பிள்ளைகளுக்கு... திருமணம் பேச ஆரம்பிக்கும் பெற்றோர்கள், அதனை... பிள்ளையிடம் சொல்லலாமா?

[தமிழ் சிறி]

 

 பிள்ளைகளுக்கு... திருமணம்  பேச ஆரம்பிக்கும் பெற்றோர்கள்,

அதனை... பிள்ளையிடம்,  சொல்லலாமா?   

எனது நண்பர் ஒருவர்.... தனது பிள்ளைக்கு  திருமணம் செய்து வைப்பதற்காக... அந்தப் பிள்ளைக்கு தெரியாமல்,  
அதற்கான... முன் ஏற்பாடுகளில் இறங்கியுள்ளார். (சாதகம் பார்ப்பது... போன்ற விடயங்கள்.)

இவ்வளவிற்கும்... அந்தப் பிள்ளை, மேற் படிப்பு  படிக்க வேண்டும் என்ற... ஆர்வத்தில், உள்ளது.
இப்படியான சூழ் நிலையில்.... இதனை, எப்படிக் கையாள வேண்டும் என்று உங்களுக்கு தெரியுமா?

[குமாரசாமி]

On 15.10.2016 at 2:32 PM, விசுகு said:

இன்றைக்குத்தான் கண்ணில  அம்புட்டுது...

இதெல்லாம் நடக்கா இப்பவும்......

 

நான் பிள்ளைகள் என்னுடன்  கதைக்கத்தொடங்கும்போதே  சொல்லிவிட்டேன்

திருமணம் உங்க விருப்பப்படி தான் என்று.

சிறி

உங்களது நண்பருக்கு ஏதாவது நன்மை செய்வதாக இருந்தால்

உடனே இந்த மாதிரி மூடநம்பிக்கைளிலிருந்து வெளியில் வரச்சொல்லுங்கள்.

 

விசுகர்! உங்களது / உங்கள் சகோதரங்களது திருமணங்கள் எப்படி நடந்தன? காதல் திருமணங்களா அல்லது பேச்சு திருமணங்களா? 

[இசைக்கலைஞன்]

ஒருவருக்கு முடிவெடுக்கும் அதிகாரத்தை (Authority) கொடுத்தால் அவருக்கு ஒரு பலம் (power) வந்துவிடுகிறது. அந்தப் பலத்தைப் பெற்றுக்கொண்டவர் பொறுப்புக்கூறுதல் (Responsibility) செய்ய வேண்டியவராகிறார்.

பிள்ளைக்கு முடிவெடுக்கும் அதிகாரத்தைக் கொடுத்தால் அப்பிள்ளைக்கு பலம் கிடைக்கிறது. திருமணத்தை வெற்றியடையச் செய்ய வேண்டிய பொறுப்பு பிள்ளைக்குக் கொடுக்கப்படுகிறது.

மாறாக பெற்றோர்கள் முடிவெடுத்தால் திருமணத்தின் வெற்றி தோல்விக்கு அவர்களே பதில் கூறக் கடமைப்பட்டவர்கள். 

[nedukkalapoovan]

இந்தக் காலத்தில்.. பிள்ளைகள் பார்க்கிறதை.. அப்பா அம்மா கட்டி வைச்சு.. தமது கெளரவத்தை காத்துக் கொள்வதே சிறந்தது. ஏனெனில்.. அப்பா அம்மா.. பிள்ளைகளின்.. எல்லா உணர்வுகளையும் அறிந்து கொள்ள முடியாது. அந்த வகையில்.. இந்த விசயத்தில்.. பெற்றோர் எதனையும் பிள்ளைகளிடம் திணிக்காதீர்கள். அவர்களின் தெரிவுக்கு முதன்மை அளியுங்கள். நீங்கள் வாழ்ந்து கொண்டிருப்பவர்கள்.. அவர்கள் வாழ இருப்பவர்கள். அதனை சிதைக்காதீர்கள். அவர்களின் தெரிவில்.. அவர்கள் விடும் தவறுகளுக்கு அவர்களே பொறுப்பு என்பதை தெளிவாகச் சொல்லிடுங்கள். முன்னெச்சரிக்கையாக. இதே தான் எங்கள் வீட்டில்.. எங்களுக்குச் சொல்லப்பட்டது.

நீ விரும்பிறதை நீ செய்து கொள்ளலாம். ஆனால்.. அதன் விளைவுகளுக்கு நீயே பொறுப்பு. நீ சந்தோசமா இருந்தால் நாங்களும் சந்தோசப்படுவோம். இன்றேல் கவலை தான்.. இதுதான் எங்கட அப்பா அம்மா எங்களுக்குச் சொன்னது. இதுவே இப்பவும் பலருக்கு பொருந்துகிறது. 

பெற்றோரின் எச்சரிக்கை என்பது இயல்பாக எச்சரிக்கையை அவதானத்தைக் பொறுப்பை கூட்டி விட்டதே தவிர.. கண்டபடி தீர்மானிக்கும் நிலைக்கு இட்டிச் செல்லவில்லை. 

[suvy]

பிள்ளை ஆணா , பெண்ணா.... சுமாராகவேணும்  அவர்களின் வயது விபரம் தெரியாமல் ஒன்றும் சொல்ல முடியாமல் இருக்கு....!அந்தப் பிள்ளைகள் இங்கே பிறந்து வளர்ந்தவையாகவோ அல்லது சிறுவயதில் இங்கு வந்து ஆரம்பக் கல்வியில் இருந்து படித்து வரும் பிள்ளைகளாக இருந்தால் , பெற்றோர் எவ்வளவுதான் சுழிச்சு ஓடினாலும் அவர்கள் சரியான நேரத்தில் தத்தமது துணையை நேரிடையாகவே கூட்டிவந்து தகவல் சொல்லுவார்கள்....!  

பின்பு பெற்றோர் அதை ஏற்பதற்கோ அன்றி ஜீரணிப்பதற்கோ தம்மைத் தயாரிப் படுத்தித்தான் ஆகவேண்டும்....!  

பெற்றோரின் மனம் ஓரளவாவது குளிர்வதற்கு சில சாய்ஸ் உண்டு....!  

--- தன் பாலினத்தில் ஒருவரை கொண்டு வராமல் எதிர்பாலினத்தில் கொண்டு வருதல்....!     ஸ்...ஸ்......ஸ்.....!  

--- வேற்று நாட்டவரை தேர்ந்தெடுக்காமல் தன் நாட்டவரைத் தேர்ந்தெடுத்திருப்பது ....!         ம்...ம்...ம்......!  

--- வேற்று மொழி பேசுபவர் இல்லாமல் தன் தாய்மொழி  பேசுபவரை அறிமுகப் படுத்துவது ...!   க்கும் ...க்கும்....! 

--- வேறு மதம் பிடிக்காமல்  தன் மதம் பிடித்தவரைச் சுட்டுவது ....!   ஐயோ ... ஐயோ.....!  

--- ஒரு ஹிப்பியோ ,குருவியோ இல்லாமல் பார்வைக்கு லட்ஷணமாய் இருப்பது ....!    கக்கக்க  போ ....! 

--- தனது சாதியுடையவனாய், நண்பனின் நன்பனுக்குத் தெரிந்தவராய்  இருப்பது ....!  ஓஹோ ....ம் ....!  

--- ஆச்சரியமாக  தனது வழியிலோ, மனைவி வழியிலோ உறவினனாய் இருப்பது ......! ஆஹா ...ஆஹாஹா ....! 

அவர் ஜென்ம விரோதியின் மகனோ,மகளாகவோ இருந்தாலென்ன... ஏலே சின்ர்ராசு  அடிடா மேளத்தை , நீ கட்றா  தாலியை ......!  

[விசுகு]

9 hours ago, குமாரசாமி said:

எமது நாளைய சமுதாயம் துருக்கி,ஈராக்,துனேசியன் என நடு வீட்டுக்குள் அழைத்து வருகின்றார்கள். உங்களைப் பொறுத்தவரைக்கும் இது பற்றிய கருத்து என்ன? 

அண்ணா

நான் பிரான்சுக்கு வந்த புதிதில் ஒரு கிரேக்க முதலாளியிடம் வேலை செய்தேன்

அவர்களும் கிட்டத்தட்ட எமது கலாச்சாரத்தோடு

தகப்பனாருக்கு 

ஆண்களுக்கு அதிக அதிகாரம் தரும் பரம்பரையில் வந்தவர்கள்.

அவருக்கு இரண்டு பெண் பிள்ளைகள்.

அவர்கள் பிரெஞ்சு கலாச்சாரப்படி வாழத்தலைப்பட்டபோது..

அவருடன் இது பற்றி கலந்து பேசும் சந்தர்ப்பங்கள் கிடைத்தன

அவர் சொன்னது இன்றும் என்னுள் ஆளப்பதிந்துள்ளது.

எனது சமுதாயப்படி வளர்க்கணும் என்றால் நான் முதலில் எனது நாட்டில் இருக்கணும்

இங்கு இருப்பதென்றால் இப்படித்தான் வளரும்

ஒரேயொரு வழிதான் இருக்கு

 நான் தான் என்னை மாற்றிக்கணும் என்றார்.

இது இன்று எமக்கும் பொருந்துகிறது.

உங்கள் கேள்விக்கு இரண்டு பதிலிருக்கு.

1- நான் மாற்றங்களுக்கு தயாராகிவிட்டேன் (காரணம் எனது திருமணத்தில் நான் எனது பெற்றோர் சொல் கேட்டதில்லை)

2- நாட்டிலும் இப்போ அந்த நிலைமை (நாம் கற்பனை செய்யும்நிலை)  இல்லை

 

 

 

[தமிழ் சிறி]

தானும்... தன்ரை படிப்பும்...என்ற சிந்தனைகளில் இருக்கும்  பிள்ளைகளுக்கு, 
நீயும்...  "லவ்"  பண்ணு என்று, இலங்கைத் தமிழ்  அப்பன்  சொல்ல முடியுமா?

[வல்வை சகாறா]

பிள்ளைகளின் திருமணவிடயத்தை அவர்கள் அறியாமல் செய்ய வெளிக்கிடுவது சுத்த முட்டாள்த்தனம். இன்றை காலத்தில் பிள்ளைகளே தங்களுக்கான வாழ்க்கைத்துணையைத் தெரிவு செய்கிறார்கள். ஒரு வேளை தெரிவு செய்யவில்லை என்றால் அவர்கள் தமக்குரிய துணைக்கு தங்களுக்குப் பிடித்த சில தகுதிகளை எதிர்பார்க்கிறார்கள் என்றும் வைத்துக் கொள்ளலாம். அன்றைய காலங்கள் போல் பிள்ளையின விருப்பு வெறுப்புகளை அறியாமல் பெற்றோர் எம்முயற்சி எடுத்தாலும் தோல்வியில் மட்டுமே முடியும்.

[nochchi]

On 1.10.2016 at 0:59 AM, தமிழ் சிறி said:

இணையவனைத் தவிர,  வேறு. ஒருவரும், பதில் எழுதாமல்,  இருப்பதால்....
கனக்க... யோசிக்கினம் போலை கிடக்கு. 

"வீட்டுக்கு... வீடு,  வாசல் படி"  

,

இந்தத் தலைப்புக்குள் நுளைவதெனில் பலவிடயங்களைத் தொடவேண்டும். எமது இளையோரின் வாழ்வோடு விளையாட முடியாது. தொடருவேன்...

தலைப்புக்கு நன்றி

[விசுகு]

On 01/02/2017 at 9:04 PM, ரதி said:

உங்கள் மீது தான் பிழை ஈழப்பிரியன்...நீங்கள்,உங்கள் பிள்ளைகளுக்கு  மொழியை சொல்லிக் கொடுத்த அளவிற்கு இனப் பற்றை என் ஊட்டி வளர்க்கவில்லை?...தமிழ்ரகளோடு பழக விடாமல் தனித்து வளர்த்து இருப்பீர்கள் என்று நினைக்கிறேன்.

குமாரசாயண்ணை மற்றும் ரதியின் கருத்துக்களின் தென்படும் ஆதங்கமும் விருப்பங்களும் தேவையான  ஒன்று தான்.

ஆனால் நாம் அதற்கு முன்  சிலவற்றை கணக்கில் எடுக்கவேண்டும்

1- எமது பிள்ளைகள் படிக்கும் நாடு எது?

2- அவர்கள் படிக்கும் முதல் மொழி எது?

3- அவர்கள் பழகும் பாடசாலை மற்றும் வேலையிடத்து  நண்பர்கள் உறவுகள் யார்??

4- அவர்கள் வாழப்போகும் தேசம் எது?

இவ்வளவையும் சேர்த்து பார்த்தால் இதில் தமிழும் தமிழர்களும் 1 வீதம் கூட வரமாட்டார்கள்

எனவே உண்மை கசக்கும்.

ஆனால்.......???

[தமிழ் சிறி]

இணையவனைத் தவிர,  வேறு. ஒருவரும், பதில் எழுதாமல்,  இருப்பதால்....
கனக்க... யோசிக்கினம் போலை கிடக்கு. 

"வீட்டுக்கு... வீடு,  வாசல் படி"  

[விசுகு]

14 hours ago, குமாரசாமி said:

எனக்குத்தெரிந்து பல இடங்களில் சோறு,சோத்துக்கூட்டம் என்ற நக்கல் நளினங்கள் போய்......

தமிழன் , தமிழச்சி என்று பகிடிவதை பண்ணத்தொடங்கியிருக்கிறர்கள். நல்ல சகுனமாகவே பார்க்கின்றேன்.

எனக்கு தெரிந்த தமிழ் சமுதாயம் தமிழராகவே வாழ்கின்றார்கள்.

பிள்ளைகளை முடிந்த அளவிற்கு தமிழ்மணம் வீச வைக்கின்றார்கள்.(கலியாண சாமத்திய வீடு அல்ல)

வீட்டில் உணவு மற்றும் பழக்கவழக்கங்களில் ஊர் நினைவலைகளை மீள வைக்கின்றார்கள்.

திருமண விடயத்தில் என்னவிட அகங்காரத்துடன் அந்த பிள்ளைகள் இருக்கின்றார்கள்.

 

புலம் பெயர்ந்த நாடுகளில் வேலை படிப்பு விடயத்தில் அவர்களுக்கு அதிகம் தெரியும்....

ஆனால்....

வருங்கால வாழ்க்கை விடயத்தில் எனக்கு இன்னும் அதிகம் தெரியும்...

சொல்ல வேண்டியது என் பொறுப்பு...

சொல்லி திருத்த வேண்டியது என் கடமை.

மீறியவர்களின் கதையும் எனக்குத்தெரியும்.

அண்ணா

எல்லாத்தமிழர்களது ஆசைகளும் வளர்ப்பும் இது தான்

என் பிள்ளைகளையும் அப்படித்தான்  வளர்க்கின்றேன்.

மேலே நான் எழுதிய  ஒரு வீத கருத்தை எனது மகன் தான் சொன்னான்

அவனது அனுபவப்படியும்  இங்குள்ளநிலைப்படியும்

எமது ஆசைகள் மற்றும் எதிர்பார்ப்புக்கள் நிறைவேற ஒரு வீதமே சாத்தியம்.

அதுவே களநிலை.

அவன் என்னிடம் இன்னொரு  கேள்வியையும் முன்  வைத்தான்

புலம் பெயர் தேசங்களில்  நிறவெறி  வெளிநாட்டவர்களுக்கெதிரான தேசவெறி  மற்றும் மதவெறி என்பவற்றை வெறுக்கும் நாம்

எந்த அடிப்படைக்குள்  எமது இந்த நிலையை நியாயப்படுத்தமுடியும்

தமது பாடசாலைகளில் வேலைத்தளங்களில் இது சார்ந்து மற்றவர்கள் தம்மை கேலி செய்வதாகவும் சொன்னான்.

 

[tulpen]

தனது வாழ்ககைத் துணையை தேர்வு செய்யும் முழு உரிமையும் அந்த பிளளைககு உண்டு. பெறறோர் அதற்கு உதவியாக ஒததாசை இருக்கலாமேயொழிய தாங்களே தன்னிசசையாக முடிவெடுககும் உரிமை அவர்களுககு இலலை. நாங்கள் வாழ்வது மத்திய காலததில்(Middle Age)  இல்லை.நவீன அறிவியல் காலததில்.

[Nathamuni]

சிறியர்,

இன்று தான் உங்கள் இந்த திரி பார்த்தேன்.

இன்றைய நிலையில், பெற்றவர்கள், பெண்ணாயின் ஆணுடன், ஆணாயின் பெண்ணுடன் வாழ்க்கை நடாத்த முனையவேண்டுமே என்பதே முதலாவது  ஆதங்கம்.

அடுத்தது, நம்மூரில் உள்ளது போல மச்சான், மச்சாள், ஒன்று விட்ட அண்ணன், அக்கா, தங்கச்சி வித்தியாசம் புரியும் சூழல் இல்லை. எனவே சொந்தத்துக்குள் கட்டி வைப்பது, இங்குள்ள கலாச்சாரத்தில் வளரும் பிள்ளைகளுக்கு புரிய வைத்து செய்வது இலகுவானது அல்ல.

மூனறாவதாக, நமது சமூகத்துக்குள் புரையோடியுள்ள, சாதி, இன, மத வேறுபாடுகள் பிள்ளைகளுக்கு புரியாது. புரிய வைத்து தோல்வி கண்டவர்கள் பலர்.

(ஒரு சிங்கள பெண்ணை பல்கலைக் கழகத்துள் சந்தித்து, அவளும், என்னைப் போல இலங்கையர் தானே என்று வாதிட்டு கலியாணம் செய்த ஒருவர், தெரிந்த உறவில் உண்டு)

கனிரசம் கொட்டும் காதல் கடிதங்கள் எல்லாம் கடந்த காலமிது.

உனது (நிர்வாண) படத்தினை அனுப்பு... எனது அனுப்பி வைத்தேன், பார்த்தாயா என்று உடலழகு பார்த்து ஆண் நண்பர், பெண் நண்பர் தேர்வுகள் ஸ்னாப் சாட், இன்ஸ்டாகிராம் ஊடாக நடக்கும் காலமிது. (பகிடி இல்லை. முக்கியமாக அப்பாவிப் பெண் பிள்ளைகளுக்கு சொல்லி வையுங்கள்....பெண் தானாக விலத்தியவுடன், ஆண் நண்பர் அப்படியான படங்களை, இணைய வெளியில் போட்டு விடுகிறார்கள்... பழிவாங்கும் முகமாக... இது பெரிய ஒரு சமூகப் பிரச்னை.இது தொடர்பாக புதிய சட்டம் கொண்டுவர பிரித்தானிய அரசு ஆலோசிக்கின்றது)

இந்த நிலையில்..... குறிப்பு, பொம்பிளை பார்த்தல்...ஒகே சொல்லுதல்.... கலியாணம்....

ஒரு வெள்ளை நமது பெண்ணை, ஆணைக் கட்டினால்... முதல் அனுமானம்.... அவரது சமுகத்தில்.... அவருக்கு ஒன்றுமே கிடைக்க வில்லை.... அதுதான் இந்தப் பக்கம் எட்டிப் பார்த்து விட்டார்.

அதே போல குறிப்பு... பேச்சு என்றால்.... அவராக தேட முடியவில்லை... தாய் தகப்பன் உதவி செய்யினும் என்று முடியும்....

காலம் மாறிப் போச்சு. 

[ஈழப்பிரியன்]

17 hours ago, குமாரசாமி said:

வணக்கம் ஈழப்பிரியன்!
தவறுகள் எங்கும் எதிலும் இருக்கும்.

இது நியதி.

உங்களிடம் ஒரு சிறிய கேள்வி?.
எமது பிள்ளைகளின் இரண்டும் கெட்டான் வாழ்க்கை முறையால் திருமணங்கள் கொஞ்சம் தடுமாறித்தான் போய்க்கொண்டிருக்கின்றது. இது சந்தர்ப்ப சூழ்நிலை.

எமது பேரப்பிள்ளைகள்,பூட்டப்பிள்ளைகளின் வாழ்க்கை எப்படியிருக்கும் என நினைக்கின்றீர்கள்? அல்லது எப்படியிருக்க வேண்டுமென நினைக்கின்றீர்கள்?

இது விதண்டாவாதத்திற்கல்ல.....நாலு நல்ல விடயங்களை பகிர்ந்து கொள்வதற்கு மட்டுமே..

எமது பிள்ளைகள்  இரு தோணியில் பயணிக்கிறார்கள்.ஆனால் அவர்கள் பிள்ளைகளுக்கு அப்படி ஒரு தேவை இருக்காது. 

பேரப்பிள்ளைகள் எனும் போது பெரியதொரு கேள்விக்குறி தொக்கி நிற்கிறது.பிள்ளைகள் தங்களை எப்படி வளர்தோமோ அதே மாதிரி தங்கள் பிள்ளைகயையும் நாங்களே வளர்க்க வேண்டும் என விரும்புகிறார்கள்.

வயது போக போக குளிர் ரொம்ப தான் உலுப்பி எடுக்குது.இந்த நிலையில் அடுத்த அடி எங்கே வைப்பது.இது தான் உண்மை நிலமை.

[nunavilan]

பிள்ளைக்கு திருமணம் என்பதால் பிள்ளையிடம் கேட்காமல் எப்படி திருமண நடவடிக்கையில் இறங்க முடியும்? பிள்ளையின் கருத்து மிக முக்கியமானது.

[ராசவன்னியன்]

பாவம் அந்தப்பிள்ள அப்பிராணி போலக் கிடக்கு..!

இப்பொழுதெல்லாம் படிப்பு முடித்தவுடனே அவர்களாகவே 'இன்னமாதிரி பெண் தேடுங்கோ!' என பெற்றோரிடம் சூசகமாக சொல்லிவிடுவார்கள், சிறீ..! எதற்கும் பையனின் அம்மாவிடம் வற்புறுத்தி கேட்க சொல்லுங்கள், அவரிடம் பச்சைக்கொடி காட்டியிருப்பார்.

[குமாரசாமி]

5 hours ago, வல்வை சகாறா said:

பிள்ளைகளின் திருமணவிடயத்தை அவர்கள் அறியாமல் செய்ய வெளிக்கிடுவது சுத்த முட்டாள்த்தனம். இன்றை காலத்தில் பிள்ளைகளே தங்களுக்கான வாழ்க்கைத்துணையைத் தெரிவு செய்கிறார்கள். ஒரு வேளை தெரிவு செய்யவில்லை என்றால் அவர்கள் தமக்குரிய துணைக்கு தங்களுக்குப் பிடித்த சில தகுதிகளை எதிர்பார்க்கிறார்கள் என்றும் வைத்துக் கொள்ளலாம். அன்றைய காலங்கள் போல் பிள்ளையின விருப்பு வெறுப்புகளை அறியாமல் பெற்றோர் எம்முயற்சி எடுத்தாலும் தோல்வியில் மட்டுமே முடியும்.

உங்கள் பிள்ளை நாளைக்கு வேற்று இனத்தவரை....உதாரணத்திற்கு ஆபிரிக்கரையோ அல்லது அரேபியரையோ  மணம் முடிக்க விருப்பம் தெரிவித்தால் உங்கள் பதில் என்ன?

[நந்தன்]

22 minutes ago, குமாரசாமி said:

உங்கள் பிள்ளை நாளைக்கு வேற்று இனத்தவரை....உதாரணத்திற்கு ஆபிரிக்கரையோ அல்லது அரேபியரையோ  மணம் முடிக்க விருப்பம் தெரிவித்தால் உங்கள் பதில் என்ன?

ஒன்னும் பண்ண முடியாது 

[ஜீவன் சிவா]

தமிழ் சிறீ - இது அடி முட்டாள்தனமான வேலை.
 
ஒரு வருடத்திற்கே பாவிக்க முடியாத உடையை வாங்கும்போதுகூட அந்தப் பிள்ளையின் அபிப்பிராயத்தை கேட்க்கும் பெற்றோர், அல்லது அவர்களின் தெரிவிற்கு அனுமதிக்கும் பெற்றோர் - பிள்ளையின் எதிர்காலத்தை நிர்ணயிப்பதுக்கு மட்டும் அனுமதிக்கவில்லை என்பது மிகவும் கேவலமான விடயம்.

கட்டி வைத்து விட்டு இவர்கள் கம்மென்று இருந்து விடுவார்கள். வாழப்போவது பிள்ளைதான். சரி இல்லை என்றால் புதிதாக வேண்ட இது ஒன்றும் உடை இல்லை - மனது.

பிள்ளையின் தெரிவுக்கு விட்டுவிடலாம். பிள்ளைக்கு தெரிவு இல்லை என்றால் எமது சமூகத்தில் பெற்றோர் வரன் பாப்பது அவர்கள் கடமை. அப்படியான சந்தர்ப்பத்திலும் வெளிப்படைத்தன்மை வேண்டும், ஒவ்வொரு விடயமும் பெற்றோர்கள் பிள்ளைகளுடன் கலந்ததாலோசித்துத்தான்  செய்ய வேண்டும். திருமணமான பின்னர் பிள்ளை தனது காலில் நின்று சுதந்திரமான முடிவுகளை எடுத்து ஒரு குடும்பத்தை வழிநடத்தும் என்று நம்பித்தானே திருமணம் செய்து வைக்கிறார்கள். அதாவது பிள்ளை அறிவிலும், வயதிலும் முதிர்ச்சி அடைந்தது என்ற எண்ணம்தானே திருமண ஏற்பாட்டில் பெற்றோர் இறங்க காரணம்.

ஆனால் அந்த துணையை தேர்ந்தெடுப்பதற்கு பிள்ளைக்கு முதிர்ச்சி போதாது என்று பெற்றோர் நினைப்பது சுத்த முட்டாள்தனம்.

மொத்தத்தில் முடிவை அந்த பிள்ளை எடுத்ததாகவே இருக்க வேண்டும்.

[வல்வை சகாறா]

22 hours ago, குமாரசாமி said:

 

இதற்கு தானா பாடுபட்டு மண்ணை கவ்வினாய் பிரபாகரா? 

கு.சா அண்ணை இந்தத் தலைப்பிற்கும் இந்தக் கருத்திற்கும்என்ன சம்பந்தம்?

[குமாரசாமி]

என் இனமும் என் தேசமும் வேறு.....
என் நலமும் என் பிள்ளை நலமும் வேறு....

[குமாரசாமி]

23 minutes ago, நந்தன் said:

ஒன்னும் பண்ண முடியாது 

அப்ப தனிநாடும் தேவையில்லை.....

சல்லிக்கட்டும் தேவையில்லை..

மானம் மரியாதையும் தேவையில்லை.

வரலாறும் தேவையில்லை....

பாரம்பரியமும் தேவையில்லை.....

சேறு கண்ட இடத்திலை மிதிச்சு தண்ணி கண்ட இடத்திலை கழுவிக்கொண்டு சீவியத்தை நடத்தவேண்டியதுதான்.

[கலைஞன்]

1 hour ago, nunavilan said:

பிள்ளைக்கு திருமணம் என்பதால் பிள்ளையிடம் கேட்காமல் எப்படி திருமண நடவடிக்கையில் இறங்க முடியும்? பிள்ளையின் கருத்து மிக முக்கியமானது.

பிள்ளைகளுக்கு Surprise Birthday வைப்பது இல்லையா? அது போல் இதை எடுத்துக்கொள்ள வேண்டியதுதான். 

 

[nedukkalapoovan]

8 hours ago, தமிழ் சிறி said:

தானும்... தன்ரை படிப்பும்...என்ற சிந்தனைகளில் இருக்கும்  பிள்ளைகளுக்கு, 
நீயும்...  "லவ்"  பண்ணு என்று, இலங்கைத் தமிழ்  அப்பன்  சொல்ல முடியுமா?

சொல்லிட்டாங்களே. நீயே உன் வாழ்க்கையை தெரிவு செய்யுன்னு.  

[தனிக்காட்டு ராஜா]

On 10/22/2016 at 6:00 AM, தமிழ் சிறி said:

தானும்... தன்ரை படிப்பும்...என்ற சிந்தனைகளில் இருக்கும்  பிள்ளைகளுக்கு, 
நீயும்...  "லவ்"  பண்ணு என்று, இலங்கைத் தமிழ்  அப்பன்  சொல்ல முடியுமா?

சிறி அண்ண செக்ஸ்சையையே எப்ப வைத்துகொள்ள வேண்டும்,எந்த வயதில் வைத்துக்கொள்ள வேண்டும் செக்ஸ் என்றால் இதுதான்  என்று சொல்லி கொடுக்கும் வெளி நாட்டில் தன் துணையாக வரப்போகிறவளை சொல்லி கொடுப்பதில் என்ன பிழை