வைகோவுடன் சிங்களர்கள் தகராறு!

September 25, 20178 yr

ஐ.நா மனித உரிமைகள் கவுன்சிலில் வைகோவுடன் சிங்களர்கள் தகராறு!

ஐ.நா மனித உரிமைகள் கவுன்சில் கூட்டத்தில் ம.தி.மு.க பொதுச் செயலாளர் வைகோவுடன் சிங்களவர்கள் தகராறில் ஈடுபட்ட சம்பவம் பரபரப்பை ஏற்படுத்தியுள்ளது.

செப்டம்பர் 25-ம் தேதி ஜெனீவா மனித உரிமைகள் கவுன்சிலின் பிரதான அரங்கத்தில் ம.தி.மு.க பொதுச்செயலாளர் வைகோ இரண்டு முறை பேசினார். முதல் உரையில், "இலங்கையில் நடைபெற்ற தமிழ் இனப்படுகொலை போர்க்குற்றங்கள் குறித்து, மனித உரிமைகள் கவுன்சில் இலங்கை அரசுக்கு 2012-ம் ஆண்டிலிருந்து, பல பரிந்துரைகளைச் செய்தது. ஆனால், எந்தப் பரிந்துரைகளையும் இலங்கை அரசு ஏற்கவில்லை, நிறைவேற்றவில்லை. தமிழர்களாகிய நாங்கள் மிகவும் வேதனைப்படுவது யாதெனில், ஆறு மாத காலத்தில் அதிலும் 2009 மே மாதம் வரையில் 1,46,000 தமிழர்கள் சிங்கள ராணுவத்தால் கொல்லப்பட்டனர். இனப்படுகொலையில் இருந்து தமிழர்களைப் பாதுகாக்க ஐ.நா மன்றம் தவறிவிட்டது. இன்னும் வேதனையானது என்னவென்றால், தற்போது தமிழ் இனக் கலாசாரப் படுகொலை உட்பட, கட்டமைக்கப்பட்ட படுகொலை சிங்கள அரசால் நடத்தப்படுகிறது. தமிழ்ப்பெண்கள், குறிப்பாக, 90,000 போர்க்கால விதவைகள் கதறுகிறார்கள். பெண்கள் காணாமல்போன தங்கள் கணவன், தந்தை, பிள்ளைகளைப் பற்றிய எந்தத் தடயமும் கிடைக்காமல், துயரத்தில் வாடுகிறார்கள். தமிழ் ஈழப் பகுதியிலிருந்து இலங்கை அரசின் ராணுவத்தை முற்றாக வெளியேற்ற மனித உரிமைகள் கவுன்சில் நடவடிக்கை எடுக்க வேண்டும். தமிழ் இனத்தை மொத்தப் பேரழிவிலிருந்து காப்பாற்ற சர்வதேச சமூகமும் மனித உரிமைகள் கவுன்சிலும் முன் வர வேண்டும்" என்று பேசினார்.

இந்த உரை முடித்துப் பதினைந்து நிமிடங்கள் கழித்து, வைகோ ஆற்றிய இரண்டாவது உரை, "வருகின்ற நவம்பர் மாதம் இலங்கையின் மனித உரிமைகள் குறித்து, அனைத்துலக ஆய்வு நடைபெறப் போகின்றது. முள்ளிவாய்க்காலிலும் அதற்கு முன்னரும் தான் நடத்திய இனப்படுகொலைக் குற்றங்களில் இருந்தும், 2015 தீர்மானத்தில் இருந்தும் தப்பித்துக்கொள்ள இலங்கை அரசு தந்திரமான வழிகளைக் கையாள்கின்றது.
இலங்கை அதிபர் சிறிசேனாவும், பிரதமர் ரணில் விக்கிரமசிங்கேவும், ஊடக நேர்காணல்களில் 2015 தீர்மானத்தின் பரிந்துரைகளை ஏற்க வேண்டியது இல்லை என்றும், போர்க்குற்றங்கள் விசாரணை எதுவும் நடக்காது என்றும் கூறுகின்றனர். ஆனால், இன்றைக்கும் ஈழத் தமிழர்களுக்கு எதிரான சித்ரவதையும், படுகொலைகளும் சிங்கள ராணுவம், போலீஸால் நடத்தப்படுகின்றது. உதாரணமாக 2016 டிசம்பரில் யாழ் பல்கலைக்கழகத்தின் இரண்டு மாணவர்கள் நடராஜன் கஜன், பவுன்ராஜ் சுலக்சன் சிங்களப் போலீஸாரால் மிருகத்தனமாகச் சுட்டுக் கொல்லப்பட்டனர். தமிழ்ப் பெண்களைப் பாலியல் வன்முறைக்கு சிங்கள ராணுவம் ஆளாக்குகிறது. கிளிநொச்சியில் கடந்த 210 நாள்களாக ஈழத்தமிழ்ப்பெண்கள் தாய்மார்கள் நீதிகேட்டு தொடர் உண்ணாவிரதம் இருக்கின்றனர். அவர்களின் விம்மல்களையும், அழுகைச் சத்தத்தையும் மனித உரிமைகள் கவுன்சில் செவி கொடுத்துக் கேட்கட்டும்
கொடுமையானபோது பால சேனா அமைப்பு, சிங்களக் குண்டர்களைக்கொண்ட அமைப்பு, கிழக்கு மாகாணத்தில் முஸ்லிம் மசூதிகளைத் தாக்குவதோடு, இஸ்லாமிய மக்கள் மீதும் வன்முறையைக் கட்டவிழ்க்கிறது.
ஈழத்தமிழர்களைப் பாதுகாப்பதற்கும், நீதி கிடைப்பதற்கும் இருக்கின்ற ஒரே வழி என்னவென்றால், மனித உரிமைகள் கவுன்சில் இந்தப் பிரச்னையை ஐ.நா.வின் பொதுச் சபைக்கு அனுப்புவதோடு, இலங்கை அரசு நடத்திய இனப்படுகொலை போர்க்குற்றங்களை விசாரிக்க சர்வதேச கிரிமினல் நீதிமன்றம் அமைப்பதற்கு ஐ.நா.வின் பாதுகாப்புச் சபை முன்வர வேண்டும் என்று பரிந்துரை செய்ய வேண்டும்.

மனித குலத்துக்கு எதிராக வட கொரியா நடத்திய குற்றங்களை விசாரிக்க என்ன ஏற்பாடுகள் நடந்தனவோ, அதே ஏற்பாடு ஈழத்தமிழர்களுக்கும் நடக்க வேண்டும். இலங்கையில் தமிழர்களுக்கு உள்ள ஆபத்தான நிலைமையை மனித உரிமைகள் கவுன்சில் ஐ.நா.வின் பொதுச்செயலாளரான மனித உரிமைகள் காவலர் அண்டோனியோ குட்டரெசுக்கு அனுப்பி வைக்க வேண்டும். அவர் இலங்கைத் தீவுக்குச் சென்று நேரில் பார்வையிட்டுக் கண்காணித்து முடிவு எடுக்க வாய்ப்பு ஏற்படும்" என்று பேசினார். இந்த உரையை, குர்திஸ்தான் பிரதிநிதி உட்படப் பலரும் வைகோவுக்குக் கை கொடுத்துப் பாராட்டினர். ஆனால், உரை முடித்துவிட்டு இரண்டு எட்டு நடப்பதற்குள் சிங்களவர்கள் ஆறேழு பேர் வைகோவைச் சூழ்ந்து கொண்டார்கள். அதில் ஒரு பெண்மணி, நீ இலங்கைப் பிரஜை இல்லையே? நீ இலங்கையைப் பற்றி எப்படிப் பேசலாம்? என்று கேட்டார். உடனே வைகோ பொறுமையாக, நீங்கள் யார்? இலங்கையைச் சேர்ந்தவரா? நீங்கள் சிங்களப் பெண்மணியா? என்று கேட்டார். அதற்கு அந்தப் பெண்மணி ஆமாம் என்றார். நான் தமிழ்நாட்டைச் சேர்ந்தவன். எங்களுக்கும் ஈழத்தமிழர்களுக்கும் ஆயிரக்கணக்கான ஆண்டுகளாக தொப்புள்கொடி ரத்த உறவு இருக்கின்றது. எனக்குப் பேச உரிமை உண்டு என்றார். அதற்குள் அவரைச் சூழ்ந்துகொண்ட சிங்களவர்கள், விடுதலைப்புலிகள் கொடூரமான கொலைகாரர்கள். அக்கிரமக்காரர்கள். அவர்களை ஆதரித்து நீ எப்படிப் பேசலாம்? என்றார்கள். அப்போது வைகோ, "லட்சக்கணக்கான தமிழர்களை நீங்கள் கொன்றீர்கள். எங்கள் தாய்மார்கள் சகோதரிகளைக் பாலியல் வன்கொடுமை செய்து கொன்றீர்கள். எங்கள் பச்சைக் குழந்தைகளைக் கொன்றீர்கள். நீங்கள் கொலைகாரப் பாவிகள்" என்றார்.
இப்படிச் சூழ்ந்துகொண்டு வைகோவிடம் தகராறு செய்த சிங்களவர்களுள் போர்க்குற்றங்களில் ஈடுபட்ட முன்னாள் ராணுவத்தினர்தான் பெரும்பான்மையாக இருக்கின்றார்கள். அவர்கள் 35 பேர் வந்து இருக்கின்றார்கள்.

"அந்தப்பெண்மணி வைகோவுடன் தகராறு செய்வதை மனித உரிமைகள் கவுன்சிலுக்கு உள்ளேயே சிலர் வீடியோ எடுத்தார்கள். அவ்வாறு யாரும் அங்கே எடுக்கக் கூடாது. இதன்மூலம் அவர்கள் திட்டமிட்டு வைகோவை மனித உரிமைகள் கவுன்சிலுக்குள்வர விடாமல் தடுக்கச் செய்கின்ற சதி இது" என்று ஈழத்தமிழர்கள் கூறினார்கள்.

http://www.vikatan.com/news/tamilnadu/103253-sinhalese-in-argument-with-vaiko-at-un-meet.html

Edited September 25, 20178 yr by நவீனன்

September 25, 20178 yr

கருத்துக்கள உறவுகள்

வரலாற்றுப் புத்தகத்தில் கறுப்புப் பக்கத்தில் சிங்கள ----- , ---- க்கு சொந்தக்காரர்களுக்கும் நிச்சய இடமுண்டு...

Edited September 25, 20178 yr by நிழலி
அநாகரீக / அருவருப்பான சொற்கள் நீக்கம்

September 25, 20178 yr

தொடங்கியவர்

ஐ.நா மனித உரிமைகள் கவுன்சிலில் வைகோவுடன் சிங்களர்கள் தகராறு!

September 26, 20178 yr

கருத்துக்கள உறவுகள்

அநாகரீக அருவருப்பான சொற்கள் நீக்கம்...

வரவேற்கிறேன்...

அநாகரீகமாகவும், அருவறுக்கத்தக்கமாகவும் உலகம் இயங்குகிறதே...

அதற்க்கு ஈடாக பீ யை மன்னிக்கவும், நிலத்திற்கு உரமாக பயன்படும் மலம் எவ்வளவோ மேல்...

ஒரேடியாக அணுகுண்டை போட்டு மொத்த பூமியை தான் அழிக்க வேண்டும்... உங்கள் மொழியில் நீக்கப் பெற வேண்டும்... அடுத்த பரிணாம வளர்ச்சிக்காகவாவது வழிவிட்டோம் என்ற புண்ணியமோ பெருமையோ வந்தடையும்...

உலக வரலாற்றில் முடை நாற்றத்தை உலகெங்கிலும் பரவச்செய்யும் இந்த மலத்தை துடைக்காமல் பயணம் செய்யும் மனிதன், எதிர்கால மனித குலம் காரி உமிழும் படியான துர்நாற்றத்தை தாங்கி பிடித்த வாறு பல்லிளித்துக் கொண்டு நிற்பான்...

நாகரீக உலகில் தான் நாகரீக மொழியை பயன்படுத்த முடியும், நாகரீகமாகவும் நடந்துகொள்ள முடியும்... இந்த உலகிற்கு அம்மணமாக அலைவதே போதுமானது...

நாகரீகமாம்... நாகரீகம்...
பச்சிளங்குழந்தைகாளையும், சிறார்களை அழித்த
பல்லிளிக்கும் உலக நாகரீகம்...
முட்டாள்களாக்கும் உண்ணாவிரத நாகரீகம்...

இன்றும் நாடகம் தொடர்கிறது...

September 26, 20178 yr

கருத்துக்கள உறவுகள்

இந்த நிகழ்வு சிங்களவர்கள்ஒரு போதும் மாறமாட்டார்கள்.அவர்கனு;கு முன்னால் போர்க்குற்றம் ,சமஷ்டி,தமிழீழம்,தமிழ் உரிமை போன்ற சொற்களைப் பேசக்கூடாது என்பதையே காட்டுகின்றது. இது ராஜபக்க ஆட்சியாக இருந்தாலும் சரி,மைத்திரி,ரணில் அரசாங்கமாயினும் ஒன்றுதான். இதைப் போன்ற நிகழ்வை சம்பந்தர் ஒருபோதும் சந்திக்கவே இல்லை. ஏனென்றால் அவர் ஒருபோதும் தமிழர் உரிமை பற்றிப் பேசுவதே இல்லை. பிருpக்கப்படாத ஒருமித்த நாட்டுக்குள் தீர்வு என்று சிங்களவர்களுக்கு இதமாகாத்தான் பேசுவார். இவர்தமிழர்களுக்கு உரிமை பெற்றுத்தருவார் என்று நம்புவது கடைந்தெடுத்த முட்டாள்தனம்.

September 26, 20178 yr

கருத்துக்கள உறவுகள்

9 hours ago, புலவர் said:

இந்த நிகழ்வு சிங்களவர்கள்ஒரு போதும் மாறமாட்டார்கள்.அவர்கனு;கு முன்னால் போர்க்குற்றம் ,சமஷ்டி,தமிழீழம்,தமிழ் உரிமை போன்ற சொற்களைப் பேசக்கூடாது என்பதையே காட்டுகின்றது. இது ராஜபக்க ஆட்சியாக இருந்தாலும் சரி,மைத்திரி,ரணில் அரசாங்கமாயினும் ஒன்றுதான். இதைப் போன்ற நிகழ்வை சம்பந்தர் ஒருபோதும் சந்திக்கவே இல்லை. ஏனென்றால் அவர் ஒருபோதும் தமிழர் உரிமை பற்றிப் பேசுவதே இல்லை. பிருpக்கப்படாத ஒருமித்த நாட்டுக்குள் தீர்வு என்று சிங்களவர்களுக்கு இதமாகாத்தான் பேசுவார். இவர்தமிழர்களுக்கு உரிமை பெற்றுத்தருவார் என்று நம்புவது கடைந்தெடுத்த முட்டாள்தனம்.

வை கோவை நம்புங்கள். தமிழீழம் பிறக்கும்.

அமெரிக்கா வந்து காப்பாற்றும் என்று இவர் சொன்னதை நம்பி மக்கள் எல்லோரையும் அரசியல் துறை புலித்தேவனுடன் முள்ளிவாய்க்காலுக்கு அனுப்பி வைத்தார்களே? அவர்கள் நம்பிக்கை வீண்போகவில்லை. நீங்கள் இன்னும் கூடவே நம்புங்கள்.

September 26, 20178 yr

கருத்துக்கள உறவுகள்

இப்போ வை.கோ தான் அமெரிக்கா வரும் என்று பழியை அவர் மீது சிலர் போட்டு விட்டார்கள். சாதாரண மக்களே அமெரிக்கா வரும் என்று சொன்னார்கள். அத்தகைய ஒரு சூழலில் சொன்னார்களோ தெரியவில்லை. புலிகள் வை.கோவின் சொல்லை கேட்டார்கள் என்று யாரும் நம்ப மாட்டார்கள்.
ஆனால் மேற்படி அவர் ஐ.நாவுக்கு சென்று எமக்கு ஆதரவாக சொன்னவரை பாராட்ட, நன்றி சொல்ல இங்கு சிலருக்கு பழக்க வேண்டி உள்ளது.

September 26, 20178 yr

30 minutes ago, Jude said:

அமெரிக்கா வந்து காப்பாற்றும் என்று இவர் சொன்னதை நம்பி மக்கள் எல்லோரையும் அரசியல் துறை புலித்தேவனுடன் முள்ளிவாய்க்காலுக்கு அனுப்பி வைத்தார்களே? அவர்கள் நம்பிக்கை வீண்போகவில்லை. நீங்கள் இன்னும் கூடவே நம்புங்கள்.

இதற்கு உங்களிடம் ஆதாரம் உள்ளதா ஜூட்?

வைகோ வின் பேச்சு தமக்கு எதிரான நிலையை தோற்றுவிக்கும் என்பதற்காக போர்க் குற்றவாளிகளும் அவர்தம் குடும்பங்களும் வைகோ வை எதிர்க்கின்றனர். முக்கியமாக முன்னாள் இராணுவத் தள பதி ஜெனரல் ஜெகத் ஜயசூரிய விற்கு எதிராக புலம்பெயர் நாடுகளில் கொண்டுவரப்பட்ட போர்க் குற்றம் தொடர்பான வழக்கின் பின்பே அவர்கள் எதிர்க்கின்றனர். ஆனால் அவர்களுடன் சேர்ந்து நீங்களும் ஏன் ஐ.நா வில் அவர் கலந்து கொண்டதையிட்டு எதிர்க்கிண்றீர்கள் ஜூட்?

September 26, 20178 yr

கருத்துக்கள உறவுகள்

இப்ப இது தான் நடக்குது

தமிழர் சார்பாக கதைப்பவர் எல்லோரும் இன அழிப்பின் போது துரோகம் செய்தோராக காட்டப்படுகிறார்கள்

இதன் மூலம் குற்றவாளிகள் தப்பித்தாலும் பரவாயில்லை

நம்மவருக்கு கண்போனால் போதும்...

28 minutes ago, நிழலி said:

இதற்கு உங்களிடம் ஆதாரம் உள்ளதா ஜூட்?

வைகோ வின் பேச்சு தமக்கு எதிரான நிலையை தோற்றுவிக்கும் என்பதற்காக போர்க் குற்றவாளிகளும் அவர்தம் குடும்பங்களும் வைகோ வை எதிர்க்கின்றனர். முக்கியமாக முன்னாள் இராணுவத் தள பதி ஜெனரல் ஜெகத் ஜயசூரிய விற்கு எதிராக புலம்பெயர் நாடுகளில் கொண்டுவரப்பட்ட போர்க் குற்றம் தொடர்பான வழக்கின் பின்பே அவர்கள் எதிர்க்கின்றனர். ஆனால் அவர்களுடன் சேர்ந்து நீங்களும் ஏன் ஐ.நா வில் அவர் கலந்து கொண்டதையிட்டு எதிர்க்கிண்றீர்கள் ஜூட்?

September 26, 20178 yr

கருத்துக்கள உறவுகள்

4 hours ago, Jude said:

வை கோவை நம்புங்கள். தமிழீழம் பிறக்கும்.

அமெரிக்கா வந்து காப்பாற்றும் என்று இவர் சொன்னதை நம்பி மக்கள் எல்லோரையும் அரசியல் துறை புலித்தேவனுடன் முள்ளிவாய்க்காலுக்கு அனுப்பி வைத்தார்களே? அவர்கள் நம்பிக்கை வீண்போகவில்லை. நீங்கள் இன்னும் கூடவே நம்புங்கள்.

அப்ப சம்பந்தரை நம்பினால் இரக்கிற மாகாணசபையாவத ஒழுங்காகக்கிடைக்குமா?போர்க்குற்ற விசாரணை .காணாமல் போனவர்கள் பற்றிய பிரச்சினை.காணிவிடுவிப்பு போன்ற பல பிரச்சினைகள் இருக்க ஏதாவது ஒருவிடயத்தை வந்து ஐநாவில கதைக்க வக்கில்லாத சம்பந்தர் கொம்பனியை நம்பிநதிலும் பார்க்க எங்கள் பிரச்சினையை ஐநாவில் கதைக்கிற ஐவகோ எவ்வளவோ மேல்.எதிர்க்கட்சித்தரைலவ் பதவியை வைத்துக்கொண்டே எதுவும் செய்யாதவர் என்ன ம..ப்புடுங்கப்போறார்?

September 26, 20178 yr

கருத்துக்கள உறவுகள்

5 hours ago, Jude said:

வை கோவை நம்புங்கள். தமிழீழம் பிறக்கும்.

அமெரிக்கா வந்து காப்பாற்றும் என்று இவர் சொன்னதை நம்பி மக்கள் எல்லோரையும் அரசியல் துறை புலித்தேவனுடன் முள்ளிவாய்க்காலுக்கு அனுப்பி வைத்தார்களே? அவர்கள் நம்பிக்கை வீண்போகவில்லை. நீங்கள் இன்னும் கூடவே நம்புங்கள்.

ரோக்கியோவில் நடந்த இணைத்தலைமை நாடுகளின் கூட்டத்திற்கு அழைக்கப்பட்ட புலிகள்.. அமெரிக்காவில் நடத்தப்பட்ட கூட்டத்திற்கு அழைக்கப்படவில்லை. அப்படியாப்பட்ட அமெரிக்கா.. தமிழ் மக்களை காப்பாற்ற வரும் என்று புலிகள் நம்பினார்கள் என்பது.. தற்போது பலரும் பரப்பும் விடு கதை.

அமெரிக்கா வெளிப்படையாக உதவி செய்து தான்.. இந்த யுத்தமே முன்னெடுக்கப்பட்டது.. அதுவும் புலிகளுக்குத் தெரியும்.

அமெரிக்காவின் சூழ்ச்சி வலை தங்களைச் சுற்றிப் பின்னப்படுவதும் புலிகளுக்குத் தெரியும்.

அதனால்.. தான் இறுதி வரை அவர்களை நோர்வேயை நம்பினார்கள்.. தொடர்பு கொண்டார்கள்.. அமெரிக்காவை அல்ல.

உண்மையில்.. தமிழ் மக்களை ஏமாற்றிய நாடு நோர்வே தான். அமெரிக்கா தமிழ் மக்களுக்கு எதிராகவே நின்றமை.. இந்தியா.. சீனா.. பாகிஸ்தான்.. இஸ்ரேல்.. ரஷ்சியா.. ஜப்பான்..எல்லாரும் நின்றமை வெளிப்படை. ஆனால் நோர்வே மட்டும் தான் நடுநிலைமை என்று கைவிட்ட நாடு. அதன் பொறுப்புக்களில் இருந்து விலகி நின்ற நாடு.

வைகோ தமிழீழம் எடுத்துத் தருவார் என்று எப்போதும் தமிழ் மக்கள் நம்பியதில்லை. தங்களின் எண்ணங்களை வைகோ தமிழகத்தில்.. சர்வதேச அரங்கில் பிரதிபலிப்பார் என்று மட்டுமே தமிழ் மக்கள் நம்பினார்கள்.. இப்பவும் அந்த நம்பிக்கை அவரிடம் தமிழ் மக்களால் வைக்கப்பட்டுள்ளது. அதை அவர் எவ்வளவு தூரம் தூய்மையாகச் செய்கிறார் என்பதற்கு அவரின் செயற்பாடுகள் தான் பதில் சொல்லனும்.

Edited September 26, 20178 yr by nedukkalapoovan

September 27, 20178 yr

கருத்துக்கள உறவுகள்

10 hours ago, நிழலி said:

இதற்கு உங்களிடம் ஆதாரம் உள்ளதா ஜூட்?

வைகோ வின் பேச்சு தமக்கு எதிரான நிலையை தோற்றுவிக்கும் என்பதற்காக போர்க் குற்றவாளிகளும் அவர்தம் குடும்பங்களும் வைகோ வை எதிர்க்கின்றனர். முக்கியமாக முன்னாள் இராணுவத் தள பதி ஜெனரல் ஜெகத் ஜயசூரிய விற்கு எதிராக புலம்பெயர் நாடுகளில் கொண்டுவரப்பட்ட போர்க் குற்றம் தொடர்பான வழக்கின் பின்பே அவர்கள் எதிர்க்கின்றனர். ஆனால் அவர்களுடன் சேர்ந்து நீங்களும் ஏன் ஐ.நா வில் அவர் கலந்து கொண்டதையிட்டு எதிர்க்கிண்றீர்கள் ஜூட்?

வைகோ ஐ.நா.வில் கலந்து கொண்டதை எதிர்க்கவில்லை.

சம்பந்தனை நம்ப வேண்டாம் என்றும் வை.கோவை நம்புங்கள் என்றும் புலவர் எழுதியதற்கு பதில் எழுதினேன். வை.கோ. இறுதி நாட்களில் தனது நண்பர்கள் ஊடாக அமெரிக்க ஒபாமா அரசின் உயர்மட்ட தொடர்புகள் மூலம் மக்களை காப்பாற்ற முயற்சித்தார் என்றும் அவரின் முயற்ச்சியால் அமெரிக்க பசிபிக் கடற்படை தளத்தின் உயர் அதிகாரிகள் கொழும்பு வரை வந்தும் கோத்தபாய விடவில்லை என்றும் சில ஊடகங்களில் ஆக்கங்கள் வந்திருந்தன. அந்த நம்பிக்கையிலேயே குடி தண்ணீர் கூட இல்லாத முள்ளி வாய்க்காலுக்கு கடல் வழியே மக்களை அமெரிக்க கப்பல்கள் மூலம் வெளியேற்ற மக்கள் கொண்டு வரப்பட்டார்கள் என்றும் அந்த செய்திகளில் படித்திருந்தேன். அவற்றின் பிரதிகளை சேர்த்து வைக்கவில்லை.

வை.கோ. தனக்கு தெரிந்ததை செய்கிறார். சம்பந்தனும் தன்னால் முடிந்ததை செய்கிறார். இவரை நம்பு அவரை நம்பாதே என்று இன்று சொல்லும் புலவர் தேசிய தலைவரை நம்பாதே, தமிழ் ஈழம் கிடைக்காது என்று சொன்னாரா? இல்லையே? வை. கோவை நம்பி மக்கள் இன்று அழிந்து போகவில்லையா? சம்பந்தனை நம்பி மக்கள் நிம்மதியாக வாழ்ந்தால் புலவருக்கு நிம்மதி போய் விடுமா?

Edited September 27, 20178 yr by Jude

September 27, 20178 yr

45 minutes ago, Jude said:

வை. கோவை நம்பி மக்கள் இன்று அழிந்து போகவில்லையா? சம்பந்தனை நம்பி மக்கள் நிம்மதியாக வாழ்ந்தால் புலவருக்கு நிம்மதி போய் விடுமா?

சற்று புரியும் படியாக எழுதினால் விளங்க ஏதுவாய் இருக்கும்

வைகோவை நம்பி எந்த மக்கள் அழிந்தார்கள் ? மக்கள் நிம்மதியாய் வாழ்வதற்கும் சம்மந்தனுக்கும் என்ன தொடர்பு ?

September 27, 20178 yr

கருத்துக்கள உறவுகள்

3 hours ago, Jude said:

வைகோ ஐ.நா.வில் கலந்து கொண்டதை எதிர்க்கவில்லை.

சம்பந்தனை நம்ப வேண்டாம் என்றும் வை.கோவை நம்புங்கள் என்றும் புலவர் எழுதியதற்கு பதில் எழுதினேன். வை.கோ. இறுதி நாட்களில் தனது நண்பர்கள் ஊடாக அமெரிக்க ஒபாமா அரசின் உயர்மட்ட தொடர்புகள் மூலம் மக்களை காப்பாற்ற முயற்சித்தார் என்றும் அவரின் முயற்ச்சியால் அமெரிக்க பசிபிக் கடற்படை தளத்தின் உயர் அதிகாரிகள் கொழும்பு வரை வந்தும் கோத்தபாய விடவில்லை என்றும் சில ஊடகங்களில் ஆக்கங்கள் வந்திருந்தன. அந்த நம்பிக்கையிலேயே குடி தண்ணீர் கூட இல்லாத முள்ளி வாய்க்காலுக்கு கடல் வழியே மக்களை அமெரிக்க கப்பல்கள் மூலம் வெளியேற்ற மக்கள் கொண்டு வரப்பட்டார்கள் என்றும் அந்த செய்திகளில் படித்திருந்தேன். அவற்றின் பிரதிகளை சேர்த்து வைக்கவில்லை.

வை.கோ. தனக்கு தெரிந்ததை செய்கிறார். சம்பந்தனும் தன்னால் முடிந்ததை செய்கிறார். இவரை நம்பு அவரை நம்பாதே என்று இன்று சொல்லும் புலவர் தேசிய தலைவரை நம்பாதே, தமிழ் ஈழம் கிடைக்காது என்று சொன்னாரா? இல்லையே? வை. கோவை நம்பி மக்கள் இன்று அழிந்து போகவில்லையா? சம்பந்தனை நம்பி மக்கள் நிம்மதியாக வாழ்ந்தால் புலவருக்கு நிம்மதி போய் விடுமா?

சம்பந்தனை நம்ப வேண்டாம் என்றும் வை.கோவை நம்புங்கள் என்று எங்கே நான் எழுதினேன்.நான் எழுதியதை மீண்டும் வாசித்துப்பாருங்கள். இப்படித்தான் அமெரிக்கா உதவிக்கு வரும் என்று வைகோ சொன்னதாக நீங்கள் அவிழ்த்து விட்ட கட்டுக்கதையும் இருக்கும்.சம்பந்தரை எப்படி நம்புவது?1977இல் தமிழீழம் கேட்டார்.2004 இல் புலிகளே தமிழ்மக்களின் ஏகபிரதிநிதிகள் என்று புலிகளின்ஏற்றுக்கொண்டார்.20ழ(இல் புலிகள் கொடிய பயங்கரவாதிகள் என்றார். 2016இற்குள் தீர்வு வரும் என்றார். பிறகு அடுத்த தீபாவளிக்குள் தீர்வு வரும் என்றார். இப்ப தீர்வு வரும் ஆனால் வராது என்கிறார். அடிக்கடி கொள்கைகளை மாற்றிமாற்றிப் பெசும் சம்பந்தரை எந்த அடிப்படையில் நம்பச் சொல்கிறீர்கள்????

September 28, 20178 yr

கருத்துக்கள உறவுகள்

20 hours ago, புலவர் said:

சம்பந்தனை நம்ப வேண்டாம் என்றும் வை.கோவை நம்புங்கள் என்று எங்கே நான் எழுதினேன்.நான் எழுதியதை மீண்டும் வாசித்துப்பாருங்கள். இப்படித்தான் அமெரிக்கா உதவிக்கு வரும் என்று வைகோ சொன்னதாக நீங்கள் அவிழ்த்து விட்ட கட்டுக்கதையும் இருக்கும்.சம்பந்தரை எப்படி நம்புவது?1977இல் தமிழீழம் கேட்டார்.2004 இல் புலிகளே தமிழ்மக்களின் ஏகபிரதிநிதிகள் என்று புலிகளின்ஏற்றுக்கொண்டார்.20ழ(இல் புலிகள் கொடிய பயங்கரவாதிகள் என்றார். 2016இற்குள் தீர்வு வரும் என்றார். பிறகு அடுத்த தீபாவளிக்குள் தீர்வு வரும் என்றார். இப்ப தீர்வு வரும் ஆனால் வராது என்கிறார். அடிக்கடி கொள்கைகளை மாற்றிமாற்றிப் பெசும் சம்பந்தரை எந்த அடிப்படையில் நம்பச் சொல்கிறீர்கள்????

கேள்வியும் நானே! பதிலும் நானே! என்று நீங்களே இருக்கும் போது ...

23 hours ago, சண்டமாருதன் said:

சற்று புரியும் படியாக எழுதினால் விளங்க ஏதுவாய் இருக்கும்

வைகோவை நம்பி எந்த மக்கள் அழிந்தார்கள் ? மக்கள் நிம்மதியாய் வாழ்வதற்கும் சம்மந்தனுக்கும் என்ன தொடர்பு ?

வைகோ என்றால் என்ன? யார் சம்பந்தன்? நீங்களும் இந்த திரியை முதல் இருந்து படித்துவிட்டு கேள்விகளையும் விளக்கமாக கேட்கலாமே?

September 28, 20178 yr

31 minutes ago, Jude said:

வைகோ என்றால் என்ன? யார் சம்பந்தன்? நீங்களும் இந்த திரியை முதல் இருந்து படித்துவிட்டு கேள்விகளையும் விளக்கமாக கேட்கலாமே?

வைகோ ஒருவரது பெயர் - வை. கோபல்சாமி வைகோ என்ற பெயரலேயே நீண்டகாலமாக அழைக்கப்படுகின்றார் தவிர வை.கோ அல்ல.

Quote

தி.மு.க மேடையில் வைகோ..!' உற்சாகத்துடன் அணி சேரும் எதிர்க்கட்சிகள்! - ஆனந்த விகடன்

ஐ.நா.மன்றத்தில் வைகோ மீது தாக்குதல் முயற்சி; இலங்கை தூதரகம் முன்பு நாளை கண்டன ஆர்ப்பாட்டம்: மதிமுக அறிவிப்பு- இந்து

வைகோ தான் அவரின் முகநூலிலும் ஆங்கிலத்தில் vaiko'

கூகுளில் தேடினாலும் இப்பயேதான் அவரது பெயர் வரும்

எனவே உங்கள் முதல் கேள்வி புரிந்தும் அஃறிணையில் விழிக்கப்பட்டுள்ளது ஆரோக்கியமற்றது.

--------------------------

வைகோ முப்பது வருடகாலமாக தமிழீழ மக்களின் உரிமைக்காக குரல்கொடுத்துவருகின்றார். தமிழர்கள் மீதான சிங்கள இந்திய அரசின் மனித உரிமை மீறல்களு;கு எதிராக குரல் கொடுத்துவருகின்றார். அவர் தமிழீழ மக்களின் ஆதரவாளர். அவரை நம்பி யாரும் அழிந்துபோனதும் இல்லை அதற்கான அடிப்படையும் இல்லை அவசியமும் இல்லை. அவர் ஒடுக்கப்படும் தமிழீழ மக்களுக்காக நீண்டகாலமாக குரல்கொடுத்துவருகின்றார் அவரை நம்பி மக்கள் எதற்கு அழியவேண்டும்?

சம்மந்தன் குறித்து எந்த ஒரு நல் அபிப்பிராயமும் கிடையாது. அவரிடம் எக்காலத்திலும் உறுதியான நிலையான போச்சோ வாக்கோ கொள்கையோ அடிப்படையில் அரசியல் ரீதியாக இருந்ததில்லை. அவரது அரசியல் ஈடுபாட்டால் தமிழர்களுக்கு எக்காலத்திலும் எந்த ஒரு சிறு நன்மையும் ஏற்பட்டதில்லை ஏற்படவும் போவதில்லை.

September 28, 20178 yr

கருத்துக்கள உறவுகள்

On 9/27/2017 at 8:39 AM, Jude said:

மக்களை காப்பாற்ற முயற்சித்தார் என்றும் அவரின் முயற்ச்சியால் அமெரிக்க பசிபிக் கடற்படை தளத்தின் உயர் அதிகாரிகள் கொழும்பு வரை வந்தும் கோத்தபாய விடவில்லை என்றும் சில ஊடகங்களில் ஆக்கங்கள் வந்திருந்தன.

இதனை கோத்தாவிட்க்கு பயந்து அமெரிக்கர்கள் பின்னங்கால் பிடரியிலடிபட ஓட்டம் என்றும் எழுதலாம் ...லங்காவின் செய்தி போல
கோத்தாவையே எதிர்க்க துப்பிலாத அமேரிக்கா தமிழர்களை நிச்சயம் காப்பாற்றியிருக்கும் ...
அனைத்தையும் செய்மதியில் பார்த்துகொண்டு கார்டிநேட் பண்ணிக்கொண்டிருந்த பெரிய அண்ணை வாய்ப்பைத்தான் தேடிக்கொண்டிருந்தவர் ...என்ன செய்வது கோப்பால் அதுதான் கிடைக்கவில்லையே
சம்மு தீர்வை வெட்டி எடுத்துகொண்டுவருவார் என்று நம்புவதுபோல் இதையும் நம்புங்கள் ஆனால் அவரோ சிங்களவன் பேளப்போகும் அசிங்கத்திற்கு அவரோட நம்பர் பிளேட் அடிக்க ஓடித்திரியுறார் அது என்ன கன்றாவியாக இருந்தாலும் பிளேட் அவரோடது அசிங்கம் அவர்களோடது ....தின்னும் வேலை எங்களோடது

September 28, 20178 yr

கருத்துக்கள உறவுகள்

4 hours ago, Jude said:

கேள்வியும் நானே! பதிலும் நானே! என்று நீங்களே இருக்கும் போது ...

வைகோ என்றால் என்ன? யார் சம்பந்தன்? நீங்களும் இந்த திரியை முதல் இருந்து படித்துவிட்டு கேள்விகளையும் விளக்கமாக கேட்கலாமே?

இது ஆரம்பத்தில் எழுதப்பட்ட பதிவல்ல. சம்பந்தரை நம்பச் சொல்லி நீங்கள் எழுதிய பதிவிற்கே கேள்வியாக அமைந்த பதில் .

இந்த நிகழ்வு சிங்களவர்கள்ஒரு போதும் மாறமாட்டார்கள்.அவர்கனு;கு முன்னால் போர்க்குற்றம் ,சமஷ்டி,தமிழீழம்,தமிழ் உரிமை போன்ற சொற்களைப் பேசக்கூடாது என்பதையே காட்டுகின்றது. இது ராஜபக்க ஆட்சியாக இருந்தாலும் சரி,மைத்திரி,ரணில் அரசாங்கமாயினும் ஒன்றுதான். இதைப் போன்ற நிகழ்வை சம்பந்தர் ஒருபோதும் சந்திக்கவே இல்லை. ஏனென்றால் அவர் ஒருபோதும் தமிழர் உரிமை பற்றிப் பேசுவதே இல்லை. பிருpக்கப்படாத ஒருமித்த நாட்டுக்குள் தீர்வு என்று சிங்களவர்களுக்கு இதமாகாத்தான் பேசுவார். இவர்தமிழர்களுக்கு உரிமை பெற்றுத்தருவார் என்று நம்புவது கடைந்தெடுத்த முட்டாள்தனம்.

வை கோவை நம்புங்கள். தமிழீழம் பிறக்கும்.

September 28, 20178 yr

கருத்துக்கள உறவுகள்

புலிகளையும், அவர்களின் போராட்டத்தையும் ஆதரித்தவர்களை அவர்கள் எந்த பிண்ணனியைக் கொண்டவர்களாக இருந்தாலும் எதிர்ப்பதென்பது தமிழர்களுக்குள் இருக்கும் ஒரு குழுவினரின் யுக்தியாக இரருந்து வருகிறது. இந்தக் குழுவினர் 2009 இற்குமுன்னார் இருந்ததைக் காட்டிலும் இப்போது அதிகரித்தவர்களாக (பின்னாட்களில் இணைந்துகொண்டவர்கள் புலிகளை 2009 வரை ஆதரித்து , தோல்வியின் விரக்தியில் இக்குழுவினருடன் இணைந்தவர்கள்) இருக்கிறார்கள்.

அந்தவகையில்த்தான் திரு வை. கோபாலசாமி மீதான காழ்ப்புணர்வும் பார்க்கப்படல் வேண்டும். சிங்களவர்கல் எதிர்க்கிறார்கள் என்றால் அதை புரிந்துகொள்ளுதல் கடிணமானது இல்லை. மிகவும் வெளிப்படையானது. தமது அநியாயங்களை உலக அரங்கில் அவர் பேசுகிறார் என்பது நிச்சயம் சிங்களவர்களைக் கோபப்பட வைக்கும். ஆனால், தமிழர்களாக இருக்கும் ஒருவருக்கு இது எந்தவகையில் ஆத்திரத்தை ஏற்படுத்தும் என்பது மிகவும் கேள்விக்குறியானது. ஆக, அவர் பேசும் விடயம் பற்றி நோக்கப்படாது, அவரது பின்புலம் பற்றி நோக்கப்பட்டே இந்த விமர்சனம் முன்வைக்கப்படுகிறது என்று நினைக்கிறேன். அதாவது புலிகளை தொடர்ந்தும் ஆதரிப்பவர் என்கிற பின்புலம்.

மற்றும்படி அமெரிக்கா வருகிறது, ஆப்பிரிக்கா வருகிறது என்றெல்லாம் இவர் புலிகளை நம்பவைத்து முள்ள்வாய்க்காலுக்குத் தள்ளிச் சென்று பலிகொடுத்தார் என்பதெல்லாம் அவர்மீதான காழ்ப்புணர்விற்கு வலுச்சேர்க்க கட்டப்பட்ட கட்டுக்கதைகள்தான்.

சிங்களவர்கள் ஆத்திரப்படும் விடயம் ஒன்றை ஒரு தமிழர் செய்கிறார் என்றால், தமிழராக இருக்கும் எல்லோரும் ஆதரிக்கவேண்டும். அதை விட்டு விட்டு அவர் பலிகொடுத்தார், இன்னும் நம்புங்கள், இன்னும் பலிகொடுப்பார் என்பதெல்லாம் காழ்ப்புணர்ச்சியே !!!

September 28, 20178 yr

தொடங்கியவர்

இது நேற்று...

September 28, 20178 yr

கருத்துக்கள உறுப்பினர்கள்

On 27.9.2017 at 5:09 AM, Jude said:

வை.கோ. இறுதி நாட்களில் தனது நண்பர்கள் ஊடாக அமெரிக்க ஒபாமா அரசின் உயர்மட்ட தொடர்புகள் மூலம் மக்களை காப்பாற்ற முயற்சித்தார் என்றும் அவரின் முயற்ச்சியால் அமெரிக்க பசிபிக் கடற்படை தளத்தின் உயர் அதிகாரிகள் கொழும்பு வரை வந்தும் கோத்தபாய விடவில்லை என்றும் சில ஊடகங்களில் ஆக்கங்கள் வந்திருந்தன. அந்த நம்பிக்கையிலேயே குடி தண்ணீர் கூட இல்லாத முள்ளி வாய்க்காலுக்கு கடல் வழியே மக்களை அமெரிக்க கப்பல்கள் மூலம் வெளியேற்ற மக்கள் கொண்டு வரப்பட்டார்கள் என்றும் அந்த செய்திகளில் படித்திருந்தேன். அவற்றின் பிரதிகளை சேர்த்து வைக்கவில்லை.

காத்தான் பூத்தான் எழுதும் செய்திகளையெல்லாம் வாசித்துவிட்டு இங்குவந்து பட்டணத்தில் பூதம் ரேஞ்சில் கதைவிடுபவரா நீங்கள்??????

September 29, 20178 yr

கருத்துக்கள உறவுகள்

On 28.9.2017 at 12:32 PM, ragunathan said:

புலிகளையும், அவர்களின் போராட்டத்தையும் ஆதரித்தவர்களை அவர்கள் எந்த பிண்ணனியைக் கொண்டவர்களாக இருந்தாலும் எதிர்ப்பதென்பது தமிழர்களுக்குள் இருக்கும் ஒரு குழுவினரின் யுக்தியாக இரருந்து வருகிறது. இந்தக் குழுவினர் 2009 இற்குமுன்னார் இருந்ததைக் காட்டிலும் இப்போது அதிகரித்தவர்களாக (பின்னாட்களில் இணைந்துகொண்டவர்கள் புலிகளை 2009 வரை ஆதரித்து , தோல்வியின் விரக்தியில் இக்குழுவினருடன் இணைந்தவர்கள்) இருக்கிறார்கள்.

அந்தவகையில்த்தான் திரு வை. கோபாலசாமி மீதான காழ்ப்புணர்வும் பார்க்கப்படல் வேண்டும். சிங்களவர்கல் எதிர்க்கிறார்கள் என்றால் அதை புரிந்துகொள்ளுதல் கடிணமானது இல்லை. மிகவும் வெளிப்படையானது. தமது அநியாயங்களை உலக அரங்கில் அவர் பேசுகிறார் என்பது நிச்சயம் சிங்களவர்களைக் கோபப்பட வைக்கும். ஆனால், தமிழர்களாக இருக்கும் ஒருவருக்கு இது எந்தவகையில் ஆத்திரத்தை ஏற்படுத்தும் என்பது மிகவும் கேள்விக்குறியானது. ஆக, அவர் பேசும் விடயம் பற்றி நோக்கப்படாது, அவரது பின்புலம் பற்றி நோக்கப்பட்டே இந்த விமர்சனம் முன்வைக்கப்படுகிறது என்று நினைக்கிறேன். அதாவது புலிகளை தொடர்ந்தும் ஆதரிப்பவர் என்கிற பின்புலம்.

மற்றும்படி அமெரிக்கா வருகிறது, ஆப்பிரிக்கா வருகிறது என்றெல்லாம் இவர் புலிகளை நம்பவைத்து முள்ள்வாய்க்காலுக்குத் தள்ளிச் சென்று பலிகொடுத்தார் என்பதெல்லாம் அவர்மீதான காழ்ப்புணர்விற்கு வலுச்சேர்க்க கட்டப்பட்ட கட்டுக்கதைகள்தான்.

சிங்களவர்கள் ஆத்திரப்படும் விடயம் ஒன்றை ஒரு தமிழர் செய்கிறார் என்றால், தமிழராக இருக்கும் எல்லோரும் ஆதரிக்கவேண்டும். அதை விட்டு விட்டு அவர் பலிகொடுத்தார், இன்னும் நம்புங்கள், இன்னும் பலிகொடுப்பார் என்பதெல்லாம் காழ்ப்புணர்ச்சியே !!!

உண்மை!

உங்கள் நேரத்துக்கு நன்றி!

70ஆண்டுகளாக அழிவைச்சந்தித்த ஒரு இனத்துக்கு ஒரு இராயதந்திரி(பாலாஅண்ணாவைவிடுத்து) இல்லை. யாராவது இப்படிப் போர்க்குணமுள்ள ஒருவர் இன்றுவரை இல்லையே. வை .கோ அவர்கள் தனது முயற்சியைச் செய்கிறார் இதற்கேன் இங்குசிலர் பிரதட்டை செய்கிறார்கள். 2009பின் புலத்திலிருந்து யாராவது தன்னெழுச்சியாகத் தாயகப்பணியாற்றுகிறார்களா? (உதவிகள் தவிர்த்து) எனவே நான் எனது இனத்துக்கான கடமையில் என்ன செய்தேன் என்று தமிழர்களாகிய நாம் சிந்திக்க வேண்டிய சூழலில் சிந்திப்பவர்களையும் நிந்திக்கும் செயற்பாடென்பது ஆரோக்கியமா?

September 29, 20178 yr

கருத்துக்கள உறவுகள்

On 28.9.2017 at 12:32 PM, ragunathan said:

புலிகளையும், அவர்களின் போராட்டத்தையும் ஆதரித்தவர்களை அவர்கள் எந்த பிண்ணனியைக் கொண்டவர்களாக இருந்தாலும் எதிர்ப்பதென்பது தமிழர்களுக்குள் இருக்கும் ஒரு குழுவினரின் யுக்தியாக இரருந்து வருகிறது. இந்தக் குழுவினர் 2009 இற்குமுன்னார் இருந்ததைக் காட்டிலும் இப்போது அதிகரித்தவர்களாக (பின்னாட்களில் இணைந்துகொண்டவர்கள் புலிகளை 2009 வரை ஆதரித்து , தோல்வியின் விரக்தியில் இக்குழுவினருடன் இணைந்தவர்கள்) இருக்கிறார்கள்.

அந்தவகையில்த்தான் திரு வை. கோபாலசாமி மீதான காழ்ப்புணர்வும் பார்க்கப்படல் வேண்டும். சிங்களவர்கல் எதிர்க்கிறார்கள் என்றால் அதை புரிந்துகொள்ளுதல் கடிணமானது இல்லை. மிகவும் வெளிப்படையானது. தமது அநியாயங்களை உலக அரங்கில் அவர் பேசுகிறார் என்பது நிச்சயம் சிங்களவர்களைக் கோபப்பட வைக்கும். ஆனால், தமிழர்களாக இருக்கும் ஒருவருக்கு இது எந்தவகையில் ஆத்திரத்தை ஏற்படுத்தும் என்பது மிகவும் கேள்விக்குறியானது. ஆக, அவர் பேசும் விடயம் பற்றி நோக்கப்படாது, அவரது பின்புலம் பற்றி நோக்கப்பட்டே இந்த விமர்சனம் முன்வைக்கப்படுகிறது என்று நினைக்கிறேன். அதாவது புலிகளை தொடர்ந்தும் ஆதரிப்பவர் என்கிற பின்புலம்.

மற்றும்படி அமெரிக்கா வருகிறது, ஆப்பிரிக்கா வருகிறது என்றெல்லாம் இவர் புலிகளை நம்பவைத்து முள்ள்வாய்க்காலுக்குத் தள்ளிச் சென்று பலிகொடுத்தார் என்பதெல்லாம் அவர்மீதான காழ்ப்புணர்விற்கு வலுச்சேர்க்க கட்டப்பட்ட கட்டுக்கதைகள்தான்.

சிங்களவர்கள் ஆத்திரப்படும் விடயம் ஒன்றை ஒரு தமிழர் செய்கிறார் என்றால், தமிழராக இருக்கும் எல்லோரும் ஆதரிக்கவேண்டும். அதை விட்டு விட்டு அவர் பலிகொடுத்தார், இன்னும் நம்புங்கள், இன்னும் பலிகொடுப்பார் என்பதெல்லாம் காழ்ப்புணர்ச்சியே !!!

16 minutes ago, nochchi said:

உண்மை!

உங்கள் நேரத்துக்கு நன்றி!

70ஆண்டுகளாக அழிவைச்சந்தித்த ஒரு இனத்துக்கு ஒரு இராயதந்திரி(பாலாஅண்ணாவைவிடுத்து) இல்லை. யாராவது இப்படிப் போர்க்குணமுள்ள ஒருவர் இன்றுவரை இல்லையே. வை .கோ அவர்கள் தனது முயற்சியைச் செய்கிறார் இதற்கேன் இங்குசிலர் பிரதட்டை செய்கிறார்கள். 2009பின் புலத்திலிருந்து யாராவது தன்னெழுச்சியாகத் தாயகப்பணியாற்றுகிறார்களா? (உதவிகள் தவிர்த்து) எனவே நான் எனது இனத்துக்கான கடமையில் என்ன செய்தேன் என்று தமிழர்களாகிய நாம் சிந்திக்க வேண்டிய சூழலில் சிந்திப்பவர்களையும் நிந்திக்கும் செயற்பாடென்பது ஆரோக்கியமா?

எலும்புத் துண்டுக்கு... அலையும் தமிழ் கூட்டம்,
காக்கை வன்னியன் காலத்தில் இருந்தே.... நாக்கை தொங்கப் போட்டுக் கொண்டு திரிவதால் தான்.....
இன்றும்... தமிழனுக்கு ஒரு விடிவில்லை.

September 30, 20178 yr

கருத்துக்கள உறவுகள்

On 9/28/2017 at 12:28 AM, சண்டமாருதன் said:

வைகோ ஒருவரது பெயர் - வை. கோபல்சாமி வைகோ என்ற பெயரலேயே நீண்டகாலமாக அழைக்கப்படுகின்றார் தவிர வை.கோ அல்ல.

கூகுளில் தேடினாலும் இப்பயேதான் அவரது பெயர் வரும்

தாய் தந்தை வைத்த பெயரை மாற்றி வைத்து கொள்வது பெற்றவர் விருப்பை உதறித்தள்ளும் செயல் அல்லவா?

பத்து மாதம் சுமந்து பெற்று வளர்த்து ஆளாக்கி விட இப்படி பெயரை மாற்றி, ஏதோ பெற்றவர்களுக்கு சரியான பெயர் வைக்க தெரியாதது போல, அவர்கள் விருப்பை உதறித்தள்ளிய இவர் சரியாக செயற்பட்டுள்ளாரா?

Quote

எனவே உங்கள் முதல் கேள்வி புரிந்தும் அஃறிணையில் விழிக்கப்பட்டுள்ளது ஆரோக்கியமற்றது.

தமிழீழம் என்றால் என்ன?

தமிழீழம் உயர்திணையா அஃறிணையா?

தமிழீழத்தை அஃறிணையில் விழிப்பது ஆரோக்கியமற்றதா?

22 hours ago, தமிழ் சிறி said:

எலும்புத் துண்டுக்கு... அலையும் தமிழ் கூட்டம்,
காக்கை வன்னியன் காலத்தில் இருந்தே.... நாக்கை தொங்கப் போட்டுக் கொண்டு திரிவதால் தான்.....
இன்றும்... தமிழனுக்கு ஒரு விடிவில்லை.

இப்படியே ஒப்பாரி வைப்பதால் விடிவு வந்து விடுமா? என்ன செய்யப்போகிறீர்கள்? தொடர்ந்தும் ஒப்பாரி மட்டும்தானா?

Edited September 30, 20178 yr by Jude

September 30, 20178 yr

கருத்துக்கள உறுப்பினர்கள்

4 hours ago, Jude said:

தாய் தந்தை வைத்த பெயரை மாற்றி வைத்து கொள்வது பெற்றவர் விருப்பை உதறித்தள்ளும் செயல் அல்லவா?

பத்து மாதம் சுமந்து பெற்று வளர்த்து ஆளாக்கி விட இப்படி பெயரை மாற்றி, ஏதோ பெற்றவர்களுக்கு சரியான பெயர் வைக்க தெரியாதது போல, அவர்கள் விருப்பை உதறித்தள்ளிய இவர் சரியாக செயற்பட்டுள்ளாரா?

உங்கள் பெயர்???????

Archived

This topic is now archived and is closed to further replies.

Go to topic listing

Love கருத்துக்களம்? Tell a friend!

“தமிழர்கள் ஓட்டு போதும்; திராவிடர்கள் ஓட்டு வேண்டாம்!” - நாதக பொதுக் குழுவில் சீமான் பேச்சு

யாழ்கள போட்டிக்கு கேள்விகொத்து ரெடியோ?
பிகு
எனக்கு மாட்டு கொத்துக்கு அடுத்து பிடித்தது உங்கள் தமிழக தேர்தல் கேள்வி கொத்துத்தான்😂

By goshan_che · 9 minutes ago9 min
திருத்தணி: மருத்துவமனையில் இருந்து ஒடிசா இளைஞர் வெளியேறியது ஏன்? - நடந்தது என்ன?

அப்பாவி பிற மொழி பேசும் அடித்தட்டு மக்களில் ஒருவர் வேடிக்கை என்ற பெயரில் கடுமையாக தாக்கப்பட்டது வன்மையாக கண்டிக்கத்தக்கது.
இதற்கு பிரதான காரணம் தமிழ் தேசியம் என்ற பெயரில் சீமான் தரவழி நச்சு பேர்வழிகள் இனத்தூய்மைவாதம் பேசிய போது…
அதை வேடிக்கை பார்த்த, பார்த்து கொண்டிருக்கிற அதிமுக, திமுக அரசுகள்தான்.

By goshan_che · 12 minutes ago12 min
அவனை எனக்குத் தெரியும் - ப.தெய்வீகன்

அவனை எனக்குத் தெரியும்
ப.தெய்வீகன்
தண்டவாளங்களுக்கு இடையில் அமைந்த சிட்னி நகரின் மத்திய ரயில் நிலையத்தில் நின்றுகொண்டிருந்தேன். எனக்கான அடுத்த ரயிலுக்கு 18 நிமிடங்கள் காத்திருக்க வேண்டும் என்று நேரத்திரை காண்பித்தது. இரும்புகளில் வழுக்கிவரும் ரயில்களின் ஓசை, விட்டு விட்டு ஒலித்தது. அடுத்தடுத்த ரயில்களின் வருகையை அறிவிப்பவரின் குரல் சுருதி பிசகாத மந்திரமாய் கேட்டது. நான் அருகிலிருந்த நீண்ட இரும்புக் கதிரையில் சென்று அமர்ந்தேன்.
தன்னால் சுமந்துகொண்டு நடக்க முடியாத இரண்டு பெரிய படச்சட்டங்களுடன் ஒரு மூதாட்டி வந்தார். எனக்கும் அவருக்கும் இடையில் பொலித்தீன் மூடிய அந்தப் படச்சட்டங்களை இரும்புக் கதிரையில் சாய்த்து வைத்தார். அவை கீழே விழுந்துவிடக்கூடாத கவனத்தோடு அணைத்தபடி அருகிலிருந்தார். அவரது நடுங்கும் விரல்களில் ஒன்றில் அணிந்திருந்த மோதிரத்தில் ஒரு சிறுவனின் முகம் தெரிந்தது. நான் அதனை உற்றுப் பார்க்கும் இடைவெளியில்
“ஹலோ” என்று எனக்கு வணக்கம் சொன்னார்.
முதுமையின் வழக்கமான சுருக்கங்கள் படர்ந்த முகத்தில் கண்கள் ஆழத்தில் தெரிந்தன. முன்னம் மிக நெருக்கமாகக் கண்ட உருவத்தை ஒத்த பார்வை.
“ஹலோ”
“படங்கள் வழுக்கி விழுந்து விடாமல், உங்களது பக்கத்திலும் பாதுகாப்பாகப் பார்த்துக்கொள்வீர்களா…”
என்னைத் தமிழர் என்று கணித்த அவரது உரையாடல் வியப்பளித்தது. சிறு புன்னகையால் எதிர்கொண்டடேன். படச்சட்டங்களின் எனது பக்க விளிம்புகளைக் கவனம் குன்றாமல் பிடித்துக்கொண்டேன்.
பதினெட்டாவது நிமிடத்தில் வந்த ரயிலில் நான் ஏறுவதற்குத் தயாரானபோது, மூதாட்டியும் அதே ரயிலில் வருவதற்கு எழுந்தார். இரண்டு படச்சட்டங்களையும் நானே ரயிலுக்குள் எடுத்துச் செல்ல உதவினேன். வெளியில் இருந்ததுபோல இப்போது ரயிலின் உள்ளே ஒரே இருக்கையில் இருவரும் அமர்ந்துகொண்டோம். எமக்கு இடையில் இரண்டு படச்சட்டங்கள். ஒரு அந்தத்தை அவரும் மறு அந்தத்தை நானும் பிடித்துக்கொண்டோம்.
எமக்கு முன்னால் அமர்ந்து மக் டோனல்ட்ஸ் உருளைக்கிழங்குப் பொரியலை ஒரு சிறுமி ஒவ்வொன்றாய் எடுத்து வாயில் வைத்து மென்றாள். அவளை மடியில் வைத்திருந்த தாயும் சிறுமியும் கண்ணாடி வழியாக வெளிக் காட்சியைப் பார்த்து ரசித்தப்படியிருந்தனர். என்னருகிலிருந்த மூதாட்டியும் என்னைப் போலவே அவர்களைப் பார்த்துத் தனக்குள் அசைபோடும் ஏதோ ஒரு நினைவில் புன்னகைத்தார். அவர் முகத்தில் தெரியும் அத்தனை உணர்வுகளையும் அவருக்குள் இழையோடு ஆழமான துயரொன்று மறைத்தபடியிருந்தது, முதுமையின் களைப்பையும் சலிப்பையும் மீறிய நீண்ட வடு அவரது நடுங்கும் பார்வையில் தெரிந்தது.
எங்கள் இருவருக்கும் இடையில் சகஜமான உரையாடல் ஆரம்பித்த சில நிமிடங்களில், தான் ஹோம்புஷ் பகுதியில் ஓவியங்கள் விற்கும் கடையொன்றை நடத்தி வருவதாக அந்த மூதாட்டி கூறினார்.
“அப்படியா, எனக்கு ஆஸ்திரேலியாவின் சமகால ஓவியங்களில் மிகுந்த ஈடுபாடு உள்ளது. பென் குவில்ட்டியின் ஓவியங்கள் எனக்கு மிகவும் பிடிக்கும்”
மூதாட்டி ஆச்சரியத்துடன் என்னை நோக்கினார். விழிகளில் மிதந்த நடுங்கும் பார்வை நிலையாக என்னில் பதிந்தது.
“மனிதன் தனக்குள் சிக்கிக்கொண்டுள்ள அக வலிகளை ஓவியங்களில் கொண்டுவருவதில் பென் குவில்ட்டிபோல் யாருமில்லை என்று நினைக்கிறேன். மனிதனை வரையாமல் மனித உணர்வுகளை வரையும் அவரது கலை எனக்குப் பிடிக்கும். உதாரணமாக போர் குறித்த தகவல்களை நாங்கள் செய்திகளில் பார்க்கிறோம், படிக்கிறோம், கடந்து விடுகிறோம். வரலாற்றில் இடம்பெற்ற பெருங்கொடுமைகளைப் பாடங்களாகப் படிக்கிறோம். ஆனால், உண்மையில் நாங்கள் படித்தபிறகு கடந்து செல்லும் அந்தச் செய்திகளை எங்களது உள்மனம் இலகுவில் கடந்து செல்கிறதா? இலகுவில் ஜீரணித்துவிடுகிறதா? நாங்கள் பார்த்த காட்சிகளிலிருந்து உண்மையிலேயே நாங்கள் வெளியேறிவிடுகிறோமா என்ற அசௌகரியமான வினாக்களை ஓவியங்களாக வெளிப்படுத்தும் பென் குவிலிட்டி உண்மையிலேயே காட்சிகளின் நாயகன்”
ஓவியம் பற்றி ஆர்வத்துடன் நான் வரைந்த சொற்களை மேலும் மேலும் ஆச்சரியத்துடனும் பெருமையோடும் அந்த மூதாட்டி பார்த்தார்.
“பொருளீட்டுவதற்குத் தமிழர்கள் எத்தனையோ வழிகளை நாடுகிறார்கள். ஆனால், நீங்கள் ஓவியக் கடையொன்றை நடத்துவது உண்மையிலேயே ஆச்சரியமாக உள்ளது”
விழிகளை மெதுவாக மூடித் திறந்தார். சிறு புன்னகையொன்றை உதிர்த்தார்.
“நான் நடத்தும் ஓவியக்கடை எனது மகனது ஓவியங்களை விற்கும் கடை. அவன் வரைந்த ஓவியங்களை மட்டும் விற்கும் கடை. என் மகன் உலகின் ஒப்பற்ற ஓவியன். நீங்கள் கூறிய பென் குவில்ட்டியைவிட மனித வலிகளை ரத்தமும் சதையுமாகத் தன் தூரிகையில் துயர்சிந்த வரைந்தவன். ஒன்று இரண்டல்ல நூறுக்கும் மேற்பட்ட ஓவியங்களை ஓரிரவில் வரைந்த சாதனையாளன். ஆனால், அவன் இப்போது உயிரோடு இல்லை”
தனது மகனின் ஓவியங்களைப் பற்றிய சொற்கள் அவரது பதிலில் சுவாலைகளாகச் சடைத்து கொழுந்துவிட்டெரிந்தன. குரலில் ததும்பிய அடர்த்தியும் பெருமையும் அவரது விழிகளில் புது வெளிச்சத்தை நிறைத்தது.
“உங்களது மகனின் பெயர்…..”
“ஓவியன் அருள்குமரன்”
உருளைக்கிழங்குப்பொரியலைத் தின்றுகொண்டிருந்த குழந்தை தனது தாயின் மடியிலிருந்து திடீரென்று எங்களைத் திரும்பிப் பார்த்தது.
படச்சட்டகங்களின் ஒரு அந்தத்தைப் பிடித்திருந்த கைகளில் மின்னல் இறங்கியதுபோல உதறியெழுந்தேன்.
(2)
இந்தோனேஷியாவில் மரண தண்டனை நிறைவேற்றப்படும் நூஸா படைமுகாமும் வாடிமுற்றமும் ஒளி வெள்ளத்தில் மிதந்தபடியிருந்தது. புல்பூண்டுகளின் நுனிகள்கூட அவ்வளவு தெளிவாக தெரியும் வகையில் பகல்போல ஜொலித்துக் கொண்டிருந்தது. மரண தண்டனையை நிறைவேற்றும் மொபி படையணியின் ஒன்பது பேரில் நானும் உள்ளேன் என்பதை அணித்தலைவர் வந்து பட்டியலைப் படித்து உறுதிச் செய்தார். அடுத்து மருத்துவர் ஒருவர் வந்து எங்கள் எல்லோரினது கைகளைப் பிடித்து நாடித்துடிப்பினைச் சோதனை செய்தார். இரத்த அழுத்தத்தைச் சோதித்தார்.
சரியாக நள்ளிரவு தாண்டி இருபது நிமிடங்களில் ஒன்பது பேரும் வெள்ளை கோட்டுக்கு அழைத்துச் செல்லப்பட்டோம். அமெரிக்க தயாரிப்பு ‘எம்16’ துப்பாக்கிகள் வரிசையில் அடுக்கி வைக்கப்பட்டிருந்தன. துப்பாக்கியை எடுத்துக் கொண்டு கோட்டடியை சென்றடைந்த போது, கறுப்பு முகமூடியால் மூடப்பட்ட ஆஸ்ரேலியாக்காரன் ஒருவன் கம்பத்தில் இறுக்கக் கட்டப்பட்டு எமக்காக தயாராக வைக்கப்பட்டிருந்தான்.
அப்போது, கிறிஸ்தவ பாதிரியார் ஒருவர் கம்பத்தில் கட்டப்பட்டிருந்தவனுக்கு அருகில் சென்று தோத்திரத்தோடு ஏதோ பாடலொன்றைப் பாடியபடி சுற்றி வந்தார். பிறகு அங்கிருந்து அவர் வெளியேறி விட, எங்கள் அணித்தலைவரும் மருத்துவரும் எங்களுக்கு அருகருகே வந்து நின்று கொண்டார்கள். நான் காதுகளைக் கூராக்கிக் கேட்டேன். அவனிடமிருந்து எந்தச் சத்தமும் வரவில்லை.
மூன்று – இரண்டு – ஒன்று என்று சொல்லி முடிக்கும் போது லேசர் வட்டத்திற்குள் எங்கள் பணியை முடிக்க வேண்டும்.
எனது நாக்கில் கசப்பொன்று ஒட்டிக் கிடப்பது போலிருந்தது. தாடைகள் விறைத்தன. இதயம் வேகமாக அடிக்கத் தொடங்கியது. நான் அணிந்திருந்த முகக்கவசத்துக்குள் வெப்பக்காற்றினை எனது முகம் உமிழ்ந்து கொண்டிருப்பது தெரிந்தது.
“பளீர்”
துவக்கின் பிடி என் நெஞ்சில் உதைத்தது. அந்தக் கணத்திலேயே உறைந்து போய் நின்று கொண்டிருந்தேன்.
ஆஸ்திரேலியாவைச் சேர்ந்த போதைப்பொருள் கடத்தல்காரன் அருள்குமரனின் உயிரற்ற தலை சரிந்தது.
(3)
அருள்குமரனின் மரண தண்டனை தீர்ப்பு உறுதியானது. அவன் சுட்டுக்கொல்லப்படவிருந்த தினத்திற்கு முதல்நாள் அவனது இறுதி ஆசைகளை நிறைவேற்றிக்கொள்வதற்குச் சிறை நிர்வாகம் அவகாசம் வழங்கியது.
அருள்குமரன் சிறையதிகாரிகளிடம் ஓவியப் பலகைகளைக் கேட்டான். அவன் கேட்ட அனைத்தையும் வழங்கினார்கள் சிறை அதிகாரிகள்.
அருள்குமரன் காலையில் எழுந்து குளித்தான். தனது வெள்ளைச் சிறை ஆடையுடன் வந்து அதிகாரிகளை வணங்கினான். சிறை அறையிலிருந்த யேசுவின் சிறு சுருவத்தின் முன்னால் கண் மூடித் தொழுதான். அவனது விரல்களுக்கு இடையில் செபமாலை உருண்டது. தியானத்தில் ஆழ்ந்தான்.
தன் விரல்களில் பூமியின் இறுதி வெளிச்சம் புகுந்துகொண்டதைப்போல, ஓவியப்பலகையின் முன்னால் தூரிகையுடன் அமர்ந்தான்.
எலும்பொடிந்த மனிதப்பேருரு ஒன்றை மண் வண்ணத்தில் வரைந்தான். இதயமுள்ள இடத்தில் பெருங்கோறையாத் துளையிட்டான். ஒற்றை விழியோடு கோரமாக அவ்வுருவம் வானை நோக்கிப் பிராத்திக்கும் – உடைந்த விரல்களுடைய – கைகளை வரைந்தான். குருதித் துளிகள் வழியும், ஆன்மாவின் ஒலியற்ற ஒப்பாரியை வரைந்து முடித்தான். சாம்பல் பீடத்தில் சம்மணமிட்டிருக்கும் அந்த ஓவியம் இறந்த இதயத்தோடு இறைஞ்சிக் குழறியது.
அடுத்த பலகையை எடுத்தான்.
கரிய வண்ணங்களை மாறி மாறித் தெரிவு செய்தான். தூரிகையில் ஒற்றியெடுத்தான். அறையில் விழுந்த கசங்கிய ஒளியில் அவனது முகம், ஏதோ ஒரு பெருங்களிப்பில் சிதையாய் சிலிர்த்தாடுவது போல தெரிந்தது.
இரவு ஒன்பது மணி வரையில் நூற்றுப் பதினாறு ஓவியங்களை வரைந்தான். வரைந்து முடித்த ஓவியப் பலகைகள் சுவரெங்கும் சாய்ந்து கிடந்தன. அறை நிறைந்தது. ஓவியத்தின் துயர்நெடியும் உயிர்வலியும் அதிகாரிகளின் அடிவயிற்றைப் பிசைந்தன.
தூரிகை சிந்திய வண்ணங்களால் தூய்மையான அருட்குமரன் அறையின் மூலையில் சாய்ந்தான். அத்தனை ஓவியங்களிலும் தன் இதய ஒலியை ஒற்றுக்கேட்டான். கீறிவிட்டதுபோல ஒரு சிறுபுன்னகையால் பிரசவித்த திருப்திக் கொண்டான்.
இறுதி மூச்சுக்களைச் சேகரித்தான். எழுந்து குளிக்கச் சென்றான்.
அதிகாரிகள் அவனைப் பின்தொடர்ந்தார்கள்.
(3)
அருட்குமரன் கொலையுண்ட பின்னர் அவனொரு தமிழன் என்று அறிந்தேன். அவன் சிறையில் எவ்வாறு ஓவியனாக உருவாகினான் என்று அதன் பிறகு செய்திகளில் படித்தேன். நூஸா தீவு அதிகாரிகளுடன் பேசும் சந்தர்ப்பமொன்றில், அவன் சாவதற்கு முதல்நாள் வரைந்த ஓவியங்களையும் அவற்றில் கொப்பளித்த அவனது உணர்வுகளையும் கேள்வியுற்றேன்.
ஒரு தமிழனை நானே சுட்டுக்கொன்ற பெருந்துயரின் ஊளை எனக்குள் ஒப்பாரியாகக் கேட்டபடியிருந்தது. என் உள்ளம் பனிப்பாளங்களாக மாறிவிட்டதைப்போல சில நாட்கள் உறைந்து கிடந்தேன். எனக்காக ஏதாவது ஒரு சொல் எனக்குத் தேவைப்பட்டது. என்னை நானே ஆறுதல் சொல்ல என் மனம் ஏங்கியது. ஆனால், எனது சொற்கள் எதுவும் எனை எட்டாது என்று என் ஆன்மா குழறியது.
கைதிகளுக்கு மரண தண்டனையை நிறைவேற்றுபவர்களின் உளவள நலன் கருதி, அந்நாட்டுப் படைத்துறைச் சட்டம் வழங்கும் வாய்ப்பைப் பயன்படுத்தினேன். ‘மொபி’ சூட்டுப் படையணியிலிருந்து ஓய்வு பெற்றேன்.
அருட்குமரனின் மரணம் எனது வாழ்வை நிறுத்தி எழுப்பியது. மீண்டும் எந்தப் படையிலும் பணியாற்ற முடியாமல் மனதளவில் பாதிக்கப்பட்டேன். அவனுக்குத் தண்டனையை நிறைவேற்றிய குற்ற உணர்விலிருந்து வெளியேற முடியாத எனது நாட்கள் – மாதங்களாக – வருடங்களாக நீண்டு வதைத்தது.
இந்தோனேஷியாவின் பாலியின் ‘தீர்த்தா எம்புல்’ என்ற பாவங்களைக் கழுவும் புனிதச் சுனையில் சென்று முப்பது தண்ணீரிலும் மூழ்கி எழுந்தேன். என் துயர் சுமப்பதற்கு ஓருடல் போதாது போல கனன்றுகொண்டிருந்த என் நிலையை மனைவி வைஷாலி அச்சத்தோடு கணித்தாள்.
முழுமையான மாற்றத்திற்காக நாங்கள் இருவரும் ஆஸ்திரேலியாவுக்குப் புலம்பெயர்ந்தோம்.
எனக்குத் தொடர்ந்தும் படைசார் பணிசெய்வதற்கு விருப்பம் உண்டா என்று ஆஸ்திரேலிய குடிவரவுத்துறையினர் கேட்டார்கள். இலக்குத் தவறாமல் சுடுகின்ற திறனுடைய என்னால், தங்களது நாட்டுக்கு ஆபத்துக்கள் ஏற்படுவதற்கு வாய்ப்புள்ளதா என்பதை ஆராயும் வகையிலும் அந்தக் கேள்வி அர்த்தம் கொண்டிருந்தது.
நான் துப்பாக்கியை வெறுப்பதாகக் கூறினேன். “சட்டப்பூர்வமாகச் செய்தாலும் ஒரு ஆயுதத்தின் மூலம் செய்யக்கூடியது வன்முறை மாத்திரமே. கொலை எந்த வடிவத்திலும் கொலையே. அதில் சட்டப்பூர்வமான கொலை – தண்டனைகொலை என்ற எந்த வேறுபாடும் இல்லை” என்று ஆஸ்திரேலிய பாதுகாப்புத் தரப்புக்குக் கூறினேன்;
“தேவையில்லாமல் அதிகம் உணர்ச்சிவசப்பட்டு பேசாதே. அது அவர்களை வேறு வகையில் சிந்திக்க வைக்கும். நீ கடந்த காலத்தில் துப்பாக்கியை உபயோகித்த காரணத்தினால் ஏற்பட்ட மன உளைச்சலில் இருப்பதுபோன்ற அச்சத்தை அவர்களுக்கு ஏற்படுத்திவிடும்” என்று சந்திப்பு முடிந்து வரும்போது வைஷாலி எச்சரித்தாள்.
அவள் சொன்னதும் சரி. நான் சொன்னதும் சரி.
வைஷாலிக்கு அகதிகளுக்கான ஐக்கிய நாடுகள் சபை அலுவலகத்தில் வேலை கிடைத்தது. அவளது வருமானத்திலேயே நாங்களிருவரும் சிட்னியில் வசிக்கக்கூடிய சூழல் கூடியது.
அருட்குமரனின் சொந்த இடம் சிட்னி என்று எனக்கு முன்னமே தெரிந்திருந்தாலும் அவனது குடும்பத்தை அல்லது அவனைத் தெரிந்தவர்களை நான்கு வருடங்களுக்குப் பின்னர் சந்திப்பேன் என்று எதிர்பார்க்கவில்லை. அவனது செய்தியும் அவன் தொடர்பான கதைகளும் முழுமையாக அனைவரின் ஞாபகங்களிலும் அகன்றிருக்கும் என்று நம்பினேன்.
“ஆஸ்திரேலியா என்பது தெற்கே விக்டோரியா முதல் வடக்கே டார்வின்வரை பரந்து விரிந்த ஒரு பெரிய கண்டம். இங்குள்ள ஒவ்வொருவரும் சிந்திப்பதற்கு ஆயிரம் நல்ல காரியங்கள் உண்டு. வெளிநாட்டில் இடம்பெற்ற ஒரு தண்டனையைப் பற்றியும் அதில் சம்பந்தப்பட்ட உன்னையும் தேடிக் கொண்டிருக்கமாட்டார்கள். தேவையில்லாமல் குழப்பிக்கொள்ளாதே”
எப்போதும்போல வைஷாலி சமரசம் செய்தாள்.
(4)
வீட்டுக்கு வந்த நான் படுக்கையில் வீழ்ந்தேன். அருள்குமரனுக்கு மரண தண்டனையைத் தீர்த்த நூஸா தீவில் அன்று இரவு வீசிய பெருங் காற்றும் மங்கிய ஒளியும் நினைவில் ஓங்கி அறைந்தன. தண்டனை நிறைவேற்றிய பின்னர் தீவின் வாசலில் எங்கள் படையணி திரும்பிய வாகனத்தின் முன்னால் தவரஞ்சனி நிலத்தில் வீழ்ந்து மண் அள்ளி வீசித் தூற்றிய கணங்கள் கண்முன்னால் எரிநட்சத்திரங்களாய் வீழ்ந்தன.
சிறுகச் சிறுக என்னைப் பின்தொடர்ந்த காலச் சர்ப்பம், சிட்னி ரயில் நிலையத்தில் வைத்து என்னை முழுமையாகப் பற்றிப் படர்ந்ததை எண்ணி நடுங்கினேன்.
தவரஞ்சனிக்கு நான் யார் என்று தெரியாது. ஆனால், அவளது கண்களின் நடுங்கிய பார்வையும், புத்திரசோகத்தின் வலியும் என்னை ஆழத்துளைத்தது.
வேலை முடிந்து வந்த வைஷாலியிடம் அனைத்தையும் குரல் நடுங்கச் சொல்லி முடித்தேன். அவள் “வெளியே நடை போய் வருவோம், வா” என்று அழைத்துச் சென்றாள்.
“தண்டனை வழங்கியதற்காக ஒவ்வொரு மனிதனும் நடுங்கிச் செத்தால், நாட்டில் ஒரு நீதிபதியும் உயிருடன் இருக்க முடியாது. நீ ஒரு சட்டத்தின் சாரதி. அந்தத் தொழிலை நேர்மையோடு செய்தாய். நிறைந்த கனவோடு செய்தவை அனைத்தும் நீடித்த பெருமையோடு உன் வாழ்வில் தங்க வேண்டியவை. இந்த உலகம் மிக மிகச் சிறியது. எல்லோரும் எல்லோரையும் எதிர்கொள்ளத்தான் போகிறோம். அதற்காக ஒளிந்துகொண்டே வாழ முடியுமா?”
வைஷாலியின் சொற்கள் எனக்குக் கரம் தந்து மீட்கப் பார்த்தன.
அருட்குமரன் சாவினால் விடுதலையாகிவிட்டான். இப்போது காலம் என்னை உயிரோடிருந்து ஒரு தண்டனையை அனுபவித்து அதிலிருந்து என்னை விடுவிக்கப் பணிக்கிறது. நான் என்னை வெல்வதுதான் இங்கே எனக்கு விடுதலை என்றானது.
அன்றைய நடை, மீண்டும் மனதில் ஒளியை மீளிருத்தியது.
“அருட்குமரனின் ஓவியக் கண்காட்சியொன்று சிட்னி நகரசபைக் கலைக்கூடலில் அடுத்த வாரம் நடைபெறுவதாக, தவரஞ்சினி சொன்னார். அந்த நிகழ்வுக்குப் போனால் என் மனது சிறிது அமைதிகொள்ளும். நீ என்ன நினைக்கிறாய்?”
“நிச்சயமாக, எதையும் பார்த்து நீ ஓடக்கூடாது. போதும் போதும் என்றளவு கேள்விகள் உன் மனதில் தோன்ற வேண்டும். அவற்றுக்கு நீயே கண்டுகொள்ளும் பதில்கள்தான், இந்தக் குழப்பத்திலிருந்து உன்னை நிரந்தரமாக வெளியே கொண்டு வரும். நம் ஒவ்வொருவர் மனதிலும் நாமே இருள். நாமே ஒளி”
வைஷாலியின் பதில்கள் மேலும் உறுதியைத் தந்தன.
(5)
சிட்னி நகரசபைக் கலைக்கூடத்திற்கு நானும் வைஷாலியும் போய் இறங்கும்போது அங்கு ஏற்கனவே கணிசமான கூட்டம் நிறைந்திருந்தது.
ஆஸ்திரேலிய அரசின் கலை – பண்பாட்டுத்துறை அமைச்சர் கதரின் மேர்பி பிரதம விருந்தினராக அழைக்கப்பட்டிருந்தார். அவர் கண்காட்சியைத் திறந்து வைத்தார். தவரஞ்சினி மகளுடன் வந்திருந்தார். அமைச்சர் கதரின் அவர்களோடு அருட்குமரனின் ஒவ்வொரு ஓவியமாகப் பார்த்தவாறு அவற்றின் முன் நடந்தார்.
தன் மகனின் உயிர் நிறைத்த ஓவியங்கள் அனைத்தும் பேசும் மொழி புரிந்தவளாய் தாய் தவரஞ்சினி விழி நீர் சொரிந்தாள். தவரஞ்சினியின் கைகளை இறுகப் பற்றிய அமைச்சர் கதரின் தவரஞ்சனியை ஆரத்தழுவி ஆறுதல் கூறினார்.
“ஒரு தாய் இப்படியும் பெருமையடைய வேண்டும் என்று எனக்கு இறைவன் விதித்திருக்கிறான்”
தவரஞ்சினி விம்மிய வார்த்தைகளை அமைச்சருக்கு அருகில் வந்துகொண்டிருந்த ‘சிட்னி மோர்னிங்க ஹெரால்ட்’ செய்தியாளர் குறிப்பெடுத்தார். தவரஞ்சினியை அமைச்சர் கதரின் ஆரத்தழுவிய காட்சியை கமராக்கள் ஒளிவீசிப் பிடித்தன.
உரை நிகழ்த்துவதற்கு ஒழுங்கு அமைக்கப்பட்டிருந்த சிறு மேடையில் அமைச்சர் கதரின் ஏறினார்.
“அருள்குமரனின் மரணம் துரதிஷ்டவசமானது. அவரது இறப்பு என்பது அதி திறன்வாய்ந்த ஓவியனின் இழப்பு. மரணத்தைத் தண்டனையாக வழங்குவதற்கு யாருக்கும் உரிமை இல்லை என்பது நாகரீகமாக வளர்ச்சியடைந்துள்ள சமூகத்தின் உள்ளுணர்வாக உருமாற வேண்டும். தண்டனை என்பது ஒரு குற்றவாளியிடமிருந்து சமூகத்தைப் பாதுகாப்பதற்கும், அந்தக் குற்றவாளி திருந்துவதற்கான காலப்பகுதியாகவும் வழங்கப்படுவது. இவை இரண்டுமே நிறைவேறிய நிலையில்தான் அருட்குமரனுக்கு மரணதண்டனை வழங்கப்பட்டது.
இன்று நாங்கள் இங்கு கூடியிருப்பது, அருள்குமரனின் ஓவியங்களைக் கொண்டாடுவது அனைத்தும் அவரது திறமைக்கான அங்கீகாரம் மாத்திரமன்றி, இன்னொரு வகையில் பிராயச்தித்தமும்தான். அருட்குமரன் வரலாற்றில் ஒரு ஓவியனாகவே நினைவுகூரப்படுவார்”
மேடையிலிருந்து இறங்கிய அமைச்சரின் கைகளைப் பற்றிய சிட்னி நகரபிதா நன்றி கூறினார். தனக்கு இன்னொரு நிகழ்வுள்ளதாக அனைவரிடமும் விடைபெற்றுக்கொண்ட அமைச்சர் வெளியேற, கண்காட்சியைப் பார்வையிட வந்தவர்களின் நீண்ட வரிசை, மெது மெதுவாக ஓவியங்களின் முன் நகர்ந்தது. நானும் வைஷாலியும் அவ்வரிசையில் இருவராய் கரைந்திருந்தோம்.
ஓவியங்கள் எதையும் என்னால் சில நொடிகளுக்கு மேல் ஏறெடுத்துப் பார்க்க முடியவில்லை. நெற்றிக்கு நடுவில் நரம்புகள் கிழிவதுபோல வலியெடுத்தது. ஒவ்வொரு ஓவியமும் நான் அருகில் சென்றவுடன், குருதி வழியும் சொற்களைக் கோர்த்துப் பேச விளைவதுபோல அச்சமூட்டின. இதயத்தின் பேரிரைச்சல் செவிகளில் எதிரொலித்தது. எல்லோரும் என்னை அடையாளம் கண்டுவிட்டதைப்போல விழிப்படலம் விறைத்தது. சுவரிலிருந்த ஓவியங்கள் குற்றுயிராய் குருதி வழிய தரையில் இறங்கின. முறிந்து கால்களை இழுத்து இழுத்து அருகில் வந்து என்னைப் பார்த்துக் கைகொட்டிச் சிரித்தன. முகத்தில் ஒரு குழியும் ஒரு விழியுமுடைய உருவமொன்று, தன் நெஞ்சின் இடப்பக்கத்தில் ஒற்றை விரலைக் குத்தியபடி உரக்கச் சிரித்தது. என் முகத்தில் குருதித் துளிகள் தூவானமாய் வீழ்ந்தன.
நான் வைஷாலியின் விரல்களிலிருந்து என்னை விடுவித்துக்கொண்டு கண்காட்சியின் நடு மண்டபத்திற்கு ஓடினேன். தவரஞ்சினியின் கால்களில் விழுந்தேன். குழறி அழுதேன். பாதுகாப்பு அதிகாரிகள் ஓடி வந்தார்கள். தவரஞ்சினியின் பாதங்களைப் பிடித்திருந்த எனது கைகளை இழுத்தார்கள். நான் விடாது பிடித்துக் கதறினேன். ஓவியங்களைப் பார்த்துக்கொண்டிருந்தவர்கள் எல்லோரும் மிரண்டுபோய் திரும்பினார்கள். மங்கல் சிவப்பு ஒளியில், நான் மண்டியிட்டுக்கிடந்தேன். பாதுகாப்பு உத்தியோகத்தர்கள் ஒருவாறு என்னை விடுவித்து கைத்தாங்கலாக மண்டபத்திற்கு வெளியே தூக்கிச் சென்றார்கள். வைஷாலி என் பின்னே ஓடி வந்தாள்.
பாதுகாப்பு அதிகாரிகளை உரக்க அழைத்த தவரஞ்சினி என்னை விடுதலை செய்யுமாறு கூறினார். நொடி அமைதியில் எனது அழுகை ஒலி மாத்திரம் ஈனமாய் கேட்டது. அதிகாரிகளின் பிடி என் மீது சற்றுத்தளர்ந்தது. தவரஞ்சினி அந்த அதிகாரிகளிடம் –
“அவனை எனக்குத் தெரியும்” என்றார்.
தவரஞ்சினியின் மோதிரத்திலிருந்த அருள்குமரனின் சிரித்த முகம் இப்போது தெளிவாகத் தெரிந்தது.
https://vallinam.com.my/version2/?p=10815#respond

By கிருபன் · 24 minutes ago24 min
யாழ் கள T20 உலகக் கிண்ண கிரிக்கெட் போட்டி - 2026

@alvayan ,
இந்தக் கேள்விக்கு வீரரின் பெயரைத் தரவேண்டும். நீங்கள் அணியின் பெயரைத் தந்துள்ளீர்கள். விரும்பிய வீரரின் பெயரைத் தாருங்கள்.
மேலும் உங்கள் கணிப்பின்படி அரையிறுதிப் போட்டிக்கு பாகிஸ்தான் தெரிவாகவுள்ளதால், போட்டிகள் நடைபெறும் இடங்கள் மாறுபடலாம். எப்படிப் போகின்றது என்பதைப் பொறுத்து புள்ளிகள் தரலாம்.😄

போட்டியில் கலந்து கொண்டவர்களில் கீழே உள்ளவர்களின் பதில்கள் இதுவரை தரவேற்றப்பட்டுள்ளது.
1
செம்பாட்டான்
2
ஏராளன்
3
வசீ
4
புலவர்
5
சுவைப்பிரியன்
6
அல்வாயன்

By கிருபன் · 44 minutes ago44 min
டக்ளஸ் தேவானந்தாவின் கைதுக்கு பின்னால்…..!

அநுரகுமார திசாநாயக்கவின் அதிரடி கைதுகள் என்ற பேய்காட்டல்கள் மட்டுமல்ல
பத்து நாட்களில் கொழும்பை சிங்கபூராக மாற்றிய அனுரா
வெளிநாட்டு வாழ்க்கை வாழும் இலங்கையர்கள்
இன்று அநுரகுமார திசாநாயக்க கண்டிக்கு சென்றாராம் சிங்கல மக்கள் அவரை ஆயுள் உள்ளவரை ஜனாதிபதியாக இருக்க வேண்டும் என்று கேட்டனராம்
இப்படி பல தமிழில் வந்து கொண்டிருக்கின்றது.

By விளங்க நினைப்பவன் · 53 minutes ago53 min

ஈழத்தமிழர் மீதான இனவழிப்புப் போரில் எனது தனிப்பட்ட அனுபவங்கள்
ஈழத்தமிழர் மீதான இனவழிப்புப் போரில் எனது தனிப்பட்ட அனுபவங்கள்

ஈழத்தமிழர் மீதான இனவழிப்புப் போரில் எனது தனிப்பட்ட அனுபவங்கள் அண்மையில் இஸ்ரேலுக்குப் பயணம் செய்த தனது அனுபவங்களை திரு நிராஜ் டேவிட் அவர்கள் காணொளிகள் வாயிலாக வெளியிட்டு வருகிறார். அவற்றில் சில காணொளிகளில் அவர் அங்கு தங்கியிருந்த‌ நாட்களில் பயணித்த பலவிடங்களையும் காட்சிப்படுத்தியிருந்தார். அவற்றுள் ஒன்று யூத மக்கள் மீது இரண்டாம் உலக யுத்த காலத்தில் நாசிகளால் மேற்கொள்ளப்பட்ட இனக்கொலை தொடர்பான சாட்சியங்கள், ஆதாரங்கள் ஆகியவற்றினை பாரிய நினைவாலயம் ஒன்றினுள் காட்சிப்படுத்தியிருந்தமை பதிவுசெய்யப்பட்டிருந்தது. தம்மீது நிகழ்த்தப்பட்ட இனக்கொலை தொடர்பாக தமது சந்ததிகள் தொடர்ச்சியாக அறிந்துகொள்ளவேண்டும் என்பதும், இனிமேல் அவ்வாறனதொரு இனக்கொலை தமது இனம் மீது நடக்காது தவிர்ப்பது எந்தளவு முக்கியமானது என்பதையும் தம் இன மக்களுக்கு தொடர்ச்சியாக வலியுறுத்துவதும் இந்நினைவாலயத்தின் நோக்கம் என்றும் அவர் தெரிவித்திருந்தார். கொல்லப்பட்ட அறுபது இலட்சம் யூதர்களில் ஒரு பகுதியினர் பயன்படுத்திய காலணிகள், அவர்களால் அணியப்பட்ட கறுப்பும் வெள்ளையும் சேர்ந்த வரிரியிலான ஆடைகள், அவர்கள் பயன்படுத்திய உணவருந்தும் பாத்திரங்கள், அவர்களின் புகைப்படங்கள் என்பவற்றோடு அவர்களை வதைப்படுத்திக் கொன்றுபோட்ட பல நாசிப் படைத் தளபதிகளின் புகைப்படங்களும் அங்கு மிக நேர்த்தியாக காட்சிப்படுத்தப்பட்டிருந்தது. இவற்றைத் தனது காணொளிகளில் காண்பித்த டேவிட் அவர்கள், எமதினத்திற்கு நடந்த அக்கிரமங்கள், அழிவுகள் குறித்து நாம் பேசுவதை எம்மில் ஒரு பகுதியினரே தடுத்து வருவதையும், சிங்கள இனத்தோடு நாம் ஒன்றித்து வாழ்வதை இவ்வாறான "பழங்கதைகள் பேசுதல்" எனும் முயற்சி தடுத்துவிடும் என்றும், அது இனவொற்றுமையினைக் குலைத்துவிடும் என்றும் காரணம் கூறிவ‌ருவதையும் குறிப்பிட்டு அங்கலாய்த்திருந்தார்.யூதர்கள் தமக்கு நடந்த அழிவினைத் தொடர்ச்சியாகப் பேசியும், காட்சிப்படுத்தியும், ஆவணப்படுத்தியும் வரும் நிலையில், நாமோ எம்மீது நடத்தப்பட்ட அழிவுகளை வேண்டுமென்றே மறுத்தோ அல்லது மறைத்தோ வாழத் தலைப்படுதல் ஈற்றில் எமது இருப்பிற்கே முடிவாய் அமைந்துவிடும் என்பதும் அவரது ஆதங்கமாக இருந்தது.இக்காணொளிகளின் இறுதிப்பகுதியில் தமிழ் மக்களை நோக்ல்கி வேண்டுகோள் ஒன்றினை அவர் முன்வைத்தார். அதுதான் நாம் அனைவரும், தனிப்பட்ட ரீதியிலோ அல்லது ஒரு குழுவாகவோ எம்மீது நடத்தப்பட்ட அனைத்து அக்கிரமங்களையும் ஏதோ ஒரு வகையில், ஏதோ ஒருவடிவில் கட்டாயம் ஆவணப்படுத்தியோ அல்லது காட்சிப்படுத்தியோ தீரவேண்டும் என்பது. அவரது காணொளிகளைப் பார்த்தபோது அவர் கூறுவது எனக்குச் சரியென்றே பட்டது. ஏனென்றால், எம்மீது நடத்தப்பட்ட அநீதிகளை நாமே பேசவோ அல்லது காட்சிப்படுத்தவோ மறுப்பின், வேறு யார்தான் இதைச் செய்யப்போகிறார் எனும் கேள்வி எனக்குள் வந்தது. ஆகவேதான் எம்மீது நடத்தப்பட்ட அக்கிரமங்கள் தொடர்பான எனது அனுபவங்களை இங்கு பதிவிடலாம் என்று நினைக்கிறேன். இத்தளத்தில் இருக்கும் ஏனையவர்களும் தமது தனிப்பட்ட அனுபவங்களை இங்கு பகிருமாறும் வேண்டிக்கொள்கிறேன்.
- 27 replies
ரஞ்சித்

December 7, 2025Dec 7
Featured by மோகன்

December 8, 2025Dec 8
சாத்தான் படை (IPKF)
சாத்தான் படை (IPKF)

* அன்பான உறவுகளே, இந்தப் புத்தகம் அன்றைய இந்திய அமைதிப்படை (ஆக்கிரமிப்புப் படை) கால சம்பவங்களையும், அன்று ஊடகங்களில் வெளியான செய்திகளையும் தொகுத்து செய்யப்பட்டுள்ளது. மிகுந்த சிரமங்களுக்கு மத்தியில், இன்றைய சூழல் கருதியும் தேவை கருதியும் ஈழத்திலிருந்து எடுப்பித்திருக்கிறோம். இதனை உங்களின் நண்பர்களுக்கும், தெரிந்தவர்களுக்கும் அனுப்பி உண்மைகளை அறியச் செய்யவேண்டும் என்று கேட்டுக்கொள்கிறோம். [குறிப்பாக உங்களுக்குத் தெரிந்த தமிழக நண்பர்களுக்கு, மக்களுக்கு, ஊடகங்களுக்கு, அரசியற் கட்சியனருக்கு, அமைப்புகளுக்கு அனுப்பிவைக்கவும்.]* * flash: http://ebook.yarl.com/ipkf/ * pdf zipped: Part 1 http://www.mediafire.com/?emj0zigyjyu Part 2 http://www.mediafire.com/?i5tzkzyjfny Part 3 http://www.mediafire.com/?tz1mvzdgggz * pdf: Part 1 http://ebook.yarl.com/ipkf/Satarnic-Force_Part1.pdf Part 2 http://ebook.yarl.com/ipkf/Satarnic-Force_Part2.pdf Part 3 http://ebook.yarl.com/ipkf/Satarnic-Force_Part3.pdf அன்பான உறவுகளே, தற்போதைய இலங்கையின் போர்ச்சூழல் பற்றி நீங்கள் அறிவீர்கள். திட்டமிட்ட வகையில் நடத்தப்படும் இனவழிப்பு / இனக்கருவறுப்புப் போரில் - ஒவ்வொரு நாளும் - குழந்தைகள், பெண்கள், முதியோர் என ஆயுதம் ஏந்தாத அப்பாவிப் பொதுமக்கள் - எந்தவிதப் பாகுபாடுமின்றி - கொத்துக்கொத்தாக கொத்தணிக் குண்டுகளாலும், பொஸ்பரஸ் அடங்கிய எரிகுண்டுகளாலும் படுகொலை செய்யப்படுகிறார்கள். "பாதுகாப்பு வலயம்" என அறிவித்து - அங்கும் மக்களை அரக்கத்தனமாகக் கொல்கிறார்கள். சிறிலங்கா அரசின் கட்டுப்பாட்டுப் பகுதிக்கு வரச்சொல்லி - ஆண்கள் பெண்களென வகைபிரித்து - பெண்களை பாலியல் வன்முறைக்கு உள்ளாக்கிப் பின் கொன்று புதைக்கிறார்கள். புதிய ஆண்டும் அவர்களுக்கு கொலைக்களமாகத்தான் பிறந்தது. இந்த ஆண்டின் இரண்டு மாத காலத்தில் மட்டும் - 1500 க்கும் அதிகமான மக்கள் சிறிலங்கா பேரினவாத அரசால் கொல்லப்பட்டுவிட்டார்கள். ஒரு இளம் சந்ததியே - ஒரு புதிய தலைமுறையே - கை, கால் இல்லாத சந்ததியாக மாற்றப்பட்டுக் கொண்டிருக்கிறது. இந்தச் சூழலில் - இந்த இன்னல் நிறைந்த காலகட்டத்தில் - தமிழகத்திலிருந்து எழும் ஒவ்வொரு ஆதரவுக் குரலும் புலம்பெயர் மக்களாகிய எமக்கு எவ்வளவு ஆறுதலாக இருக்கிறதென்பதை நீங்கள் அறீவீர்களோ தெரியாது. உங்களின் ஆதரவான ஒவ்வொரு சொல்லும் எங்கள் கண்ணீரைத் துடைக்க வல்லன. எமக்கு ஆதரவாக நீங்கள் வீதியில் இறங்கும் போதும் - உரக்கக் குரல் கொடுக்கும் போதும் - நாம் நம்பிக்கை கொள்கிறோம். சாதாரண நம்பிக்கையல்ல - சரித்திரம் படைக்கிற நம்பிக்கை. ஆனாலும் உறவுகளே - இன்னொரு கசப்பான உண்மையையும் நாம் உங்களுக்கு சொல்ல விரும்புகிறோம். உங்கள் ஆதரவான நம்பிக்கை தரும் குரல்களுக்கும் மத்தியிலிருந்து - தமிழகத்திலிருந்து - எம்மீது வெறுப்பைக் கக்குகிற சில குரல்கள் இன்னும் ஒலித்துக் கொண்டிருக்கின்றன. அவை, மீண்டும் மீண்டும் எம்மைக் காயப்படுத்துகின்றன. நாம் காயப்படுவதைப் பற்றி கவலைப்படவில்லை. அந்தக் குரல்கள் ஒட்டுமொத்தத் தமிழகத்தின் ஆதரவுக் குரலையும் பலவீனப்படுத்திவிடும் என்றே பயப்படுகிறோம். உலகத் தமிழினமே இன்று ஒன்றுபட்டு நிற்கையில் - பகைவளர்க்கும் இந்தச் சில குரல்கள் - தமிழினத்தின் விடுதலையில் கீறல்களை ஏற்படுத்திவிடக் கூடாதென்றே விரும்புகிறோம். ஈழத்தமிழர் பிரச்சனை/அவலம் பற்றி நீங்கள் பேசுகிற போதெல்லாம் - ராஜீவ்காந்தியின் கொலையை முன்னிறுத்தி - உங்களின் வாயை அடைக்கப் பார்க்கிறார்கள். ஈழத்தின் விடுதலை பற்றிப் பேசுகிறபோதெல்லாம் - ராஜீவ்காந்தியின் கொலையை முன்னிறுத்தி - கொச்சைப்படுத்துகிறார்கள். உங்களின் எழுச்சியை அவர்கள் ஒற்றை வார்த்தை கொண்டு ஒதுக்கிவிடப் பார்க்கிறார்கள். உலகத் தமிழரின் ஒற்றுமையை ஒற்றைவார்த்தையால், சாத்தியமற்றதாக்கிவிடலாம் என்று நினைக்கிறார்கள். எனவே அன்பான உறவுகளே, எந்தச் சூழ்நிலையிலும் நீங்கள் சோர்ந்துவிடக்கூடாது - எவருக்கு முன்னும் நீங்கள் தலைகுனியக்கூடாது - உண்மைகளை உணர்ந்துகொள்ளவேண்டும் என்கிற நோக்கோடு இந்தப் புத்தகத்தை மின்னூல் வடிவில் உங்கள் முன் வைக்கிறோம். ராஜீவ்காந்தியின் கொலையை யார் செய்தார்கள்? அவர் கொலை செய்யப்பட்டது சரியா பிழையா? யார் யாருக்கு அதில் பங்குள்ளது என்பது பற்றியெல்லாம் நாம் இங்கு பேச முனையவில்லை. அவற்றை ஒருபுறம் நாம் ஒதுக்கிவைத்துவிட்டு - எங்கிருந்து எல்லாம் தொடங்கியது என்று பார்த்தால் - சிலவேளை உண்மைகள் புரியக்கூடும். அமைதிப்படை என்கிற பேரில் ஈழத்து மண்ணில் கால்வைத்த இந்திய சாத்தான் படை - எப்படியெல்லாம் ஈழத்தமிழர்களைக் கொடூரமாகக் கொலை செய்ததென்பதைப் பாருங்கள். ஈழத்தமிழரின் விடுதலைப் போரைச் சிதைக்க எப்படியெல்லாம் துணைநின்றார்கள் என்பதைப் பாருங்கள். மீண்டும், அதே கொடுமையையும் துரோகத்தையும் - சிங்கள அரசுக்கு உதவுவதினூடாக/சிங்கள இராணுவத்தின் பின்னாலிருந்து யுத்தத்தை நடத்துவதினூடாக - இந்தியா செய்கிறது. இப்படியான சூழலில் நீங்கள் ஈழத்தமிழர்களுக்கு ஆதரவாக எழுப்புகிற குரலை நசுக்க ராஜீவ்காந்தியின் கொலையைத் தூக்கிப்பிடிக்கிறார்கள். இதை தொடர்ந்து கவனிக்கிற போது, ஈழத்தமிழர் பிரச்சனை தமிழகத்தில் பேசப்படக்கூடாது என்பதற்காகவும், ஈழத்தமிழர்களுக்கு தமிழகம் உதவக்கூடாது என்பதற்காகவும், ஈழத்தமிழர் பிரச்சனை பற்றி பேசப்படுகிறபோது ராஜீவ்காந்தி கொலை கண்ணுக்கு முன் வரவேண்டும் என்பதற்காகவும் - யாரோ திட்டமிட்டு நீண்டகால அரசியல் இலாபத்தோடு இதைச் செய்திருக்கிறார்கள் என்றே உணர முடிகிறது. இந்திய/தமிழக நண்பர்களே, உறவுகளே, ஊடகங்களே நாம் பழையதை நினைவுபடுத்தி, எமக்குள் உள்ள உறவைக் காயப்படுத்த விரும்பவில்லை. எனினும், உண்மைகளை நீங்கள் அறிந்துகொள்ளவேண்டும் என்று விரும்புகிறோம். உங்களின் ஆதரவுக் குரல்கள் "ராஜீவ்காந்தியின் கொலை" என்கிற ஒற்றை வார்த்தையைக் கொண்டு அடக்கப்பட்டுவிடக் கூடாது என்பதற்காகவே நாம் இந்தப் புத்தகத்தை உங்களுக்கு அனுப்புகிறோம். நாம் மீண்டும் மீண்டும் எல்லோராலும் ஏமாற்றப்படுகிறோம் என்பதை நீங்கள் புரிந்துகொள்ளவேண்டும். * அன்பான உறவுகளே, இந்தப் புத்தகம் அன்றைய இந்திய அமைதிப்படை (ஆக்கிரமிப்புப் படை) கால சம்பவங்களையும், அன்று ஊடகங்களில் வெளியான செய்திகளையும் தொகுத்து செய்யப்பட்டுள்ளது. மிகுந்த சிரமங்களுக்கு மத்தியில், இன்றைய சூழல் கருதியும் தேவை கருதியும் ஈழத்திலிருந்து எடுப்பித்திருக்கிறோம். இதனை உங்களின் நண்பர்களுக்கும், தெரிந்தவர்களுக்கும் அனுப்பி உண்மைகளை அறியச் செய்யவேண்டும் என்று கேட்டுக்கொள்கிறோம். --நன்றி: யாழ் இணையம்--
- 4 replies
இளைஞன்

February 15, 200916 yr
Featured by மோகன்

November 25, 2025Nov 25
🕯️ ஒவ்வொரு ஆன்மாவுக்கும் ஒரு தீபம் / “A Lamp for Every Soul”
🕯️ ஒவ்வொரு ஆன்மாவுக்கும் ஒரு தீபம் / “A Lamp for Every Soul”

🕯️ ஒவ்வொரு ஆன்மாவுக்கும் ஒரு தீபம் / “A Lamp for Every Soul” ஓ… முள்ளிவாய்க்கால் ஆன்மாக்களேகாற்றில் அலையும் ஜீவன்களே அலைகளுடன் நகரும் மென்மையானவர்களே உங்களின் முன் தலை குனிந்து வணங்குகிறோம்!உங்கள் துன்பம் மறக்கமுடியாதது உங்கள் பெயர்கள் மறையமுடியாததுஉங்கள் கனவுகள் எங்களால் வாழட்டும்!குழந்தைகளைப் பாதுகாத்த தாய்மார்களுக்கும் கதிரவனைக் காணாத குழந்தைகளுக்கும்நம்பிக்கையை மட்டுமே சுமந்த இளைஞர்களுக்கும்நாங்கள் இந்த தீபத்தை ஏற்றுகிறோம்!உங்களை கைவிட்ட உலகிற்கு இந்த தீபம் வழிநடத்தட்டும்!நாங்கள் வழங்க முடியாத பாதுகாப்பை அமைதி சூழ்ந்து கொடுக்கட்டும்! முள்ளிவாய்க்காலின் ஆன்மாக்களேநாங்கள் உங்களைப் போற்றுகிறோம்உங்களுக்காகப் பேசுகிறோம்!ஒவ்வொரு தீபத்திலும் ஒவ்வொரு கண்ணீரிலும்ஒவ்வொரு இதயத் துடிப்பிலும் உங்களை நினைவில் கொள்கிறோம்!🕯️ உங்கள் ஒளி நிலைத்திருக்கட்டும்🕯️ உங்கள் உண்மை உயரட்டும்🕯️ உங்கள் நினைவு என்றென்றும் ஒளிரட்டும்![கந்தையா தில்லைவிநாயகலிங்கம்,அத்தியடி, யாழ்ப்பாணம்] “A Lamp for Every Soul”O spirits of Mullivaikkal,restless in the wind,gentle in the waveswe bow our heads before you.May your sufferingnever be forgotten.May your namesnever fade from memory.May your dreamslive through us.To the mothers who shielded their children,to the babies who never saw the sunrise,to the youth who carried only hopewe light this lamp.May this flame guide youwhere the world failed you.May peace hold youin the embrace we could not give.O souls of Mullivaikkalwe honour you.We speak for you.We remember youin every lamp,every tear,every heartbeat.🕯️ Let your light endure.🕯️ Let your truth rise.🕯️ Let your memory shine forever.[Kandiah Thillaivinayagalingam,Athiady, Jaffna]துளி/DROP: 1910 [🕯️ ஒவ்வொரு ஆன்மாவுக்கும் ஒரு தீபம் / “A Lamp for Every Soul”]https://www.facebook.com/groups/978753388866632/posts/32502659262715967/?
- 0 replies
kandiah Thillaivinayagalingam

November 22, 2025Nov 22
Featured by மோகன்

November 23, 2025Nov 23
தாயகத்தின் தாய் – ச.பொட்டு
தாயகத்தின் தாய் – ச.பொட்டு

தாயகத்தின் தாய் – ச.பொட்டு அம்மா எமக்கு அறிமுகமான அந்தநாள் இப்போது நினைவில் இல்லை. அது மணிமனைக் கோவைகளை பரிசீலித்தே அறிய வேண்டியதான ஒன்றாக எம் நினைவுப்பதிவுகளில் இருந்து மறந்து போய்விட்டது. எதொவொரு இலக்கத்தாலும் நினைவில் வைத்திருக்க வாகாகத்தெரிவு செய்யப்பட்ட வழமையல்லாத ஏதோவொருயெராலும், கறிப்பிடப்பட்டிருக்கக்கூடிய அம்மாவின் கோவையும்பொல் ஒன்றாகத்தான் தூங்கும். ஆனால் அம்மா எல்லோரையும் போன்ரவரல்ல. என்றென்றும் மறக்கப்பட முடியாதவராக அந்த அம்மா எம் நிணைவுப்பதிவுகளில்…. கரீர் என்ற கறுப்பு நிறமும், மெலிவான மலர்ந்த முகமும் சளசள வென்ற ஒயாத கதையுமாய்… நகைச்சவை உணர்வுமிக்க ஒரு புலனாய்வாளனால் தமிழகத்து சிரிப்பு நடிகைகளது பெயரில் ஒன்றை புனைபெயராக அம்மாவில் வெளிப் பார்வைக்குத் தெரியும். சில பெண்பிள்ளைகளுடன் இளையவனாய் ஒரேயொரு மகன் என்பது அந்த மகன் மீது அதீத அன்புக்கு காரணமாய் அமைவது இயல்புதான். அம்மாவுக்கும் அப்படித்தான். சில பெண் சகோதரிகளுடனான அந்த ஒரேயொரு மகன் மீது கொள்ளைப் பாசம். காலத்தின் தேவையாக அந்த ஒரேயொரு மகன் போராளியாக ஆனபோது, அம்மாவின் அந்த அதீத பாசத்திற்க்கு சோதனை வந்தது. அந்தச் சோதனை எல்லா அம்மாமாருக்கும் வருவது போன்றபாசத்தின்தளத்தில் எழும்வேதனை மட்டுமல்ல. ****** அம்மா அந்தக் காலத்து பழசுதான். ஆனால் பழமையில் ஊறிய பிற்போக்கு வாதியல்ல. இளமைக்காலத்தில் இருந்தே சமூகத்தின் மீதான பார்வையை செலுத்தக்கூடியவர். எம்மினத்தின் அரசியல் பயணத்தின் அம்சங்களை காலத்தால் அறிந்தவர். மென்முறையில் எழுந்த அரசியல் கோரிக்கைகள் ஆக்கிரமிப்பு வன்முறைகளால் ஒடுக்கப்பட்டதை கண்ணால் கண்டறிந்து குமறியவர். அரசியல் மென்முறைகள் அக்கிரமிப்பு வன்முறைகளால் ஒடுக்கப்பட்டதன் மறவடிவமாக அரசியல் வன்முறை வடிவம் கொண்டதை ஆரம்ப காலத்தில் இருந்தே வியப்புடன் பார்த்தவர். காலம் தன்பாட்டில் ஓடி, அம்மா குடும்பமாகி, பிள்ளைகள் பெற்று வளர்த்து..ஒருசராசரி பெண்ணாக, தாயாக ஆனார். இது வரை அம்மாவால் அப்படியாக வாழவும் முடிந்தது. ஆனாலும் மனதில் ஆயுதப் போராட்ட நியாயத்தின் கடமைக்காய் தன் கடைசிப்பிள்ளை அம்மாவின் பாசத்தை கொள்ளை கொண்ட செல்லமகன் ஆயுதம் ஏந்தப்புறப்பட்டதை அம்மா எப்படி எதிர்கொள்வது? பெற்ற பாசமா? இனத்தின் சோகமா? என்ற தர்ம சோதனையில் அம்மா குழம்பி மகனது ஆயுதப்போர் வடிவத்தெரிவை மனதால் எற்று சமநிலைக்கு வர காலம் பிடித்தது. ***** இப்போது மகன் போராளி. தெருவில் போகவர அம்மாவை எதரிகொள்வான். மகன் இப்போது வளர்ந்து விட்டான். வளர்ந்தவனையே கூட கழந்தையாய் பார்க்கும் அம்மா மனம், இப்போது மகனைக் கண்டு வியந்தது தன்ர சின்னப்பிள்ளை இப்போது எபரிய ஆளாய், ஏதேதோ வேலையாய் அங்கிங்கு ஓடித்திரிவது அம்மாவுக்கு சொல்ல முடியாத பெருமைதான். இயக்கத்தில் இணைந்த காலத்தில் மகன் சின்னப்பெடியன். வயதுக்கே உரிய வேகமான செயற்பாடும் குழப்படியும் கொண்ட இளைய போரளி. அவன் செய்யும் குழப்படிகள், வாங்கும் தண்டனைகள் எதுவும் அம்மாவுக்குத் தெரியய நியாயமில்லைத்தான். அதே போல் வடமராச்சி பொறுப்பாளர் தண்டனை கொடுத்து களைத்துப்போயா அல்லது இவன்தான் தண்டனை செய்து களைத்தப்போயா என்னவோ ஆள் நெல்லியடியில் இருந்து சாவகச்சேரிக்கு நடந்தெ வந்து சேர்ந்தும் அம்மாவுக்கு தெரிய எந்தநியாயமும் இல்லைத்தான். இதற்கிடையில் மகன் சண்டைக்களத்தில் என்ற செய்தியை மட்டுமே கேள்விப்பட்டு கவலைப்பட்ட அம்மா. கடும் சண்டை என்ற செய்தியால் எல்லா அம்மாக்களையும் போல அம்மாவும் பதறிக் கொண்டிருந்த ஒரு பொழுதில் மகன் காயமடைந்த செய்தி, பதறிய மனதுடன் அம்மா ஓடித்திரிந்தும், மகனின் நண்பர்கள் மூலம் அவன் நிலையறிந்து துடித்ததுமாக கழிந்தது நாட்கள். அம்மாவுக்கு மகனின் சுகநலன் அறியும் தொடர்புகளும் ஏற்பட்டுவிட்டன. ‘இதுவொரு சின்னக்காயம் இன்னும் கொஞ்ச நாள்ள காம்புக்கு வந்திடுவான்” என்று பொறுப்பாளர் சொல்லும் பொய்யான கதையை மீறி’ வயிற்றுக்காயம்” பதிணைந்து தையலுக்கு மேல் போட்டிருக்கு” ‘இன்னும் சாப்பிடத் தெடங்கேல்ல” என்று உண்மைகளை அறிந்துவிடும் அளவுக்கு அம்மாவுக்குத் தொடர்புகள் எற்பட்டு அதனை தொடர்ந்து மருத்துவனைக்கு போய்வரவும் தொடங்கிவிட்டா. மருத்துவமனை’கெதியாக என்னை துண்டு வெட்டி விடுங்கோ உடனே சண்டைக்குப் போகவேணும்” உறுதியின் வெளிப்பாடுகள். "என்ர இடத்தில ஆமியின்ர பொடியும் ஆயுதமும் இருக்கு காவு குழு அனுப்புங்கோ” ‘……….” எம்மையா? எதிரியையா? என சிந்திக்க வைக்கும் எழுத்தில் சொல்லமுடியாத வசவுகள். மருந்தின் மயக்கத்தில் தம் நிலை மறந்து உளறல்கள். ’ஜயோ தங்கேலாமல் கிடக்கு பெத்தடினைப் போடுங்கோ…..ஓ…” வேதனை தாங்கேலாமல் கிடக்கு இந்தக் காலை வெட்டுங்கோ” கேட்போரின் கண்களில் இரத்தம் கசிய வைக்கும் வேதனைக்குரல்கள். மருந்துக்களின் நெடியை மீறிய புண்களின் மணம். ****** மகனைப் பிரிந்திருந்த அம்மா தனது பாச உணர்வுகளும் அடிமனத்து விடுதலை உணர்வுக்குமாக ஒரு வடிகாலை தேடிக்கொள்ள, காயமடைந்த போராளிகளை பராமரிப்பவர்களில் ஒருவராகிவிட்டார். இந்தக் காலம் அம்மாவுக்கு விடுதலைப் போரை முன்னை விட கூடுதலாகவே அறிமுகம் செய்து வைத்தது. காயமடைந்த போராளிகளுடனான பரிச்சயமும், பழக்கமும் அம்மாவுக்கு போராட்டத்தின் இன்னொரு பக்கத்தை அறிமுகம் செய்து வைக்க அவவுக்கே தெரியாமல் அம்மா கொஞ்சம் கொஞ்சமாய் மாறிப்போனார். வெளியில் இருந்து போராட்டச் செய்திகளை மட்டும் கேட்பதற்கும், வெற்றிகளை கேட்டு மகிழ்சி அடைவதற்கும் அப்பால் அந்தச் செய்திகளின் உருவாக்கத்தின் யதார்த்தம் அம்மாவை அதிகமாக சிந்திக்க வைத்தது. விட்டுக் கொடுக்கப்பட முடியாததான இவ்விடுதலைப் போராட்டம் இத்தனை கடினமானதா? இவ்வளவு கண்ணீரை வரவழைப்பதா? இழப்புக்களை குறைத்தோ அல்லது குறைக்கவோ ஏதாவது செய்யமுடியாதா? அம்மா அரசியல், இராணுவ வித்தகத்தடன் சிந்தித்தாவோ? இல்லையோ? அம்மாவாகச் சிந்தித்தா. எல்லாப் போராளிகளையும் தன் பிள்ளையாய் பார்த்த அம்மாவாக சிந்தித்தா.. ******* எம் தாயகத்தில் விளைவிக்கும் ஆக்கிரமிப்பு கொடுமையின் ஒரு சிறு பங்காவது எதிரியின் கோட்டைக்குள் திருப்பிக் கொடுக்கப்படுவது அம்மா திருப்தியுடன் பார்க்கும் செய்திதான். அதுவுமல்லாது எதிரியின் பெரும் நிலைகள் அவ்வப்போது ஆங்காங்கே அழிக்கப்படுவதும் அது எதிரிக்கு ஏற்படுத்தும் அதிர்ச்சியும் அம்மா அறிவார். அதில் எம் போராளிகள் இங்க போல் பெரும் இழப்புக்களை சந்திப்பதில்லை என்பதும் அம்மாவுக்கு தெரியும். ஏற்கனவே எரிபற்று நிலையில் இருந்த அம்மாவின் மனம்தான் இந்த வழியை நாடிப்போனதோ அல்லது அம்மாவை அறிந்து சந்தித்த அந்த போராளிகள்ததான் அம்மாவின் மனதில் தீயை மூட்டினரோ? என்னவோ? அம்மா இப்போது புலனாய்வுத்துறையின் ஆள், முகவராம் வெளிவேலைக்கான முகவாரம். அம்மா இப்போது மாறி விட்டா. முன்பு குடும்பம் அயலவர் என்று எல்லா இடமும் செய்தி சொல்லி மருத்துவமனை சென்று வருபவர். இப்போது சுருக்கமாக வேறெங்கோ தனியாகப் போய்வரத்தொடங்கிவிட்டா. மருத்துவமனை போய்வர நேரம் இருக்குதோ இல்லையோ அம்மா இப்ப அங்கை எல்லாம் போய்வரக்கூடாதம். மருத்துவமனை என்றில்லை. இயக்கம் இருக்கிற இடம் ஒன்றுக்கும் போய் வரவும் கூடாதாம்.இயக்கத்திற்கு ஆதரவாக கதைக்கக் கூடாதாம். அம்மாவுக்கு தன்னையே நம்ப முடியாதபடி ஆச்சிரியம் கலந்த பெருமை சி.ஜ.ஏ, கே.ஜி.பி மொசாட் என்று புலனாய்வு அமைப்புக்களை பட்டியலிடுவதுடன் எங்கட வேலைத்திட்டம் என்று ஏதோ விளக்கங்கள். அம்மாவுக்கு எதுவெது விளங்குகிறதோ? இல்லையோ? மனதுக்குள் குறுகுறுவென்று ஆர்வ முனைப்பு. அம்மாவுக்குள் இப்போது வேறொரு உலகம் அறிமுகம் செய்யப்பட்டு விட்டது. அவர் இப்போது இன்னொரு ஆளாகவும் செயற்படக் கூடியவராக ஆகிவிட்டார். தலைநகர் அதிர்ந்தது” தற்கொலையாளி அடையாளம் காணப்பட்டார் ‘புலிகளைத் தேடி வலைவிரிப்பு” சூத்திரதாரி தலைமறைவு” அடையாளம் காணப்பட்டவரின் பெயர் போலியானதென பொலிசார் தெரிவிப்பு” உலகமே செய்திகளை வியப்புடன் நோக்கும். சூழ உள்ள சுற்றத்தினரும் கூட தங்களுக்கு எல்லாம் தெரியும் என்பது போல செய்திகளும் கற்பனைகளுமாக கதைகதையாய் பீற்றித்திரிவார். எல்லாவற்றையும் அமைதியாக அமத்தலாக பார்த்தபடி பட்டுக்கொள்ளாமல் இருப்பா அம்மா. ஆக, அம்மாவுக்குள் இப்போ வேறொரு உலகம் அறிமுகம் செய்யப்பட்டுவிட்டது. அவ்வப்போது வந்து அன்பு மகனை பார்த்துக்கொள்வது தவிர மற்றும்படி எவ்வளவோ மாறிப்போனா அம்மா. ***** இதற்கிடையில் அம்மாவுடன் மகனுக்கு சரியான கோபமாம். அம்மாவின் அக்கா பெரியம்மா – மூலமாக செய்தியனுப்பியிருந்தான்.’ இட இவர் பெரிய மனுசானாகி இப்ப இவருக்கு கோபமும் வருமே” என செல்லமாய் சொல்லிவிட்டிருந்தா அம்மா. இவனது போராளி நண்பனொருவன் ஊர்ப்பக்கமாய் வந்தபோது’ சின்னதாய் ஒரு மூஸ் அடித்து அம்மாவிடம் போய் இவனது சுகநலன் சொல்லியுள்ளான். அவனுக்கு சாப்பாடு கொடுக்காமல் அனுப்பிவிட்டவவாம் அம்மா. போய்வந்தவன் குறையாகவோ இல்லை பகிடியாகவோ சொன்னானோ அல்லது அவன் சொல்லாமல்விட இவன்தான் கதைவிட்டு அறிந்தானோ என்னவோ? ஆளுக்கு சரியான கோபம். அம்மா வழமையில் அப்படியில்லை. எல்லோரையுயம்’ குறிப்பாக போராளிகளை” உபசரிப்பதில் அதுவும் சக்திக்கு மீறியே உபசரிப்பதில் முன்னிப்பவர்தான். அன்று அந்த ஏழைத்தாய்க்கு என்ன கஸ்ரமோ வசதிக்குறைவோ? வீம்புக்காக அம்மாவில் கோபம் போட்டாலும் அவ்வப்போது பெரியம்மாவின் வீடு வந்து’ அம்மாவில் இப்போதும் கோபம்தான்” என்று சொல்லிப் போவான். மகன் பெரியம்மா வீடு வந்து. அம்மாவில் கோபம் சொல்லி நிற்பதும். அம்மாவின் சமையல் வேலிக்குள்ளால் பயணித்துபெரியம்மா வீடு வந்து மகனிடம் சேர்வதும் நல்லதொரு நாடகம். அம்மாவின் கை மணம் தெரிந்தும் தெரியாதது போல நல்ல சாப்பாடு என பெரியம்மாவை புகழ்ந்து விட்டு போகும் பிள்ளையை வேலியால் பார்த்திருப்பா அம்மா. தான் பார்ப்பது தெரிந்தால் அவருக்கு இன்னும் எழுப்பமாய்ப் போய்விடும் என அம்மா, மறைவாய் நின்று சிரிப்பது தெரியாமல் அம்மாவை தேடுவான் பிள்ளை. அன்றைய சுகமும் இன்றைய சோகமுமாய் ஆகிப்போன சின்னச்சின்ன ஞாபகங்கள் இப்படி எத்தனை? ****** காலம் கொஞ்சம் ஓடிப் போக மகன் இப்போது முதிர்ந்தவனாகி விட்டான். அம்மா எதிர்பார்க்க முடியாதபடி என் அவனே கூட எதிர்பார்க்காமல் பொறுப்புள்ளவனாகிப் போனான். இயக்கத்தின் ஆசிரியர் அணியொன்றின் உதவியாளன் என்பதும், அவ் ஆசிரியர் அணியுடனும் அவர்தம் பணியுடனும் அவனுக்கேற்பட்ட ஈடுபாடுமாக அவனைப் படிப்படியாக முதிர்ந்தவனாக ஆக்கிவிட்டதோ? சண்டை அணியில் நிற்கும் போது நண்பர்கள் செய்தது போல அவனும் கரும்புலி விண்ணப்பக் கடிதம் எழுதிக் காத்திருந்தது பழையகதை. இப்போது மொழிப்பெயர்ப்புத் திரைப்பட உருவாக்கற்பொறுப்பை கைமாற்றிக் கொடுத்து விட்டு, அவன் கரும்புலிக்கான அழைப்பை ஏற்றுக்கொண்டதே புதிய நிலை. அணிசேர்ப்பு, தொடர்வகுப்பு,கடும்பயிற்சி,எதிரியின் தலைநகர் அறிமுகமென தயார்படுத்தல்களுடன், தனிமைப்படுத்தப்பட்ட முகாம் வாழ்வுமாக மகனும் இப்போ வேறொரு உலகிற்கு மாறிப்போனான். ******** மகன் வழிதெருவில் எதிர்படாமல் போனதும், வழமைபோல தேடிப்போன இடத்தில் சரியான பதில் இல்லாது போனதும் அம்மாவுக்கு என்னவோ போலானது. காணாத மகனை தெருவில் கண்டபோது அவனது புதிய கூட்டாளிகளும், வழமையல்லாத நடை, உடை,பாவனையும் அம்மாவுக்கு எதையெதையோ எண்ணவும் வைத்தது. அம்மாவும் இப்போதும் பழைய அப்பாவி அம்மா இல்லையே. மகன் இவ்வழியில் கரும்புலியாய் தெரிவு செய்யப்பட்டுவிட அம்மா வெளிவேலைகளில் இருந்து நிறுத்தப்படுவது தவிர்க்க முடியாததாக ஆனது.’ தேவை ஏற்படும் போது அவசரமாக அழைக்கப்படுவீர்கள்” என்ற விளக்கத்தை அம்மாவால் முற்றாக நம்பவோ, புறக்கணிக்கவோ முடியவில்லை. தனக்கு கூறப்படுவது போலிக்காரணம் என்று தெரிந்தாலும் அதற்கு மேல் அம்மாவாலும் ஒன்றும் செய்யமுடியாமல் போக அம்மா, வழமையான அம்மாவாக வாழத்தொடங்கிவிட்டா. அம்மாவின் சந்தேகத்தை இன்னும் அதிகரிக்க அல்லது தீர்த்து வைக்க காரணமாக இன்னொரு செய்தியும் வந்து சேர்ந்தது. அம்மாவின் உறவுக்கார பெண்மணியொருவர் கொழும்பில் இருந்து வந்திருந்தார். மகனை கொழும்பில் கண்டதை அம்மாவுக்குச் சொன்னது மட்டுமின்றி, தன்னைக் கண்டதை அம்மாவுக்குச் சொல்ல வேண்டாமென்று அவன் சொன்னதையும் வலு கவனமாய் மறக்காமல் சொல்லிவிட்டுப் போனார். அம்மாவின் மனப்புதிர் மெல்ல மெல்ல விடுபட்டுப்போகும் காலத்தின் ஒரு நாளில்,’சொல்லாமல் கொள்ளாமல் திடுதிப்பென்று” வீடு வந்தான் மகன். பழைய கோபத்தை நினைவூட்டுவதும் செல்லம் கொஞ்சுவதுமாய், அதே பழைய மகனாய்……..ஒரே கொண்டாட்டம். வீடு நிறைந்து போனது. அப்பாவி அப்பாவுக்கும் அக்காளுக்கும், உறவுகளுக்கும் மகனது வீடு வருகையின் காரணம் தெரியாமல் ஒரே கொண்டாட்டம். அம்மாவுக்கு மட்டும் என்ன தெரியும்? ஒன்றுமே தெரியாதுதானே.’மகனது புதிய நடை, உடை பாவனையில்,வித்தியாசம் விளங்காது”‘அவன் கொழும்புக்கு போனதும் தெரியாது”‘அவனது அன்ரி வந்து ஒன்றுமே சொல்லவும் இல்லை” ஒரே மகிழ்ச்சி வீடு நிறைந்த மகிழ்ச்சி.. பிள்ளை ‘அம்மாவை தனக்கு சாப்பாடு ஊட்டி விடக்கேட்டது’ அம்மாவுக்கு நான் தான் தீத்துவேன் என்று கூறி உணவூட்டிவிட்டதும் ஏன் என்று வீட்டில் மற்றயோருக்குத் தெரியாது.’தம்பி இப்ப தான் செல்லம் கொஞ்சுது என்று அவர்கள் பரிகசித்து பேசும் போதும் அம்மா கண்ணீர் மறைத்து, முகம் சிரித்து,’உணர்வு மறைத்து உணவூட்டி…. வீட்டில் ஒரே சிரிப்பும் கொண்டாட்டமும் தான். அம்மாவுக்குத்தான் ஒன்றும் தெரியாதே. மகன் முகாம் திரும்ப முன்புபோல் அவசரப்படவும் இல்லை. எல்லோரிடமும் விளையாட்டும் , கதையுமாய் கொண்டாடி, உணவுண்டு, பாய்போட்டு நித்திரை கொண்டு அவன் முகாம் திரும்பும் வேளையில் அன்றைய பொழுது இரவைத் தொட்டுவிட்டிருந்தது. அன்று அவன் சொல்லிவிட்டுப் போனது போல தனயாக வரவில்லை அரை டசினுக்கு அதிகமான அவனது நண்பர்களால் வீடு மீண்டும் களைகட்டியது. அவனது அம்மா,அப்பா, அக்காக்கள், வந்திருந்த அனைவருக்கும் அம்மா, அப்பா,அக்கா ஆயினர். அத்தனை பிள்ளைகளும் மாறி மாறியும் ஒன்றாயும் அம்மா…..என்று உறவு சொல்லி அழைக்க வீடு களைகட்டியது. ஒன்றும் தெரியாத அப்பாவி அப்பாவும் அக்காக்களும் அவனது புதிய நண்பர்களின் உற்சாகத்தில் கரைந்து போயினர் அம்மாவும் தான். அவவுக்கும் தான் ஒன்றுமே தெரியாதே. அவவும் சேர்ந்து அந்த உற்சாகத்தில்…….. வந்திருந்த எல்லோருக்கும் தடல்புடலாய் சமையல், சாப்பாடு என்று வீடு அமர்க்களப்பட்டபோதும், குசினியும் முற்றமுமாய் பம்பரமாய் சுழன்ற போதும் அப்பாவி அப்பாக்கும் அக்காக்களுக்கும் ஒன்றுமே தெரியாதே…. அம்மாவுடன் வீடே வாசல் வரை வழியனுப்ப அவர்கள் புறப்பட்டு போயினர். ****** அவர்கள் விடைபெற்று போயினர். அந்தத்தாயின் வழியனுப்பலின் பின்னர் அவர்கள் தாயகத்திடமும் விடை பெற்றுப் போய்……போய் விட்டனர். நல்ல சூரியனின் பெயரால் கொடியோரின் ஆக்கிரமிப்புக் கதிர்கள் விலிகாமத்து மண்ணை சுட்டெரித்த காலத்தின் ஒரு பொழுதில் அவர்கள் எதிரியின் கோட்டைக்குள் புதுவரலாறு படைத்தனர். வீரமும் அர்பணிப்பும் மட்டுமன்றி மனிதாபிமான நிதானமும் நிறைந்த அவர்களது வெற்றிச் செய்தியால் உலகமே உறைந்து நின்ற வேளையில், தமிழீழத்து எல்லோரையும் போலவே அவனது குடும்பத்திலும் மகிழ்ச்சி வளிப்பாடுகள். ஆனால் அம்மா மனதில்?… ****** மகனது பொறுப்பாளர்களை அம்மா சந்திக்கும் அந்த நாள் வந்தேவிட்டது. மகன் எங்கே? என்பதற்கான வழமையயான பதில்கள் அம்மாவிடம் எடுபடாமல் போக, சந்திக்க வேண்டியது தவிர்க்க முடியாததாக ஆகிப்போனது. மனுசியின்ர வாயை முதலே அடைச்சுப்போட வேணும். கதைக்க விட்டால் தப்பேலாது” என்ற சிந்தனையில் மகன் நிற்குமிடம் அவனைச்சந்திப்பதில் உள்ள வசதிக் குறைவு…என பொருத்தமற்ற பொய்யான பதில்களுடன் பொருப்பாளர். ‘மகன் தூரத்தில்…., மட்டகளப்பில்…நிற்கிறான்…வர கொஞ்சம் காலம் செல்லும்” அம்மாவின் முன்னால் இரத்தம் நீராகிப்போன பொருபாளரின் வார்த்தைகள். அவரது உயிரற்ற வார்த்தைகளை மீறி அம்மாவின் உறுதியான கேள்வி. ‘எப்படி என்ர மகன் கடைசி வரைக்கும் சரியாக செயற்பட்டவனே………? ‘எனக்கு எல்லாம் தெரியும். நான் பெத்து வளத்த பெடியன் அவன் சொல்கிறது பொய் எண்டு எனக்குத் தெரியாதே” ‘உப்பிடி எத்தனை பொய்களை எனக்கு நீங்கள் சொல்லித்தந்திருப்பியள்” ‘வீட்ட வந்து அவன் நித்திரை கொள்ளேக்க அவன்ர பொக்கற்றுக்குள்ள பார்த்தன் வட்டுக்கோட்டை அடையாள அட்டை வச்சிருந்தவன்” என்ர பிள்ளை அம்மாவுக்கு சொல்லேலாதெண்டு எனக்குத் தெரியும். அதில நான் ஏதும் பிழை விட்டிடக்கூடாது என்று தான் நானும் அவனோடை ஒன்றும் கதைக்கேல்லை. ‘செய்தியை கேட்டுப்போட்டு அக்கா வீட்டை ஒடிப்போய் ரூபவாகினிதான் பார்த்தனான்” முகம் தெரியாததால ஒருதருக்கும் விளங்கேல்லை – பெத்ததாய் எனக்கு தெரியாமல் போகுமே. ‘றெயில் தண்டவாளத்துக்குப் பக்கத்துல கிடக்கிறான் என்ரபிள்ளை…” அடக்கி வைத்ததெல்லாம் வெடித்ததால் குமுறி அழும் அம்மாவிடம் சொல்ல வார்த்தைகள் இல்லை. உலகத்தில் உள்ள பொய்கள் எல்லாம் எங்கோ ஓடிப்போக விக்கித்து நினறவரிடம் அம்மா அந்த கடிதத்தைக் கொடுத்தா. தன் வீரச்சாவு வெளிப்படும் வேளையில் அம்மாவுக்கு கொடுக்கவென மகன் எழுதிய கடிதம். எங்கோ பிசகுப்பட்டு முன்கூட்டியே அம்மாவின் கையில். எண்ணற்ற தடவைகள் படிந்துறைந்த போன அந்தக் கடிதத்தில் அவன் எல்லாம் எழுதியிருந்தான். முத்தாய்ப்பான வரிகள்… உன் கடன் தீர்க்காமல் போகின்றேனம்மா. தமிழீழத்தில் அடுத்த பிறப்பில் உன் வயிற்றில் பிள்ளையாகவே என்னைப் பெற்றிடு அம்மா இப்பிறப்பில் தீர்க்காத உன் கடன் எல்லாம் அப்பிறப்பில் தீர்த்திடுவேன் அம்மா அம்மா தாயே உங்களை எமாற்ற உங்களின் பிள்ளைகள் நாங்கள் எத்தனை திட்டங்கள் போட்டோமம்மா. ஒன்றுமே கூறாது நீ நின்றதும் வென்றதும் எவ்வண்ணம் தாயே. தாயகத்தின் தாயே உங்களிடம் நாங்கள் தோற்றுத்தான் போனோமம்மா… ********* ஆசிரியரை பற்றி…. விடுதலைப்புலிகளின் முக்கியஸ்தரான பொட்டம்மான் பற்றி உலகத்திற்கு தெரிந்தவவைகளில் அனேகமானவை புனைவுகளே. புலனாய்வு நடவடிக்கை பணிப்பாளர்களின் துரதிஸ்டம் அவரையும் வாழ்கை முழுவதும் பிடித்திருந்தது. இயற்கையான தனது வெளிப்பாடுகளையும், உணர்வுகளையும் வெளிப்படுத்தும் சுதந்திரம் மட்டுப்பட்டிருந்தது. அவர் ஒரு படைப்பளியாகவும், தீவிர வாசகராகவும் இருந்தார் என்பது பலர் அறியாதது. வன்னியிலிருந்த வெளியான பத்திரிகைகளிலும், இலக்கிய சஞ்சிகைகளிலும் எப்பொழுதாவது எழுதிக்கொண்டிருந்தார். வெளிச்சம் சஞ்சிகையில் அவர் எழுதிய சில கதைகளில் இதுவும் ஒன்று. http://pagetamil.com/?p=5409
- 12 replies
கிருபன்

June 5, 201411 yr
Featured by மோகன்

November 5, 2025Nov 5
இது ஒரு தீபாவளிக் கதை: பாவம் நரகாசுரன் -பேராசிரியர் சி. மௌனகுரு
இது ஒரு தீபாவளிக் கதை: பாவம் நரகாசுரன் -பேராசிரியர் சி. மௌனகுரு

இது ஒரு தீபாவளிக் கதை: பாவம் நரகாசுரன் -பேராசிரியர் சி. மௌனகுரு நாளைக்குத் தீபாவளி. அடிக்கடி நண்பர்களும் மாணவர்களும் தொலைபேசியில் வாழ்த்துகளைத் தெரிவிக்கிறார்கள். அனைவரும் மகிழ்ச்சிகரமாக இருகிறார்கள் போலத் தெரிகிறது. கொண்டாட்டம் என்பது மகிழ்ச்சிதானே? மகிழ்ச்சியாக எல்லோரும் இருப்பதைத்தானே நாம் விரும்புகின்றோம். மட்டக்களப்பில் நான் பிறந்த காலங்களில், அதாவது 1940களில், இற்றைக்கு 77 வருடங்களுக்கு முன்னர், தீபாவளியை யாரும் கொண்டாடவில்லை. நாங்களும் வீட்டில் இதைக் கொண்டாடியதாக ஞாபகம் இல்லை. எமக்கு அன்று கொண்டாட்டம், சித்திரை மாதப் புதுவருடம் தான். அன்று தான் எங்கள் வீட்டில் பலகாரம் சுடுவார்கள். முதல் நாளிரவு நான்கைந்து குடும்பங்கள் சேர்ந்து பலகாரம் சுட்டு, அதனைத் தமக்குள் பகிர்ந்து கொள்வார்கள். குடும்பங்களின் விழா அது; கிராமங்களின் விழா அது புது உடுப்புகளை, காலையில் முதலில் தென்னம்பிள்ளைகளுக்கு உடுத்திவிடச் சொல்லுவார் அம்மா. தென்னம்பிள்ளைகள் அணிந்த உடுப்பைத்தான் நாம் பின்னர் அணிவோம். இயற்கையை நேசித்த மனிதர்கள்; அன்றைய சித்திரை நாள், எங்களுக்குப் பெரும் கொண்டாட்ட நாள். தைப்பொங்கலும் கொண்டாட்ட நாள்தான். அதனை விவசாயிகள் கொண்டாடுவர். ஏனையோரும் வீட்டில் பொங்கி மகிழ்வர். ஆனால், சித்திரை வருடமளவுக்கு அது, அன்று பெரும் கொண்டாட்டமில்லை. சின்னவயதில் தமிழ்நாட்டிலிருந்து கல்கி தீபாவளி ஆண்டுமலர், ஆனந்தவிகடன் தீபாவளி ஆண்டுமலர் எனச் சில மலர்கள் வரும். அவற்றின் மூலம்தான் தமிழகத் தீபாவளி எமக்கு அறிமுகமாகியதாக ஞாபகம். அதன்மூலம்தான் தலைத்தீபாவளி, கங்காஸ்னானம், அத்திம்பேர், தீபாவளிச்சீடை முறுக்கு, குடும்பிவைத்து பூணூல் போட்ட தாத்தாமார், மடிசார் வைத்த பெண்கள் எனப் பல தீபாவளி சார்ந்த சமாச்சாரங்கள் சிறுவயது மனதில் படிய ஆரம்பித்தன. தீபாவளிச் சிறுகதைகள் வேறு, இவற்றை மனதில் அழுத்தின. நரகாசுரனைச் சத்தியபாமா துணையுடன் கிருஸ்ண பகவான் அழித்த கதையும் எம்மனதில் வேரூன்றியது. சற்றுவளர்ந்த பின்னர், 15ஆவது வயதில் திராவிடக் கழகக் கருத்துகளுக்கு அறிமுகமானபோது, நரகாசுரன் என்ற திராவிட குலத் தலைவனை, ஆரியனாகிய கண்ணன் அழித்த கதை எமக்கு அறிமுகமானது. நரகாசுரன் என்பவன் நரன்; அதாவது மனிதன். அசுர என்பதன் அர்த்தம், சுரன் அல்லாதவன். சுரர் என்றால் தேவர். தேவர்கள் என அழைக்கப்பட்ட ஆரியர்கள், சுரபானம் எனும் மதுவை அருந்தியதால் சுரர் என அழைக்கப்பட்டனர். திராவிடர்கள் ஒழுக்க சீலர்கள்; மதுஅருந்தாதோர். ஆகவே, அசுரர் என்றால் சுரம் அருந்தாதோர் என்பது அர்த்தம் (அ+ சுரம்) என்ற விளக்கங்களைத் திராவிடக்கழக நூல்கள் தந்தபோது, இளைஞரான நாம் அதனால் ஈர்க்கப்பட்டோம். இவற்றையெல்லாம் தாண்டி, மெல்லமெல்ல தமிழகத் தீபாவளி, தமிழ்ப் பண்பாட்டுக்குள் புகத்தொடங்கி, சித்திரை வருடத்துக்கு அடுத்த பெரும் கொண்டாட்டமாக இடம்பெறலாயிற்று. 1960களில் பேராதனைப் பல்கலைக்கழகத்தில் படித்துக் கொண்டிருந்த காலத்தில், எமக்கு தமிழ் இலக்கியங்கள், இலக்கணங்கள், சமணப் புலவர்களின் தனிப்பாடல்கள் என்பன அறிமுகமாகின. அவர்கள் பிராமண மதத்துக்கும் வைதீக மதத்துக்கும் எதிரானவர்கள்; நால்வகைப் வருணப் பாகுபாட்டை விரும்பாதவர்கள்; மக்கள்பால் நின்றவர்கள்; தமிழ்நாட்டில் பெரும் தாக்கத்தை அன்று எற்படுத்தியவர்கள் என்ற விவரங்களும் சமணத் தலைவரான மகாவீரர், ஸ்தாபித்த சமணமதம் அதன் தத்துவங்கள் என்பனவும் அறிமுகமாகின. இவற்றை எமக்கு அறிமுகம் செய்தவர்கள் பேராசிரியர்களான கணபதிப்பிள்ளை, வித்தியானந்தன், கைலாசபதி, வேலுப்பிள்ளை ஆகியோராவர். கைலாசபதி வகுப்பில் தொடர்ச்சியாகச் சமண தத்துவத்தை எமக்கு விளக்கினார். வேலுப்பிள்ளையும் தமிழ்ச் சமணம், தமிழ்ப் பௌத்தம் பற்றி ஆராய்ந்து எமக்குக் கூறினார். இதன் காரணமாக, சமண மகாஞானியான மகாவீரர் மீது ஒரு மதிப்பு உண்டானது. பேராசிரியர் கணபதிப்பிள்ளையின் வகுப்புகள் வெகுசுவராஸ்யமானவை. சிரித்துக்கொண்டு கதையோடு கதையாகப் பல ஆழமான விடயங்களை எளிமையாகக் கூறிசெல்வார். ஒருநாள், அவர் எங்களுக்குப் படிப்பித்துக் கொண்டிருக்கையில், “உந்தத் தீபாவளி எப்படி வந்தது என்று தெரியுமோடா”? என்று கேட்டார். நாங்கள் நரகாசுரன் கதையைக் கூறினோம். “அதெல்லாம் புழுகடா. சமண மதத்தின் தலைவரான மகாவீரர் சமாதி அடைந்த நாளை நினைவு கூரப் பல தீபங்களை ஏற்றி வைத்து, சமணர் கொண்டாடிய சமண விழாவை, சைவர்கள் தம்வசப்படுத்திக்கொண்ட கதை தாண்டா தீபாவளி. அதற்காக உருவாக்கப்பட்ட கதைதான் நரகாசுரன்கதை” என்றார். சைவம், சமண மதத்திலிருந்து பல விடயங்களைத் தன்வயப்படுத்திச் சைவமாக்கிக் கொண்டது என்பதற்கு நிறைய உதாரணங்கள் கூறி, இதுவும் அதில் ஒன்றடா என்றார். எங்களுக்கு வியப்பு அதிகமாயிற்று. தீபாவளியின் மூலம் பற்றி பேராசிரியர் வேலுப்பிள்ளை கூட, தனது நூலில் ஒரு கட்டுரை எழுதியமை ஞாபகம் வருகிறது. காலங்கள் பல கடந்து விட்டன.... இன்று 2020ஆம் ஆண்டு, இன்று, வடக்கு-கிழக்கு தமிழர் பிரதேசங்களில் தீபாவளி பெரும் கொண்டாட்டம். நரகாசுரனை அழித்த கதை, பாடசாலைகளிலும் சமயச் சொற்பொழிவுகளிலும் சர்வசாதாரணமாகச் சொல்லப்படுவதாயிற்று. அரசியல்வாதிகளும் ஆட்சியதிகாரத்தில் உள்ள பெரும்தலைவர்களும் சமயத் தலைவர்களும் நரகாசுரன் ஒழிந்த நாள் என்றே மக்களுக்கு வாழ்த்துத் தெரிவிக்கின்றனர். நரகாசுரனுடன் தீபாவளி இணைக்கப்பட்டுவிட்டது; பெரும் சமயக் கொண்டாட்டம் ஆகிவிட்டது. இக்கொண்டாட்டத்தை இனி மக்களிடமிருந்து பிரித்துவிட முடியாது. காரணங்கள் பல; ஒன்று, இது ஒரு பெரும் சமய விழாவாகி விட்டது. இரண்டு, இது ஒரு பெரும் கொண்டாடமாகிவிட்டது. கொண்டாட்டம் ஆனமையால் மக்கள் கூடுதல், அதனால் கிடைக்கும் பெருமகிழ்ச்ச்சி, ஒருவருக்கொருவர் மகிழ்ச்சி தெரிவித்தல் என்ற மனிதகுலம் விரும்பும் அடிமனநல்லியல்புகள் இதில் உள்ளன. மூன்று, பெரும் வணிக நிறுவனங்களின் இலாபம், இக்கொண்டாட்டத்தில் அடங்கியுள்ளது. உடுப்புகள், பட்டாசு, பலகார வகைகளுக்கான மூலப்பொருள் வியாபாரம் என்பன இதில் அடங்கும். நான்கு, கோவில் வருமானம், பூசகர் வருமானம் என்பன இன்னொருபுறம் உள்ளன. ஐந்து, பத்திரிகைகளின் தீபாவளிமலர் வருமானம், மற்றொரு புறம் உள்ளது. ஆறு, தொலைக்காட்சி போன்ற ஊடகங்களின் இடைவிடாத கருத்தேற்றமும் அவை, அவற்றால் அடையும் பெருவருமானமும் இன்னொரு புறம் உள்ளது. ஏழு, அதனை விரும்பி ஏற்றுப் புகழ்பெறச் செல்லும் நமது கலைஞர்களும் அறிஞர்களும் இன்னொரு புறம் பெருவாரியாகக் காணப்படுகின்றார்கள். எனவே, தீபாவளியைக் கொண்டாட வேண்டாம் என எப்படிச் சொன்னாலும் அக்கொண்டாட்டத்தை இலகுவில் போக்கிவிட முடியாது. அது, இந்து மக்கள் கொண்டாட்டமாகி விட்டது. கொண்டாட்டங்களை மிகவும் வரவேற்கும் பின் நவீன சிந்தனையாளர்களை நாம் காண்கிறோம். மக்கள் இணைகிறார்கள்; மக்கள் மகிழ்கிறார்கள் என அவர்கள் கொண்டாட்டங்களுக்கு ஒரு புது வியாக்கியானம் அளிக்கிறார்கள். ஆனால், கொண்டாட்டங்களுக்குப் பின்னால் மறைந்து கிடக்கும் சுரண்டலையும் பேதங்களையும் மறக்க வைக்கும் போதைநிலையையும் அவர்கள் தோலுரித்துக் காட்டுவதில்லை. தீபாவளியைக் கட்டுடைத்துப் பார்க்கலாம்; அதன் அதிகாரம் எங்கிருக்கிறது என்று பார்க்கலாம்; தீபாவளிக் கதை கூறும் நரகாசுரன் கதைப் பிரதியைக் கட்டுடைத்துப் பார்க்கலாம். இவை யாவும் ஒரு புலமைத்துவ இன்பப்பயிற்சியுமாகும் (Intelectual pleasure excersise). தீபாவளி அன்றுபோல் இன்றில்லை. நிறைய மாறி விட்டிருக்கிறது. இன்னும் மாறும்; இடையில் வந்து மாட்டிக்கொண்டான் நரகாசுரன்; பாவம் நரகாசுரன். அவனுக்கு ஆழ்ந்த அனுதாபங்கள். http://www.tamilmirror.lk/சிறப்பு-கட்டுரைகள்/இது-ஒரு-தீபாவளிக்-கதை-பாவம்-நரகாசுரன்/91-258874
- 2 replies
கிருபன்

November 14, 20205 yr
Featured by மோகன்

October 18, 2025Oct 18

View All

Sign In

வைகோவுடன் சிங்களர்கள் தகராறு!

Featured Replies

ஐ.நா மனித உரிமைகள் கவுன்சிலில் வைகோவுடன் சிங்களர்கள் தகராறு!

ஐ.நா மனித உரிமைகள் கவுன்சிலில் வைகோவுடன் சிங்களர்கள் தகராறு!

வைகோ ஒருவரது பெயர் - வை. கோபல்சாமி வைகோ என்ற பெயரலேயே நீண்டகாலமாக அழைக்கப்படுகின்றார் தவிர வை.கோ அல்ல.

தி.மு.க மேடையில் வைகோ..!' உற்சாகத்துடன் அணி சேரும் எதிர்க்கட்சிகள்! - ஆனந்த விகடன்

வைகோ ஒருவரது பெயர் - வை. கோபல்சாமி வைகோ என்ற பெயரலேயே நீண்டகாலமாக அழைக்கப்படுகின்றார் தவிர வை.கோ அல்ல.

Archived

Tell a friend

Topics

திருத்தணி: மருத்துவமனையில் இருந்து ஒடிசா இளைஞர் வெளியேறியது ஏன்? - நடந்தது என்ன?

அவனை எனக்குத் தெரியும் - ப.தெய்வீகன்

டக்ளஸ் தேவானந்தாவின் கைதுக்கு பின்னால்…..!

Etymology of the Sinhala word for outrigger vessels 'Oruwa'

Posts

“தமிழர்கள் ஓட்டு போதும்; திராவிடர்கள் ஓட்டு வேண்டாம்!” - நாதக பொதுக் குழுவில் சீமான் பேச்சு

திருத்தணி: மருத்துவமனையில் இருந்து ஒடிசா இளைஞர் வெளியேறியது ஏன்? - நடந்தது என்ன?

அவனை எனக்குத் தெரியும் - ப.தெய்வீகன்

யாழ் கள T20 உலகக் கிண்ண கிரிக்கெட் போட்டி - 2026

டக்ளஸ் தேவானந்தாவின் கைதுக்கு பின்னால்…..!

Featured Content

ஈழத்தமிழர் மீதான இனவழிப்புப் போரில் எனது தனிப்பட்ட அனுபவங்கள்

சாத்தான் படை (IPKF)

🕯️ ஒவ்வொரு ஆன்மாவுக்கும் ஒரு தீபம் / “A Lamp for Every Soul”

தாயகத்தின் தாய் – ச.பொட்டு

இது ஒரு தீபாவளிக் கதை: பாவம் நரகாசுரன் -பேராசிரியர் சி. மௌனகுரு

Important Information

Account

Navigation

Search

Configure browser push notifications

Chrome (Android)

Chrome (Desktop)

Safari (iOS 16.4+)

Safari (macOS)

Edge (Android)

Edge (Desktop)

Firefox (Android)

Firefox (Desktop)