய்ய முடியாத இழப்பு என்றார்.

தமிழ் திரைப்பட தயாரிப்பாளர்கள் சங்க தலைவர் ராம.நாராயணன் கூறுகையில், எல்லோரையும் சிரிக்க வைத்த மாபெரும் நடிகர், நாகேஷ். இன்று எல்லோரையும் அழ வைத்துவிட்டு போய்விட்டார்.

எதிர்நீச்சல் படத்தில் நடித்த மாடிப்படி மாதுவும், திருவிளையாடல் படத்தில் நடித்த தர்மியும், தில்லானா மோகனாம்பாள் படத்தில் நடித்த வைத்தியும் நாம் என்றும் மறக்க முடியாத கதாபாத்திரங்கள்.

நாகேசின் மறைவு, கலையுலகத்துக்கு ஈடு செய்ய முடியாத இழப்பு என்றார்.

நடிகர் சூர்யா கூறுகையில், இன்று தமிழக சினிமாவுக்கு ஒரு துக்க நாளாகும். எங்கள் குடும்ப இனிய நண்பர் அவர். அவருடைய இழப்பு ஈடுசெய்ய முடியாதது என்றார்.

கவிஞர் வைரமுத்து கூறுகையில், நாகேஷ் இறந்துபோகவில்லை. தமிழ் சினிமாவின் சிரிப்பு தான் இறந்து போய்விட்டது என்று குறிப்பிட்டார்.

நாகேஷை வைரமாக பட்டை தீட்டிய இயக்குநர் கே.பாலச்சந்தர் கூறுகையில், நாகேஷ் ஒரு சகாப்தம். அவருடைய இழப்பு தமிழக சினிமாவுக்கு மிகப்பெரிய இழப்பாகும். மேடை நாடகம் முதல் நான் அவருடன் இருந்ததை மிகவும் பாக்கியமாக கருதுகிறேன்.

நான் அவர் மூலம் சிந்தித்தேன். அவர் என் வழியில் நடித்தார். எனக்கு `பத்மஸ்ரீ விருது' கொடுத்ததுபோல், அவருக்கு கடைசிவரை கொடுக்காதது எனக்கு மிகப்பெரிய வருத்தமாகும் என்றார் .

நன்றி தற்ஸ் தமிழ் .

நடிகர் நாகேஸ் அவர்களுக்கு அஞ்சலி