அறிவித்தல்: யாழ் இணையம் 25 ஆவது அகவையில் - கள உறுப்பினர்களின் சுய ஆக்கங்கள்

நியானி · February 5, 2023

அன்பார்ந்த யாழ் இணைய உறவுகளுக்கு,

எதிர்வரும் 30.03.2023 அன்று யாழ் இணையம் 24 அகவைகளைப் பூர்த்திசெய்து தனது 25 ஆவது அகவைக்குள் காலடி எடுத்து வைக்கின்றது. 1999ம் ஆண்டு மார்ச் மாதம் 30ம் நாள் மென்பொருள் சிற்பி மோகன் அவர்களால் தொடங்கப்பட்ட யாழ் இணையம், பல்வேறு சவால்களையும் தாண்டி, தொழில்நுட்ப வளர்ச்சியின் வேகமான மாற்றங்களுக்கும், சமூக வலைத்தளங்களின் துரித வளர்ச்சிக்கும் ஈடுகொடுத்து இன்றும் தன்நிகரற்ற தமிழ் இணையத்தளமாய் இருக்கின்றது.

யாழ் இணையத்தின் ஸ்தாபகர் மோகன் அவர்கள் கடந்த வருட நடுப்பகுதியில் யாழ் இணைய நிர்வாகத்தில் இருந்து முழுமையாக விலகியுள்ளார். எனினும் யாழ் கள உறுப்பினர்களின் வேண்டுகோளுக்கு அமைய, பல தொழில்நுட்பச் சவால்களுக்கு மத்தியிலும் பிற நிர்வாக உறுப்பினர்களால் யாழ் இணையம் தொடர்ந்தும் இயங்கவைக்கப்படுகின்றது.

யாழ் இணையம் 25 ஆவது அகவையில் காலடி எடுத்து வைக்கும் நாளினைச் சிறப்பிக்கும் முகமாக இம்முறையும் கள உறுப்பினர்களின் சுயமான ஆக்கங்களைக் கோருகின்றோம்.

சுய ஆக்கங்கள் கவிதை, கதை, அனுபவங்கள், மொழியாக்கம், பத்திகள், அறிவியல் கட்டுரைகள், ஆய்வுகள் போன்று எந்த வடிவிலும் அமையலாம். கலை வெளிப்பாடுகளைக் கொண்ட ஒளிப்படமாகவோ, ஓவியமாகவோ, காணொளியாகவோ கூட இருக்கலாம்.

சுய ஆக்கங்கள் உறுப்பினர்கள் விரும்பும் எத்தகைய கருப்பொருள்களிலும் அமையலாம். எனினும், யாழ் கருத்துக்களத்தினூடாகப் பெற்ற அனுபவங்கள் சிந்தனையிலும், வாழ்விலும் ஏற்படுத்திய மாற்றங்கள் பற்றிய ஆக்கங்களும் விரும்ப்பப்படுகின்றது.

இச் சுய ஆக்கங்கள் முகநூல் நிலைத்தகவல், டுவிட்டர் குறுஞ்செய்தி போன்று மிகவும் குறுகியதாக அமையாமல் இருத்தல் வேண்டும். மேலும், இச் சுய ஆக்கங்களில் யாழ் களம் 25 ஆவது அகவையில் காலடி வைப்பதற்கான வாழ்த்து விடயங்களை தவிர்ப்பது நல்லது.

எமது நோக்கம் அனைத்து கள உறவுகளையும் அவரவர் திறமைகளுக்கேற்ப சுயமான ஆக்கங்களைப் படைப்பதற்கான வெளியை யாழ் கருத்துக்களத்தில் வழங்குவதேயாகும். இதன் மூலம் அனைத்து கள உறவுகளும் தேங்கிப்போயுள்ள தமது படைப்புத் திறனை வெளிக்காட்டுவார்கள் என்று நம்புகின்றோம். எனவே அனைவரையும் உற்சாகத்துடன் பங்குகொள்ளுமாறு கோருகின்றோம்.

யாழ் களம் 25 ஆவது அகவைக்குள் காலடி வைப்பதை முன்னிட்டு யாழ் கள உறவுகளின் சுய ஆக்கங்களுக்கான சிறப்புப் பக்கம் வெகுவிரைவில் தயாராகும். கள உறவுகள் சுய ஆக்கங்களைத் தயார்படுத்தவும், மெருகேற்றவும் எட்டு வார காலம்தான் இருக்கின்றது. நாட்கள் விரைந்து ஓடிவிடும் என்பதால், காலந்தாழ்த்தாது சுய ஆக்கங்களைத் தயார்படுத்த இப்போதே ஆயத்தமாகுங்கள்.

விதிமுறைகள்:

யாழ் கள உறுப்பினர்கள் மட்டுமே ஆக்கங்களை படைக்கலாம். உறுப்பினர்கள் அல்லாதவர்கள் உறுப்பினர்களாக இணைந்து ஆக்கங்களை இணைத்துக் கொள்ளலாம்.
ஆக்கங்கள் கள உறுப்பினர்களின் சுயமான ஆக்கங்களாக இருக்கவேண்டும்.
கருப்பொருள் எதுவாகவும் இருக்கலாம் (வாழ்த்துக்களைத் தவிர்த்து). எனினும் ஆக்கங்களின் உள்ளடக்கத்திற்கு உறுப்பினர்களே முழுப் பொறுப்பும் ஏற்க வேண்டும்.
கள உறுப்பினர் ஒருவர் ஒன்றுக்கு மேற்பட்ட ஆக்கங்களைப் படைக்கலாம்.
கள உறுப்பினர் ஒருவர் ஒன்றுக்கு மேற்பட்ட வகைமைகளில் ஆக்கங்களைப் படைக்கலாம்.
ஆக்கங்கள் இதற்கு முன் வேறெங்கும் பிரசுரம் ஆகாததாக இருக்கவேண்டும்.
ஆக்கங்கள் யாழ் கள விதிகளை மீறாத வகையில் அமையவேண்டும்.

"நாமார்க்கும் குடியல்லோம்"

நன்றி

யாழ் இணைய நிர்வாகம்

நியானி · February 5, 2023

வணக்கம்,

யாழ் 25 அகவை - சுய ஆக்கங்கள் சிறப்புப் பகுதி திறக்கப்பட்டுள்ளது. கடந்த வருடங்கள் போன்று சுய ஆக்கங்களைப் பதிந்து யாழ் அகவை 25 இனை சிறப்பிக்குமாறு சகல கள உறுப்பினர்களையும் கேட்டுக்கொள்கின்றோம்.

நன்றி

ராசவன்னியன் · February 5, 2023

கடந்த வருடம் போன்று உறவுகள் கம்முன்னு இருக்காமல், வத்தலோ.. தொத்தலோ.. முத்தலோ.. சுய படைப்புகளை வாசித்து ஊக்கப்படுத்த வேண்டிக் கொல்(ள்)கிறேன்..! 😜🤝

goshan_che · February 7, 2023

எனது சுய ஆக்கத்தை காணவில்லை. ஏன்?

நியானி · March 1, 2023

வணக்கம்,

யாழ் 25 அகவை - சுய ஆக்கங்கள் சிறப்புப் பகுதியில் பல யாழ் கள உறுப்பினர்கள் தமது சுய ஆக்கங்களைப் பதிந்து சிறப்பித்து வருகின்றனர். அவர்களுக்கு எமது நன்றிகள் உரித்தாகுக. கடந்த வருடங்களைப் போன்று இவ்வருடமும் அதிகமான சுய ஆக்கங்களைப் பதிந்து சிறப்பிக்குமாறு சகல கள உறுப்பினர்களையும் கேட்டுக்கொள்கின்றோம்.

இதுவரை "யாழ் 25 அகவை - சுய ஆக்கங்கள்" பகுதியில் பின்வரும் ஆக்கங்கள் இணைக்கப்பட்டுள்ளன.

குறிப்பு: பட்டியல் இணைக்கப்பட்ட திகதிவாரியில் உள்ளது.

குறிப்பு: இச்சிறப்புச் சுய ஆக்கங்களுக்கான முடிவுத் திகதி 15 ஏப்ரலுடன் நிறைவுபெறும்.

இப்பட்டியலில் தவறவிடப்பட்ட சுய ஆக்கங்களை அறியத்தந்தால், அவற்றினை "யாழ் 25 அகவை - சுய ஆக்கங்கள்" பகுதிக்கு நகர்த்த உதவியாக இருக்கும்.

சக கள உறுப்பினர்கள், பதியப்பட்ட ஆக்கங்களுக்கான கருத்துக்களைப் பதிந்தும், விருப்பப் புள்ளிகளை இட்டும் சுய ஆக்கங்களை வரவேற்குமாறு வேண்டுகின்றோம்.

நன்றி

நியாயம் · March 16, 2023

மூத்த தமிழ் இணையம் 25 வருட காலங்கள் என்பது முக்கியமான மைக்கல் ஆகும்

இந்தமுறை ஆகக்குறைந்தது 25 வெவ்வேறு கருத்துக்கள உறவுகள் சுய ஆக்கங்களை பதிப்பித்தால் சிறப்பு. 🤗

நான் ஒவ்வோர் ஆக்கத்திற்கும் எனது பின்னூட்டங்களை வழங்குகின்றேன் என்னால் முடியுமான சிறு ஊக்குவிப்பு.

ஜஸ்டின் ஐயா அவர்களின் ஆக்கம் மட்டும் மிக நீண்டதாகவும், கனதியாகவும் உள்ளதால் முழுமையாக வாசித்து விளங்காமல் பதிவிடக்கூடாது என்பதால் தவிர்த்து உள்ளேன். மிகுதி ஒவ்வொன்றாக பார்க்கின்றேன்.

சுவாரசியமானதும், சிந்தனையை தூண்டுபவையுமான ஆக்கங்கள். நன்றி எல்லோருக்கும்! 🙏

யாழ் முகப்பில் சுய ஆக்கங்களை இன்னும் காணவில்லையே ஏன்?

தமிழ் சிறி · March 16, 2023

6 hours ago, நியாயத்தை கதைப்போம் said:

மூத்த தமிழ் இணையம் 25 வருட காலங்கள் என்பது முக்கியமான மைக்கல் ஆகும்

இந்தமுறை ஆகக்குறைந்தது 25 வெவ்வேறு கருத்துக்கள உறவுகள் சுய ஆக்கங்களை பதிப்பித்தால் சிறப்பு. 🤗

நான் ஒவ்வோர் ஆக்கத்திற்கும் எனது பின்னூட்டங்களை வழங்குகின்றேன் என்னால் முடியுமான சிறு ஊக்குவிப்பு.

ஜஸ்டின் ஐயா அவர்களின் ஆக்கம் மட்டும் மிக நீண்டதாகவும், கனதியாகவும் உள்ளதால் முழுமையாக வாசித்து விளங்காமல் பதிவிடக்கூடாது என்பதால் தவிர்த்து உள்ளேன். மிகுதி ஒவ்வொன்றாக பார்க்கின்றேன்.

சுவாரசியமானதும், சிந்தனையை தூண்டுபவையுமான ஆக்கங்கள். நன்றி எல்லோருக்கும்! 🙏

யாழ் முகப்பில் சுய ஆக்கங்களை இன்னும் காணவில்லையே ஏன்?

25’வது ஆண்டில் காலடி எடுத்து வைக்கும் யாழ். களத்திற்கு அழகான முகப்பை தயாரித்தவர்களுக்கு நன்றி.

உண்மையிலேயே… அதீத அழகுடனும், கற்பனை வளத்துடனும் தயாரித்த முகப்பு அது.
பார்த்து மிகவும் ரசித்தேன். 🥰

suvy · March 16, 2023

6 hours ago, நியாயத்தை கதைப்போம் said:

மூத்த தமிழ் இணையம் 25 வருட காலங்கள் என்பது முக்கியமான மைக்கல் ஆகும்

இந்தமுறை ஆகக்குறைந்தது 25 வெவ்வேறு கருத்துக்கள உறவுகள் சுய ஆக்கங்களை பதிப்பித்தால் சிறப்பு. 🤗

நான் ஒவ்வோர் ஆக்கத்திற்கும் எனது பின்னூட்டங்களை வழங்குகின்றேன் என்னால் முடியுமான சிறு ஊக்குவிப்பு.

ஜஸ்டின் ஐயா அவர்களின் ஆக்கம் மட்டும் மிக நீண்டதாகவும், கனதியாகவும் உள்ளதால் முழுமையாக வாசித்து விளங்காமல் பதிவிடக்கூடாது என்பதால் தவிர்த்து உள்ளேன். மிகுதி ஒவ்வொன்றாக பார்க்கின்றேன்.

சுவாரசியமானதும், சிந்தனையை தூண்டுபவையுமான ஆக்கங்கள். நன்றி எல்லோருக்கும்! 🙏

யாழ் முகப்பில் சுய ஆக்கங்களை இன்னும் காணவில்லையே ஏன்?

ஓம்.......குறைந்தது 25 ஆவது வந்தால் சிறப்பாக இருக்கும்.......! 😁

யாழ் முகப்பு சும்மா அள்ளியெறியுது ......... சூப்பர் ..........! 👍

நிலாமதி · March 16, 2023

யாழ் களத்தின் இன்றைய அழகான தோற்றம் பார்க்க மகிழ்ச்சியாக இருக்கிறது. வண்ணங்களின் கலவை வடிவமைப்பு செய்தவர்களுக்கு என் பாராட்டுக்களும் நன்றியும்.

Justin · March 16, 2023

முகப்புத் தோற்றம் புத்துணர்வாக இருக்கிறது. நன்றிகள்!

பி.கு: அதிகம் "நலமோடு நாம் வாழ" பகுதியில் கட்டுரைகள் இணைக்கும் ஏராளன், அந்தப் பகுதியை முகப்பில் தெரியக் கூடியவாறு செய்ய முடியுமாவென சில மாதங்கள் முன்பு கேட்டிருந்தார். இன்னும் நடக்கவில்லையென நினைக்கிறேன்.

இணையவன் · March 16, 2023

அனைவருக்கும் நன்றி.

'நலமோடு நாம் வாழ' பகுதியும் சேர்க்கப்பட்டுள்ளது.

ஈழப்பிரியன் · March 16, 2023

முகப்பைப் பார்க்க சந்தோசமாக இருந்தாலும்

மோகன் எங்களுடன் இல்லாதது ஏதோ வெறுமையாக உள்ளது.

ஏராளன் · March 16, 2023

1 hour ago, Justin said:

முகப்புத் தோற்றம் புத்துணர்வாக இருக்கிறது. நன்றிகள்!

பி.கு: அதிகம் "நலமோடு நாம் வாழ" பகுதியில் கட்டுரைகள் இணைக்கும் ஏராளன், அந்தப் பகுதியை முகப்பில் தெரியக் கூடியவாறு செய்ய முடியுமாவென சில மாதங்கள் முன்பு கேட்டிருந்தார். இன்னும் நடக்கவில்லையென நினைக்கிறேன்.

ஜஸ்ரின் அண்ணை ஞாபகம் வைத்துள்ளீர்கள், நன்றி.

1 hour ago, இணையவன் said:

அனைவருக்கும் நன்றி.

'நலமோடு நாம் வாழ' பகுதியும் சேர்க்கப்பட்டுள்ளது.

நன்றி இணையவன் அண்ணை.

5 minutes ago, ஈழப்பிரியன் said:

முகப்பைப் பார்க்க சந்தோசமாக இருந்தாலும்

மோகன் எங்களுடன் இல்லாதது ஏதோ வெறுமையாக உள்ளது.

முகப்பு நன்றாக உள்ளது.
மோகன் அண்ணாவும் வாசிப்பார் என நம்புகிறேன். அவரும் கருத்தாடினால் மகிழ்ச்சி.

நியாயம் · March 16, 2023

முகப்பு அழகாக உள்ளது. ஆனால், சுய ஆக்கங்களுக்குரிய தொடுப்பு தொழிற்படவில்லையே.

கிருபன் · March 16, 2023

44 minutes ago, நியாயத்தை கதைப்போம் said:

சுய ஆக்கங்களுக்குரிய தொடுப்பு தொழிற்படவில்லையே.

எனக்கு வேலை செய்கின்றதே

nilmini · March 16, 2023

11 hours ago, தமிழ் சிறி said:

25’வது ஆண்டில் காலடி எடுத்து வைக்கும் யாழ். களத்திற்கு அழகான முகப்பை தயாரித்தவர்களுக்கு நன்றி.

உண்மையிலேயே… அதீத அழகுடனும், கற்பனை வளத்துடனும் தயாரித்த முகப்பு அது.
பார்த்து மிகவும் ரசித்தேன். 🥰

மிகவும் அழகான முகப்பு. நானும் ரசித்தேன்.

குமாரசாமி · March 16, 2023

யாழ்களத்தின் 25வது ஆண்டு நிறைவு முகப்பு பளிச்சென்ற அழகு.
அதை தயாரித்தவர்களுக்கும் யாழ்கள நிர்வாகத்தினர்க்கும் வாழ்த்துகளும் நன்றிகளும் உரித்தாகட்டும்.

3.6k · March 16, 2023

14 hours ago, தமிழ் சிறி said:

உண்மையிலேயே… அதீத அழகுடனும், கற்பனை வளத்துடனும் தயாரித்த முகப்பு அது.
பார்த்து மிகவும் ரசித்தேன். 🥰

உண்மை. பளிச் என்று கவரக் கூடியதாக உள்ளது.

நியாயம் · March 17, 2023

5 hours ago, கிருபன் said:

எனக்கு வேலை செய்கின்றதே

எனக்கும் இப்போது வேலை செய்கின்றது.

தமிழ் சிறி · March 17, 2023

20 hours ago, suvy said:

ஓம்.......குறைந்தது 25 ஆவது வந்தால் சிறப்பாக இருக்கும்.......! 😁

யாழ் முகப்பு சும்மா அள்ளியெறியுது ......... சூப்பர் ..........! 👍

15 hours ago, நிலாமதி said:

யாழ் களத்தின் இன்றைய அழகான தோற்றம் பார்க்க மகிழ்ச்சியாக இருக்கிறது. வண்ணங்களின் கலவை வடிவமைப்பு செய்தவர்களுக்கு என் பாராட்டுக்களும் நன்றியும்.

13 hours ago, ஈழப்பிரியன் said:

முகப்பைப் பார்க்க சந்தோசமாக இருந்தாலும்

மோகன் எங்களுடன் இல்லாதது ஏதோ வெறுமையாக உள்ளது.

13 hours ago, ஏராளன் said:

முகப்பு நன்றாக உள்ளது.
மோகன் அண்ணாவும் வாசிப்பார் என நம்புகிறேன். அவரும் கருத்தாடினால் மகிழ்ச்சி.

11 hours ago, நியாயத்தை கதைப்போம் said:

முகப்பு அழகாக உள்ளது. ஆனால், சுய ஆக்கங்களுக்குரிய தொடுப்பு தொழிற்படவில்லையே.

9 hours ago, nilmini said:

மிகவும் அழகான முகப்பு. நானும் ரசித்தேன்.

9 hours ago, குமாரசாமி said:

யாழ்களத்தின் 25வது ஆண்டு நிறைவு முகப்பு பளிச்சென்ற அழகு.
அதை தயாரித்தவர்களுக்கும் யாழ்கள நிர்வாகத்தினர்க்கும் வாழ்த்துகளும் நன்றிகளும் உரித்தாகட்டும்.

பலரையும்... புதிய யாழ் முகப்பு கவர்ந்துள்ளதற்கான காரணம் என்னவெனில்
அதன் கண்ணை உறுத்தாத வண்ணத் தேர்வும்,
அந்த சதுர பெட்டியில் வலது பக்கம் கடுமையான நிறமும்,
இடது பக்கம் உள்ள மெல்லிய நிறமும்...
யாழ்கள உறவுகள்... அவுஸ்திரேலியா தொடக்கம், அமெரிக்கா வரை
எந்த நாட்டில் இரவு, பகலாக இருந்தாலும்...
24 மணித்தியாலமும் இயங்கிக் கொண்டு இருக்கின்றது என்பதை சொல்லாமல் சொல்கின்றது.

அந்த 25´ல் உள்ள எண்களை, யாழ். என்னும் இசைக்கருவி போல் வடிவமைத்து
அதில்... தேவையான அளவுடன் வெள்ளி, தங்க நிறங்களில்... மெரு கூட்டியமை இன்னும் சிறப்பாக இருந்தது. 👍 🥰

Edited March 17, 2023 by தமிழ் சிறி

நிலாமதி · March 17, 2023

யாழ் களத்தின் அழகிய முகப்பின் வடிவமைப்பை செய்த கற்பனை வடிவை செயலாக்கிய அந்த பொற் கரங்களுக்கு சொந்தக் காரர்( கள்) யார் என அறிய மிகவும் ஆவல்

இணையவன் · March 17, 2023

11 minutes ago, நிலாமதி said:

யாழ் களத்தின் அழகிய முகப்பின் வடிவமைப்பை செய்த கற்பனை வடிவை செயலாக்கிய அந்த பொற் கரங்களுக்கு சொந்தக் காரர்( கள்) யார் என அறிய மிகவும் ஆவல்

கருத்துக்களம் எப்படி கள உறவுகளின் எழுத்துக்களால் கட்டியெழுப்பப்பட்டதோ அதேபோலதான் வடிவமைப்பும் காலத்துக்குக் காலம் நிர்வாக உறுப்பினர்களால் வடிவமைக்கப்படுகிறது. உரிமைகோர வேண்டியதில்லை 🙂.

ராசவன்னியன் · March 18, 2023

'கிராஃபிக்ஸ் வடிவமைப்பு' யாழுக்கு மெருகூட்டி கண்களை கவர்ந்திழுக்கிறது.

வடிவமைத்த கரங்கள் நிச்சயம் பாராட்டப்பட வேண்டியவை.

நிழலி · March 18, 2023

On 17/3/2023 at 11:18, இணையவன் said:

கருத்துக்களம் எப்படி கள உறவுகளின் எழுத்துக்களால் கட்டியெழுப்பப்பட்டதோ அதேபோலதான் வடிவமைப்பும் காலத்துக்குக் காலம் நிர்வாக உறுப்பினர்களால் வடிவமைக்கப்படுகிறது. உரிமைகோர வேண்டியதில்லை 🙂.

அவையடக்கம்!

விசுகு · March 18, 2023

14 minutes ago, நிழலி said:

அவையடக்கம்!

நான் அவரது மாணவன் ❤️

Sign In

அறிவித்தல்: யாழ் இணையம் 25 ஆவது அகவையில் - கள உறுப்பினர்களின் சுய ஆக்கங்கள்

Recommended Posts

காக்கா நரிக் கதை #I ain’t playin - ஒரு நிமிடக்கதை (goshan_che)

தையல்கடை. ( suvy)

விபத்து + 15 மாத விடுப்பு + இன்று மீண்டும் வேலை ஆரம்பம். -தமிழ் சிறி.- (தமிழ் சிறி)

மடகஸ்கார் பயண அனுபவம் ( nilmini)

எங்கே கனவுகள் தொலைந்து போனதா-பா.உதயன் (uthayakumar)

Join the conversation

Tell a friend

Similar Content

Topics

Posts

Our picks

Picked By

Picked By

Picked By

Picked By

Picked By

Important Information