கள உறவு உடையாரின் மகன் இன்று தனது ஆறாவது பிறந்தநாளைக் கொண்டாடுகிறார். அந்தக் குழந்தையை நேசக்கரம் சார்பாகவும் எனது குடும்பம் சார்பாகவும் இதயம் நிறைந்த வாழ்த்துக்களைத் தெரிவித்துக் கொள்ளுகிறேன்.

உடையாரின் மகனின் பிறந்தநாளை இங்கு தெரிவிப்பதன் நோக்கம் தனது மகனின் பிறந்தநாளில் ஒரு குடும்பத்திற்கு சுயதொழிலொன்றிற்கு விளக்கேற்றி தங்கள் உதவியை வழங்கியிருக்கிறார்கள். உடையாரின் உதவியைப் பெற்றுள்ள குடும்பம் ஒரு ஊனமுற்ற முன்னாள் போராளியும் அவனது நோயுற்ற மனைவியும் 3 குழந்தைகளும்.

சிறுவயதிலிருந்தே மனிதர்களை நேசிக்கவும் வாழ வழியற்றவர்களுக்கு உதவும் மனப்பாங்கை வளர்க்க உடையார் தனது மகனுக்கு நமது நாடு பற்றிச் சொல்லி வளர்க்கிறார். அந்த நல்ல மனப்பாங்கை இவ்வழி எல்லோரும் வாழ்த்தும்படி குழந்தை வாழ வாழ்த்துக்கள்.

உடையாரின் மகனிற்கு இனிய பிறந்த தினம்

பிள்ளையின் பிறந்த தினத்துக்கு மிகச் சிறந்த ஒரு உதவியை நல்கிய உடையாருக்கும் அவர் குடும்பத்துக்கும் அன்பான பாராட்டுகள். எனக்கும் மற்ற பலருக்கும் இது ஒரு முன்னுதாரணமாக இருக்கப் போகின்றது

உயர்ந்துநிற்கும் உடையார் குடும்பம், உங்கள் வழி நாம் தொடர்வோம்.

சிறுவயதிலிருந்தே மனிதர்களை நேசிக்கவும் வாழ வழியற்றவர்களுக்கு உதவும் மனப்பாங்கை வளர்க்க உடையார் தனது மகனுக்கு நமது நாடு பற்றிச் சொல்லி வளர்க்கிறார். அந்த நல்ல மனப்பாங்கை இவ்வழி எல்லோரும் வாழ்த்தும்படி குழந்தை வாழ வாழ்த்துக்கள்.

இதன் மூலம் அடுத்த புலம்பெயர் தலைமுறை தாயகத்திற்கு பலமாக இருக்கும்!!

உடையாரின் மகனிற்கு இனிய பிறந்த தின வாழ்த்துக்கள்.

இன்றைய நன்னாளில் ஒரு குடும்பத்தின் வாழ்விற்கு உதவியதற்கு நன்றிகளும் பாராட்டுக்களும்.

எல்லாம் வல்ல இறைவன் மகனை ஆசீர்வதித்துக் காக்கட்டும்.

உடையாரின் குழந்தைக்கு இனிய பிறந்த நாள் வாழ்த்துக்களை தெரிவித்துக் கொள்கிறேன்.அந்தக் குழந்தை பல கலைகளும் கற்று நீடுழி வாழ வேண்டும்.அதே நேரம் இந்தப் பெற்ரோரைப் போல் ஒவ்வொரு பெற்றோரும் தங்களால் முடிந்த உதவியை தாயகத்தில் உள்ள உறவுகளுக்கு செய்வதற்கு முன்வரவேண்டும் என்பது எனது அவா.நன்றி.

உடையாரின் மகனுக்கு பிறந்தநாள் நல்வாழ்த்துக்கள்....! உங்களைப் போல் ஒவ்வொரு பெற்றோரும் இருந்தால் எம்மக்களின் வாழ்வை வளமாக்கலாம். ஒவ்வொரு பெற்றோரும் தங்கள் பிள்ளைகளின் பிறந்ததின கொண்டாட்டத்திற்கு செலவழிக்கும் பணத்தில் ஒரு தொகையை இவ்வாறு தாயக மக்களுக்கு உதவ முன்வரவேண்டும். நன்றிகள் உடையார்.

வணக்கம் உடையார்

முதலில் உங்கள் மகனுக்கு பிறந்தநாள் வாழ்த்துக்கள்.

அடுத்து

சும்மா சொல்லக் கூடாது நெஞ்சை நக்கீட்டீங்க போங்க.

ரொம்ப பெருமையாக இருக்கு.

பலரும் உடையாரைப் பின் பற்ற வேண்டும்

மகனின், 6 வது பிறந்த நாளுக்கு ஒரு குடும்பத்திற்கு உதவியதன் மூலம் உடையார் உயர்ந்து நிற்கிறார்.

மண்டபம் எடுத்து, சும்மா... ஊரிலை உள்ள விசர் சனங்களை கூப்பிட்டு, கேக் வெட்டுவதை விட.. இது எவ்வளவோ மேல்.

உடையாரின் ம கனுக்கு என் பிறந்த நாள்வாழ்த்துக்கள்.

உடையாரின் செயல் மற்றவர்களுக்கு முன்னோடியாக (வழிகாட்டியாக )அமையட்டும். பாராட்டுக்கள் உடையார் .

வாழ்க வளமுடன் உடையார் மகன் :) . வார்த்தையில்லை உடையாருக்கு.

உடையார் கடந்தமாதம் தங்களது திருமணநாள் நிறைவாகவும் இருகால்களையும் இழந்த ஒரு முன்னாள் பெண் போராளிக்கும் உதவியிருந்தார். ஆனால் தனது பங்களிப்பினை யாழில் போட வேண்டாம் தனக்கு கோவிலில் போய் கொண்டாடுவதையும் விட ஒரு குடும்பம் மனதால் வாழ்த்தினால் போதுமென உதவியிருந்தார்.

உடையார் மன்னித்துக் கொள்ளுங்கள். உங்கள் அனுமதியின்றி தெரிவித்தமைக்கு. வெளியில் தெரியப்படுத்தாமல் உங்கள் உதவி செல்ல வேண்டுமென நினைத்து நீங்கள் செய்கிற உதவிகள் மற்றவர்களுக்கும் உதாரணமாக இருக்கட்டுமென்றே யாழில் போட்டுள்ளேன்.

கடந்த 2வருடமாக பல்கலைக்கழக மாணவர் ஒருவருக்கும் 2உயர்தரம் கற்கும் மாணவிகளுக்கும் கல்வியை வழங்கியிருந்தார். இவ்வருடம் இரண்டு நெஞ்சின் கீழ் உணர்வற்ற முன்னாள் போராளிகள் இருவருக்கு மாதாந்த உதவியை வழங்கி வருகிறார். அத்தோடு திருமணநாள், பிள்ளையின் பிறந்தநாளிற்கு செலவாகும் பணத்தை வாழ வழியற்றிருந்த இரண்டு குடும்பத்திற்கு வழங்கியுள்ளார்.

கடந்த 2மாதங்களாக மேலதிகமா வேலைசெய்தே இந்த உதவிகளை வழங்கிவருகிறார். எத்தனையோ விமர்சனங்கள் சேறடிப்புகள் நடுவில் நேசக்கரமும் மண்ணாங்கட்டியுமென்று பலதரம் வெறுத்த நேரங்களில் உடையாரின் மின்னஞ்சல்களும் உதவியும் உடையார் போன்று முகம் அறியாத பலரே திரும்பவும் நேசக்கரத்தை போட்டுவிட்டு ஒளிக்காமல் உயிர்க்க வைத்துக் கொண்டிருக்கிறது.

உடையார் உங்கள் பணிகளுக்கு ஆதரவு தருகிற உங்கள் துணைவிக்கும் உங்கள் பிள்ளைகளுக்கும் மிக்க நன்றிகள்.

Edited October 17, 201114 yr by shanthy

நீங்கள் நல்லாயிருக்கவேண்டும்...இது கண்ணீருடன் வாழ்த்தும் உதவி பெற்ற அந்தக்குடும்பங்களின் வாழ்த்து உடையார் அண்ணா....

உங்கள் மகனுக்கு எனது உளங்கனிந்த பிறந்த நாள் வாழ்த்துக்கள்...இது நாட்டைவிட்டு ஓடி வந்த எனது வாழ்த்துக்கள் அண்ணா...

முன்னைய வாழ்த்துக்குப் பெறுமதிகள் இல்லை...

இனிய பிறந்த நாள் வாழ்த்துக்கள் !

உடையாரின் குழந்தைக்கு இனிய பிறந்த நாள் வாழ்த்துக்களை தெரிவித்துக்கொள்வதோடு..... உடையார் குடும்பம் சிறப்புடன் வாழ வாழ்த்துகிறோம்.

உடையாரின் மகனிற்கு இனிய பிறந்த தின வாழ்த்துக்கள்.

உங்கள் எழுத்துக்களில் விளையாடும் ' மனிதம்'. உங்கள் செயல்களிலும் விளையாடுகின்றது!

ஆயிரம் கோவில்கள் அமைப்பதில் பார்க்க, ஆங்கோர் ஏழைக்கு வாழ்வு கொடுத்தல் என்பதையே மனிதம்' என நான் குறிப்பிடுவது!

தாங்களும், தங்கள் குழந்தைகளும் நீடுழி வாழ வாழ்த்துகின்றேன்!

உடையாரின் மகனுக்கு எமது இனிய பிறந்தநாள் வாழ்த்துக்கள்..!

உடையார் ஆயிரம் டொலர்கள் உதவியிருந்ததை நேசக்கர அறிக்கையில் பார்த்தேன்..! பற்பல உதவிகளை மேற்கொண்டு வரும் உடையார் நீங்கள் மிக உயர்ந்த மனிதன்..!!

உடையார் உங்கள் மகன் சீரோடும் சிறப்போடும் வாழவேண்டும். ஒருவர் மனதார நல்லாயிருக்கவேண்டும் என்கிற வாழ்த்தே வாழ்ககையில் போதுமானது. தாய் தந்தையர் செய்கின்ற பாவ புண்ணியங்கள் தான் பிள்ளைகளை சேரும் என்று ஊரில் சொல்வார்கள். எனது இளவாயது காலத்தில் பலதடைவைகள் அருந்தப்பில் உயிர் தப்பியிருக்கிறேன். இன்று நினைத்துப் பார்க்கும் போது ஆச்சரியமாக இருக்கிறது. அம்மா அப்பா செய்த புண்ணியம்தான் என்னை வாழவைத்திருக்கின்றது என நினைத்துக்கொள்வேன். அதே போல நீங்கள் செய்கின்ற புண்ணிய காரியங்கள் நிச்சயம் உங்கள் பிள்ளைகளை வாழவைக்கும்.

Edited October 17, 201114 yr by sathiri

உடையாரின் மகனிற்கு இனிய பிறந்த நாள் வாழ்த்துக்கள்.உங்கள் குடும்பம் நீடூழி வாழ வாழ்த்துகிறேன்.

உடையாரின் மகனிற்கு இனிய பிறந்த நாள் வாழ்த்துகள்

உடையாரின் மகனிற்கு வாழ்த்துகள். உடையார் குடுமபம் நல்லாய் இருக்க எனது இறைவனை வேண்டிக்கொள்கிறேன். ஊரார் பிள்ளையை ஊட்டி வளர்த்தால் தன் பிள்ளை தானே வளரும் என்று வாழ்கிறார் உடையார்.

உடையார் அவையடக்கமாக இவற்றை ஒழித்து வைத்திருந்தார். ஆனாலும் நீங்கள் எங்களுடன் பகிர்ந்ததிற்கு உங்களுக்கும் நன்றி சாந்தி அக்கா.

சிறுவயதிலிருந்தே மனிதர்களை நேசிக்கவும் வாழ வழியற்றவர்களுக்கு உதவும் மனப்பாங்கை வளர்க்க உடையார் தனது மகனுக்கு நமது நாடு பற்றிச் சொல்லி வளர்க்கிறார்.

புலிக்கு பிறந்தது பூனையாகுமா? கற்றுக்கொடுக்காமல் இந்த மீன் குஞ்சு நீந்தும் என்று நான் கரன்ரி பண்ணுகிறேன்.

வாழ்க உடையார் குடும்பம்.

Edited October 17, 201114 yr by மல்லையூரான்

உடையாரின் மகனுக்கு என் இனிய பிறந்தநாள் வாழ்த்துக்கள்.

திரியை ஆரம்பித்த சாந்தி அக்கா, மற்றும் வாழ்த்து தெரிவித்த நிழலி, அகூதா, தப்பிலி, யாயினி, தமிழினி, ஈழபிரியன், தமிழ் சிறி, நிலாமதி அக்கா, கோமகன், சுபேஸ், இணையவன், கறுப்பி, சிறி, புங்கையூரன், இசைக்கலைஞன், சாத்திரியண்ணா, நுணாவிலன், வாத்தியார், மல்லையூரான் & குமாரசாமி அனைத்து உறவுகளுக்கும் எனதும் என் குடும்பத்தினதும் நன்றிகள். மனதை நெகிழ வைத்துவிட்டீர்கள் அனைத்து உறவுகளும்.

மகனிற்கு அறியும் வயதல்ல உதவுவதை பற்றி என்றாலும் அவன் விளங்க கூடிய வகையில் விளங்கப்படுத்துவேன், அவனிற்கும் மற்ற நண்பர்களை போல் கொண்டாட வேண்டும் என்று ஆசை இருக்கும், அதனால் ஞாயிறு அவனின் பிறந்த நாளை அவனின் & குடும்ப நண்பர்களுடன் கொண்டாடினோம்.

நன்றிகள் மீண்டும் வாழ்த்திய அனைத்து உறவுகளிற்கும்

Edited October 17, 201114 yr by உடையார்

உடையார் உங்களுடைய மகனுக்கு பிறந்தநாள் வாழ்த்துக்கள் உரித்தாகட்டும்.

மகனிற்கு அறியும் வயதல்ல உதவுவதை பற்றி என்றாலும் அவன் விளங்க கூடிய வகையில் விளங்கப்படுத்துவேன், அவனிற்கும் மற்ற நண்பர்களை போல் கொண்டாட வேண்டும் என்று ஆசை இருக்கும், அதனால் ஞாயிறு அவனின் பிறந்த நாளை அவனின் & குடும்ப நண்பர்களுடன் கொண்டாடினோம்.

உடையார்,

இன்று இதைப் பற்றி மனைவியுடன் ஆலோசிக்கும் போது பிள்ளைகளுக்கு பிறந்த தினம் கொண்டாடுவதில் இருக்கும் ஆவலை முக்கிய விடயமாக பார்த்தோம். அவர்களுக்கு விளங்க வைக்க முன் அவர்கள் சார்பாக செய்வது சரியல்ல கண்டு அவர்களுக்கு நாமே முன்னுதாரணமாக இருப்போம் என முடிவெடுத்துள்ளோம். இனிவரும் காலங்களில் எனது மனைவியினது பிறந்த தினங்களை நீங்கள் செய்தது போன்று செய்தால் அதைப் பார்த்து வளரும் பிள்ளைகளுக்கு அதே உதாரணமாகி பின் விளங்கப்டுத்துவது இலகுவாக இருக்கும் என்று நம்புகின்றோம்.

நீங்கள் செய்த நல்ல விடயம் ஒன்று பலருக்கு உதவுகின்றது

நன்றி