மதுரை: தமிழ்த் திரைப்பட நடிகையும் பின்னணி பாடகியுமான பரவை முனியம்மா இன்று மதுரையில் முதுமை மற்றும் உடல்நலக்குறைவு காரணமாக காலமானார். இவருக்கு வயது 76.

 

 

சில மாதங்களாக சிறுநீரக கோளாறு காரணமாக சிகிச்சை பெற்று வந்தார். தூள் படத்தில் வரும் சிங்கம் போல.. பாடல் இவருக்கு மிகவும் பிரபலமானது. மேலும் தனது நாட்டுப்புறப் பாடல்களாலும் தனது கிராமிய பேச்சாலும் ரசிகர்களை கவர்ந்தவர் பரவை முனியம்மா.

 

தூள், சண்டை, காதல் சடுகுடு உள்ளிட்ட 50க்கும் மேற்பட்ட தமிழ் படங்களில் இவர் நடித்துள்ளார். . 2000க்கும் மேற்பட்ட மேடை நிகழ்ச்சிகளில் தன் பாடல் திறமையை வெளிப்படுத்தி ரசிகர்களை மகிழ்வித்துள்ளார். இவரது கலைச் சேவையை பாராட்டி தமிழக அரசு இவருக்கு கலைமாமணி பட்டம் வழங்கி கவுரவித்துள்ளது.

https://www.dinamalar.com/news_detail.asp?id=2511532

அன்னாரின் ஆத்மா சாந்தியடையட்டும். 

ஆழ்ந்த இரங்கல்கள்.

ஆழ்ந்த இரங்கல்கள்.

மிகவும் வருந்துகிறேன். அவவின் ஆன்மா கடவுளுடன் சங்கமிக்கட்டும் 

மிகச்சிறந்த கலைஞர். அவரின் ஆத்மா சாந்தியடைய வேண்டுகிறேன்.

ஆழ்ந்த இரங்கல்கள்..

 

நடிகையும், நாட்டுப்புற பாடகியுமான பரவை முனியம்மா காலமானார்!

மின்னம்பலம்

 

பிரபல நாட்டுப்புற பாடகியும், நடிகையுமான பரவை முனியம்மா இன்று(மார்ச் 29) அதிகாலை மரணமடைந்தார்.

நாட்டுப்புற இசைக்கலைஞராக 30 வருடத்திற்கும் மேலாக தொடர்ந்து பாடல் பாடிவரும் பரவை முனியம்மா, விக்ரம் கதாநாயகனாக நடித்த ‘தூள்’ திரைப்படத்தின் மூலம் தமிழ் திரையுலகில் அறிமுகமானார். அந்தப்படத்தில் இவர் பாடிய ‘மதுரை வீரன் தானே’ பாடல் ரசிகர்கள் மத்தியில் பிரபலமடைந்தது. தொடர்ந்து திரைப்படங்களில் நடித்துவந்த அவர் இறுதியாக சிவகார்த்திகேயன் நடித்த ‘மான் கராத்தே’ படத்தில் நடித்திருந்தார். பல்வேறு வெளிநாடுகளிலும் நாட்டுப்புற இசைக்கச்சேரிகளை நடத்தி பிரபலம் அடைந்த இவருக்கு ‘கலைமாமணி’ விருது வழங்கி தமிழக அரசு கவுரவித்துள்ளது.

வெள்ளித்திரையில் மட்டுமல்லாமல் சின்னத்திரையிலும் தனது சமையல் கலை மூலம் மின்னிய இவர், மண்பானை கிராமத்து சமையலால் ரசிகர்களைக் கவர்ந்தார். வயது முதிர்வின் காரணமாக வேலை செய்ய இயலாமல் வறுமையில் வாடிய இவருக்கு மறைந்த முதல்வர் ஜெயலலிதா ஆறு லட்ச ரூபாய் நிதியுதவி வழங்கினார். சில மாதங்களுக்கு முன்பாக இவர் மரணமடைந்துவிட்டதாக சில வதந்திகள் பரவின. அப்போது மருத்துவமனை சிகிச்சையில் இருந்த பரவை முனியம்மா வீடியோ மூலமாகத் தான் நலமாக இருக்கும் செய்தியை ரசிகர்களுக்குத் தெரிவித்தார்.

இவர் வறுமையில், மருத்துவ சிகிச்சைக்கு பணம் இல்லாமல் தவிப்பதாக செய்திகள் வெளியானதைத் தொடர்ந்து திரைத்துறையை சேர்ந்த பலரும் அவருக்கு உதவி செய்தனர். மேலும், நடிகர் சங்கம் சார்பிலும் அவருக்கு உதவித்தொகை வழங்கப்பட்டது. தொடர்ந்து அவரது உடல்நலம் தேறி வந்ததாகத் தகவல்கள் வெளிவரத் துவங்கின.

ஆனால், கடும் மூச்சுத்திணறலால் இன்று அதிகாலை மூன்று மணியளவில் அவரது உயிர் பிரிந்தது. இவரது மறைவிற்குப் பல்வேறு திரைத்துறையினரும் இரங்கல் தெரிவித்து வருகின்றனர். இவரது இறுதிச்சடங்குகள் இன்று (மார்ச் 29) மதியம் 3 மணியளவில் மதுரையிலுள்ள இவரது சொந்த ஊரில் நடைபெறவுள்ளது.

 

https://minnambalam.com/entertainment/2020/03/29/18/singer-actress-paravai-muniyamma-passes-away

ஆழ்ந்த இரங்கல்கள் 

ஆழ்ந்த அனுதாபங்கள் .அத்துடன் அவரின் ஆன்மா சாந்தியடைய இறைவனை பிரார்த்திக்கிறேன் .

பகிர்வுக்கு நன்றி ,,,

 

நல்லதொரு நடிகை. அன்னாரின் ஆத்மா  சாந்தியடைய பிரார்த்திக்கின்றேன்.

Edited March 29, 20205 yr by தமிழ் சிறி

ஆழ்ந்த இரங்கல்கள்......!  

நல்ல கலை உணர்வுகொண்ட தாய்க்கு ஆழ்ந்த இரங்கல் 
 

 

ஆழ்ந்த அனுதாபங்கள் அம்மாவுக்கு.

ஆழ்ந்த இரங்கல்