யாழ்ப்பாணத்தமிழ் பேசும் ஜேர்மனிய பெண்!!!

 இதை பார்த்தாவது தமிழ்பேசமறுக்கும் அனவருக்கும் ரோசம் மானம் வெட்கம் வரட்டும்.

தமிழ் கதைக்கிறதை தவிர்த்து வேற்று மொழி பேசுபவர்கள் இதைப்பார்த்தாவது திருந்தட்டும்.

இணைப்புக்கு நன்றிகள், புலவர்...!

 

செந்தமிழ் நாடென்னும் போதினிலே,

இன்பத் தேன் வந்து பாயுது காதினிலே....... பாரதியார்.

 

அன்னியர் தேசத்தின் 'மண்ணினிலே'

என் தமிழ் கொஞ்சுது நெஞ்சினிலே.......  புங்கை 

Wow

wow Sehr gut ! very nice!

இந்த பெண்மணி லண்டனில் நான் வாழும் பகுதியில் தான் வசிக்கின்றா. 

எமது பெண்கள் இவரிடமிருந்து கற்க நிறையவே இருக்குது.

2009 காலபகுதியில் லண்டன் மாநகரம் எமது போராட்டங்களால் திணறிய வேளை, எம்மவர்களுக்கு உணர்வூட்டி வீதியில் இறங்கப் பண்ணியதில் இவரின் பங்களிப்பை யாருமே மறுக்க முடியாது.

ஈழத்தில் பிறந்து வெஸ்டேர்ன் கலாசாரத்தில் கரைந்து போன எம்மவர் மத்தியில், மேலை நாடொன்றில் பிறந்து எமது கலாச்சாரத்துடன் வாழும் இவர் உண்மையில் போற்றுதற்கு உரியவர்.

அருமை.வாழ்க தமிழ்

இவா எங்கட மானத்த வாங்கிறதென்டு முடிவு பண்ணிட்டா இனி ஒண்டும் செய்யேலா

இவர் அழகாக தமிழ் மொழி கதைப்பது மட்டுமன்றி தாய்மொழிக் கல்வி, தாய்மொழியின் பயன் போன்றனவற்றுடன் இன்னொரு மொழியினைக் கற்றுக் கொள்வதால் வரும் நன்மைகளையும் பேசுகின்றார்.

 

ஆனால் ..இவர் தமிழ் பேசுகின்றார் என்று பெருமைப் படுவதை விட 'யாழ்பாணத்' தமிழ் பேசுகின்றார் என்று பெருமைப்பட்டுக் கொள்வதில் தான் நாங்கள் அதிகம் மினக்கெடுகின்றம் போலக் கிடக்கு.

வேறு நாட்டவர் தமிழில் கதைப்பதே பெரியவிடயம் அதிலும் சுத்த யாழ்பாணத்தமிழில் கதைப்பது உண்மையில் வியக்கவைக்கின்றது.  வாழ்த்துக்கள்...!

அவர் தமிழ் கதைத்தால் பெருமை  என்றால் நாங்கள் ஆங்கிலம் கதைத்தால் தானே பெருமை .

______________

Edited March 17, 201411 yr by நியானி

இவர் அழகாக தமிழ் மொழி கதைப்பது மட்டுமன்றி தாய்மொழிக் கல்வி, தாய்மொழியின் பயன் போன்றனவற்றுடன் இன்னொரு மொழியினைக் கற்றுக் கொள்வதால் வரும் நன்மைகளையும் பேசுகின்றார்.

 

ஆனால் ..இவர் தமிழ் பேசுகின்றார் என்று பெருமைப் படுவதை விட 'யாழ்பாணத்' தமிழ் பேசுகின்றார் என்று பெருமைப்பட்டுக் கொள்வதில் தான் நாங்கள் அதிகம் மினக்கெடுகின்றம் போலக் கிடக்கு.

 

ஓம் உண்மைதான்..யாழ்ப்பாணத்தான் மற்ற தமிழ்பேச்சுவழக்குகளை நக்கலடிச்சதில்லை.ஆனால் வேறை தமிழ்பேச்சு நடைகளிலை கதைக்கிறவயள் யாழ்ப்பாண தமிழை அந்தமாதிரி  நக்கலடிக்கிறது உங்களுக்கு தெரியதோ?

மட்டக்களப்பிலை நான் கொஞ்சக்காலம் இருந்தபோது அவையள் அடிச்ச நக்கல் கொஞ்சநஞ்சமில்லை.பகிடிக்குத்தான் நக்கலடிச்சாலும்......அதையே திருப்பித்திருப்பி நக்கலடிக்கேக்கை அது பகிடியில்லை.

தமிழகத்திலையும் இது இருக்குது.திரைப்படங்களிலை யாழ்ப்பாணத்தமிழை வைச்சு அடிக்கும் நகைச்சுவையளுக்கும் பஞ்சமில்லை.......

 

ஏன் எங்கடை புலம்பெயர்சனம் மெட்ராஸ் தமிழை கதைக்க வெளிக்கிடேக்கை.....ஒரு வெள்ளைச்சி யாழ்ப்பாணதமிழ்கதைக்கிறதிலை நான் பெருமைப்படுறன்.

அவர் தமிழ் கதைத்தால் பெருமை  என்றால் நாங்கள் ஆங்கிலம் கதைத்தால் தானே பெருமை .

______________

 

சேர்.பொன் இராமநாதன்,ஜீ.ஜீ பொன்னம்பலம் காலத்திலையிருந்து உதைத்தானே செய்து கொண்டு வாறியள்.அதுவும் நுனி நாக்காலை.......

தாயே  நீ  வாழிய பல்லாண்டு...!

பெருமையாக இருக்கிறது

அருமையாக தமிழ் பேசுகின்றார். இங்கு ஒரு கேள்வி? தமிழ் கதைக்கிறார் என்பது சரியா அல்லது பேசுகின்றார் என்பது சரியா? கொழும்பு தமிழில் நாங்கள் பேசுதல் என்று குறிப்பிடுவோம். யாழ் வழக்கில் ''பேசுதல்'' என்பது வித்தியாசமான அர்த்தத்தை கொடுக்கின்ற‌தே? ஏது சரியானது? 

 

"அழகான வசனங்கள் இருக்கு, சொற்கள் இருக்கு, அது இங்கிலிஷிலோ ஜெர்மன்லயோ இல்லை, எல்லோரும் கொஞ்சம் கூட முயற்சிபண்ணி பார்ப்பீங்களோ...!"

"ஒருவரும் வெட்கப்படாம தயவுசெய்து தமிழ்ல கதையுங்கோ.. அழகான மொழி..வெட்கப்படாதீங்கோ..!"

உண்மையிலேயே நம்ப முடியவில்லை, இவ்வளவு அழகாக தமிழில் பேசும் ஜெர்மனியப் பெண் பாராட்டுக்குரியவர்.

 

நன்றி, பெண்மணி!

பாராட்டுகள்; வாழ்த்துகள்.இதில் குறிப்பிடத்தக்க சிறப்பு என்னவென்றால்
ஜெர்மனியர்கள் மிகுந்த தனித்தன்மை கொண்டவர்கள்.அறிவார்வம் கொண்ட‌
முயற்சிகளின் முன்னோடிகள்.உண்மையில் ஜெர்மனி, பிரான்சு,இங்கிலாந்து
போன்ற நாடுகளில் புலம்பெயர்ந்து வாழும் நம்மவர்கள் ‍‍‍‍‍== இளம்தலைமுறையினர் == அவர்களின் மொழியில், வாழ்க்கையில் உள்ள‌
சிறப்பான விடயங்களைக் கற்றுக்கொள்ளவேண்டும்.அந்த அறிவார்வம்
நம்மிடையே பல்கிப்பெருகவேண்டும்.இவருடைய முன்னுதாரணம் நமக்கு
வழங்கும் செய்தி அதுவேயாகும்.

Edited March 17, 201411 yr by மகம்

நன்றியம்மா

 

உன் தாய் மொழியை  பின்னுக்கு தள்ளிவிட்டு

என் தாய் மொழியில்

என்னைத்தமிழைக்காப்பாற்றுங்கோ

நானும் பிள்ளைகளுடன் வருகின்றேன் என்பது எனது பலவீனத்தையும்

என் தாய் மொழியின் வளத்தையும் எனக்குக்காட்டி  நிற்கிறது

வெட்கப்படுகின்றேன்

 

நன்றி  தாயே

தமிழ் வாழும்  என்ற  நம்பிக்கை  வருகிறது

தாய்மொழியை மறந்த தமிழருக்கும்  தாய்மொiழியைப் பற்றிய சிந்தனையற்ற தமிழருக்கும் எங்கட பிள்ளையளுக்கு ரமில் வராது என்பவருக்கும்  நன்றாகத் தமிழ் பாடம் புகட்டியுள்ளார். அவருக்கும் இதனை இணைத்தவருக்கும் எனது பாராட்டுக்கள். 

செண்பகன்

ஜெர்மன்மொழியை தாய்மொழியாககொண்ட இவர் தமிழரை திருமணம் செய்து மூன்று குழந்தைகளுடன் பிரித்தானியாவில் வாழுகின்றார், 2009 ஆம் ஆண்டு லண்டனின் மத்தியபகுதியில் தொடர்சியாக எம்மவர்களினால் மேற்கொள்ளப்பட்ட போராட்டங்களில் ஒவ்வொருநாளும் தானும் தனது கணவர் பிள்ளைகளுடன் வந்து பங்குபற்றியிருந்தார். இப்பொழுதும் எம்மவர் நிகழ்வுகளில் காணலாம், மாவீரர்தினங்களில் கூட மஞ்சள் சிகப்பு நிறத்தில் சாறி உடுத்தி வந்து உணர்வுடன் பங்குகொள்கின்றவர்.

அவருடைய தமிழ் பற்றுக்கு எனது வாழ்த்துக்கள்.

செவ்வி எடுத்தவரை விட செவ்வி கொடுக்கும் போது எந்த தடுமாற்றமும் இல்லாமல் தமிழில் உரையாடும் அந்த பெண்மணிக்கு வாழ்த்துக்கள்,

வன்னி தமிழ் ...மட்டக்கிளப்பு தமிழ் எல்லாம் எப்ப கதைப்பா அதையும் போடுங்கோ அண்ணே ..

 

 

நாங்கள் தமிழர்கள். எங்கள் இனத்திலுள்ள தவறுகளை யாராவது சுட்டிக்காட்டினால் அதில் கவனமெடுத்து தவறுகளைத் திருத்திக்கொள்ள முயல்வதை விடுத்து மேலும் அவர்களுக்குத் தெரியாதிருக்கும் எங்களின் தவறுகளையும் தெரிவிக்கும் ஒரு பழக்கத்தையும் பழகி வந்துள்ளோம் வருகிறோம்.

தமிழ்மொழி கற்றுக்கொண்ட அந்தத் தாய்க்கும், எங்களை அறிந்தோ! அறியாமலோ! எங்கள் பழக்கங்களை ஊட்டிவிட்டுள்ளோம். அந்தத் தாய் எங்கள் எதிர்மறையான பக்கங்களையே அதிகமாகப் பார்ப்பதற்கு வைத்துள்ளமை நன்றாகவவே தெரிகிறது. தமிழர்கள் இங்குவந்து தமிழில் பேச கூச்சமோ! வெட்கமோ! அடைந்திருந்தால் அவரால் எப்படித் தமிழைக் கற்றுக்கொண்டிருக்க முடியும்?. அவர் தமிழைக் கல்லூரியில், தமிழ் ஆசான்களிடம் பயிலவில்லை. அவரே சொல்கிறார்; தனது 12 வயதில் "தமிழ்ப் பிள்ளைகளுடன் பழகியதால் நான் தமிழறிந்தேன்" என்று.

தமிழர்களிடமுள்ள நேர்மறைகளை நாங்கள் எண்ணுவதற்கும், பேசுவதற்கும், எழுதுவதற்கும் பழகிக்கொண்டால் தமிழனையும் உலகம் மதிக்கும்.